2004 年 10 月 16 日 星期六 【晴】

首先回一回 GaryHK，
CAL 係指 Computer Aided Learning，
係一個中學生既比賽，
寫個 Software 出黎幫助教學。
近年改左名叫 Fun with learning，
比賽性質都改了。
入唔到三甲，
一直係我既一件憾事…… ><

2004 年 10 月 15 日 星期五 【晴】

今日遇到兩個很有趣的討論。
第一個係關於世界盃亞洲區外圍賽。
話說早幾日中國輸了畀科威特，
現在中國和科威特同分，
但得失球中國稍差。
最後一場比賽，
中國對香港，
馬來西亞對科威特。

有人話，
香港冇理由唔放水畀中國，
冇理由唔益自己人。
仲要假定馬來西亞一定讓科威特。
如果香港唔放水的話，
就係唔公平云云。


佢地完全誤解甚麼是公平，
甚麼是體育精神。
真攪笑。


另一個討論，
係母校的師弟師妹，
就基督徒應否慶祝萬勝節討論。

其中一派的理論係最主要個心點想，
如果純粹以玩既心態，
亦冇不可。

另一派則是認為基督不應該做神不喜悅的事情，

哥林多前書十章二十三節講到：
「凡事都可行，但不都有益處；凡事都可行，但不都造就人。無論何人，
不要求自己的益處，乃要求別人的益處。」
哥林多前書六章十二節也提到：
「凡事都可行，但不都有益處；凡事都可行，但無論那一件，我總不受它轄制。」

有些事是必須做的；
有些事是應該做的；
有些事是想做的。

這次的討論，
給我很深的反思，
究竟我平日有冇做錯呢？
有冇失見證呢？
有沒有放低「必須做」和「應該做」的不做，
只去做「想做」的呢？

>>October 16, 2004 at 11:36:08 AM GMT+8

2004 年 10 月 14 日 星期四 【晴】

明知逃避不是一個解決問題的方法，
但我總是選擇逃避，
不肯去面對。
一年有多了，
問題存在了一年有多了，
多次有機會去解決，
結果都白白讓時間走過。
死線迫近，
究竟我能否在死線前解決這個問題呢？


好多時我都是七日仙，
Cal 如是，
Project 也如是，
但餘下不夠七日的時間，
我又能否化不可能為奇蹟呢？


完本的論文日，
結果變成充電日。
不過所謂的充電，
只係指今日而已。
今日完結的一刻，
電池已經完全放電了。


下午回了學校，
卻估不到是 MK 生日，
當我知道的時候，
我已經離開了學校。

返學校的目的，
主要是交功課給 Poon Sir。
碰好今天他教定向，
我順道 Sit 了一會兒。
原來定向可以咁教既……


媽媽去了打齋，
家沒有晚飯吃。
結果到了樓下金馬吃例牌的豬扒炸魚飯。
吃的同時，
收到細牛電話，
原來呢個係我係金馬吃既「最後的晚餐」。

>>October 15, 2004 at 12:44:36 PM GMT+8

2004 年 10 月 13 日 星期三 【晴】

今晚 SOC 練跑，
得好少人出席，
計埋遲到有 7 個人。
好遲先落去，
熱完身，拉完筋都成八點，
跑三十分鐘大圈，
Fit 個班跑三個圈，
我只跑到兩個半圈，
唔知幾時我先可以三十分鐘跑到三個圈呢？

成日都話要加重訓練量，
但係結果都係一星期一次……

跑完大圈，
我地做衝山跑，
連續衝了十一轉左右。
前五次是和阿高鬥，
後幾次則是追在小朋友後面迫佢地跑。


班小朋友成日坐低休息，
但係又成日話唔累唔累，
把口真係硬。


幾個小朋友都仲係讀緊小學，
如果訓練認真 d，
都幾有前途架。

2004 年 10 月 12 日 星期二 【晴】

唔知點解，
呢個世界總有 d 冇公德心既人。
我公司都有個，
不過真兇仲未找到。


話說我公司個男廁有時會冇水沖廁，
咁就有晒水桶係度，
可以裝水沖廁。
咁但係間唔中總會發現有人冇沖廁，
遺留左 d 排泄物就行左去，
一 d 責任感都冇。

2004 年 10 月 11 日 星期一 【晴】

今日只係返左半日工，
因為上午去了睇醫生。
話說上星期日睇完醫生，
叫我一個星期後覆診，
但係我昨天上左山比賽，
前日下午佢又唔開，
結果今朝走去睇。
佢八點四十五分開始派籌，
我八點二十分左右去到，
派到三十五分時，
先醒起唔記得帶上次 d 藥，
咁就返屋企拿。
再次返到黎，
已經排到好後好後了。


最白痴係，
其實拿完籌唔係即刻睇，
拿完籌先返屋企拿藥都未遲，
結果就因為我咁白痴既決定，
排隊排了個幾鐘，
仲差 d 冇籌拿，
十二點先有醫生睇。


睇完醫生，
拿了兩個星期藥，
亦即係兩個星期後覆診。
我見未夠鐘返工，
就去左中華書局睇吓有冇書買，
呢間係唯一一間，
我可以找到介紹波士頓既旅遊書。
其實要買既書 List Items 唔少，
不過總是找唔齊，
唔係欠呢本，
就欠個本，
一係本書就爛既，
結果我乜都冇買到。


