2007 年 7 月 31 日 星期二 【晴】

《千絲萬縷》 2001 Real Madrid - Man United 2002 Valencia - Arsenal 2003 Real Madrid - Man United 2004 Valencia - Arsenal 2005 Barcelona - Chelsea 2006 Barcelona - Chelsea 2007 Real Madrid - Man United 曼聯冠軍, 皇馬就冠軍, 車路士冠軍, 巴塞就冠軍, 阿仙奴冠軍, 華倫就冠軍... 2006 - 2007英超與西甲名次如下... 冠軍 - 曼聯, 皇馬 亞軍 - 車路士, 巴塞 殿軍 - 阿仙奴, 華倫西亞

>>July 20, 2011 at 3:12:09 PM GMT+8

2007 年 7 月 25 日 星期三 【晴】

《如果最後的結局是快快樂樂生活下去, 那麼現在還要經歷多多少呢？》 今天一大清早, 我便給嘈吵聲鬧醒, 我聽到梁琬婷與她的母親吵架的聲音.... 母：你令我好失望！！！ 涼亭：我月經呀！！！我已經痛到死咁滯啦！！！ 母：你咪乍乍第扮哂野！！痛就去睇醫生！唔好系度扮野！！！ 涼亭：你係咪痴線架！一大清早就巢醒人黎鬧！我已經痛到痴肺！ 母：你講丫！！你為呢個屋企做過D咩野！！！ 涼亭：痴線架！！！ (關於梁琬婷為這個屋企有冇做過野, 有時間可以看看下面七月十七日的日記...) 然後我就聽到「呯」門聲, 我從客房出來, 但我看見客廳一個人都沒有, 我就以為梁琬婷走進了自己的房間「呯」門, 但我等了差不多十五分鐘, 都發現沒有動靜, 我便戰戰兢兢地走進梁琬婷的房間, 發現一個人都沒有, 那麼我就想, 梁琬婷是否離家出走了！？ 我再看看梁琬婷的書台, 錢包、手機、鎖匙都還在... 那時就只剩下梁琬婷父母的房間關著, 我心想： 「究竟梁琬婷走了出街, 還是走進了她父母的房間呢？」 這個夏天, 因為梁琬婷的姐姐結婚, 所以除了我以外, 梁琬婷的大姑媽與小姑媽都住在這裡, 那時候大姑媽問我, winnie在哪裡？ 我就說她可能衝了出門口, 此時我見到梁琬婷的爸爸拿著手袋出了去, 我便回了自己的房間, 拿了銀包、手機等東西, 再去拿少少食物, 便對大姑媽說, 我現在出去找 winnie, 如果梁琬婷回了來, 又或者有甚麼事, 就打電話給我啦！！ 大姑媽就說梁琬婷的媽媽亦剛剛出了去.. 那時候我自己一個人出了門, 雖然我已經到了加拿大一個多月, 但仍然是人生路不熟, 自己亦是一個路癡, 經常會迷路, 不過我已經顧不了那麼多, 在一個不熟悉的地方, 自己一個到處走, 我也是第一次, 更何況是在這個陌生地方找一個人.. 那時我站在門口前, 猶豫著該向左行還是向右行之際, 我想起曾經與梁琬婷去過的一個公園, 我想她可能去了那裡, 因為梁琬婷甚麼都沒帶, 亦沒有車, 應該走得不遠, 結果我決定向右行, 一邊行一邊打電話給她的朋友, 一來想看看她是否去了朋友的家, 二來看看誰人有時間可以開車來找.. 當我行到一半路程時, 就看見梁琬婷坐在巴士站的椅上哭腫了眼, 她不但沒有換衣服, 沒有帶銀包與手機, 甚至連鞋也沒穿.. 最後我拿了食物出來給她吃, 很快她便笑返, 我告訴她我如何知道她在這裡, 她就對我說：那個公園是在左邊的..=.=” 錯有錯著, 但梁琬婷亦因這個笨拙失誤而笑起來, 然後我們便到了那個公園一邊盪鞦韆, 一邊談談話.. 日子還餘下十五天, 我便要從多倫多返回香港, 一想到這裡, 心裡就感到唏噓, 感到難過.. 相處的日子越短, 就越難想像一個人的日子該怎過.. 剛相識時, 只相處了一個月, 便要分離一年, 重遇後, 相處了四個月, 又再分別一年.. 今年相處了兩個月, 很快就又要再分開, 習慣了二人一起的日子, 原來真的發現, 我是沒可能失去她, 一想起這兩個月的愉快日子, 這兩個月的生活, 這兩個月發生過的事, 就更難想像回到香港, 回到沒有梁琬婷在身邊的日子.. 但令我更擔心的是, 當我走後, 梁琬婷在這裡的日子就更加難過, 原來我可以做的事, 其實好有限, 面對這些無可奈何的事, 忽然發覺, 自己是這樣的無能為力....

