2008 年 1 月 4 日 星期五 【乍雨乍晴】

《你知嘛？雪溶了, 就是春天！》 yeah！yeah！yeah！ 好興奮！好熱血呀我依家！ 好想笑, 我就快忍唔住啦！真係好想笑！ 但我知道我依家要做既係忍, 忍耐！ 但我真係好想笑！陳俊峰你真係個天才！ 我既所有自信都返哂黎啦！自信爆棚！ 我好耐都未試過咁有自信啦！係o個種知道自己必勝既興奮！ yeah yeah yeah！我果然唔係一個平凡人！ 衝呀！向住目標進發！我係最強的陳俊峰！！！ 陳俊峰你真係一個超級大笨蛋！ 牛皮燈籠點極都唔明！我依家俾人點醒左啦！ 係因為凍先要著衫！無錯！係因為凍！！！ 仲有如果唔係反鎖自己！我呢幾年都唔會去研究點去整開把鎖！ 我係因為凍先著衫！！我已經諗到點整開把鎖！ 千祈唔好漏少少門罅裝我！因為咁樣我就唔會專注系把鎖！！ 而我終於明白, 我著衫係因為天氣凍！！！ 需跨多少個山　漫漫長路與海 方可真正覓到心裏精彩 需經多少次哀　幾多的障礙賽 才勝利會換來 不知幾番跌到　旁人斜視喝采 很不好過但我衝剌不改 只因心中記緊　當天可敬父親 說信我會精彩 強人是我　能飛天遁地 其實我了不起　假使我永不說不能做到 強人是我　能頂天立地　如敗倒　再掙起 永沒言死　才是活著的真理

>>June 9, 2011 at 10:34:22 PM GMT+8

2007 年 10 月 7 日 星期日 【晴】

《每當變幻時, 便知時光去》 每日返學都會帶 laptop, 因為可以一路上堂一路 msn, 一路用 wifi上網, 系 lecture hall上堂時, 我就同 sam哥、brian (經常打了 brain..= =") 一齊睇《今天與過去相遇》, 嘩！套劇真係超正！無論係編劇、導演、演員、服裝、美術指導, 定還是電腦特技, 都係百老匯一級水準, 尤其係阿媽怒打主角一把那幕, 同埋男女主角最後離別那幕, 簡直係令人再三回味, 結果我同 sam哥, 一個扮男主角, 一個扮女主角, 重演那幕, 真係笑死... 梁琬婷同我講, 佢都重新睇多次呢套畫劇, 因為佢都有份構思個劇本, 佢竟然話覺得同佢想像中既差好遠, 佢話最後離別那一幕應該非常淒美, 櫻花落下, 令人睇到眼濕濕, 依家雖然都係眼濕濕, 不過係笑到眼濕濕, 由浪漫變成爆笑, 完全同佢腦海中想像既情景唔同, 真係 sosad... 之後我就問佢：「咁你有冇笑丫？」佢話：「.......有..」 我就同佢講：「wakaka~咪扮野 la, 根本你就係想睇到咁, 根本你就係想睇到 kai野, 想睇到呢 D搞笑野...」 梁琬婷：「俾你識穿左....」 梁琬婷仲同我講, 佢估唔到阿喱竟然做得咁好！ 完全將阿媽o個種鬧人唔駛 point既神態發揮得淋漓盡致, 佢仲話估唔到佢阿哥傻下傻下, 個妹竟然咁精靈, 咁搞笑, 因為梁琬婷未移民之前系香港讀小學, 小三時同過阿喱既阿哥讀同一班的... 好掛住西門, 好掛住 cyrus, 好掛住婷芝老師, 好掛住阿喱 ar, 近排成日都諗返以前, 諗返中學既時代, 諗返每一年遇到的人事物, 有時我諗, 如果我當初直接入到大學, 依家又會點呢？ 如果我係 direct入 AD year 2, 咁又會點呢？ 又如果我 AD year 1 就升返上大學, 咁依家又會點呢？ 唯一可以肯定的是, 我唔會遇到西門, 唔會遇到 cyrus, 唔會遇到婷芝, 唔會遇到阿喱, 亦都唔會有 Art Appreciation堂的回憶, 亦都沒有共同排練 drama, 共同演出《今天與過去相遇》的回憶, 沒有這個一生難忘的回憶... 沒有這個除梁琬婷外最開心的回憶, 記得每逢星期四上完 AA堂, 我都會興奮雀躍地告訴梁琬婷, 今日又玩左 D咩, 今日又做左 D咩, 連梁琬婷都感受到我那股從來沒有的興奮, 感覺到那雀躍的心情... 如果我早了一年入大學, 甚至兩年, 那麼現在的我, 會比較開心嗎？ 如果我從未上過 AA堂, 從未與他們柴娃娃地玩, 現在的我又會開心嗎？ 如果你依家問我, 早一兩年入大學, 定還是好像現在這樣, 我可以肯定是後者... 時間過去, 好懷念, 好可惜, 真想再經歷一次, 再與他們再玩一次...

