2003 年 7 月 7 日 星期一 【晴】

琴日成日喺屋企, 冇出街, 好懶, 訓喺度睇電視啦, 食嘢啦, 上網啦, 無無聊聊過左一日, 好舒服...

今日公司比較清閒, 所以有時間潦幾隻字, 但過兩日又超忙啦...

本來聽日要同個vendor返深圳開會, 但個vendor臨時唔得閒, 真係好. 我真係好憎返大陸, 唔明點解d人一放假就貢上去, 上面治安咁差, 又多copy嘢, 山長水遠, 真係唔明...

琴日睇新聞, 有d U-grad喺茶樓做實習, 月薪7K, 佢地話待遇唔錯喔! 個市真係好差呀

睇到呢段新聞, 真係好感慨, 今時今日嘅大學生真係今非昔比...

我知而家有d人, 未必有大學學歷, 但賺緊皮幾嘢一個月 (或以上呀!), 全因佢地當年早入行, 而家??!! 有份工已經好好啦, 仲計較咁多咩.....所以我有時諗, 就算而家呢份工做得辛苦, 要受氣, 我都要忍, 唔好衝動, 我知我一多嘢做或唔likey時, 就唔會咁諗, 但至少冷靜嘅時候我知道要珍惜...

上個禮拜六, 個朋友見到我, 話我冇咁火..... 係呀, 明知而家走唔到, 一定要喺度硬鯁, 何必發火, 傷身呀......放左工就係屬於自己嘅時間, 應該要享受下先0岩...

(而家講得好輕鬆喔, 到時邊有咁叻呀, haha~~)


>>July 7, 2003 at 4:39:13 PM GMT+8

2003 年 7 月 6 日 星期日 【晴】

琴日睇左新紮師妹2 lu...冇想像中咁好笑
最好笑係完場前d NG片, 修哥語出驚人呀~~講左d乜? 呢度唔講, 自己去睇啦

琴日睇戲之前返左Poly飲茶, 不過好多點心冇晒, 因為我地兩點半先飲, 我見學校好多freshman reg, 唔知係咪展翅嗰d呢, 見到佢地咁細個, 真係羨慕, 心諗: 你地有書讀就要珍惜, 我恨都恨唔倒

唉...呢個禮拜做得好辛苦, 七一放一日假, 之後幾日做番雙倍野...都唔知點解...我想放假

唉...

>>July 6, 2003 at 9:38:56 AM GMT+8

2003 年 7 月 2 日 星期三 【晴】

七一好虛冚喔….五十萬人上街遊行, 嗰日冇去遊行就好似唔潮, 我仲俾人話tim…我冇去見證呢個歷史時刻, 係有d可惜, 但坦白講, 我政治冷感, 唔去, 都唔代表我支持或者唔支持, 只係唔俾意見…我唔想未搞唔清楚狀況, 就無知上街, 呢個都唔係遊行嘅精神吧…算了, 我都係唔好再講, 好似在找藉口

今日做死我, 我只係放一日假啫, 一開工幾廿個msg彈過來, 做到我趴街…你話呀, 我點放假呀…不過最憎係d人喺我好忙碌嘅時候, 仲不斷push我, 欠揍的傢伙~~不過最un頂還是那個優柔寡斷嘅老闆 (我已經講得非常客氣的呢…), accountancy report做定唔做, 每個月, 還是每季做一個report呢? 咁簡單嘅嘢, 搞左幾廿個版本, 唔好話會計師煩, 我都俾佢煩死, 老大唔係第一次玩嘢啦, 大佬,已經做到趴街, 仲成日玩嘢, 想點呀??? 賺雞碎咁少, 唔駛咁對我掛???

都係嗰句, 唔係個市差, 我一定唔會踎喺呢度…………………


>>July 7, 2003 at 4:39:42 PM GMT+8

2003 年 6 月 29 日 星期日 【晴】

琴晚好夜訓, 今朝好早起身

琴晚去釣墨魚, 可惜一條都釣唔到...成隻船廿幾人, 只釣到3條............
所以唔係我嘅問題, 係個船夫嘅問題, 駛我地去冇墨魚釣嘅地方, 可惡喔...........

嗯, 我記得對上一次釣墨魚係F.7打暑期工, 參加公司嘅活動, 釣到7條呀~~~~~~~~第二叻, 威水呢, hehe~~~~~~嗰時一d都唔難, 因為有好多好蠢嘅墨魚上釣....之後, 我地分享大家努力嘅成果, 有辣辣炒墨魚&降火墨魚粥, 正~~~~~~~

>>June 29, 2003 at 10:20:50 AM GMT+8

2003 年 6 月 26 日 星期四 【晴】

我而家用好平靜嘅心情寫呢個日記....

琴日嘅心情落差好大...最初好火, 然後好sad, 然後喊....然後冇嘢...然後訓覺...
今朝返工時有d冇心機, 好想搭調頭車, 當然我冇咁沙膽又逃工啦

究竟我係咪真係好唔忍得呀? 點解人地一份工可以做兩年, 三年, 我而家一年都忍唔住, 問題來了就想走, 工作多了又想走, 但可笑係走唔郁.......

我會學習忍耐, 盡量唔意氣用事, 我知琴日好火嘅時候, 講嘢晦晦氣氣, 今時今日咁嘅工作態度係唔得架, 我知道, sorry.......

