2008 年 5 月 13 日 星期二 【晴】

四川地震，等我如果行過都捐返d錢先。大家都記得行過就捐下喇，又唔駛你特登去記住d acc no.，又唔駛做d乜，只係行過咁順路就入返小小錢俾四川啦！我相信應該香港周圍邊區都會有捐款箱。

>>May 14, 2008 at 2:51:15 AM GMT+8

2008 年 5 月 12 日 星期一 【晴】

尋日第1次帶小公主入急症，真係嚇死我，好在小事黎啫，無傷到眼角膜。詳情可以去小公主blog睇 http://hk.myblog.yahoo.com/nokheilam 。呢個小妹妹真係成日都好唔小心架，行路行到跑咁，又易跌到，唔知今次佢呢一跌會唔會拎佢加倍小心行路？不過佢咁細個我都預左佢唔記得架喇！

到今日我因為未見到活潑可愛既小公主，所以都仲係好擔心佢。不過當見到小公主之後，自然就會好放心，因為佢仍然係玩玩玩好開心咁玩，尋晚睇醫生果時已經係咁。

>>May 13, 2008 at 4:04:39 AM GMT+8

2008 年 5 月 11 日 星期日 【晴】

嘩，終於都忙完喇，上個星期唔係去飲就係生日，日日都唔得閒。

係到要恭喜返司徒夫婦，白頭到老，永結同心。永遠都恩恩愛愛，和和睦睦。仲有『司徒涼』就肥肥白白，健健康康。

哈哈，我真係好鐘意司徒夫婦個小王子叫做『良良』呀！！其實真係好有意思同幾好聽丫，不如你地2個就同小王子改個名叫『司徒良』啦，又夠特別，用單字幾型呀。同埋我唔會收返你改名錢架，放心放心。

我好似成日都影好多相咁，d朋友結婚進場前果段片，唔知點解(上次janice又係)差唔多張張都有我，今次carol又係。哈哈，又或者證明我由頭到尾(中學時期到而家)都keep住同佢地成日見啦，咁要繼續努力keep住先得。

下次唔知邊個結婚呢？？我好想去做一個參加婚宴既賓客。司徒夫婦結婚果晚，我見到佢地其他既朋友，好開心咁係咁用自己部digi黎影相，我諗諗下，我好似未試過咁樣。次次我都係做姊妹，無乜時間做呢d無聊又開心既事。唔知下次我係咪可以只係做一位賓客呢？不過應該係。

>>May 12, 2008 at 6:37:46 AM GMT+8

2008 年 5 月 6 日 星期二 【晴】

尋日係我哥哥既大日子part 1，去左尖沙咀E甸園註冊，part 2要等下年3月喇！
我發現原來我哥哥既中學同學，尋日有黎果d，我係全部都識(知係邊個打邊個)，而佢地都係全部都認得我架。當然有部份到而家都仲成日見啦，因為祈德尊係佢地雀友聚腳地嘛。但另外果d，差唔多都係我讀中四果年既學生會既人，原來都同我哥哥ok fd，註冊都會黎睇丫。

見到好耐無見既朋友果種心情真係好開心，雖然呢班人同我一d都唔熟，但只要見到面仲認得大家已經好滿足啦。

仲有，尋日我呢生人第1次接觸到99支玫瑰花，真係好大好靚，但對於我呢d最怕拎同收花既人黎講，幾靚都係假，因為幫佢地拎返屋企果時，真係重到我寧願拎其他重野。

>>May 7, 2008 at 2:02:59 AM GMT+8

2008 年 5 月 4 日 星期日 【晴】

尋日老公放假，因為我放星期六日，所以佢多數都會放返是但一日，真開心，呵呵！！
尋日我地因為前一日行過萬景峰見佢有免費車去奧海城，雖然都知無野好行，但免費嘛，咪去下囉。點知真係超級無野行，不過同埋希希一齊去，無乜野行仲好，唔係佢又攪攪震。跟住行左一圈再食埋個TEA，就趕住搭返架免費車返荃灣。不過結論係，如果星期六日或假期唔知食乜好，都可以坐一轉去奧海城食餐飯架！

>>May 5, 2008 at 3:19:55 AM GMT+8

2008 年 5 月 1 日 星期四 【晴】

嘩......我老公個舊同學好勁呀，生左個8磅幾既囡囡出黎，一定好得意又肥do do好可愛，好想去見下呢d baby呀，哈哈！！

我都唔明點解希希可以咁熱情架，成日都因為佢太過熱情而嚇親其他小朋友，連大過佢既3-5歲既哥哥姐姐明明開頭想撩佢到最後變左怕佢。不過對我地黎講，有一個咁樣既小朋友都好過佢唔同人玩，唔啋人同唔出聲既。

facebook真係一大發明，本身以為自己唔會再同班小學同學有接觸，點知就係facebook，攪到大家可以有返contect，仲唔講都唔知，原來有個小學都幾熟既同學，而家係硬照model，仲上網就可以seach到佢既相睇添。今日返工仲俾我係咁搵，都又真係搵到幾多相睇喎，哈！

