2003 年 1 月 10 日 星期五 【晴】

今日都算驚險，因為校錯鬧鐘九點半…但係好好彩九點就自己醒佐…

今朝開始有grad. sem.，不過好好彩半個鐘就搞掂。set完個reaction之後再開始run column…但係中途又要去帶o的x人lab…真係慘，又要o徙我個幾鐘。之後就係咁run係咁run支column…頂…product o個點沖極都未出…結果搞到八點先走得人…又一day…真係有些少累…

夜晚就陪佐您去旺角買電話。個GD68都好好睇o丫，彩芒又經濟，不過您買o野就唔可以咁求其o架，要問多幾間問清楚o的先得嘛！錢o黎o架！而且您又係消費者，有權知嘛…仲以為您自己搞得掂添，最後都要我開金口…下次您要學識買o野o既技考喇…問多o的，著數o的。

之後去佐「打理法國」食佐好多o野，o的碟放滿晒成張台…真係勁。

今晚o的星星好多好靚。好開心，因為可以見倒您！見倒您塊面紅紅o地就想錫您一啖…啜~~~

>>January 11, 2003 at 1:12:14 AM GMT+8

2003 年 1 月 9 日 星期四 【陰】

最近好多時我都會諗，如果我而家唔係讀緊M. Phil.，究竟我會做緊o的乜呢？sales？lab. tech.？銀行teller？速遞員？水吧？打雜？

我好想做一o的可以四圍走o既工作…如果我唔係入大學讀chem，我可唔可以做一個導遊呢？我可以做個室內設計師嗎？可唔可以係一個廣告設計師？

我o既夢想係做一個urban planner…可惜而家已經越來越遠喇…唉…點解會咁o架？

點解我細個o個時屋企冇畀過我學琴o架…太窮喇…唉…點解我舊年有咁多閒錢去買o野，但係都冇去學數碼鋼琴、陶瓷同埋法文？點解我唔可以過美國、英國讀書？點解外國讀書可以有咁大o既自由度，我o係浸會就只係得3個units一個course係自己揀o既elective？

講您都唔信，我完全冇畀心機考o個個叫做會考o既東東，考得最好o個科居然係地理，有個B(4)…又講您都唔信，我o個3個units o既elective讀佐科Cartography，而且仲有A-…吹脹呀！點解喎…點解會係chem？

香港讀chem冇用o架…

今日天氣都幾好，有o的日光。一個唔小心九點半先起倒身…冇法啦，琴晚三點幾先訓…

返到去見一個人都冇，先醒起原來今朝係老細堂…唉，我覺得上唔上都罷就啦…如果為佐上佢呢堂八點半搞到成日都冇精神做o野就真係冇著數喇…

Set佐個reaction之後又去佐clinic幫襯，今次睇o個個彭醫生，都ok啦，睇得幾仔細。不過咁就o徙佐我成粒鐘。

晏晝飯搵佐您食喎…好開心，因為可以見倒您…好掛住您呢…

下晝過佐支好column，o的product都有幾多，白白淨咁。嗯…好滿足。不過做來做去都係o的舊o野…唉…多謝亞辛o既電話支持。

夜晚去佐大埔剪頭髮，呢間o野o的人好好呀，o的人做o野好有心機，連洗頭o個個都好仔細，洗頭時間係你平時洗o既1.5倍時間…我心諗︰嘩，你同一個動作做佐成三、四次，洗完未o架…剪頭髮個師傅都好ok，慢慢剪，濕剪完幫你吹乾之後再補剪o的飛o下飛o下o個o的頭髮…終於都畀我o係大埔剪倒一間好o架喇！之後再求其去佐間o野食車仔麵，哈，又係唔錯喎，居然料多過麵，真抵食！

