2005 年 1 月 18 日 星期二 【晴】

今日，又係好充實既一日啊！

今日訓到10點幾，然後慢慢左hair加hair，
然後再洗頭刷洗又出門了....

今日我地法商系既同學仔去bbq，
有我、joyce、奕倫、eugene、祖名、嘉裕、發、els、gary~
地點係"魚則"魚涌呀！
先去兵分兩路去買野食先，
分左街市組同百佳組~

買完之後再join埋一齊，
不過由於呀發呢，遲到成個hour！
so就等埋佢，有d就去左買扒，
等既期間嚇得我，有個女人同我講野，
我以為佢想問路，因為o係地鐵時都遇到個婆婆問路，
點知呢個女人係問︰小姐，我想問你個頭o係邊到電架﹖
........我呆左....佢地都呆一呆....

之後我地就開始行去大潭郊野公園........
els同我講只需10mins！
點知......我地行到好累........佢就每行到一個彎就話"喇！就到喇！"
........噢........佢仲保證係最後一個彎tim.............................
經過今次........佢既威信盡失呀！！！早知叫佢渣架波子車我地上去啦！
結果? 我地用左nearly half hour先行到呀！
真係.....有益身心呀！根本佢就係想搵我地去行山！！
去到就開始bbq喇！我不停咁燒野食，燒到飽到嘔時.......轉左幫人燒雞翼.....
燒左好多野食呀，仲食左好多金菇呀~
燒到5:30到就開始收野lu...........

然後我地就行落山......嘩....."凳"得我呀......今晚隻腳一定好累呀 >.<

之後我就走先喇，
因為約左久違了既gap 杰去食飯。

so我就急急腳去左旺角搵gap杰，
呢餐我係一個聆聽者，9成聽，半成講，半成食野，
不過好好呀，由6點半到食到8點幾，
然後就搭車返屋企lu。

今日又係我sem break既其中一日喇！我滿足！

>>January 19, 2005 at 2:08:09 PM GMT+8

2005 年 1 月 17 日 星期一 【晴】

今日都幾ok呀~
lunch o係屋企同媽食，仲睇埋《洛神》tim！
之後見悶悶地，so就去左朗豪坊拎埋送俾斌既帽，
因為終於有貨到，拎完就返屋企，見時間多就上上網，
點知上一上網又同christy傾左好耐喇~~~

then5:45出門喇，因為約左肥謙o係大埔等，
先同佢去左大埔中心仙跡岩飲野，
好耐冇見佢喇，成3年喇！
佢瘦就冇乜喇，不過都冇乜變，
我地傾左好多野....傾埋其他以前既同學咁....咁就個幾鐘了....
當中肥謙煙不離手....

之後就去左"開心"機鋪等埋李卓邦& oyan，
"開心"始終都冇變~
然後再慢慢行去"明星"打邊爐，
o係樓下，有個傻婆大叫"8婆！"，嚇得我呀！原來係傻婆善！
上到去潘銘同肌肉班長、屎雄都黎左，食食下，呀倫、同埋茵都黎埋，
total 10個人，都好多人架喇.....
因為以前5c都係呢幾個人，其餘的，我都唔知lu~
問問大家近況，
個個都問「呀邊個同邊個散左未呀?」
「呀邊個仲同呀邊個一齊呀?」
「未散既仲有邊個呀?」
haha......
不過李卓邦仍然係咁可愛，其餘d人都以串人為樂，
不過整體上都幾搞笑架，成日引我笑到食唔到野！
今日先發覺原來西瓜汁係咁好飲！同埋竹笙打邊爐係好好味架！！

