2007 年 4 月 12 日 星期四 【晴】

《My way...》 很有共鳴的畫劇, 第一組同學表現出自我價值與現實的掙扎, 加上副學士身份的衝擊, 令觀眾份外感觸... 另外第一組演員在表演中彈奏樂器, 配上非常有意思的歌詞, 歌詞中帶有極強青蔥味道, 不但令人反思自己的過去與未來, 甚至在各位心目中, 留下強烈的迴響, ... 人為何覺得痛　是否因為跌倒了　擦傷了這傷口仍然未結焦 人為何覺得痛　是否因為失去了摰愛　而不懂得去放開 人為何覺得痛　是否因為說不出心中的感覺　就真的不會有痛楚 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 《細細個》 曲詞：Ky 細細個　阿媽迫我學彈琴　細細個　每日讀書溫功課 六年級　畢業左　中七亦捱得過　我依家到底擁有甚麼 我細個　冇乜邊一刻出錯　我細個　冇學「柺」過又如何 讀完U　畢業左　乜都像唔屬於我　沒跌過　我算得上幸福麼 人地十下十下　戇下戇下又係咁樣過 點解佢好似識得比我多　自學彈琴　係為興趣喎 比我公式咁學　實際得多 （亦自由左） 人地十下十下　戇下戇下又係咁樣過　點解佢好似叻我好多 自在自由　自信自我　我點樣先可以搵返我　我想搵返我

>>June 9, 2011 at 11:40:20 PM GMT+8

2007 年 4 月 11 日 星期三 【微冷】

《決戰前夕》 今日我地繼續 rehearsal art appreciation既 drama, 不過因為我同鄧鳳妮要上 IT, 所以我地做左一樣極之邪惡既事, 就係落去電腦房霸住個位, 但係個人就走左去採排, 差唔多時候就走返落去點名...sosad.. 因為另外兩組都有人係讀 IT, 所以我地三組人都係來來回回咁系度走來走去, 我地組要同第一組同一間房採排, 佢地都幾強勁, 有琴有結他, 有自己作既歌、有自彈自唱, 成組人個個都識樂器, 好勁！ 我就同 simon、阿喱講, 睇下第一組個個都識玩音樂, 個個都好有才華咁, 反觀我地組五個人, 個個都淨係識得做 kai事..XDDD 如果第一組既強項係音樂既話, 我地組既強項就係搞笑！ 我同阿喱就系採排房同電腦房走來走去, 仲要睇時間返去點名, 四點後第一組採排完, 我地就霸哂間房 rehearsal, 第一次好亂, 因為太多野要 care, 太多小道具, 戴圍裙, 換拖鞋, 換 6A牌, 換巴士站牌, 換「福」到輝春, 三個多功能盒, 轆轆擦膠, 雨傘, 換白恤衫, 換校裙, 水壺, 明星咭, 媽咪麵, 東南西北, 報紙, 四驅車.... 仲要定時定候去熄燈, 開燈, 開 visualizer同電腦 video, 不過我地排左好多次, 係轉場既時候麻煩 D, 慢慢開始熟... 其中有一幕係 simon叫婷芝拎隻手出黎, 想送樣野俾佢, 原本對白係咁：「你都拎隻手出黎丫, 我都有樣野送俾你, 係砌圖黎 ga！」 simon一路講, 一路放塊 puzzle系婷芝手上.... 我、阿喱、cyrus三個當時系後台睇緊, 我見到咁既場面, 就扮 simon講野... 「你都拎隻手出黎丫, 我都有樣野送俾你, red bull送你一對翼 ar！」 最後一幕 simon、cyrus同埋我三個企返出黎講野, 因為我地三個之前換左校服, 所以最後要著返件風褸去代表回到現代, 劇情係返返去雨中的巴士站, 我地要擔返把遮, 不過當我拿拿臨著風褸, 拉埋條拉鏈後, 先發現把遮系風褸裡面, 咁我唯有系下面拎返把遮出黎, 點知婷芝睇到哂成個過程, 佢又笑到喊左..sosad... 聽日就公演 la, 好緊張的說！！