今日好滿足。終於都有返晚好訓。

>>November 10, 2005 at 8:40:58 PM GMT+8

2003 年 1 月 8 日 星期三 【陰】

今日雖然好累，但係都死佐出旺角同亞辛玩到點幾先走。

雖然鬧鐘八點半就響佐，但係今朝都係十點先起身。個group meeting好悶，好眼訓。完佐之後老細請食飯，我呢o的乜q都做唔倒o既學生就根本唔抵請o架啦…唉…

今日o的lab…唉…唔知點解有個reaction做完之後GC睇倒有product，但係TLC就睇唔倒，頹過column之後乜都冇…唉…

對唔住呀亞辛，我都唔知間書店係收六點半o架…下次同您再去過囉…sorry呀…

今晚落佐廟街食o野，好耐冇去過喇！食煲仔飯同街邊o野、打機、去seven買o野飲、四圍行…好悶，又一day…唉…

o的lab幾時先可以順o的？

>>January 9, 2003 at 2:53:04 AM GMT+8

2003 年 1 月 7 日 星期二 【陰】

異常極之累…琴晚又冇覺好訓…我唔明點解您真係可以成晚唔訓都得…救命…

嘩，好頭痛呀…其實係琴晚訓得唔係咁好開始，搞到要天光先叫做累到想要訓一陣，但係偏偏要返工。今日約好佐隔o黎組o的NMR時間，如果今日唔做又會再煩親人，冇法啦，十點半開始一個鐘頭take一次data，不過個結果好似唔係想像中咁喎…點好呢…

今日帶lab o的人都ok啦，冇帶o個幾件頭號x人。三男三女，有條女個賣相都相當之串同埋只係識得開口大聲嗌冇乜冇物，呵，sorry喎，我估佢之後o的lab分都唔慌會高…

今晚又係返屋企食飯，不過唔知做乜架118改晒道咁行…搞到八點三先返到柴灣…食完飯走人o個時仲衰，我都唔知城巴同九巴點搞o既，平時半個鐘起碼有四、五架o既車今晚居然要成村人食佐成半個鐘西北風先有一架車…頂…架車仲要冇乜冷氣同好焗、好臭…頂…要寫complaint letter投訴佢先得…

出事喇，琴晚見倒您好似太開心咁一時囂張過龍亂講o野添…令您好唔開心咁喎…對唔住呀，我估我以後都用晒個「傻」字o黎代替晒我琴晚講過o個o的形容詞好喇…

好死累…

>>January 8, 2003 at 12:43:24 AM GMT+8

2003 年 1 月 6 日 星期一 【雨】

今日o既心情明顯好轉，一來係早返到lab啦，二來係今日支column好生性啦，三來係我今日可以見倒您…雖然外面係好凍，但係我個心好暖。

下晝頹見老細，因為佢趕住走…四點咋大佬…唉…佢叫我聽日再搵佢…mm…

部400MHz NMR今日整返好，300 o個部又冇事可以run返carbon，我覺得今個禮拜開始得唔錯，希望可以好頭好尾啦。

多謝您o既鼓勵。多謝亞辛o既支持。多謝米米o既開解。

>>January 7, 2003 at 1:36:27 AM GMT+8

2003 年 1 月 5 日 星期日 【陰】

星期日，琴晚做o的濕x lab做到成三點幾先走，今日又冇NMR用，又唔開心喎，所以訓o下訓o下訓到成三點先起身…

搞o下搞o下，結果都係改變主意，決定返屋企食飯。好開心呀！我終於都返倒屋企喇！我好耐冇返過屋企喇！我仲清晒成台o的飯菜添呀！不過食飽就好眼訓，結果九點就攤佐落床…嗯…今晚張床特別好訓o既？點解呢？

九點半，媽媽第一次趕我走。十點，媽媽第二次叫我走。結果，我都係唔想走喇！我決定今晚留o係屋企訓。讀佐M. Phil.咁耐都冇試過星期日晚留o係屋企訓。真係feel like Sunday！

不過我五點鐘就醒佐喇…原來我訓八個鐘就夠o架喇…不過飲佐罐汽水之後我又再訓到七點半…好滿足。

我終於都知道佐您做乜唔開心喇，原來您怕我食回頭草…救命…唉…唔好低能啦，根本冇可能。

>>January 7, 2003 at 1:31:16 AM GMT+8

2003 年 1 月 4 日 星期六 【晴】

今個禮拜真係唔知食佐乜o野屎，硬係做乜都死…唉…我覺得自己真係好pk呀…

今朝又唔係冇醒過，只係又唔想返lab住，結果搞到成三點三先搭車走。點知返到lab先發現又冇帶門咭…頂…結果就係死死氣咁返宿拿。點知走o既時候又連銀包鎖匙都漏低佐o係宿裡面，結果就要用十蚊借鎖匙，拿返之後又再次返lab。返到去同Z. W. 謝o個組講好用NMR o既時間之後，就準備燒tube聽日做個mechanism o既實驗。好喇，千辛萬苦終於都o係冇人教過我o既情況之下燒好我人生o既第一支tube，點知一見倒佢o地，佢o地就話我知部NMR down佐，唔知做乜整鬼壞佐，留低o既只係一句「唔好意思」…真係除了bea，還是bea。吹x脹，搞x笑…如果咁樣係天意o既話，咁不如搵個雷擘x死我，又或者等我pk死佐去好過啦，唔好再玩我啦好唔好？求o下你唔好再玩我啦，我唔掂喇…

