|
2004 年 5 月 7 日 星期五 【晴】
我終於明白「多吃壞肚皮」既道理，今日真係好痛苦，以後都唔敢喇！全靠cicx同kylie幫我買既保濟丸ja，食左舒服好多，多謝晒~~~今日有D運仔，因為放學果陣追唔切巴士，所以搭左下一架，點知跟住就俾我見到之前果架撞左，真係好彩！
無意中睇到呢幾句說話，覺得好搞笑，想同大家分享下：
「聽你講埋先啦! 」
「唔好阻住你。」
「我錯啦，究竟我知唔知架。」
「我企響度。」
好有意思架！唔知有冇人會咁講呢？哈哈~~~
anyway，我一定會記住呢幾句說話！講得出做得到！
nicola~好耐冇見你喇，最近點呀？幾時帶我去你間新屋坐下呀！考完試搵你啦！
>>May 8, 2004 at 8:47:30 PM GMT+8
2004 年 5 月 6 日 星期四 【晴】
弊喇~~~完全唔mood溫書呀！！！
之前考AL果陣，如果偷懶一日，我就會內疚到訓唔著！
但依家我竟然日日都大覺訓，一D去溫書既衝動都冇！點解咁架？
>>May 6, 2004 at 7:32:56 PM GMT+8
2004 年 5 月 5 日 星期三 【陰】
poly exam timetable:
8/5 (sat) English Skills for Academic Studies 9:30-12:30
*9/5 (sun) Hotel Operations 9:30-12:30
13/5 (thu) Financial Accounting 14:00-17:00
15/5 (sat) Introduction to E-Commerce 14:00-16:30
*星期日都要考試呀~~~
>>May 5, 2004 at 6:10:20 PM GMT+8
2004 年 5 月 4 日 星期二 【陰】
又係訓得三個鐘，跟住就返左poly上make-up lecture，佢講D野都幾廢囉，早知訓多陣啦！今日係我AL之後第一次溫書，不過就冇晒果陣時既衝勁，因為心態已經唔同左，或者冇壓力反而會考得更加好，我都唔知喇~~~
vive都返左poly，我地臨返屋企之前又去多次星光大道，原來夜晚真係靚好多，我好欣賞佢地下個設計！！！vive幫我影左好多相呀，勁搞笑囉，佢唔知較邊個mode好，於是就每個mode都試下，一個景影四五張，笑到我梗左囉，哈哈！最開心就係可以睇到"A Symphony of Lights"，做project果陣就講得多喇，第一次親眼睇到，雖然唔算好精彩，但有我最鍾意既煙花，現場睇煙花真係好正呀！
P.S.今日同cicx報左first aid course，終於都學得成喇！！！
>>May 8, 2004 at 7:44:34 AM GMT+8
2004 年 5 月 3 日 星期一 【酷熱】
留左o係屋企兩日之後，終於可以出街玩喇！首先同chris and vive出左尖東唱K，真係好耐冇唱過喇，有D唔慣添，哈哈！跟住我地去左星光大道，雖然冇想像中咁靚，不過我地都影左好多相，好似話夜晚睇會好D喎，搵日再去過啦！之後就過harbour city，佢地帶左我去LCX，原來我行左咁多次都唔知有呢間野囉！我同chris都睇中左條鍊，真係好靚架，價錢都acceptable，不過我地最後都因為某D原因而冇買到，其實我既諗法都同chris一樣，大家心照啦，嘻嘻~~~我地今晚去左食元綠，相信識得我耐既朋友都知我以前係唔食壽司既，但唔知由幾時開始，我竟然愛上左佢，所以話人與人之間係互相影響既，世事無絕對！今日最開心就係買到一件恨左好耐既衫，由於件衫好貴，所以我短期耐都唔會再買衫，雖然係咁，但我都覺得值得，因為真係超級鍾意件衫！其實我都好易滿足，一件衫、一杯雪糕、一句說話......已經可以令我好開心！多謝chris and vive陪左我成日呀，考完試再一齊玩過啦！
