2007 年 3 月 10 日 星期六 【颳風】

《我與梁琬婷的關係變了》 剛剛拍拖的時候, 我地會做好多野俾大家.... 會講好多甜言蜜語, 會成個鐘不停咁講「我愛你」, 會講好多 sweet sweet既說話, 有好多肉麻對話, 會花好多心機整禮物寄俾大家, 會親手整好耐, 每次收線都線成個鐘, 每次收線都要錫錫, 仲有好多好多.... 但係依家我同梁琬婷既關係好似變左... 雖然都會講 sweet sweet既說話, 但係唔會成日不停講, 換來既係, 我會好興奮咁講我近來發生左咩事, 今日遇見咩人, 去左邊, 同其他同學朋友發生既搞笑事.... 佢就會講同同學尋晚講過既野, 佢同朋友今日去過邊度玩, 玩過 D咩... 我地又少左親手整 sweet sweet既禮物俾對方, 換來的是, 一起在我家與我弟妹打機, 夜晚十點一起踢住拖, 拎住銀包, 著住街坊裝落街去百佳買薯片... 我們一起與我阿媽, 弟妹去南丫島漁排玩, 與我的中學同學一起坐遊艇出海玩, 與我們一家人, 父母弟妹一起去上海杭州蘇州旅行, 一起恥笑地獄採礦師, 一起在我家, 與我阿媽同細妹整糯米慈, 一起在我家, 與我的朋友們看世界盃, 一起在我家, 與我阿媽同細佬, 襯我老豆不在家時玩佢缸金魚.... 我們傾電話時, 又少了肉麻的對話, 換來的是, 與我一起諗我的畫劇劇本, 一起研究如何做得更好, 一起說說排位, 對白, 劇情, 笑位的問題.... 基本上我們由每分每秒都是肉麻對話, 變了現在每時每刻都係你串我我串你, 每次我串佢串到佢一棟都冇時, 佢就爆一句：「屌你 ar！」 有時我俾佢串到一棟都冇時, 我就會話：「往往天才都會被人當作瘋子, 你呢 D平凡人唔會明白我呢 D天才所講既野 ga la....」 之後佢就話：「以後你就叫小瘋子 la！人黎 ar！拉佢出去淨身！」 (因為我個名真係有個峰字...= =) 我就會扮到好可憐咁話：「唔好 ar, 大人饒命 ar！！」 身體上既接觸就更加唔駛講, 仲勁！！ 由依前每分每秒都黏著在一起, 經常攬攬錫錫, 變為現在成日打交..= = 上年暑假的四個月, 我成日都襯梁琬婷訓系床上面時, 「擒」上佢上面, 騎住佢, 之後狂「唧」佢胳筋底, 之後佢就瘋狂咁掙扎, 起飛腳踢我, 其爆發力真係唔講得笑... 試過當我企上梳化整野時, 佢就坐系梳化, 襯我唔為意時, 佢就起勢咁瘋狂拳打我囉友, 之後佢就自己一個人爆笑... 當我望住佢時, 佢就扮哂咩都唔知, 但我一另返轉個頭, 佢又繼續起勢咁拳打我囉友, 當時我老豆都在場, 唔知佢點諗, 我細佬仲用 V-cam拍低左, 佢一定覺得兩個白痴系度玩真係搞笑... 唔知點解, 我覺得那些 sweet事不但沒有減少到, 反而 sweet已經溶入在生活當中, 就像老夫老妻一樣, 而在我阿媽的角度, 則好像多了一個女...^^ 在我細佬的角度, 就好像多了一個恥笑對象....= =

>>June 10, 2011 at 12:41:59 AM GMT+8

2007 年 3 月 8 日 星期四 【乍雨乍晴】

《Art Appreciate VS Visual Art》 Oliver燒左隻碟俾我地, 係我地之前兩份 assignment既 video, 睇返都好搞笑, 扮兩隻狗在街頭相遇段 video, 仲影到婷芝笑到喊, 真係超搞笑, 有興趣可以拉落去睇睇, 我已經 upload哂... 今堂我地由 body movement跳去 drama, oliver真係厲害, 佢逐步逐步引我地去做動作, 由小幅度既郁動慢慢到大幅度既郁動, 係咪好難想像成班都唔怕羞咁系度自己跳舞呢？ 一開始玩既遊戲係將自己當成扯線木偶, 幻想有條線縛住身體其中一個地方, 之後任由 oliver去擺佈, 之後就兩個人一組, 一個攻一個受, 攻o個個就篤另一個身體任何位置, 受o個個既被篤位置就要順勢彈開, 但要保持平衡, 玩完之後就玩兩個人交纏在一起跳舞, 但唔准掂到對方, 要一面插入對方既空位, 一面避開對方既插入, 即係好似 matrix咁, 好搞笑, 因為全班十五個人, 有一個單丁左, 所以我、simon同 cyrus三個一組, 玩 3P仲刺激, 互相進攻互相防避... 之後 oliver就播音樂叫我地自己碌地, 自己轉圈, 自己跳舞, 當身邊冇哂其他人, 自己有自己跳, 點知每個人真係唔理其他人, 自己碌地, 自己轉圈, 自己跳舞, 之後 oliver熄燈, 一開始播開心輕快既音樂, 佢就一面催眠我地, 我地就一面跳舞, 佢話依家幻想自己系個森林裡面, 前面有雪山, 下面有河水, 空氣好清新, 好舒服, 但之後突然轉為沉重好 sad既音樂, oliver話突然醒左, 原來頭先既係夢, 依家回到現實, 見到窗外的天好灰暗, 我地既舞步亦都沉重左, oliver繼續話, 回到現實後, 又要揹起自己既負擔, 好大壓力, 真係好重好重, 學業, 工作, 供樓, 就快壓得透唔到氣, 聽到 D好 sad既音樂, 加埋 oliver既催眠, 真係有 D眼濕濕, oliver繼續話, 你想放低佢, 放低哂你一直揹緊既包袱, 放低完之後, 你覺得好輕, 個人輕鬆左好多, 不過漫無目的咁行, 個人n似好空虛, 好似冇靈魂既軀殼咁.... 你拎返起你想要既野, 好好咁拎返佢, 放返入心裡面... 之後再播返一開始輕快既音樂, oliver話今日係第一日返學, 新的一天, 快 D起身返學 la, 先系鏡面前笑一笑, 快 D著衫 la, 快 D擦牙洗面, 趕唔切 la, 濕下塊面算 la, 仲要著鞋, 臨走前再系塊鏡面前笑一笑, 一開門就到學校 la... 唔知點解, 加埋佢講 D野, 又真係開心返 wo... 有件事大家都唔係好發覺, 就係oliver由初初既全英文, 變成依家全中文, 我竟然依家先發覺, 真係不可思異.... 我深信呢科 art appreciate比畫畫影相睇文藝歷史既 visual art好玩萬倍, 當初個個 drop哂 AA走去讀 VA, 結果我地班 AA得返十五個人, oliver都愕左然, 因為佢以前 D班有成三十幾四十人, 依家我地小貓三四隻, 因為個個都怕跳舞唱歌做 drama, 所以走哂去讀 VA, 結果 VA有三十幾人, 係我地成倍... 好彩我當初冇誤信讒言 drop AA, 如果唔係實悶到抽筋... 當時力勸 hannah姐過黎 AA, 不過佢點都唔肯..sosad... 依家我地十五個人玩到癲哂, 真係癲哂, 好開心, 最頂癮係我地組係變態既, 真係每次都笑到肚痛, 我地五個人都係痴痴地線, 不過就係咁先好玩, 最正係 simon夠淫賤, 夠變態, 夠放, 我鍾意, 正！！！ 都唔知點解個個走哂去 VA, 你話 AV就話姐.... 三個星期後我地就要做 drama la, 之前個禮拜, 我同梁琬婷日日o係度諗劇本, 尋晚初稿終於誕生, 俾左 simon、阿喱同婷芝睇第一個 version, 佢地話個 idea幾好, 不過有 D粗俗, 之後我改哂 D字眼, 佢地話好好多, 仲勾起好多以前既回憶, 好白痴好搞笑, 不過又係個個人都做過呢 D白痴野, 真係八十年代末出世既人都會有共鳴, 加埋道具造型實笑死！！ 我地就決定做呢個畫劇 la！不過有兩個結局, 一個係 sad ending, 一個係 happy ending, 我地仲未決定用邊個好... 下星期 reading week放假, 我地就去採排 la！真係好興奮好期待做 drama呀！！！ 救命！！索到喊！！！真係好有氣質好靚好清純！！ 我覺得佢甚至比「女神」川島和津實更靚.... 大石彩香, 其實我好多年前已經睇過, 不過丟哂, 今日咁岩俾我系 foxy搵得返, 真係正到丫... 可惜佢只有三套咁大把, 可能就係得三套先 keep得咁好, 好耐未試過有呢種回味無窮既感覺....珍藏首選！！