>>July 18, 2011 at 11:17:54 AM GMT+8

2007 年 7 月 17 日 星期二 【酷熱】

《可憐天下無不是之父母心》 轉貼自梁琬婷日記... http://diary.showhappy.net/?id=148948 我老豆退左休冇野做, 日日系屋企鬧我, 我已經係大學三年班, 下年 final year, 仲晚晚要我十二點前訓, 出夜街, 要十二點前返..sosad... 都算.. 從來冇供過我同我家姐讀書, 小學中學係政府供, 大學學費要自己俾 (問政府借), 由細到大, 都冇俾過零用錢俾我... 都算.. 成日喝我做野, 從來唔會講唔該, 一起身就喝我整野食, 之後就坐低好似大爺咁, 又喝我洗碗, 唔該一聲都冇咁嬲, 成家人系屋企睇緊戲 (佢都有份), 佢突然間叫我... 「喂..去整 D士多啤梨俾大家食,.」 我心諗, 你自己整唔得咩, 我冇出聲繼續睇, 之後就大聲喝我, 叫我去整... 都算.. 家姐從來唔剷雪, 唔做家務, 唔洗碗, 得我一個人去做, 老豆成日喝我執房, 自己個地牢就鬼死咁多野, 成層都係執返黎既廢物, 大電腦 mon都有八個！ 幾百個鞋盒, 幾百個 A4紙既箱！ 岩岩先幫佢執完丟左 D梳化同 mon！ 好似奉旨咁, 幫佢做完咁多野, 但係依然照鬧... 幫佢執完一部份後, 都仲係咁鬧, 都唔知做咩, 我岩岩養左缸魚 (係我自己既), 岩岩 set up好, 佢見我仲未貼「水草 background」, 就不停鬧我話： 「你快 D貼左個 background佢 la！！D野拿拿臨整！ 唔好成日拖住哂唔做！！成日都唔做野, 做野快手 D la！！」 之後我覺得唔貼仲靚, 我話唔整 la, 佢就話：「你嫌麻煩所以唔整 ar？都話你 ga la！ 少少野就嫌麻煩, 叫你做野就諸多藉口！」 我心諗..關你咩事..當然我o個陣係激到爆炸… 都算.. 最離譜係佢銀行有成七十幾萬港紙, 仲成日爭我錢唔還！！！爭我成一萬四千港紙！！！ 我 visa咭張 bill過左期幾日 la！催極都話得 la得 la, 每次我渣車去入哂油回家, 兩三日後去再渣, 就冇哂油！！！自己又唔入！！！ 尤得個細女去俾埋 D數！！！我依家冇收入 ga！！！ 我所有錢都係以前做 part time儲落！！！ 我阿媽就完全服從我老豆, 就算係我老豆做錯, 我駁咀, 阿媽就鬧我態度差, 又鬧我駁咀… 我老豆真係一個極度自負既人！！！ 從來都唔會認錯, 唔會道歉, 唔會講唔該！ 自己做錯野, 因為佢而誤左事, 同佢講返！ 佢就只會講：「你依家講咁多有咩用！都發生左 la！」 仲發返我皮氣, 有冇搞錯… 試過有一次, 佢渣住架車, 後面係我同阿媽, o個陣落大雪, 佢成架車剷左落個斜坡下面, 之後我叫佢 call拖車, 佢死都唔肯！ (都只不過係五十蚊加紙, hk $350) 之後佢要我落車推！！！佢自己就一路開住架車向上衝, 我系後面推, 當時零下幾十度, 凍到我成個人彊哂, 阿媽話佢自己好凍, 要開著架車開暖氣, 難道我系出面唔會凍？ 最好笑係我阿媽對我老豆講既野、做既野完全服從, 絕對信任, 佢完全覺得我老豆既做法冇問題, 尤得個女系暴風雪下剷雪推車, 之後有個警察經過, 佢同我地講, 冇可能上到黎 ga, 叫拖車 la, 我老豆都唔肯服輸, 叫個警察走, 我地繼續試… 結果我系零下十幾廿度既車外, 推左兩三個鐘都推唔到, 我老豆試左好多次都衝唔返上去, 仲因為兩三個鐘不停咁衝, 搞到個水箱爆左, 直情行唔郁, 結果最後都係要 call拖車… 本來 call拖車拖我地返上地面就 ok, 只係 $350港紙, 依家要拖返廠整, 因為水箱爆左, 要三百蚊加紙, 即係 $2100港紙！！！！ 而我就凍到成個人彊左, 因為系零下十幾廿度既雪地推車剷雪兩三個鐘, 當我同我家姐講返, 我老豆就鬧我： 「你依家講黎做乜姐！？都過左去 la！！講黎有咩用！！」 完全冇道歉既意思, 完全冇覺得自己做錯… 我覺得佢一定係以前管慣人, 因為佢以前系香港係做工程師, 仲做到幾高級, 有好多人跟佢頭, 佢就好似管 D下屬咁管我同我家姐, 永冇認錯, 永冇講唔該, 老豆說的永遠是對的, 絕不能反駁！！ 佢同阿媽都冇受過高等教育, 阿爸講既野永遠是對的, 阿媽絕對服從, 我有咩意見都係錯, 就係駁咀！！ 