>>May 2, 2008 at 8:13:22 AM GMT+8

2008 年 4 月 29 日 星期二 【晴】

下星期五就做姊妹喇，好似乜都未攪掂添，原來我地上次出過去1次之後，時間可能都隔得幾耐，加上上次都只係draft左玩乜game，其實係未講次序，同埋每個game係點樣玩。不過因為姊妹都係得6個人，所以我地決定左自己幾個解決左佢，所以星期六要出黎組織一次，今次真係final confirm喇！

講開未sure點玩兄弟，其實我仲未請假架，哈哈！！不過幾時請都一定放到架啦，同埋又唔係假係扣我錢既，本身想今日請架，點知老闆無返喎，咁唯有等星期五先啦。

今日問一問司徒攪成點有乜要幫手，點知佢真係答我『有』喎，以為乜事啦，原來係請得太多人，多過酒樓話最多可以擺既圍數。本身佢地話15，點知加加下加到18，最後編位既時候先發現有成21圍，嘩.....佢地已經真係唔係人人請，有d我覺得可以請既都無請，咁都攪到21圍咁多，如果佢地真係好認真咁攪，會唔會擺成50圍架！！希望酒樓果邊可以俾佢地擺到21圍啦，唔係真係要我地班兄弟姊妹出去打邊爐？？？但我點都要食到炸蟹鉗架！！

>>April 30, 2008 at 4:01:13 AM GMT+8

2008 年 4 月 24 日 星期四 【晴】

話說上一篇先講緊覺得自己幸運，今日又想講多樣幸運野。

唔係身邊咁多朋友陀緊BB，睇住佢地每個人都有唔同既辛苦事，我都唔知原來果時希希係對我咁好既，所以媽咪而家都好踢你同愛你囉。

我相都無乜邊個會好似我咁好彩陀BB陀得咁風平浪靜架喇！人地個d個個都話頭3個月會成日嘔，我無。又話照到BB可能點點點或者無重到，我咪係一開始因為自己任何鐵質既野都唔食，攪到以為有『地中海貧血』，原來只係『缺鐵性貧血』，仲只係關我事唔關bb事，但就要食返多d鐵質，之後都無咩事啦。次次照超聲波，醫生都係話『BB好健康，重得好好』，我以為呢d係正常既，但原來真係會照到BB可能有問題架(touch wood)如果有事。

所以陀希希原來係一件咁容易既事，唔怪得我可以咁輕鬆，心情咁開朗啦！我諗我都係過唔到陀bb要接受既果d辛苦同擔心架喇！

>>April 25, 2008 at 8:46:04 AM GMT+8

2008 年 4 月 22 日 星期二 【晴】

尋日捉左老公，媽咪同家姐一齊入海濱睇下d租盤，真係睇過就知自己要乜。
入到海濱開始睇樓，一d ok既感覺都無，可能唔應該搵樂悠居比較啦，租又貴，要成7-8千，咁既價錢真係無晒心機睇。一路睇就一路對海濱失望，每座lobby都無開冷氣想熱死人，最幣既係唔止望住鄰居，係大家可以共用花曹，放乜出去隔離屋都可以拎左你。

算，唔住就唔好彈太多。

所以最後通知大家，我唔搬喇，住返樂悠居。
暫時黎講我覺得自己真係幾好運，由細到大唔再講太多，淨係講而家，連租樓住都遇到個好業主，真係無野要講，呵呵！幸運唔好遠離我呀！！

>>April 23, 2008 at 4:17:04 AM GMT+8

2008 年 4 月 20 日 星期日 【晴】

話咁快就第2個星期返工喇，我返工做得最多既係私人野，好似上網，MSN，打日記，搵樓(租/買)，睇yahoo拍賣..........其實我返9-6，但係真正既工作時間可能1日最多得3粒鐘，係我呢個階段，呢份工真係無搵錯呀！準時收工(做到)，1星期返5日(做到)，工作量少又無壓力(做到)，人工唔錯(無文職經驗黎講叫好好)。悶就一定會悶喇，但份工唔悶又邊可以準時收工呢？？

我又upload返小公主個blog喇，由而家開始我又要好好咁記低小公主既任何事，等佢大個可以睇返，我又有返d回憶先。

>>April 21, 2008 at 7:08:01 AM GMT+8