2007 年 4 月 2 日 星期一 【微冷】

《寫意人生真係好寫意》 其實無線係咪真係冇哂編劇？ 岩岩出廳經過電視, 見到我阿媽系度睇緊《寫意人生》, 話說黎姿同鄭嘉穎拍緊拖, 之後鄭生既前女友返左黎, 佢喊哂口話鄭生唔理佢, 冇好似以前咁關心佢, 不過都係自己錯在先, 因為之前嫌鄭生冇時間陪自己, 所以飛左鄭生, 同第二個結婚, 點知o個個男人原來好花心, 依家知錯, 都係鄭生好, 返黎想要求鄭生復合.... 點解...呢條咁老套既劇情...仲可以歷久不衰？ 其實無線係咪真係冇哂編劇？呢 D劇真係睇都嫌o徙時間 sosad...

>>June 10, 2011 at 12:18:33 AM GMT+8

2007 年 3 月 31 日 星期六 【颳風】

《無恥政客亂港, 領匯做福港人》 厚德村檔主一殼眼淚一把火 31/03/2007 正 進 行 「 大 變 身 」 的 將 軍 澳 厚 德 街 市 ， 前 晚 深 夜 閉 門 失 火 ， 消 防 員 到 場 始 知 街 市 的 消 防 灑 水 系 統 因 工 程 關 係 全 部 關 閉 ， 須 深 入 火 場 逐 一 撬 開 店 舖 鐵 閘 進 行 撲 救 ， 令 到 原 本 只 屬 一 場 小 火 ， 變 成 長 命 火 ， 焚 燒 十 四 小 時 始 被 撲 熄， 街 市 嚴 重 焚 毀 。 損失百萬海味　苦主誓索償 31/03/2007 將 軍 澳 厚 德 街 市 本 月 初 發 生 漏 煤 氣 事 故 ， 影 響 商 戶 運 作 三 小 時 ， 損 失 不 菲 。 昨 日 又 發 生 「 長 命 火 」 ， 商 戶 血 本 無 歸 ， 過 百 商 戶 終 於 被 激 起 怒 火 紛 紛 向 領 匯 發 炮 ， 指 摘 領 匯 只 顧 加 租 ， 但 管 理 乏 善 可 陳 ， 誓 言 要 追 討 賠 償 。 公 屋 聯 會 主 席 及 房 屋 委 員 會 委 員 王 坤 表 示 ， 領 匯 應 主 動 承 擔 事 件 的 責 任 ， 對 商 戶 作 出 賠 償 。 店 東 斥 食 人 唔 累 骨 經 營 海 味 舖 十 多 年 的 姓 黃 東 主 表 示 ， 其 店 舖 月 租 四 萬 元 ， 租 約 今 年 一 月 到 期 ， 領 匯 即 加 租 四 千 元 ， 但 管 理 未 見 改 善 ， 今 次 事 件 更 令 人 覺 得 領 匯 「 無 人 性 ， 犯 眾 憎 」 。 黃 稱 ， 因 清 明 節 和 復 活 節 長 假 將 至 ， 近 日 增 加 鮑 魚 、 魚 翅 等 貴 價 貨 存 貨 ， 今 次 估 計 損 失 達 百 萬 元 。 女 店 東 黃 太 亦 斥 領 匯 「 食 人 唔 累 骨 」， 即 使 該 店 安 裝 招 牌 ， 亦 規 定 要 由 管 理 公 司 經 辦 ， 費 用 一 千 八 百 元 ， 「 一 毫 都 無 得 減 」， 她 哀 嘆 店 中 兩 隻 貓 亦 葬 身 火 海 。 月 初 曾 發 生 漏 煤 氣 陳 又 質 疑 ?匯 管 理 質 素 差 ， 消 防 系 統 未 能 運 作 ， 連 累 消 防 員 花 十 多 小 時 才 能 撲 滅 火 警 。 另 外 ， 商 場 內 的 三 間 酒 樓 無 法 營 業 ， 其 中 一 間 酒 樓 經 理 估 計 ， 損 失 生 意 額 三 十 至 四 十 萬 元 。 其 中 一 店 舖 店 東 余 先 生 指 摘 領 匯 管 理 不 善 ， 去 年 九 月 才 到 商 場 開 舖 ， 惟 本 月 初 已 發 生 漏 煤 氣 事 件 ， 現 在 又 有 火 警 。 本 月 五 日 ， 街 巿 一 個 空 置 舖 位 裝 修 時 ， 疑 工 人 拆 牆 時 誤 將 煤 氣 喉 鑿 穿 ， 大 量 煤 氣 洩 漏 ， 街 巿 商 戶 及 顧 客 逾 三 百 人 跑 出 街 外 暫 避 ， 事 件 擾 攘 三 小 時 ， 商 戶 生 意 有 所 損 失 ， 貨 品 滯 銷 ， 被 迫 「 大 出 血 」 促 銷 ， 避 免 血 本 無 歸 。 余 稱 ， 今 次 如 果 不 是 管 理 的 問 題 ， 根 本 不 會 「 燒 咁 耐 」 。