>>July 13, 2011 at 12:03:30 PM GMT+8

2007 年 2 月 28 日 星期三 【陰】

《如果我們可以先大個, 後細個就好了...》 原來人大了, 有時扮開心, 比真係開心容易得多... 近日我拎返成疊舊 MD出黎聽... 都好耐冇拎過出黎, 所以第一隻已經鋪哂塵, 之後放入部 hi-fi機, 有幾隻已經唔 work, 不過仲有好多聽得到, 聽返有 D歌, 那種感覺好特別, 好似返返去那個時代一樣, MD好似保存了那個時代的感覺, 好多歌都已經唔記得左, 因為 mp3會不斷更新, delete, 入歌, 與時代一起流動, 係唔會留住一個時刻的感覺.... 有時電腦 format左, 冇哂 D 歌, 再 download過, 已經有好多歌 miss左, 漸漸 miss左好多歌... 那些 MD都有六七年 lu, 聽返那個時代的歌, (不是指那時候流行的歌, 而是指那時候, 我正在聽的歌...) 好懷念, 好似返返去那個時候, 那個情景, 那時的人, 那種感覺... 尋晚拆利是, 有兩封利是係我阿爸阿媽托我俾我女朋友的.. 上年都有俾, 不過俾我用左, 每封廿個大洋, 今年兩封上面都有祝福語同署名, 又會咁 pro既, 平時只有給我們三兄妹的利是, 才會寫上祝福語及署名, 當我拆開那兩封給梁琬婷的利是時, 以為都係每封廿個大洋, 點知竟然係每封一百個大洋！！即係夾埋有二百個大洋！！！ 我阿爸阿媽俾我、我細佬同我細妹每人兩封利是, 都係每封一百個大洋咋！！真係估佢地唔到... 其實我已經一早講左俾梁琬婷知, 我阿爸阿媽俾利是佢, 因為年初一時佢打電話黎拜年, 我阿媽同佢講左, 不過因為佢身在加拿大, 所以俾唔到佢, 所以梁琬婷叫我幫佢拆左佢, 之後買野食俾佢... 佢只係唔知道那兩封利是有成二百個大洋咁多, 因為我尋晚先拆.. 其實我阿媽話寄過去俾佢, 不過梁琬婷話唔駛, 因為一來好戇居, 二來加拿大用唔到港紙, 我應該會用左梁琬婷那兩封利是, 你地唔好講俾梁琬婷知...^^ 原來人大了, 有時扮開心, 比真係開心容易得多...

>>July 13, 2011 at 12:03:57 PM GMT+8

2007 年 2 月 27 日 星期二 【颳風】

《I do the best, God do the rest》 Listen up, 'cause you only go around once！ Someone's gonna be brilliant, gonna get rich, gonna build an empire. (Make a wish.) Someone's gonna find a new species, gonna be the next Hollywood Star, gonna own land on the Moon. Get that girl. Get that house. Get that job. Get that yacht. There's no Second Prize！Don't miss your chance. Take your shot. Someone's gonna do it, why not you？ 機會不是別人給予, 而是要自己爭取的, 光是坐著乾等, 幸運不會從天上掉下來, 做每件事都必須投入、盡力, 否則, 不但自己會篾視自己, 人家也瞧不起你... 只有如此, 做人才能無愧於心, 無論結果如何也不後悔, 結果遠不及過程重要, 我要告訴自己：我是值得的！ As my soul heals the shame, I will grow through this pain.. Lord I'm doing all I can, To be a better man.. How many roads must a man walk down before you call him a man？ 如果每個人都稱揚你, 你可能會驕傲, 而假如人人都否定你, 你則可能信以為真, 或者為此而生氣, 所以你必須了解自己的長處, 以及你擁有的優勢, 然後對自己保持自信... 明知不可為而為之... 不可能從來只是弱者甘於平凡的一大藉口, 不做、不試、不轉變世界、不管一切依舊, 不可能絕非事實, 純屬意見, 不可能亦非宣言, 而是挑戰, 不可能是超越極限, 不可能將成過去... 當你認定了目標, 便要不懈往前, 即使備受質疑, 但也要深信... 「Ｎoｔhｉnｇ　Ｉs　Ｉmｐoｓsｉbｌe....」 別人的質疑, 不用在意, 決定了的, 那管它可不可能, 只管全力去做.... 這是一個必須堅強地承受無數挫敗才能活下去的時代, 儘管有時會受傷害, 儘管有時付出與結果不成正比, 但我不想連痛的感覺都失去, 太快認輸, 便看不見後面路上的美好風光, 既然這個身體仍然撐得下去, 這盤遊戲還沒有玩完... 《巴斯光年 - 謝霆鋒》 侵略者馬上發動進攻　要緊急出發到外太空 跑道的最後卻踏個空　跌一交的痛哪及我心痛 不用找降傘放入背包　縱使我將會繼續跌交 當夢想破滅化做氣泡　半空中都算發射過一炮 在童年一講起我的志願　要做個星空保衛隊救地球 到了今天至知　多想振翅宇宙裡遨遊　人天生得一對手 作個最壞的準備　但是向著最高最遠星體出發　如果真的不會飛 試試跌下的滋味　夢幻破滅也不放棄更是傳奇　誰都阻不到我跟你 醒過來　來　就從谷底再出發　醒過來　來　別人間蒸發 Don't worry about the unknown, concentrate on what you can control... 農夫盡了全力插秧, 但收成時有冇天災人禍, 個農夫控制唔到... 盡人事聽天命, I do the best, God do the rest... It is the best of times, it is the worst of times... 路, 還有很長, 跑！跑！跑！要往前跑呀！不要回頭望, 不要想太多, 不要管太多, 只管盡全力地跑吧.... 在自己決定的路上, 不要停下, 不要猶豫, 就算髒了, 就算倒了, 就算已經精疲力竭快要死了, 也還要向前跑, 好好過完你的一生... 「男兒一生要經過困難磨練共多少？男兒一生要幾次做到失落與心焦？ 我有無邊毅力, 捱盡困難考驗, 立誓披荊斬棘心裡, 更願永不折腰....」 「多少次, 迎著冷眼與嘲笑, 從沒有放棄過心中的理想..」 「幾多次感慨, 幾多次心急心虛心痛心愛, 通通都走過 那一切, 仍能憑著回憶活下來, 我們仍能憑著奇蹟活下來, 好好活下來..」 Who says I am the most miserable loser？ Who would know I wouldn't defeat this everlasting misfortune？ Maybe this turn, maybe the next turn.... Joker is always waiting for the best moment！ And you know what, you might be the next miserable loser in the future！ It is not a matter that how slowly I go as long as I don't stop and strive for my goal, Don't ever get discouraged, and never give up！I'm not beaten unless I surrender！ Nothing is over, if you think it's over, you'll be surprise...

