2003 年 8 月 22 日 星期五 【晴】

放假啦, 聽日終於都放假啦...
返左一個禮拜工, 狀態比想像中好...
自從喺台灣返來之後, 我都冇正式抖過...
放工之後仲要幫同事譯contract, 但我係好樂意的
還好, 一個禮拜過去左, 聽日可以訓晏d了...

我覺得自己去完台灣之後, 心情好左
未去之前, 個人好躁, 工作令我繃得好緊,
呢個狀態維持左年半, 未抖過
去完台灣之後, 雖然冇乜玩, 但個人輕鬆左,
呢個係今次去台灣嘅最大得著
所以, 適當休息, 或者去外地散心真的好重要...
醬, 才會有動力工作, 醬, 才能撐得下去...

嗯...我密謀去多次台灣呀, 除左有人欠我一餐麻辣鍋之外
我仲要食番未食嘅夜市小吃呀, 上次食唔夠, 因為冇胃口
下次再"拆"過....hehehe...........


>>August 23, 2003 at 12:51:30 AM GMT+8

2003 年 8 月 20 日 星期三 【雨】

嗯, 記得上個禮拜今日, 我要去台北
去機場時落毛毛雨, 今日也落雨.....
心情囉囉攣...想去又唔想去...

時間過得好快, 我已經去完返來, 一切恢復正常了...
唔知點解, 我仲好miss台北...
可能玩唔夠呢...

>>August 20, 2003 at 12:00:46 AM GMT+8

2003 年 8 月 19 日 星期二 【晴】

今日工作還不錯, 不是太忙....
雖然我好似有好多嘢未做...但相對來講, 嗰d嘢係可以拖的...

其實我個台北之旅未講完的...

今次去, 我發現台北人d衣著唔係我想像中咁老土, 尤其西門町一帶, d人好日本架...

我終於知道, 點解香港d男仔鐘意台灣d女仔啦, 除左佢地溫柔之外, 佢地大部份都樣靚身材正架, 怎麼說? 佢地食咁多嘢都係瘦瘦的, 而且好有料的, 普遍都係咁喎, 當然香港都有呢d女仔, but, 少數囉...我即刻覺得好慚愧耶.....

講完女仔, 講男仔, 嗯, d男仔樣貌就同香港差唔多, 但普遍都好高, 可能佢地鐘意打籃球啦, 個台北通同事成183cm, 同佢講嘢要抬到個頭好高, 喺香港, 我好少要抬到個頭咁高的....

佢地成日問我, 香港&台灣有乜唔同, 邊度好d, 嗯...最大唔同, 係佢地好有人情味, 邊度好d?
好難答...一個係我長大嘅地方, 一個係我蠻喜歡的地方...如要我住喺台灣, 我諗我都ok的...

嗯, 可能第時香港冇嘢做, 走去台灣囉...haha

>>August 19, 2003 at 2:08:13 PM GMT+8

2003 年 8 月 17 日 星期日 【晴】

13/8 KA486 早上08:10起飛, 目的地台北...
17/8 KA481 下午15:05回程, 目的地香港...

係呀, 返來啦~~~

哇, 呢幾日超累! week day返工, 放工之後去玩, 今次去台北雖然冇乜玩, 但有好多新體驗
例如自己搭捷運返工啦, 去錢櫃唱k啦, 看到檳榔妹妹啦, 重量級台北小吃, 超大份便當, 超辣麻辣鍋, 仲有呀, 嗰邊好多車, 包括綿羊仔, 真係多到成隊車隊, 好似A車咁, 同事笑我大驚少怪呀, 佢地話呢d係好平常嘅事, 仲有, 我發覺嗰邊d人唔睇燈開車&過馬路, 初時成日唔識過馬路, 又俾d同事笑.....

琴日係唯一可以玩的一日, 我地喺西門町混左一陣, 去左賣A片(4仔)嘅萬年大廈買日劇, 仲見到陳慧琳辦簽唱會, 因為冇乜人, 所以可以好近距離見到佢...

之後我地去淡水, 嗰度好靚, 好多街頭畫畫, 有d似南丫島...夜晚, 嗰位台北通同事帶我地去吃素, 嗰個地方好清幽, d菜好新鮮, 好好味....之後我地去左天母嘅pub, 有live band, 我仲試左個試管酒, 好得意, 然後我地繼續坐公司車上路去誠品, 呢架公司車好架勢呀~~雖然佢用來送貨, 但裡面好新, 仲有卡拉ok呀, 我地喺車上面唱k呀~~~~~放心, 出面聽唔到的...... 成件事真係太扯, 太好笑啦~~~~~~~~

嗯, 今次最大得著係感受到久違嘅人情味, 佢地真係好nice, 個個都對我好好, 好熱情, 臨走之前, 有d唔捨得佢地, 我地喺機場個鐘度影相, 而家諗起都有d土....haha, 我好想新年再去搵佢地~努力儲錢!!