>>July 14, 2011 at 3:52:11 PM GMT+8

2007 年 3 月 22 日 星期四 【微冷】

《媽媽鄧鳳妮》 今日 Art Appreciate堂, 我地玩麻鷹捉雞仔！ 超好玩, 我地推左鄧鳳妮去做母雞媽媽, 笑鬼死, 阿喱又細粒又 kawaii, 足足矮我兩個頭, 要佢保護一班牛龜咁大隻既我地, 真係笑死人, oliver話, 雞仔臨俾麻鷹捉既時候, 可以捉住兩隻耳仔痞系地下, 咁樣隻麻鷹就捉唔到隻雞仔, 但係雞仔就要等母雞去掂一掂佢, 去救佢解佢, 阿喱真係一個好盡責既媽媽, D雞仔最後痞哂系地下 (包括我), 我地每隻雞仔都捉住雙耳, 力竭聲嘶咁呼喚：「媽媽！媽媽！救我呀！救我呀！」 阿喱雖然救唔到我地, 但係佢面對比佢大兩三個身形既麻鷹 cyril, 依然毫無懼色, 盡力去擺脫麻鷹 cyril既糾纏, 去試圖解救 D雞仔 (即係我地), 簡直令人感受到母愛既偉大, 阿喱已經成為左我地心目中既真正媽媽！ 世上只有媽媽好, 有媽的雞仔像個寶.... 我地全班玩到癲哂, 估唔到一個小朋友玩意, 可以令到我地全部人都咁開心, oliver話呢個遊戲係最能表達演戲, 因為每個人參與呢個遊戲, 唔知點解真係當左自己係隻雞仔, 係隻母雞, 係隻麻鷹, 我地做雞仔既, 又叫又喊, 好似真係驚俾麻鷹捉左黎食咁樣, 完全唔駛教我地點樣去演一隻母雞, 演一隻麻鷹, 同埋演雞仔, 我地自動自覺就投入左個角色, 呢個遊戲真係奇妙... 之後第二 part我地玩二人即席 drama, 人人都要出去接受指令, 之後做返出黎, 每次兩個人, 但係互相不知對方的任務, 第一 pair係婷芝要由前門行去後門, 但係俾人擋住左, 走唔到, 之後痞系度喊, 好搞笑.... 第二 pair係我同 laura, 我就要唔俾人發覺自己守緊門口, laura就要唔俾人發覺自己想出門口, 實際上係守緊門口同想出門口, 結果我俾 laura fake左, 俾佢出到門口, 之後全班勁笑, 真慘！ simon同阿喱一 pair, simon要扮啞佬, 問阿喱借錢, 阿喱就拒絕借錢, simon好搞笑, 阿喱惡起上黎真係好惡, 最後一 pair我要扮基佬, 誓要得到對方既身體, 唔知點解我爆左句： 「我咩都俾哂你 ga la wo！」笑到全班 pk... 最後就分返組, 同大家分享一件難忘既事, 阿喱既孤獨的一年, 婷芝既打千秋打爆人地個頭, cyrus既一毫子貼士, simon既愚人節示愛, 同埋我既七色雞蛋仔, 我地決定揀 cyrus既一毫子貼士, 下堂去演我地既五分鐘短畫劇... 我同阿喱 msn緊, 我扮返我地成班雞仔痞哂系度, 呼叫媽媽既淒厲叫聲, 點知阿喱 cop左呢個震撼情景, 我地幾個真係無聊到喊...sosad...

