|
2003 年 9 月 22 日 星期一 【晴】
今日黎左個飯局，出席者有阿英，阿碧，阿冼，阿笑，阿柴(佢地全部都係『阿』)，janice同我。我地都幾勁架，係沙田間和民坐左成4粒鐘，咁又係既，難得見一次面，仲要成班『八婆』，無計啦，一定有排傾。不過可能太多教育界既人，佢地既話題唔多唔少都係關於教育既多。但唔緊要喎，我都插到下口，出到聲架，哈哈。
去飯局之前，我就出左去尖咀見工啦。(唔講唔覺，講開又覺，我又真係幾有元動力去搵工喎，可能好想轉工啦)。點知有間話請我叫我星期三返工，嘩，我真係估都估唔到呀。咁我當然決定左轉工，始終係尖咀返工好過去跑馬地好多，同埋tips應該好好多，車錢又少好多，少成半呀！不過唔知點解呢？我仍然好努力搵工喎，明明都搵到份啦，都仲係想搵。自己其實對自己既要求都幾高下，唔係點會搵極都仲要搵丫。
尋日又過得幾開心喎，跟carol去左遊船河。好正呀，無辦法，我自己本身係一個鐘意海既人，所以點都會覺得正。不過去完呢個船河，返到屋企同媽咪姑姐講原來浪茄真係好靚好清啦，點知佢兩個同我講『你細個老豆次次帶你去遊船河都係去浪茄架啦』。佢地咁樣講一講，我再諗一諗浪茄，又真係好熟口熟面喎。從此，我愛上左呢個地方，一切只有回憶。
有人講過既野，到星期日我就知成唔成真。如果今次再係咁，我相信我會極之心淡。
>>September 22, 2003 at 5:37:29 PM GMT+8
2003 年 9 月 17 日 星期三 【晴】
早幾日，失望既心情再次出現。今次自己做了個決定，這樣便不會再感到失望了！我相信任何事情都會有一個底線，趁我既底線仲未出現，要做返少少野，令到條線唔好有機會出現。
近來心裡面有一個想法，我有少少想請辭。但又怕搵唔到工，無錢，所以呢個想法只係得個諗字，無行動過。我想都係要搵到工先請辭得，返工真係太悶，可能我仲細啦，我返得工當然想學到野，但係而家都無野學，真係要搵返份西餐做先。
>>September 17, 2003 at 5:02:19 PM GMT+8
2003 年 9 月 13 日 星期六 【晴】
今日超出奇喎，阿笑打電話黎。唔好以為我出奇阿笑搵我呀，我只係覺得佢打黎同我講既野好出奇咋！佢今日竟然見到我地既一個舊同學/朋友，coffee喎，真奇怪，要約出去食飯都唔駛咁轉折呀，所以呢句說話當然又係聽完就算啦。不過阿笑你放心，我會搵人約偶像出去同你食飯架喇，佢放假放到傻，如果約佢出去，佢一定出架！
成日都有個人話掛住我架，幾好。有個人掛住自己，係一件開心既事，不過真係好耐好耐無見過喇，點解我咁掛住佢而佢又咁掛住我，我地都無見過面架。其實我地係咪都係得個講字，並唔係真心掛住大家呢？我知道唔係既，只係大家都係同一類人。約人真係好驚會俾人拒絕，拒絕一次唔緊要，咪再約囉。但拒絕多幾次就心都淡晒，唔想再約。又唔可以話拒絕既，可能只係時間就唔到，無出到去，但咁樣同拒絕都同義架。
希望係不久既將來，我真係可以見到我好掛住佢既人啦。
聽晚又可以出去玩喇，平時唔會話好恨去唱K，不過同呢班人出去就好期待喇！
>>September 13, 2003 at 5:10:59 PM GMT+8
2003 年 9 月 10 日 星期三 【晴】
同大家講定『中秋節快樂』先，祝大家有個開心快樂既中秋！
