2008 年 9 月 11 日 星期四 【晴】

近來又喜歡上聽歌，但唔係聽最新既歌，係聽返d好有感覺既歌。
因為無記又做返初哥哥，令到我又聽到首耳熟能詳既感動歌，就激法左我去搵返d好想聽既歌放返入部電話到。而家連返工既唔夠半個鐘，我都會開歌黎聽。

熱播中：背叛，好眼淚壞眼淚，愛不疚，沿海公路的出口。仲有梁靜茹+張韶涵。

我曾認真 深愛著一個人
他給我幸福 的可能
我等我問 未來何時發生
他只是給我一個吻

快樂我哭 是因為你的手
曾答應帶我向前走
難過我哭 是因為我的手
找不到你說的 以後
好眼淚 壞眼淚 我都曾為你流
感動和悲傷都是理由
只不過 在你不再愛我了以後
剩壞的眼淚慢慢流

快樂我哭 是因為我付出
得到你溫柔的答覆
難過我哭 是因為我認輸
你的心永遠留不住

好眼淚 壞眼淚 我都曾為你流
感動和悲傷都是理由
只希望 在我不再想你了之後
有好的眼淚慢慢流

好眼淚 壞眼淚 我都曾為你流
感動和悲傷都是理由
只希望 在我不再想你了之後
有好的眼淚慢慢流

有好的笑容陪著我

最鐘意最後呢句『有好的笑容陪著我』

>>September 12, 2008 at 4:18:35 AM GMT+8

2008 年 9 月 10 日 星期三 【晴】

心底既謎終於都打開喇，結果係預期之內，好開心好開心！雖然唔係當時人親口主動話我知，但係我知道佢係無呢個機會，明明就造左個機會俾大家，點知呢個又跟出黎果個又叫埋哩個出黎咁。Anyway，乜都唔重要，只要知道個結果就可以了，我份人就係咁。所以真係有d嬲or慶架，我又無迫你講係定唔係，就死都唔肯講，所以我都放棄lu。其實我就一早估到，怕朋友守口係好，但係我又無叫你講乜事，只係想知佢有無同你keep住聯絡之嘛，就方死人地會進一步迫你講野咁，哼.........

恭喜晒恭喜晒！！小心身子喇，同保持心境開朗。

>>September 11, 2008 at 1:08:03 AM GMT+8

2008 年 9 月 8 日 星期一 【晴】

噢........蘇樺偉因為起步遲左失去了100米的一面金牌而落淚！！

唔緊要，係200同400加油呀。

>>September 9, 2008 at 9:49:39 AM GMT+8

2008 年 9 月 8 日 星期一 【晴】

及時行樂應該係大家值得學習既4字詞。好似我咁，係咪成日都開開心心，嘻嘻哈哈呢？因為我同呢4個字做朋友囉。1星期前係好多關心我既朋友既反對聲音下，決定左照去曼谷，因為....我真係唔怕死。好似幾年前既沙士咁，全香港人都話唔出街小心d，唔好唱K又唔好乜咁，我咪街照行K照唱，而家咪仲生存緊。有人問『如果咁既情況仲去曼谷，真係有乜傷亡咁點呀』我一定係答『整定』。

又一次證明我地人身在世係應該及時行樂架！做人唔好驚呢樣驚果樣，自自然就心境開朗，人都開心d，唔駛成日愁雲慘霧咁，唔係人地見到你都唔敢同你講野呀！

3/9-6/9既曼谷之旅係好安全，好正常既曼谷遊客區siam完滿結束了！Bangkok我會繼續黎架。蝴蝶袋我會再買過架。

>>September 9, 2008 at 6:53:48 AM GMT+8

2008 年 9 月 1 日 星期一 【晴】

經過今日新聞既報一報導，我相信又好多人會想問『你地仲去泰國呀』
如果擔心既，可以去下面呢個網址睇睇，係胡慧沖個blog，佢每日都有update泰國既情況架！
暫時胡先生都話市面同平時一樣，連果單香港好大篇幅去報導既炸彈案，其實泰國果邊只係輕輕帶過。

