2007 年 6 月 21 日 星期四 【酷熱】

《你的名字, 我的姓氏》 如果有賊見到警務署長鄧竟成, 應該指住佢講：「有志者, 鄧竟成！」 草蜢新歌..《經一事, 蔡一智...》 識時務者魏俊傑...

>>July 20, 2011 at 3:15:24 PM GMT+8

2007 年 6 月 20 日 星期三 【酷熱】

《愛上你》 蜘蛛女 Kirsten Dunst 長澤正美 大石彩香 陳丹丹 傳說之女神 --- 川島和津實 北原多香子 好想睇呢套戲《Elizabethtown》 Orlando Bloom與 Kirsten Dunst... 未曾在香港上映...好鍾意睇 Romantic Comedy既戲...

>>July 20, 2011 at 3:16:44 PM GMT+8

2007 年 6 月 20 日 星期三 【晴】

《truth or dare》 返UT, 上堂打牧場, 去食韓國野, 去影哈哈鏡 之後o係UT打牧場物語, 見到單車男, 飲 second cup coffee 夜晚去左 hale家打 wii, 之後玩 truth or dare, 我叫佢地吐口水落杯 or 男女有冇自己咩咩, 之後去左買六個 donut, 送一個 Go to lecture room Go to Korean town Eat 火鍋 Play farm story and see a plastic boy See star Go to hale home play wii Play truth or dare

>>June 9, 2011 at 10:35:13 PM GMT+8

2007 年 6 月 18 日 星期一 【酷熱】

《路遙知馬力, 日久見人心》 馬力：教師不該說六四屠城, 促政府定調, 司徒華狠批無恥... 【明報專訊】近年鮮有就「六四」議題表態的民建聯， 該黨主席馬力直言不滿有教師在授課時， 將「六四事件」形容為「北京屠城」、「血流成河」， 他質疑當年指解放軍坦克車把學生「輾成肉餅」的傳言是否屬實。 馬力要求特區政府為六四「定調」，以免教師各自表述時， 向學生傳遞錯誤信息。支聯會主席司徒華聞言後， 狠批馬力的言論「可恥」。 馬力說：「不應該說共產黨屠殺、屠城，當年大家都矇查查。 但如果是屠城，柴玲 (六四學運領袖) 怎能在六四凌晨平安離開？ 她是有心挑起暴動的，(如果屠城) 呢條友第一個便被殺了！ 侯德健、封從德等人怎能慢慢離開？如果是屠城，4000名學生全都死光了！」 指「屠城」與事實不符 馬力強調，他並非要說六四事件中沒有死過人， 但說成是「屠城」則與事實不符。他質疑當日， 天安門曾否發生燒屍、坦克車輾過學生的事件。 「要燒一條屍至少要一千度，如果可以就咁在天安門燒， 那焚化爐便不用排長龍了，指著一攤肉就說是學生被坦克車輾過， 那不如找一隻豬，用坦克車輾過，看看是否會變成肉餅？」

>>June 11, 2011 at 2:59:13 AM GMT+8

2007 年 6 月 16 日 星期六 【酷熱】

《謎之貽興王與 Adam鄭》

>>June 11, 2011 at 2:58:22 AM GMT+8

2007 年 6 月 14 日 星期四 【酷熱】

《機會, 是留給有準備的人》 他引證了一個事實, 是非常值得年輕人學習... 「機會, 是留給有準備的人...」 被國家隊遺棄, 球會對外宣佈, 餘下賽事將不再派自己出場, 如果你是他？你會怎樣做？ 好多人都會自暴自棄, 不操練, 等出糧, 等去美國, 等這半年白過.... 但...他沒有這樣做！ 他仍舊好像以往般刻苦, 積極操練, 甚至比以往更努力！ 為了甚麼？就是為了一個機會, 一個令眾人再相信他的機會, 結果他等到了, 球會與國家隊成績低落, 兩位領隊均受壓力, 球會領隊決定再派他上場, 把一切賭注, 一次過押在他身上！ 如果這一次, 他沒有任何表現, 球隊依然輸掉的話, 領隊那個雪藏他的決定, 就會被認定為是對的.... 以往一直的堅持, 一直的努力, 都會化為灰燼.... 他深明這個道理, 他知道這一個機會來得不易, 他一定要在九十分鐘內, 用表現去說服全世界批評他的球迷, 用表現去說服宣稱不再派自己上陣的球會領隊, 用表現去說服遺棄自己的國家隊領隊, 自己仍然有力在正選陣中, 在綠恩場上走拚.... 結果...他成功了！ 他在這一場關乎自己命運的比賽上, 射入一球帶領球隊重回勝利的軌道, 球會領隊放下尊敬, 再次將他納入正規軍之中, 國家隊領隊亦宣佈, 國家隊大門將會為他再度打開, 復出首仗就是對著五屆世界盃冠軍巴西, 他果然沒有令到全世界失望, 他以其招牌自由球, 作了一個非常漂亮的助攻, 給隊友攻破巴西大門... 到現時為止, 他已經贏了, 三日後, 將會知道是否達至雙贏局面, 幾個月之後, 會是三贏局面嗎？ 最後, 老套但事實, 機會, 是留給有準備的人, 如果當初他放棄了, 現在他仍是個被人放棄的人....