>>July 13, 2011 at 12:04:37 PM GMT+8

2007 年 2 月 25 日 星期日 【颳風】

《再見姚 sir》 姚 sir辭職！！？我聽到呢個消息真係好愕然.... 如果唔係我細佬話我知, 我都唔知姚 sir要走... 我聽到呢個消息真係唔敢相信... 太多說話想對姚 sir說, 真的好驚訝... 如果我還在聖記, 我想我也會問相同的問題：你可以留下嗎？ 這不是奉承的話, 但我真是覺得, 失去了姚 sir, 是聖記的損失, 是學生的損失, 正如沒有了碧咸的曼聯與皇馬一樣, 不知姚 sir是否見到碧咸都去美國接受新挑戰, 所以自己也去追尋理想, 當然我們不能這樣自私要求姚 sir留下, 但如果我還是聖記學生, 我依然會想姚 sir留下.. 因為姚 sir比碧咸更厲害, 除了靚仔同好波外, 他還是大學校際最佳辯論員！ 我完全感受到失去姚 sir的聖記, 就如沒有碧咸的英格蘭國家隊一樣... 雖然已經是三四年前了, 不過姚 sir的中化堂, 姚 sir教的東西, 我仍然記得好清楚, 好深刻, 有一堂姚 sir在黑板寫了三句說話, 是關於學習的三大境界, 係王國維講既...(當然實際上只是他綜合三首詩) 『昨夜西風凋碧樹，獨上高樓，望盡天崖路』第一境界, 『衣帶漸寬終不悔，為伊消得人憔悴。』第二境界, 『眾裡尋他千百度，驀然回頭，那人正在燈火闌珊處。』第三境界... 我沒有忘記過, 姚 sir還說中七的生活雖然是捱, 但在往後的日子, 就會覺得這是最好的時代, 就好似狄更斯講既一樣, 這是最好的時代, 這是最壞的時代... 又有一堂講人生的意義這課書, 姚 sir說了個故事, 內容是這樣的... 有隻肥狐狸, 見到果園 D果實好靚, 所以想走入去食, 但係因為肥得濟, 過唔到個籬笆... 佢就努力減左十日肥, 終於過得到去.... 佢食完果園 D果實後, 因為又肥番而出唔番去, 佢又努力減左十日肥, 終於出得番去.... 之後姚 sir還說, 有一日佛陀授徒, 好多人圍住聽佢講道, 有人問佢甚麼是人生, 佛陀摘了一朵花, 之後望著而微笑了一下, 其他人唔明點解, 突然有一個人大聲話：我明 la, 之後就笑住咁走左, 之後陸陸續續有人話：我明 la, 跟住就一個一個咁笑住離開... dennis說過, 他最佩服的三人, 第一是金庸, 第二是陶傑, 第三便是姚 sir, 說實在的, 上姚 sir的中化堂, 是一種享受, 每次上中化堂, 很輕鬆, 很開心, 說真的, 我每次上堂前都有一種期待, 期待今天姚 sir會說甚麼, 期待今天會教甚麼, 期待今天會玩甚麼, 這亦是少數的課堂會令我擁躍搶答, 受到的啟發有很多... 記得有一次倫理堂, 我們玩 killer, 姚 sir幫我們分組, 但每組有一個係 killer, 之後我們每組都要用報紙砌一棟高樓, killer就負責破壞, 到最後就估誰是 killer, 我記得隔離組郭駿仁踢了一下台腳, 之後全部倒下, 結果那組所有人都認定他是 killer, 超低能勁搞笑！ 當然姚 sir公佈誰是 killer時, 我們每個人都很驚訝, 這個反高潮很正, 真係估你唔到, 不過一生人只可以玩一次..^^ 我又記得有一堂中化講人生的意義, 姚 sir唔知問左 D乜, 之後阿虫就向全班說了《尋秦記》當中, 項少龍說的一個小故事... 「有個人響沙漠度行, 已經又飢又渴, 又咁岩見到一大群狼, 佢俾狼追立即逃走, 見到前面有井就跳落去, 但又見到井底係枯的而且有毒蛇, 臨急之際俾佢手拿到一條大樹枝, 以為安全, 但又有老鼠響上面咬斷支樹枝, 佢當時乜都冇諗, 只係閉上眼全心全意去舔樹枝上的一滴蜜糖, 呢個就係人生...」 唔知姚 sir有冇睇《最緊要正字》呢？我覺得超好看的說, 又有野學, 又有靚女睇, 真係人生一大快事！ 不過岩岩個星期六就係最後一集, 真係好唔捨得... 呢集講周易八卦中, 八支卦象點樣讀, 當時我即刻想起有一堂中化, 姚 sir問我們「潛龍勿用」是甚麼, 又問我們「亢龍有悔」是甚麼, 這當然不是謝霆鋒的歌, 亦不是郭靖的降龍十八掌, 而是易經的卦象, 姚 sir還解釋了為什麼皇帝叫做「九五至尊」添...^^ 當年姚 sir在成績表上給我的評語是這樣的.... 「俊峰品性純厚, 沉靜有禮, 好思考, 有主見, 如能好好利用自己的長處, 各方面都會有進步, 是次成績略退, 請同學自我反思, 為未來, 為理想, 尋找一條適合的路向.......」 還記得我們 04 7B最後一堂 PE堂踢波, 有聖記碧咸之稱既姚 sir, 竟然走左落黎一齊踢, 最後一球仲係由佢射入！！好經典... 六七年前的敬師日, 所有老師反串扮學生, 笑鬼死, 姚 sir咁乖乖當然係扮乖學生 la！！！ 雖然真的十分唔捨得姚 sir, 但天下無不散之筵席, 在此祝福姚 sir好似碧咸咁, 有更好既前程... 下次偉大的 7B re-U時, 一定要叫埋姚 sir！！ 最後送俾姚 sir一首我很喜歡的歌 ---《願主祝福你》 懇求主賜福保守你　無論遠或近距離 願你今天獲得久待的黃金日子 所遇災禍小於沙粒　所得福祉久且彌 懇求主賜福保守你　永遠和你一起 願你在光明中行走　歡樂幸福常伴著你 每見烏雲遮蔽之時　好運佳兆可預期 明日充盈甜蜜希望　不必再掛心焦慮 懇求主賜福保守你　永遠和你一起 懇求主賜福保守你　永遠和你　永遠和你一起 p.s.何靄琪同我講, 佢上過姚 sir同 miss lee屋企食飯, 聽到 miss lee叫姚 sir做「啟文哥哥」..^^ 以下係姚 sir既日記, 姚 sir呼籲大家 forward開去... http://www.xanga.com/peterpan5660

