2002 年 12 月 21 日 星期六 【雨】

前一晚同您出佐去尖咀行街，但係氣氛好差。我一直心裡有數，我o地唔係大吵一場，就係有是但一個流眼淚先。結果係您喊出o黎先。對唔住，又一次令您因為我而流眼淚。

我之所以o個晚唔打畀您，係因為我暫時唔想將我o既擔憂分畀您，同埋真係好累，所以最後我揀佐唔打畀您就訓。其實係我錯，我太自私。因為︰
您 = 我，我 = 您。
我點可以唔第一時間講我o既感受您知呢？

其實我係煩緊錢o既問題。完完全全係呢個問題，冇其他。我見倒您發晒脾氣咁，我講乜您都好似唔o岩聽咁，我咪索性唔講o野囉…不過我都知咁樣一定仲衰o架喇…對唔住呀。

雖然您只係好簡單咁講佐一句︰「您唔好唔開心啦…」，但係我已經感到好安慰。多謝您o係我身邊。

之前件事我唔想再講咁多。我見倒o既「事實」係︰
1）我o地有一段時間冇搵GG食早餐同食飯（起碼有一個禮拜）；
2）GG有向我表示過佢唔滿意你o地呢種行為，同埋認為好幼稚（起碼有兩次。）。

難道o係自己o既日記裡面寫出我o既「眼見耳聞」同埋自己o既「感受」都算係亂up？

如果有任何成年人因為我寫o既日記而失去個人Critical Thinking o既能力而信晒我講o既o野或者佢自己繼續亂諗，我真係深感遺憾。我唔明點解有o的人會有咁異常o既反應，亦估唔到自己o既日記咁受歡迎。如有不安，敬請原諒。

為佐o的咁o既事而陪你o地幼稚，我真係戇居。

心情繼續平平無奇。

今朝起佐三次身但係都冇返工。第一次係鬧鐘八點半；第二次係我呀妹九點半；第三次係以前大學同學十點半。好累…十點半起佐一陣之後結果再訓到四點半…真係誇。我唔係冇o野要做，但係點解我近排會咁憎返lab o既？

琴晚其實好夜先訓，因為二點半先畀超人叫佐我過Shaw吹水，我o地有成個禮拜冇見過喇，結果足足吹佐成個半鐘先收手。吹完之後心情好番o的啦，不過總有o的心煩…

男人都係煩錢同女人o架喇…o岩o岩出佐糧呀，不過份糧要駛多十日先可以等到下一次出糧，真係慘…我o地不如一齊商量o下o的錢點用啦，好唔好？

聽倒您把聲，知道您好唔滿意我今日又唔返工。對唔住呀，我係個好麻煩o既細路仔o黎o架，又要tum又要鬧先得o架（但係時實係好多時兩樣加埋都未必得…），對唔住，我真係好頹，好唔想返去呀…我暫時唔可以忘記呀，

我又忿怒、又脆弱、固執不會改，怕被冷落卻不肯接待…

琴晚傾偈真係傾得好暢快。

我o地講起著衫o既問題。佢話佢女人係都要逼佢買對平底鞋著，搞笑…佢話明知佢唔係高，偏要佢著o的咁o既鞋，激死佢，結果對鞋都冇著放埋一邊，哈哈。不過佢都有讚我條Chevignon好睇喎（哈哈，著埋出去畀佢睇o架…拿，我都好鐘意條褲o架，您唔好誤會呀…），佢話佢女人成日都可以搵倒o的好平好正o既衫褲畀佢，哈哈，寶寶，如果您要幫我扮靚靚，您都要留意o下至得喇…

我o地又傾起錢o既問題喎。哈哈…佢問我揀女定揀錢喎…咁唔駛問啦，一定係女o格。不過畀佢笑我仲比佢更加「縱女」嗟…又畀佢笑我特登落去買個Hello Kitty杯…車，佢咪又係要一次過買四個麥當勞餐o黎換大頭狗cusion畀佢女人…咁女人唔係愛o黎錫仲可以愛o黎做乜喎~~~

講講o下大家都發覺唔係因為食煙我o地兩個都唔會咁熟…不過佢可以呃倒佢女人兩年半戒佐就唔知話佢叻定係話佢女人蠢好喇…唉，其實不單只大家都認為一早冇掂過呢樣o野係有幾咁好，原來大家都發覺一日唔畢業一日都冇可能話戒得甩…估唔到我同佢成日都可以咁o岩feel…如果我同佢係同年又一齊讀書o既，您話係幾好丫…