>>July 20, 2011 at 3:02:11 PM GMT+8

2007 年 4 月 10 日 星期二 【微冷】

《世界真細小》 眾所周知, 我女朋友梁琬婷係系加拿大長大, 移民左差唔到十年, 但係佢係系香港讀小學, 直到六年班... 我今年第二個 sem識左個新同學, 佢個名叫鄧鳳妮, 即係阿喱, 因為今個 sem art appreciation同佢同一 group做 project, 所有既 performance同 drama都係同佢一組, 所以慢慢同阿喱熟左, 話說我將阿喱個日記俾左梁琬婷睇, 之後阿喱又睇返梁琬婷個日記, 發現原來梁琬婷係同佢讀埋同一間小學！位於九龍灣既「星馬泰小學」！ 講講下, 仲發現原來阿喱個阿哥, 小三時係同梁琬婷讀埋同一班！ 我問梁琬婷記唔記得阿喱個阿哥, 梁琬婷話仲記得佢係肥仔！ 因為梁琬婷係插班生, 所以轉校去到「星馬泰小學」時, 就已經讀「三正班」, 佢又話三樓有幅畫, 畫中人係校長個女黎既, 不過死左, 葬左系天台, 所以全校人都唔俾上天台, 又話二樓有個綠色金魚缸, 天黑時好恐怖... 之後鄧鳳妮話, 依家「星馬泰小學」唔再用「正信知仁」啦, 反而用返 ABCDE, 校長都已經唔係容校長, 間學校仲搬左去秀茂坪 tim, 不過好多老師仲系度, 難得梁琬婷兩年前返香港時, 話想返去探老師... 上年暑假, 梁琬婷返香港, 夜晚帶我參觀「星馬泰小學」, 我覺得間小學好似一個監獄咁, 好多鐵欄同鐵閘, 困住 D細路仔系裡面, 唔俾佢地出黎, 隱約仲聽到小朋友系裡面既呼喊聲.... anyway, 呢個世界真係細, 估唔到鄧鳳妮同梁琬婷係有關係既, 唔通...呢個世界, 人與人既距離, 真係只相隔六個人！？ 「六度分離」理論係真既！？

>>July 14, 2011 at 3:51:03 PM GMT+8

2007 年 4 月 10 日 星期二 【微雨】

《笑死人冇命賠系列》 蜘蛛俠其實可以叫機械人出擊... 蜘蛛俠同佢既守護神「蜘蛛」對話... 睇下佢點變身同埋點噴「蜘蛛絲」... 睇下蜘蛛俠同佢既拍擋, 同埋 call機械人出擊！ 蜘蛛俠都識 call戰車！

>>June 10, 2011 at 12:43:21 AM GMT+8

2007 年 4 月 9 日 星期一 【晴】

《rehearsal的一天》 今天我們 AA五 kai子, 又再到婷芝家採排 drama, 皆因今個P期四就是正式公演, simon兩手 fing fing咁黎, 唔怪之得俾警察逗 la, 婷芝上次著得鬼咁隆重落黎地鐵站接我地, 今次竟然踢拖落黎 wo, 仲要上到去冇野食, 唔通 D野上次食哂！？ 上次明明食極都食唔完 ga wo... 我地 AA五 kai子準備入 lift時, 由 cyrus行先, 點知佢行到一半, lift門突然閂埋, 裡面既人冇動作冇表情, 外面既人退後 (即係我地), 得返 cyrus一個處於現實與升降機空間之中, 而當中係冇人有意欲去按 lift制, 每個人都企哂系度食住花生等睇戲, 包括我地, 結果激死 cyrus... simon真係痴線 ga, 笑到我噴飯, 話說我地入到婷芝屋企, simon就探頭出鐵閘外, 佢話因為走廊好大風, 平時洗完頭, 就可以探頭出鐵閘當天然風筒咁吹乾個頭, 其他鄰居見到, 一定會紛紛效法, 結果整條走廊, 每家每戶都探頭出來吹頭, 此時此刻, 真係何其壯觀！ 因為套劇一開始時, cyrus要拎住份報紙睇, 採排時 cyrus就拎左份風月版系咁圈, 笑死我地, 當中不少徵友廣告與露骨字眼, 我地仲要大大聲讀出黎, 婷芝同阿喱笑到傻, 痴左線.... 排左好多次, 我地就系度玩挫啤同前一後一 com棉胎, 不過唔知點解一 D都唔刺激, 仲好 hea tim.... 最後我地一路聽住麥兜既《教我如何去小便》, 一路排多兩三次, 最頂癮係有一幕飾演阿媽既鄧鳳妮, 要打 simon一巴, 兜巴車埋去, 皆因阿喱經常忍唔住笑, 而 simon被打後又露出「wow~好 high ar~打大力 D la~」既表情, 所以呢一 part我地 NG左十幾次, 我, cyrus, 婷芝, 三個系後面睇住 simon俾阿喱狂打幾廿巴, 但係都未夠好, 皆因我地嫌阿喱打得唔夠狠, 唔夠惡, 唔夠大力, 不過因為熟能生巧, 阿喱同 simon鬧交一段漸漸製造出緊張氣氛, 二人互相帶動對方入戲, 最後阿喱「星」simon一巴時, 就是高潮所在...

