2008 年 10 月 26 日 星期日 【晴】

我家女兒今天返學喇，首先1星期返5日每日1小時。習慣後就可以1星期返5日每日2.5小時。小公主加油呀，要叻叻快d適應到呀！

>>October 27, 2008 at 8:42:59 AM GMT+8

2008 年 10 月 25 日 星期六 【晴】

星期六，我地成班走左上janice屋企，因為愷軒已經滿月可以去街街，所以佢媽咪要去睇下心心呀！！果日阿柴仲帶埋桐桐+蕎蕎出黎，所以janice屋企有好多小朋友呀。愷軒，穎心，希希，蕎蕎同桐桐，再加埋我地，周佩玲，阿笑同斌仔，好熱鬧啊，可以想像愷軒同穎心再大d果時我地會有幾熱鬧呢？哈哈！跟住我一家，carol一家，阿笑同斌仔去左食dinner，我地都好勁下，由六點幾食到九點幾呢，去左panda樓下既常滿打邊爐但仲有點心食喎。

呢個星期日，daddy都放假，不過係因為下星期成個星期佢都無假放，今日放左先咋。但我地無話去邊，因為尋日已經由3點幾出街出到成10點，所以留左係屋企，睇下dvd，同希希玩下就過左1日lu。

>>October 27, 2008 at 2:08:06 AM GMT+8

2008 年 10 月 23 日 星期四 【晴】

近來我諗已經被新來的會計阿姐激親，所以心情不太平伏，所以尋日EQ低左，係希希面前話左佢婆婆幾句。

事緣尋日放工唔返婆婆屋企食飯，點知係街就見到希希同婆婆喎，咁我又唔趕時間既，咪同佢地一齊行囉。跟住我同希希玩啦，我捉下佢隻手仔，佢縮開(其實呢個動作佢成日都咁玩)。同時間我就同佢地一齊等埋我家姐，佢地就上姑姐屋企食飯。我家姐到左佢抱住希希，佢又同希希玩，今次佢掂希希個身，咁希希咪又縮開唔俾佢掂囉，跟住我就同我家姐講『係呀，我岩岩同佢玩捉佢隻手佢都縮開』。點知婆婆插嘴話『佢(指希希)驚佢阿媽帶佢走嘛』。其實呢樣野我已經忍左好耐，尋日終於忍唔住所以我話『你知唔知你成日咁樣講好影響佢(希希)架？』我媽當然唔會有任何反應，跟住佢地都到姑姐樓下，我家姐咪叫希希錫錫媽咪跟住我地就分別左喇。大家放心，我會就婆婆的，只係忍唔住先咁話左佢咋，大家應該都知道好多野我都得過且過架啦。

我相信佢地真係唔會覺得佢地所講既每1句說話都影響緊小朋友，我知個孫痴佢佢好開心好自豪，但我知道我個囡都好痴住，只係佢對住我會怕我，所以有咩事都搵個就晒佢既先。

講了解小朋友，我相信我都數一數二架。因為本身自己鐘意研究小朋友諗乜，話晒最想讀既都係兒童心理學嘛。

>>October 24, 2008 at 1:19:27 AM GMT+8

2008 年 10 月 22 日 星期三 【晴】

之前提及的會計同事，我已經進化到同佢no talking既階段，我實在接受唔到+忍受唔到佢所做既野。所以我有個希望，希望呢位同事對佢既工作快d上晒手，咁我就可以安安樂樂，唔知再過多2星期得唔得呢？？希望個希望會成真啦！

>>October 23, 2008 at 1:14:50 AM GMT+8

2008 年 10 月 20 日 星期一 【晴】

今晚約左一班ive同學出去食飯，除左平時約開既coca，tony，ely同eunice之外，今次仲多左阿欣。嘩，真係好耐好耐無見過阿欣喇，當然大家見到都唔會陌生啦，仍然係好開心咁嘻哈大笑。仲有不變既eunice啦，佢真係令我同tony發笑，哈哈。又過了一個很愉快的晚上，多謝大家，下次再笑。