再一次證實我係唔應該讀M. Phil. o既，做乜要玩我？

夜晚，出佐去同健健一班人踢波，今次又輸六比一，不過冇乜所謂啦，都係想做o下運動等個人健康o的、精神o的。我覺得今晚o既表現都唔錯喇，雖然有o的又累又病咁，但係居然都踢足個幾鐘，仲有幾次閂倒對方幾乎必入o既波o既傳中波，不過就踢得辛苦o的，踢八個人都可以成個左邊打我一個，想走死我咩…成日又叫我走前o的喎，失佐波又冇人包抄…大佬呀，我左閘o黎o架咋，唔係一個翼衛嘛。不過我記得有次同以前班中四、五班同學踢，我踢右翼都唔錯喎，不過可能係因為同o個班人夾得倒啦，又肯交波同做短傳…唉…而家次次都係輸，又做唔倒o的有組織o既攻勢，真係搞搞o地笑…

最後仲返佐lab打NMR…唉…唔知做乜之前幾日打o個個carbon冇o野睇…頂…真係唔好再玩我啦…我時日無多喇…又一day…好掛住媽媽呀… =(

喜怒無常的我總會令多疑的您難受，但請相信我，我對您的愛是不變的，也從沒冷卻過。

您愛我愛您，我愛您愛我。

好多謝您o既聆聽同支持。愛您~~~

----------------------------------------------------------------------------------------------------------------------------

馬太福音
6:34 所以不要為明天憂慮．因為明天自有明天的憂慮．一天的難處一天當就夠了。

冇錯，明白。

>>November 10, 2005 at 8:18:47 PM GMT+8

2003 年 1 月 3 日 星期五 【晴】

好憎佢，決定以後唔同佢打招呼同講o野，最憎人講過又唔認數。我今次係對人唔對事o既，我就係咁小器o架喇。

痴線o架，個頭痛到死呀…

低能o架，o的product沖極都沖唔出…

今日好頭痛呀…其實八點就畀個鬧鐘鬧醒佐，但係真係好頭痛呀…結果九點、十點同十一點我都醒過，十一點呢次仲要係打佐兩個乞嚏打醒o既，所以我決定都係要起身返工喇，因為今日都有幾多o野要做。

下晝六點幾，但係我個頭都仲係好痛，痛足成日，我知我今晚個頭都仲係會繼續痛，冇法啦，我唔會再食Panadol o架喇，再食我遲早就會因為失血過多而死。十個痛我會畀十一個佢。

聽倒電台新聞，話有個啤啤畀張被焗死佐…唉…真係慘。不過我估個啤啤o既媽媽應該仲慘仲傷心。好彩我有個好媽媽，如果唔係細細個o個時就一定已經焗死佐，仲邊會有咁牛高馬大去激佢o丫…多謝媽媽。

專家教o既啤啤仔訓法（話唔會咁易焗死喎…）︰
1）要臥睡。
2）腳要盡量貼近床尾，等個啤啤冇位跣入張被裡面。
3）如果啤啤仔對手唔係凍（通常個身夠暖對手都唔會太凍。），可以放出被外面。
4）唔好扲太多、太厚o既被。
最重要仲係要多o的留意個啤啤仔…嘩…要養大個仔都唔易喎…

今日o既工作又好唔順利，支column由十一點幾開始過，過到八點半都冇o野沖倒出o黎…個頭又痛到爆咁滯…嬲嬲o地唯有收隊食飯，頂…o徙佐我成日…八點半喇，仲有乜食呢？Frankin又收得七七八八，好彩Snack Bar仲有o野食，好耐冇幫襯過佢喇…都ok啦…又一day…頂…