>>July 20, 2011 at 3:18:03 PM GMT+8

2007 年 6 月 13 日 星期三 【晴】

《行運一條龍》 今日又陪梁琬婷返學, 佢放低左我系 lounge就自己去左上堂勒, 期間 jenny wong, aileen同 flora都會出黎 hea下, 但係就見唔到梁琬婷, 之後 jenny仲話係 win叫佢地出黎陪下我, 咁佢自己呢？就唔知去左邊勒, 有冇搞錯... 我拎左梁琬婷部 laptop, 想自己做自己野, 點知個 IE壞左上唔到網, 我又唔知梁琬婷個 password同 student ID, 結果就唯有幫佢執野, 因為佢部 laptop同佢間房一樣, D野周圍放, 亂咁放, 唔怪得成日唔見野 la, 勁多雜物, 仲要旨意我幫佢執先好野.... 之後見到 kathy一個人行過黎叫我, 佢第一句就問我食左野未, 佢問我可唔可以幫佢食左個包佢, 因為佢買左個包, 買左先知竟然係烘左既, 但佢就唔食烘左既包, 所以叫我幫佢食左佢, 咁我當然就唔客氣 la, 之後我一路食包, 就一路同 kathy雞同鴨講, 因為 kathy係一個竹昇妹, 雖然佢話佢聽得明廣東話, 但好彩 kathy都肯就我聽我講 D爛英文, 仲傾左好耐... 之後梁琬婷落堂, 我同佢講 kathy請左我食包, 不過我留返半個俾你, 梁琬婷果然係未食野, 仲好雀躍咁拎埋o個半個包黎食, 梁琬婷之後仲有一堂要上, 佢叫我不如跟 kathy上心理學 la, 因為可能有趣 D, 我二話不說就話好丫, 梁琬婷就話八點黎接返我, 我就跟 kathy去上心理學, 不過結果我同 kathy都訓左成個鐘, 我諗住 break既時候走既, 點知竟然冇 break！個 prof一直咁講, 依家走又好樣衰, 八點既時候梁琬婷開埋度門搵我, 結果我就搖醒 kathy同佢講我依家走 la, 就樣樣衰衰咁中途離場, 早知就唔跟 kathy去上乜鬼心理學 la, 之後梁琬婷仲埋怨我話, 其實佢叫我去跟 kathy上堂, 係預左我答：「No！」 但估唔到我竟然真係去, 結果佢就話我唔善解人意 sosad... 我地搭完地鐵, 之後等巴士時, 見到有個行運一條龍垃圾筒, 呀唔係, 係「地產一條龍」先岩, 呢條友真係好搞笑, 好靚仔, 我同梁琬婷指住個垃圾筒笑左勁耐, 好搞野... 香港既垃圾筒係唔會賣廣告既, 多倫多真係好 funny...