>>June 9, 2011 at 10:33:28 PM GMT+8

2007 年 9 月 26 日 星期三 【陰】

《如果天空要下雨, 留我愛人在這處》 有時覺得我同我女朋友真係好無聊, 有時佢打電話黎第一句就問：「你想唔想一蚊食盡東南亞美食？」 之後我就問佢係咪真係一蚊先？兩蚊係咪食盡全世界美食？ 咁就玩左半個鐘... 有時佢打電話黎, 我見到來電知道係佢, 我一聽就問佢搵邊位, 佢話搵傻丙, 我就話傻丙依家系我手上, 佢俾我捉左, 你唔想佢有事就快 D俾贖金！ 佢就話：「下！？咁點算？不如你俾我聽下佢把聲 la！」 之後我就扮返自己, 又玩半個鐘... 有時我打電話俾佢, 佢問我搵邊位... 我話搵你, 佢就拎開個電話, 好大聲咁叫：「你！！聽電話！」 之後就返黎話：「hi~我就係 "你"..」 我就同佢講, 我唔信, 你有咩證據證明你係你先？結果又玩半個鐘... 有次仲唔單止我地兩個玩, 我同梁琬婷用 3 line打俾溫敬良, 狂系佢個留言信箱留言, 兩個人系度大叫：「你係真命天子！」 之後隔一兩分鐘再打去溫敬良個留言信箱話： 「我係 amy ar！我好想你做我既 boyfriend, 如果你唔想我都無話可說！」 我地仲係用 amy大姐既聲線去講, 唔單止咁, 我地又扮 kerry ho, 又扮失蹤人事組, 又扮八十日環遊世界, 又扮海軍攻打長洲, 結果我同梁琬婷玩左溫敬良個留言信箱成個鐘, 笑到我地抽筋, 之後溫敬良打返電話俾我地, wakaka~佢一定好無奈！ 兩年半前岩岩同梁琬婷拍拖, 佢寫左篇野俾我, 我無聊拎返出黎睇, 好 sweet啊~有返初戀既感覺！ ================================================= 人們常說~如果沒有怎樣怎樣~哪我們也不會這樣這樣吧？ 是麼？真的如此麼？是一個個的偶然麼？ 還是一早註定？遲早都會發生的呢？ 沒有這一次的邂逅~也會在第二個時間和地點跟你認識吧~ 如果... 真是一些妙想天開的想法喔~ 如果..我沒有收聽細 SO的好回家… 如果..我沒有悶得發慌~把這篇歌詞打了出來, 放在日記裡.. 如果..阿郭沒有四處找尋農夫的這首歌.. 如果..阿郭沒有向你極力推介這首歌.. 如果..我認識你在於認識阿 ta之前.. 如果..我還是那個小男孩... 如果..你始終沒有聽阿郭的話..去聽這首歌.. 如果..你沒有好奇得在我日記做留言勇士.. 如果..你放棄了守候這一年的時間.. 如果..vivian比我早一步到場.. 如果..我沒有回到香港.. 如果..沒有上澳門那觀光塔.. 如果..那天沒有下雨.. 如果..我們見不到那彩虹.. 如果..我們趕不上那班船.. 如果..我比較聰明的話.. 如果..我重來沒有離開過香港.. 如果..我們一起長大.. 甚至如果..我是梁日輝.. 那處境還會一樣嗎？ 當細節一再改變~時間~地點~都不盡相同了~ 但我深信結局還是一樣的~ 不盡是宿命論~但是你的就是你的~ 邂逅的季節也許會改變~ 故事也許會延長或縮短~ 但身邊的那一位~不變如一！ 是你~帶給我歡樂~ 是你~讓我多少晚感動得哭了~~ 是你~跟我說道理~ 也是你~替我不值~ 都是你~像愛人~又像兄長~更像摯友~ 如果..如果..那有這麼多的如果呢~ 是愛定了!!! 很多人都說不大看好異地戀~ 反正我們懂得愛~包容~接納~容忍~信任~一年也不算甚麼吧~ 盼望能與你..一起老去~做一對平凡和快樂的夫婦~ ========================================================= 時間過得真快, 原來已經過了兩年零五個月, 以前我覺得, 只要有緣, 就算分隔地球的兩端, 也可以相遇, 也可以戀上, 也可以維繫... 但我現在發覺, 事實遠超乎我所想... 原來以上的, 都只不過是我的一相情願, 我的想法, 與大自然的奧妙與運行相比, 渺小得多... 南極與北極, 雖然分隔在地球的兩端, 但造物主早已設計了一股無形的力場, 把南極與北極互相吸引, 反而南極卻與南極排斥, 北極亦與北極排斥, 好神奇....明明分隔在地球的兩端, 卻又會吸引對方, 這股力, 究竟是叫作「磁場」？定還是叫作「緣份」呢？ anyway~梁小婷生日快樂...禮物後補 =p 幸福是怎麼？ 幸福是睡得好... 幸福是您喜歡的人也喜歡您... 幸福是隨便走走沒目的什麼也不想... 幸福是冬天等巴士時喝熱維他奶... 幸福是看一本精采的好書... 幸福是想起心上人而偷笑... 幸福是情人用體溫為你送暖... 幸福是生活簡單... 幸福是和心愛的人一起看星... 每個人都需要幸福...您幸福嗎？ 「禁多一個什麼的制就多一套幸福真諦再禁多一個什麼的制就多一次愛心的發揮！」

