2005 年 8 月 17 日 星期三 【晴】

鋒鋒終於都出左院喇，唔知佢開心返未呢？見到一個平時之之喳喳既小朋友變得唔啋我地，真係替佢擔心，呢個仲要係鋒鋒黎添就更加感覺怪怪的。總之佢而家出左院食到野講到野就得喇，至少佢唔會唔食野先啦，而又(應該)醫好左佢既睡眠X息先啦。

其實本身唔係咁想出去玩住，有d玩到悶戀家呀。但係心都係野既，有希客撩到好難拒絕既，就睇下聽日約得齊唔齊腳啦，哈！

Beams Boy X Porter究竟買定唔買好呢？？有7折好抵但買個帆布袋要成千銀又好似有點兒那個喎。

>>August 18, 2005 at 8:07:44 PM GMT+8

2005 年 8 月 13 日 星期六 【晴】

請左2日假點知最後星期一都放埋假，連放3日。星期五收工就入camp喇，今次終於唔係去梅窩，我地去左貝澳，但係好可惜呀，落雨無得去長沙果沙灘暢游，去極都去唔到長沙既。我地去左大澳呀，水龍捲再早1個鐘黎就大鑊，因為佢地坐緊船遊大澳，好彩。今次呢個camp都係果d人去啦，carol，肥溫，阿芬，司徒，志華，阿高，林峰，郭仔，janice，connie，一行11人。而家去camp唔會玩通頂喇，去到3點就會開始有人訓覺，攪攪下就成屋人都訓晒lu，換著係以前，我一定係攪住人唔比人訓果個，但係而家我都係要訓覺果個。

人大左去camp玩既野都唔同左，而家我地會買酒去玩，以前我地可以玩啤牌遊戲玩成晚。不過以前有以前好玩而家有而家既開心。當然我鐘意而家呢個玩法多d啦，因為大家乜都會玩嘛，以前遇著一d唔係人人想玩既有d人就會話唔玩，但反而大家而家又乜都肯玩喎，咁先開心。

今晚車仔實在太付6喇，好耐未試過想車仔輸波，但係今晚好唔想佢地入到波。而我又開口中喇，計之前中左利物浦果場3:1後今晚又中左henry既首名入球。不過我知道唔買先會開口中，真係買既時候就唔同晒，所以都係我身邊既人自己偷偷地買啦，當聽到我亂講既時候。

>>August 14, 2005 at 6:06:51 PM GMT+8

2005 年 8 月 6 日 星期六 【晴】

唔知點解自己對stephy係有一種好特別既感覺，但又唔知呢d係乜野。講唱歌佢又唔係話好勁好好聽，但係我就係鐘意聽佢唱歌；講靚女佢唔係唔靚但係如果搵cookies黎排我既第1位係Miki喎。或者呢d就叫做鐘意啦，無得解。

由不要離我太遠開始我就好鐘意聽到stephy獨唱既歌，每一次都覺得好好聽。就好似早幾日唱K突然間想唱返他不准我哭，唱完覺得首歌仍然係咁好聽。所以佢首話別我又係十分喜歡，當然早排既黑白照到而家既藍鞋子都係成日聽住啦。

都分開太久了
誰曾令我默許
睡不懂渴睡已減退
淚停在我心居
太累了太累了不再飛天遁地

>>August 6, 2005 at 6:56:53 PM GMT+8

2005 年 8 月 3 日 星期三 【晴】

星期二同星期三都滿足到自己，因為夜晚可以出下街唔駛咁悶。
星期二去左食buffet，貴係幾貴不過都ok啦，唔叫做好多野食但好有水準。跟住去左蘭桂坊果間俄羅斯餐廳，有得著ming飲vodak，好得意，再等齊人就過左銅鑼灣lu。
星期三就好抵咁唱左次K，50蚊1位。不過而家越黎越鐘意去唱K玩多過齋唱lu，有得成大班人去玩好似開心d咁。
今日去左打波，打完就去左家家樂食飯，因為梁其要返工嘛，順便可以去搵下佢。

>>August 4, 2005 at 5:06:51 PM GMT+8

2005 年 7 月 30 日 星期六 【晴】

尋日睇左套幾恐怖既戲『靈時3點3』，唔怕或者鐘意睇鬼片既都值得一睇架。

我放假會放到星期四，足足放左15日假，即係半個月未返過工，仲要就係放假之前已經係咁補假，1星期可能返得3日工，所以呢2個月都唔係太似返緊工，好似炒散咁，但就人工收足，哈！