多謝您呀超人，識倒您真係幸運。

----------------------------------------------------------------------------------------------------------------------------

坤哥︰

我想講您知我從來都冇猜測過您同任何人o既關係，我o個日所寫o既o野係我親耳聽倒GG佢自己咁講。我唔知佢當時諗緊乜，但係佢同我講o個時o既態度的確係好唔開心同好嬲，我冇估我冇作。您知我一直都冇干涉過您o地圈子之間o既任何事，我從來都冇興趣過問，只係您o地講我就聽，就係咁多，我亦從來唔會加以幻想。

或者我將呢o的o野o係網上日記披露係有過失，但係真係求o下您睇清楚件事o既來龍去脈。我無意令您難做，您o地裡面o既關係我唔想知，唔想理。搞人際關係不嬲都唔係我強項，搞到您咁煩我亦都唔想，對唔住。

P. S. Michael，我聽GG同我講呢件事比我o地三個一齊o係GG lab傾偈起碼早兩日以上。

Dominic

>>November 10, 2005 at 8:04:20 PM GMT+8

2002 年 12 月 20 日 星期五 【雨】

今日起佐身之後（定係冇訓過？）一直都o係度撒嬌唔肯返工，因為我覺得好不值、好無奈。

翱翔天際的鳥兒，又怎會了解活在水中的魚兒呢？

好在我身邊有您，讓我可以躺在您溫暖的懷裡歇息安寧。在這世上，只有您才明白我，只有您才懂得安撫我的不安，只有您才會溫柔地哄我說出我的憂傷，讓我釋放。我愛您。

琴晚本來留佐一個好挑釁性o既message，但係您教我唔可以咁做。雖然唔知邊個睇倒，但係事情o既影響或者已經降到最低。多謝您。

今日成日都冇乜o野好講。冇做過lab。聽佐一個法國人講o既seminar，佢將iso讀做e-so，好得意，我要學法文！您教我。

四點幾又去佐搵您，終於都滿足佐我同您o既其中一個願望，就係買褲。Chevignon呀！我好鐘意呀！闊o的褲腳好o的咩？我鐘意窄多o的喎…藍色好咩？我鐘意黑色多o的喎…嘻！又係就晒您添~~~（家姐叫我唔好咁樣就晒您呀…佢話縱慣佐我就知…）藍色Contrast牛仔褲係我第二條Chevignon。係Chevignon先有o的咁o岩我腰型o既牛仔褲，亦係我愛Chevignon o既唯一原因。

多謝您條頸巾，好暖。好愛您呀，幗媚~~~

Je t'aime, Amy.
Thank you for releasing me from the trap, leading me in the fog.

>>November 10, 2005 at 8:01:50 PM GMT+8

2002 年 12 月 19 日 星期四 【晴】

琴晚八點就訓佐喇，今朝又係八點自己彈起身，真係充實！

又一day喇…今日run佐支column，以為o的product沖出o黎之後又黃佐，好彩recry.之後都有唔少可以收得番嗟，如果唔係又白做喇…再set佐兩個reactions，洗埋o的o野，今day真係過得好充實！

今日全lab人都好努力好努力咁做o野，氣氛好好。不過個個唔係要做pre lab o的濕x o野就係要監考，所以今日大部分時間都係得我一個人做lab…悶就悶少少，但係我鐘意。

OC2出佐成績喇，老細好鬆手，您終於都拿倒major o既第一個A-，好o野！

我其實唔係好唔開心o既，只係有o的擔心o的錢銀問題嗟…男人煩o既o野都係得兩樣o既嗟，唔係女人就係錢o架啦。您又唔係煩，件事都唔係好關您事o既（雖然多多少少都總有o的係因為您而引起），您唔好唔開心啦，我冇事o架。

>>December 21, 2002 at 4:24:35 AM GMT+8

2002 年 12 月 18 日 星期三 【陰】

今日有開心有唔開心，但係而家o既心情畀唔開心o既事govern佐…

今日成十點先返到lab，因為我實在太唔捨得離開…一返到去就差唔多開group sem喇…今日老細心情大好，教佐我同Michael好多o野，真係難得…我好想work out個phosphination o既mechanism…唔知我有生之年可唔可以解決倒個iodide effect呢？但係今日就冇乜做到o野喇…