>>February 21, 2008 at 8:28:45 PM GMT+8

2007 年 6 月 12 日 星期二 【晴】

《Scarborough》 今日我地去左士嘉堡, 梁琬婷話呢個係士嘉堡最大既 mall, D電梯好正, 唔係一級級既, 而係一條行李輸送帶咁, 我初頭以為係方便 D人推住架車仔, 但係我又見到個牌, 上面寫住叫人唔好推住架車上行李輸送帶, 因為怕有危險, 咁就奇怪勒, 不過我始終都冇開口問梁琬婷, 如果唔係佢又笑我大鄉里出省 ga la... 之後我地去左行戲院, 我第一次去加拿大既戲院, 嘩！成個歡樂天地咁, 睇戲姐, 點解戲院咁多野玩, 唔單止有野玩, 仲有好多裝飾品吊哂系天花板, 梁琬婷話呢 D大戲院係貴 D, 冇咁多野既戲院就平 D, 大概七蚊加紙一張飛, 不過不設劃位, D位先到先得.... 我地見到有 simpsons大電影既 promotion... 雖然封住唔俾人入去, 但我地咁曳, 點會理？ 個戲院仲有好多野, 例如 jack Sparrow同黑 spider man, 不過好樣衰, 樣衰到我要影低佢地... 之後我地去左買綠茶雪糕食, 唔單止咁, 梁琬婷仲話呢 D係有茶葉既綠茶雪糕 wo, 嘩, 我完全感受到茶是故鄉濃既感覺....

>>February 21, 2008 at 8:29:57 PM GMT+8

2007 年 6 月 11 日 星期一 【晴】

《University of Toronto》 今日陳俊峰要湊梁琬婷返學, 我地一早就搭巴士落 downtown, 之後轉電車去 UT, 梁琬婷第一日返幼稚園感到好興奮, 仲系學校大唱《全香港靚女多》, 可惜市中心俾我既感覺好差.... 呢度既感覺就好似大陸咁, 上電車 D人會開掙推開你, 上到電車全部都係垃圾, 落車 D人隨便丟垃圾, 唔單止係咁, D人仲唔守交通規則, 紅燈都照過, 簡直同大陸係冇分別 sosad, 只不過係一個講英文既大陸... 夜晚梁琬婷老豆拎左兩支咪出黎, 播碟唱卡啦 OK, 我同梁琬婷都合唱左一首《兩忘煙水裡》, 「磊落志, 天地心, 傾出摯誠不會悔, 獻盡愛, 竟是哀, 風中化成唏噓句...」 不過梁琬婷係唱男聲, 而我就係唱關菊英o個 part...wakakka... 除此之外, 我地仲一齊唱 beyond, 草蜢, 羅文, 梅艷芳 D歌, 勁多 八九十年代既歌, 梁琬婷既表姐同姑媽都好詫異, 我同梁琬婷竟然識得唱哂呢 D舊歌...