>>July 14, 2011 at 3:53:03 PM GMT+8

2007 年 2 月 22 日 星期四 【颳風】

《Washing Day》 今日 art appreciate超好玩, 我地要扮聲！！ 一開始就分組扮三隻顏色, 但每組只可以講一個字, 即係「紅」！或者「橙」！或者「藍」咁樣, 之後要另外兩組估下, 其實係扮緊咩野, 真係好難... 結果第一組講「白」, 第二組都係講「白」, 不過第一組係扮飄雪中好凍既白雪, 第二組係扮跳出黎既白兔, 第一組扮既時候, 其餘兩組都估到大概, 但第二組真係冇人估到, 到我地時, 我地係講「黃」, 不過冇人估到 sosad... 我地係扮看見旺角黃色架部既招牌, 忍左好耐終於可以發洩既嫖客...= = 我, simon, cyrus已經扮到極盡淫賤之能事, 婷芝同上次一樣笑到喊, 見到佢失控狂笑之後喊出黎個樣好頂癮... 阿喱好無奈咁話：「點解我地組次次都係做呢 D野？ 照睇我地以後每次既 assignment都係關於呢 D野, 甚至 drama都係做呢 D！」 事後同梁琬婷講返, 叫佢估, 佢竟然可以估中兩個！！>O< 佢估中跳出黎既白兔同埋黃色招牌, 點解可以咁厲害....= = 之後下半 part我地要朗誦英文詩, 係第二份計分既 assignment, Rehearsal中, 睇下我地組幾認真！！ 真正比賽開始, 之後每個人都要投票俾覺得最好o個組, 但唔可以投俾自己組, 今次贏左o個組仲有獎品, 係一盒十七粒既雪莎朱古力, 結果我地組贏左！！！ 太開心 la, 根據下面個次序, 我地係第一組, 有八票, 第二組有五票, 第三組有兩票, 我地第一次贏, 太興奮 la實在！！ 我地分哂十七粒俾每一位同學仔, 獎品事小, 第一次贏事大！ 婷芝仲開心到 keep住個朱古力盒返屋企, 呢科真係好好玩...

>>July 14, 2011 at 3:54:44 PM GMT+8

2007 年 2 月 15 日 星期四 【暴雨】

《甚麼是音樂？》 等我仲以為要過一個炎熱既農曆新年, 呢兩日轉冷, 又陰陰地, 又有毛毛雨, 又凍凍地, 好有過年氣氛, 好正！ 今日上 art appreciate, oliver播左段片俾我地睇, 真係全班十五人都 >O<哂咀！究竟咩係音樂呢？　 係唔係香港歌手經常掛在咀邊, 叫人留意的就是音樂？ 還是來來去去都是一兩粒音掉來掉去的, 就是音樂？ 我只可以答：maybe... 以下這幾段片, 我誠懇地邀請各位 click來看, 這一隊樂隊《stomp》用破銅爛鐵, 掃把, 菜刀, 鑊剷等工具, 去敲出的「音樂」, 一定會令大家 >O<哂咀！ 簡直係神奇、頂級、超卓！！ 只有一個字可以形容：「精彩！」 之後 oliver竟然叫我地三組人, 去學《stomp》！！ 除左自己把聲之外, 可以用全個班房任何既野去發出聲音, 一組扮貓, 一組扮阿媽, 一組扮狗, 結果我地組係扮狗... 我、cyrus、simon、婷芝、阿喱五個人毫無頭緒, oliver俾左一個鐘我地預備, 但時間一分一秒咁過, 是次演出更加係計分, 呢個就係第一份 assignment, 我地試左好耐, 諗左好多唔同既拍子, 節奏, 顧得拍子同節奏, 就顧唔到個主題「狗」, 扮到狗時, 又冇拍子冇節奏, 我地五個人都唔知點好... 睇下 rehearsal中, 我地組完全漫無目的咁敲緊... 最後只餘下十五分鐘, 我地唯有採用 simon既建議, topic係「兩隻狗在街頭相遇」, 一隻係貴婦狗, 一隻係大狼狗, cyrus用手指敲木台扮貴婦狗既行路聲, 一開始好慢好姿悠, 之後我拍牆扮大狼狗既行路聲, 一開始都係兩拍兩拍, 貴婦狗開始急速地跑, 大狼狗就追上去, 變為四拍四, 六拍六, 接著大狼狗撲向貴婦狗, 全場靜哂, 我用手指公指甲, 系牆上面慢慢向上推, 去扮大狼狗怒吠的一聲... 跟住佢地就做愛做的事... simon就拍牆扮大狼狗既推車聲, 一開始好細力, cyrus就用筆敲鐵通, 一下一下咁去扮貴婦狗頸上既噹噹聲, 阿喱同阿芝就扮貴婦狗掙扎既聲音, 用手指抓椅墊, 之後佢地越做越快, 越做越快, 突然停左！靜哂... simon就大力拍牆一下, 扮最後一擊！我就用十隻手指指甲, 系牆上面好快咁大力向上推, simon再拍兩下, 我再推兩下！！！ 阿喱同 cyrus問我地最後呢下代表咩, 我支吾以對, 話係大狼狗釋放的一刻, 即係俗稱的「高潮」... 阿芝聽到 simon同我既故事流程, 係失控咁喪笑, 仲笑到喊, 係真係喊左, 我地幾個都笑到痴左線... 真係好變態, 但又笑餐死, 但又好緊張！ 之後 oliver用 V-cam拍低我地三組既表演, 最後要我地各自投票覺得邊組最好, 但唔可以投俾自己... 結果第一組「廚房裡的阿媽」有九票贏左, 我地有四票得第二, 咁其實第一組真係做得好, 佢地有節奏, 多元化, 貼主題, 又幾好聽... art appreciate好似返緊幼稚園咁, 好好玩...^^