上個星期我同 jason, 同埋我既家人親戚, 一行十三人去了四日三夜既旅行, 本來我阿媽系最後一日既早上, 都仲係好好地, 回程時, 我渣車上 high way, 後面架車不停咬囉友, 貼到好近, 如果前面一剎車, 就算我剎得切, 後面架車都一定會撞到我, 我就好憫咁鬧後面架車, 因為我好憫好緊張, 點知我老豆就係咁鬧我, 叫我唔好噪, 做好自己唔好理人, 我就好憫咁「駁咀」話, 係後面架車貼得太近… 之後阿媽開始黑面, 仲話我態度好差, 阿爸講一句都唔得… 佢仲發埋其他親戚皮氣, 食飯時我同佢講野, 佢甚至扮聽唔到, 另轉面唔啋我… 回家後...我老竇叫我去沖涼, 我話姑媽要用, 佢就話入佢房沖, 跟住入到去, 阿媽就叫左我坐低, 然後好正經咁話... 「你知唔知今日我點解咁嬲？」 跟住我話唔知… 拒話：「我對你好失望, 你呢幾日既表現真系好差！ 你對住 jason痴身痴勢, 人地會點睇你！！？ 加上你傻下傻下, 又成日傻笑, 你令我好無面！！！」 跟住佢又話：「老竇講你一句你就發皮氣！！ 我知我咁講你一定唔會聽, 但係 jason就算入唔入到大學都好, 都要睇下佢搵唔搵到工！！你要搵老公要搵個養得起自己！！」 然後又話對我好失望…. 我爭 D想喊, 我地都只不過係拖手同埋埃下落你膊頭度姐, 佢好似嬲左全世界咁, 我就唔明我地兩個做錯 D咩… 我真系覺得好委屈, 因為好無辜被人鬧, 情侶唔拖手的麼？ 其實我覺得佢地咁樣做, 真係好似迫緊我自己搬出去咁, 講真, 錢, 都算, 但係點解仲要每日都鬧我？ 真係冇試過有一日係唔鬧我, 我自問做得比家姐多, 自問比家姐更乖, 點解佢地反而仲錫家姐多 D？ 家姐從來唔會做家務, 搬野, 執野, 洗碗, 剷雪… 而我就好似個工人咁幫佢地做哂, 但係連一句讚揚既說話都冇, 所有野都好似係奉旨咁, 就連我自己養魚, 都因為我唔貼 background而鬧到我成面屁… 講真, 我已經算好乖 ga la, 點解我做咁多野, 佢地都唔滿意, 都仲對我好不滿？ 我系呢個家庭, 從來冇俾佢地讚過, 佢地只會覺得係理所當然, 我考試考得好, 佢地只會話： 「咁你下次都要考得好至得 ga！！一剎那光輝唔係永恆！！！」 我只係要求讚一句姐, 唔係咁難開口呱？ 唉.. 我家姐大學時去左住 hall, 畢業後搬走埋, 當年我都想住 hall, 因為我鍾意 maths, 又有間大學每年俾二萬一千港紙既獎學金俾我叫我去讀精算, (total一年學費三萬幾四萬港紙) 但係間大學離家好遠, 我阿爸阿媽就唔俾我去, 要我留系屋企住, 之後我就被迫揀左依家呢間讀 bio… 因為加拿大讀藥劑, 要先系大學讀一年 bio, 之後再考入去, 佢地想我讀藥劑, 結果我考唔到, 一直讀 bio讀落去… 唉...我前排先聽到我老豆個朋友問佢, 我讀 D咩, 我老豆話：「讀 life science lor！」 佢朋友問佢, 咁畢業後可以做 D咩, 我老豆竟然話： 「條路佢自己揀既, 佢自己諗la！ 冇人幫到佢, 自己做既事要自己負責！」 當年每個人都勸我唔好出去讀精算, 又話精算系加拿大已經飽和哂, 冇前途, 我自己又心軟...唉… 我覺得佢地係因為家姐已經唔系度住, 所以死 cool爛 cool我呢個女, 我家姐係一個典型女強人, 佢真係可以做到好絕.. 搬離後連一個仙都冇俾過屋企… 我唯一可以做既就係… 當佢鬧我、喝我時, 我唔理佢, 哦一聲, 當佢耳邊風, 不過佢成日系我渣緊 high way時鬧我, 又叫我唔好咁燥, 有時真係好難 control自己唔憫… 幾年前, 我真係好 care佢地, care我同佢地既關係, care佢地講既野, care佢地鬧我… 始終都係一家人, 血濃於水, 最親既人就係佢地, 點叫我唔 care！？但係我漸漸變得盲目, 雖然依家都仲好 care佢地, 父親節我先送左部 D-cam俾佢, 但係...我真係唔想理佢地, 由得佢地講, 由得佢地鬧, 由得佢地講咩野都好, 我都當聽唔到, 哦一聲就算, 連反駁都o徙氣, 越 care就越唔開心… 不過 jason話, 如果我唔係系呢個環境下長大, 如果我家人好寵我, 咩都買俾我, 咩都順哂我意, 我可能就會成為一個港女, 嬌生慣養, 持寵生驕... 又或者我既家庭生活好幸福, 父母姐姐都錫我, 但係我男朋友就可能好衰... 世事就係咁, 個天拎走你一樣野, 就會俾另一樣野你, 個天俾樣好野你, 就拎走你另外既野....

