2002 年 12 月 31 日 星期二 【陰】

今日又叻仔佐，九點正就起佐身，因為琴晚好累，我估大約十一點就唔小心訓著佐。之後十二點半先起過一次身…唉…太晏喇，趕唔切睇電視添…算啦，上個禮拜o既賽事都唔係好吸引。最後沖埋個涼兩點又再訓過，唔，真係好。

今日係放假前夕，大家都冇乜心機做o野，大家都返半晝就閃，而我就十二點半走佐喇…成朝都做埋晒o的濕碎o野同埋發現琴日set錯佐個reaction。算數罷啦，出年再o黎過。

呢一年o既日子好似係唔開心o既事多o的，可能係因為揀錯佐讀M. Phil.呢條路啦，搞到大部分唔開心o野都係由工作上o黎。不過如果唔係讀M. Phil.又識唔倒您，所以真係好難講，有得必有失，世事永遠都係一個equilibrium。今年太頹喇，出年要努力o的！

唉…又一day，又一year…

----------------------------------------------------------------------------------------------------------------------------

跟大家分享一篇很有意思、閱後很喜歡的日記。

2002 年 12 月 20 日　【陰】

真心Together 20-12-02 (107) 波鞋

愛情是一對限量版的Nike波鞋。
那對波鞋，放在櫥窗內，價錢昂貴，可窺而不可觸。

雖然昂貴，但心思思，每天總是到店前偷望，渴望有一天能夠得到。

願望成真，穿上腳時，那份滿足感不言而喻。
別人羨慕的眼光，虛榮心作祟，洋洋得意，擁有的感覺真是暢快。

日子久了，腳上的那對波鞋經不起風浪，又骯髒又過時，
而且，波鞋推陳出新，限量版後亦有限量版，看到精美的又再心動。

不過，穿上新鞋後，總會覺得與衣服不太合襯，與雙腳不太合身。
竟然懷念起放在鞋櫃內的那雙舊鞋。

By JUDE

>>2002年12月22日 17:49:47 (GMT+8)

http://showhappy.net/main.php?Action=diary&id=52645

>>November 10, 2005 at 8:07:53 PM GMT+8

2002 年 12 月 30 日 星期一 【晴】

又一個星期一。今朝校佐八點o既鬧鐘，為佐o既係爭取有半個小時o既返訓時間。好順利咁九點半之前返到lab。不過今朝都出佐事…我又唔記得帶個眼鏡喇…

今日又做佐好多濕碎o野。個lab得三個人開工，就係我o地「狂歡三寶」。再頹頹o地咁set多個reaction，打埋個carbon先去食晚飯。好累。但係今晚仲想去睇《英格蘭超級足球聯賽精華》喎，點好呢？

個新o既大陸Ph. D.終於都o黎到香港，Sean去佐接佢今日又唔駛做喇。佢一入到lab就四圍行，我都唔知佢做乜春。我o地三個一致都覺得佢個樣真係好x…坤哥話個lab又多個自私怪，Michael話佢個樣唔知似邊個演員，我就話大陸o黎o個o的全部都係大陸x！

唉…又一day。坤哥今日話︰「咁就一年喇…」唉…真係唏噓。

因為o的藥食到個人好乾，所以停佐一日冇食，不過今日好似又o黎返喇…弊弊弊…

最近知道佐有好多分開佐o既人都合返埋一齊。是好是壞呢？究竟回頭草係咪真係咁好味呢？係咪真係要有咁o既經歷大家先會覺得對方寶貴？定還是呢個階段係必經o既呢？但願佢o地個個都可以幸福。其實追求自己o既幸福係個個人都應該做o既，唔開心o既走返一齊又做乜o丫？不過正所謂合久必分（定係「婚」？），希望我同您唔會有「分」o既一日啦~~~