>>June 11, 2011 at 2:57:53 AM GMT+8

2007 年 2 月 14 日 星期三 【炎熱】

《情人節 2007 special》 每日一 gag之情人節 special： 如果你今年一個人過情人節的話, 不用怕, 尚有小弟陪你, 不過出年就唔擔保啦！ 也許你今年應該無收過花的, 那麼我就送你一瓣雪花, 快 D打開電視機, 扭到雪花台, 再等到天光黎明時, 聽番首黎明既《送你一瓣的雪花》啦！開心啦！ (摘錄自阿郭 2005年日記...) 好耐冇打過咁多字既日記 la, 自從識左梁琬婷之後, 我既日記就充斥著相片, video同轉貼搞笑野... 好明顯我係懶左打日記... 靜思語：男人要永遠感謝在他二十歲的時候, 曾經陪在他身邊的女人, 因為二十多歲的男人, 正處於一生中的最低點, 沒錢, 沒事業, 而女人在這個時候, 是最青春的時候！ 依家每個星期四都要由八點半返到五點半, 真係累死人, 中間只有一點至兩點半既 lunch時間, 其餘時間都係上緊堂, 感覺好似返緊中學咁, 好累, 唔知講咩好 sosad... 前幾日池嘉文 (hannah姐) 問我, 今年我女朋友幾時返香港, 佢想約我地出黎食飯, 真係可惜, 因為上年佢返香港, 今年到我去加拿大, 池嘉文同我女朋友都係緣懢一面 ga la, 池嘉文仲問我, 佢係咪好男仔頭？我另另頭話唔係呀, 不過好細路女之麻, 之後佢個樣就晴天霹靂！好似終於知道左事實既真相咁, 佢話唔怪得之個個人都好就佢, 原來個個都當佢係細路女..sosad.. 我同池嘉文講, 話佢冇女人味, 反而阿魚同阿秋就好有女人味, 神態、啖吐、衣著都好有女人味, 好成熟, 我叫池嘉文學下佢地就 ok la！ 今日睇報紙, 話咸哥加盟洛杉磯銀河的處子 show, 就係八月五日作客對 FC多倫多, 我心諗, 我當時應該系多倫多 wo, 又會咁岩既！？之後我即刻打電話俾梁琬婷, 叫佢幫我睇下詳情, 但係佢話佢系多倫多住左十年, 都未聽過 FC多倫多囉, 不過我相信 FC多倫多既根據地, 應該系多倫多既, 希望有機會入場睇 la, 唔知梁琬婷買唔買到飛呢！？ 我預佢一張飛賣二三百個大洋 la, 高過呢個價就算 lu... 如果真係入到場睇, 到時我一定拍好多 video, 之後 upload上 youtube即時 share俾大家睇！ 近排我阿媽好搞笑, 凌晨三點幾, 我聽到客廳部電腦仲有聲, 我以為我細佬仲打緊機 la, 點知出去一睇, 原來我阿媽打緊「明星三缺一」, 笑死我, 成日霸住部電腦打麻雀... 我細妹成日都話就快情人節, 好緊張好大件事, 我同我阿媽都話, 關你咩事姐？之後我阿妹問我送咩俾女朋友？ 我話我唔單止情人節冇打算送野俾梁琬婷, 連岩岩個聖誕節, 同埋梁琬婷上年九月既生日, 我都冇送野俾佢, 之後我阿媽竟然話：「hehe..你唔好咁老定丫...」笑鬼死.. 2003年樂壇金草梅頒獎禮 http://www.gaforum.org/archive/index.php/t-73480.html 2004樂壇金草梅頒獎禮 http://forum.hkpcf.net/archiver/?tid-11258.html 因應二人組合 2S的黃婉玲小姐要求重貼《樂壇金草梅頒獎禮》, 有 2003同 2004 version, 要黃婉玲小姐久等真係唔好意思, 等我貼兩張閣下既靚相先, 唔知 2S組合幾時得閒出黎食餐飯呢？ 記得要同我影返張合照, 因為我要交差...^^ 《爭霸》大左結局 la！真係超級好看的說！范蠡真係型到震！ 勾踐變為另一個夫差, 其實都唔怪得佢, 因為佢受既屈辱實在太多, 李宗吾之厚黑學與孔孟之仁愛王道比起上來, 歷史證明左, 前者才會帶來成功, 伍子胥死左雖然好可惜, 但係范蠡同佢識英雄重英雄, 真係好難得... 雖然個結局幾假, 但都不失為一套好劇, 大結局左之後, 又有一排唔駛睇電視, 不過話時話, 依家星期一至五下晝, 有套卡通片叫《我們這一家》, 勁搞笑, 裡面有四個角色, 有阿爸阿媽, 一個家姐同一個細佬, 個阿媽花師奶勁頂癮, 同我阿媽一模一樣！！呢套卡通片係將生活上既家庭小事講出黎, 勁搞笑, 真係天下間所有阿媽都係咁, 完全係將事實反映出黎... 唉...又要破費 la, 因為農曆新年約左阿郭, 老 paul, 腐雞同李華蚊去睇賀歲波, 一百六十個大洋睇六場, 兩場年初一, 兩場年初四, 兩場年初六, 我最想睇反而係年初六頭場, 92南華 vs南華青年軍, 有山度士等名宿, 一定好好睇！初一初四就睇和仔同歐偉倫, 不過近日睇報紙, 獲邀來港既中國奧運隊, 系英國集訓友賽, 場場都打交, 真係唔知年初一會唔會暴動... 今個 sem科 art appreciate, 要去睇 drama, oliver上星期叫我地去通利拎 drama既單張, 之後佢揀左適合既, 叫我地去買飛, 我地岩岩呢堂先匆忙分完組, 放學後就要拉大隊去買飛, 點知去到先知, oliver揀出黎適合既 drama, 公演期分別為二月九日, 十日, 十一日, 結果我地要匆忙買飛之餘, 仲要匆忙睇埋, 我地組決定左睇一套叫《拼出那年的初夏》, 內容講述一名男生見返中學時暗戀的女孩, 但那女孩話自己唔係那中學的學生, 因為之後我地要依睇過既 drama, 去重新演繹一次, 我地 group有五個人, 上個 sem既「media, culture and everyday life」, 同過 cyrus同 simon一組, 依家 art appreciate再同佢兩個一組, 再加多兩個女仔, 一個係嬌滴滴細細粒, 只有四尺高既阿喱, 另一個係把聲好 kawaii, 平時講野都好似細路女咁既阿芝, 我地決定左將劇目改為阿喱見返中學時暗戀的三個男孩, cyrus, simon同我, 但我地三個男孩都唔認數, 趙完鬆！！ 結果我地五個人就去左睇《拼出那年的初夏》, 又幾好睇 wo... 其中有一幕超爆笑, 個男主角回憶自己中學時期, 系操場見到另一個男同學「蛋撻」, 之後佢地鬥奄！！ 「蛋撻」仲大聲尖叫話：「你奄我！？」全場爆笑, 之後「蛋撻」捉住男主角隻手話：「今晚呢...不如...」 男主角就好大反應咁話：「我唔係 gay ga wo...」 「蛋撻」就好大聲咁話：「我想叫你去打機咋白痴仔！」 笑爆全場！！「蛋撻」真係好頂癮！！ 笑既原因係因為呢 D行為, 呢 D對白真係出現過在年輕的時代, 系學生時代, 只要有男仔既地方, 就會有「鬥奄」呢個行為, 相信各位男生都一定奄過人或者俾人奄過, 而只有學生時代, 才會語氣十足鬧人「白痴仔」, 只要有共鳴的地方, 就會令人會心微笑... 我地岩岩呢堂 art appreciate超好玩, 話說 oliver要我地諗一樣野代表自己, 之後用動作表現返出黎, 但過程唔準出聲, 經過無數次自我 rehearsal之後, 我地就要各自搵五個人, 去估自己扮乜, 再寫個答案落張白紙上面, 我扮螞蟻, 結果有兩個人估中, 其餘有人估係農夫, 有人估係睇星... 有好幾個都超搞笑, 其中一個完全冇人估中！！ 佢第一個動作係用手抱住個頭系地下縮埋一舊, 第二個動作係扮大隻佬手瓜起搌, 第三個動作係用手系面上畫疤痕, 第四個動作好似許文強中槍咁, 之後倒地...究竟佢扮咩呢？ 另一個人四腳爬爬, 之後有一隻手伸高爪我, 個口仲扮叫, 之後就好似雀仔咁飛走左...究竟佢又扮緊咩呢？ 第三個人一開始就好似交通警咁, 伸隻手掌出黎好似叫你 stop, 之後就好似十字架咁張開雙手, 最後就大字訓左落地下... 有一個女仔, 佢一開始就將整個身體扭曲, 由腳尖至雙手再至頭, 之後佢就張開雙手, 系度不停咁轉, 轉呀轉, 轉呀轉, 最後就系另一個方向, 再將整個身體扭曲, 由腳尖至雙手再至頭... 《我們的暑假 - 前篇》已經連載完畢, 緊接著的就是《我們的暑假 - 後篇》, 劇情更加緊湊, 更加搞笑, 更加峰迴路轉, 請密切注意出版日期！ (第一個係扮一粒提子, 第二個係扮一隻老虎, 之後如虎添翼, 第三個係扮一隻手掌, 第四個係扮一把遮...) p.s. 點解第一個係提子？據當事人解釋, 佢第一個動作係提子, 第二個動作係茁壯地成長, 第三個動作係經歷風霜, 最後就抵受不住而倒地... 當然係冇人估到, 聽到佢解釋真係全部人爆笑... 而個女仔扮一把遮, 都係得一個人估到, 我初初估係海洋公園既翻天飛鷹, 不過 simon竟然系佢張白紙上面, 寫上「精神病患者」...