食完飯搭車返宿，遇倒肥仔，咁就順便落埋Shaw睇電視喇…搞搞o下又十一點幾，個人輕鬆返o的，個頭都冇咁痛。

今日仲係好唔開心，因為o的lab真係好x…今日o既唔開心有95%係因為lab，5%因為錢。但係都仲有一件事係值得開心o既，就係您個AC lab.有A-，好事o黎o既，都值得開心o既，不過個沖喜作用唔夠大囉。我好需要您呀，您知嘛…我真係好想見倒您個傻笑樣…好想見您呢，真係好掛住您。

好掛住您~~~

>>November 10, 2005 at 8:15:21 PM GMT+8

2003 年 1 月 2 日 星期四 【陰】

今日都係持續唔開心。好煩。

兩點倒訓到八點鬧鐘響，再磨爛蓆磨到九點起身，又好順利咁九點半前返到lab。不過今日又食食o地屎咁，以為係星期一，倒晒o的液氮出o黎想拿個小路寶落去裝液氮，好彩畀坤哥點醒佐嗟，如果唔係戇xx咁拿佐落去就真係低能喇。

今日set佐兩個reactions，一個係補返之前做錯o個個，另一個就係新o既…頂…點知個新reaction個死人Rotaflo居然漏氣…我頂…佢xy o丫…點解要咁玩我喎？我就死o架喇…下個禮拜仲要交data畀老細，您到今日都仲要玩我？點解喎？唔通係天意？我點解會讀佐M. Phil. o架？點解會咁？

最灰就係晨早流流老細同我講佢幫我搵佐Henry黃同H. F. 周做我internal examinars，兩條友都係煩到x咁o既人，今次死梗喇…仲有個唔知乜水o既台灣佬做external…唉…又係天意？唉…極灰。

搞o下搞o下又一day喇…

不過正所謂禍不單行，一月三十號要交學費…我估點死慳死抵都係儲得一萬咁大罷…唉…又灰多鑊。跟住仲要交宿費…頂…Man姐，救命呀~~~

跟住又同您icq討論過我o地之間o既問題。老實講o丫，我估大家都會覺得最近大家o既關係唔係咁好。或者係我缺少佐o的歡笑啦，又或者係我講少佐o野，令到您成日都唔開心咁…我知您選擇拍拖都係想開心嗟，我唔係令您嬲就係令您喊…點解會咁o架？您不嬲都係個成日笑好開心o既人o黎o架喎…咩原因呢？係咪我冇用呢？

最近真係覺得好煩、好擔憂呢…我都知自己係好喜怒無常，係好難觸摸（情緒化係我o既標誌。）；我都知自己成日都將o的o野收埋o係個心度唔講出o黎，係好難接近（您知我個口有幾密o架啦，好多時真係（乙水）都唔講o野。就算有時話「一般啦」，「冇o野呀」咁，其實係有o野或者唔開心，您要追問o下先得嘛…）。有時我會覺得同您一齊好唔舒服，點解呢？我都唔知呀，或者問題係o係我身上出o黎o架啦…總會覺得大家經過半年o既相處之後，好似當大家o既缺點慢慢走佐出o黎之後，爭拗好似多佐咁，大家為佐對方而唔開心o既時候亦都多佐。係啦，我估呢o的係必經o架喇！如果我o地唔拿出o黎傾o下，又唔用多o的包容去相處，真係好難繼續一齊行呢條路。嗯…我o地要努力o的先喇！

我知我o地都好愛對方，好想對方進步同快樂，好想可以好舒服咁相處，好想可以一直咁o係埋一齊。而家係二零零三年o既開始，我o地就o係而家再努力過，開開心心咁去愛護、支持對方。

愛您，又豈會輕言對您說分手？也許，簡單的愛情是最美麗的。

----------------------------------------------------------------------------------------------------------------------------

時間︰永遠
人物︰我
地點︰向著無盡的海洋
動作︰呼喊著
內容︰我愛您呀，我好愛您呀，吳幗媚~~~

不愛您，還愛誰？

對您，永不放棄。

----------------------------------------------------------------------------------------------------------------------------

天蠍 VS 白羊
女 VS 男 配對評分：60 分

☆☆☆ 需努力共同開創的一對 ☆☆☆

解析：　
您們倆一個是天王、一個是孩子王，基本上除了好強好勝之外，個性及行為都是完全相反，一陰一陽。蠍子外冷內熱，所有的感覺、好勝心都埋在心底；羊兒凡事則表露在外，率直的像孩子，兩個極端遇上～您要愛他，得先學會把話挑明了說！
羊兒跟您相比，他較漫不經心，承受力也低，想教他配合您，有點難；您最好還是想清楚，要嘛～就配合他，要不然～就跟著感覺走吧！