>>July 14, 2011 at 3:51:22 PM GMT+8

2007 年 4 月 7 日 星期六 【微冷】

《美斯‧當拿》 美斯一扭六片段... compare with馬勒當拿... 原來足球可以好笑成咁...

>>June 9, 2011 at 11:48:12 PM GMT+8

2007 年 4 月 6 日 星期五 【微冷】

《心凝形釋》 有個問題我想問好耐, 心, 系生物學上只不過係一個器官, 係 for血液循環, 只係隨意肌令其郁動, 係冇 feeling既, 有情感既地方, 係腦部... 但係當唔開心既時候, 個心真係會拿住拿住痛, 同哲學上既「心」一樣, 並唔單止係器官, 仲係一個靈魂既容器... 點解由遠古開始, 各大哲學家已經用「心」去代表靈魂既容器？ 「心」系生物學上只不過係一個 pump... 點解佢地唔用腦去形容, 而用個 pump去形容呢？ 係咪因為當時佢地知道, 人情緒低落時, 生物學上既 pump ---「心藏」會感到痛楚？ 點解心理上既思緒, 會令到心痛？ 「心」只不過係生理上, 一個血液循環既 pump, 點解情緒低落時, 會心痛, 會心酸, 個心會拿住拿住？ 「心」應該係冇 feeling, 因為佢只係一個 pump, 只有腦先有 feeling, 點解思緒上既波動, 會令「心」有反應？ 點解「心」代表愛？點解「心碎」代表情緒極度低落？ 唔通「心」真係靈魂既容器, 唔係一個 pump咁簡單？ 當情緒低落時 (即觸及心靈深處), 人體的「心臟」部分, 真的會覺得痛....