>>June 11, 2011 at 2:51:52 AM GMT+8

2007 年 2 月 11 日 星期日 【晴】

《2003度樂壇至爛金草莓頒獎典禮》 俞崢的話:2003年係香港最難過既一年~~(停5秒)， 今年樂壇真係多得呢班友仔唔少，佢地的確無樂不作， 為沉寂既樂壇雪上加霜．我可以好肯定咁講， 以下呢班得獎歌手係唔需要走後門既，係絕對無黑幕情況下， 以個人實力得獎，亦有好多係豬肉獎，包保人人有份,唔駛爭． 好!即來大撚推介，爛歌十大： 第１０位：羽毛 推介原因：本身首歌都還可以，但經ｂｏｂｏ既蹂躪後， 真係將首歌摧殘得體無完膚，勇氣可嘉，呢個獎係頒俾ｂｏｂｏ既！！ 第９位：大暴走 推介原因：臭四今年最脫腳之作品，來來去去都係果幾個音， 悶納程度有如靈堂喃嘸，引發人聽到”大暴走”． 第８位：啼笑姻緣 推介原因：雖然有陶喆同ｗｙｍａｎ既金鑽陣容， 但高手也有失手時，呢首野完全俾人有貨尾籮底橙的感覺， 結果俾小春執到，將可怕指數推至高峰． 第７位：猛龍特警隊 推介原因：鄭中基騎騎呢呢咁鹹魚翻生， 套戲所謂既搞笑場面仲雞過n年前既歡樂今宵， 爆首咁既野出黎就真唧都笑唔出． 第６位：床上的荷花 推介原因：以朱茵高8度都又近乎走音既實力， 加埋係roadshow日播夜播，順理成章入選． 阿Paul都自身難保，改變唔到個結果． 第５位： Mr. Cool 推介原因：呢首歌保持古天樂一貫水準，入到5強係意料中事． 第４位：心服口服 推介原因：傑青天后又一力作，將佢既歌唱事業係谷底再掘深２米， 真係死得舒服，仆得心服～～～ 第３位：大男人 推介原因：次次唔係女人就男人好Q悶， 今次究竟又同[一步一生/女人之苦/徒然/爛泥/昨遲人/半天假/七年滋養…….] 咁多首歌有咩分別，點解聽極都好似聽緊同一首歌咁既! 第２位：水手裝與機關槍 推介原因：阿王幾十歲人都唔化，學人唱歌舞劇歌， 想學人地chicago反彈，你當自己係邊個． 至尊歌曲：左鄰右里 推介原因：２個人加埋都近百歲，一個”拿～～”， 震撼到無人匹敵，將其他嘍囉通通拋開，實至名歸． 至爛勁爆女新人王: 今年有位新人極度突出，風頭一時無兩， 打敗晒2個頂頭大熱—賣花女神王馨， 同埋想要成人對待既鄭融而橫掃3個新人獎． 銅獎: 張鎧潼 (超友誼小姐) 銀獎: 張佩金 (會愛誰) 金獎: 張寧 (右直拳) 點解得獎: 呢條女真係絕到無話可說，活脫脫就係一隻馬拉雞， 佢仲未搞清楚色情事業同娛樂事業既分別就走出黎賣弄風騷， 仲為左每年可以競逐新人獎，就不停咁改名， 但依然擺脫唔到佢被列入金草莓既命運．因為佢樣賤， 歌爛不在話下，把死人雞仔聲真係聽到人永墮無間道． 至爛勁爆男新人王: 呢３件仔連新城既垃圾豬肉獎都分唔到半個， 我地就可憐下佢地，頒番個金草莓獎佢地過下手癮喇． 銅獎: 劉朗琪 (衰到無歌可以上到榜 點解得獎: 劉華訓練班出品就係得呢D孽種..... 乜呢個世界D靚仔死晒喇咩?做咩要咁虐待觀眾呀． 銀獎: 周國賢 (14天) 點解得獎: 雖然相傳佢好有才華，作曲有１００首之多， 但佢派台果２首歌簡直令人乍舌， 而呢首[１４天]既詞直頭係亂塞落首歌度， 可怕程度令人懷疑佢有無讀過書． 金獎: 吳展濠 (應該要爭氣) 點解得獎: 身為新人派首咁既歌上台都可算係自殺， 大家唔識呢隻歌係正常的，因為無論電台/電視台， 播過一次後都唔想再播．註：佢下年應可完全消失． 至爛勁爆新人組合: sky (口袋情人) 點解得獎:不論慢歌快歌都爛到唔恨， 最裸膽既係搵5條姐姐仔拎住個籃球唱三分區， 完全侮辱左籃球呢項咁神聖既運動．5條cam精無樣， 無身材，無學識，無style，無舞技，無唱功，無歌曲， 根本唔知佢地想sell乜．佢地既製作人毫無誠意， 諗住係SSP (深水�)求其搵5隻連 MK 貨都不如既傻仔就可以瞞天過海， 真係naive過懂伯伯． 網上勁屌爛歌: 銅獎: 特別鳴謝 (關心妍,蕭正楠) 點解得獎: 兩條友諗住靠緋聞情侶合唱歌一炮而紅， 點知姣婆遇著member，撻唔著不特只仲反目成仇，樣衰到爆． 銀獎: 我的驕傲 (Boy’z) 點解得獎: 呢首明明係joey既金曲，就咁俾2件仔強姦左． 金獎: 生命天使 (陳松伶) 點解得獎: 松松姐姐真係好鬼有熱誠， 呢個時代都仲有呢D歌唱……唔知有咩人會買呢? 不過首歌拎返去教會應該都可以好hit既． 手機sms最受屌爛歌: 銅獎: 獻世 (陳小春) 點解得獎: 歌如其名…@$!%&*$@_!%…(刪一百字) 銀獎: 你是最好的(你知道嗎!) (林海峰) 點解得獎: 根本唔知佢想點，唔好玩啦． 金獎: 的確涼 (李蘢怡) 點解得獎: 趕得切標返個尾會， 齋聽歌名都令人涼左一陣，聽完首歌後就直情凍死． 新星撩打至爛大獎： 2R (第29天) 點解得獎: 2件同燦妹無分別既豬扒， 除左學twins咁扮白痴外，就係白痴同白痴， 配合一首無敵既催眠曲，即時成為今屆大熱． 至爛飛躍進女歌手: 銅獎: 戴辛蔚 (今天不回家) 點解得獎: 聽完佢首[今天不回家]就知咩叫戴家之恥， 如果佢老豆如果仲想保住個飯碗既話，真係要盡快同佢脫離父女關係． 拎獎最大既原因，佢個喇哩頭都算功不可沒， 以為行玉女形象唔掂就把心一橫黎個激既光頭，礙眼非常， 大姐，你唔係karen同關淑儀呀，摺埋罷喇． 銀獎: 李彩樺 (你唔愛我喇) 點解得獎: 呢首歌真係唱到街知巷聞，加上阿rain有如讀歌既全新唱腔， 令人刻骨銘心．但最爛既係佢諗住淚晒電視城加雲海玉弓緣做勢力谷人氣， 可惜打錯如意算盤，人氣一直滑到見底，相信出年套彩虹橋都幫唔到佢d咩． 金獎: 鄭希怡 (燈隔熱) 點解得獎: 被喻為樂壇災難既yumiko，演出一次比一次震撼， 由年頭帶到落年尾．從[舞吧舞吧]，[技術性擊到]的機械人式舞步， 至[痛由自取]的低八度演繹，好難令人相信佢唔係人妖!!不過人妖打排球已經out晒， 行呢條路線已經work架喇．