2003 年 1 月 30 日 星期四 【陰】

今日返佐半晝lab，大家都好有holiday mood咁。個lab搞大掃除，不過出佐事…坤哥kill CaH2 o既時候個flask爆炸著火呀~~~ @_@ 嘩嘩嘩…坤哥塊面紅晒呢… @_@ 即刻去佐醫院…好彩冇乜大礙咋…真係得人驚…

您就威啦，訓到成十二點半先起身…但係唔知做乜搞搞o下要成兩點幾先可以離開中大呢個鬼地方…落佐旺角食飯同睇佐陣波鞋…冇乜心水喎…o的鞋都唔合眼緣o既…買唔落手喎…

之後就同您返屯門喇…我o地原來呢個禮拜由星期一夜晚到星期四黃昏都係密密o係埋一齊呀…好誇張呢…不過新年又難見喇！Thinking of you~~~

>>January 31, 2003 at 4:40:21 PM GMT+8

2003 年 1 月 29 日 星期三 【晴】

今日group sem.老細好賤格，係咁用佢o既知識去override Man姐，真係吹佢唔脹。成日都覺得以自己o既學識去睇小人係一o的好低俗o既行為，但係偏偏呢個世界人又有o的咁o既人。唉…

今日雖然八點九左右就返到lab，但係由朝到晚都冇乜做過咩o野。成個下晝基本上成個lab得返我同波仔o係度，除佐坤哥要教pbl之外，其他人都唔知去晒邊…點知個低能老細居然無端端話要食tea…仲要我o地call返o的人返o黎… @_@ 好彩香港學生及時集合，不過o的大陸x就全部「蛇」走晒，老細食tea o個時都心知肚明喇。

終於出佐糧喇，仲交埋學費還佐卡數添…不過而家負債累累…多謝Man姐、Patrick、琦琦家姐出手相助呀！

夜晚去佐嶺南場睇化系班人踢超聯…個14號仔好唔掂…成隊都真係冇乜皇者風範咁，贏得真係險。之後您又話取消佐同朋友仔食飯，咁我o地就出佐去Super Sandwich食o野…原來佢o地o的cheesecake都好好味o架喎，見您食到好知味o個個傻樣我就想笑喇。呢幾日有您一齊都過得好開心…不過原來我唔小心咁整到您咁痛添…對唔住呀，我下次會小心o的o架喇！

>>February 2, 2003 at 1:43:42 AM GMT+8

2003 年 1 月 28 日 星期二 【晴】

今日ok啦…但係朝頭早雖然八點就醒佐，九點幾仲換埋衫，但係最後都搞到十一點幾先死返lab…因為我真係好唔想返去面對我o既lab…我有冇希望呢？

跟住即刻去搵老細同佢講呢個禮拜要做乜，出奇地佢好順攤，不過佢都提供佐一個最後機會翻身o既reaction…唉…點好呢？

食飯前set佐個reaction，之後下晝要帶lab，o的友仔都幾合作，但係都係嫌唔夠醒…唉…year 2班人真係…

今日仲未籌夠學費錢…暫時問倒三個人借倒萬四，加埋自己有二千，仲差五千…唉…點解會咁？之後o個個月仲要交defer佐o既宿費…頂…救命！點解仲未出糧o架？

帶完lab又返去set多個reaction，再陪您落沙田維苑食飯，仲有cheesecake添…咁又一day喇…

好累呀…但係我o地今晚都過得好開心o丫… @_@

>>January 31, 2003 at 4:20:09 PM GMT+8

2003 年 1 月 27 日 星期一 【陰】

超灰今日。朝早返到去諗住同老細講我今日要pre undergrad.o的死人labs，連問帶求咁o既語氣去問佢可唔可以聽朝先搵佢…我頂…條友超x，話唔得…佢xy o丫…

之後我用佐四個半鐘o黎pre晒淨低o個五個labs…連飯都唔食住四點兩個字入去搵佢，點知佢又話我太遲，又話我冇諗、冇準備…我x！佢xy o丫！玩我咩！朝早求晒你咁你又唔畀人postpone，而家又話我遲又話我冇準備，條pk根本就趕住走！！！佢好h格呀！

好冇心機做o野…結果六點幾去佐Shaw Chem Soc個「全民」，好搞笑，笑死我。呢班人真係x到呢…

之後就再趕出去旺角諗住陪您買返個電話，仲連銀包都冇帶…但係帶佐都冇用啦…因為部機已經斷佐市喇！太可惜喇！但係唔準您再喊。一…二…三！收晒！遲o的買過部新o架啦，小心o的喇！千金難買心頭好呀！