>>July 14, 2011 at 3:09:35 PM GMT+8

2007 年 3 月 20 日 星期二 【微冷】

《太陽倒數 sun shine》 一套岩岩上畫既西片, 會唔會又係典型美國式災難片？ 發揮大美國主義, 一班美國人拯救全人類, 主角同親人愛侶生離死別成為主線, 最後唔知點解個災難自動化解, 全人類得救...sosad... p.s. 聽講好似講外星人大戰太空人...

>>June 9, 2011 at 11:55:03 PM GMT+8

2007 年 3 月 18 日 星期日 【颳風】

《感謝天, 感謝地, 感謝陽光, 照射著大地》 很久沒有追看電視的習慣, 不是忙的關係, 而是值得與否的關係, 我自己是十分享受辛勞過後的甜品, 經常吃甜品, 會令甜品變得淡而無味, 沒有停頓的生活, 亦令到人生枯燥, 就像行屍走肉, 只有恰到好處的配合, 正如運動後喝一口冰凍的可樂, 經過喉嚨, 二氧化碳在胃中翻騰, 說時遲那時快, 那口胃氣衝口而出,「咯」的一聲, 那無比的快感, 正是非筆墨所能形容, 平時喝可樂並不能帶出這麼痛快的感覺, 只有在劇烈運動之後, 才能感覺得到那衝上雲霄的感覺... 但是...現在有值得花時間坐在電視機前觀看的節目嗎？ 近來發覺有兩套電視節目, 令我尋回追電視的感覺, 一套是下午四時半播出的《我們這一家》, 之前已經論述過, 說太多亦無謂, 看一兩段便明白... 無論怎樣做, 沒有做錯也好, 阿媽都會不滿意, 之後就連珠炮發... 花師奶數出阿柑的缺點時, 誇張到痴線, 郁身郁勢變了強烈地震, 勁爆笑.... 花師奶到銀行入數, 先拿了籌, 再用排隊的時間, 趕去做其他事... 其實巴士後面還有很多空間, 但所有人都迫在門口.... 另一套就是《向世界出發》, 剛看了謝霆鋒往柬埔寨的一輯, 曾經輝煌一時的吳哥王朝, 世界七大奇蹟之一的吳哥窟, (縱使世界七大奇蹟實際上是有十幾二十個...= =) 為何現在變成一個, 地雷滿佈, 連三餐都不能溫飽的地方？ 看了謝霆鋒的自白, 其實都幾欣賞他, 至少不像其他盲目跟風的人一樣, 堅持自我, 當然每個人都有權利去喜歡某人, 同樣有權利去討厭某人, 每個人都有權利去討厭謝霆鋒, 每個人都可以不喜歡他, 不過我欣賞他堅持自己這一點, 並不隨便向世界妥協, 縱使這個世界要卑躬屈膝, 要跟隨遊戲規則才能生存, 仍然不會跟隨別人, 他在節目中說, 有一次要上無線的音樂節目, 經理人要他跳舞, 但他不肯, 謝霆鋒說他要彈結他, 要寫歌, 在不妥協之下, 他出走了, 飛回加拿大待了三個月, 每天就是看著妹妹與祖母, 結果三個月後, 他回到香港, 求英皇給他工作, 英皇開出的條件是, 在十年死約上, 再加八年, 由抽佣兩成加至 45%, 謝霆鋒最終妥協了, 續約英皇至 2010年... 人如果要循著鋪好的軌道前進的話, 這並不困難, 但是要脫離軌道而行, 卻需要一點勇氣, 有時候甚至會被別人視為出軌, 沿著別人的規則去做, 是比較舒服的, 堅持自己的做法, 不輕易妥協, 則會被別人視為異類, 視為麻煩, 視為出軌, 或會碰壁, 或會倒下, 或會跌得遍體鱗傷... 但往往因此而看到世界的另一面, 所需要的, 是歸於零的勇氣.... 當你卸下沉重的負責荷時, 會出乎意料地有種解脫的感覺.. 