您個org. chem. II final得20/60，講真就真係唔係咁滿意囉，最衰就係o個晚懶佐o的pass papers…我老細每人加佐10分，您總分就係59.5分，比我期望o既分數低佐都好多o下…不過您都排o係全班七十人o既第八，我估都係坐B+望A-啦…您個朋友仔就排22，估唔到您居然高分過佢添。算啦，B+我都收貨啦…

您科chem bond都有C，哈，真係值得高興。

我好想擁抱您~~~我好喜歡o個種擁抱您就等於擁有全世界o既感覺…無論係o係點o既情況下… =) 我愛~~~而且我亦都適應佐您所講o既o個份得天獨厚，我估我以後都唔會再成日提起o架喇…

講完o的開心o既事，就要講o下今日做乜唔係咁hap喇…眼見GG成日都因為坤哥唔理佢而嬲而唔開心，我都唔知可以幫邊個…雖然我不嬲都唔係同佢o地一齊玩，佢o地o既事我又一o的都唔清楚，亦都唔想知。但係我相信每個人做每件事都總有佢o既原因或者隱衷，o岩o既咪一齊玩，唔o岩o既咪少o的一齊玩囉…搞到大家都唔開心都唔知做乜…其實佢o地都幾無聊。

另一件令我煩佐好耐o既事就係唔夠錢駛喇。好窮呀！一個月搵成萬三都可以唔夠錢駛，我都唔明點解…畀媽媽知道我一定要問人借錢先夠交下期學費就真係死緊喇…仲有宿費呀…死梗喇今次…好老實講，雖然已經同您有五個月，但係好明顯我係仲未適應倒呢個新o既用錢模式。

其實我都已經有好耐冇好似之前o個年咁個個月都一擲千金咁買我鐘意o既o野送畀自己…淨係架Bianchi單車都現兜兜咁成六千蚊面不改容啦…個Sony電話咁貴都係心甘情願o既…仲有件靚靚Tough皮褸同我最鐘意o個條Chevignon牛仔褲呀…對Dr Martens呢…隻Titus呀…副藍色Oakley太陽鏡啦…個Jopej grip呀…仲有套Altec喇叭呢…乜都話買就買…好free呀…成個月o既愁怨都一口氣散晒！好耐冇買過衫扮靚喇…我真係好想買幾件我鐘意又合眼緣o既衫呀，但係我又真係搵多個閒錢駛o下都冇呢…唉…好唔開心呀…

>>December 19, 2002 at 11:46:01 AM GMT+8

2002 年 12 月 17 日 星期二 【晴】

您終於都考完試喇，真係好~

今日八點就自然醒佐，您都好早起身溫書喎，真係乖！我就做佐三個plan佐好耐要做o既實驗，再過佐支column，但係o的product就少到無淪…唉…咁就一day，今day過得真係好。

夜晚又去佐兆萬間日本o野度食，今次o的三文魚冇上次咁好食，真的不太hap…跟住就落佐尖東同您「煙韌」一番。個賣花o既姐姐真係煩，o的玫瑰又唔係靚，您都唔鐘意玫瑰啦。最後仲可以各得其所咁您食倒您最愛o既cheesecake，我飲倒我o既espresso…唔…唔錯！

搞搞o下搞到成點先返到宿…但係又唔係好累咋喎…結果就訓o下醒o下咁過佐一晚…

>>December 18, 2002 at 6:51:05 PM GMT+8

2002 年 12 月 16 日 星期一 【晴】

畀GG咬佐啖…好痛…佢話佢失戀喎…所以決定星期五請佢去睇《英雄》。傻豬，您想唔想去呀？

好累…要眠一眠先…琴晚訓得唔好添…您又點呢？呵呵呵~~~

今日九點八返到lab，全靠您迫我返工咋…如果唔係又一day…點知今日原來要pre undergrad o的濕x lab…頂…o徙晒我o的時間…好彩計埋食飯都只係用佐三個鐘pre晒頭三個lab嗟…唉…補返個chloride實驗又一day…頂…

我老細份Essay改好喇…居然仲有9分咁高…但係話晒都通佐晚頂喎…仲postgraduate添…冇理由同亞B一樣分o架喎…唔公平呀…您暫時有29.5/40，名列第三，我真係為您而覺得好自豪！您真係叻！希望您有個A- 睇o下啦…我都心滿意足喇…