好吧, 明天要繼續工作了!!

ps.: 忽然好唔習慣講廣東話tim.....:p





>>August 17, 2003 at 8:19:29 PM GMT+8

2003 年 8 月 11 日 星期一 【晴】

今日好攰呀, 貨倉, office兩邊跑…
諗起後日去台灣, 越來越驚, 越來越想縮沙…
成件事調轉晒, 本來好想去, 而家好怕去…

返到屋企, 真係俾阿媽笑死……
佢學人去嗰d再培訓課程, 佢今日第一日上堂
學左d英文&普通話生字, 佢捉住我, 讀d英文俾我聽…
“溫”, “吐”, “飛”, “科”…..(one, two, three, four…)
hahahaha~~~~~~笑到我肚攣~~~~~
唔好以為淨係學呢d呀, 政府d嘢點會咁簡單
幾廿歲人, 冇乜讀過書, 叫佢讀sales representative, jwellery…
阿媽梗係讀唔到…其實我英文都唔好, 但為左遷就佢, 嗰d “form fee (three)”, “miss屎”, 出晒薄K
我發覺自己真係好冇耐性, 教多幾次, 阿媽都讀唔到, 我已經唔想再教…..

唉, 我生左粒好勁嘅痱滋…好痛, “high”到都痛呀, 個口唔合得埋, 成日想流口水…快d好番啦
點解臨去台灣之前, 個樣接二連三出事, 個頭, 個口, 唉…啋…


>>August 12, 2003 at 7:09:55 AM GMT+8

2003 年 8 月 10 日 星期日 【晴】

唔知點解, 我心情好不安...
好攰, 但唔想訓, 因為怕醒左就係另一日
我好想停留今日, 聽日唔想返工...因為聽日超忙
好多人會煩我, 我會好`U...
所以好想逃避聽日嘅來臨..
星期三出發去台北, 但係我冇興奮, 仲有d想縮沙...
如果去係玩, 當然enjoy, 但係今次去係做嘢, 我而家已經feel到壓力
加上出發前要做晒香港成個禮拜d嘢...
好煩.....不安....好煩........
而且而家個頭"貢"樣, 唔多唔少情緒有d影響........
好煩呀我, 好冇聊呀我, 我知.......


>>August 10, 2003 at 10:38:54 PM GMT+8

2003 年 8 月 9 日 星期六 【晴】

拖左好耐, 今日終於走去剪頭髮...
一來下個禮拜去台北, 二來d頭髮好鬆散, 成個雀巢咁....所以拿拿臨整番好個頭
費時嚇親台北d同事, 話晒第一次見面, 費時失禮...
本來我諗住剪到膊頭的, 位姐姐好狠, 一嘢剪左6吋, 嚇到我我即刻望下塊鏡
心諗大鑊...好短呀, 本來諗住整好個頭去台北, 家下搞成咁, 頭髮長唔切....
好後悔好後悔........
我唔想再望鏡, 任姐姐愚辱...個頭......佢繼續幫我修葺個頭, 整負離子...
整完負離子, 個頭好番少少, 不過都係短...
之後, 約左個friend出�, 佢話個頭幾好喎, 唔知係咪tum我呢...
返到屋企, 我私私縮縮咁, 搏阿爸阿媽睇唔到...當然唔得啦...
不過金標竟然讚新髮型好睇, 唔知係咪呢...
我仍然對呢個頭冇乜信心呢...............


>>August 9, 2003 at 11:56:05 PM GMT+8

2003 年 8 月 8 日 星期五 【晴】

今日中港聯對皇馬, 岩岩見到中港聯入左兩球, 好意外呀~ (手指咬出唔咬入, hehe....)
除左皇馬之外, 今日有一件事令我幾意外同驚喜架.......
話說喺我做到頭崩額裂嘅時候, 忽然有人敲我房門
原來係隔離公司嘅新同事, 同佢傾左幾句, 第一次有隔離公司嘅人咁主動同我講嘢
佢仲話第時一齊食飯, 唔好咁悶,
哇~~真係好感動, 我成年都係自己食lunch,
本來以為以後都係咁, 忽然有位同事約我, 真係好感動的!!
可能佢新�, 初生之犢, (不過都薔爬身茪�), 所以同其他同事唔同
佢令我刮目相看, 令我有番d曙光, 起碼知道有人唔會孤立我, 好開心, 真的!!!!

亞士達, 多謝你呀!! 你日本之旅如何呀? 係咪去完返來啦?
搵日放風箏呀~~

>>August 8, 2003 at 9:10:20 PM GMT+8

2003 年 8 月 5 日 星期二 【陰】

今日梁氏又益我睇首映, 《假如愛有天意》
冇我想像中咁好睇, 有d老土, 不過中規中矩啦~
今日又見到靚仔, 天佑&又南同我地同場睇戲, 坐我地前幾行咋~~
散場嗰陣見到條街唔少人喎, 大部份係d後生仔
我諗佢地係等放榜嘅中五生&等JUPAS放榜嘅中七生啦~~
計起上�, 我中五放榜時, 已經係8年前的事啦, 好恐怖, 人生有幾多個8年, 10年....
我覺得自己好老耶......

>>August 6, 2003 at 1:53:55 AM GMT+8

2003 年 8 月 4 日 星期一 【陰】

放工嗰陣好大風, 地下d樹葉係咁轉圈, 差d撲埋我度,
望上個天, 深灰黑色, 我公司樓下又人影都唔多隻, 真係幾陰森恐怖....
都未行到巴士站, 開始落大雨, 發晒癲咁, 我把縮骨遮真係危危乎
去到巴士站, 橫風橫雨, 有遮都冇用....我全身濕晒, 有好幾次, d雨係咁掃我背脊
好狼狽, 好不容易先上倒車....唉.............


>>August 4, 2003 at 8:54:58 PM GMT+8