>>October 23, 2008 at 1:17:56 AM GMT+8

2008 年 10 月 20 日 星期一 【晴】

之前滿心歡喜諗住公司請過a/c返黎我就正喇，做少好多野，點知原來遇著個問題多多意見又多多既阿姐，噢....今次真係oh my god喇！！連日黎呢位會計同事已經問左我好多好多問題，如『公司有無打字機』『公司有無影印機』『有無auditor電話』『點解d信封無公司logo』『做乜唔雙面影印要用手自己反轉張紙』..............仲有好多好多，如果佢只係問完，我答完佢就滿足放過我，我都唔介意，因為新入職多問題係好正常，但佢永遠都會係我個答案後加上意見。大佬呀，意見呢d野唔係我地呢d小職員俾架，公司點行點走咪跟返住囉，做乜要呢樣又話可以點點點，果樣又話可以咁咁咁。就好似信封無公司logo咁，無咪無囉，我地公司好細架咋，無logo其實好正常，但會計同事就又提議整個原子印，唉呀.....無logo左都咁耐啦，公司都唔介意佢做乜要介意呢d野喎，到最後佢咪又係自己寫個回郵地址係信封上，咁咪解決左囉，唔需要咁多意見既。

>>October 21, 2008 at 4:00:51 AM GMT+8

2008 年 10 月 16 日 星期四 【晴】

今天公司黎左個新同事，呢位同事係a/c+admin，咁我既工作量咪會仲少？？我公司真係好得意。而家又請個a/c+admin返黎。咁佢會唔會keep住我呢個跑腿呢？？我又覺得會喎！因為做得a/c+admin點會預要出街外勤呢。不過一切都仲係未知之數，我只希望繼續有人工收有份工，希望我既估計無錯啦，公司仍然會keep住我做跑腿，哈哈！

>>October 17, 2008 at 1:42:19 AM GMT+8

2008 年 10 月 15 日 星期三 【晴】

之前申請東亞信用咭，拎左8張UA戲飛，尋日終於用埋最後果2張。本身想睇保持通話，但係旺角真係好旺，得返最前果幾行先有位，所以睇第2套，睇左晝皮，都幾好睇喎。

尋日知道左件都好驚訝既事，唔怪得失蹤左咁耐啦。真係係到要奉勸大家，唔好1個人去賭場呀，真係會俾人當目標夾返黎屈你屋企人錢架，好恐怖，又連累埋d親戚，小心小心。

>>October 16, 2008 at 6:33:28 AM GMT+8

2008 年 10 月 12 日 星期日 【晴】

星期六日，2日都去左睇西公主，但好可惜既係，我個寶貝女唔俾我抱西公主呢？點解，係咪真係呷醋？但係半個月前又可以抱司徒囝既？好多好多唔明白，不過鬼叫係我個寶貝唔俾咩，都要順佢意架啦！

星期六就約左周佩玲，陳娜，阿柴，阿笑同斌仔，先去carol到再去janice到。呢日仲知道左件喜事，真係恭喜晒，乜都決定晒就最好，同埋至緊要有蟹鉗食呀，陳娜期待你wedding呀！！

星期日就痴住肥溫同阿鼻再上多次去睇西公主，因為我見大家都好耐無見過喇！

>>October 13, 2008 at 4:50:52 AM GMT+8

2008 年 10 月 11 日 星期六 【晴】

我相信只要你遇到對的人，你就會自自然然知道呢個就係。因為你對住佢會覺得好舒服，唔會有負面既感覺出現， 有時可能會覺得有點煩，但煩過後好快又乜事都無。但反相一生人亦會有個你覺得好重要既人出現，但重要還重要，始終都唔會係你要搵既人。正如我呢個日記旁邊果句說話『真正的王子是不會讓公主傷心的，讓公主傷心的不是真正的王子』多數你覺得重要既人往往都係令到你傷心既人，但真正的王子出現後，你就會知道邊個先係真正的王子。如果你能夠搵到一個你覺得好重要既人而又唔會令你傷心既，恭喜晒，因為我都想自己有呢個結局。不過一切都唔重要lu，因為我相信我個王子係唔會俾公主傷心既，嘻嘻！！

>>October 12, 2008 at 6:43:52 AM GMT+8