2005 年 1 月 13 日 星期四 【晴】

好開心囉~~~~因為我放監喇~~~~~~
終於都考完！終於重見天日，
覆返d message，因為o個時有好多冇覆既message、電話，
琴日考o個科真係一開始打後兩個鐘分秒必爭咁抄到手軟！
我考完之後，呀發都話好似寫到抽筋咁呀！

考完之後就落左新蒲崗同柴、carol食野，間担担面都ok喎！
然後我同柴就走去周圍行，好想買下野呀，
行到朗豪坊，一來幫柴揀下帽，二來唔知點解想買野俾斌。
最後終於揀到頂帽俾佢喇，不過要幾日後先有得拎.....
而我自己? 反而真係揀唔到野喎...

原本斌話提早放同我一齊去食飯，
不過因公務纏身，早唔到走，噢，不過唔緊要啦，
工作緊要，就星期六啦~
so就同爸講返黎食，then佢就話打邊爐喇~
e，都好喎！最後我爸媽一齊打邊爐喇~

>>January 14, 2005 at 2:50:18 AM GMT+8

2005 年 1 月 10 日 星期一 【晴】

CARTER & TRACY，生日快樂~~~~~~




突然好想飛去澳洲同佢地一齊玩幾weeks呀~

>>January 12, 2005 at 1:43:21 AM GMT+8

2005 年 1 月 10 日 星期一 【晴】

to christy︰

佢工作叻、電腦叻，
其餘乜野生活上的智慧都係一個字---------------蠢！

ahhaha

>>January 11, 2005 at 7:19:03 AM GMT+8

2005 年 1 月 9 日 星期日 【晴】

howard頭先打俾我喎，
原本，佢手睜爆骨..........恐怖！
不過都好彩喇！
原來仲係學緊時發生意外！
太恐怖喇！

我奉勸所有人，渣電單車真係好危險，為你自己、家人、朋友著想，請勿駕駛電單車！

>>January 10, 2005 at 1:27:28 PM GMT+8

2005 年 1 月 9 日 星期日 【晴】

今日返工呀~

今日唔眼訓呀~
一早買左餐蛋治+檸檬茶返去食~
返到到，陸續有人問我點解星期六冇返??
有d我根本唔熟既人都咁問，我當堂呆一呆先答佢地︰我去左上戰場打仗！
今日howard冇返，到lunch聽佢地講下先知佢原來炒車﹖﹖﹖唔係化......
佢...琴日我返church時佢都仲打俾我問候我、問我做緊乜架喎......
咁究竟佢打俾我時係炒左定之後先炒﹖﹖........不過好彩應該輕傷....
唉，有係一個好例子喇！
電單車真係好危險......佢好似考左牌冇耐咋喎....
我仲記得佢考完車同我講，冇耐仲要考電單車.....
horrible，真係架，我真係好驚人渣電單車！
我一d都唔覺得型，我只覺得係搵命摶....
(聽唔聽到呀！逢進賓！又係一個好例子喇！你咁想考！係分手先好去考呀你！)
blessing all the drivers for always....

然後今日kathy終於由紐西蘭返黎喇~~~~~
佢台面一大疊野等住佢做......
最搞野既係佢張台勁亂....勁多野堆住，然後佢揸hand cream，放低左隻戒指，
竟然唔見左﹖！嚇到佢呀！
見佢不斷爬佢台上面d野，好搞笑，最後當然搵返！
我覺得我根本就係佢既assistant~ ha~
我見佢咁忙，幫下佢，開晒佢廿幾袋courier、信、.......
然後幫佢分類，而佢就搞第二d野...
好不容易先到lunch~
lunch行返去時仲撞到呀may tim！carol公司既呀may！
我真係唔認得佢呀！突然有個人叫我，我望住佢仲諗緊︰呢個邊個黎架?佢有冇叫錯...?? 但係真係叫"呀珊"喎.....再諗一諗！ohhhhhhhhhhhhhhhhhhhhh

不過lunch之後我就......悶得發慌呀~~~~~
因為我手頭上既野已經做得7788，
而且kathy佢自己d野都咪搞掂，未俾到我野file，
不過我知星期六實忙到pk.....
then今日由3點開始，
我都張個file放o係台到，開住電腦，"扮"做野呀.....
都好彩，有後面個radio陪我倒數放工！
整....一路聽森美小儀，我一路忍笑.....
聽到i love u boys.....忍得仲辛苦....>.<
仲要俾jimmy見到我自己o係度笑....hahahhahahahaha
去toliet時又撞到account邢小姐，大家都問大家印尼o個邊d親人有冇事，
大家都好彩........



今日諗諗下，原來我一返工就成日笑，
因為佢地都話我成日一見到我就笑，
唔通成日黑面咩........已經夠自閉架啦我個位....
四圍都佬...唔自己傻下、輕鬆下，皮質醇指數高企啦！
見到佢地埋頭做野，同佢地有時傾兩句、玩下，緩和氣氛~

>>January 10, 2005 at 1:23:45 PM GMT+8

2005 年 1 月 8 日 星期六 【晴】

斌遲d可能要ot??

唉，都有d唔開心，因為驚佢累呀，又要成日對住部腦、又要有時渣車去整野、又要去邊去邊...
不過....佢事業心重....都係好事既....


