2004 年 12 月 5 日 星期日 【晴】

原本話今日返崇拜，
結果都冇返到。
唔係唔知醒，
相反我仲一早起左身，
去左荃灣 Training。


話說上次石龍拱比賽炒炒深心不忿，
今次再重臨練習，
用既都係上次條 Course。
出席既有五個，
都係 ACOC Team 既人，
包括我、劉 Sir、阿健，
上次冇黎比賽既阿迪，
同青年組既 Dicky。
九點半左右，
我們換好晒裝備上山。


起點去一號，
短 Leg，
上次都冇錯。

一號去二號，
長 Leg，
上次過林用了好耐時間，
今次試吓上山頂。
上山個段幾順，
但由山頂落 Point 段路唔短，
不小心又入林，
浪費了不少時間。
結果第二個到，
比跑引水道的劉 Sir 慢，
但我時間比上次也快了。


二號去三號，
上次由下路去衰左，
今次試上路，
幾順，第一個到。


三號去四號，
上次去得好好，
今次大迷途，
仲攪到隻腳濕晒…… ><

結果冇去四號，
直接去五號會合佢地，
（好彩有 Walkie）
之後玩埋個 Star O，
玩左上次既一半，
就落山了。


食完午飯，
去左愉景新城個高達展覽，
又去左荃豐。
之後獨自坐巴士出旺角，
上左先達，
不過買唔到我想買既野，
竟然斷晒貨，
真係不幸…… ><


好彩最後係星際對面新開間店找到。
返到屋企食完飯。
繼續玩織織織，
不過織左三行就夠鐘訓覺。

>>December 9, 2004 at 4:48:19 PM GMT+8

2004 年 12 月 4 日 星期六 【微冷】

今日係 HKOI 2005 比賽既日子，
呢個比賽係畀中學生參加既 Programming 比賽。
參賽者係限時內（今年係三個小時），
用程式解決若干題目（今年係四點五題）。
每題會用若干數據（10 至 20 組）去測試，
每答對一組都有一定分數。
其中四題為一百分滿分，
一題為五十分滿分。


既然係中學生比賽，
又關我呢個老鬼咩事呢？
其實我以前都有參加個呢個比賽，
仲代表過香港去土耳奇參加比賽，
奪銀將而回。
入左大學之後做埋 Trainer，
有時幫手出下題目咁。


今年初級組其中一條題目係我出既。


以往幾年決賽都係樂富一中學舉行，
今年中大提供地方，
決賽移師到蒙民偉工程大樓六樓，
一座新建成的大樓舉行。


高級組比賽上午 8 時 30 分 Registration，
9 時正開始，
三個小時之後完卷。
收晒野之後，
我們一行 Trainers 到了教職員餐廳飲茶。

初級組比賽下午 1 時 30 分 Registration，
2 時正開始，
三個小時之後完卷。
係初級組比賽的同時，
負責高級組出卷的 Trainers 就改卷。
而我就繼續監考。


漫長既三個小時可以做 d 咩呢？
我睇左大半份 Paper，
（下星期五 Present）
又玩左陣炸彈人。
以前和四虎玩，
輸的多數係我，
今次玩，
有糖小姐墊底，
呵呵呵。


初級組比賽完結之後，
我先開始忙碌。
咁多題都只係有 10 Sets Test Data，
而我就出左 20 Sets，
未 Zip 既時候有廿幾 MB，
Zip 左都有 10 MB。

改得最慢都係我，
結果改左三個鐘，
八點先離開中大。


改完其實唔係咁開心，
因為母校班師弟又炒粉了。
自從我同金魚走左之後，
都好耐冇拿過學校大獎。
今年其實班底唔弱，
奈何又再次飲恨……


最慘係錯 D 我 提過佢地好多次唔好犯既錯，
例如只將 Files save 係其中一集。
（我地要求交兩隻碟， Random 抽其中一隻來改。）
唉……

>>December 9, 2004 at 3:05:09 PM GMT+8

2004 年 12 月 3 日 星期五 【晴】

估唔到咁快又到星期五，
明天就係 HKOI 2005 決賽既日子。
今年我只係出左一題，
而負責出題既，
亦要負責出 Test Data。
今年比較用心機去出，
從唔同角度去測試，
結果出左 20 sets。
本來 20 sets 唔係一個問題，
不過我多年出題目既壞習慣，
Test Data 量都係驚人既。
結果 20 set 既 Test Data，
總 Size 係二十幾 MB。
壓縮過後，
都有十 MB。


今晚都幾夜收工，
成七點先係公司走。
先坐車去左醫院睇爸爸先，
佢愈來愈瘦了，
成塊面凹晒。
我去到既時候，
佢訓緊覺。
我冇叫醒佢，
只係企係佢旁邊，
睇左佢半個鐘，
之後走走了了。
過左 SOC 幫手，
幫手入號碼布，
幫手入控制卡。

