2003 年 7 月 21 日 星期一 【雨】

今日一號風球, 天氣有d飄忽, 時晴時雨......

通常一個禮拜第一日都係比較忙, 今日都唔例外呀...但總算捱過

有時會諗, 每日都重複相同嘅工作, 重複忙, 重複面對討厭嘅嘴臉 (i mean隔離公司嘅人), 人生真係好單調, 正如表弟話齋, "好無聊喎!"

有時覺得做到咁搏為乜, 除左賺少少錢之外, 好似冇乜得著......加上我呢份工, 比其他人的都要單調, one-man band, 成日孤軍作戰, 最忙最無助的時候冇人幫, 比較清閒時, 又冇人同你講八卦
真係好冇樂趣喔...

返到屋企仲晒氣...見我做到咁攰, 支持說話欠奉, 換嚟只有一盆冷水, 狠狠咁潑過來, 佢地只會覺得係我自己攞嚟, 人地d女搵到d好paid又舒服嘅工, 係我咁cheap, 搵d咁嘅工, 自己攞嚟...

我惟有話俾自己聽, 而家係一個好好嘅磨練, 唔做過呢份工, 都唔知自己咁捱得, 咁堅強 (唔係自已讚自己, 呢句係阿頭講㗎...)

好苦....................

>>July 21, 2003 at 10:03:29 PM GMT+8

2003 年 7 月 18 日 星期五 【晴】

哇~~我嘅杰倫出山啦~~~~~~~~

啱啱喺雲妮鍾情聽到杰倫首"以父之名", 屌!!! 讚!!!!! 正!!!!!!!!!!

首歌好hip hop喔~有d復古, 我真係覺得杰倫係一個好棒, 好有才華的人, 一個土生土長嘅台灣人, 做到咁嘅音樂, 真係不可思議呀~~~~~好鬼lum佢~~~好啦, 讚夠啦, 恐防有人反胃.

總之, 杰倫, 我等你月底出碟, 不見不散! yo yo, check it out~~~ yo~~~

痴左線!

唷~~~~今次我應該去得成台灣唷~~~~~~如無意外, 下個月中起行. 今次去台灣半公半私啦

我今次唔係住酒店喔, 係住同事家喔~ home stay喔~ 佢地好鬼熱情, 爭住叫我去佢地屋企. 本來我有少少唔想住同事屋企, 一來怕麻煩人家, 二來我怕我d醜態原形畢露...嗯, 但佢地咁鬼熱情, 唔諗咁多, 正如佢地講呀, 體驗下台灣人嘅生活嘛~

呵呵~~~~~繼續期待~~~~~~



>>July 18, 2003 at 10:44:52 PM GMT+8

2003 年 7 月 17 日 星期四 【晴】

邵小姐, 多謝你呀!

琴日有個好消息, 老細叫我度下邊個期比較空閒, 去一趟台北, 認識下d同事, 同埋交流下工作上嘅問題. 雖然去到唔係玩, 但已經心滿意足...

嗯...我懷疑之前同個同事呻完之後, 佢偷偷同老闆講呀, 如果唔係, 點會突然有呢個舉動呢...
有時真係要講出來, (邵小姐你講得啱!)

不過而家仲未完全開心的, 我老闆好善變的, 可能突然又叫我唔好去台灣, 總之未到上機一刻都有好多變數....

期待中...

>>July 17, 2003 at 12:01:18 PM GMT+8

2003 年 7 月 14 日 星期一 【晴】

今日返到去冇咁忙, 但都係忙...
我嘅喜怒哀樂唔知係咪好容易從msg裡面睇到
上禮拜懷疑我偷懶嘅同事, 今日關心我最近工作如何喎
佢見我晚晚好夜走, 佢話老闆話得閒要關心下我喔
如果有咩嘢, 等佢嚟深圳時話俾佢知
唉...我問題一籮籮啦, 但係有邊個老闆喜歡聽真心話?
你估我講左d問題出來就有解決咩?
我最需要係人手, 佢根本唔諗住增加人手, 咁你話我應唔應該講呢?
我咁反問我同事, 佢講得"�, 如果唔將問題講出來, 冇人知我困難嘅地方, 亦冇人知我嘅底線去到邊...
我好矛盾, 我恨不得講晒出來啦, 但係點知老闆點諗呢? 除非我諗住唔做, 可以毫無顧忌講晒出來喔....但係, 而家走唔倒, 你叫我點呢

>>July 14, 2003 at 8:30:15 PM GMT+8

2003 年 7 月 14 日 星期一 【晴】

訓唔著...
個胃好痛好痛...
食左panadol都唔得, 我好似唔受得panadol, 每次食完, 對手會紅晒, 好痕...
而家個胃好痛+手痕....
唉...我要訓覺呀~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

>>July 14, 2003 at 12:14:50 AM GMT+8

2003 年 7 月 13 日 星期日 【晴】

最近覺得陳奕迅<十面埋伏>嘅歌詞好有feel...

