2005 年 6 月 30 日 星期四 【晴】

呢2個禮拜真係放假放到我想死，人地做F&B既1星期要返6日工而我就2個星期先加埋返左6日工，真係呢，呢d工去邊搵丫，哈！

既然係咁，等我回顧下呢2個禮拜做過乜先。
22/6：同其姐去左沙田UA睇抱擁這分鐘。
23/6：約左周佩玲，阿冼，Janice同陳娜5個人食左個6人餐。
25/6：Janice，Carol，Edward，肥溫，阿高小纜BB燒。
26/6：成日係屋企。有諗過睇完獎門人約人出去飲野，最後又係約唔成。
27/6：同Coca去左小肥羊食任食下午茶，40蚊位，都ok啦，但無諗過會再食。
28/6：今日要返工，仲要去聽講座。嘩，悶到丫坐係到都訓得著，結果一路訓一路聽講座。
29/6：呢日係放左咁多日假最悶最悶既1日。有人明明話同我出去但最後理都無理過我。
30/6：Dinner with 志華，肥溫，阿芬，司徒，阿高，Carol。
1/7 ：要去拜阿女麻，點知阿高佢地話唔夠腳，既然唔夠腳咁我唯有幫下大家啦。最後上左阿高屋企打牌，本身我都輸好多，但最後得肥溫一個輸家，所以佢食飯唔駛錢。我地去左意粉屋食，都真係好抵，但要9.30後去先會抵。如果仲有下次，一定唔好叫咁多野食，雖然都叫做食得晒，但就好飽囉。

仲有今日已經睇左龍威喇，都係一慣作風，唔會無得笑啦。

有樣好重要既野忘記左添，尋日終於見過林正言喇，真係好耐好耐好耐唔知幾耐未見過大家，希望佢真係會得閒打俾我啦。但好攪笑既係，佢d職業病都頗嚴重下，見到我個頭覺得好碎就死都要幫我修修佢，既然佢咁想修我都無所謂啦。

>>July 1, 2005 at 4:04:57 PM GMT+8

2005 年 6 月 28 日 星期二 【晴】

水瓶座（1.20-2.18）Aquarius
憂鬱指數:★★
復原指數:★★★★
憂鬱情形:煩躁型

一旦寂寞，就開始不安，手機沒響就會開始不斷狂call親朋好友，或是就泡
在pub裡。

為什麼憂鬱:內心寂寞與空虛是引起水瓶憂鬱的頭號因子，若是生活中出現
空白或間斷，比如說轉換工作間的日子，或是到了新環境都還沒認識半個
人的時候，水瓶座便很容易有憂鬱的狀況發生。

>>June 29, 2005 at 3:48:43 PM GMT+8

2005 年 6 月 28 日 星期二 【晴】

好悶好悶，就離悶死，又連放3日假，第1日無野做係最悶既。其實點解會覺得悶呢？我又諗到喎。當有件事你好想做而又做唔到果時，就算放樣你最鐘意做既野係你面前，你都會覺得好悶，因為你個心根本就不停咁諗住好想做果件事。

又唔係去旅行但又放咁多日假真係唔好受架，好似我咁，2個禮拜有8日假要放，要搵要約既朋友都約得唔七七八八都八八九九啦，邊到仲有咁多人約喎。而淨返果極少部份既，唔得閒就唔岩時間我都無辦法，但係明明得閒而又唔同我去街果d，我應該重新估計大家既友情。

>>June 29, 2005 at 10:11:22 AM GMT+8

2005 年 6 月 25 日 星期六 【晴】

天公造美既情況下，尋日原本大家擔心要落住雨bbq而變左曬死左。都好丫，如果今日先去燒，就真係2個世界，今日會仲辛苦，又落雨又出太陽，蒸都蒸死。尋日都可以話係一個小組活動，不過人越大就越難約到好似以前既5C活動咁，出一出去都成十幾廿人，有時都會有個衝動想再攪返次5C班會活動，奈何我無呢個信心去約一d好耐無搵既同學仔，同埋越多人麻煩就越多，所以都放低左活動攪手呢份工作。

講返尋日先，出現左既朋友有Janice，Carol，Edward，阿高肥溫同我，我地咪一路燒一路吹下水，時間都過得幾快，尤其是太陽落山之後，無啦啦就已經7點，大家都嚇左一跳。