>>July 14, 2011 at 3:41:07 PM GMT+8

2007 年 7 月 15 日 星期日 【酷熱】

《不要不要假設我知道》 節錄我同我老豆既對話... 當我行出廳時, 我老豆睇緊報紙, 佢叫我... 老豆：「D - R - E - A - M」 我：「咩 ar？」 佢再講一次：「D - R - E - A - M」 之後我話：「『夢』 law..」 老豆：「我夠知 la！問你點讀 ar！」 我：「.............= ="」 另一次, 又係我老豆叫我... 佢問：「『滅迪』點解？」 我：「咩『滅迪』呀？」 老豆：「『滅迪』呀！即係行錯左條路, 同個鬼佬講『艾滅迪』！」 我：「咁你都知點解 la, 仲問...」 老豆：「問你點串呀依家！」 我：「我鬼知你講咩『滅迪』, 都唔知咩黎...」 之後佢打電話問人, 串左出黎, 係「mistake」...= ="

>>July 20, 2011 at 3:12:30 PM GMT+8

2007 年 7 月 13 日 星期五 【酷熱】

《白色巨塔》 原來「醫護人員」既天職唔係救人, 而係從權力鬥爭中向上爬, 在有限的資金中撈取最多的著數, 前線醫護人員做生做死都係得二萬, 沙士期間, 仲拎條命出黎搏, 班高層呢？完完全全唔駛接觸病人, 唔好話接觸病菌既機會, 連忙碌既機會都冇！ 只要在一間大大的冷氣房間坐幾百個小時, 就有幾百萬月薪, 咁都唔止, 仲有花紅獎勵高層領導有方先頂癮, 前線人員呢？得個桔... 政府增撥納稅人既錢俾醫管居去增聘前線人手, 高層就用呢筆錢, 去請多幾個閒人去鞏固自己既勢力, 這就是所謂的「醫療制度」... 護士日夜加班, 人工唔高, 壓力又大, 人數少, 又請唔到人, 一個人就當十個人使, 伊利沙伯醫院深切治療部有護士, 竟然累積假期達一千日, 即係近三年... 請唔到人, 醫管局就向政府獅子開大口, 要錢要物, 點知增撥既錢又無端被濫用, 上一個財政預算案, 政府增加撥款六億五千萬元俾醫管局, 但到舊年七月, 醫管局竟然被揭發將原本招聘護士既錢, 轉為加開管理層職位, 淨係醫管局既人力資源部, 就無端端請多三個高級經理、三個助理經理, 同埋七個主任級人員, 另外又將部分主任提升為助理經理... 醫管局行政總裁蘇利民上任之初, 信誓旦旦話要開源節流, 包括取消高層花紅, 但最後卻將花紅計入固定薪酬之內, 佢一個人年薪就接近五百萬元, 四十位高層年薪三百五十萬至四百萬元, 但近年入職護士月薪只得兩、三萬元, 而且工時又長, 真係勞心勞力, 做到死咁滯, 試問如此肥上瘦下既不公平制度, 又點留得住人？ 高官自己搵著數就得, 前線護士加人工就唔得, 胡定旭話今年有幾百個護士入職, 醫管局會提供清晰晉升機會, 加強吸引力, 其實唔使咁複雜, 只要將醫管局高官每星期抽三日, 到前線充當護士就可以解決到問題, 等佢試下一個人服務二十個病人滋味, 同埋忙到無時間去廁所、膀胱忍到爆晒才知道痛... 煲呔改革政府架構, 重整政策局, 增設發展局, 特區政府當務之急應增設「醫官局」, 先治理庸官惡吏咁至得...

