|
2003 年 11 月 3 日 星期一 【晴】
早幾日放假去左睇『豪情』，呢套野真係幾得下，想睇既快 d 去睇啦。等你地睇完返黎可以一齊講下劇情，而家又唔俾我講喎。我都真係睇左幾多套戲，我又睇左『咒樂園』又睇埋『瘋狂初戀』，我仲覺得自己會好快咁睇埋『22世紀』。
今日有條友同我講左一堆好認真既野，不過聽完都無改變到我既諗法。可能我本身真係幾鐘意而家既工作。有時做得好唔係真係無人讚既，只係人地讚完你唔會全世界都知者。當然做錯野就一定會俾人插啦，做邊行都係咁，做好本份，自己知自己做緊乜咪得，有無功勞呢家野無所謂啦，做得開心咪得囉。如果你而家問我有無諗過第時會做 d 乜，我真係答唔到你。但係我可以話俾你知，如果我真係係呢行做落去，我一定會對自己有要求既。
要係為錢而工作既，邊會係工作上得到快樂架。為興趣而工作，先會開心。
>>November 3, 2003 at 5:34:54 PM GMT+8
2003 年 10 月 31 日 星期五 【晴】
既然聽日放假，今晚又有用電腦，加上呢個日記又再可以打返，無理由唔打返遍日記既。
我真係太唔小心，又再一次唔見左個銀包。不過今次唔黑仔呀，因為我竟然搵得返個銀包，直覺又再次無錯喇！點解會咁講呢？因為我有好強既感覺，覺得自己會搵得返個銀包，所以當我唔見左銀包之後，第一件事並唔係打電話去 cut 咭，而係打去問下有無俾人用過張咭咋。知道無人用過，又唔想 cut 左張咭，唔知點解我又真係有好強既感覺會搵得返喎，哈！
今日(31/10)有兩個朋友生日，一個飛左去第二度，另一個當然係香港啦。好勁呀，我竟然放工去食宵夜都撞到壽星仔喎，而我一見到佢果一刻又諗起佢今日生日喎，所以就補返句『生日快樂』先啦，跟住再諗一諗先諗起原來自己都唔記得左打俾佢同佢講生日快樂，好在咁都撞到咋，唔係又欠佢4隻字。
唉呀，我真係好掛住肥輝架，之前問果個都話無見佢上網，仲以為佢失蹤左添。而家終於見到佢上網喇(不過其實我都未見過佢)，收到佢既 email 先叫做有返佢少少消息咋！
>>October 31, 2003 at 6:16:45 PM GMT+8
2003 年 10 月 22 日 星期三 【晴】
而家返工時間真係過得好快，好快就一個禮拜，好快又一日，好快又忙完收工。不過唔知呢排攪乜，日日都成八點幾先開始入客，想死咩，好耐未試過早收工，日日都起碼十一點半先走得人，不過其實都早左架喇，我本身係收十一點九既，哈！
送唔到肥輝機真係唔好意思，不過無辦法，我熱愛我既工作嘛。不過聽聞呢次送機既場面都幾感人，最開心就係可以見到朋友同屋企人既關係原來係好好既，就會覺得好開心。我唔希望自己既朋友裡面會有人同屋企人關係唔好，因為我覺得要有一個開心既屋企，先會生活得愉快。
而家既生活多數都係返工放工無乜特別，仲要就係我既時間都俾晒公司啦，返到屋企無幾耐又話上床訓覺喇。不過咁樣都幾好，無咁多機會出街駛錢，但係我仍然都係駛好多錢。
MP3機我終於買左喇，成日都有人會話我出左糧就係咁駛錢，我承認架。咁我咁樣駛錢法只係我知道我將會再有糧出，唔怕會無錢，之前真係好多野都唔敢買架，怕買左之後變得無錢駛，而家又點同呢，個個月都有一定既收入，只不過我點都係要用少d錢，如果再係咁買野法，我唔會儲到錢。我一定要儲錢，有收入又唔儲錢，我會好無安全感架。
