2004 年 9 月 21 日 星期二 【晴】

幾經辛苦先搞惦份assignment，都唔知考試點算！
目標：努力寫program，我要克服佢！

>>September 21, 2004 at 2:16:04 AM GMT+8

2004 年 9 月 18 日 星期六 【雨】

我已經買左notebook喇，終於可以打返diary，等我講下呢兩個星期既hall life啦！

首先玩左三日兩夜既o' camp，認識左一班爸爸媽媽同freshmen！呢個camp真係搞得好成功，因為佢可以令到所有人都ENJOY，尤其係最後果晚既sharing，大家就好似一家人傾計咁真情流露，令我好感動！「開開心心住利生，十五十六一條心！」YEAH~~~

住hall真係多左好多時間用，以前一日搭成三個鐘車，而家行十分鐘就返到學校，不過訓覺既時間並冇因此而多到，因為每晚都兩三點先有得訓，真係要學下time management先得！

星期二，一班asso既朋友仔上左黎我個hall同kylie慶祝生日，九個人迫o係我間房仔，真係好鬼熱鬧囉！我最開心就係有得打牌，對上一次打好似已經係一年前既事lu~呢個生日會雖然簡單，但勝在氣氛好，大家都玩得好開心，之後睇返D相同video真係笑死我！希望kylie會好好珍惜我地送俾佢既禮物啦，如果唔係......三個月後就有大禮俾summer喇！哈哈~~~
最後，我係好歡迎大家上黎我個hall度玩既，但唔該唔好再搞我隻麥兜喇，你地好殘忍呀！



>>June 23, 2005 at 10:37:23 PM GMT+8

2004 年 9 月 2 日 星期四 【晴】

我已經搬左入hall喇~~~
大部份既野都已經settle好晒，但就未有電腦，暫時要用住roommate果部先，所以呢幾日應該會少D上網，希望我好快會買到notebook啦！

Jelly~今日真係唔該晒你同你爸爸！終於有機會坐到你車喇，都好定呀，以後practise多D啦，因為你係唔適合等車架，哈哈！

>>September 7, 2004 at 11:40:08 PM GMT+8

2004 年 8 月 30 日 星期一 【雨】

玩完三日兩夜既o'camp，成個人都散晒，第一晚係冇得訓，第二晚就凍到訓唔到，結果兩晚加埋訓唔夠四個鐘，個樣殘都嘔！成個camp最掃慶就係日日都落雨，好多原本o係室外進行既活動都要臨急臨忙轉室內，搞到勁冇癮！仲有就係個MC，每當佢一講野就全場訓晒，真係好失敗！唯一慶幸就係我地有三個好nice既組爸姐媽，期待之後既re-u呀！

>>September 2, 2004 at 1:23:57 AM GMT+8

2004 年 8 月 21 日 星期六 【雨】

呢兩日睇左好多場乒乓球賽事，場場都好精彩刺激！今日剛剛打完男雙決賽，雖然係中國對香港，但唔知點解我都係支持中國多D，可能係情意結啦~哈哈！聽日輪到女單喇，好可惜王楠出左局，不過仲有張怡寧，勁鍾意佢地兩個呀！

>>August 22, 2004 at 12:28:18 AM GMT+8

2004 年 8 月 20 日 星期五 【綿綿細雨】

唔經唔覺婆婆已經黎左個幾星期，聽朝就要走，每次同婆婆分開既時候，我都會好唔捨得佢，今次都係一樣！唉......真係好討厭呢種分離既感覺！婆婆真係好錫我，佢今次係特登黎睇我放榜，而家總算了左佢既心願，見到佢咁開心，我覺得之前既辛苦係好值得！

>>August 20, 2004 at 3:17:44 AM GMT+8

2004 年 8 月 17 日 星期二 【晴】

首先同eileen講聲"HAPPY BIRTHDAY"先啦！歡迎你加入「兩張野」既行列呀！哈哈~~~

依排忙於睇奧運，日日都朝早五點先訓，中午就去補習，之後再返屋企訓過，夜晚又繼續睇，我呢幾日既生活就係咁喇！嘻嘻~~~
支持中國隊呀！！！

>>August 17, 2004 at 11:57:27 PM GMT+8

2004 年 8 月 10 日 星期二 【清涼】

考到喇~~~

尋晚已經知會入到poly，但就唔知係邊科，所以成晚都冇乜點訓過，好驚會係HD！今朝睇完結果之後，成個人都鬆晒，終於做到真真正正既大學生，我果一刻激動到喊左出黎，可以話係喜極而泣！為左呢個AL，我真係犧牲左好多野，不過絕對係值得既！當初決定讀asso既時候，係我堅持要retake AL，今次既成功對自己同所有關心自己既人都有所交代！

拔~唔准冥目呀，衰人！仲有好長既路要同你一齊行架！

>>August 12, 2004 at 12:55:09 AM GMT+8

2004 年 8 月 4 日 星期三 【乍寒還暖】

再見喇~~~十九歲!!!