>>December 30, 2002 at 10:46:20 PM GMT+8

2002 年 12 月 29 日 星期日 【陰】

出晒事！o岩o岩寫完o個篇日記因為login太耐，post唔倒之餘仲洗駛我o的o野…頂！又要再寫過…有冇搞錯呀！

今日o既行程非常緊密，搞到我真係累到死狗咁。

琴晚我究竟幾多點訓我都唔係好記得，淨係記得我訓之同郵差亞辛傾過一個好無聊o既電話。

今日原本約佐一家人去HKU同我妹妹影畢業相。因為我明知自己一定冇可能起倒身，所以一早叫定媽媽九點半打電話叫醒我。之但係真係好死累，咁就一如以往咁再訓返…結果…十點半我媽媽佢o地出門口o既時候再打多次電話畀我我先驚醒…原來已經係十點半… @_@ 約佐十一點HKU o架大佬…我又身處「地靈人傑」o既香港中文大學…今次真係大檸樂喇…半個鐘，真係飛的都唔到啦…咁咁咁…最後用佐十五分鐘搞個死人頭，諗住搭十點九班校巴落火車站…出晒事！原來我又記錯佐…假日o的校巴係開搭四、八同十二…頂…之但係咁都未夠衰喎，因為我繼琴日返工唔記得帶門咭之後，今日仲唔記得帶好多o野︰眼鏡、藥、八達通同埋潤唇膏…只係因為我犯佐一個錯誤︰唔係著番琴晚o個件褸…唉…點解會咁o架…

不過星期日畢竟都係星期日，o的巴士火車特別開得快，我由大學搭佐四程車（轉佐足足三次車）先去到HKU，但係都只係用佐一個鐘頭三個字。極速呀！好彩唔係叫做太遲，如果唔係要咁多人等我一個食飯就真係唔好意思喇。

今日見倒晒好多親戚，有麻麻、四叔一家四口、舅父同舅母。走來走去係咁二影多幾張相，我o地就去佐西環一間唔知叫乜名o既酒樓食飯，聞說話麻麻鐘意o黎呢間食喎。為佐唔好等我媽媽同四嬸爭畀錢，所以今餐由我找數。嘩…唔係呀嘛，我都唔係食得好飽咋喎，咁又要四舊水先落得樓，真係有冇搞錯呀… @_@

食完飯大家都散。我陪媽媽先落北角探婆婆，聽講話佢琴晚有半邊身痛但係都唔肯入急症室喎，等我睇o下咩事先。由找數o個一刻開始，媽媽就不斷咁叫我唔好碌咁多咭…噓，大家happy嗟，唔係咁計o既，不過我都知我係揮霍無道o架喇…媽媽問我o的錢駛佐去邊，話我唔係咁醒都會拿o的錢去貼女呀嘛…咁咁咁…mm…都唔係咁計o既…媽媽一早都話︰「我知您一定係錫老婆多過錫呀媽o架喇…」唉…咪咁講啦…佢又話我唔知邊個先係真邊個先係假喎，叫我係真o個個先好帶返o黎見佢…咁咁咁…我個個都係真o架喎…

上到婆婆度見倒婆婆都唔係太差，係咳唔倒o的痰出o黎囉…佢又話自己已經冇琴晚咁痛…唉…老人家…佢又問我有冇拍拖喇，仲叫我快o的結婚，怕佢自己睇唔倒。唔…好唔開心呢…點可以講埋晒o的咁o既o野o架…自細婆婆就一直都係最錫我同妹妹，因為舅父遲結婚又冇生細路仔嘛…我心諗如果有一日婆婆要走喇，我都唔知會點，唔見多o的我怕又真係冇乜機會見。=( 可惜我今日約佐人又要走下一場，如果唔係我實會留耐o的。您快o的混熟o下我o的屋企人啦，唔駛怕醜o架，佢o地其實冇乜o野o架咋。

之後落佐成坤同Joseph食tea，我o地由TCBY食到Delifrance。雲呢拿杏仁雪糕係我o既至愛。不過Delifrance o既espresso就真係好難飲，我以後都唔會再o係呢度飲佢o的espresso。佢都唔知用乜咖啡豆搾o既，o的味好怪，極其之苦。凍佐之後仲難飲，直頭好似飲苦茶咁…我同Joseph好耐冇見喇，因為大家都忙。佢o岩o岩先去完加拿大旅行返o黎，好開心咁，因為佢係為佐探佢o既心儀對像而去，佢話好難搵倒一個咁普通o既女仔喎…哦。不過個女仔都幾順眼，o的頭髮又咁金，我估都係pure o既外國人，唔知mix埋o既baby係點o既呢？我真係好想睇o下。祝您幸福啦！

然之後我又要再趕尾場喇…頂…條死肥仔…明明約佐我五點三o係（魚則）魚涌地鐵站，夠膽死我準時到達之際先話我知佢仲o係鑽石山！！！ @_@ 為佐見佢，我用佐五蚊去搭o架三個幾o既巴士飛落去，佢居然… %&^$#&^(&)()&%@$(^"::"