>>June 9, 2011 at 10:35:51 PM GMT+8

2007 年 9 月 25 日 星期二 【陰】

《中秋節 special之隨筆》 原來....已經兩個月沒見過梁琬婷了, 因為各有各忙, 所以這兩個月都沒有 web cam, 只是以長途電話溝通, 時間過得真快... 不過不知怎的, 心裡突然覺得很寂寞啊.. 可能...是因為這兩個月忙得不可開交, 每星期都要做 lab, 還有堆積如山的 lab report, mid-term, assignment, presentation, final exam... 沒有停下來的時間, 每天都與時間競賽... 現在頓時覺得...心靈很空虛, 很失落, 很寂寞.... 記得我們前年看 kingdom of heaven時, 見到血腥場面, 梁琬婷在戲院尖叫, 掩眼不看, 梁琬婷及後告訴我, 當時期待著我說：「別怕, 有我在！」 但我卻對梁琬婷說：「很假啊...」 還記得第一日拍拖, 我們去了食「食極都食唔完既日本野」, 簡直可以同五餅二魚相比, 點解會食極都仲有？ 那個斯文咀嚼的梁琬婷, 恐怕有生之年都不會再出現 sosad... 在那之前, 我們相約在巴士站等候, 看見梁琬婷以光速奔向巴士站, 衝向我面前, 對我說的第一句話就是：「hi...」 膠得很, 卻是令人畢生難忘的光景... 然後在公園坐坐, 聊聊天, 梁琬婷不停向著地下講, 又不敢望我, 之後我錫過去, 錫完之後, 梁琬婷呆了幾秒, 回一回神繼續望著地下講, 但就滿面通紅, 我見梁琬婷沒有拒絕的意圖, 我就再錫過去, 錫了很多次, 梁琬婷叫我：「唔好錫住 la, 聽我講埋野先！」 最令人意想不到的是, 這個就是我的初吻...:cool: 又記得前年某日與梁琬婷 msn web cam中, 她說要去洗白白, 但 web cam還開著, 過了一個多小時, 她還沒有回來, 我就打電話給她, 怎料手提與家都沒人接聽, 打了很多次也沒有, 我勁驚梁琬婷出了意外, 例如在廁所暈倒, 又或者跌倒, 之後我打電話給梁琬婷在加拿大的朋友 HP兄, 面懵懵地對他說, 我是 winnie的男朋友, 之後告訴他發生何事, 問他可否替我去梁琬婷家一趟, 看看梁琬婷有沒有出了意外.. HP非常搞笑, 他說他在 lunch中, 問我可不可以食完碗麵才去, 過了片刻, 梁琬婷終於重現在 web cam前面, 你估梁琬婷去了哪？ 原來梁琬婷去了煲電話粥！俾佢激死！！ 之後梁琬婷打電話給 HP, 對他說沒有問題了, 不用到她家, HP問梁琬婷去了哪, 還說 jason非常擔心, 梁琬婷就對 HP說, 去了煲電話粥... HP一定心想：「你地兩個係咪白痴？」 又記得前年我倆漫步尖東海旁, winnie則好像自由行遊客, 每個手印都看看是誰的, 還蹲下放自己的雙手在手印上, 我叫她不要這樣做！梁琬婷還反問我：「點解唔好姐！？」真係激死！ 之後我倆浪漫地漫步尖東海旁, 看見有個「蠟手」的攤檔, 我倆就拖著手弄了兩個, 一個我保存, 一個給她帶返加拿大, 然後我們坐在海旁欄杆上食雪糕, 可惜之前一切的浪漫立刻給打破！ 因為原來那裡超多飛蟻, 我倆「急急腳」食完立即走, 不過我倆非常好運, 給中獎中多支雪糕, 我倆就開開心心地回去了, 我倆還趁全世界注視著激光匯演時, 鬼混了一番, hahaha... 其實沒有想過與梁琬婷發展得這麼快, 因為當初她說回港時, 找我充當導遊逛香港, 我還想好了如何追到她, 就是在尖東海旁「整蠟手」, 與她逛海旁, 然後問她肯不肯「手拖手整蠟手」, 好似倒模咁, 如果梁琬婷肯同我手拖手整, 那麼我便從此不放手, 如果不肯的話, 就知道發生何事, 可惜在我實行此妙計之前, 梁琬婷早已成為了我的俘虜 wakakakakaka~ 半年前與婷芝, 阿喱, cyrus, 西門合演了一齣畫劇《今天, 與過去相遇》, 我事後對梁琬婷說, 婷芝妹誇獎我是第三組的「最強後盾」, 因為包括畫劇劇本, 道具, 電腦動畫, 以及 sound mixing都是我所製作, 梁琬婷則急不及待邀功, 因為這個故事是我與她一起構思的, 梁琬婷亦給了我很多意見, 很多提議, 包括故事架構, 排位及對白, 而她說如果我是「最強後盾」, 她就是「最強後盾的後盾」.... 當然, 我笑了很久, 甚麼「最強後盾的後盾」, 簡直貽笑大方, 梁琬婷當然非常不滿我漠視她的貢獻, 但我卻對她說： 「你不是甚麼最強後盾的後盾, 而是最強後盾的榨盾人...」 陳俊峰略施小計, 就令梁琬婷歡喜過半天, 還四處強調自己是「榨盾人」, 直到現在, 她的 msn名字仍然是「win係榨盾人」, 真是可愛~ 『愛是神奇的, 它使得數學法則失去了平衡, 兩個人分擔一個痛苦, 只有半個痛苦, 而兩個人共享一個幸福, 卻有兩個幸福...』 《一和二 --- 林一峰》 一個人的幸福總是顯得懶洋洋 一份晚餐可以留給自己慢慢嚐 快樂　照顧自己　每天有點點滿足感 兩個人的幸福可能讓人比較忙 零食枕頭漫畫一切只剩下一半 但是我不懂怎麼記算　快樂卻好像多了一半 也許下次吻你的時候　我會找到答案