>>July 20, 2011 at 3:12:55 PM GMT+8

2007 年 7 月 11 日 星期三 【酷熱】

《最潦倒的英雄》 也許沒有幾個漫畫英雄的正常生活會像蜘蛛俠這樣糟糕： 住在陰暗的貧民窟，拖欠房租，上課遲到，功課跟不上， 為了賺學費和生活費，還要去打工， 結果一份送薄餅的工作都沒有保住。至於唯一讓他覺得幸運的愛情， 也因為蜘蛛俠這份特殊的職業迫使他對愛情望而卻步。 這就是少年彼得．柏加，正如電影後半段紐約地鐵上的乘客， 看見了蜘蛛俠的真面目後發出的驚嘆一樣，他只是個「孩子」， 孩子都會經歷成長的煩惱，而這種煩惱， 是百萬富翁蝙蝠俠和中產階級超人所無法體會的。 彼得第一次決定放棄蜘蛛俠的責任 ，做回普通人的時候， 他意氣風發的走在哥倫比亞大學的校園， 背景突然響起了「小雨點不停打在我頭上」的音樂 ，簡直令人感動。 這也實際上是雷美所希望的一種對傳統漫畫英雄電影的一種突破。 想想看，還有什麼比蝙蝠俠和超人更乏味呢？ 蝙蝠俠一擲千金，身邊美女如雲，即使不做蝙蝠俠， 他也可以活得風風光光，揮灑自如。 生活的艱辛對他來講簡直是不可想象，而愛情的茫然對他來說， 也不會是個問題。他可以把全部的精力投入到如何經營好蝙蝠俠， 而把所有的事情都交給他的管家 (他還有管家！)。 這樣的人物，生活在那樣奇幻，詭異的衛星城，離我們太遙遠。 至於超人， 還有個體面的職業，算得上是中產階級， 並且還擁有外星人的稀有血統。也許他同樣需要保護他的愛人， 可他不是地球人，而是地球人的守護者，和平的象徵， 超人，他的形象太偉大，導演永遠無法將他， 和一個有著諸多生活煩惱的普通人聯繫在一起， 因此只能在影片集中展現他抗擊外星侵略者的光輝形象。 彼得給了雷美突破的空間．和蝙蝠俠，超人不一樣， 他只是紐約這個鋼筋森林中一個不起眼的大學生，瘦弱，矮小， 被他周圍的人冷眼相待，脫下蜘蛛衣的他，連送薄餅都無法做到準時。 把懲奸除惡這樣的重任，交給這樣一個自己生活都無法照顧好， 並且還有著諸多青春期煩惱的少年手中， 這其中產生的不僅是矛盾和掙扎，也有喜劇效果。 因此雷美濃墨重彩的反復刻畫蜘蛛俠面具下的這個形象， 不僅是為了人物刻畫而產生的共鳴，也是為了娛樂， 他是出色的處理好這個平衡。 據說杜比．麥佳 (Tobey Maguire) 幾乎要被換角， 如果真的出現這樣的結果，只能說對製片及其本人都是巨大的損失。 還記得上集，當影片開頭杜比那輕柔的，舒緩的， 幾乎像囈語般的聲音，將蜘蛛俠和 MJ的故事娓娓道來的時候 ， 應該一下子就被他瘦弱的身形吸引住。那窘迫的神情， 清澈的眼睛，令人不敢想象誰還能夠覆製出這般可愛的蜘蛛俠少年。

>>July 20, 2011 at 3:13:19 PM GMT+8

2007 年 7 月 5 日 星期四 【酷熱】

《古代死亡筆記》 明朝立國初期出現的《死亡筆記》！ 《死亡筆記》, 古時稱作《天條龜甲》, 天條龜甲是來自於上古黃帝所留下, 天條龜甲上記載三條必死的天條戒律： 一、挾怨殺人者死。 二、奸淫盜掠者死。 三、欺壓蒼生者死。 唯習得龍源真經心法者，用三誡刀， 將犯此天條律法的人之姓名刻在龜甲上，犯罪者必遭天打雷劈而亡； 劉伯溫追查龍晶珠下落的同時，也漸漸揭開天條龜甲的祕密.... 台語劇《神機妙算劉伯溫》官網： http://www.ttv.com.tw/drama/2006/Liu_BoWen/default.htm