之後我o地一齊首次踏足地鐵調景嶺車站往寶琳o既月台。我眼先一班停佐成三、四分鐘o既地鐵由入站到離站（我o地o既目的地係將軍澳…），條友居然都未到！有冇搞錯！當班車走佐，我就見倒一團橙色o既物體由月台中間向我逼近，由於我冇帶眼鏡，所以我睇唔清楚…o下…唔係嘛…您只係過佐美國年半嗟，唔係搞成咁o既樣返o黎呀嘛？嘩…救命…原來真係您…郵差亞辛。 @_@ mm…搞成咁呀…您明明之前先玩絕食o架喎…

我o地集合之後，就開始我o地尋找意粉屋之旅。結果我o地 x o下x o下咁終於o係世貿搵倒我o地o既目的地。係，冇錯，sorry，尚德係冇意粉屋o既。結果又要用多成十蚊車錢返去銅鑼灣…我一早都話去銅鑼灣o架啦…去咩（魚則）魚涌o丫… @_@

如果唔係為佐得到最後一個印花o黎換張VIP咭，我一定唔會去意粉屋。而呢間意粉屋，亦都唔好意思，你已經bad listed。雖然意粉屋唔係o的乜o野貴價o既餐廳，之但係都唔可以用o的大牌檔o既服務態度去對我o地o架喎…正如呀劉生話齋︰「今時今日咁o既服務態度係未夠o架…」我o地對杯居然可以乾佐成十五分鐘都冇人幫我o地加水，亞辛係咁將隻杯舉起fing來fing去個經理都可以淨係掛住摸鼻，o的waiters就行來行去扮到好似好忙咁，我就幾乎想開佐佢放o係隔o黎o個支紅酒o黎飲o架喇…喂，我係客o黎o架，您唔係o下o下要我叫你先識做o野呀嘛？我最憎就係食飯o個時o既質素同價錢唔成正比。sorry，呢間，冇下次。

之後我o地再上埋世貿機舖打佐六蚊機。只係區區六蚊同埋一部我o地最鐘意用o黎雙打o既網球機，已經令我幾乎笑死。您返o黎探我令我諗返起我o地好多開心同唔開心o既事，雖然唔係每一件事都記得清清楚楚，但係同您一齊玩我永遠都係咁開心，因為您係我唯一一個肥o既好朋友。mm…又會唔會係因為您個肥樣太過x呢？CCCCCccccccc

最後我居然仲搵倒灣仔去上水小巴o既上車地點，原來係o係鵝頸橋底消防局o個邊，唔怪得知上次見唔倒啦！真係好抵坐呀，由銅鑼灣返到中大都只係十八蚊咋，真係抵到唔知講乜好，仲要飛佐四個字就返到中大，比住筲箕灣o既亞辛更加早返到…哇哈哈哈哈…好快呀！好抵搭呀！以後我同您都可以去遠o的玩唔駛成日屈o係旺角咁悶喇！

嘩…好累呀…今日簡直係香港一日遊呀…廿四小時之內去過屯門、旺角、沙田（中大）、紅磡、中環、薄扶林（港大）、西環、北角、將軍澳、銅鑼灣…勁充實。

>>November 10, 2005 at 8:06:58 PM GMT+8

2002 年 12 月 28 日 星期六 【晴】

嘩…又試兩點先訓…好累呀，個頭仲暈暈o地添。雖然今朝冇校錯鬧鐘，但係我真係頂唔住足足有成三十幾度o既被竇內外溫差，結果都係訓到九點半先起身。原來真係凍凍o地喎…連老細都冇返添…

琴晚聽以前浸會睇開個醫生話，用條毛巾隔一隔等o的空氣暖o的先吸入個鼻度，都幾好，叫做唔駛搞咁耐先訓得著。但係為佐可以早日好番，我今日決定飛起Panadol醫生去佐clinic拿藥。今次又有四隻藥喇，有黃、深橙、淺橙同白四隻色真係開心。不過個郭醫生就真係唔係好掂喇…衫都唔拉高一分鐘就睇完開藥…clinic o的醫生真係信唔過…冇乜邊個好。

