2003 年 8 月 3 日 星期日 【晴】

琴晚台北嗰邊有一件盛事, 第十四屆金曲獎頒獎禮
琴晚喺街冇睇到, 今日睇重播, 杰倫有入圍, 不過摃龜了...大熱倒灶. 我戥佢非常唔抵.....
不過佢輸俾d有質素嘅對手, 值得的. 下年再來!
杰倫係開場表演嘉賓, 佢彈琴耶~~~好鐘意佢彈琴的樣子,
hip hop, 彈琴, 本來兩樣嘢唔夾, 但係杰倫就將兩樣嘢夾得好好
除左杰倫嗰part, 學友嗰part都好鐘意, 佢歌頌一d好值得我地懷念嘅歌手, 張雨生, 羅文, 哥哥張國榮
成個頒獎禮睇得好舒服, 雖然佈景, 場地唔夠香港豪華, 但係我欣賞嘅係佢嘅頒獎精神.
台灣咁大, 只有呢個頒獎禮, 歌手都好信任呢個頒獎禮, 因為呢個頒獎禮係公平, 公正的
唔好以為入左圍就一定有獎, 好似其中一個獎, 台語男演唱人, 最後評審一致認為從缺, 酷!!!
比起香港嗰d豬肉頒獎禮真係酷到爆!!!!!!!!

>>August 3, 2003 at 8:51:40 PM GMT+8

2003 年 8 月 2 日 星期六 【晴】

今日放工之後去行書展

我冒充記者, 利用記者特權, 免費行書展之餘, 仲可以排炒好多隊tim~he...........

我去書展主要目的唔係買書, 而係買麥嘜, 同埋一d周邊商品, haha.....

最後我買左麥嘜咕:�, 證件套, 苦榮&小苦妹box set, 裡面有佢兩兄妹嘅公仔, 同埋唯一一本書《少爺占和林一峰的交換日記》...

嘩.....行書展真係好攰, 尤其同一班後生仔迫買苦榮&小苦妹box set時, 我完全被人擺佈...我嘅腳步.......幾經辛苦, 貢埋counter買嘢, 之後出去嗰刻真係大鑊, 要向後行, 連轉身嘅空間都冇....

最後我一袋二袋咁走, 個friend笑我好似失戀, 要買嘢發洩...haha...其實係假象, d嘢"丫咋"咋嘛......

之後落左銅鑼灣, 俾我見到兩位帥哥, 就係哥哥助手Kenneth, 同埋.........古天樂呀~~~~~~~~佢喺白沙道附近拍戲呀~~~~~~真係開心呀~~~見到靚仔, 特別開心喔~~~~~~

>>August 3, 2003 at 12:41:30 AM GMT+8

2003 年 8 月 1 日 星期五 【晴】

今日終於買左《葉惠美》！梗係即時聽啦~

嗯, 點講呢, 杰倫依然好棒, 好多新的, 好玩的元素放左入去, 係其他album搵唔到嘅
不過….我最喜歡的還是《周杰倫》…佢第一張專輯
我當時俾呢個鐘意戴cap帽嘅怕羞仔深深吸引, 嗰時佢打扮冇咁hip hop, 係一個愛穿輕便衛衣嘅小男生…我好miss嗰時嘅杰倫

點都好, 我依然好愛杰倫的!!!!!!!!

今日都係好攰, 都係好多嘢做, 不過講得多, 口都臭, 今晚唔講公事

我要繼續享用《葉惠美》專輯了


>>August 2, 2003 at 12:26:32 AM GMT+8

2003 年 7 月 31 日 星期四 【晴】

路人甲, 我知嗰d人係撲水, 但係撲到似搶嘢, 兼冇晒尊嚴, 我真係冇可憐佢地...我都知咁講好掘..但我真心同情唔落喔.....