今個中秋要係工作中渡過，不過今日有前科，都無客既。如果聽日又係無客，都唔知叫好定唔好。今日真係好咩囉，成個dinner得9個客咋，陰公。
我自己都唔係好信，原來自己無打字幾年，都仲keep到打56wpm。雖然本身都對自己幾有信心，可以打到多過55wpm，但因為試打果時我先打到46wpm，好在最後成功pass咋，唔係就白費我咁早起身既心機。如果UPS呢份工請我就好喇，講到尾都係做文職有得坐好過企既，仲要就係人工仲高過而家果份(雖然未計tips)。不過都要過埋星期一先知，因為星期一先去2nd in。
睇睇下先發現，原來我打日記既日子係911喎。我記得當年911發生果時我睇緊演唱會，係范曉萱，好好睇架。跟住睇完就收到電話，有人好誇張咁話『打仗啦，仲唔返屋企』當時仲以為講笑，之後先知原來咁大件事。
>>September 10, 2003 at 6:36:13 PM GMT+8
2003 年 9 月 3 日 星期三 【晴】
各位，我終於搵工成功喇！
唔好怪我唔打俾你話你知喎，如果我得閒，我會逐個打比你地架。
暫時我係一間身處跑馬地既日本料理做，今日先第1日返工，我無做過任何廳面既工作，只係負責做recept，不過就有點兒苦悶囉。但係唔緊要架，因為office話只係做住先，遲d間拉麵店開門，我就會過返去拉麵果邊做server。希望新開既餐廳，係會請班年青人返黎啦。因為而家眼見間日本料理既員工，平均年齡起碼過30。我又無乜興趣想學做日本料理喎，快d俾我去做拉麵server。最最最重要係我唔想返工要落場呀，好在暫時我都仲未要。其實都有少少傻架，有機會做日本料理都話無興趣，但我都唔知點解，就係無興趣。
尋日好抵呀，買左個20蚊既銀包，又靚喎，正。
跟住食元綠又係超正，邊個係會員，生日我唔介意請你食元綠架，哈！半價太正喇。
都唔知點解出尖咀真係好易撞到人，尋日又撞到好幾個喇。
>>September 4, 2003 at 3:09:46 PM GMT+8
2003 年 9 月 1 日 星期一 【寒冷】
嘩，杜鵑好勁呀，不過佢病左，傷風喎。
剛才我就感受到杜鵑既威力喇。
當係8號既時候，我就同媽咪落街食飯，因為早在4點去百佳已經無乜野好買lu，點知食食下就已經變左9號。係呢個情況下當然無拎姐啦，風真係好大，所以行天橋都濕晒，哈。跟住覺得好凍啦，返到屋企睇下原來得25度咋，唔凍就傻。
仲有，寬頻繼線，好攪笑。
>>September 2, 2003 at 1:14:16 PM GMT+8
2003 年 9 月 1 日 星期一 【晴】
見咁耐無打過日記，就打下啦。其實都只係一星期無打，嘻！
話咁快就到左9月，時間真係過得好快，近來我都唔知自己想點，最憎有呢種感覺。
我要係呢道多謝阿笑，因為佢太好人喇，請我地食飯，呢一飯之恩我一定會報架，不過等下先啦，哈哈！果日食飯都好開心丫，雖然而家好少見同聯絡，但只要我地一聚埋，唔知點解就會變左傻婆。不過我發現其實無論我同邊個聚埋，個班人都係會變左傻架啦。有時唔知係咪因為有呢d既開心，所以攪到有時會覺得低落返，人既情緒總係要有高低。
唉，唔好講呢d，講講下又會好似講到唔開心咁。
杜汶澤本書原來好難買架。已經只係得商務有架啦，仲要係得返下，無上，咁點買喎。有人買到既話不如借俾我睇啦，搵極都搵唔到。不過我就買左本書，叫做『落雨路』，本書都幾好睇架，原來係下集，不過我又去左書局睇左上集既漫畫板lu，如果又有人有『落雨路』上集『四點水』都可以借我睇架。