說回柬埔寨, 看見頹垣敗瓦, 小孩子要在海中行乞, 整個國家滿佈地雷, 每人都會動了惻隱之心, 其實這個世界, 真係有更難以想像的處境, 你能看得到這篇日記, 已經是一件非常難得的事, 我們有耳朵, 聽夠聽得到美妙聲音, 有眼睛, 看得到色彩世界, 有嘴巴, 能夠引喉高歌, 有健全的手腳, 能翩翩起舞, 有健康的腦袋, 能夠窺探未知的事物, 我們其實已經非常幸運... 美國史坦福大學醫學研究所 Phillip Marter先生, 半年前在網路討論群組發表了一篇文章, 引起了許多網友的共鳴, 紛紛張貼轉載, 歷久不衰, 特別介紹給讀者.... 如果我們把全球人口壓縮成只有 100人的部落, 而且維持人類的各種比率, 那麼我們會得到： 1. 57個亞洲人、21個歐洲人、14個美洲人、8個非洲人 2. 52個男人、48個女人 3. 30個白種人、70個非白種人 4. 30個基督徒、70個非基督徒 5. 89個異性戀者、11個同性戀者 6. 6個人將擁有全部財富的 59%，而且這 6個人全部來自美國 7. 80個人的居家生活不甚理想 8. 70個文盲 9. 50個人營養不良 10. 1個人即將死亡、1個人即將生產 11. 1個人 (Yes, only ONE！) 擁有大專學歷 12. 1個人擁有電腦 當我們從這樣壓縮的角度來看這個世界時, 我們會更清楚這個世界需要更多的接納、諒解、和教育, 還有一些值得我們深思的.... 如果您今天早上醒來時還算健康, 恭喜您, 因為有一百萬人將活不過一星期, 如果您不曾經歷戰爭的危險、 被監禁的寂寞、被凌虐的痛苦、或是飢寒交迫, 恭喜您, 您比五億人還好命, 如果您可以參加宗教活動, 而不必擔心被騷擾、逮捕、凌虐、或死亡, 恭喜您, 您比三十億人還自由, 如果您的冰箱裡有食物、 有衣服穿、還有地方住, 恭喜您, 您比全世界 75%的人還富有, 如果您在銀行有存款、錢包裡有鈔票、還有一些零錢, 恭喜您, 您是全世界前 8%的有錢人, 如果您的雙親都還健在而且沒有離婚, 您算是幸運兒... 您可以讀這篇文章, 那是雙重幸運： 有人想到您這個朋友, 而且有二十億人根本不識字.... 見過生離死別, 見過疾病傷殘, 見過戰亂, 見過貧窮, 見過三餐不飽, 見過無家可歸, 見過人世間最痛苦最難受最痛心之事, 驚覺自己活著多好, 有健康, 冰箱裡有食物, 有衣服穿, 還有地方住, 高床軟枕, 有自來水, 有電, 有書讀, 有娛樂, 太幸福了.... 錢包裡有鈔票, 還有一些零錢, 真的非常感謝上蒼, 現在只想去做自己想做的事, 去珍惜已有的一切, 不必汲汲營營地工作, 不必為未來而擔心, 不必為將來而不安, 即使曾經受傷, 仍然用心去愛, 給愛人看見世間最好的東西, 盡情跳舞, 引喉高歌, 不要管別人怎麼想, 讓自己活在人間天堂... 每個人的生命都是一場豪賭, 做得對與錯這個問題, 不用想太多, 因為人的一生總會有錯, 只要知道自己這一刻所做的, 將來會是一個有價值的回憶, 可以讓你細味一番, 驀然回首也可以是快樂, 十九歲還是九十九歲也好, 時間也是不夠的, 因為它不會回來, 這也是生命精彩的地方, 若你不可以捉緊時間你便失敗, 所以便要好好把握每一分鐘去做, 去試.... 平靜看著茫茫前路, 不需急躁, 行李護照都妥當放好, 唯獨那陌生版圖有幾個號, 未預計到........ But here I go, on my way, everything will be okay... 我也差點學會各有犧牲不要羨慕...