今日好`U呀....聽日要出批貨, 今日表弟幫我pack好, 我打單之際, 忽然上海個客又有urgent單, 又話要一齊出, 嗰度唔少嘢呀, 又要重新pack過d嘢, 跟住深圳嗰邊忽然又叫我聽朝vendor嗰邊開會, 聽日又要出貨, 又要開會, 做得邊樣??!! 表弟又收左工, 唉....又係自己pack囉....

唉...真係好`U呀, 個個只係識push我, 又催我催報價, 催sample, 又要寫mintues, 做得邊樣呀大哥...大陸咁多人, 但成日依賴我, 偏偏香港得我一個人, 唉........我真係好想鬧佢地班廢柴...做佢地個位真係簡單呀, 有鑊唔駛揹, 成日搵阿頭同埋我做擋箭牌, 唉...真係好憎佢地呀........

唉...冇辦法, 真係滿肚怨氣.....

>>July 31, 2003 at 11:17:17 PM GMT+8

2003 年 7 月 30 日 星期三 【晴】

連續兩日上大陸, 真係攰攰攰......
雖然每日只上去半日, 但兩日都咁早出門口, 坐咁耐車, 好攰呀....

琴日返落�嗰陣, "�"睄畦蕨j離公司d人...佢地又同社長食晏...
我本來諗住運路行, 點知俾隔離公司鍾董同社長見到, 咁咪一齊飲茶囉....
唉, 其實明知去度又係搭枱, 但呢d俾面飯唔去又唔得....
嘩, 琴日第一次真真正正睇清楚個八婆, 佢真係好~~~~~~~八婆耶....又肥, 又皺, 把聲又拆...唉, 見到佢都唔開胃

今日同d vendor上去開會, 司機突然請假, 搞到要搭的士去公司, 我喺關口等嗰幾位大爺, 好恐怖呀, 如果你上大陸一出海關, 會見到好多大陸人, 無所事事喺度等人, 唔好睇佢地懶洋洋咁呀, 佢地一身好武功, 職業神偷耶....平時一出海關, 我會一支箭B去搭車, 費時有人埋到我身偷嘢, 今次係第一次自己一個企喺度等咁耐.......周身唔自在, 驚被偷嘢, 或者俾人~K........我見有個女人一見d人有大件行李, 就撲埋去扯住人地件行李, 好似搶嘢, 好恐怖, 雖然有公安喺度, d公安仲用腳踢班流氓, 但佢地都唔怕, 仲四萬咁口, 我初時以為佢地識架.....

係呀, 今日搭車返屋企時, 我隔離位女士, 突然喺佢落車前遞張嘢俾我, 話送俾我睇, 嚇得我呀, 原來佢係教友.....唉, 唔知我個樣係咪好冇人生目標呢....成日俾呢d人兜搭....

好啦, 而家要鬥minutes啦.....唉


>>July 30, 2003 at 10:21:26 PM GMT+8

2003 年 7 月 27 日 星期日 【晴】

禮拜五嗰日, 除左有d唔開心嘅事之外, 都有少少開心事嘅, 康泰通知我, 機票&酒店confirm左啦, 放下左一部份嘅心頭大石, 而家望出發時唔好有d咩突發事件, 阻礙我嘅行程喔~~

琴日放假, 出街行下囉, 睇左"戀上你的床", 都係港產式鬧劇
套戲有好多好露骨嘅嘢, 我真係唔覺得好笑,
但係周圍d人好似睇得好開心, 笑到好鬼大聲耶....

禮拜五應承左個同事, 幫佢譯份agreement, 聽日交貨, 所以而家要開工啦......

>>July 27, 2003 at 9:44:41 AM GMT+8

2003 年 7 月 27 日 星期日 【晴】

星期五發生左件事令我不吐不快...隔離公司d人又製造尷尬場面俾我受....

