2008 年 6 月 3 日 星期二 【晴】

經過2日俾病魔既折磨，今日我終於回復原貌，yeah！！時間岩岩好，因為今晚要湊小公主返屋企，聽日佢要打歲半針呀，唔知佢今次怕唔怕呢？？哈哈，如無意外，小公主唔係怕打針而係怕見到支針。不過我一定會帶定佢近來至愛~~提子乾俾佢，因為呢個小朋友有得食就好容易收聲。

>>June 4, 2008 at 1:26:54 AM GMT+8

2008 年 6 月 2 日 星期一 【晴】

尋日我竟然感冒，所以早幾個字就離開公司跟住返去我媽咪屋企就食返粒藥先。到食飯果時飲湯飲到好熱出左身汗，個人當堂舒服晒。但返到屋企越坐越攰，所以又食粒藥就走左去訓覺lu。呢一覺十分好，由開頭覺得好凍到訓到出左身汗，都唔係太耐，跟住我就一路訓訓到今朝起身返工喇！！

其實我已經唔係第1次係咁，無啦啦感冒發燒但無傷風咳，所以我知道只要食粒藥訓一覺第2朝我就會好返。

>>June 3, 2008 at 1:11:32 AM GMT+8

2008 年 5 月 28 日 星期三 【晴】

今天收到一個sms，唔係咁開心，我唔明白點解要咁樣先？？就係為左唔想聽到d自己聽完會覺得唔開心既野就寧願放棄個朋友？！但人地既明明係開心野黎喎，只係當時人思想太灰啫，隔左咁耐都仲未放得開。但另一方面都覺得開心架，起碼我收到呢個sms，可以俾我去解釋或者澄清一番嘛，多謝你。

>>May 29, 2008 at 4:41:19 AM GMT+8

2008 年 5 月 25 日 星期日 【晴】

剛過去既星期五六日都好充實，日日都做左唔同既野。
首先星期五去左荃新天地既一間日本品牌餐廳食意大利野，呢間野d野食都幾好味，但係份量真係太少喇，所以唔係今次阿笑生日話想食下呢間而我地又有半價coupon都唔想再食呀！
到星期六，早上同小公主返playgroup，小公主依然係需要warm up先投入到去玩，希望下次會warm up再短d時間啦。跟住本身想出葵芳睇combi bb鞋，點知小公主返到屋企唔訓覺，要玩到我地出去食下午茶先訓，咁所以又無去到葵芳喇！又到左5-6點小公主又再訓覺仲訓到7點幾添，所以起身又要出街啦，因為約左一大班朋友食飯，去左北京人家，佢既野食普通啦，唔會話好食到想下次再食囉。咁岩司徒夫婦結婚大日子既dvd出左世，所以食飽飽大家都上左我屋企一齊回味下果日既趣事喇！
黎到星期日喇，一早plan左去夏水禮，點知天公不造美無得去，最後去開愉景新城行街所以就上左細姑姐屋企打 wii 喇。其實 wii 都係麻麻，不過成班人一齊玩就好好玩，但係如果自己玩我諗應該會覺得悶d。晚餐又中招，跟左佢地去街市食，熱死人喇，仲熱到小公主好唔鐘意，想快d走添。

>>May 26, 2008 at 1:30:56 AM GMT+8

2008 年 5 月 22 日 星期四 【晴】

呢個科技發達既世界，由我地呢個遠古就有既網上日記已經申展到現今世界既blog。但我從來無諗過要由呢個網上日記搬家去寫blog，因為呢個日記實在有太多回憶喇。大家可以睇下，原來我係由03年3月1日開始，係呢個showhappy.net展開我網上日記既生涯。不經不覺已經5年喇，唔怪得之前有個朋友話我同佢影果張相應該都5年前影既時候，我仲唔係咁相信啦，因為.........乜我同佢識左唔止5年喇，真係唔覺。但睇返呢個日記，我就知道原來我地真係識左咁耐lu。
之前未有野做無聊果時，我都有由最舊果篇開始睇返上黎，跟住先抅返起我既零丁回憶，所以如果連呢個record都無埋，我好多野都已經唔記得喇！