>>June 10, 2011 at 12:49:51 AM GMT+8

2007 年 3 月 17 日 星期六 【微冷】

《鳳凰城 UFO事件》 我打死都唔信, 全宇宙咁大, 就只有地球一粒行星有高智慧生物...

>>June 10, 2011 at 12:45:51 AM GMT+8

2007 年 3 月 16 日 星期五 【颳風】

《友朋小食》 大家有冇試過同唔識既 BB玩 (其實係你玩佢)？ 我系街, 或者系電梯上面, 見到前面個媽媽抱住個 BB, 又或者系地鐵見到 BB車上面既 BB, 我都會扮下鬼臉, 伸下利, 扮下豬咀, 有 D BB會同你笑, 有 D BB會跟你扮, 有 D BB會叫阿媽, 至於大少少既 BB, 兩三歲, 識拖住自己行o個 D, 行行下街, 或者坐船時, 見到個小朋友坐系前面, 我就會系後面拍下佢個頭, 之後扮冇野, 唔望佢, 見到 D小朋友兩頭另另, 系度搵邊個拍佢個頭, 好迷茫個樣, 真係好搞笑, 忍笑忍得好辛苦...

>>June 27, 2011 at 12:18:08 PM GMT+8

2007 年 3 月 15 日 星期四 【微冷】

《足球就是這樣》 好搞笑... 打波定打人？ 真係好好笑... 唔好俾佢停, 再睇下有幾搞笑... 等我話你知, 咩叫擺埋入口既肥豬肉, 都可以系口裡面拎返出黎... 史上最強的入球慶祝方式！

>>July 14, 2011 at 3:52:35 PM GMT+8

2007 年 3 月 14 日 星期三 【颳風】

《粉紅粉紅趣緻的臉》 從婷芝的日記看到這樣的一件小事.... 「"人大了, 扮開心比真開心容易得多" 前兩天我問 BB表妹有什麼新年願望, 她一臉天真的問我這是什麼來的？ 於是我問她新一年有什麼想做, 她給我的回應是.... "我想做多 D功課" 我拖著她...她看著我的笑容是多麼的甜！非常特別的新年願望...」 我的天真日子, 早已跑到老遠去了, 很想尋找一個方法, 尋找一個...令自己快樂的方法.... 不知為何, 在人生不同階段, 去聽黃家駒的《海闊天空》, 都會有不同的體會, 不同的感覺, 不同的....感觸... 真的不得不寫一個「服」字給家駒, 作了一首這麼經典的歌... 願你知, 勇敢的孩子, 應該加點真意和誠意, 愛心不止一百次！ 一身好本領和才智, 愛心不只一百次！