>>February 21, 2008 at 8:32:44 PM GMT+8

2007 年 6 月 10 日 星期日 【晴】

《安樂窩》 今日我地同梁琬婷既家人去左遊車河遊 uptown, 嘩！每一個香港人既夢想, 住洋樓養番狗, 真係只有外國先可以滿足到呢個夢想, 我地系 uptown兜左好耐, 見到一間又一間既 HOUSE, 一間又一間唔同顏色, 唔同建築既「屋」, 有前園有後園, 有車房, 有 D屋仲有兩三層樓, 留系香港真係一世都唔會住到 HOUSE, 最離譜既係, 系香港一間五百尺既私人樓都要百幾二百萬, 一個普通打工仔, 一個月頂多二萬蚊, 真係要供一世先供完層樓, 唔駛食同水電煤咩, 特首仲叫我地生三個, 依家 D人連造人都冇時間 la, 生出黎邊個養邊個湊？個仔識光合作用唔駛食咩.. 系多倫多, 百幾二百萬港紙, 已經可以買到一二千尺既HOUSE, 兩層 or三層 (連埋地牢), 當然係好高稅, 但加拿大真係比香港悠閒好多, 起碼一星期都有一兩日假放, 唔似得香港咁, 好多人一星期 70hrs工作, 做做做..到頭來都唔知為左咩, 冇娛樂, 冇休息, 冇生活.. 香港地貴低稅, 俾大筆錢供樓, 結果就冇咁多福利, 冇咁好環境, 石屎多過綠色植物, 冇咁好空氣質素等等.. 多倫多地大所以住屋較香港平, 但係高稅, 俾大筆錢政府, 不過有好多福利, 環境清優冇咁人煙綢密, 花草多過石屎.. 仲有就係多倫多睇醫生唔駛錢, 大學前唔駛交學費同書簿費, 政府出哂... 依家系第二度地方, 我覺得頭腦靈活左, 系香港無論系屋企, 馬路邊, 地鐵站, 火車站都有好多廣告牌系度洗腦, 我真係覺得系香港生活好煩, 低稅率都唔代表佢岩 D人系度生活, 只係岩 D人系度從事商業活動搵錢.... 我地落左車, 去左一家 garage sell, 即係俗語既「夜冷店」, o個度好興將自己既雜物放出黎賣, 全部放哂出前園, D人渣車經過就落車睇下, 每件一蚊兩蚊咁, 連胸圍同泳衣泳褲都有.. 我黎左加拿大先發覺香港生活水平真係差, 環境細, 污糟, 多塵多人多車, 唔係返工時間都仲要迫巴士, 巴士公司同地鐵賺過億都仲想加價, 樓價又貴, 住得又唔好, 物價尤其係食品都只升不跌, 最大問題人工少, 負擔咁重但人工就真係咁少, 我黎左先發覺香港人原來好慘, 咁勤力返咁多粒鐘工, 但生活都係咁差, 返完工要娛樂？ 選擇就只有消費、買野, 你系香港唔俾錢想搵個地方坐下都好難, 周圍都係廣告牌, 想抖抖都唔得, 黎到加拿大, 吸一大啖新鮮空氣, 望極都仲有既綠色植物, 仲有夜晚頭上滿天星星, 仲見到銀河.. 系香港見到咩？五光十色既石屎森林, 充滿懸浮粒子既空氣, 我仲記得系香港每日都俾 janice洗腦：「咁快就減左十五螃？」 都唔明點解 Amy大姐同 katrin鍾意香港仲多過加拿大, 佢地真係傻傻地, 寧願閒到陌生人既體味都唔想閒到新鮮空氣 sosad.. 李嘉誠成日叫香港人要勤力, 我就話全世界裡面, 都唔知有幾多人可以勤力得過香港人, 香港人係勤力, 做野有效率係數一數二, 但我地咁辛苦賺返黎既錢, 咪又係俾 D商家壓詐, 咩咩公司賺成億一年, 每年盈利都有增長, 都仲要加價, 更加唔好講話買樓啦, 阿李嘉誠先生.. 你叫 D人做到死都係為幫你賺錢之嘛.. 結論就係, 香港最岩就係做生意賺錢, 但就算你係有錢冇錢, 系香港都唔會有一個安樂窩囉, 香港人就係個個都為錢而生活, 到瓜果日, 個腦除左錢, 問心o個句, 成世人做過 D咩？人生之中有邊一刻係你最開心？ 我地去左一間超巨型既 ikea, 好似恐龍貨倉咁, win問我做咩乜野都影一餐, 之後就拎左部機黎影我, 睇下梁琬婷既拍攝技術幾差, 拍到好似黎克特制十級地震咁... 我地遊完車河, 就去行宜家傢私, 我同梁琬婷一如以往周圍玩, 呢度既 Ikea有野食, 我地仲見到久違了既潘宗明, 之後我地系窗望出去, 仲見到有一班鴨仔 (可能係其他鳥類), 隻大鴨 (應該係媽媽)行頭, 十幾隻 BB鴨就一個跟一個, 另一隻大鴨 (應該係爸爸)就殿後, 好得意！！ 我地仲系 ikea見到 D木人行公仔, 我地打算買個拎去 party玩, 就係任意扭動個公仔既手手腳腳, 之後要玩遊戲輸左既人, 照住個公仔既動作做返出黎！再俾我地影返張相！ 我地仲見到三隻鬼鬼燈, 有藍色, 紅色同綠色, 梁琬婷話佢好想要, 好似細路女扭計咁, 不停叫我買俾佢, 我初初都好堅決咁話唔買, 因為佢一定係三分鐘熱度, 買左返去玩幾日就會掉埋一邊, 又或者好似 D毛公仔咁打入冷宮, Panda'z, 火柴人, 甚至係佢恨左幾年都俾我搵到既雞泡魚公仔, 全部俾佢擺哂系地牢, 終日同佢老豆 D垃圾雜物為伍, 再唔係就直情唔見左, 所以我好堅決咁唔買, 但係佢求左我好耐, 最後我開左個條件俾佢, 就係三日後仲記得既話, 咁我就買俾佢 la, 梁琬婷仲好開心咁, 佢好肯定自己一定會記得, 睇下點..

>>February 21, 2008 at 8:33:45 PM GMT+8