>>July 20, 2011 at 3:14:16 PM GMT+8

2007 年 6 月 28 日 星期四 【晴】

《笑死人冇命賠系列之 eddie與阿喱》 以下內容節錄自林正希 eddie日記 1. 係 CYM 見到阿喱的同學... 正希：佢點解行個邊既？(個個時間就黎上堂，但那人朝反方向行。) 小喱：佢去圖書館拎野。 正希：拎咩呀？(以為拎書，但都唔使咁趕呀？) 小喱：拎錢。(她很平靜地說。) 正希：下，圖書館有錢拎既咩？(main lib 有 ATM既咩，點解唔知既？) 小喱：知識就是財富。 正希 : @ # $ % ^ & * (講者還沾沾自喜。=_=) 2. 正希：「而家係邊度返工呀？」 阿喱：「地球....地球係我既故鄉....」 阿喱：「咦....你拎左回鄉証喇 wor...幾時返火星呀....」 3. 阿喱：「個 password係咩？」 正希：「你冇撞咩？」 阿喱：「冇wor...」 正希：「好彩你冇撞...一撞 hang機架~」 阿喱：「嘩....好陰毒呀...」 4. 阿喱：「咦，我沖左涼未呢，等我諗下先。」 正希：「你係唔係白痴 ga，沖左未都唔記得？」 阿喱：「咁有時有唔記得 ga ma，我就唔信你次次都記得！」 正希：「係 wor ...」 阿喱：「講大話，你個鼻長緊呀！」 5. 見到饑饉三十個 ads，阿喱問正希比幾多錢可以 join， 正希：唔知 wor，你不如去參加 K饉啦！ 阿喱：係呀係呀，得一年 jar ma.. 正希：我唔知呀，唔係年年都有既咩？ 阿喱：梗係唔係啦！(面帶鄙視) 正希：我記得我見過佢地去排隊... 會考個年 ar ma，我記得我o個年 5月 30日去數碼港。 阿喱：去數碼港做咩.... 正希：(保持緘默) 阿喱：去買數碼暴龍呀？ 6. 去到觀塘，有個人身前帶一個紙牌，有個名， 同埋有句「我要做好呢份工」既 slogan on it。 佢派張紙比正希，正希避開。 那人轉身遞比阿喱，阿喱有點慌忙地走避。 那人對吃喱說：「學生，睇下，有前途～」 阿喱：(無啦啦，語氣中帶點文藝青年的激昂語氣) 好！ 正希呆了.... 7. 正希：「個學生問 alfred係唔係過去式~」 阿喱：「下....咩 alfred呀...」 正希：「林峰係《溏心風暴》個名呀！」 阿喱：「係呀...林峰係古代人呀~」 8. 正希：「你有冇睇包青天？」 阿喱：「冇 wor ....」 正希：「你係唔係展昭？」 阿喱：「錯，我係孫公策！」(說時一臉自豪，帶著幾分奸狡的笑容) 正希：「公孫策下話，孫公策...」(哼...) 9. 阿喱：「我一毫子都唔會比你！」 正希：「我都唔會要你一毫子！」 阿喱：「想分我一半身家，妄想！」 正希：「你一半既身家少過一毫子！」 10. 正希在靜思... 阿喱：「你好多金 wor.. 」 正希：「咩金呀？？？」 阿喱：「gold...」 正希：「下？點解呀？」 阿喱：「沉默是金。」

>>June 27, 2011 at 12:27:23 PM GMT+8

2007 年 6 月 23 日 星期六 【微雨】