>>October 22, 2003 at 6:03:37 PM GMT+8
2003 年 10 月 18 日 星期六 【晴】
頭先同肥輝farewell完，聽日佢就會飛，飛去一個同香港都隔幾遠既地方，不過咪係又我每個朋友讀書都係去既『澳洲』。希望我真係有機會係佢地仲讀緊書既時候去一去澳洲，無論係悉尼定墨爾本，探佢地同自己旅行啦！
肥輝：
一路順風，努力讀書，最緊要唔好唔掛住我呀！
今晚突然間諗起一樣野，我發現自己既心態變左，唔再係之前成日會掛住人既莎莎。早排，間唔中我都會無啦啦係個心裡面覺得自己好掛住一個人，但就唔會話想見或想打電話俾佢。而家呢個人又未至於係我生活上消失左，因為無論點都係會無啦啦諗起佢，但我覺得個一點點既思念都已經越黎越細。諗到呢層，又覺得自己變得無情左，無理由會連思念既心都無埋，究竟自己講緊d乜呀？我都唔知。
咁究竟個心會掛住個人好定個心乜人都無好呢？
不過最後都係果句，好多人我都好掛住你地架，只係放左係個心裡面。
>>October 18, 2003 at 8:02:23 PM GMT+8
2003 年 10 月 14 日 星期二 【微冷】
希望自己唔再買唔係必需品既野
希望唔好再用咁多錢
不過我真係仍然有必需品要買，無可能唔用錢。
太好喇，媽咪真係買左隻玉厄俾我，戴左之後覺得呢樣野無買錯。另外自己又添置左1條褲1件衫，再係咁買落去，唔知點算？不過有新衫著同買到心頭好真係好開心。到目前為止，我都買到夠夠地喇，暫時無乜慾望。又唔係喎，我想買帽呀，哈！
>>October 14, 2003 at 5:42:04 PM GMT+8
2003 年 10 月 10 日 星期五 【晴】
有一個唔知可唔可以叫好既消息
係幾個月前，我見過一份西鐵既臨時客務助理，今日打電話黎問我仲有無興趣做呢份工。
第一個反應我當然應承左先啦！之後就諗究竟而家份工好定轉工好。自己其實一路都有少少離心，不過當然無之前做日本料理咁大啦，但點都係有少少想轉。不過又從來無諗過直情係轉職喎，做waitress幾開心丫，放工就放工，返工就返工，無野要帶去第2日做，又唔駛驚d工作做唔完唔收得工。得閒想講野又可以搵個同事講下吹下水，岩晒我呢d鐘意係咪都講幾句野既人。講到好似好多好處咁，我比較唔鐘意既只係而家返工時間太長，雖然中間落左場，但咁就好似浪費晒我既時間咁。可能自己太多約會啦，始終鐘意一d可以得閒放下早，得閒返下夜既工。
不過乜都唔諗住lu，到時真係再打黎先決定。
到時我一定會乜都問清楚，唔會咁唔知頭唔知路走去轉工。
>>October 10, 2003 at 5:31:02 PM GMT+8
2003 年 10 月 6 日 星期一 【晴】
原來當我係icq無左個日記既address，好多人都會唔知道個日記去左邊。
好心你地就add to bookmark啦，好似我屋企咁，就算你地del左個address，我都仍然可以去到你地既日記/留言架！
今日又係尖咀撞到人，返左呢份工，係唔知第2定3次放工見到識既人喇！
尖咀果然係熱門地點呀。
>>October 10, 2003 at 5:23:41 PM GMT+8