返到屋企o岩o岩電視播緊「百分百感覺」，今集有cookies客串，當一聽到「心急人上」，就令我諗返起f.7既班際歌唱比賽，D片段湧晒出黎，每次記起都會不自覺咁笑，因為果陣真係好開心！尋晚同慧根傾開回憶呢個問題，我都同意回憶總係美好既，但我地冇可能只留o係過往既回憶，始終要面對現實，冇現在又點會有過去呢？我覺得自己好好彩，o係我腦海入面，大部份都係快樂既回憶，希望佢地可以繼續累積落去！
最近睇左一個diary，我並唔認識日記既主人，純粹以一個讀者既身份去睇！有部份日記既內容令我好感動，亦講出左我既心聲，呢度係其中一句：
「女人是感情的動物，男人是解決問題的機器。」
我非常認同呢句說話，佢所講既情況我都親身遇到過，事實的確係咁！
我好欣賞日記既主人，因為佢能夠設身處地代入對方既角色，感受對方既心情，然後反省自己既不足，真係唔係咁多人可以做得到！其實好多野都係一個惡性循環，只要做好第一步就可以防止衝突發生！
>>May 4, 2004 at 3:35:18 AM GMT+8
2004 年 4 月 30 日 星期五 【晴】
2004年4月29日，我既AL生涯正式結束！
辛苦左咁耐，本來都好想可以輕輕鬆鬆玩返日，可惜我仲要返屋企趕assignment，結果一直做到三點幾先訓，因為今朝要返830，所以訓唔夠四個鐘就要起身！經過呢一年AL+Asso.既訓練後，我覺得自己就黎可以做「阿愉二號」囉！以前既我如果訓少幾個鐘，第二日一定要訓返夠本！但最近呢個月，D野好似做極都做唔晒咁，趕完一份又有第二份，我試過連續幾晚只係訓三、四個鐘，果段日子真係好辛苦，但我知道自己係唔可以跌底，所以點都要撐落去！依家諗返都覺得自己果陣好勁，原來人既堅持真係可以將冇可能既野變成有可能架！
今日放學之後，我地去左飲茶，好耐都未試過咁大班人一齊飲茶喇，勁多笑料囉！跟住我就返m core搞埋e-commerce既手尾，當submit果一刻，我成個人都鬆晒，sem 2真真正正完結喇！之後我同cicx, kylie and joanna出左旺角行街，終於可以relax一下喇，最衰阿愉要返工啦，如果唔係就可以一齊去！去到旺角第一件事就係食我最愛既Haagen-Dazs雪糕，今次應該係我第三次食ja，因為好貴呀，如果唔係cicx有買一送一coupon，我都唔捨得食，但真係好好味囉，哈哈~~~佢地個個今晚都滿載而歸，一袋二袋好似闊太咁，雖然我冇買野，但就食左Haagen-Dazs同一餐好豐富既晚餐，我都好滿足架喇！食完飯之後，我地又去左玩塔羅，真係唔到我唔信，佢好似睇穿我個心諗咩咁，中到應一應囉！到底考唔考到呢？七月就會揭曉！
>>May 1, 2004 at 4:03:22 PM GMT+8
2004 年 4 月 28 日 星期三 【陰】
怯~
考埋聽日就大功告成,但我今晚既心情反而特別沉重!!!
我唔識點樣去表達內心既感受,更加難要人明白我............
>>April 29, 2004 at 12:16:15 AM GMT+8
2004 年 4 月 27 日 星期二 【晴】
有人關心自己係一種福氣~
多謝您對我坦白,令我明白您既感受!原來我既一時大意,令到您咁唔開心!
sorry~ sorry~ sorry~............>_<
其實聽完您既心底話之後,我反而覺得好開心,係真架~因為我知道有一個咁關心同愛我既人!
您真係變左,係變得更加好!!!您為我所做既一切,我都深深感受得到!!!