>>July 31, 2005 at 6:39:09 AM GMT+8

2005 年 7 月 28 日 星期四 【晴】

5日既泰國之旅去完lu，雖然我地係跟團但係我地十足十係自由行，因為整個行程我都覺得係不停shopping不停行街搵平野，唯一似跟團既我相信係我地有去果d乜乜廠仲要就係成團得我地10個人但次次去親呢d地方話唔買最後都係買，仲要買得唔算少添。係喇，忘記左講，今次我地一行10人係包左團架，開頭同我地講話唔成團叫我地10個改早1日或遲1日，我地又唔係個個都得，所以最後永安開左團俾我地10個去，所以真係好似自由行，哈！

不過我地今次有意外，係真係交通意外，當然係好輕微啦，傷左既係我阿哥同我表哥，我表哥返到黎香港仲入埋醫院，希望佢快d好返啦，咬親條脷埋又食唔到，好慘架。

>>July 29, 2005 at 8:41:38 AM GMT+8

2005 年 7 月 22 日 星期五 【晴】

睇返自己個日記先記得唔記得話返俾大家知，我阿爺出左院喇，所以去旅行都去得放心d，玩都玩得開心d。

>>July 23, 2005 at 3:45:24 PM GMT+8

2005 年 7 月 21 日 星期四 【晴】

尋日好開心呀，終於做到夏天好鐘意既其中一個活動－－遊船河。
今次係同我班同事再加埋我2位朋友一行24人去，去之前天氣都好唔隱定，大家都幾擔心，不過我就好有信心可以去得成喇。結果我地好好彩，無俾個天玩，多謝晒呀，雨竟然係我地回程先落，係我地玩既過程仲有好溫和既太陽添。如果我岩時間既，一定會再去架，記住約我。

尋日係edward生日，祝佢生日快樂！我諗可能我係同佢講得最多次生日快樂既人黎，因為計埋呢次，已經係第3次lu，哈。我都估唔到我會撞到佢架，咁我又打左電話俾佢喎。
今日仲有，肥溫生日快樂！

>>July 22, 2005 at 4:51:16 AM GMT+8

2005 年 7 月 14 日 星期四 【晴】

尋日放工無啦啦俾人叫左出去唱K，我本身搭緊A31返屋企架，但又心思思想出去喎，所以我決定左架車去到葵興再轉地鐵出旺角。去到唱K其實唔識其他人架，不過都唔會玩唔埋既，過左個歡樂既晚上。估唔到咁快就有救生圈唱喎，真係過份地快。

黎緊有排放假lu，不過或者我呢個大假會有d好正經既野做。其實心情好矛盾，又想阿爺唔好咁辛苦，但係又真係唔捨得佢走，不過今日見到佢就好心痛。假如真係要攪呢d野我都希望可以幫下手，橫掂放開大假。如果大吉利是阿爺真係走左既，我都無心情仲走去玩啦。

講返頭先我真係好驚，明明禁左13樓，明明淨係停單數，點解會去左14樓架？？我真係驚左驚架，又得我一個人，仲要係醫院，好可怕。

>>July 15, 2005 at 5:49:59 PM GMT+8

2005 年 7 月 6 日 星期三 【晴】

平時返工明明係10點3先起身，不過今日9點就已經醒左，並唔係有邊個打黎嘈醒左我只係我要為左得到心中所愛而要9點起身者。起左身之後就要係咁打電話，要打去訂飛，雖然我未知到最後會搵邊個同我去睇，但係前提就一定要訂到有飛先得架。好彩我都係10點3打通電話成功訂飛，真開心。

有1日放假好豪氣咁食左餐150蚊既lunch，唱左100蚊既K再食左餐2百幾蚊既dinner，不過d錢都用得幾開心架，係過後先諗起原來唔覺唔覺用左咁多喎，同有錢人出街真係洗得多過人。

星期2去左大浪灣，好彩死都要去咋，雖然聽日又有人約去沙灘，但係我唔方便去唔到呢，真可惜。過2個禮拜又有得去遊船河跟住就放大假去旅行lu，唔知最後我會唔會由21號開始放假呢，哈。

>>July 7, 2005 at 5:52:52 PM GMT+8