>>July 14, 2011 at 3:51:37 PM GMT+8

2007 年 4 月 5 日 星期四 【微冷】

《網上侵權》 政府正想將非法下載刑事化, 以打擊網上侵權行為, 其實我覺得, download 歌, upload MV上 youtube, upload圖片、歌上自己網誌, 會唔會對歌手, 明星更有好處呢？ 表面上盜用左佢地既創意, 肖像權, 唱片銷量, 但係就幫佢地免費做廣告, 免費宣傳, 系網上世界流傳的圖, 歌, MV, 可能比銅鑼灣旺角巨大海報更收宣傳之效, 從而令佢地知名度大增, 明星歌手都係靠人氣維持, 之後歌手明星出 show會多左, 多左商品邀請作廣告代言人, 片約多左, 「流行歌」由直接賺錢的工具, 變了宣傳的工具, 究竟唱片銷量所賺的錢多, 還是經網上宣傳後的收益多？ 如果事實如此, 明星歌手們係咪應該多謝幫佢地宣傳, upload, download既網民？ 唯一犧牲既就係唱片製作人員.... 八十年代尾, 至九十年代頭, 我記得係可以五蚊一首歌, 用卡式錄音帶, 去唱片鋪「揀」歌錄, 而錄歌既錢, 係歸唱片鋪頭所有, 點解當時有呢種科技, 唱片依然可以賣幾廿萬隻 (用錄歌技術既人都唔少), 依家就要 ban呢樣 ban o個樣？我覺得如果依家唔係 d/l歌, 而係用返八十年代錄歌落卡式帶, 而令到唱片銷量跌到現時這樣, 班「知產」人仕都會系度嘈.... 我唔明點解網上貼圖, d/l圖都算侵權？根本冇利益收受 ga wo... 點解貼新聞都侵權？如果係咁, 點解 D報紙網站又要打哂出黎？ 咁上網可以做 D乜？最好笑既係自己作一首歌, 放上網之後, 自己侵返自己既權, 先要俾十蚊出去, 最後收返八蚊, 兩蚊係手續費, 真係好搞笑.... 其實點解會激起民忿？原因不是不能用盜版, 而是他們用「知識產權」四字去扼殺很多對他們沒有利益的事, 例如：點解叮噹網站要 close？貼錢幫你宣傳仲要俾你告？ 貼歌、貼相、貼圖系網誌、forum, upload MV上 youtube, 全部都係幫你宣傳緊, 係冇利益可言, 點解咁都係侵犯版權？ 依家點解咁多人有反對聲音, 唔係因為冇得 d/l新歌新戲, (超過一半人都唔會 d/l呢 D 歌、戲黎睇、聽...) 而是以上既問題, 會立法禁止, 唔俾貼歌、貼相、貼圖系網誌, 唔俾 d/l相、圖... 再者, 好多動畫, AV, 日劇, 台劇, 香港係冇可能同步出售, 放映, 可能要等一至兩年香港先會有, 甚至有好多係香港冇得出售, 冇途徑買得到, 試問點解又要一刀切完全 ban哂？基本上大部份人都是因為這些原因才 d/l, 另外, 相信有好多歌, 電影, 已經係好難可以搵得到, 例如八九十年代的舊歌, 舊戲, d/l係一種方便的途徑, 去找回這些已經消失的聲音與影像, 商家與政府應該研究如何在這種方便的科技上, 去設立收費系統, 而不是盲目禁止所有上下載活動... 難道郵政局又要控告互聯網供應商, 指其 email功能令郵局營業額下跌嗎？ 商家政府應該跟著時代進步, 去改變以往舊有經營模式, 而唔係為左舊有經營模式, 而去立法停止時代步伐....

>>June 9, 2011 at 11:45:22 PM GMT+8

2007 年 4 月 4 日 星期三 【微冷】

《何謂快樂？快過知覺！》 快樂。有人說，是一種態度、一種心態，按照各人不同的調整， 而產生不同程度的快樂。究竟甚麼才是快樂？ 十多磅的肥貓：黃咪、虎咪、咪仔與主人玩一天， 是牠們享受快樂。那麼，主人怎樣享受快樂？ 藝術家是古城風貌之一。他們數百年來街頭賣畫， 將生命灌注創作上，作品不滿意嗎？ 乾脆親手毀掉。藝術從來就不容有半點瑕疵。 對他們來說，藝術就是快樂。 食就是快樂。 食，光是想也令人快樂。新鮮的食物，在廚師手中，變成美味。 食，連繫著烹調者和品嚐者的快樂。 家就是快樂。 放棄高薪厚職，回歸大自然，追求簡樸農村生活，你可能視她為笑話。 但一家人，無論身在何方，只要心緊扣，都感受到愛、感受到快樂。 對他們來說，家，是快樂之源。 究竟甚麼才是快樂？ 快樂，是一種執著，不快樂，也是一種執著， 全部執著於你擁有多少，執著於能否做到自己喜歡的事情。 你快樂嗎？

>>June 9, 2011 at 11:41:52 PM GMT+8

2007 年 4 月 3 日 星期二 【微冷】

《跳》 身邊有很多人, 經常埋怨這樣, 抱怨那樣, 彷彿天下間自己是最悲慘的人, 但他們不會感到, 其實比起其他人, 自己已經擁有很多, 就像億萬富豪與一名乞丐「呻」, 自己其實很不開心, 為甚麼已經得到這麼多, 已經這麼幸福, 已經這麼幸運, 還經常抱怨？ 每個人都有其煩惱, 不要以為自己是全天下最可憐無助不幸的人, 因為在這個世間上, 比你更不幸的大有人在, 你已經是非常萬幸, 請學會珍惜....

>>July 14, 2011 at 3:51:54 PM GMT+8