2004 年 7 月 3 日 星期六 【晴】

哈哈哈
無意中俾我發現到呢首midi喎
唔知有無人聽得出係乜歌黎呢？
有d人一定會覺得好熟但係又未必講得出係邊首歌，慢慢諗下啦！

本身我想用『如果一打』呢首歌架，但係既然咁都俾我發現到而家呢首，無理由唔用架。

>>July 4, 2004 at 6:54:36 AM GMT+8

2004 年 7 月 1 日 星期四 【晴】

真係好唔開心，點解希臘會咁好彩架？一見到佢地入左波，真係想喊出黎。跟住呆望住個電視成分鐘，球證吹雞完場，見住個球場一舊舊白色訓晒係度，再睇落去真係會陪佢地一齊喊，所以乜都唔睇，熄電視去訓覺。到左起身，平時一定會睇新聞，今日係避開左講呢場波個part，唉.......................估唔到捷克出局仲唔開心過英格蘭，對捷克期望太高喇。但係我知道好多人都覺得好唔開心。

>>July 2, 2004 at 12:14:29 PM GMT+8

2004 年 6 月 30 日 星期三 【晴】

突然間好恨可以同某個人去唱K
不過恨下就算啦
免得又係果句『期望越大失望越大』
但係我都係想睇戲多d

>>July 1, 2004 at 2:02:57 PM GMT+8

2004 年 6 月 27 日 星期日 【晴】

唔知有人睇完封email會有乜感覺，但係如果想問我究竟我想點，我都唔知點答你。
可能係我唔應該咁執著，但係點解要拎住一點唔放都係因為唔捨得放。

算啦，呢d都係想發下up風之嘛。講返尋日，今年終於第一次去陽光海灘喇！都叫做完左個心願先啦，但係好可惜，今年可能同釣墨魚無緣，唉。當初點解會興高采烈咁話攪遊船河都係因為諗住有大家既支持，信得過大家，點知到頭來既結果係放下一個放下又一個，乜飛機好好玩咩？不過一切已經過去，玩得開心至緊要。雖然已經係咁搽防曬，但係都係衰左，曬傷左對腳，而家好紅好紅，真失敗。
Janice快d出黎見下我啦，我一定黑過你呀。

>>June 28, 2004 at 12:25:34 PM GMT+8

2004 年 6 月 25 日 星期五 【晴】

被 你 愛 著 ， 就 應 該 享 有 特 權 。

其 中 一 項 特 權 就 是 想 見 你 時 隨 時 可 以 見 到 你 。

深 夜 裏 ， 忽 然 想 見 你 ， 打 電 話 給 你 ， 說 ： 「 我 現 在 就 想 見 你 。 」

那 麼 ， 請 你 不 要 問 我 有 什 麼 急 事 ， 是 不 是 不 舒 服 ， 你 只 要 馬 上 來 見 我 就 可 以 了 。

你 匆 匆 趕 來 ， 發 覺 我 沒 什 麼 急 事 ， 我 只 是 想 見 你 ， 請 你 不 要 說 我 任 性 ， 你 應 該 欣 賞 我 的 率 直 。 曾 經 有 一 刻 ， 我 是 那 麼 渴 望 見 你 ， 以 致 我 甘 心 冒 著 被 你 拒 絕 的 危 險 ， 大 膽 提 出 要 求 ， 你 不 是 應 該 感 動 嗎 ？

我 一 個 人 走 在 喧 囂 的 街 上 ， 情 緒 低 落 ， 心 裏 瘋 狂 的 想 念 你 ， 我 打 電 話 給 你 說 ： 「 我 想 見 你 ！」

請 你 不 要 問 「 什 麼 時 候 」 ， 笨 蛋 ， 當 然 是 現 在 ， 如 果 不 是 現 在 想 見 你 ， 打 電 話 給 你 幹 什 麼 ？ 這 個 時 候 ， 希 望 你 能 說 ： 「 你 在 哪 裡 ？ 不 要 走 開 ， 我 馬 上 來 。 」

如 果 你 不 能 馬 上 來 ， 你 以 後 也 不 用 來 了 。

當 我 說 想 見 你 ， 請 不 要 問 「 為 什 麼 」 ， 如 果 你 願 意 來 ， 不 用 問 為 什 麼 ， 你 不 願 意 來 ， 又 為 什 麼 要 問 ？

>>June 26, 2004 at 2:38:25 PM GMT+8

2004 年 6 月 25 日 星期五 【晴】

我太好人　傅珮嘉

曲：陳輝陽＠好好笑　詞：傅珮嘉　編：金培達

如果手震　震撼到忘了不幸
如果親吻　吻下去變了傷痕
我抱住壞人肉身　沒過問　這衣不稱身
我仰慕壞人熱心　要每人由愛變恨

實在太誘人　血流入大海的興奮
這快樂太傷身　到最尾成為心癮

而我太好人　情緒太安份　才能共你這麼合襯
傷害當做快感　正合我心　熱愛這份亡命感
我太好　好到再三揮霍　滿足壞人一個

如果吸引　引力會亂了心神
如果不忿　忿怒怕變了灰塵
我接受壞人劣根　要怨恨　自己的喪心
我領教壞人負心　那眼神　完美得很

而我這好人　存在太安份　才能共你這麼合襯
傷害當做快感　正合我心　熱愛這份亡命感
我太好　好到再三揮霍　滿足壞人一個

我太好　好到喪失知覺　由得壞人親我

>>June 26, 2004 at 11:16:16 AM GMT+8

2004 年 6 月 25 日 星期五 【晴】

每一次大家好開心因為奧雲有波入既同時，英格蘭都要出局，呢d係咪就係宿命呢？
同樣地，近年來每一次要用十二碼定生死，落敗都係跟住英格蘭，點解？

宿命呢家野，我好相信。

>>June 26, 2004 at 5:33:49 AM GMT+8

2004 年 6 月 19 日 星期六 【晴】

『期待你 期待愛 期望太高』
近來好鐘意聽千嬅，因為佢最近果個演唱會唱左2首從來無唱過而我又好鐘意既歌。
但係好可惜，上次去唱k都無得唱既。

>>June 20, 2004 at 8:13:56 AM GMT+8

2004 年 6 月 17 日 星期四 【晴】

恭喜恭喜，十萬個恭喜，恭喜所有英格蘭既球迷
一定好多人買中首名入球啦，咁熱門，唔買朗尼唔通買奧雲咩。
同埋真係好喇，謝拉特都入埋波。

>>June 18, 2004 at 12:27:13 PM GMT+8

2004 年 6 月 16 日 星期三 【晴】

一路我細表弟做既每一件事，全家人都會覺得佢痴線，得佢先會做。不過尋晚睇完開心大發現之後，先知原來我表弟好叻仔架。佢由細細個開始，有乜蚊叮蟲咬都要第一時間拎膠布去痴住佢，有時可能只係得一點細到你唔認真咁行近去望都望唔到既點，都係要用膠布。大家對佢呢個行為只係覺得好可笑，不過一塊膠布又唔係貴，而唔俾佢佢又會發皮4，所以次次都會俾佢。估唔到原來呢個行為係真係可以止癢架喎，等我仲當左佢傻仔咁耐添，哈哈。

>>June 17, 2004 at 12:55:47 PM GMT+8