注意事項：
蠍子與羊兒的星座個性都極強，只要彼此付出熱情，就會轟轟烈烈的愛得火熱；其實您們若能陰陽調和，會很幸福，兩人的忠誠度都很高。但是，前提必須是您能抓得住羊兒，還懂得欣賞他與您不同的智慧。
對於心直口快的羊兒，您常覺得他太衝動、獨斷獨行，不懂得察顏觀色，既粗心又麻木，不太體貼別人的心意；忍不住的想“教導”一番嘛～卻常常愈弄愈糟。
看似單純的他，其實除了性格強悍外，還有股寧為玉碎的氣勢。而羊兒覺得您很有心機，很多事都不先說，事後卻又嚕嗦挑剔，甚至還想凡事站在主導的地位。也許您只是想協助他，但這樣的誤會，會令您心痛到內傷！由於您們的本性不同，您必需先學習羊兒的坦白，試著讓他去做決定，而您只溫和的提供意見就可以了，這種方式對您們的相處會有幫助的。

http://home1.8d8d.com/Recreation/Horoscope/817040.8d8d.net/08-01.htm

白羊 VS 天蠍
男 VS 女 配對評分：60 分

☆☆☆ 需努力共同開創的一對 ☆☆☆

解析：
白羊和天蠍的組合，跟白羊與處女的組合一樣，都需要一點奇蹟。以星座的角度看來，您們的角度不吉，也距離太遠；一個是孩子王，一個是天王，粉辛苦！
不過，命運總是很愛捉弄人，羊兒很容易會被蠍子神秘魅惑的氣質所吸引，反而會促使羊兒產生征服蠍子的戰鬥慾望。

注意事項：
熱情活潑羊兒和外冷內熱的蠍子，可能會產生一種短暫的激情，但時間一久，個性差異就會明顯的呈現出來。雖然說您是吃定了蠍子，但蠍子又豈是如此容易屈服的？所以您們要想長久交往，學習相互包容很重要。培養對超自然的共同興趣也是個好方法，可有助於您跟蠍子的溝通。
請切記：即使要分手，最好好聚好散，否則您可能會死得很難看。

http://home1.8d8d.com/Recreation/Horoscope/817040.8d8d.net/01-08.htm

>>November 10, 2005 at 8:12:35 PM GMT+8

2003 年 1 月 1 日 星期三 【陰】

琴晚諗住o係宿食自己，夜o的先再出街同郵差亞辛去逛，點知皇上突然之間急詔，咁就用佐九個字由大學仆出旺角。頂…原來得佢同樂仔o係小飛象食飯。急詔o既原因只係因為皇上唔信自己佳節冇人陪… @_@ 咁咁咁…唉…冇法啦，佢係皇上嘛，我呢o的做卒仔o既梗係聽聽話話o架啦。一場朋友，冇計啦。

之後又死返落銅鑼灣，嘩…o的人多到呢…我同亞辛差唔多將銅鑼灣至灣仔區o既機舖全部掃晒，玩得都幾開心。三點喇，仲可以去邊呢？我o地又由灣仔行返過銅鑼灣，其間我仲食魚蛋，佢食大碌腸，哈哈哈哈哈，好過癮！好耐冇食街邊o野喇！對上o個次我估都係我同之前個女朋友仔未散o個時一齊食o架喇，佢係隻雜食o既怪獸（講o下笑嗟，唔好嬲呀！）。

好搞笑，正o係亞辛歎緊佢條個心凍冰冰o既大碌腸之際，突然之間有兩條友o係我o地面前跑過，之後仲好似想打交添…我同亞辛捕o係最安全而又最有利o既位置正準備睇o個兩條白痴點樣娛樂香港七百萬觀眾，點知o個兩條友畀佢o地o的friends拉開佐…之後想打人o個條友仲問我o地「笑乜x o野」。嘩哈哈哈哈…真係未見過o的咁o既白痴，係要做戲畀人睇。而家o的細路都唔知點解會搞成咁，郁o的就講打講殺咁，唔通呢個係潮流？