今朝冇去到機場接郵差亞辛機，一諗到六點唔知搭乜車去機場就煩喇…而且又冰天雪地…加上今日要返工…另一方面條友又堅持唔畀我去接佢機…不過條友都識打電話搵我，算您啦。

嘩，今日無論由外表到表現都唔係好滿意自己。一來今日個樣唔多掂啦（好殘啦，皮膚又差…所以我咪冇乜望您囉，廢事畀個殘樣您睇啦。），二來又累累o地咁喎，三來個心又好掛住o的工作，搞到成日都o係度扮舊飯…唔…悶親您添…

哎也…乜您咁笨o架，到佐就打電話畀我啦嘛，唔係個電話愛o黎有乜用？一個人凍冰冰咁企o係海邊吹風，想凍病咩…真係畀人激到奀…

唔知係咪今日病病o地，去佐Pacific coffee食cheesecake o既時候硬係食唔出o的芝士味，覺得佢o的cake好一般咁。之後去佐排長龍陪您去睇o個個咩《人體奧妙展》，嘩…好失望囉，畀o的咁o既o野我睇…排我咁耐係咁吹風吹到我同我女人凍冰冰就係睇o的咁o既o野，真係一個讀過A-level bio o既人都唔會覺得有乜新奇刺激囉…我估呢個o野係畀o的完全冇讀過bio o既人去睇o既。真係奉勸各位未去o既人士千祈唔好去睇喇，費事o徙錢o徙時間啦。我o地都係睇佐一個鐘就走喇…冇一件o野可以令我有深刻記憶。因為我估每一個讀完A-level bio，而家又唔係再o係bio界打滾o既人，多多少少總會非常怨恨bio呢科。十分滿分我會畀佢一分。

之後又去佐尖咀行街，東行行西行行，o係同一條街轉來轉去…香港，原來就係咁細。唉…我幾時可以衝出香港呀？最後食完飯就返屯門喇…今日好早返到去，所以仲可以返lab打個carbon 13 NMR，真係好，心情都靚返o的。希望快o的趕好晒o的data畀老細啦…

今晚暖過琴晚好多好多，由lab返宿一o的都唔覺得凍，估唔到咁快又凍完。天文台話而家沙田有十二度，屯門就十度多o的。好彩琴日冇好似o的人咁瘋狂咁買o的厚衫嗟，如果唔係後悔都o黎唔切…

>>December 29, 2002 at 10:33:13 PM GMT+8

2002 年 12 月 27 日 星期五 【雨】

今朝發生佐慘劇呀…八點正個鬧鐘就響佐…校錯佐囉…結果訓到十點四…十一點先返到lab…頂…

今日不過不失啦，最慘o既就係要o係冰天雪地下清理o個個因為停電而積水o既雪櫃。頂…有冇搞錯呀，又話有後備電，做乜個雪櫃會溶晒雪o架…不過都好，o個o的陳年冰終於都可以清晒。臨走o既時候set佐個比較重要o既reaction，希望聽日返到去有o野睇啦…o的journals話o的tetraarylphosphonium chlorides係做唔倒o既，但係班日本仔個patent又話做倒，搏一搏啦，時日無多喇，再唔做就等死o架喇。

五點幾又閃佐落沙田買衫喇…又去佐G2000買佐件冷冷o地o既衫，再去埋Chevignon買佐件衫，咁又駛佐四舊喇…都唔明點解最近買o個三件衫都係最後一件，o的人點可以得咁少存貨o架，真係離晒譜。不過o的傷風仲未好番就真係買倒心頭好都仲係唔開心…Panadol醫生，您係咪廢o架？哎…唔駛答喇，我知，您係廢o既。我就o黎成為開埠以o黎第一個因為打乞嚏打死o既人喇…成卷廁紙就o黎畀我用晒喇…

睇佐《齊天大聖孫悟空》大結局，真係…大佬呀，唔好侮辱我智慧啦…搞x笑！搞到好似日本o個o的有五隻色o既超人卡通片咁，居然話要打個怪獸大佬…又好似聖鬥士星矢咁有聖衣著，又好似龍珠咁超級乜乜物物…真係一路睇一路同超人罵罵聲…幾驚張偉健會同林志穎合體呀。救命！香港再係播o的咁o既電視劇我怕好快就冇人會再睇電視。仲有，Shaw canteen o的奶茶真係勁難飲。

----------------------------------------------------------------------------------------------------------------------------