http://rogerwu.mysinablog.com/index.php?op=ViewArticle&articleId=1328701

去旅行既係我，我一定擔心過大家，我日日返工差唔多個個討論區都睇晒去了解果邊既情況。但麻煩大家可唔可以俾我安安靜靜，開開心心咁去1次旅行呢？

>>September 2, 2008 at 1:25:17 AM GMT+8

2008 年 8 月 31 日 星期日 【晴】

過去左既呢個週未，真係開心，但又好攰。因為2日都自己帶左小公主出街，好在星期日後來dad dad出左黎，唔係真係會攰到死。

星期六同小公主返完playgroup就要去沙田拎返本特區護照先，因為下星期要出國喇，小公主本passport仲未到手，就算得我1個人都要帶埋小公主去拎架喇。其實我唔係唔得1個人，只係知道一定會好攰囉。跟住拎完passport就約左coca食lunch，食完再係沙田行下，行行下小公主已經訓左lu。

星期日出左尖咀，陪阿笑試衫，因為佢就快影婚紗相喇，佢又想carol一齊幫下眼，所以佢就提前左去試。呢日當然無咁攰啦，因為唔係行街，只係留左係間鋪到，所以小公主係自娛，不停地自己搵野玩。佢又好可愛喎，因為留得耐，佢對環境熟左，所以成日都周圍行。

話咁快仲有2日就飛喇，有d人會問我地泰國咁樣你地仲去呀？我真係想反問返，錢又俾左唔通你俾返我咩？同埋好多野或者諗深一層，d人點攪都唔會攪到去遊客區架，我地今次只係去行街咋，連遠少少都無諗住去。所以唔駛擔心喎，應該無問題既。

>>September 1, 2008 at 2:09:37 AM GMT+8

2008 年 8 月 28 日 星期四 【晴】

今日肥溫無神神問我『你估下我尋日見到邊個』我已心想：問得咁得意既？原來佢見到疑似旦旦人物。唉，其實點會係疑似丫，都係無見5-6年，邊會變得咁勁喎。佢地既相遇係係同一卡地鐵，互相有眼神接觸，但一經接觸後，旦旦就立刻擰轉面。嘩，咁既行為都做得出，仲唔係想避開肥溫。呢個人，真係唔知講乜好，佢要避開我地我地都無計，都無謂去強求大家再做朋友。仲有呀，肥溫最後係聽到旦旦講野架，旦旦同班朋友say bye，連聲都聽埋仲點會錯丫。又失去一個朋友lu，唉.............但都安心d，起碼知道佢人在香港先。(請2位大肚婆如見到呢篇日記，不要動怒，因為肥溫叫我唔好同你地講住，佢怕激親你地，謝謝！)

什麼2年幾？有無咁記得呀？呵呵呵，乜原來咁緊張我架，多謝你呀！以後對我好d喇，知無？！

>>August 29, 2008 at 9:42:02 AM GMT+8

2008 年 8 月 26 日 星期二 【晴】

今天收到一留言，放心吧，今次一定可以長長久久的。。。因為今時唔同往日喇！

往日的執著，希望，幻想已經消失了。

現在擁有的一定要好好珍惜，除了家庭還有朋友。

>>August 27, 2008 at 3:19:07 AM GMT+8

2008 年 8 月 26 日 星期二 【晴】

聽 你不斷呼叫我 劃破 寧靜我的心下墮
在難過 講不出愛沒結果 口和唇 緊緊閉鎖
哭 也一話都不說 害怕 連累你一生日月
憾無缺 只差跟你曾遇過 給過你 太多波折

寧願沒擁抱共你可到老(共你能夠終老)
任由你來去自如在我心底仍愛慕
如若踫到他比我好 只望停在遠處祝君安好
雖不可親口細訴 (多麼想親口細訴)

說太多話我想說 但我 還是要啞口道別
任由我 天空海闊流著血 只要你 白似冰雪

估都估唔到，係呢個時候會做返初哥哥，呢首歌.............好鐘意，好貼題！

>>August 27, 2008 at 1:08:37 AM GMT+8

2008 年 8 月 24 日 星期日 【晴】

其實好想搵日再由頭將呢個日記再睇多1次，但真係太多喇。
由03年開始到而家08年喇。

但我知道，呢個日記俾到好多回憶我，就算以前可能係一件悲哀既事，但事隔咁多年再睇返，心情已經唔同晒lu。所以showhappy.net你唔可以down架，你要好好咁幫我keep住呢一切呀！人老左記性真係差左，唔用文字記低真係乜回憶都無晒。

>>August 25, 2008 at 9:39:24 AM GMT+8