2003 年 10 月 3 日 星期五 【晴】
今日有件開心事，恭喜吳帥奶！
相信可以同一個自己認為可以付託終生而又相愛既人結婚，係一件完美既事。
就算呢一刻自己人生上呢個人仲未出現，但只要朋友開心，我都會開心。
期待今年年尾
姊妹團
>>October 3, 2003 at 4:38:35 PM GMT+8
2003 年 10 月 2 日 星期四 【晴】
過去你愛我給我極多 到我愛上你可得到什麼
至少我搞清楚 被愛那個難付出得多
非得到不可一得到了又算什麼 人人能代替我
難道太熟了敷衍過我 仍無權利怨什麼
不慣被愛的我幾乎也相信
從前誰傻傻仍和我不同
挨更過夜仍願意跟我隨處去兜風
BoBo呢首原本叫『耳邊風』既『之前之後』原來係咁好既。
我相信對我黎講係繼『臨走前吻我』後最中既歌。
我都唔明點解，大致上乜都俾我估中，但估中左既心情並唔開心，可能呢一切意料之內既事我唔想發生啦！而家事情既發展正如我所料，心情好矛盾，我唔想俾任何意見，但我又想講我既諗法出黎。呢個結果對我黎講係極度失望加少少傷心。不過算數啦，我唔理唔知唔問就算喇，唔係就仲唔開心。
我都唔知點解自己咁怕聽到『對唔住』呢3個字。每次聽到後，就會諗起好多好多。跟住又會再諗下點解要講呢3個字，諗諗下就心情低落。
轉左新工之後，返工返得充實左，唔會再覺得悶。係呢間公司，最鐘意就係班炒散返工，唔知點解有佢地既出現會覺得開心d，可能熱鬧過得我地班長工啦！雖然我都仲仍然有搵緊工，不過已經無咁多喇，但轉工既心仍然存在，希望會轉到一份自己鐘意既工。
好可惜，用唔到coupon去睇大丈夫。唔知我仲有無機會睇呢套戲呢？
有樣野想講下，我個表弟王展鋒好叻仔呀，中文黙書100分。當我媽咪叫我估下佢黙書幾多分既時候，我一估就估90喇，媽咪仲話我原來咁睇好我表弟添。當然啦，一路以黎我都覺得佢係一個叻仔，只不過佢真係太醒，所以先攪到咁懶，聰明仔又點會讀唔到書丫。更何況佢而家日日返屋企都要溫書。唔知佢英文黙書又黙成點呢？
買左新衫新褲同新鞋，可以一次過著晒上身，真係開心。條褲同對鞋想買好耐架喇，點知一出去行街就買到，不過咁又用左筆喇，點算？我仲未出糧未有錢洗架。
>>October 2, 2003 at 6:01:05 PM GMT+8
2003 年 9 月 26 日 星期五 【晴】
認命吧
無緣
>>September 26, 2003 at 4:29:52 PM GMT+8
|
真正的王子是不會讓公主傷心的 令公主傷心的不是真正的王子
|
廣告 |
|
|
讀者留言 |
| 路人留言
|
 但願婆婆可以再沒煩惱，做些她覺得
>>September 27, 2010 at 1:46:40 PM GMT+8
抽倒至諗啦! 夾屋太貴唔係咁So
>>March 27, 2010 at 10:41:17 AM GMT+8
阿笑同斌仔結婚當日又唔算多野做,
>>November 24, 2009 at 2:15:52 PM GMT+8
小朋友係要慢慢教同耐性Ü
>>April 6, 2009 at 7:39:30 AM GMT+8
唔駛咁勞氣,我都覺得講多錯多~~
>>March 26, 2009 at 1:08:18 PM GMT+8
@O@"..你老細咁衰?!!