錫晒您，畀心機！最後一科，加油呀！您得o既！

見您咁開心，我都好開心呢~~~

>>December 16, 2002 at 9:23:58 PM GMT+8

2002 年 12 月 15 日 星期日 【晴】

今日係星期日，連埋星期六開始計，我訓佐好多好多…我估同藥物係冇關o既，因為我只係好想訓…唔…我估都係由星期一開始乖乖o地做o下lab好喇…o的傷風同埋鼻敏感好似好番好多咁喇，屋企鋪床又換過新o既，真係好！多謝晒媽媽。

下晝就返佐宿喇…因為要溫書囉…見您係咁溫係咁溫就真係辛苦晒喇…您好畀心機咁去學，真係好畀心機。我見倒。最叻就係您而家終於都知道o係nucleophilic addition to carbonyl carbon裡面邊支bond係新form o既。我覺得您真係叻佐好多好多。原來您都唔係我心目中咁懞o既~~~您好可愛呀！錫晒您~~~啜~~~

您係我女朋友仔嘛，您一定係好叻o既！記得嘛，我覺得您好有慧根o架！

>>December 16, 2002 at 7:05:04 PM GMT+8

2002 年 12 月 14 日 星期六 【晴】

今日天色係點我真係唔知…因為今日又冇返工喇…仲要搞到下晝三點半先起身…頂…

其實我一直懷疑個鬧鐘係咪壞壞o地，硬係唔覺得佢有響過但係偏偏扎醒o既時候佢又係熄佐…不過今日我好記得我八點半係醒過o既…但係最後都係又訓番…頂…真係好累呀…唉…又冇返工喇…我唔想咁頹呀…唉…點解會咁…

七點鐘終返到屋企…好開心我居然仲可以死倒返屋企…因為三點半起身o個時真係唔想郁，唔想返屋企…淨係想訓…訓…訓…

>>December 14, 2002 at 8:42:08 PM GMT+8

2002 年 12 月 13 日 星期五 【晴】

今日真係好唔掂呀…十點三先起身，十點九先返到lab…乜都冇做過，六點鐘就走，咁就一day喇…頂…

今日去clinic睇醫生。唔想再睇2號，但係佢話唔可以指定睇邊個… @_@ 結果睇佐6號…同佢講唔好再畀panadol我食，我話panadol冇效…佢話如果我唔休息食幾多都係冇用…結果…

…一返到宿飯都冇食就訓…訓…訓…訓…訓到十一點半先起身…好wing呀… @_@

好快我又會去訓過…

>>December 14, 2002 at 12:33:46 AM GMT+8

2002 年 12 月 12 日 星期四 【晴】

是日乃KSC Group冬季大旅行日。由於有六個人去，所以車主首先車佐我同Michael上山，結果搞到我同佢兩個人o係個山頭度戇佐成粒鐘…

老細佢變佐，今日我成日o係度亂up o野都得，佢就只係笑。同埋佢居然落手落腳起爐，可見佢開心o既程度。自從佢五月o係美國返o黎癲佐一個月之後，佢變佐…可能係因為佢已經升到上佢人生o既最高點，所以唔想再搏都未定…搞到依家成日掛住玩…吹脹…

老細今日成日都係燒o個o的佢話好好食o既腸同埋o的乜丸物丸…食到飽晒之後就去佐痾屎…我估，呢o的咁o既直腸直肚淨係丹尼斯一個先得到佢o既真傳…

好彩今日淨係燒o野食冇燒後活動，如果唔係我估五點都返唔倒中大…

今日心情異常開心，因為我見倒您考完呢兩科啃o野之後如釋重擔，再加上病情又有好o既進展，一切都係好o既。見倒您咁開心，我都好難唔開心啦，您知我o既快樂泉源大多數都係來自您嘛…「您快樂，所以我快樂。」疲勞旨數亦都由燒完o野食之後o既二十（記住十分係滿分…）急降至五。

今日係《無間道》上畫o既大日子，原來訂佐飛係唔駛排隊o既，以後都唔會再咁笨x。之後又係Starbucks o既世界喇…espresso真係好正，不過下次都係食完o野先買，我估熱o既咖啡點都好飲好多。《無間道》好正！劉德華好o野！夠奸！梁朝偉就真係死得慘喇…好少睇倒o的咁好o既港產片。睇完仲趕倒校巴，真係行運行到腳趾尾啦~~~