呢個獎佢應得既． 至爛飛躍進男歌手: 由上年鬥到今年都係呢3件，都算係鬥瓜鬥臭，睇下今年邊個最爛先.... 銅獎: 麥浚龍 (power of fire—數碼暴龍兒歌) 點解得獎: 本來juno係大熱,呢個獎呼聲最高， 可惜自從唱完首兒歌就消聲匿跡，爛無可爛，只能力保一席第三， 下年可能無呢個獎拎，因為已經消失左． 銀獎: 余文樂 (最愛指數) 點解得獎: ~L車邊拍到部好戲就以為可以一炮而紅，但可惜紅戲唔紅人． 一首[最愛指數]就已超出一般人可以忍受既範疇，順利放甩juno， 就算無左張燊悅既協助，今年仍然順利坐亞望冠． 金獎: 蕭正楠 (你想我點) 點解得獎: 今年最受注目既草莓男歌手之一，得獎絕對係眾望所歸． 不論係戀愛自由式中娘到爆之做型，定係唱片封面扮man扮到成個地盤工人咁， 仍然掩飾唔到佢既零氣．度身訂造的[你想我點]同佢配合得天衣無縫， 真係聽到人”你想我屌!!??”　 至爛兒歌大獎: 銅獎: 倉鼠俱樂部 (E-Kids) 點解得獎: stareast既出品點會冇獎，三個小朋友本身已經同真實年齡有d距離， 而家仲要扮低能，彷彿見到三個智障兒童拍MV． 銀獎: 齊齊抗肺痰 (陳以誠醫生) 點解得獎: 一句講晒，為救蒼生，你都係做番醫生把喇． 金獎: 魔法皇子 (安德尊) 點解得獎: 德尊大王每年總要虐待大眾幾次， 今次有如鬼片的壓場性演出，更殿定佢恐怖大王之地位． 至爛廣告歌曲大獎: 銅獎: I’m lovn’it (港版:容祖兒+陳奕迅／台版:王力宏) 點解得獎: 擺明分豬肉比呢幾位，不過講真真係頂唔順佢地d所謂rap既唱腔． 銀獎: 名古屋月餅 (薛家燕) 點解得獎: 家燕姐每次廣告必成話題作， 如果早兩年有呢個頒獎禮，威馬品牌既[燙燙燙呀燙燙燙燙燙]一定得獎， 今次亦搶灘成功．名古屋呀燕窩月餅低卡好食健康又fit D． 金獎: 薯,輸,雪 (蕭正楠) 點解得獎: 人物，情景同歌曲都風格一致地震慄， 出街後無人可以唔記得到呢個廣告， 亦無一個人可以睇完呢個廣告後5分鐘內講到野． 驚嚇程度就連吳君如都頂佢唔蒲破口大罵， 試問一個歌手去到咁既地步仲可以點?(承機唱你想我點... 廣大聽眾已不知不覺間被包抄)．從廣告角度睇，佢已取得空前成功， 人棄你取，金龍船有機會問鼎出年十大最乞人憎廣告． 至爛舞曲大獎: 銅獎: 舞吧！舞吧！(鄭希怡) 點解得獎:　首歌由頭到尾都係低左８度， 大笨象學天鵝跳舞都咪話唔笑死，唔知係唔係接得客多， 玩到骨又硬，嗌到聲又拆，跳隻[屌吧，屌吧]可能會更上手． 銀獎: 技術性擊倒 (鄭希怡) 點解得獎:　睇呢位大姐連奪２獎就知佢係有番咁上下實力， 經過英皇既訓練，佢既性技術已經可以擊倒任何人. 金獎: shake shake (陳慧琳) 點解得獎: 谷底天后真係鑊鑊新鮮， 今次仲要係合家歡時段跳嚇人舞姿 (好難怪有人向廣管局投訴女藝人外形可怕)， 仲衰過跳杰他他舞教壞細佬，完全無顧及過為人父母既感受． 由有如智障般既抽搐至歌曲整體，相信kelly已好有把握要自我埋葬． M記今次真係識貨，襯佢未消失前拍番一個廣告， 雖然係廣告歌獎落敗(因為要讓路比[I’m lovin’ it])， 但我地點都會分番個獎黎表揚呢首作品． 至爛改編曲大獎: 銅獎: my memory (葉文輝) 點解得獎: 以為食住I believe個勢，勁抄韓國歌扮上菜， 點知只得新城會播佢d歌，out到爆缸． 銀獎: kiss kiss (李蘢怡＋E02) 點解得獎: 點解人地要支持本地原創，咪就係怕左好似翻唱kiss kiss 呢班垃圾囉， 俾原曲作者聽到，一定嘔血． 金獎: 戒男 (黃伊汶) 點解得獎:　見到佢２支有如非洲兒童既'就斷香雞腳'已經唔多開胃， 仲要唱到首歌好似紅燈區賣唱咁，但又唱得爛，跳得爛， 配合因葵既無良既作詞，絕對係金獎既金鑽組合喇． 至爛合唱歌曲大獎: 銅獎: 火紅火熱 (梁漢文＋何韻詩＋楊千嬅＋鄭中基) 點解得獎: 合唱歌合得佢地咁霉都好少見，4個當中有3個已超晒齡， 仲係度學”靚仔”跳跳下都咪話唔惡頂．不過呢個獎主要頒俾梁炳， 事關佢由元老級[火熱動感lalala]至[大激想]到而家[火紅火熱]，都橫誇左3代． 可惜無進步之餘仲一首比一首差，相比起以前的大熱合唱歌， 呢隻都算係谷底之作，連[魅力移動]都不如． 銀獎: 唔該行開 (趙頌茹＋陳冠希) 點解得獎: 另一首新一代文化既代表，將[你唔愛我喇]既口語歌詞發揚光大， 唔明點解呢ｄ歌可以擺上台，不過佢地２個ｄ歌不嬲都係咁上下， 都無咩可以其望． 金獎: 帝女芳華 (馬浚偉＋佘詩曼) 點解得獎: 有馬浚偉坐陣都知要拎呢個獎一定好穩陣， 配合一個唔識唱歌既雞仔聲阿佘，絕對係無敵． 阿婆嫌佢唔夠火喉，師奶嫌佢悶，後生既直頭覺得惡頂喇． 至爛電視劇歌曲大獎: 銅獎: 十萬頓情緣劇集主題曲 (張家輝) 點解得獎: 本身歌曲有力問鼎金獎，可惜遇上勁敵兼人氣不足，屈居第三 銀獎: 還珠格格劇集主題曲 (古巨基) 點解得獎: 不用多說，一句”天上人間～～～我們註定．．．．（國語）” 都令人起晒雞皮,同套劇互相呼應,都可謂襯到絕. 金獎: 非常外父劇集主題曲 (鄭少秋) 點解得獎: 歌本身都夠難聽，加上秋官ｃａｍ到震既訓身演繹， 真係聽一次都嫌多，日日聽住都仲要勁歌超星座２個禮拜（但都唔知首歌叫咩名）， 真係收買人命． 至爛本地合姐: 銅獎: Twins (亂世佳人) 點解得獎: 成人幼稚化的表表者，所有歌(情歌＆快歌)基本上係同出一徹， 兩個人既智商加埋都可能唔夠100，金像獎典禮只識係台上傻笑， 能夠係娛樂圈立足真係唔易，不過遲早2R會取而代之. 銀獎: double R (安歌之歌) 點解得獎: 見到梁奕倫個樣真係作嘔，大家member都係咁話． 首[安哥之歌]又玩用歌名填詞，聽下人地eason首[新曲+精選]先學人玩啦． 金獎: Beyond (人間蒸發) 點解得獎: 個獎唔係比BEYOND既，大家唔好鼓噪住． 