>>March 4, 2009 at 1:29:50 PM GMT+8
算啦!! 捱住先, 祝早日
>>February 23, 2009 at 3:19:16 PM GMT+8
時間過得真係快，小公主咁就兩歲，
>>December 4, 2008 at 2:36:07 PM GMT+8
知道佢個人在香港就ok, 但真係
>>September 1, 2008 at 1:23:14 PM GMT+8
好認同你個句（起碼知道佢人在香港
>>August 30, 2008 at 3:31:24 PM GMT+8
呢排我都有為肥肥而流左唔少眼淚,
>>March 3, 2008 at 5:00:44 AM GMT+8
哇...你真係好耐冇update
>>March 3, 2008 at 4:57:21 AM GMT+8
等我都祝希希快高長大、愈大愈靚、
>>January 12, 2008 at 12:11:53 PM GMT+8
莎莎,bb女好得意呀^^"上次黎
>>March 1, 2007 at 6:31:29 PM GMT+8
莎莎，我第一次係度見你講希希講得
>>February 12, 2007 at 8:30:40 AM GMT+8
恭喜晒~~辛苦晒你呀！！ 偉大的
>>December 4, 2006 at 2:16:12 PM GMT+8
我好期待你可愛的bb出世呀~我相
>>November 1, 2006 at 8:22:01 AM GMT+8
大家平時都咁照顧同咁關心你架啦~
>>October 26, 2006 at 7:33:44 AM GMT+8
沙沙~係好事黎架!! 好幸福丫!
>>June 24, 2006 at 3:56:09 AM GMT+8
你放心，我地個個都好錫你，相信任
>>June 15, 2006 at 5:09:45 AM GMT+8
佢出左院勒, 前日做左手術,
<
>>April 1, 2005 at 5:57:48 AM GMT+8
每年拜山我都會去，原因好簡單，同
>>March 29, 2005 at 4:11:45 PM GMT+8
我很喜歡你「日記主簡介」裡那段文
>>March 25, 2005 at 5:19:19 AM GMT+8
o個個waiter都唔識做既.
>>February 4, 2005 at 8:52:26 AM GMT+8
今天放假回了家無野做．
<br>
>>December 19, 2004 at 2:42:15 PM GMT+8
如果你真係唔見左銀包,
<br>
>>September 7, 2004 at 1:32:51 PM GMT+8
哎也，如果睇呢場都幾好喎真係～有
>>July 25, 2004 at 10:48:42 AM GMT+8
我都衰左呀～完全唔記得搽埋手&#
>>June 29, 2004 at 2:57:01 PM GMT+8
係咪真係黑過我先???
<br>
>>June 29, 2004 at 11:16:59 AM GMT+8
一切隨緣～別太強求自己要做到Ｄ咩
>>March 2, 2004 at 4:04:52 PM GMT+8
放心!!!!
<br>總有一日可
>>February 18, 2004 at 2:10:32 PM GMT+8
新年快樂!!!!!
<br>你舊
>>January 23, 2004 at 5:29:54 AM GMT+8
莎莎﹐食飯那晚唔你個個都係傻婆呀
>>September 2, 2003 at 11:55:33 AM GMT+8
哈～都唔可以咁講既～一Ｄ你越ｃａ
>>July 19, 2003 at 4:16:48 PM GMT+8
之前d人都唔算遲發現勒,我仲遲呀
>>May 23, 2003 at 3:10:00 PM GMT+8
我今日先發現到呀﹐都唔係好遲姐呵
>>May 20, 2003 at 5:00:03 AM GMT+8
喂~~~~我都發現到喇!!
<b
>>May 19, 2003 at 7:22:10 PM GMT+8
嘿嘿..
<br>我發現左了..
>>May 17, 2003 at 10:57:30 AM GMT+8
原來你開左個日記係度呀．．我今日
>>March 14, 2003 at 5:22:32 PM GMT+8
妳夠彊喎莎莎....原來開左個日
>>March 8, 2003 at 3:38:20 PM GMT+8
終於都可以睇返你日記,我等左好耐
>>March 2, 2003 at 12:50:29 PM GMT+8
|
|
早幾日放假去左睇『豪情』，呢套野真係幾得下，想睇既快 d 去睇啦。等你地睇完返黎可以一齊講下劇情，而家又唔俾我講喎。我都真係睇左幾多套戲，我又睇左『咒樂園』又睇埋『瘋狂初戀』，我仲覺得自己會好快咁睇埋『22世紀』。