哥林多前書
13:4 愛是恆久忍耐、又有恩慈．愛是不嫉妒．愛是不自誇．不張狂．
13:5 不作害羞的事．不求自己的益處．不輕易發怒．不計算人的惡．
13:6 不喜歡不義．只喜歡真理．
13:7 凡事包容．凡事相信．凡事盼望．凡事忍耐。
13:8 愛是永不止息．

好辛苦…五點喇…鼻塞，訓唔倒…頂…o岩o岩沖佐個涼…暖暖o地再試o下訓…

>>November 10, 2005 at 8:06:22 PM GMT+8

2002 年 12 月 26 日 星期四 【雨】

好o野，郵差亞辛終於都返o黎探我，之後仲會返去繼續讀書添！畀心機呀！我支持您！唔好o徙佐個咁難得o既ucb學位呀！

嘩…又試由四點訓到三點，正呀！今日好大風，琴晚唔知係咪又凍親，今日無端端流晒鼻水…但係返到沙田個鼻永遠都會舒服o的o既…真係唔知點解。死啦…唔好又病喇…Panadol傷風感冒丸您要幫我呀…

今日終於都畀倒支票個讀神學朋友仔喇…因為我唔小心約倒佢一齊離開柴灣，好開心，因為好耐冇見過佢喇，見佢仲肥肥白白咁我都安樂o的。不過佢一見倒我就話我好似唔開心咁…邊有呀？傻咩…無端端唔開心做乜喎…mm…可能係有o的擔心做o野o個度嗟…

嘩…沙田六度，屯門五度…想凍死我女人咩…

我冇變呀，一樣咁愛您。

>>December 27, 2002 at 9:49:54 PM GMT+8

2002 年 12 月 25 日 星期三 【陰】

今日真係唔好彩，訓到三點半就畀媽媽個電話嘈醒佐…今朝六點先訓呀，因為唔小心搵倒個有好多Blackburn o既相o既網頁，係咁download係咁download…嘩，好正呀。

就係為佐upload o的相上網同燒起o的中文mp3s帶返屋企，搞到要六點八先離開宿舍…好彩今日架火車同架巴士唔知食佐o的乜o野「爸爸」聲咁係咁衝係咁衝，如果唔係都冇可能八點就返到柴灣。放假真係好，乜車都好似開得快o的咁。不過今日出佐街唔夠個半鐘就見倒好多妖怪，通街都係…好驚…

我o地第一個平安夜過得好平安，但係今日我o地冇一齊過節。雖然各自留o係屋企，但係感覺其實都相當好。o的大節日咁多人，我就最唔鐘意o的咁多人一齊o既時候o架喇…要出街都真係唔想揀o的咁o既時候。留o係屋企舒服得多呢！可以見o下屋企人，又可以做o下自己o野，仲可以一個人偷偷o地掛住您、諗o下您咁。唔知您o係度做緊o的乜呢？掛住您呀… =)

原本諗住廿七、八號同您出去玩，但係見您好似唔多願出街咁，咁就算啦，我唯有返工啦…咁我o地去睇乜戲好呢？兩個字o既戲有好多喎…有《金雞》、《英雄》、《雙瞳》同咩《鬼船》喎…其實我真係冇乜所謂o架…或者您會覺得成日出街都要您諗節目會覺得好煩啦，我又好似冇乜主見咁…（縱壞佐o架喇我，我之前有成年幾唔駛自己諗出街o既節目嘛…我個腦諗唔倒呢o的o野o架喇…）我就係咁冇乜所謂o架啦，我都係想見倒您嗟，做乜去邊又如何丫…您係咪想睇《金雞》呀？笑片o岩晒您o架啦！即係咁，如果您真係咁唔想諗o野o既話，咁您咪出聲等我諗囉，我會試o下努力咁諗o下o架喇…mm…丫，您又話想去o個個乜乜嘉年華？

又再凍喇，風都大佐，記住著多件衫唔好凍親~~~

頂…又眼痕…

o的相upload佐上呢個網址︰
http://uk.photos.yahoo.com/bc/dominiclei/lst?.dir=/Blackburn+Rovers&.src=ph&.order=&.view=t&.done=http%3a//photos.yahoo.com/