個獎係頒比黃家強/黃貫中/葉世榮．三個都學人個人發展， 點知一D發展都冇，咪又係要黐返埋一齊先有人聽， 事實上今年是但一個既個人作品都可以拎到呢個獎，更何況３件呢． 至爛填詞人大獎: 因葵 點解得獎: 一向偶有佳作，今年憑[戒男]同[show me love]勇奪此獎， 佢用詞精鍊，頓時令2首平平無奇既作品變得令人乍舌既話題作． 一句”陳東/蘭西”，就連wyman都府首稱臣． 係[show me love]中”悶棍”二字竟出現左N次之多， 要表達首歌悶棍的那一份執著，真係正常少少既填詞人都寫唔落手． 至爛翻唱歌曲大獎: 羅敏莊 (時代曲) 本身唱功唔弱，但好衰唔衰去翻唱俾佢唱得更掂eason既口水歌， 係今次仆到直既主因．如果比原唱者唱得更無味道， 更悶，更娘，更難聽，咁老翻黎托咩，多此一舉的行為有如自揭瘡疤， 佢咁鐘意自殺式既班門弄斧，倒不如安守本份做番大搜查算吧喇． 金草莓勁屌唱作人大獎: 阿慈 (囍) 要sell實力，又要sell性格，但又要露條波罅出黎，你想點先． 最慘仲要扮姑婆look自資出碟蝕到仆街，慘絕人環，慘不忍睹． 首歌名應該改為“慘”，相信會唱得更有共鳴． 金草莓勁屌人氣大獎: 梁詠琪 點解得獎: 著起龍袍都唔似太子既<梁小姐>(佢堅持人地咁叫佢既) 本來與今屆金草莓無緣，點知年尾爆個傑青獎出黎亦為佢帶來本大會一個致敬獎項． 原來係咁兒宣傳下生產力促進局，探訪下外地兒童就可拎到個傑青， 九唔搭八程度有如反吸煙的cookies就可拎到傑青一般． 無知既人仲以為只要高傲，俾人包，做狐狸精，阿豬阿狗就有終身成就， 簡直係社會既歪風．呢個獎要同傑青評判一齊分享． 至爛金草莓本地女歌手: 銅獎: 盧巧音 (唱Live既所有歌) 點解得獎: 令人又愛又恨既candy，佢既音樂風格一向都好有水準， 可惜唱左咁多年都只可以聽佢既唱片，要聽佢唱live簡直係謀殺， 一個歌手攪成咁，究竟係邊個既錯? 銀獎: 陳慧嫻 (明日有明天) 點解得獎: 只要大家聽完一次今年慧嫻近乎斷氣既演繹後， 都會好懷念昔日唱[傻女]既慧嫻．復出無noise不特只， 天后級開個唱都會唔記得歌詞，睇電視唱歌令觀眾尤如睇佢唱K般， 勁唔專業．年中仲同心妍合唱首娘到爆既歌(今時今日真係唔知邊個利用邊個)， ２把聲唔夾之餘仲互相搶音，受苦既係我地ｄ聽眾． 金獎: 陳慧琳 (她比我醜) 點解得獎: 見[躲躲瞄][shake shake][她比我醜]到[心服口服] 都知道呢個獎係咪咀天后kelly志在必得．爛歌源源不絕咁奉上， 好似誓要將以前建立既名聲玩謝為止． 係無線台慶時仲要唱4年前既作品-[大日子]都可見佢霉到落谷底， 真係同佢細佬有得fight喇． 陳家一門兩傑相信都氣數已盡,衰埋一堆． 今年順利成為金草莓大嬴家，勇奪3項大獎． 真係要多謝鍾珍呀..….仍然無parco份，吹咩！ 至爛金草莓本地男歌手: 銅獎: 余米高 (痛由自取) 點解得獎:　大家無眼花睇錯，佢真係男人黎架，變男得，女又得， 人妖亦得，得左，呢個獎你拎硬，呢Ｄ咪叫形象百變囉， 係今年冒起得最快既歌手，岩岩拎完大躍進(女)歌手獎， 呢頭又拎埋男歌手獎．絕對係噓聲中成長既佢，都唔知要俾虫哥， 楊生屌幾多鑊先出到歌． 銀獎: 謝霆鋒 (第二世) 點解得獎: 舞影行動後，英皇歌手得獎係實至名歸既， 檸檬想再紅真係要等第二世．語不驚人誓不休， 成日叫人注意佢既音樂，但又唔覺佢有咩佳作，首首歌好似copy咁． 歌衰格賤不特只，就連三張幾野既阿姐都仲要翻界，人神共憤． 金獎: 郭富城 (錯愛的呼喚) 點解得獎: 為左拎呢個獎，傑青阿王都已經部署左幾年， 都可算用心良苦，今年佢終於得償所願． 今年排山倒海式的超爛歌(其實得3首,命中100%)， 已經完全由年頭就開始拋離其他男歌手． 大熱既深坑天皇係年尾一曲[錯愛的呼喚]再下一成， 十年如一日既老套情歌仲要玩上下卷呼應．大佬，孫耀威係n年前已玩過喇， 小美既遠古戰略應記一功．不過敬老都有個限度丫，連環攻擊叫人點頂呀， 好心佢學下人地學友，leon咁見好就收喇． 場場騷唱機關槍都唔汗顏，呢個獎捨你其誰? 亞太區至爛金草莓本地女歌手: 楊千嬅 (什麼都不怕) 點解得獎: 正所謂家醜不出外傳， 國恥的千化諗住心口掛過勇字就走去台灣出國語碟， 完全無視台灣人有正常既聽覺，以為係香港拎到個最受歡迎女歌手獎就可發揚海外， 其實係嚇壞外地傳媒至真，結果仆到直，貽笑大方，死番黎香港當無事發生過一樣， 但已徹底破壞左香港歌手既國際專業形象，真係要唱番首: “我什麼都不怕,只怕楊千化~~~ (請用國語唱出)” 亞太區至爛金草莓本地男歌手: 蘇永康 (老死) 俾老婆離棄左既uncle，今年都算霉到無影． 今年最大既成就便是在台灣落 D fing頭斷正，失禮死街坊． 仲要拿住個無晒market既吳國敬唱老死，真係唔方唔死． (註：阿勁已經活埋左佢個得意門生吳展濠，真係黐邊個死邊個)． 由[越吻越傷心]後就成為絕響既佢，實在係實至名歸． 相信佢係往後既日子，都只能唱[越吻越傷心]出場， 就好似葉麗儀唱[上海灘]一樣． 殿堂至尊榮譽金草莓大獎: 成龍 (男兒當自強) 點解得獎: 滿口仁義既成虫大哥假到飛起係人都知， 夾住個太空人唱[男兒當自強]就更為之則目．扮晒野之餘更狐假虎威， 簡直污染晒整個太空人既騷．難得佢仲自我陶醉，以為好多人睇佢， [唔該，行開]呢首歌應該一早俾佢唱喇，一定發揮得淋漓盡致． 特區政府竟然容許佢把爛聲配上楊利偉走音既歌喉， 絕對係一級集體謀殺．個個都凍死晒喇， 下次仲邊有50萬人上街姐，頂，好絕呀． 完，我地下年再見

>>July 14, 2011 at 3:54:07 PM GMT+8

2007 年 2 月 10 日 星期六 【晴】

《曼聯的兩名七號》 C.朗拿度與 George Best..

>>June 10, 2011 at 12:44:13 AM GMT+8