成班人坐晒係度，
好似工廠流水作業咁。
一個負責安張 Backup Label 上電子控制卡（E-Card）
一個將 E-Card 個 No 入落電腦，
一個將相應賽員編號抄上 Backup Label，
兩個將相應 E-Card 同號碼布入落膠袋，
最後兩個將膠袋封口。
簡單而又有效率。


之後去食飯，
食飯閒談期間，
得知原來十二號個比賽唔夠賽區工作人員。
結果我親自出馬打畀快馬斌，
叫佢出山幫手。

>>December 8, 2004 at 5:54:09 PM GMT+8

2004 年 12 月 2 日 星期四 【微冷】

今晚約左 Moly 上日經報名，
我又再次學日文喇，
放低左咁耐，
唔知仲有幾多成記得呢？
今次上 Course 亦都報埋持續進修基金，
兩年之內，
我要考到日語能力試 Level 3 既次格，
咁就有 80% 既 Refund，
唔知我得唔得呢？

今日亦都係 Moly 手上收到日文上次份倦，
只係得 78 分，
算係過得去啦。
不過望返份卷，
現在好似乜都睇唔明，
睇黎我要花 d 時間 Pick up 返佢。
一月六日就開始上堂喇，
一個星期上兩堂，
希望趕得切啦……


報完名，
就趕落旺角，
因為約左大同 A 君做 Gym。
本來約左佢七點半係新之城間機鋪等，
但係我報名個度 Delay 左，
結果八點先到。
不過奇怪既係，
佢唔係機鋪，
反而係雅蘭門口。

如來佢係機鋪拾到一部 Notebook，
而懷疑有人起了貪念。
幸好到最後都拿了警察局，
原來個機主已經報左警。
部 Notebook 最後都物歸原主。
不過就攪到我十二點幾先返到晊企…… ><


因為發生呢件事，
攪到我今日終於見到 A 君同瑪姬既合照，
亦都 Confirm 個日係旺角撞到同 A 君一齊既女性就瑪姬，
而瑪姬就係 A 君普通話班識既同學等發現，
變得唔重要了。

2004 年 12 月 1 日 星期三 【微冷】

今日 SOC 個 Training 由我負責，
我安排左個公園定向 Course 畀佢地。
因為有新人有舊人既關係，
所以個公園 Course 都有些少特別。
對於新人黎講，
佢地係跑一條有九個 Points 既越野式定向。
而對舊人黎講，
頭三個 Points 都係同新人一樣。
打完三號之後，
就玩一個十一個 Points 既奪分式定向，
之後再接返新人既四號 Points。
整條 Course 唔算係好長，
十數分鐘左右已經玩完。


之後就玩一個接力跑，
九個人分三組，
每組三個人。
每個人總共跑廿次，
其中十次係衝上山，
另外十次係衝落山。


跑跑下，
其中一個學員（應該叫 Miss）跑不動，
結果我同陸先生有時要一個人連跑兩次。
跑到第十四次左右，
我就叫停結束個訓練。


呢個 Interval Training，
如果每次到自己跑時都盡，
係幾有效既訓練。
係就係辛苦 d，
不過我 Enjoy wor。


跑完步上返去換衫，
等到差唔多十點先去食飯，
好肚餓。


結果四個人走去食左個六人套餐，
都唔係好夠飽，
因為 d 餸好細碟。

>>December 8, 2004 at 5:53:52 PM GMT+8

2004 年 11 月 30 日 星期二 【微冷】

想想下都幾好笑，
彼邦的某人忙於做 Homework，
忙於預備 Final Exam 既時候，
我今日有 Midterm Exam。
考完個 Mid-term Exam，
我應該仲有兩個星期的學要上。
至於點解有個 Final 期間考既 Mid-term Exam，
可以翻看十一月三日的日記。


個 Exam 其實係 Open Book既，
如果考開試既其實都知，
一般 Open Book 既 Exam 都係會深少少既。
但係昨晚收到 Prof. 既 Broadcast E-mail，
話有是非題和四條長題目，
部份關於之前兩份 Assignments，
其餘關於 Lecture Notes。
由於之前計過，
只要今個 Sem 個三科唔肥，
我就已經畢業。

Postgrad 既畢業資格同 Undergrad 有少少唔同，
Postgrad 除了要求全科及格之外，
還要求平均每科係 B 以上。
之前個幾個 Sem 拿既 Grade，
已經夠拿 B 有凸，
除非想拿非常高 Overall Grade，
否則敷敷衍衍己經過關。