>>December 27, 2002 at 9:50:49 PM GMT+8

2002 年 12 月 24 日 星期二 【晴】

又係咁，極唔夠訓…同郵差亞辛玩戰棋玩到四點。好開心，因為我o地琴晚合作贏佐好多局，又逼好多人做走狗…哇哈哈哈哈！

八點半起佐身，但係又返訓到九點二…居然又起倒身，真係奇跡。每日都要同張床搏鬥一番先起倒身，我覺得自己真係好慘。

我o地冇乜事喇，放心。不過今日下晝個lab開始停電，真係煩…想做都唔駛旨意啦。

畀人放佐飛機添…點搞呢？冇電話用…（死仔，算您有良心啦，飛車落火車站畀個電話我…差您一餐飯啦。）

見今日天氣都唔錯，同您拿完電話去整（哈…咁都整得番…），再食完飯之後，就去佐赤柱行街街喇。今日大家心情都好佐好多，您居然仲o係赤柱買倒心頭好。您件紫色衫就真係襯晒我件恤衫啦！好睇喎！好正喎！

您話好鐘意赤柱個feel，我都係。您話鐘意落地玻璃o既屋企放部琴，我都想呀…

o下？咩話？您唔低能您唔開心？mmmmmmmmmmmmmmmm…

今日幫襯佐McCafe o的cheesecake同espresso，嘩…真係…不敢恭維…下次唔好搞阿叔喇…真係從來都未食過咁難食、咁酸o既cheesecake…o的espresso就淡到同我o的3 teaspoonful雀巢咖啡沖埋半杯水冇乜分別…咁差o既o野想食壞我女人呀！好彩冇肚痛咋…您個貪食鬼，硬係要說服自己個cake天生就係酸o既…傻倒呢~~~

見您咁想知份禮物係乜，又差唔多估得中（叻佐喎又！），就畀您拆啦！您好似都好鐘意份禮物咁喎，希望o岩您駛啦。做我女人緊係要靚靚出得o黎見人o架啦！呢個都係十大條件之一喎~~~

入夜之後再行佐陣沙灘同傾偈。對唔住呀，又要您諗番前兩晚o的唔開心o野添…係呀，我係會發脾氣o架，唔似得您爸爸咁好忍耐力o架…因為我都係畀屋企人縱壞o既仔嘛，咁緊係會同畀屋企人縱壞o既女嗌得火紅火綠o架啦。但係我反而唔鐘意一個唔同我鬧交o既女朋友仔喎…記住，唔好就晒我，雖然相嗌唔好口，之但係…mm…適當時要嗌o下交增進感情嘛。

最後返番落尖咀…嘩…o的人多到呢…約定下次要食Delifrance o的cheesecake呀，您記住喇…多人到呀…真係誇…搞到最後仲要行成兩個半地鐵站先上倒車返屋企，真係慘…香港人再一次表現出pk o既一面…嘩…真係慌死執輸上唔倒車咁係咁湧去車頭…真係恐怖。

我其實係好愛您o架寶寶…對唔住呀，今次又嚇親您。我又點會咁容易就憎佐您丫，成日諗埋o的傻o野。我都知您好大膽o既，您即管再搵o下我o既死穴啦！不過我係對人唔對事o架嘛，您永遠都有優惠o架啦…我邊有試過嬲您嬲過夜o架喎…傻婆。錫返您，啜~~~

>>December 27, 2002 at 4:17:16 AM GMT+8

2002 年 12 月 23 日 星期一 【晴】

完全唔夠訓，但係好好彩八點半返訓之後九點鐘居然起得返身…奇跡。

今日只係做佐個好簡單o既purification，同埋畀老細逼我o係未預備好o既時候面聖。又畀佢話我做得少o野…唉…對唔住，我之前o個兩個禮拜真係食佐屎，不過呢個禮拜又放假兼停水電，唉…點做呢？

今日我o地冇乜o野，您唔駛擔心。

與愛人吵架時所說的話，往往就在不知不覺間，如尖刀刺進對方的心坎裡。對不起。我知您仲係唔開心緊，但係我都冇辦法可以令您開心番o架喇…因為說話出佐口係冇得收番o既。呢個故事教訓我o地唔好亂咁因o的小事嗌交。