>>June 9, 2011 at 10:31:34 PM GMT+8

2007 年 9 月 22 日 星期六 【晴】

《Eddie與陳俊峰》 以下全部內容, 均節錄自 eddie日記, 與本日記立場無關... (1) 我以為我都叫無聊架啦，（越接觸得我越久越深入的，感受越深） 點知阿喱之 gp mates , Jason Chan 原來才是真正的「無聊」體現者。 真係係佢面前，我都覺得自己侮辱左呢個字，配唔起。 原來新認識的同學 Jason 真的是傻的。= = 恭喜你找到西門為你的伴。(兩個天才惺惺相惜，真令人感動） 我仍記得，最後一天，大家噴蜘蛛絲噴得起勁。(心問：whatz going on？) 當然我是沒有參與的，正離開 P3， jason ：「eddie，ciiiiiiiiii」 (ciiiiii，是噴蜘蛛絲的聲音） 那天，chem 變了一個蜘蛛洞，人人都在 ciiiiiiiiii ciiiiiiiii ciiiiiiii。 把這種文化帶進去的，是鄧ｘ妮。 而家同阿喱出街....佢隻手好似長期處於準備噴蜘蛛絲既狀態...... (2) "Jason Chan and SR by A. Einstein" 晚上，新認識的化學同學， Jason Chan與我說了他的偶像 --- 陳以誠醫生的事跡後。 便問了我一個問題。 Jason：你有冇讀相對論？ Eddie：有。 Jason：光速點解會係永恆？ Eddie：下？咩永恆呀？有冇英文呀？ Jason：to prove why speed of light is constant ? Eddie：(窒哂．．．．) 下.....the 2nd postulates of SR ar ma ~ Jason：咁點証呀？ ( pk 喇....愛因斯坦講 ga wor... 我 Q知點証咩, 於是我去找 modern physics既 notes黎睇。) Eddie：用 michael morely experiment黎 prove 。 Jason：咩黎？ Eddie：experment ( 廢廢的。) Jason：咁都係地球係咁 jie ~ 可能係宇宙某一個角落, 光會變。 Eddie：呢個應該係 GR既問題 ; 光只係要 vaccum度行, 就可以 keep到 const speed.. Jason：點解光係最終速度？佢話宇宙冇野快得過光, 點 prove？ Eddie：只要一樣野有 mass, 就唔可以快過光速。 Jason：佢又知, 可能係宇宙某一個地方, 有野快過光, e.g. superman .. Eddie：(呢個時候先醒覺) ...你係唔係搞事架？ Jason：我想推翻佢既理論, 然後名留青史。 Eddie：大佬, 你都唔好挑戰我丫, 我讀左幾個月 jar.. Jason：宇宙某處有野快過光, 佢既理論錯哂, 我贏左.. Eddie：...... Jason：係唔係好奇怪, 我問d咁認真既野.... Eddie：係...我仲睇 notes答.... Jason：我都好認真咁打算推翻愛因斯坦既理論, 我係唔係好偉大？ Eddie：係....=.=" Jason：我要努力向上.. Eddie：好.... Jason：可能你既解答, 成為我推翻愛因斯坦既第一步, 我成左名之後, 唔會唔記得你... Eddie：............... Jason：你會唔會將我地既對話, 記係你 xanga ... Eddie：可能啦... Jason：咁你記住講埋你搵 notes答... Eddie：好....... (3) "孫中山與 Eddie" 補習學生 a 問 eddie：「咦, 你邊度鄉下 ga？」 eddie：「中山~」 a：「(唔記得左佢講咩)」 eddie：「係呀...孫中山個度囉~」 >O< <= 她的樣子。 a：「下....你同孫中山好熟架？」 eddie：「唔係....我唔識佢....-.-""」 a：「佢係唔係去過你屋企.....」 eddie：「冇....」 a：「你有冇同佢講過野呀？」 eddie：「冇....我未出世, 佢已經死左...」 a：「(完全冇理我講既野) 唔怪得上次做專題, 你咁熟孫中山 D野啦！」 eddie：「下...要讀 ga ma...孫中山先生的習醫時代 ar ma...」 a：「真係好想摸下佢.....」 萬般無奈在心中...我與孫中山好熟？=.="" 同埋...佢點解想摸下中山先生呢？ (4) "與 Jason Chan 對話之觸摸孫中山" 想不到我的補習學生竟帶來那麼的歡樂給大家。 Jason：我都係中山人... Eddie：( 真係唔知可以講 D咩～） Jason：我都有諗過摸孫中山。 Eddie：........=.=" Jason：我好想摸..... Eddie：.....(想點呀....) Jason：你有冇諗過摸孫中山？ Eddie：冇。 Jason：搞錯呀，身為中山人，竟然冇諗過.... Eddie：下...(心諗：痴哂線，都唔知有咩關係～） ＊ 我個陣真係好想講，美國人會唔會想摸華盛頓、 法國人會唔會想摸拿破崙？ Jason：真係好想摸..... Eddie：你慢慢..... =.="" (5) "與 Jason Chan對話之一代宗師之誕生" 陳大師，本名陳俊峰，是熟悉大眾中，最無聊的人。 陳大師說：「我細個個陣好怕醜，好內向。係中四個年， 突然有股力量，我都控制唔到，於是就去接受， 我既朋友用『瘋狂地』改變地形容我，起初也有時會得罪人， 但經過多年來的努力，這股氣已可以說收放自如了。 連我女朋友都說我已到了禪的境界。」 「其實我既人生目標係想達到無聊既極至。 但苦思好耐，都係原地踏步，沒有突破。」 陳大師初時謙虛地說西門、森哥、阿喱都是後起無聊之秀， 很想超越他們，但其實他那時也忘了他已入化境， 更說如果他們願意的話，可收三人為徒，並傳授一生絕學， 因為他們三人是他見過的人中，最有潛質的。 言語間，陳大師也樂意傳授無聊之奧秘予筆者， 但筆者認為太高深莫測，學不來，婉拒了大師的好意。 陳大師雖然致力研究絕學，但他仍不時招收徒弟， 傳授畢生研習回來的無聊絕學，因為曾經有人跟他說過， 他身上有一股無聊的氣息，他因此而自豪，因為這是絕無罕有的。 陳大師更在這裡分享一首他很喜歡的詩... 無聊本無事，硬膠亦非台，本來無kai子，何處惹白痴？