今日係我o地拍拖五個月o既大日子喎…您知啦，我同您咁唔夾都一齊五個月，您話係咪值得慶祝呢~~~咁，究竟五個月前o既今日我o地做過o的乜呢？半個鐘之後開估。

-----------------------------------------------------------------------------------------------------------------------------------

澄清︰係七月十二日，唔係七月七日！（雖然七月七日星期七係您o既記念日，但係我唔會認同o既。）

七月七號您咪著裙囉…第一次同您出街呀o個次…牛仔裙囉…

七月十二號成lab人出去食晚飯囉…之後我跟您上車送您返屯門嘛…（我估我有十年未入過屯門同天水圍…）我愛屯門公路！因為香港都好少地方有一條架巴士可以行極都行唔完o既公路喇！我之前問過您願唔願意同我一齊嘛，您又話要諗o下先，搞到我等o個幾日個心都靜唔倒，咁緊係要追擊一o下o架啦…如果我o個晚唔上車，我都唔知仲要等您諗多幾多個月先答覆我呀！

您o個時問我會唔會蝦您，又問我會唔會乜都就晒您，仲問我會唔會珍惜您。咁，到目前為止，您又覺得點呢？

您問過我會唔會戒煙，我記得o架，我一定會！

您o係o個日應承我話同我試o下開始嘛…我就當係o個日o架喇…我由七月十二日開始愛您，我是您的alpha，您是我的omega！

哎也~~~我好愛您呀幗媚~~~o岩o岩先分開，我又開始好掛住您喇…點算好？

雖然我o地擁有各走極端o既性格，但係您話過愛情係拼圖o黎嘛，凹一定要拼一個凸先o岩，所以我覺得大家互補不足，大家互相忍讓，珍惜對方令我o地繼續走埋一齊。我知我係好難頂，但係您好明顯係一個耐性好好o既人，加上您又食得住我喎~~~您係一個好值得人鐘意o既女友仔，我要錫晒您！啜~~~我唔會畀您出去亂咁「闖」o既！您唔好食懞佐呀！

邊個話白羊座同天蠍座唔夾o架？我係都要反傳統！

-----------------------------------------------------------------------------------------------------------------------------------

嘩…成晚冇訓過…係咁諗係咁諗…諗o下又寫o下…嘩…少少傷風加鼻敏感搞到隻眼痕到直頭想剮佐佢出o 黎…成晚係咁「卒」，而家變佐隻單眼白兔——紅佐一隻眼…好彩去到六點冇再痕…如果唔係我一定會磡頭埋牆死佐去…做到七點幾都未做完，諗住沖個涼會醒神o 的，點知原來係好訓o的…頂唔住死佐上床，好彩九點正彈佐起身，再用佐十分鐘做埋conclusion收工…好彩起得切身，如果唔係miss佐個冬季大旅行就真係死十次都唔掂…

十個累係滿分我會畀自己十一個。

冬季大旅行，老細成個細路咁，大家o係愉快o既過程中渡過…只不過要o係山頂等您o地買完o野上o黎join我同Michael就真係悶得死我兩個。我o地試過行前200米搵橋頭間士多（士佢條命，十點幾都未開都唔知係咪真係士多！）；嘗試自己調校個火災危險警告訊號（有螺絲上死佐，郁唔倒…）；玩烈火戰車（笑死我…）；讀o的唔知乜文o既樹名（學佐triflate o既法文…）；鬥飛舊石上樹唔跌番落o黎（我贏，Michae亦有安慰獎樹枝一束，但係畀老細丟佐…）；擲毫（Michael贏盡，玩法類似荔園贏香口膠o個隻。）；玩晾衫（又會o係棵樹度有支斷叉畀人掛衫o既…）；搖樹；鬥快搵冰飛中個樹牌（各贏一局。）；踩碎o的冰（為佐消滅證據…）；鬥快搵未踩碎o既冰（Michael贏。）；視察廁所環境（非常乾淨！）；cut膠袋（cut到個袋爛晒…）；玩飄膠袋（好大風…）；舖台；搵o野「擲」住張膠袋等佢唔好飄起……等等等等n咁多種解悶方法…結果都係乾等到老細車佢o地上o黎… @_@

今晚一定要去睇《無間道》，死都要去。

>>February 12, 2008 at 9:50:07 PM GMT+8