之後我o地兩條友x佐落維園，探完個廁所之後再行佐陣，嘩…都差唔多成四點喇…我o地最後上佐間網吧，我為佐填張入會表，幾乎就漏低佐個銀包…（唔見錢事小，冇佐o的相事大…）mm…最後當我o地玩到六點半左右居然睇場個人話佢o地收七點… @_@ 網吧都會收檔？有冇搞錯呀…

我o地最後走佐去間茶餐廳食早餐，嘩，個老闆幾串呀，本來都想去第二間o架喇，不過發現個侍應禮貌同態度好到不得之了，所以都係留低幫襯。今時今日咁o既服務態度先夠o架！呢間o野如果唔執下次一定會再去幫襯！茶餐廳價格，酒店式服務，正！

好耐冇玩通頂喇…我估都有年半冇玩到天光先返屋企（唔通上一次就係亞辛返o黎o個次？），嘩…好死累呀…之後我o地就散隊喇，我花佐個半鐘先返到中大，o岩o岩九點鐘，一返到宿就…zzzzzzzzzzz

新o既一年開始，但係呢年好似開得唔係咁好。

今日係約佐您去街街o既，專家話應承佐細路仔（唔知包唔包括啤啤仔呢？）o既o野係唔可以食言o既。冇法啦，唯有頂硬上。

其實我唔係好累o既，只係好眼訓嗟…或者係打佐成晚機對眼累啦。一點四倒左右收倒您o既morning (afternoon) call，嘩…好累呀，諗住可以訓到兩點啦，點知發現您好似開始想發脾氣咁喎…mm…不過真係累到爆，又頭暈暈咁…所以收佐線之後好快就訓返。

兩點喇，又收到您o既電話，我知今次一定要起身喇，因為您話您已經補完習好耐喇，多多少少都表現出您係有o的不滿咁，本來都想發返您脾氣o架喇，但係為佐唔好等您再發嬲，我就緊係拿拿聲去沖涼啦。好彩都趕得切三點半前到咋，如果唔係實死梗。

落到旺角又唔知去邊好添…其實拍拖都不外於行街、睇戲同食飯o既嗟，冇可能話次次都有新奇刺激o野，我知您悶佐好耐o架喇…但係今日又去得邊呢？有乜地方好去呢？好難諗呀…o的旺區您成日都有行o架喇，食飯o個方面呢，好多o野您又唔食o既，點好呢？好彩最後都去佐「打理法國」嗟，其實我一早都想去，但係怕您唔想又去。呢度o既cheesecake原來都好好食o架喎，廿蚊件居然仲有杏仁片同我最鐘意o既夏威夷果仁碎鋪邊，嘩…的確係好好味呀~~~再行佐陣就去佐睇《金雞》啦，嘩，唔怪得之冇人想睇港產片啦，好鬼cheap呀套戲…不過永遠都係o的咁低俗o既o野先至好笑。笑笑笑，入到去笑佐個半鐘，最有印象就係曾志偉首《荷蘭橙》，真係頂佢不順。

多謝您送畀我件衫呀，幾o岩身喎，我好鐘意呀，啜~~~不過呢，o的圖案好似…意思唔多好咁喎。您唔做得買o的咁o既圖案o既衫畀我o架…好似好諷刺咁o既…不過我都好鐘意佢，我會成日著住佢，多謝您咁遠水路拿出o黎呀。

睇完戲、笑完之後突然之間又覺得好唔開心。因為我今日其實係plan佐想返lab做o野o既，不過玩得太「早」，所以都冇法子啦，而且之前又約佐您嘛，出o黎見見您都好o既。不過一諗到o的死人lab都唔知點搞好就覺得好煩，好快個M. Phil.就完喇，我要畢業呀！不過…唉…

之後又要諗食o的乜好，見倒想食o既o野又唔知您食唔食喎，您知您有幾多o野唔食o架啦…一個人食o野好冇癮o架嘛，行來行去咁，真係想唔食飯就送您返屋企。最後又食佐餐垃圾…吹脹，之前唔知同邊個去過食好似冇咁差o架喎…唉…是但啦，好o既壞o既都係一餐嗟…不過下次又係冇幫襯囉。

無辦法畀個笑樣您睇添…對唔住。

點半終於都返到宿喇…一返到去又…zzzzzzz

>>November 10, 2005 at 8:14:12 PM GMT+8