>>April 27, 2004 at 1:53:51 AM GMT+8
2004 年 4 月 23 日 星期五 【酷熱】
考完pure之後down左幾日，完全睇唔到自己既將來，乜都唔想做！對住今年份pure，我真係無話可說！我自問已經比舊年進步左好多，由開始望住份卷一題都唔識做，到考試之前我可以成份past paper咁做，但結果考完出黎都係分別不大，點解？？？有期望就會有失望，交卷果一刻真係好似世界末日咁，當諗到一年以黎所做既野都係白廢既時候，終於忍唔住喊左出黎！要同好多人講「對唔住」............
我冇怨過任何野，一切都只可以怪自己！！！
今日同cicx and yu傾左好耐，原本我同cicx諗住安慰yu，點知我地越傾越多野，由幼稚園、小學、中學到依家，乜都講一餐，結果我地傾到十點先捨得走！我真係好鍾意同朋友傾計，因為每次傾完之後，我都會了解佢地多左，亦從中領會到一D野，所以今晚係好開心！每一個人都有自己既故事，我地雖然唔能夠控制故事既開頭，但絕對可以掌握最後既結局！
Yu~我明白你依家既處境，無論你最後既決定係點，我都會支持你！The most important is...... NO REGRET!!!
Cicx~就算幾唔甘心都冇辦法喇，依家最重要係考埋last一科，仲有希望架！至於其他野，考完之後我地一齊諗惦佢啦！
>>April 24, 2004 at 3:04:50 AM GMT+8
2004 年 4 月 18 日 星期日 【晴】
兩日加埋都訓唔夠八個鐘，見到自己個殘樣都驚！再過多十日左右，我就可以大覺訓喇，不過只可以抖幾日ja，因為又到poly考試lu！唉......一個星期要追返十四個星期既野，你話死未！
由於AL既關係，好耐都冇同D朋友慢慢坐底傾計喇，我知道有個朋友最近唔係咁開心，但我都冇時間安慰佢，真係好對唔住呀！anyway, i must support u ga!!!
>>April 18, 2004 at 9:08:32 PM GMT+8
|
![]()
|
廣告 |
|
|
讀者留言 |
| 路人留言
|
 多謝你呀~~~
<br>
<br
>>June 8, 2006 at 12:20:05 PM GMT+8
hey,駛mug講sorry又多
>>December 17, 2005 at 11:40:42 AM GMT+8
你竟然想去迪士尼？
<br>我1
>>September 23, 2005 at 12:10:49 AM GMT+8
take care gal^^
>>June 6, 2005 at 7:22:29 PM GMT+8
i know one of ur
>>April 28, 2005 at 5:20:41 PM GMT+8
Sound good ....
>>April 11, 2005 at 10:36:34 PM GMT+8
it's so beautifu
>>March 28, 2005 at 1:00:24 AM GMT+8
hey~jessie~~
<br
>>March 13, 2005 at 9:26:47 PM GMT+8
新年快樂~~~
<br>以後o既
>>February 9, 2005 at 4:55:57 PM GMT+8
開心啦!!! 今日去旅行!!!
>>January 27, 2005 at 12:45:11 AM GMT+8
多謝你o既炸鮮奶!!!
<br>
>>January 18, 2005 at 9:33:16 PM GMT+8
o的 hall 人話個 hall
>>January 4, 2005 at 11:59:56 PM GMT+8
Merry X'mas!!!
<
>>December 25, 2004 at 1:08:14 AM GMT+8
aiya~
<br>我雖然都係唔
>>November 22, 2004 at 11:56:16 PM GMT+8
加油la!
<br>你要支持住~
>>November 18, 2004 at 1:30:11 AM GMT+8
aiya,遲過Koala留言ti
>>November 6, 2004 at 10:17:19 PM GMT+8
i dunno what can
>>November 6, 2004 at 12:32:50 AM GMT+8
之前唔知點解開唔倒你既websi
>>October 19, 2004 at 10:01:44 PM GMT+8
┌───┐
<br>│加油！│
>>October 3, 2004 at 2:00:46 AM GMT+8
我唔知您 daddy有咩事, 不
>>October 2, 2004 at 10:10:52 PM GMT+8
正如高佬李都有講『人有三衰六旺』
>>September 23, 2004 at 4:10:08 PM GMT+8
最緊要知道自己應該做什麼.