>>June 9, 2011 at 10:36:18 PM GMT+8

2007 年 9 月 19 日 星期三 【晴】

《楊婷芝與陳俊峰》 以下全部內容, 均節錄自楊婷芝日記, 與本日記立場無關... (1) 今日做左文化人, 開學冇耐就要去文化中心睇 drama, 同唔知邊個邊個去睇, ??, ??, ?? & 喱... (2) 同組的那三個男仍不受「狼狗大戰貴婦狗」的教訓, 依然繼續淫賤... 他們的樣子令我「真的受不了」, 阿 sir見到我笑得好辛苦... 「黃 --- 旺角的黃色招牌」, 還有綠色的鼻涕, 真搞不清他們的腦袋裝什麼！！！ 到真正表演卻變成了「太陽升起發出的光芒」！！ 那些淫蕩感情跑到哪裡去了！！？ 我們今天憑「washing day」嬴了漂亮的一仗, actually有點意外, 但真係好開心！！！^o^ (3) 14:30 gei AA開始 la~ 好成功 gei演出！好滿足~ 第一組好勁 ar！睇得好 enjoy~^_^ 我地係第三組~ 估唔到 d 評語都幾正面 wo！ 等我仲以為會比人覺得好 kai tim~ 鳴謝組員：陳俊峰　林浩賢　鄧鳳妮　楊婷芝　余俊庭 Jason係我地的至強後盾~ 辛苦哂！！ 劇本, 道具, muti-media, 很難忘的經驗~ <<今天與過去相遇>> 再見了... (4) 陳大師 goh般突如其來的「氣」成為其中一個話題, 佢地真係好好笑, 咁又可以咩都唔諗就笑一大餐.. JASON：睇黎你對於「無聊」呢門學問好有興趣 wo, 見係你...我就不求報酬, 傳授當中既奧義俾你 la！！ 講左我 D咩呢？eddie係咪將我既事蹟講哂你地聽？ 係咪好仰慕我呢？ To陳大師：你地 gei 對話事蹟, 一路都有追開..um~~~~ 實在令在下非常之咁景仰 ga！ 之不過小女子自問冇咁 gei潛質接受「當中既奧義」..... 你的好意~~ 心領了！>v< @註： 我事後對梁琬婷說, 婷芝妹誇獎我是第三組的「最強後盾」, 因為包括畫劇劇本, 道具, 電腦動畫, 以及 sound mixing都是我所製作, 梁琬婷則急不及待邀功, 因為這個故事是我與她一起構思的, 梁琬婷亦給了我很多意見, 很多提議, 包括故事架構, 排位及對白, 而她說如果我是「最強後盾」, 她就是「最強後盾的後盾」.... 當然, 我笑了很久, 甚麼「最強後盾的後盾」, 簡直貽笑大方, 梁琬婷當然非常不滿我漠視她的貢獻, 但我卻對她說： 「你不是甚麼最強後盾的後盾, 而是最強後盾的榨盾人...」 陳俊峰略施小計, 就令梁琬婷歡喜過半天, 還四處強調自己是「榨盾人」, 直到現在, 她的 msn名字仍然是「win係榨盾人」, 真是可愛~

>>June 9, 2011 at 11:10:27 PM GMT+8

2007 年 9 月 18 日 星期二 【晴】

《余西門與陳俊峰》 以下全部內容, 均節錄自余西門日記, 與本日記立場無關... (1) 今日 cyrus, jason, 阿喱同我, 去婷芝屋企搞我地 AA既 Drama, 嘩婷芝屋企附近認真唔講得笑, 勁多學校, 好似仲係女校... 去佢屋企既途中應該係學校放 lunch time... 女學生直頭係不斷咁湧住黎, 差 D淹沒左我地... 估唔到果度個居住環境幾好喎... 另外婷芝又表現香港既好客之道, 有好多野比我地食... 有西餅, 雞翼, 糖水, 雪條, 講番個drama.. 大大話話都排左好多次, 叫做記得咁啦.... 但係, 死啦, 我好似唔識做戲咁.... 沒理由果喎, 我不嬲都好有表演慾, 我覺得我講對白好似唔夠投入, 同埋做唔到一種令自己演得舒服之餘, 人地又睇得過癮既演繹方法.... 不過我諗無野既, 做做下就慣, 慢慢就可以重拾番昔日澎湃既心情, oh, yeah.. (2) 終於做完個 drama, 我初初有 D騰雞, 不過成個過程都好 enjoy, enjoy講對白, enjoy劇情, enjoy同每個組員演出時既交流, enjoy系觀眾面前表演, 將自己最「光」的一面呈現觀眾眼前, enjoy觀眾既反應, 雖然表演果時我唔記得拎呢樣拎果樣, 不過我 D組員夠勁, 令我地個表演成功, 好鐘意自己個組！！ 個個都好投入, 咁就完勒, 哈哈有 D唔捨得, 因為真係好好玩.... 特別鳴謝 Jason, 成個劇本係佢度出黎, D音效係佢 mix, video clip好似美少女戰士, 細菌大王同埋 D歌例如「讓我閃耀」係佢搵既... 仲有好多道具呀, 巴士站個牌呀, 都係佢整... 好有熱誠！！！六體投地佩服你！！！ (3) 最後一堂 AA終於完左, present大家做到嘔心瀝血果頂帽既時候, 真係好興奮, 成班人仲戴住頂帽巡遊 space 3/F一週！！ 大家 D帽都好特別, 幾有意思, Jason頂l帽大到要用紅白藍大膠袋拖返黎, 好似藏屍咁！！太勁啦 Jason.... 我頂帽, 底部係用十二個女性 symbol造成, 分別用左四種唔同顏色, 黃 (黃種女人), 白 (白種女人), 黑 (黑種女人), 藍 (歐洲貴族中體內留藍血既女人), 象徵全世界的女人.... 而十二個女人托住既紅色男性 symbol 就代表我.... 掟住果個紅色箭咀仔係代表我既種子, 用紅色係突出我既熱情同決心... 成頂帽其實代表左我既一個理想：「將我既種子散播到全世界每一角落.....」