加上之前個星期幫 PC 攪比賽，
黎緊個星期又到 HKOI，
結果我係幾乎溫都冇溫就入場。


結果識唔識做？
梗係唔識做啦，
不過都應該夠及格既。
話晒我 Undergrad 呢科都有技火箭，
爛船都會有三分釘。

>>December 8, 2004 at 3:12:36 PM GMT+8

2004 年 11 月 29 日 星期一 【微冷】

今朝公司要開大會，
幾個 R&D 既 Engineer，
Sales & Market 既，
Logistic 既都有出席。

會議分兩部份，
頭半部係分享，
老闆分享點解一間公司會成功。
我地其中一間姊妹公司剛剛十週年紀念，
究竟點解佢地會成功呢？


歸納、"翻譯" 得出以下幾點：

1. 開心地工作
不論做那個 Task，
如果可以找出當中的樂趣，
Enjoy 地做，
自然工作效率提升。

2. 額外工作時間
簡單來說就是夠鐘唔好咁早走，
多 d OT。

3. 接受挑戰
R&D 時，
唔好咁快放棄，
應該想辦法解決難題。

會議下半部是訓話時間。
1. 工作時間不可以 ICQ
2. 工作時間不可以處理私人事務，包括 E-mail
3. 工作時間不可以聽私人電話
4. 不可 Download 歌來聽、戲來看等。
5. 電腦是屬於公司的，公司有權隨時對其做 Audit。

2004 年 11 月 28 日 星期日 【微冷】

今天在青衣有一場新界區學界定向賽，
雖然我中學畢業已經有一段日子，
沒有資格參加比賽，
但是我都有出席，
因為我不單是一個工作人員，
更擔當其中一個關鍵職位–賽程設設員。


設計賽程一點也不容易，

有些人會紙上談兵：
先在地圖上設計，
但到實地落記號，
甚至比賽當天安放控制點時，
才發覺該處不適合安放控制點。


又有些人會調亂了「控制點」與「賽段」的關係，
他們會先選擇「控制點」的位置，
然後用線連起他們。
但其實「賽段」才是真正的「目的」，
「控制點」反而是「手段」。
換句話說，
應該先定「賽段」，
再用「控制點」引領賽員。


結果為了賽程設設這份差事，
我前前後後上了青衣山不下十次。
結果預備了七條賽程，
三十五個控制點。

青衣是一個很難設計賽程的賽區，
尤其是低組別。
結果為了賽程的降低攀升高度，
起點定於一個很高的地方，
換來的是賽事中心到起點的距離長了。
七條賽程均避了青欣山山頂。
較低組別的五組轉戰青欣山旁的小山，
男甲、女甲兩組則需沿等高線繞過青欣山。


今天早上大約八點，
開始安放控制點。
十點三十分，
正式出發。
比賽於二時左右完結。
成績處理加班至六時左右完成最後成績。

今次比賽有幾件有趣的事。

第一件事是有賽員準時入了二分區，
但一分鐘後沒有進入一分區，
結果被罰唔分鐘。

第二件事是有唔少賽員電子控制卡失效，
（這亦是成績處理需要加班的主因）
其中一個賽員，
竟然後備計時系統沒有其紀錄！

第三件事是起點回佈一百七十多隊出發了，
但最後返回終點的有一百八十多隊！

第四件是在賽道神出鬼沒的救傷隊。


最後要多謝 SOC 會員蝙蝠、阿棟、LEGO三人，
若沒有他們分擔賽道及成績處等工作，
相信比賽不會這般順利。

>>December 7, 2004 at 12:16:29 PM GMT+8

2004 年 11 月 27 日 星期六 【晴】

明天就係比賽，
因為賽區係青衣，
唔會係賽區過夜，
所以會係聽朝先擺 Point。
但因為驚明天擺唔晒，
所以今日下午去擺住一 d 先。


亦因為賽區係青衣，
平時都有好多人行山，
所以 d 近路既 Point 都唔敢擺住，
甚至 d Control Unit 都唔敢擺，
只係插定 d 柱。


約左潘 Sir 三點，
咁我放左工就先係觀塘食午餐。
間野個名叫皇馬，
英文係 King Mark。
味道水準一般啦，
要求唔高既都可以食吓既。


去到青衣，
係長宏巴士站見到阿健，
一齊行上去，
係路尾等潘 Sir。


三點幾潘 Sir 架車黎到，
我地拿了十枝柱，
兩個槌仔兩舊膠，
就上山了。
係「深山」插完十枝柱，
落返山都只係四點幾五點。
阿健可以收工返屋企，
我仲有大把野做。


首先到黃金格價，
因為隻牛就黎壞。
跟住去鴨寮街買燈，
係影 Macro 時用黎補光，
不過找唔到。
再跟住落旺角，
彩色影印明天張 Master Map。
彩影 A3 原來要 $3 一張，
好貴喔。


之後過返佐敦，
幫 D Master Map 入膠袋，
攪掂晒返到屋企已經九點……
第二朝又要早起 ><

>>December 1, 2004 at 5:27:10 PM GMT+8

2004 年 11 月 26 日 星期五 【晴】

我係一個好八掛既人，
如果有朋友仔寫網日記，
我好少會 Miss。
最近就追緊個大同既日記喇。

話說我上次係旺角街頭撞到佢兩人
唔知個女主角係咪日記中既同一個人呢？
睇返日記 d 內容，
似乎已經得手了，
唔知幾時會帶佢出黎呢？

原來我呢位同學好有錢架！
貴一貴部手提電話都買黎送畀人做生日禮物。
手提電話呢樣野，
我以前都送過，
不過係分期供，
到現在都未供完……