《多倫多 Wonderland之旅》 今日我地去左多倫多既遊樂場 wonderland, 除左係去玩之外, 仲因為 winnie個朋友 flora會系新秀中做 drancer, Winnie既朋友 jenny, Jennifer, jacky chan同我地兩個就去左捧場... 大會仲專誠由香港請得英皇既鄭希怡做嘉賓, 好期待現場睇佢甩褲.... 一開始我地去左玩好多機動遊戲, 真係救命！ 系梁琬婷既威迫利誘之下, 我就成為左犧牲品..sosad.. 睇下呢個幾癲, fing到頭甩之外仲會俾水噴...>O< 對於一個唔玩機動遊戲既我黎講, 真係俾人玩死... 之後我地去左玩過山車, 睇下, 又係 fing都頭都甩...= =” 我地再去左玩海盜船, 我終於可以離開佢地三個瘋狂女子, 同 jacky一齊坐中間, 同佢地三個對住坐, 但係當我地玩緊既時候, 見到對面坐最後排既 Winnie, Jennifer, jenny三個, 竟然一路衝落去一路傾偈！！！！有冇搞錯！！ Jenny仲要一路衝落去一路撥頭髮, 完全冇反應, 真係好想影左佢地個樣....= =” 跟住我地又去玩有水既機動遊戲, 就係滑浪飛船 whitewater canyon, 驚就唔係好驚, 不過就…濕得好緊要, 衝天大浪 sosad… 玩完之後當然係濕哂, 仲濕過頭先好多... 不過我地繼續玩水, 係五個人坐系一隻碰碰船玩激流... 我地前面隻船同後面隻船 D人都係冇濕既, 但係我地五個人就濕哂！點解！因為梁琬婷不停咁郁, 想轉個「落水位」俾 jacky chan, 但係反而殃及 jenny同 Jennifer, 結果我地架船係罕有地濕哂 sosad… 去睇多倫多新秀大賽之前, 我地去玩多一個機動遊戲, 就係用木砌成軌道既過山車, winnie開頭又話呢個唔驚, 好小兒科, 結果當架過山車越行越高時, 我就心知不妙, 又係 fing到頭都甩, 個頭又撞來撞去, 最後玩到個頭飛起哂, 傻左... 玩完之後, 我地就去左睇新秀, 我同 jacky chan去左霸位, 三個女仔就去買 funnel cake食, 但係原來張 VIP證係廢既, 反而要張 wonderland入場票尾, 梁琬婷當然係唔知放左去邊, 幾經辛苦終於俾佢系褲袋搵到一張濕到爛哂既飛尾... 我地一路食 funnel cake一路睇新秀, 個 show既主持係潘宗明, 睇下上幾屆新秀冠軍, 真係好 mk, 佢唱得真係好搞笑... 佢一路唱, 我同 winnie就一路喪笑..XDD 而今次大會請左英皇既 yumiko鄭希怡做表演嘉賓, 我地狂叫「余米高！甩褲！余米高！甩褲！」 點知余米高今次唔係甩褲, 係露胸！仲要兩點盡露！ 估唔到黎到多倫多都俾我見到, 真係有緣份… 最後我地排隊去玩「迷你谷爆」過山車, 以為佢咁可愛, 應該唔會好驚, 點知竟然係系個大鐵皮箱入面狂轉, 真係 fing到頭都甩埋, 玩完哂之後, 我地去左精品店拎人地 D帽影相, 系裡面玩左勁耐, 玩到閂門都唔捨得走...^^