但係，我想您知道︰全世界o既人都可以誤會我，但係就只有您唔可以。

五點幾就閃佐，搭校巴落山居然聽倒下面呢首歌…係電台定係個司機o既品味呢？猛打電話搵人陪我，但係個個friends都約晒人，真係灰。之後一個人落佐沙田，o係G2000買佐件衫，再買佐支gel，買佐個相架o黎放您o個兩張相同買佐o的o野送畀您。夾埋o岩o岩用佐二百五蚊。之後再落旺角，視察o下個GD55係咩情況…mm…都幾好丫，又可以掛電話繩，仲有紅色同粉紅色揀，都係千七有找嗟…細細部o岩晒您啦…跟住再去佐睇o下衫咁，發覺都冇件o岩feel…唉…唔通想買件衫都咁難…

有三件開心o既事︰

第一，Non-mean loan減佐息，由4.625%減到4.5%。

第二，Blackburn Rovers主場贏佐Manchester United一比零。

第三，同女朋友仔嗌完交之後大家了解大家多佐。

>>November 10, 2005 at 8:05:40 PM GMT+8

2002 年 12 月 22 日 星期日 【陰】

今日超級唔開心。因為我o地又o係o的要返屋企o既中式節日吵咀，仲要係嗌得好勁o個隻。

呢件事或者唔應該再提，但係唔寫o係度記住我怕我o地兩個都會唔記得。

本來因為lab裡面o既事已經搞到好唔開心，點知您仲要無端端叉隻腳埋o黎踩我兩腳。ok，我冇話我自己一定o岩晒，我亦都係鐘意您會指出我o既錯處同不足先揀同您一齊。但係，點解您可以咁狠心o係全世界面前踩您自己o既男人，再讚人o地好過我之餘，仲要用呀媽式o既口吻拜託人o地要對我多多指導？您有冇諗過我o既感受？究竟係邊個advanced邊個？您知道我有幾失望，有幾心痛？

之後我成個下晝、成晚打畀您都搵唔倒您，sms又send唔倒，icq又唔見您。直至我打電話去您屋企話您沖緊涼我先知原來您唔係失佐蹤。我知道，您係報復緊我。

再上到icq就真係嗌得好勵害，我o地從來都未試過嗌成咁。您一句我一句咁o係icq度係咁鬧鬧鬧…大家o既語氣都好差好差。您一句話要重新評估我o地兩個夾唔夾…我一句話我好憎您…點解？點解我o地會咁？我o地係為佐乜而鬧交？我o地做乜事會咁無聊為佐o的閒人o既事而大吵大鬧？您覺得好似畀人打佐幾拳咁，我就覺得好似背脊畀人插佐刀咁…

我記得喇！原來星座又講得o岩…大家都係o的個性硬，要支配、征服對方o個類人。但係原來大家都o係不知不覺之中受佐傷…好痛苦…您一言我一語罵個面紅耳熱又何苦呢？大家不是說過要互相珍惜對方的嗎？

但係有句說話亦都係真o既，您以前對我講過而我又一直都好在意，您話︰「最憎人就係失禮我，我媽咪都係咁諗。」對唔住，或者我真係距離您心目中o個種好男人係差九千萬丈咁遠，而且o係您眼中又有好多好多缺點，又唔成熟。但係我自問我係由心底之中咁去對您好，去愛您，畀一切最好o既您，您其實就係我o既一切，您係我o既身家性命財產。o係您心情唔好o既時候，即使我係心情好壞，亦都想設法遷就您唔想同您嘈。或者我仲係做得唔好，咁就請您多多體諒。您明白我係一個開心同唔開心一睇就睇得出，有o個句就講o個句，唔會理人感受，直到不得了o既人。請您就o係接受我呢個背景情況底下帶住我成長，請您明白我係有幾需要您。

對唔住，我琴晚係唔應該發您咁大脾氣…但係請您都留番少少面子同自尊畀我。男人係需要呢o的o野o既。我知道，我明白，您都係緊我先會做o的咁o既事。好彩大家都記得我o地之間確實係得來不易。大家都要記得大家的需要和要求，大家都要記得適當o既時候要忍讓，而唔係報復。

應承過您乜我一直記得好清楚，但係希望您明白習慣同感受o既問題。我真係唔可以好具體咁講您知點解我係咁需要佢，但係o個種釋懷o既感受係無法形容o既。我知您唔鐘意乜，我知您驚o的乜，或者您覺得我係呃您。但係我永遠都冇唔記得我要做o的乜先可以令您幸福。

原來係您先頂得我順，亦係我先頂得您順。

我清楚知道，如何待您好，I love you~~~

>>December 29, 2002 at 10:54:17 PM GMT+8