>>June 26, 2003 at 1:53:35 PM GMT+8

2003 年 6 月 25 日 星期三 【晴】

.............今日又好唔開心......................
.............今日又好討厭份工..................
真係好討厭, 我夾喺中間好辛苦.....
究竟點先滿意呀?????
已經做到成隻狗架啦!!! 連倉務都撈埋, 仲想點呀??????!!!!!!!!
如果可以, 真係想劈炮唔撈! 妖~~~~~~~~~~~~~

>>June 25, 2003 at 6:15:31 PM GMT+8

2003 年 6 月 22 日 星期日 【雨】

今日陰晴不定......

阿嫲同埋兩位堂哥前兩日嚟左深圳, 琴晚阿爸, 阿媽, 細佬先上去探佢地, 由於我想抖, 今朝先上去…

琴晚自己一個人, 無無聊聊又攞番杰倫台北the one演唱會隻vcd出來睇, 雖然呢隻碟睇左n次, 但係我嘅杰倫依然係型英帥靚正, 總之, 屌~~~ 有機會真係好想去台灣睇佢嘅concert, 感受現場氣氛, 始終台灣有氣氛d~

今朝晨咁早爬起身, 撘亡命小巴去落馬洲, 沿途好暢快, 司機手車幾辣, 本來好眼訓都醒晒…
見到阿嫲, 佢猛讚我靚…haha, 咁耐冇見, 講野口甜舌滑呀….佢老左好多呀, 雖然近年我好少返去見佢, 但佢睇住我出世, 我細個都係佢揍, 嗰份感情係根深柢固的, 阿嫲, 你要身體健康, 長命百歲

下奏3:00鬆d, 我提早同細佬返香港, 真係好攰, 所以唔留到夜晚啦…我真係好耐好耐冇同細佬單獨行街或者搭車啦, 對上一次已經係小學啦……..本來以為佢去到皇崗就”pet”低我走人, 又或者搭車時故意同我保持十呎距離, 統統都冇…雖然我地冇傾偈, 但我有少少開心㗎…

以前細個, 我地好鬼friend, 成日拖手落街買野食, 去公園, 但我地都會因為爭野食, 爭野玩而吵架, 打交, 好搞笑, 有一次我同佢一人一把傘, 喺屋企樓下對峙, 好似劍擊, haha…..我地d打交史出晒名, 連樓上個阿婆, 每次見到我都叫我要讓細佬, 搞錯………

通常吵架, 打交都係細佬佔上風, 我往往都好笨, 反駁都遲鈍過人, 但有一次我好叻, 我贏左, 我逼佢著我d裙, 好正呀~~~~~~~(係咪好變態, hehe.............)

唔知幾時開始, 我同佢開始不啾不啋, 我都唔想, 但咁大個, 唔會勉強改變, 順其自然吧


>>June 23, 2003 at 4:03:20 PM GMT+8

2003 年 6 月 21 日 星期六 【雨】

返屋企啦
今日本來曬太陽, 最後曬唔成, 因為"又"落雨, 好邪...
冇野好搞咪返嚟囉, 我又屎忽痕買野啦, 我買左部MP3呀......我唔係發左達, 但我...真係唔知點講, 本來我經濟狀況非常差, 下個月頭要還grant loan, 非常之唔應該洗冇謂錢....唉......
今日返工, 台灣𠴱邊放假, 但有兩個同事online, 佢地問我近來工作點, 其實心知肚明啦, 佢地都知我好辛苦, 好怕我捱唔住走, 唉....呢個念頭我不嬲都有, 只係個市唔好, 只好留喺度捱......我覺得自己真係好捱得, 以前都唔知自己可以去到咁盡, 不過近來越來越頂唔順, 個頭越來越痛, 個人好攰, 訓極都唔夠...
後來, 其中一個同事話介紹男仔俾我識, 佢企圖令我開心d, 但一個喺台灣, 一個喺香港, 好難keep喎...佢一番好意, 小女子心領啦......不過都好多謝佢地, 起碼我工作辛苦得來有人知, 有人同情, 都有d安慰嘅.......

>>June 21, 2003 at 3:53:11 PM GMT+8

2003 年 6 月 20 日 星期五 【晴】

唉....呢個禮拜真係做死我啦
狀態越來越差, 個頭好痛呀.............
老闆琴日冇啦啦要我地計每個parts嘅profit
本來呢d唔係我做, 係我兩位阿head做的, 但係因為我比較清楚d cost嘅info, 所以就要我計啦~~~~~~
唉, 好慘呀~~~~~~
我本身已經好多野做, 成日冇啦啦加料, 真係做死人咩........................
我要放假呀~~~~~~~~~~~~~~~~~~~~~~~~~~~

>>June 20, 2003 at 7:48:37 PM GMT+8

2003 年 6 月 19 日 星期四 【雨】

好耐冇買野啦, 琴晚行街時, 本來都唔諗住買野, 因為d錢要慳d洗,
結果琴日買左一條手鏈&耳環...呢條手鏈有少少失而復得的感覺架
因為之前見到條鏈已經有d鐘意, 但因為唔捨得買, 冇買到, 後來好想買番又唔見左
琴日買耳環時, 同老闆講開之前見到一條手鏈好鐘意, 老闆知我形容緊邊條, 原來佢收埋左冇show出來, 跟住我諗都冇諗就買左啦!!!

頭先出去買飯, 返到來個阿伯又坐我位睇我電腦d野, 最憎d人未經我同意就用我d野, 知唔知咩叫私隱...佢冇愧疚, 仲好似好好笑話睇下有咩秘密, 頂~~~~~~~~~~~

>>June 20, 2003 at 7:51:09 PM GMT+8