我只不過有時會去書局睇書者，唔係咁都唔得呀？好出奇咩，我個人係咁有文化架啦。
好掛住好掛住，但唔想見
>>September 1, 2003 at 6:24:07 PM GMT+8
2003 年 8 月 25 日 星期一 【晴】
首歌係『猜情尋』，eason唱架。
又一次過完澳門，又一次邪事發生。
唔經唔覺已經好耐無見過，之前都無乜特別，近來開始心掛掛。
>>August 26, 2003 at 12:38:27 PM GMT+8
2003 年 8 月 20 日 星期三 【晴】
我都知無去camp既朋友會好想知我地做過乜黎，等我匯報一下啦。
第1日入去，得我+carol+高咋，其他人都無咁早入。本身我地都好怕因為落雨而出唔到去接遲入黎既朋友，但好好彩喎，到佢地入到黎果時又無雨喇，咁咪出左去接佢地同買BB燒既野囉。因為『今日唔知聽日事』所以第1日我地就已經BB燒做晚餐。但好可惜，第1日我地無租到麻雀，所以我+carol+doris幾無聊呀，都唔知有乜好做，好在佢地班男仔都幾有人性，肯放棄打機同我地玩UNO。
第2日就好充實，講左咁多年去親camp都話去大佛，終於話去去到今時今日我地終於去左大佛喇。個條樓梯真係好長，本身話數下有幾多級，最後唔記得左lu。去完大佛食過豆腐花就再去大澳，跟住就返梅窩喇。
第3日我覺得好勁，因為加加埋埋打左20圈牌，其中有一個人係無離開過張枱架，果個就係michael。得佢一個係由頭打到落尾，其他人都有變過架。今年佢都係離唔開輸錢既厄運，但佢就好邪囉，連食左2鋪13么，低能架。跟住又搶幹食餬喎，咁講佢好似會贏錢咁，但係佢係輸架，呵呵。諗諗下，如果我同carol夾份同佢地打牌，分分鐘可能係我地2個羸晒佢地d錢呀，不過我地2個都只係幫人打咋。
今年覺得最出奇既事，就係竟然無人唔肯起身，超出奇。
不過一如所料，黃志華係唔肯同我地一齊去大佛架。
>>August 21, 2003 at 9:02:37 AM GMT+8
2003 年 8 月 16 日 星期六 【晴】
好傷心，曼聯點解咁勁，入少粒都唔得，點解？點解？
聽日利物浦場波仲諗緊買唔買好。
買可能拎返個本+羸少少，但又可能會輸得更多。
無論點都好啦，聽日又入camp喇。天公造美，唔好落雨。
廣告都有話啦『希望在明天』
而家我既希望唔止唔落雨，我仲希望有人打黎叫我返工。
>>August 16, 2003 at 4:19:33 PM GMT+8
|
真正的王子是不會讓公主傷心的 令公主傷心的不是真正的王子
|
廣告 |
|
|
讀者留言 |
| 路人留言
|
 但願婆婆可以再沒煩惱，做些她覺得
>>September 27, 2010 at 1:46:40 PM GMT+8
抽倒至諗啦! 夾屋太貴唔係咁So
>>March 27, 2010 at 10:41:17 AM GMT+8
阿笑同斌仔結婚當日又唔算多野做,
>>November 24, 2009 at 2:15:52 PM GMT+8
小朋友係要慢慢教同耐性Ü
>>April 6, 2009 at 7:39:30 AM GMT+8
唔駛咁勞氣,我都覺得講多錯多~~
>>March 26, 2009 at 1:08:18 PM GMT+8
@O@"..你老細咁衰?!!