以前我一直想搵個上進既人...
咁斌....﹖都幾好既~ 佢叻嘛.....不過都好蠢~





去滑雪?? 好.................
咁更加要努力喇！支持你！

>>January 9, 2005 at 3:03:04 PM GMT+8

2005 年 1 月 8 日 星期六 【晴】

今日一早同爸去飲茶，然後就同柴返團契，第一次返呢個團契，um....好似d人細左d喎....
然後就返崇拜喇，返完之後就去食church既"free lunch"，係welcome我地既lunch，
都好多人下，lunch入面d人都搞笑好多，而且match d，
同我地台o個幾個boys都好搞笑，有個好似e-kids既tommy~ haha

然後就去左勝利道搵carol同7叔~ 7叔果然仍然係7叔~ haha~
然後我講緊o個個tommy既時候，唔覺意望後面時，oh，真係有個eo2既其中一個成員坐o係度喎.....
hahhaha 都係有個"e"字者~

然後等斌哥，先去新世紀睇下有冇戲睇，因為佢想睇，
好彩者~~~~~~~~~~~~~~~冇喎~~~~~~~ hoho~~~~~~
so就去左行陣街~ 食滿記~ 再打包返屋企lu~
hehe~ 因為斌爸生日，佢地去食飯，我就因為"溫書"嘛，唔去啦........仲問咁多次.....
嘩，佢地好齊人呀...如果我去，一定面紅+唔出聲者.....
佢隊佢妹個電話俾我，我都驚呀~

haha
我真係怕多人架....

>>January 9, 2005 at 10:31:54 AM GMT+8

2005 年 1 月 7 日 星期五 【晴】





christy, 我好掛住你呀~ 仲有o係澳洲既你地~

>>January 8, 2005 at 10:43:08 AM GMT+8

2005 年 1 月 7 日 星期五 【晴】

Edison既新碟幾好聽喎~雖然我一向都唔LIKE佢以前D歌~

可能唔係個個都like呢種music，
不過我覺得幾襯佢，而且佢搵到佢既special，真係好岩佢。

o係隻碟入而d歌，多數我都細意留意佢d歌詞，
我覺得d歌詞好有意思，而且好suitable for edison，
好似"嘥氣"咁。

雖然有d位較粗俗，不過其實聽落都幾得意。

好多首都幾得意，最重要係細嚼歌詞~





《TP TOO....!!!!!》(以下係部分歌詞ONLY)!

今日有人會尊重我 係因為我努力去認識呢個人既方法去搵食
最近feel到我開始有d成績 但係我都要繼續努力
因為仲有大把路俾我行 最重要係我肯用時間
再改變我自己 慢慢 慢慢黎
因為仲有好多人睇死我呀希
而家 唯有 繼續努力去做
我已經搵到自己條路
你地放心俾我做 我信自己 我一定做得到
你放心俾我做 我一定做得到

每一段路最黑既路最尾梗有出路
你有理想就做你有你做
你有理由既話快d上路
你要理人既話"棧"你停o係度
世界有不同既路
要進步要不斷問路
有更多問號 有更多野等住做

路 就有好多種
有人行得聰明有人行得蠢
有人行得輕盈有人行得擁踵
行得"蒙" 唔識分南北西東
盲中中 迷失o係種種迷宮
行得通 擁抱一個自由天空
行唔通 終日惶惶恐恐
最終匿返入個窿 睇到一百呎天空
人 都有好多種
當然有人聰明有人比較死蠢
唔同環境出黎既人會有唔同水準
不過自知之明 唔係人人都懂
有人受歡迎 得寵 值得捧
有人得把口 老奉 搏哂"蒙"
得到人唔係表示有 睇到飯桶
要出黎講句說話睇你有冇種
睇人行路既方法有好多種
人多人推推"甕甕"
人驚人去邊冇人懂
羊群總動員跟住條大路就最安全
大路就係要你dup低頭行路
跟住老總做 唔好問咁多喇細路
做 做得好繼續做
可以同你既話 可以同你做


《幸運的我》(部分歌詞)

如果提起女性朋友　你問我　我都自己坐左係度"r"哂頭　
大部分d女　今時今日　唔單止個口個心地都好醜
更加慘係如果　遇到一個女性想同佢發展一段感情
佢會對我有d偏見 (喂 你唔係好掂喎)
係咁既事件入邊　我依然知我o係邊　我仲未點變
repeat *
幸運的我　要靠自己　你想我死　幸運的我

無諗過俾人泵　我諗我係公眾人物　
點解　為乜為乜為乜　我d朋友咁現實
起碼而家知道成件事係點既事實
幸運的我　o係度俾你放大我　o係度俾你折磨我
我 幸運的我　
*我幸運地 幸運的我 俾你講到我衰到貼地
我幸運地 要靠自己 俾你地班友處處o羅我比
我幸運地 你想我死 你地日日夜夜o羅我黎比
幸運地我 幸運地我 點都做返自己*

>>January 8, 2005 at 9:21:14 AM GMT+8

2005 年 1 月 7 日 星期五 【晴】

woo~ 家陣考左contract~ 個人即刻開心晒~
今朝有個衰佬遲左一個鐘叫我起身溫書，
唉~
好彩原本我諗住勁早起身，6:00起身再睇睇，
不過最後7:00先起，然後睇多睇，再食埋個breakfast，
今日唔敢唔食喇.....先慢慢行出門口去mtr等cathy~

woo~ o係兩個鐘入面係咁寫係咁寫，將我記得既野都寫晒出黎，
唔夠時間寫呀，不過都希望pass啦！起碼唔係去到我要作內容既地步嘛....

過左呢科我認為最難既一科之後，即刻鬆晒，
不過條氣都唔係好順....考完我諗都要睇睇doctor chan...

之後，我、cathy、簡穆罕默德同呀lee去沙嗲王...冇錯....又係沙嗲王.....
唉....呀粘聽日走喇............~.~ 唉......

然後食完我地就去左行sogo，陪cathy揀左件羽絨~
然後就返屋企lu~
haha，我地都話要介紹christy俾呀簡識呀~ hahahah

>>January 8, 2005 at 8:46:25 AM GMT+8