食咁咁上下10點半，我就打俾斌，原來佢已經到左附近，
那麼我同oyan先走了，一落去行兩步就見到斌佬了，
then佢就接我返屋企lu~
坐巴士+轉的士~

今日都好好呀，因為真係3年冇見佢地喇....
不過佢地都冇乜點變，只係大家都大個左，同埋﹖定左好多~
咁就係我既sem break其中一日喇！

噢，聽日bbq也﹖！

>>January 19, 2005 at 2:27:09 AM GMT+8

2005 年 1 月 17 日 星期一 【晴】

噢，救命，我冇嬲呀~~~~~~~~~~~~
教訓他﹖好呀！

你地為我開心，我當然開心啦！
我意思係其實你地有好多野都可以值得開心架~
唔一定好似我咁！

>>January 18, 2005 at 3:57:45 PM GMT+8

2005 年 1 月 16 日 星期日 【晴】

返工日，今朝都係沙嗲牛飽，
食完就慢慢開始做野，今日工作量不多，適中，
全靠星期六做左一大半。

lunch又同kathy、peter、joe哥同仔仔食，又係東方.........次次同我食都係東方.....想死.....
o個到d油煙呢.............勁到呢......
不過呢餐飯聽到好多野喎，聽到成間公司既架構、運作、部門....各方面既野...
仲有第一次聽到有關自己學既既野....就係offer & acceptance.....仲有counter offer！
感覺好似....活學活用咁！

然後就返去lu，又開工。
發覺做呢份工學左好多小型家電既英文，
仲有電髮器、負離子夾..等等
下晝好彩又有903陪我。

放工之後，有點心情不好，好似有點厭倦既感覺....
so自己行下呢個新蒲崗.....
途中又撞到carol喇~ 冇錯，又係carol喇~

之後返屋企lu~

夜晚，聽住歌訓覺......

>>January 18, 2005 at 3:14:52 AM GMT+8

2005 年 1 月 16 日 星期日 【晴】

我不值得妒忌，人人生活上都有福氣，不一定只在感情上。

>>January 17, 2005 at 3:04:37 PM GMT+8

2005 年 1 月 16 日 星期日 【晴】

我不值得妒忌，人人生活上都有福氣，不一定只在感情上。

>>January 17, 2005 at 2:59:47 PM GMT+8

2005 年 1 月 16 日 星期日 【晴】

我不值得妒忌，人人生活上都有福氣，不一定只在感情上。

>>January 17, 2005 at 2:59:02 PM GMT+8

2005 年 1 月 16 日 星期日 【晴】

不是吧.....?????


>>January 17, 2005 at 1:14:45 PM GMT+8

2005 年 1 月 15 日 星期六 【晴】

今日一早又去請老豆飲茶呀~

之後就去左新田圍等斌佬，
再行去秦石搭馬鐵去馬鞍山，
因為斌話試下搭馬鐵喎~

一去到馬鞍山就去睇下有冇戲睇，
噢，一去就買飛睇《驚天奪寶》，
然後用左5分鐘買左好多零食就入場lu！
都ok好睇喎！
睇完就周圍行行下，再幫呀爸買左隻"雞"，係新年裝飾！雞年嘛~
然後就行行下，成3點，就去左食中華拉面，
hehe，我發覺最開心係同斌一齊食野！
因為我食既野佢又食，大家都咁大食，志同道合！
都ok呀，叫左一碟醉雞、小籠飽、京都豬軟骨拉面同埋東坡肉，
食完我地仲叫多個榴槤班㦸，不過呢樣就....麻麻喇 (同滿記比)

食完就兜去搭車去又一城行~
行行下又食薯蓉，好味喎！

再去hollywood買vcd，之後就返屋企喇~

同斌食野真係好開心，因為可以....！呵呵~

>>January 16, 2005 at 1:15:47 PM GMT+8

2005 年 1 月 14 日 星期五 【晴】

今日返工呀，一早斌叫醒我就刷洗出門lu，
先兜去龍蟠苑買份「沙嗲牛肉飽」+「熱奶茶」~
然後就慢慢行返公司~

一返到去已經見到紮左隻手既howard，佢今日第一日返工，
好心啦.....唔好返啦.....佢話返黎check mail喎....我就話你返得o個半日....

然後就慢慢享用我既美味早餐喇！
下次我要試下豬扒飽！

然後就開工LU......早知今日多野做架喇.......
打後成個MORNING都係O係影印房影D CERT、REPORT.......
然後SCAN返晒佢.....影完岩岩好12:55......然後慢慢去個TOLIET就走LU~
KATHY就叫我慢慢做，留返星期一....

嘩！未試過一個星期六放完工之後，唔使趕返學架！
真爽~ 先去還書先，E，又係O係馬路度撞到CAROL~~~~~
佢仲陪我行去還埋書，然後一齊行去搭車~

THEN就O係黃大仙等CATHY，
然後去尖沙咀食野+行街街~
始終都睇唔中我想買既野！

>>January 15, 2005 at 1:01:15 PM GMT+8