>>January 28, 2003 at 11:25:51 PM GMT+8

2003 年 1 月 26 日 星期日 【陰】

星期日，來來回回。雖然返過lab兩次，但係每次都係逗留一個鐘，做少少o野就走。

覺得自己o既生活好糜爛…工作好唔愉快，又一o的成功感都得唔倒。究竟我幾時要退？

冇陰公…到今日都仲喊緊…唉…下次小心o的，唔好再諗咁多喇…天注定您同佢冇緣囉…唉…快o的去買過個新o既好過啦…

今日defer佐o的宿費…仲有學費呀…頂…

>>January 26, 2003 at 11:52:14 PM GMT+8

2003 年 1 月 25 日 星期六 【陰】

今日懶佐冇返工。您都係啦，又冇上堂。而家兩個曳埋一堆添…真係弊弊弊喇…

我都話琴晚唔畀您飲咖啡o架啦，又係我一念之仁啦… @_@

夜晚返佐屋企食飯，又係清晒o的飯菜。不過o係食飯之前就收倒個好得人驚o既電話…豬豬做乜咁唔小心呀…畀人扒佐個新電話…陰公囉，仲喊成咁添。唔緊要，我錫返晒…啜~~~

夜晚返一返佐lab做個workup，走o既時候都一點幾喇。一路行一路諗，究竟我好唔好繼續讀個M. Phil.好呢？橫睇掂睇我都唔會做得出o的乜o野出o黎o架喇…我覺得而家每一日都o係度o徙緊自己o既青春同時間。我真係好唔鐘意做呢份咁o既工作，但係我又仲未有勇氣離開。而家出到o黎我可以做乜工呢？好煩…要我自己諗o的冇興趣o野出o黎做，唉…真係食屎啦。我估我都只係適合做o的照住order做o野o既工作喇…

>>January 26, 2003 at 2:12:26 PM GMT+8

2003 年 1 月 24 日 星期五 【陰】

低能。今朝一返到lab就畀個pk打，搞x笑。大陸x始終都係大陸x，粗人即係粗人。我放軟個身諗住任佢打，最好打到我有表面傷痕，等我可以幫香港除佐個毒瘤。佢推低我落地，仲「鏈」住我條頸，好似個癲佬咁。之後就…冇喇，完喇。我唔知係佢冇膽定係佢畀人拉開佐。我即刻打999報警，但係佢話唔可以備案，所以就咁算數。不過條友都「戇n g c h」o既！

其實我o地一早都費事理佢o架喇，因為佢都唔會聽我o地講同埋不嬲都只係覺得自己o岩。大陸人始終都係大陸人，粗人始終都係粗人。佢咁o既行為令我更加睇唔起佢同埋影衰晒中國人。

上晝要grad. sem.。中午個新大陸Ph. D.請食貴o野，又搞佐好耐。下晝帶lab，仲要搞到六點幾…唉…做條毛lab喇真係。

夜晚去佐又一城行街。試佐Pacific Coffee o的espresso，都幾好飲。cheesecake都好味。聽倒您話同個同學仔鬧不和，我估其實大家都有錯o既，您咪唔好陪佢癲囉…不過都係o個句啦︰「o岩玩就一齊玩，唔o岩玩就收線。」呢個係我o既做人原則。

>>January 26, 2003 at 1:52:35 PM GMT+8

2003 年 1 月 23 日 星期四 【晴】

痴x線，下晝無端端畀老細鬧，話我唔上佢堂，又話我o的mechanism唔識唔好問佢。我話太早，佢就扯晒火咁（面都紅晒…）話香港有我o的咁o既人就真係冇得救。哦。你鐘意點講咪點講囉。

其實由中一開始讀science o個時起，我最鐘意就係讀chem。可惜去到中四o既時候遇倒一個好不負責任o既亞sir（巴士佬），搞到我開始好憎chem，但係會考又畀我打天才波咁拿倒個D(7)。上到中六，遇倒個好有心機教書o既亞sir（都係中大畢業o架！），令我從新對chem有返興趣，A-level用得最多時間讀o個科就係chem，考得最好o個科都係chem，又係D(7)。上到大學，o的教授有好有唔好，但係浸會o既教授大部分都係o的有心教好學生o既人，因為浸會收o既人質素都比較差，但係佢o地成日都會勸我o地要自強不息，耐心咁教我o地呢班畀人認為係全港六間有chem讀o既大學最差o既化學系大學生。浸會真係個好地方，又畀我遇倒個對我好好o既老細。雖然我唔係好鐘意chem，註冊o個時仲死都唔肯去（後尾浸會打電話問我仲要唔要個學位，我先死死地氣去註冊…），但係亦都未至於憎。但係中文大學又再改變佐我，令我發現自己對化學o既仇恨，當中o既原因，多多少少都係因為呢度o的教授個個都自以為是，口氣極大。無錯，呢度係香港一流o既學府，但係唔該你o地班人唔好咁不可一世！