>>May 23, 2008 at 1:48:13 AM GMT+8

2008 年 5 月 21 日 星期三 【晴】

好耐都未試過睇波睇到天光喇，尋晚既歐聯決賽，雖然興趣不大，但既然可以有精神去睇，話晒都叫決賽嘛，咪睇囉！其實都幾峰迴路轉，2隊都好似會贏，最後竟然係因為泰利比個場跣射失左12碼，個運就返左去曼聯道，仲拎埋個歐聯冠軍添！！

另外尋晚成13人出左去食飯，為左周佩玲生日，仲第1次係機場買蛋糕食添。食過幾間cake shop既tiramisu始終都係舊公司既好味，尋日買過俾佢地試之後，講左下次要買個NewYork Cheese Cake俾大家食，無問題，包係我(老公)身上啦，哈哈哈！成晚食飯我地好嘈，人多係咁架啦。同埋好好笑，笑邊個就唔好講喇，免得越黎越多人一齊笑啦，係咪先？！明明個雪櫃識自動製冰係一件好普通同正常既事，點解可以講到笑死人架，真係唔明白，但因為咁好開心，多謝你喎！

上網見到有人話買到迷你珍寶珠，好想見識下，點知尋日返返下工無聊咪出去搵下有無，又搵唔到。不過今日俾我係7仔見到，真係好開心，都唔知買1包定2包好，咪買2包囉。

>>May 22, 2008 at 6:50:03 AM GMT+8

2008 年 5 月 18 日 星期日 【晴】

終於知道點解會地震
中國地震局：汶川地震是印度板塊向亞洲板塊俯衝，造成青藏高原快速隆升所致

>>May 19, 2008 at 3:57:07 AM GMT+8

2008 年 5 月 18 日 星期日 【晴】

星期六小公主第1次返playgroup，都幾好丫。
星期日去左尖沙咀，海港城有個嬰兒用品展，見到hallmark咪行去睇下抵唔抵買囉，d衫又真係幾靚喎。係我睇緊衫既時候，老公突然同我講『買多幾件啦，當捐錢之嘛』。原來hallmark會將果日既收入拎出黎捐去四川，最後我地買左五百幾蚊衫+褲走，全部都係hallmark。平時如果你要我係佢間鋪買衫真係唔會，因為覺得偏貴，而家咁様買左8件又ok抵喎！
林諾希今個夏季已經結束入貨。即係唔會再1次過咁咁多件啫。

>>May 19, 2008 at 3:30:47 AM GMT+8

2008 年 5 月 15 日 星期四 【晴】

已經報左個所謂既行政人員乜乜證書課程，有張野係手第時搵工都方便d啦。會係7月x日(唔記得邊日)起，逄星期二返學，好在都係返奧運站，唔駛過海啫。不過可以過海返又有好處既，可以過下去嘛，而家好日都唔出城。邊個有興趣就一齊報啦，係HKMA黎架咋，好似係21/7開課。真係想知就打黎問我啦！

>>May 16, 2008 at 8:13:31 AM GMT+8

2008 年 5 月 15 日 星期四 【晴】

話咁快又星期五啦，又可以放2日假，雖然星期六日對我黎講都唔叫做休息日，因為我要睇住小公主，但係可以湊住佢同佢玩或者帶佢出街，我既心靈都已經休息左喇。今個星期六會帶小公主返playgroup，唔知佢表現如何呢？星期日就可能去買衫，但未firm。因為呢個星期六日老公都off可以一齊去街街，真好。

黎緊又係生日週，接2連3既朋友生日，真係太忙喇！不過，因為而家自己既角色已經變左，唔再係一個人，係有一個家庭，所以好多時朋友既聚會都無得出席。但好多時如果朋友既聚會係想我去或者想我帶埋小公主出去，佢地都會就返我，咁呢d朋友相對地都見多好多。

人生在世真係有得必有失，我就得到1個家庭，其實就失左某d朋友，不過我唔會諗咁多，朋友呢家野睇緣份既，加上佢地未到我呢個階段者。

>>May 16, 2008 at 2:59:30 AM GMT+8