"和某某從來未預約, 為何能見更多
全城來撞你, 但最後處處有險阻

總差一點點先可以再會面
彷彿應該一早見過
但直行直過, 只差一個眼波
將彼此錯過."

就好似<向左走 向右走>嘅男女主角, 巧合令他們擦身而過, 令他們相遇, 人生就是醬...

琴日一早起身做公司D嘢, 因為不忿同事對我嘅懷疑...一早做完send俾佢, 哼!

下奏出去睇戲, <藍色大門>, 陳柏霖幾正, 不過佢太young啦, d~c妹應該幾冧佢的...講番套戲, 真係唔錯, 故事講一對小男生小女生嘅愛情, 好羨慕佢地嗰份純純的愛~(好噁~~~~~~~)

之後行街, 抽到一張寧記$100 coupon, 順理成章, 夜晚走去食麻辣火鍋, 係呀, 三十幾度食火鍋喔~我同個朋友對住個火鍋, 傾左好多心事, 工作呀, 將來呀...有時真係唔想大得咁快, 人越大, 事情越多, 越複雜...


>>July 13, 2003 at 6:28:55 PM GMT+8

2003 年 7 月 11 日 星期五 【晴】

今日好早返到屋企, 因為隔離公司拉大隊去魚一丁食飯, 佢地落閘, 所以咪早走囉...聽聞佢地聽日去南丫島喔, 佢地感情咁好, 真係羨慕...

今日好唔開心, 真係俾d客激死, 我執好d貨就話cancel唔要, 或者即日要貨, 邊有可能????
點解每次到我手都係一個爛攤子????

喺呢d時候, 台北嗰邊又來一個email, 叫我唔准偷偷地少量出貨, 如果唔係扣我人工...你估我想少量出貨, 咁阿head叫到唔通我唔出??? 今日忙到死, d客玩嘢, 打亂晒d schedule, 琴日出嘅貨又有問題, 跟呢d手尾, 搞到冇時間做report, 咁呢邊出問題, 台北嗰邊唔會知, 亦唔會俾佢地知, 自己搞掂算, 俾佢地知, 佢地又會話我地錯, 仲煩......所以台北以為今日我好輕鬆, 我話今日交唔倒report, 佢地就問點解, 今日有咩忙, 呢d說話令我好灰心, 大佬, 平時打生打死, 懷疑我偷懶? 簡直貶低我人格...

唉, 我真係忍受唔到, 我就快要舉白旗

>>July 11, 2003 at 7:40:36 PM GMT+8

2003 年 7 月 11 日 星期五 【晴】

今朝報紙頭版都是琴日屯門車禍...
希望死傷者家人折哀順變...

今年香港真係發生好多唔開心嘅事, 支下下籤真係咁靈?
希望快d雨過天晴........

>>July 11, 2003 at 12:12:20 PM GMT+8

2003 年 7 月 10 日 星期四 【晴】

最近好鐘意千嬅隻, 裡面隻龍爭虎鬥有一句歌詞好得意, 我好鐘意, 就係"想顯得優秀 沒有必要像野獸", haha, 好抵死呀~ wyman嘅詞不失一貫水準

今日真係好忙呀, 有時唔覺意發脾四, 好彩表弟來幫手, 如果唔係, 今日好多貨會扎喺度...

今日我深圳阿頭來香港做courier, 佢專登來帶貨返去, 冇計, d客好惡, 今日送唔到就要扣錢.....但d貨2:00先到office, 飛都飛唔切啦....本來應該我送去羅湖, 但今日真係行唔開, 大把嘢走, 真係辛苦阿head喔....

其實我今日好唔想撈的, 當我好忙時, 台北嗰邊, 即係老闆又攪攪陣, 已經多嘢做, 仲email好多問題來, 有d不乏challenge...覺得我地呢邊, 包括深圳上海做得唔夠好...唉....今日忙到死, 都費時覆, 等佢地打電話來先算....反正講咩都廢的, 慳番啖氣做嘢~ 超~~

>>July 10, 2003 at 10:18:54 PM GMT+8

2003 年 7 月 9 日 星期三 【晴】

今日好忙呀, 不過聽日仲忙...不過我心情好平靜, 冇發脾氣,
嗯! 相信我會繼續進步, 呵呵~~~~~~~~

琴日買左隻幾米杯送俾台灣同事, 希望佢未買啦....這次真係割愛送禮喔~我自己都好想要,
另外, 琴晚仲睇倒幾米手錶, 老闆話台灣搵唔到ga la, 我真係好想要, 但琴日帶唔夠cash呢...算吧, 有機會先買啦...

呢排我追緊亞視套愛情白皮書, 幾好睇喔~ 睇人睇景, 套劇令我好想去台灣, 不過總有d事令我去唔成, 真係邪....這麼近, 那麼遠

>>July 9, 2003 at 9:19:05 PM GMT+8