話說社長先生大大前日嚟左香港, 呢位社長先生係隔離公司同埋我公司嘅大老闆
佢禮拜五晚同隔離公司d人出去食飯, 呢件事禮拜四已經煲緊, 因為出面d八婆實在吖得太~~~~~~大聲啦, 連我喺房都聽到....講真, 我絕對唔恨食呢d飯, 仲要同出面d人? 慳d啦!

禮拜五朝早, 出面個八婆又喺度吠, 吖生晒, 講咩六點幾食飯, 五點半要準時走喎, 其實佢咁大聲吖, 無非要我聽到啫....咁算係通知我架啦...

到五點半, 佢地開始打咭, 又話隨時起撈, 咁我點算呀?? 佢地完全冇人想到要通知我一聲....講一句有幾難呀? 我又唔會咬佢地....坐喺度都唔係辦法, 費時佢地以為我好恨去, 賴死唔走, 我咪啦啦聲執好d嘢, 同自己同事講聲, 然後喺佢地未落閘之前走囉...

走嗰刻, 我一d都唔瀟灑, 好似過街老鼠咁, 佢地一班人聚左喺度等出發, 我就要從呢堆人渣中穿插.......... 落樓之後, 我真係越諗越hurt......話晒我地同一間公司差不多一年, 只不過多我一個人, 我又冇得罪佢地.............我唔期望佢地對我好, 但都唔駛咁冇人情味, 咁絕囉

>>July 27, 2003 at 9:20:45 AM GMT+8

2003 年 7 月 24 日 星期四 【陰】

oh my god, 伊布都咁快走左, 今朝失晒預算, 趕到一仆一碌, 唉.....
其實我幾憎咁樣, 之前嗰晚囉囉攣, 第二朝要一早起身睇新聞
我都預左今日要返工, 但冇諗過咁早嘛........08:15, 八號變三號, 唉.............

今日返少一個鐘, 但反而早走, 今次唔係被趕, 而係小女子好眼訓, 個頭好痛.....

聽日星期五啦, 真係好, 返埋聽日可以抖下啦...................



>>July 24, 2003 at 9:44:55 PM GMT+8

2003 年 7 月 23 日 星期三 【雨】

返來啦~~

今日打風, 隔離公司d人要落閘, 趕我走囉...
都好嘅...早d放工
牛表妹, 有冇貼個大"X"喺個窗呀? 沙田都吹都"逢逢"聲喔~
頭先等巴士, 吹到頭都甩.....

今日呀, 我覺得自己嘅productivity好高, hehe...(認叻喔~)
(假咳兩聲) 朝早好快咁出左一單小貨, update d data, 整理d quotation,
跟住搜集去台北package嘅資料, 仲整左個好靚嘅表俾老闆睇tim
(係呀, 前日佢話睇機票, 今日要睇package喎, 我都話佢好鬼扭拎㗎啦...)

搞咁多嘢, 今日終於落實啦, 我買左package, 已經落訂啦, 5日4夜喔~~呵呵~
其實我一直prefer package, 始終住同事家, 好多唔方便嘅.....
希望酒店嗰度生生性性, 唔好full晒就好啦........

今日真係有效率, 又充實, he......................

>>July 23, 2003 at 7:22:22 PM GMT+8

2003 年 7 月 22 日 星期二 【晴】

表妹, 多謝你呀~ 係咪牛表妹呀? 多d嚟喎!!

琴晚明明落左個一號風球, 今日又掛一號風球, 我以為隻"天鵝"番兜, 原來唔係...今次呢個風球來勢洶洶喔, 聽聞聽晚可能掛八號...有冇搞錯, 忍多一陣啦, 後日朝早先掛啦...大家都開心嘛........

琴晚成晚失眠, 唔知搞乜, 好多嘢諗, 對手又酸又痛 (冇計, 白天太勤奮 :p) , 今日返工時又偷唔倒懶, 而家真係超眼訓~ 陣間寫完走去訓先

如果後日得到一日假就好啦, 颱風大哥, 拜託了~


>>July 22, 2003 at 9:55:07 PM GMT+8