>>June 9, 2011 at 11:11:01 PM GMT+8

2007 年 9 月 16 日 星期日 【酷熱】

《女醫生》 美麗的女醫生在醫院大受男病人的歡迎， 浪漫、多金的追求者眾多，當然，也遇到不少性騷擾...... 有一天，陳先生在醫院做完不孕症檢查後， 美麗的女醫生要檢查陳先生的精蟲數目有沒有減少。 她給他一個密封的小玻璃罐子，要他回家裝些樣本帶來。 第二天，陳先生再來，女醫生卻發現玻璃罐仍是空空如也。 陳先生解釋說：『昨天，我先用右手試了半天，沒有動靜， 我改用左手試，還是沒有用，我叫我太太來幫忙， 她也是兩支手都試，也是沒有用。我叫她用嘴巴弄，仍然沒有辦法。』 女醫生聽得滿臉通紅。 陳先生仍不停地說：『剛好我表妹到我家來送禮，她比較年輕體力好， 我就拜托她來幫忙。她也是先用手，再用嘴，很努力地............』 『 停！停！』女醫生再也忍不住了：『這種事...你找你表妹幫忙做？』 陳先生說：『她很樂意啊！可是還是不行！我才來找你，看你能不能.....』 女醫生一聽怒問：『能不能什麼？』 陳先生 ： 『能不能把這個玻璃罐的蓋子打開啊！』