總結呢一年，好多唔如意既事情發生o係我身上，先係考唔到大學、跟住阿拔過澳洲讀書、最後阿爸都失埋業，接二連三既打擊令我心情極度低落，再加上重考AL既壓力，成年都過得好辛苦！當然都有值得開心既野，好慶幸可以o係asso認識到G5，我永遠都會記得同cicx o係「拉記」一齊溫pure果段艱苦日子；此外，亦要多謝joanna, kylie and yu既支持同體諒，仲成日要幫我地執手尾，真係辛苦晒佢地！除左多謝新朋友，仲要多謝一班一直都對我好好既舊朋友，雖然大家唔係一齊讀書，冇得成日見，但依然可以keep in touch，每當我失意既時候，你地都會o係我身邊撐我，really really really thx!!!最後就係阿拔啦，佢初初過左澳洲果幾個月，我真係好down，不過最辛苦既日子總算捱過左，依家終於領悟到原來分隔兩地一樣可以好開心，因為大家都更加懂得珍惜，真係好多謝您，希望將來都會繼續好！等您返黎呀~

好喇~等我講返今年生日啦！中午補完習之後就出左沙田同eileen食lunch/ tea，還記得舊年返西田果陣，每次經過風月堂個門口都好想入去試，今日終於都有機會喇，嘻嘻~ 要多謝eileen啦，我知道佢為左我先會走入去D買女人衫既鋪頭，而家屋企有好多件綠色衫呀，不過我鍾意，哈哈~~~
食晚飯之前同gladys and jelly小聚左一陣，完全冇諗過今日可以見到佢地，所以真係好開心！因為冇人有帶相機既關係，於是我地就去左影咭喇，D咭影得好靚呀，哈哈！不過今日既時間好倉卒，搵日再出過黎啦！
之後同馬會既朋友仔食飯，估唔到有咁多人黎，多謝bonnie, chris, crystal, garen, geoffrey, kevin, lok, monkey, vive同阿b！亦要多謝jason, louis, miu, rockie, sunny, wayne同大頭，佢地雖然黎唔到，但都有打電話同send msg俾我，真係多謝晒大家！！！

Chick~收到你個電話真係開心死我呀，仲有張超級可愛既forever friends birthday card，勁勁勁鍾意呀！我唔駛要空運返黎既禮物架，淨係要坐飛機返黎既你就夠喇！
Vive~多謝你個「鮮果快樂」啦，真係好鬼好食呀，如果冇埋D藍苺就更好喇，嘻嘻~~~仲有你份禮物呀，我知你整左幾晚架喇，好感動呀，咁都俾你諗到，好野呀！
Belinda and Nicola~你地每年都一定會記得我既生日，就算見唔到面，一個簡單既message已經好warm，你地永遠都係我好好既朋友！
拔~又一個big surprise，真係估你唔到，我都唔知講咩好喇，所有既野都記晒o係心入面！Thx so much!!!

睇返今年收到既生日咭，我發覺除左生日快樂之外，大家都祝我早日同阿拔重聚，係啦~我都等緊呀！
希望以後既每一日都可以好似今日咁開心啦！

>>August 10, 2004 at 5:47:40 PM GMT+8

2004 年 8 月 3 日 星期二 【晴】

G5人齊喇~~~

自從阿愉同joanna去左哈爾濱之後，我地好耐都冇gathering，今晚終於見到佢地喇！每次同佢地食飯都會有勁多笑料，今次都唔例外啦！我地食完飯之後落左pub，阿愉又再次俾我地圍攻，kylie好惦呀，哈哈~~~今晚好開心，吹左兩次蠟燭，收左好多mcdull野，第一次飲diamond black同o係pub唱k，多謝晒你地呀！！！



P.S. Cicx~Wish u happy!!!

>>August 6, 2004 at 2:05:42 AM GMT+8