下星期既更期真係吹脹，放1日假返1 日工再放1日假再返1日工再放2日假又返1日工，咁樣放假法唔係太好，孖住孖住黎放總好過1日隔1日咁放。不過有補假都好過無假補既。

>>June 26, 2005 at 4:44:38 PM GMT+8

2005 年 6 月 23 日 星期四 【晴】

本身就無諗過今日會打日記既，但係竟然俾人睇小喎，攪錯。睇抱擁這分鐘喊係一件好正常既事，我真係完全控制唔到自己d眼淚不停咁流出黎，果d問我有無喊既人竟然話原來你都係正常既，我唔正常仲有邊個正常喎。眼淺根本就係我既個性，只係平時對住大家我鐘意嘻嘻哈哈，因為咁先會令到其他人都開開心心嘛。

>>June 24, 2005 at 5:25:21 PM GMT+8

2005 年 6 月 22 日 星期三 【晴】

今晚同阿冼，陳娜，周佩玲同劉潔瑩出去食飯，我地5個人竟然係金龍船食左個6人餐，真係可怕，5個女仔食到咁多野。另外我已經約好左星期六去bbq喇，我有信心可以燒得成，只要唔係暴雨而係微雨都可以去架！

今期睇戲睇得好快，已經睇左badman，想睇好耐既抱擁這分鐘，今日仲睇埋頭文字D，真開心。

>>June 23, 2005 at 5:10:10 PM GMT+8

2005 年 6 月 21 日 星期二 【晴】

今日終於睇左『抱擁這分鐘』我覺得真係好好睇好感動，好在最後都能夠入戲院睇呢套戲，唔係又會錯過左一套正野。係沙田見到人妖，無估錯係真真正正既人妖，同佢一齊既可能係記者，只要你一見到佢就會認定佢係人妖。

一返到屋企拆信叫左出黎，好開心好開心，9月9同10號，我一定要安坐係紅館。

當一個人心情矛盾既時候，點樣先可以解決到呢？
當一個人將某件事收埋左之後又俾人撩返起，係應該再收返埋定係由得佢呢？
當下定決心做一件事既時候結果又衰心軟仲可以做乜呢？
係咪永遠都係有開心就一定有唔開心既呢？定係有唔開心先會開心？

呢幾日既假期如果你有幸陪過我既，證明大家交情都唔錯丫，係我苦悶既日子有你地同我解悶。又唔係去旅行但無啦啦放4日假，真係唔知點打發架，幸好我朋友多，哈！

>>June 22, 2005 at 4:35:29 PM GMT+8

2005 年 6 月 17 日 星期五 【晴】

有d野真係無人會估到，我下個禮拜竟然放假多過返工，唔知有乜好做呢？！如果可以過澳門就最好，因為可遇不可求。雖然要自制假期過去係好容易，但係而家係個假自己出現喎，點同呢。

細姑姐真係太好人喇，送左套小飛俠床單俾我，多謝晒！

早幾日係咁聽人地講去旅行既開心事，我都好恨去旅行呀。。。。好在我暑假都有得去

>>June 18, 2005 at 6:26:32 AM GMT+8

2005 年 6 月 14 日 星期二 【晴】

近來又好鐘意係上左床之後而又未訓得著果段時間諗野，果個時間可能好長又可能好短。無論係點都好，臨訓前漆黑一片既時候就係我最鐘意既時間。

>>June 15, 2005 at 7:13:13 PM GMT+8

2005 年 6 月 10 日 星期五 【晴】

今日終於有陽光而又放假，但係無去享受陽光，因為最後去左打波。我第1次去愉景新城會所打波咋，真係唔錯喎，成個場得自己一班人唔會有其他人一齊打，同埋果度既冷氣都幾強下，打完波一陣個人就涼返晒，仲要就係1個鐘只係30蚊咋，幾抵。如果假期要去康文署打波成66蚊1粒鐘架！！

好好笑囉，今日我地係咁嚇鋒鋒，而家先發現原來佢都有野怕架，佢竟然驚鬼喎。。。

好耐好耐未睇過戲喇，上1次睇果套戲叫做『藉著雨點說愛你』。

>>June 11, 2005 at 3:30:15 PM GMT+8