>>June 11, 2011 at 2:55:54 AM GMT+8

2007 年 9 月 4 日 星期二 【晴】

《膠是故鄉硬》 九歲神童沈詩均成為全港熱話, 我地聖記都有數神郭家豪, 在中三之齡獨力解破連數學主任關老鼠都想不通的問題, 因而有「郭 6 wing」之稱號, 我們現在一起回顧那條數學題... O是圓周, AO = EC, 求半徑 當日關老鼠以「讀上去你就識 ga la」回答我們, 但「郭 6 wing」對數學的執著, 終令他解破這條難題, 至今仍令人津津樂道, 繼而得到「郭 6 wing」之稱號... 「南詩均, 北 6 wing」, 與「沈詩均」齊名... 完完全全覺得關老鼠o個句「讀上去你就識 ga la」, 同沈詩均o個句「講你都唔明 ga la」同出一轍... 發膠完畢, 引證了「膠是故鄉硬」的真理, 完全唔知我講緊咩？ 今次唔明唔緊要, 至緊要下次你聽得清, ONE TWO THREE齊話聲... 有一件超級不快既事要同大家講, 你地仲記唔記得邊個叫 katrina？ 無錯勒, 就係上年返黎香港, 同過我地去南丫島, 去遊船河, 同埋掘蜆既關 katrin, 而佢口中既「阿丙」, 正正是聖記俊男阿虫, 至於點解 katrin會將阿虫叫左做阿丙呢, 可能係發音問題... 講返正題, 話說 katrina呢個不明物體, 係梁琬婷系多倫多大學既同學, 而佢亦都已經在多倫多生活了好幾年, 但係, 佢突然打電話黎同我講： 「jason！！我係 katrin ar！！我地依家係同學 la！你係咪好開心呢！？」 突然間, 我感覺到寒冬將至, 完完全全將我既溝女大計打破, 本來想在自己最後的求學時期, 在山高梁琬婷遠的情況下, 建立一個完完全全屬於自己的「陳俊峰後援會」王國, 每天與不同的美女上堂, 與不同的美女吃飯, 與不同的美女聊天... 但 katrin的一個電話, 將我已經構思了三年的計劃完全毀滅, katrin的突然成為我的同學, 令我想起曹植的詩.... 「煮豆燃豆箕, 豆在釜中泣, 本是同根生, 相煎何太急？」 現在我的一舉一動完全在梁琬婷的掌握之中, katrin不惜放棄加拿大的一切, 都要與我成為同學, 為了監視我的一舉一動, 為了成為梁琬婷的線人, 呢種為朋友不惜犧牲自己前途的舉動, 簡直可以用「偉哥」呢形容.. 「最好的朋友就像偉哥, 當你抬不起頭的時候給予你力量！」 呢隻歌, 齋睇歌名, 真係以為佢係悲歌, 慘歌, 但其實佢係一隻快歌, 喪歌, 超正的說！ 《心深傷透 --- 陳奕迅》 通宵加班飲醉酒　爛賬照舊要簽收　有無顧下我感受 悶透　像戲班木偶　找不到援手 勁泄氣　我勁愛你　情共愛只供給你一剎那驚喜　愛太鋒利 喊住要嫁　似未進化　潛意識巴不得要給她摑一巴　頭顱爆炸 拜金世界　實在變態　城市失控　老作亂咁嗌 如有天找到　烏托邦　多High　(Baby) 有錢老細　放任亂買　狂買衫褲鑽戒貴波鞋 如有天找到　我只好講聲Bye 拿　今天我大晒 我有勇氣去承受　內疚錯敗與擔憂　這個世界太荒謬 就算　運氣遭毒咒　請緊握扶手 勁泄氣　我勁愛你　潛意識巴不得要給她摑一巴　頭顱爆炸 拜金世界　實在變態　城市失控　老作亂咁嗌 如有天找到　烏托邦　多High　(Baby) 有錢老細　食住個勢　狂買衫褲鑽戒　無乜計 成日玩玩玩　無得訓　Til I Die　柴娃娃無咁Dry 喂　我勁泄氣　我勁愛你　情共愛只供給你一個驚喜　愛太乏味 喊住要嫁　似未進化　潛意識巴不得要給她摑一巴　頭顱爆炸 拜金世界　實在變態　城市失控　老作亂咁嗌 如有天找到　烏托邦　多High　(Baby) 無得放假　叫做變態　城市失控　老作搵交嗌 如有天找到　烏托邦　多High　(Baby) 捷克　秘魯　亞爾及利亞　狂買機票放肆嘆翻下 如有天找到　烏托邦　多High　(Baby) 拿　今天我大　今天我大 拿　今天我大　拿　今天我大晒 睇完上面既內容, 係咪真係想唱返首郭富城既「個個讚你 kai」呢？ 但我想講, 個個讚你 kai其實我最 kai, 如果你真係睇哂上面既內容, 你會發現我並唔係一個普通人, 點解？等我話你知我 take左咩科... 儒道與中國文化 有機化學 Written Language 日文 Calcu & Linear Algebra 五科完全無關, 我真係勁, 究竟我係讀咩呢？冇人知... 不過最令人 sosad既係, 我有三日要返朝早九點半, 有兩日夜晚九點半先放, 星期五就九點半返到九點半...= =" 星期二：9:30am - 6:30pm (9 hrs) 星期三：2:30pm - 9:30pm (7 hrs) 星期四：9:30am - 2:30pm (5 hrs) 星期五：9:30am - 9:30pm (12 hrs) [號外]！！！！！！ 「梁琬婷與陳俊峰 --- 香港縱橫遊 2006」 快將完結！ 最後倒數八天！！究竟梁琬婷與陳俊峰, 在這最後的八天裡, 會發生甚麼事呢？ 緊接「梁琬婷與陳俊峰 --- 香港縱橫遊 2006 」 「梁琬婷與陳俊峰 --- 地球的另一邊加拿大一千五百小時 2007」強勢推出！ 十月卅一日, 向彩虹的另一邊出發！！！ 精彩片段先睹為快！！ 請踐踏草地 三人行 世界之巔 香港人式燒野食之煙攻 麥田圈之謎 彩虹的另一邊 關公撐住我亦姓關, 人稱關老三 水鬼之兩個頭 CN tower上的 king kong 後現代牛頓 阿茲班卡的逃犯 婚禮的祝福 節目重溫：「梁琬婷與陳俊峰 --- 香港縱橫遊 2006」 p.1 - p.13 呢隻歌, 齋睇歌名, 真係以為佢係悲歌, 慘歌, 但其實佢真係一隻悲歌, 慘歌, 超正的說！ 《無語問蒼天 --- Beyond》 麻木面對蒼生只懂不說話　難道赤子之心要被人作弄 受人受情受騙　記著寄望寄生 為何為情為責　怨命怨運怨天 妄想追討有沒錯 凌亂紀憶紛擾心中的抉擇　忘掉創傷唏噓作別無悔憾 路遙路斜路遠　作別昨日昨天 避人避情避責　勝命勝運勝天 決心沖開這巨網 不寄望　以後會是如何　只要避人海 莫問誰錯　蒼生中很多　欲望若能降　你會更快樂 別用一生的腦袋　探索這世間　道盡歪曲的眾生　閉上眼 作嘆息　WOO WOO.... 無用強爭高處心境多恬靜　逃避四周欺詐隔絕人誘惑 欲言無言無語　最後最盡最終 淡忘淡名淡世　兌月對日對影 那管蒼天有沒錯 不寄望　以後會是如何　只要避人海 p.s. 回 c.s.學生, 唔知你係咪我同學呢？ 話時話, 我都仲未見過你 sosad, 如果你上堂見到我, 你走埋黎「亨」我個頭三下, 唔駛講野, 我就知你係邊個...