>>June 9, 2011 at 11:39:02 PM GMT+8

2007 年 3 月 12 日 星期一 【颳風】

《萍水相逢》 今日同 cyrus, simon, 豆腐喱去左婷芝屋企採排 art appreciate個 drama, 去到石夾尾, 婷芝落黎地鐵站接我地, 佢竟然仲著得靚過返學, 好似隆重其事咁, 有冇搞錯, 落樓下姐, 街坊裝踢拖咪得 law.... 原來石夾尾係學校同住宅區, 我咁大個仔都未去過, 一路行, D女學生就不斷湧出黎, 睇到 simon依娃鬼叫... 真係勁多中學, 一間接一間, 成條街都係中學, 行到邊都係中學, 而豆腐喱同婷芝o個間咩咩 X叉 Y邑邑紀念中學, 就系正婷芝間屋對面, 豆腐喱仲話佢間中學有十三個字, 應該係全港最長！ 雖然婷芝間屋既建築面積比我屋企細, 但係佢既實用面積比我屋企大好多, 真係好多空間俾我地走動, 而我屋企根本冇位走, 實在太多雜物 la... 我地一去到就圍住部電腦睇返我地上 AA時既 video, 真係好白痴好搞笑, 而婷芝又再一次笑到喊哂口, 點解呢？ 因為佢見到自己上 AA時笑到喊個樣, oliver仲拍低左佢, 笑死... 基本上呢, 每次見到婷芝, 佢都係會笑到喊, 點解？因為 simon實在太白痴太無聊 la！ 一次就係扮貴婦狗同大狼狗系街搞野, 另一次就係扮黃色招牌講個「黃」字, 呢兩次都係 simon諗出黎既點子, 之後有一次婷芝成堂都冇笑到喊哂口, 但係可惜衰收尾, 因為我地放左學去左 M記傾個 drama, simon又再發功, 因為豆腐喱話個 ending唔夠 sad, simon就話不如話佢地食鼻屎食到鼻咽癌死左, 婷芝就梗係笑到喊哂口 la, 雖然我地 group個個都係痴線同變態, 不過 I like it！！就係咁先好玩, 咁先爆笑！！ 睇完 video, 我地排左一陣, 婷芝就問我地食唔食野, 佢就不停拎 D野食出黎, 有食極都仲有既雞翼, 有雪條, 有西餅蛋糕, 有糖水, 有汽水, 真係應有盡有, 不停咁食, 我事後同梁琬婷講, 佢話呢 D朋友正 ar！ 超鍾意同呢 D人做朋友, 因為會有好多野食.... 我、simon、cyrus三個不停咁練第一幕同最後一幕, 兩條友成日玩野, 真係笑到甩肺, 因為佢地系每句對白後面都加句粗口, 咁點解咁好笑呢？ 因為我地每次都好認真咁排練, cyrus就無端端爆句粗口, 例如其中一句對白係 cyrus好驚訝 simon係會計師, 原本句對白係咁： 「下...！？你係會計師！？」之後好認真咁採排時, cyrus就爆肚咁話： 「下...！？你係會計師！？你老味丫...」笑到我地痴線... 豆腐喱同婷芝兩個系度唱卡啦 OK, 望住我地唔知我地笑咩, 之後 simon又係低能既, 成日系度扮鬼臉, 例如劇終講 byebye時, 佢就會呻哂利講：「byebye你條尾！」我地就配合佢扮：「what's up！」 又例如 simon要系投射布行去後門, 阿喱就建議佢衝破塊 screen, 剪爛塊 screen系後面跳出黎, 之後大叫：「what's up！」 排排下時, 婷芝竟然偷拍！ 採排第一幕我同 cyrus相遇時, 四目交投, cyrus就爆一句： 「望咩姐你？挑機 ar？」我就駁返佢一句：「唔望得咩？鬥車丫...」 兩個四裝友就大叫：「去呀！摘星者！」笑到我地肚痛... 最搞笑係我地三個系第一幕回憶緊阿喱時, 阿喱就跳出黎大叫： 「我就係阿喱 la, 打我丫！」之後跳返入去, 笑到我地痴線... 劇終時本來好傷感, 但變左五個人出黎變身美少女戰士, 仲要一齊發花癲.... 結果一個充滿回憶同感性既畫劇, 就變左一套鬧劇..sosad... 不知何解, 我很喜歡與萍水相逢的朋友相處, 當然對象亦很重要, 不是阿豬阿狗當萍水相逢的朋友都會喜歡的... 不是說相交多年的朋友不好, 但只限於某些人, 某些真的傾得埋, 又互相了解的人, 知道彼此底線與距離的人.... 有時候相識得太久, 往往因為太熟絡, 所以會在不知不覺間, 刺中你心中最不願人觸碰的深處, 這樣是很難受的.... 反而萍水相逢的朋友, 可能因為不用「交心」, 只是吹水, 嘻笑, 胡鬧, 不用觸及太多心靈的深處, 不用傾心事, 不用愁眉苦臉, 不用唉聲嘆氣, 只需玩玩鬧鬧, 說說做做無聊事, 爆下肚, 每分鐘都充滿爆笑聲, 我覺得很開心, 雖然可能留不住這一刻, 雖然與萍水相逢的朋友, 在往後的日子, 必定不會約出來聚會, 但我覺得與泛泛之交一起的時光, 亦值得在人生的回憶冊中, 留下重要的一頁.... 難道這就是所謂的君子之交淡如水！？ 不過我不是君子啊, 識我既人都知, 我係一個無恥至極之徒！

>>June 27, 2011 at 12:14:43 PM GMT+8