離開書局，
我做了今天第二個好白痴既決定，
就係取消左張恆生卡喇。
開頭考慮到張信用卡都可以係櫃員機拿錢，
Cut 左張恆生卡，
咪可以節省每年五十元既年費 lor。
不過我唔記得原來恆生卡仲有 EPS 既功能，
取消左之後，
我增值八達通就要用現金，
買野又要係拿定錢……


一日做兩個白痴決定，
我真係夠傻……

>>October 12, 2004 at 12:31:01 PM GMT+8

2004 年 10 月 10 日 星期日 【晴】

已經五個多月沒寫比賽日記，
今天又可以再度執筆。
換句話說，
賽季又好始了。
因為天氣問題，
熱天是很少，
甚至幾近沒有賽事的。
而一踏入十月，
各場定向賽事就會接踵而來。
通常年賽季第一場公開賽，
會是下星期舉行白理義先生紀念賽。
在今天則有在青衣舉行的童軍練習賽。

童軍練習賽的成績是我定向生涯的一大污點，
因為到今天之前為止，
我在練習賽的 DNF 比率是百份之百，
希望今天可以打破宿命。
H16, HA, H20, HB 四組跑同一條 Course，
長度為 2.0 km，
不算太長。
但上落差大，
足足有 180m。


今次以預備下星期的比賽為重點，
隨了不是穿釘鞋，
及不是用 E-Card 外，
其他均是以平常比賽為藍本，
包括服裝、熱身拉筋動作，
甚至入了二分區後的心理預備。
務求使身體經過漫長的休戰後，
能盡快進入作戰狀態。


結果在體能不足的情況下，
以慢速 27 分 06 秒完作，
同組排第二，
同賽程排第五，
得分 709 分。
同賽程最快的時間是 18 分 11 秒。


還是有幾項事物要彈。

1. 「二分區」
是 Set 了二分區沒錯，
但行三分區的做法，
結果全世界計多了一分鐘。

其次是二分區真的很細，
雙腳站在當中，
但會碰到其他格的賽員。


2. 控制點過低
好些控制放得過低，
有時甚至在地上。
建議應該插支竹輔助。


3. 指示不清晰
賽事中心往起點的指示不足，
尤其是不是每個路口有指示，
賽員容易走錯路。

>>October 11, 2004 at 5:59:35 PM GMT+8

2004 年 10 月 9 日 星期六 【晴】

久唔久母校個 Forum 就會有人黎攪事，
批評呢樣，批評那樣，
不單止言語粗鄙，
有時仲有粗口 tim。
遇到有人持相反意見，
就只會話人擦鞋，
唔敢講真說話。


我覺得我同佢地真係有代溝，
以前細細個學尊師重道，
現在呢輩真係唔係咁易見到。
教佢地真係好難，
有時真係「鄧」佢地可憐。

2004 年 10 月 8 日 星期五 【晴】

昨晚食完飯做功課，
十一點幾收到個電話，
原來某人已經成功找到佢部電腦既噪音來源，
並成功將佢拆取。
但係拆左之後點呢？
開唔開得電腦呢？
有冇替換品賣呢？
佢全部唔知答案，
結果就打黎問我喇。


講返個噪音來源，
同我之前既估計一樣，
係風扇轉得唔信傳出黎既。
不過就既唔係火牛把風扇，
亦都唔係 CPU 把風扇。
呢把風扇我真係事前估唔到，
但為我部電腦未先進到有呢樣野。
把風扇係新一代行 Dual Channel Memory 既電腦先有，
安係 Memory Controller Hub 個粒 Chip 上面黎散熱。


咁我上返 Motherboard 間公司個網睇吓有冇替換賣啦，
佢又 Redirect 左我佢間 Super Store 既網頁。
又真係有原裝 wor，
不過冇 Stock。
呢外一間廠出既替代品就有貨，
不過就貴 d，
都唔知間野係唔係專登咁做既……


Anyway，
某人話唔識買，
咁我上網幫佢訂啦。
不過 d 運費就貴 lor，
把風扇連 Heat Sink 都只係 US$10 左右，
但運費己經要 US$5，
而且要下個星期三先收到。
想快 D 咩，
用速遞公司啦，
承惠 US$30 丫！


收到貨，
某人識唔識裝又係一個問題，
佢唔識既話打黎問我，
我會唔會教得識佢又係另一個問題，
我會唔會教到發脾氣，
可能會係最大既問題。

>>October 9, 2004 at 1:07:35 PM GMT+8

2004 年 10 月 7 日 星期四 【晴】

激死我。
www.omuser.com 那兒攪了個烽火台，
其實即係專題攝影。
今個月既題目係「童心童真」，
我記得早前同班同事去澳門旅行時，
係大三巴度影個一個小朋友餵白鴿。
點知就找極都找唔到，
成輯相都唔見左。

後來想想下，
好似 Upload 過 d 相上網上相部，
上去望一望，
好彩仲有少部份係度。
齊就唔齊喇，
都仲有少少，
好過冇啦。
不過就梗係唔開心啦 ><
話晒都係一個回憶，
冇咩可以代替到。