現時免入息審查貸款計劃/專上學生免入息審查貸款計劃的利率

4.5%(最後調整日期為2002年12月1日)

http://www.info.gov.hk/sfaa/cn/new.htm#a4

要extend唔係問題，extended要交學費都唔係問題。問題係究竟要拖到幾時呢？二零零四年一月我就要開始還o的Non-mean tested loan…八年要還十幾萬，都唔知邊度死o的錢出o黎…唉…

>>November 10, 2005 at 8:42:48 PM GMT+8

2003 年 1 月 22 日 星期三 【晴】

好無聊o既一day…朝早group sem.老細遲佐九個字先o黎，本來係Man姐講progress o既，但係因為佢冇準備，所以講佐兩句就畀老細叫佢坐低下次再講過…

今日好死累…搞到成個下晝都唔知做過乜…又冇氮氣（可能係畀o的x人冇閂制吹足成晚放晒支氣…）…頹頹o地set佐個reaction再打佐幾個phosphorus o既NMR，跟住就走人。

夜晚落坐沙田，原來您都同我一樣咁累…結果去佐Starbucks坐佐成個幾鐘先走，跟住去佐睇《鬼鈴》(Phone)。韓國片，套戲有o的九唔搭八…唔係好恐怖，一味就係o的音響大大聲…查案feel，好一般，十分畀佢四分…走o既時候坐的士返中大，居然要六十蚊，平時市中心搭返去好似都係大約四十幾五十蚊o架咋喎，個司機唔多老實，我冇要佢收平我，只係大力同佢閂門發佐佢脾四…佢xy o丫…離譜。

>>January 23, 2003 at 12:44:14 AM GMT+8

2003 年 1 月 21 日 星期二 【晴】

今朝十點終於都去佐搵老細，講佐成粒鐘，佢o係度肺晒腑咁講話我唔夠料畢業呀，又話我唔盡力，又話我進度比正常慢佐好多，又話畀我o的projects好易做，又話我冇自己諗o野，又話如果佢咁樣畀個master我大家都有愧，又話我成日賴呢樣賴o個樣，又話唔期望我做o的驚天動地o既o野但係都要有貨交等等等等…

有o的講得o岩，有o的講得唔o岩…唉…我都冇o野好講。畢竟我係揀錯佐讀M. Phil.，我係冇可能諗倒o的同化學有關o既o野…我都想做好o的，但係心有餘力不足。佢問我盡佐幾多力，我答佢六、七成，佢話佢期望係有八、九成…其實我都想，但係成個冬天都係咁病，十足個廢人咁，我又可以做得o的乜出o黎？唉…

之後做lab都冇好過…又抽錯佐真空suck佐o的油落o個個做佐五日o既reaction度（好彩打完NMR之後證實冇事…），又set錯佐個用GC detect唔倒o既reaction，仲打爛佐用開o個支column…唉…今日真係…不宜做lab。

下晝帶lab.居然要做到六點幾仲要係最遲走…明明今日做得好好o地，我都唔明做乜會搞成咁。原因可能係我o地o個組有六個人，同埋隔o黎o個o的組成日過o黎偷我o地o的chemicals（頂…明明一組一set…佢xy o丫…），加上呢個lab.有兩parts，唉…搞佐我成個下晝，希望佢o地學倒o野啦…因為我見佢o地都幾有心機學o野，成組個氣氛都唔錯，又開始教多佐佢o地o的techniques…咁做係咪多餘呢？但係佢o地又唔係做得太頹咋喎…

夜晚，真係好累，但係都過佐Shaw同超人吹水。講o下今日老細點肺腑我，研究o下CM點玩，講o下今年o的OC labs o既趣事。佢又講o下今年Shaw個chem. soc. o的year 2過莊o的醜聞…咁又一晚。聽日原來係佢生日，我又福至心靈咁買佐啤酒去搵佢。今晚都叫做息佐o的懷啦…不過個心都仲係有o的唔舒服…唉…

I Need You...

>>January 22, 2003 at 12:30:17 AM GMT+8