>>March 4, 2009 at 1:29:50 PM GMT+8
算啦!! 捱住先, 祝早日
>>February 23, 2009 at 3:19:16 PM GMT+8
時間過得真係快，小公主咁就兩歲，
>>December 4, 2008 at 2:36:07 PM GMT+8
知道佢個人在香港就ok, 但真係
>>September 1, 2008 at 1:23:14 PM GMT+8
好認同你個句（起碼知道佢人在香港
>>August 30, 2008 at 3:31:24 PM GMT+8
呢排我都有為肥肥而流左唔少眼淚,
>>March 3, 2008 at 5:00:44 AM GMT+8
哇...你真係好耐冇update
>>March 3, 2008 at 4:57:21 AM GMT+8
等我都祝希希快高長大、愈大愈靚、
>>January 12, 2008 at 12:11:53 PM GMT+8
莎莎,bb女好得意呀^^"上次黎
>>March 1, 2007 at 6:31:29 PM GMT+8
莎莎，我第一次係度見你講希希講得
>>February 12, 2007 at 8:30:40 AM GMT+8
恭喜晒~~辛苦晒你呀！！ 偉大的
>>December 4, 2006 at 2:16:12 PM GMT+8
我好期待你可愛的bb出世呀~我相
>>November 1, 2006 at 8:22:01 AM GMT+8
大家平時都咁照顧同咁關心你架啦~
>>October 26, 2006 at 7:33:44 AM GMT+8
沙沙~係好事黎架!! 好幸福丫!
>>June 24, 2006 at 3:56:09 AM GMT+8
你放心，我地個個都好錫你，相信任
>>June 15, 2006 at 5:09:45 AM GMT+8
佢出左院勒, 前日做左手術,
<
>>April 1, 2005 at 5:57:48 AM GMT+8
每年拜山我都會去，原因好簡單，同
>>March 29, 2005 at 4:11:45 PM GMT+8
我很喜歡你「日記主簡介」裡那段文
>>March 25, 2005 at 5:19:19 AM GMT+8
o個個waiter都唔識做既.
>>February 4, 2005 at 8:52:26 AM GMT+8
今天放假回了家無野做．
<br>
>>December 19, 2004 at 2:42:15 PM GMT+8
如果你真係唔見左銀包,
<br>
>>September 7, 2004 at 1:32:51 PM GMT+8
哎也，如果睇呢場都幾好喎真係～有
>>July 25, 2004 at 10:48:42 AM GMT+8
我都衰左呀～完全唔記得搽埋手&#
>>June 29, 2004 at 2:57:01 PM GMT+8
係咪真係黑過我先???
<br>
>>June 29, 2004 at 11:16:59 AM GMT+8
一切隨緣～別太強求自己要做到Ｄ咩
>>March 2, 2004 at 4:04:52 PM GMT+8
放心!!!!
<br>總有一日可
>>February 18, 2004 at 2:10:32 PM GMT+8
新年快樂!!!!!
<br>你舊
>>January 23, 2004 at 5:29:54 AM GMT+8
莎莎﹐食飯那晚唔你個個都係傻婆呀
>>September 2, 2003 at 11:55:33 AM GMT+8
哈～都唔可以咁講既～一Ｄ你越ｃａ
>>July 19, 2003 at 4:16:48 PM GMT+8
之前d人都唔算遲發現勒,我仲遲呀
>>May 23, 2003 at 3:10:00 PM GMT+8
我今日先發現到呀﹐都唔係好遲姐呵
>>May 20, 2003 at 5:00:03 AM GMT+8
喂~~~~我都發現到喇!!
<b
>>May 19, 2003 at 7:22:10 PM GMT+8
嘿嘿..
<br>我發現左了..
>>May 17, 2003 at 10:57:30 AM GMT+8
原來你開左個日記係度呀．．我今日
>>March 14, 2003 at 5:22:32 PM GMT+8
妳夠彊喎莎莎....原來開左個日
>>March 8, 2003 at 3:38:20 PM GMT+8
終於都可以睇返你日記,我等左好耐
>>March 2, 2003 at 12:50:29 PM GMT+8
|
|
今日黎左個飯局，出席者有阿英，阿碧，阿冼，阿笑，阿柴(佢地全部都係『阿』)，janice同我。我地都幾勁架，係沙田間和民坐左成4粒鐘，咁又係既，難得見一次面，仲要成班『八婆』，無計啦，一定有排傾。不過可能太多教育界既人，佢地既話題唔多唔少都係關於教育既多。但唔緊要喎，我都插到下口，出到聲架，哈哈。