>>June 9, 2011 at 10:30:53 PM GMT+8

2007 年 6 月 22 日 星期五 【酷熱】

《詼諧中帶著深黃》 有一日蚊仔同螳螂去偷睇一個女仔沖涼，蚊仔好自豪咁講： 「你睇，十年前我係佢心口叮左兩下，宜家腫到咁大喇！」； 螳螂唔服氣咁話：「咁算得 D咩呀，我十年前係佢大髀中間劈左一刀， 到宜家每個月都仲會流血....」 袋鼠同青蛙去叫雞，袋鼠兩三下就搞掂完事， 聽到隔離房既青蛙成晚係度「一二三嘿！一二三嘿！」 袋鼠好羨慕，第二日，袋鼠話：「嘩！~~蛙兄，你尋晚好勁喎！」 青蛙話：「妖，勁條毛﹗﹗跳左成晚都跳唔上張床！﹗」 一隻大象問駱駝：「你對波波點解生係背脊架？」 駱駝話：「死開啦，我唔同何 B仔生係面上面既物體講野！」 蛇係隔離聽到大象同駱駝既對話後就係咁狂笑。 大象拎轉頭對蛇講：「笑你老味！A塊面生係何 B仔上面，有咩資格笑我！」 幼稚園 miss帶學生去游水，唔小心露出一條 X毛, 一個學生問佢：「miss miss~~~果條係咩黎架？」 miss忍住痛，狠狠地將條毛抆走，然後眼泛淚光咁話：「線頭！」 有個細路女成日向另一個細路仔「哂」佢有 D乜有 D物， 個男仔有日終於忍無可忍，除左條褲， 指住何 B仔話﹕「哩樣野你冇！」 個女仔又除低條褲，指住下面話： 「我媽咪話，我有哩個，你果個我想要幾多就有幾多！」 有一班妓女係街邊一字排開等客，有個阿婆行埋黎問佢地排緊咩， 其中一個就唔耐煩咁耍佢話：「我地排隊等派糖呀...」 個阿婆心諗有糖派就唔執輸，跟住佢地排； 點知掃黃組殺到，全部拉返晒差館，有個阿蛇見到其中一個係阿婆， 就問佢：「嘩~~阿婆你老到牙都甩晒，做咩仲搞埋晒 D咁既野呀？」 個阿婆就話：「所以話你地 D後生仔，我仲可以含架嘛！」

>>July 20, 2011 at 3:14:53 PM GMT+8