>>June 9, 2011 at 11:15:18 PM GMT+8

2007 年 8 月 1 日 星期三 【晴】

《一個婚禮百個葬禮》 轉貼自梁琬婷日記... http://diary.showhappy.net/?id=148948 唉...我家姐結婚, 成村人幫佢手籌備, 唉.. 好似奉旨咁, 都算.. 佢其中一個姐妹因為有親人系 hk過左身, 要返 hk奔喪, 我家姐發皮氣, 話已經 arrange哂 D野俾佢做, 依家走左唔駛做 la, 好似全世界要就佢咁... 佢伴娘個家姐聽日搭飛機走, 本來個 wedding meeting係講左係聽晚, 我家姐突然間打黎話改今晚, 大佬, 已經係第 N個姐妹 meeting, 人地都想陪下屋企人架... jason下星期飛返 hk, 今個星期六係 wedding, 我 D朋友約好哂星期五晚同 jason送別, 點知我阿爸阿媽話星期五晚我家姐要「上頭」, 全部人都要系屋企, 唔準出街... 有冇搞錯, 「上頭」關我地咩事...>< 其實我已經幫得好多 la, 又做姐妹, 又要 arrange好多野, 不過我都係想系 jason走之前, 多 D陪下佢, 佢下星期就飛返 hk, 都唔知幾時先再見到, 唉... 有 D野真係好離譜, 我家姐依家晚晚出去蒲, 又唔返屋企訓, 聽其他姐妹講, 佢同個叫 victor既男仔好痴纏, shit~就黎結婚都仲咁, 有冇搞錯... 當然我唔係親眼見到, 但親眼睇到既係... 佢同我姐夫日日都嗌交, 係「日日」都嗌, 成日黑面嬲哂全世界, 講真, 我覺得佢依家係為結婚而結婚, 佢根本唔鍾意我姐夫, 如果鍾意就唔會出去玩 la, 佢自己話結婚壓力太大要減壓 wo, 我覺得係依家全部親戚都由世界各地黎哂觀禮, 佢咁要面子, 一定唔會唔嫁... 提起我阿爸阿媽, 真係又嬲又憫, 唉... jason近排成日同我講, 叫我忍埋呢一年, 讀埋 final year, 拎左個 degree之後, 話就話返 hk探我, 其實係買單程機票, 返 hk搵工, 叫我住佢屋企, (上年 summer我已經住過幾個月, 佢家人好 nice^^) 仲話只要每個月俾返 D家用佢媽媽, 咁長住應該冇問題.. 「四十幾度的香港 + 人多擠迫 + 香港人冇禮貌 + jason VS 二十幾度的多倫多 + 少人 + nice的陌生人 + 我老豆阿媽家姐」 我真係寧願揀前者... 可能我自己西化 la, 覺得中國習俗真係好麻煩, 又咩時辰沖豬, 唔出得門, 又要紅遮灑米, 又三招回門, 講真, jason話依家 hk都冇咩人跟習俗 ga la, 反而移左民既唐人仲傳統過 hk人... 我成日諗, 跟咁多習俗做咩姐, 唔通跟哂, 就會白頭到老咩, 如果個心唔系度, 跟幾多習慣都冇用 la... 我家姐從來都唔會剷雪, 我自己一個人剷一兩個鐘, 唉...我真係唔想再理我屋企人, 不過我唔想佢咁快咩住, 因為咩左佢一定會搬返黎, 咁我就死硬, 三個一齊夾攻我, 等返左 hk同 jason長住先好咩... 唉...我老豆真係好好笑, 佢竟然同我講, 話我做人唔夠圓滑, 得罪好多人, 叫我學下我家姐...= = 有時我諗, 我阿爸、阿媽同家姐係咪好憎我！？ 成日叫我做野, 但係仲可以話我冇為呢個家付出過, 又成日鬧我, 冇做錯事都可以照鬧, 真係 no reason ga... 每日都要提心吊膽, 三日唔埋兩日就黑面, 又唔知佢地嬲咩, 咩都鬧一餐, 我已經二十歲, 大學三年級 la, 仲鬧！？ 最離譜既係, 連我笑既權利都冇, 我都係笑下姐, 我老豆都喝我：「你冇病 ar！？痴左邊條筋 ar！？唔準笑！」 我只不過系屋企睇到 D好 funny既節目, 連笑都俾人鬧..sosad 唉..但我已經幫手做左好多好多野, 反而我家姐真係一 D家務都冇幫.. 我老豆依家成日叫我幫手執地牢, 大佬, D野係佢執返黎 ga, 成個地牢都係野, 依家就要我執！！？我不知幾想丟哂所有野... 之前去旅行, 我阿媽買左十幾廿個麵包, (次次去旅行都買, 但次次都冇人食..) 行行下叫我幫佢拎, 我就話有冇搞錯 ar, 自己買又唔自己拎, 買左都冇人食 ga la... 之後我阿媽又發老皮話：「依家係咪幫手拎下都唔得丫！！！」 我話唔係, 佢竟然話：「唔係就唔好出聲！！！」 頂...幫埋你手, 連呻兩句都唔得, 唔通真係幫佢拎之餘, 仲要講句「真係我既榮幸」！！？ 依家 jason成日都提醒我「兩舊金」, 就係「沉默是金」同「百忍成金」, jason叫我, 任何時候都唔好受到我阿爸阿媽既挑機, 任得佢地講, 任得佢地鬧, 我就當佢地唱緊「乖乖龍地冬」, 唔好受到挑釁, 千祈唔好出聲, 唔好駁咀, 一出聲就有痛腳俾人捉住話我駁咀, 咁仲鬧得更甘更厲害, 總之任何時候都唔好理佢地, 唔好出聲, 唔好應佢地, 最多都係「哦」同埋「知道」, 敷衍佢地就算... 我已經好努力咁去唔理佢地既挑釁, 但係我都仲未去到完全冇情緒起伏既境界, 希望可以快 D練到完全唔理佢地講咩鬧咩, 完全唔當佢地存在... 仲有一年就大學畢業 la, 希望系 hk搵到工, 咁就可以同 jason長住之餘, 又可以離開呢個屋企, 雖然 hk真係熱到爆炸~= =

>>July 14, 2011 at 3:46:39 PM GMT+8