2005 年 6 月 6 日 星期一 【晴】

司徒華輝生日快樂！
好在司徒人緣都唔錯，佢既號召力都能夠叫到好耐唔見既朋友出黎，唔係有d人就有排都唔會見。

今日去整頭果時睇雜誌，睇到千嬅既專訪覺得佢講得好岩架。享受單身唔等於唔想拍拖，唔係鐘意單身就等於對愛情無信心，只係唔會再強求任何野。做人無慾無求咪幾好，起碼唔會因為有期望而失望丫。

>>June 7, 2005 at 5:13:14 PM GMT+8

2005 年 6 月 5 日 星期日 【晴】

早幾日返工我覺得自己好似乜都無做過就話收工，收工既時間只係晚上8時半，真係太開心，所以都要珍惜呢個機會，走左出去食宵夜。

郭富城演唱會我都有去睇呀，真係唔錯架，如果以前係佢fan屎就更加會覺得好睇。

好多地方都想去，但係得自己一個又好似好白痴咁，始終香港係好細架，撞到人我怕俾人歧視架，不過離開香港我就接受到喇，所以要我自己一個去旅行我覺得係可行架，而我仲會好享受得自己一個果幾日時間添。有時可能係香港都會成5-6日無朋友搵過我，但係如果連自己都唔係香港咯，就連由我打電話俾其他人既藉口都可以無埋，個人都變得無咁多野諗啦。

睇返原來上個月用左成9千蚊喎，邊有咁大洗架！

>>June 6, 2005 at 4:15:43 PM GMT+8

2005 年 5 月 29 日 星期日 【晴】

前2日我竟然做左樣第1次既事..........就係唔知醒返工，仲要訓到12點同事打黎我先起身，真係大大鑊。雖然前一晚係去左食宵夜，但係其實就無關係啦。事緣我食完宵夜返屋企之後，因為新屎坑既關係，又上網搵得意既mp3鈴聲，又搵game dl，所以攪下攪下，睇下睇下就成4點先訓喇，同埋唔知點解可能真係好累，個朝好好訓，連鬧鐘響左都聽唔到(因為义電所以電話唔係身邊)。

究竟我有無做錯呢？？心軟係我既致命傷。

方力申既合唱歌『自欺欺人』同『我們不是朋友』............good
『好走』都唔錯

>>May 30, 2005 at 6:06:46 PM GMT+8

2005 年 5 月 25 日 星期三 【晴】

有時候，你很想念一個人，但你不會打電話給他。打電話給他，不知道說甚麼好，還是不打比較好。
想念一個人，不一定要聽到他的聲音。聽到了他的聲音，也許就是另一回事。 想像中的一切，往往比現實稍微美好一點。想念中的那個人，也比現實稍微溫暖一點。思念好像是很遙遠的一回事， 有時卻偏偏比現實親近一點。

愛火，還是不應該重燃的。重燃了，從前那些美麗的回憶也會化為烏有。如果我們沒有重聚，也許我會帶著他深深的思念活著，直到肉體衰朽；可是，這一刻，我卻恨他。所有的美好日子，已經遠遠一去不回了

如果你開心和悲傷的時候，首先想到的，都是同一個人，那就最完美， 如果開心的時候和悲傷的時候，首先想到的，不是同一個人，我勸你應該選擇你想和她共度悲傷時刻的那一個，人生本來是苦多於樂.你的開心，有太多人可以和你分享，不一定要是情人，如果日子過得快樂,自己一人也很好，悲傷，卻不是很多人可以和你分擔。 你願意把悲傷告訴他，他才是你最想親近和珍惜的人

>>May 26, 2005 at 4:55:24 PM GMT+8

2005 年 5 月 25 日 星期三 【晴】

今日真係好開心，心情好興奮，都係因為利物浦。
好叻呀，終於等到喇。利物浦真係好奇怪，無論上半場攪成點，下半場一出黎就成隊脫胎換骨。好似今場明明輸左3粒好似無乜希望，當然我認為係追得返既，唔係就走去訓覺好過，最後都可以入返3粒。

利物浦我永遠都會記住2005年5月26日你所帶俾我既快樂！

>>May 26, 2005 at 4:25:13 PM GMT+8

2005 年 5 月 23 日 星期一 【晴】

周佩玲生日快樂！

今日先知道原來哥哥已經步入左結婚既階段，呢d野仲竟然係由姑姐口中得知添。乜原來雙方家長見過面飲過茶同埋2個姑姐都見過，好在都叫做已經知道咋，唔係要到一切有晒決定先知就真係有點兒那個喇。

好在我唔係話見到人地行到人生一個好重要既階段---結婚，而會覺得自己好失敗果d人咋，唔係我一定成日都唔開心啦，身邊唔熟果d都唔話結婚既。講到尾我都仲憧憬緊自己可以係30歲前生BB既，最主要都係唔想隔太遠怕有代溝者。不過我既終生伴侶唔知死左去邊..............

>>May 24, 2005 at 4:11:56 PM GMT+8

2005 年 5 月 21 日 星期六 【晴】

尋日21號coca生日快樂
今日22號阿笑生日快樂

過埋今日，我希望件事真係可以了結到，唔想再有第唔知幾多次出現。人地把口話會改，咪聽完就算囉，無話信唔信架，信又點唔信又點丫，時間一定會係最好既證明。不過竟然講起2個仔女我真係好擔心仲想喊添，或者我真係好怕佢地媽咪又再次話唔要佢地啦。

咁樣原來今年已經生左23次日，係我第24次生日既時候，我要過得特別d (呢個係今日既突發奇想)。

>>May 23, 2005 at 6:00:58 PM GMT+8

2005 年 5 月 19 日 星期四 【晴】

我諗我又皮膚敏感喇
因為塊面又紅又多粒粒同埋有時都幾痕
唉...............再過多幾日睇下點先，唔想又去睇醫生呀！

>>May 20, 2005 at 6:37:38 PM GMT+8

2005 年 5 月 18 日 星期三 【晴】

前日見住個太陽大大個咁係咁發光，所以就決定尋日去暢泳啦。都叫做好彩架喇，起碼我地有見過個太陽先，雖然游游下太陽伯伯就失左蹤，但係都無落雨先。今次既目的地係半月灣，原來上年無去過喎，仲以為自己年年都有去添。尋日游完水(係玩完水咋)今日我既手手腳腳就好酸軟，只怪自己平時唔做運動啦。

尋日係芬姐生日，聽日係其姐生日，祝2位生日快樂！！

芬姐真係變左喇，以前明明好豪氣杯杯清架，尋晚佢竟然賴皮喎，哼........生日唔係大晒架。

>>May 19, 2005 at 7:53:38 AM GMT+8

2005 年 5 月 15 日 星期日 【晴】

尋日第1次同班同事出去反，大家去左唱K。明明係話farewell但最後變左慶祝生日喎，因為farewell既主角話唔出，好彩最後都叫做有個目的為乜而出去咋。同佢地出去玩係比我預期有出入，我曾經擔心佢地成班會係不醉無歸果d，點知原來唔係既。

>>May 16, 2005 at 4:52:45 PM GMT+8