<b
>>September 23, 2004 at 1:13:44 AM GMT+8
+ oil!!!
<br>其實
>>September 22, 2004 at 11:49:33 PM GMT+8
係呀，你個hall好正呀，得閒我
>>September 20, 2004 at 1:52:16 AM GMT+8
Good la~ 總括來講 o
>>September 3, 2004 at 12:45:37 AM GMT+8
我都支持中國隊o架!!! 不過次
>>August 18, 2004 at 11:41:44 PM GMT+8
恭喜賀喜~~~~~~~~~~~
>>August 12, 2004 at 2:07:55 AM GMT+8
開心啦~ 哈哈哈!!! 入 Po
>>August 11, 2004 at 9:06:37 PM GMT+8
搞到我好似坐監咁,,重聚.唔好啦
>>August 10, 2004 at 1:05:37 PM GMT+8
好久冇見la~~~~
<br>你
>>July 28, 2004 at 10:03:09 AM GMT+8
我上次幫你問過一個係poly讀c
>>July 20, 2004 at 1:28:16 PM GMT+8
點止小聚, 遲d齊齊degree
>>July 5, 2004 at 8:34:06 PM GMT+8
原來你有咁多朋友o係夏天出世!!
>>July 1, 2004 at 2:38:09 AM GMT+8
好累...........KIL
>>June 22, 2004 at 11:41:39 AM GMT+8
你倆實在太過份la!!!!!!!
>>June 8, 2004 at 10:55:43 PM GMT+8
多謝你呀~~~~~~~~
<br
>>June 7, 2004 at 2:37:11 AM GMT+8
喂! 星期日唔同得你同俊俊行街呀
>>May 29, 2004 at 12:09:05 AM GMT+8
好悶! 之前又有考試又有得去街又
>>May 23, 2004 at 4:18:18 PM GMT+8
我決定唔亂買o野喇!!!
<br
>>May 17, 2004 at 11:48:20 PM GMT+8
咪同你一樣囉, 考完al都完全唔
>>May 8, 2004 at 8:31:42 PM GMT+8
考完al啦~~考成點都已成定局,
>>May 7, 2004 at 12:20:34 AM GMT+8
waa...隻相 load 唔到
>>May 5, 2004 at 10:59:11 PM GMT+8
什麼阿愉二號～
<br>你點夠我
>>May 4, 2004 at 3:00:47 AM GMT+8
我...冇o野講!
<br>哈哈
>>April 24, 2004 at 9:37:52 PM GMT+8
哈哈!
<br>AL俾心機~~
>>April 19, 2004 at 12:16:29 AM GMT+8
愚人節係我o既節日! 你講o架!
>>April 12, 2004 at 12:24:42 AM GMT+8
Anyway thx ur gi
>>April 10, 2004 at 10:29:00 PM GMT+8
Cry ............
>>April 10, 2004 at 10:27:16 PM GMT+8
阿嫂，四月有特別事? 哈哈哈~
>>April 4, 2004 at 4:46:11 PM GMT+8
Jessie~~~~
<br>你
>>March 29, 2004 at 2:08:13 PM GMT+8
|
|
我終於明白「多吃壞肚皮」既道理，今日真係好痛苦，以後都唔敢喇！全靠cicx同kylie幫我買既保濟丸ja，食左舒服好多，多謝晒~~~今日有D運仔，因為放學果陣追唔切巴士，所以搭左下一架，點知跟住就俾我見到之前果架撞左，真係好彩！
弊喇~~~完全唔mood溫書呀！！！
poly exam timetable:
有人關心自己係一種福氣~
考完pure之後down左幾日，完全睇唔到自己既將來，乜都唔想做！對住今年份pure，我真係無話可說！我自問已經比舊年進步左好多，由開始望住份卷一題都唔識做，到考試之前我可以成份past paper咁做，但結果考完出黎都係分別不大，點解？？？有期望就會有失望，交卷果一刻真係好似世界末日咁，當諗到一年以黎所做既野都係白廢既時候，終於忍唔住喊左出黎！要同好多人講「對唔住」............