2009 年 3 月 18 日 星期三 【晴】

原來已經成個月無打過日記，大家係咪好掛住我呢？可以放心喎，我無事，一切安好。唔係咁點會唔打日記喎。日記係用黎發洩架嘛，唔開心呀，嬲呀呢d野，哈哈！

過埋呢個3月我就要轉返長短週喇，諗起就心有不甘。好彩成個4月得1個星期六要返，到5月又有個長週係紅日，都叫有返d安慰啦。其實有時都想做返F&B，因為好似做左文職唔係咁夠錢用咁，但係又入返去就真係好難返出黎喎，所以都係見步行步算喇！而家又未去到窮途末路，世事難料，唔需要想太多。

>>March 19, 2009 at 3:31:12 AM GMT+8

2009 年 2 月 22 日 星期日 【晴】

今天終於見識到無良的老細了。

今朝老細同我講，佢話遲下我無得返5日喇，要跟住公司長短週，叫我考慮下喎。考咩慮喎，而家咩景呀，都要硬食架啦，唉........當然我都會努力搵工啦，但最想都係做到政府工囉。

事緣係因為公司比英國公司收購左，連名都話要改。咁要改名我地就要簽過份約，所以無良老細就可以借呢個機會用盡我呢個小人物囉！

>>February 23, 2009 at 9:34:48 AM GMT+8

2009 年 2 月 19 日 星期四 【晴】

為左迎接夏天，我又剪短左d頭髮喇，yeahyeah！！
今次決定只花75元，阿ben真係剪得唔錯，唔怪得不約而同我，我家姐，angus都係搵佢剪啦，哈哈哈。所以我諗黎緊我又會keep住成日剪架喇，75蚊，2-3個月去1次都唔過份啦，無計，短頭髮係要比人剪多幾次。

>>February 20, 2009 at 2:25:29 AM GMT+8

2009 年 2 月 7 日 星期六 【晴】

今天小女牛一，多謝大家出席今晚既派對，雖然都好似係各有各吹水，但起碼用我生日既名義約大家出黎，大家都比面丫，謝謝！！另外facebook好多生日快樂留言，thx！

今天沒有什麼做過，只係等夠鐘出去。前1日就去左elements行街，大香里第1次去咋，真係幾大，好靚，不過得個行字。反而買左件厚褸比希希，而家平平地買定下年著。跟住去左奧海城食好好味既千層麵，then仲有免費巴士返荃新天地，嘻嘻！！

生日就是這般平淡地渡過了。。人大了就是這樣。

>>February 9, 2009 at 4:06:23 AM GMT+8

2009 年 2 月 4 日 星期三 【晴】

今晚去左寶哥食飯，係有得打邊爐都煎野食既地方，d野食都唔錯。是晚係為了慶祝我同阿如(6/2生日)生日既，結果好多人呀，最後有十四個人一齊食飯(莎，其，蘊，珊，富，vickie，coffee，tc，如，如男友，june，louis，joy，陳震康)，真係呢邊既聚會都算難得一見喇，多謝晒大家既賞面呀！！到呢一刻(其實已經起身返左工，係office打緊呢篇日記)我都無啦啦諗起尋晚既好笑野，唉呀真係想笑死人咩，嘩哈哈..........

>>February 6, 2009 at 1:18:38 AM GMT+8

2009 年 2 月 2 日 星期一 【晴】

為何傷心愛情尋求開心
難逃分開大家不夠運
証實過相戀的發生 道別也不要裂痕
明明犧牲我仍然能甘心
明年今天或許應慶幸
再會你還是笑得更迫真
如流淚只因亢奮 互相不必過敏

何妨用你給過我的歡笑
延續大家失散了每一秒
間中想我一分鐘也算不少 追憶我在笑

>>February 3, 2009 at 1:27:39 PM GMT+8

2009 年 2 月 2 日 星期一 【晴】

今天心情很低落，或者係姨媽到既關係啦！眼流好自然地就流下來，其實我都覺得唔係咁大件事，但係無辦法，唯有去食餐好既再買下野啦，嘻嘻！人只要無期望就唔會失望，今日就係太有期望結果到頭來咪自己吃苦囉，唉.........究竟佢地有無諗過我架，我相信一定係無囉，都已經唔係第1次啦，但今次比左粒糖我先再比屎我食囉。原來識打黎交帶係最衰既，因為即係等於佢地到食飯時間都未返到黎，我寧原自己去食野跟住行下街，而家返黎上下網打篇日記發下盧蘇。

>>February 3, 2009 at 1:24:04 PM GMT+8

2009 年 2 月 1 日 星期日 【晴】

成個新年都係拜年拜年同拜年，希希好勁呀，好多利是。當年我做囡都無佢咁多，無計啦daddymommy多親戚朋友，呢d小朋友就真係好幸福。

尋日講起孝唔孝順呢樣野，我真係覺得除左要天生有呢份心意之外，後天父母既影響係更更更加之嚴重既。重男輕女係永不可改變既事實，當然我自己就唔係啦，我永遠都係最愛我可愛既女兒架，我相信有機會再生我都會偏愛希希，所以都係佢1個就夠晒喇！！同時我都希望自己到老都係自力更新，最怕要斤斤計較，尤其是金錢。

>>February 2, 2009 at 8:27:00 AM GMT+8

2009 年 1 月 22 日 星期四 【晴】

今日終於係過年前既最後一日返工喇，可以收爐，yeah。

眼見住d朋友一個一個咁開始放假，真係有好勁既放假心情呢。雖然只係放紅日，但今年加埋星期六日連續有5日假，初1-3都已經編排好節目，跟住初4同5返2日工又off，初5又安排左節目，我好耐未試過新年會咁節目多羅羅喇，諗起都興奮。

好快又新一年喇，如果各位今年有咩唔好既就忘記佢努力迎接新年新希望呀！

另外，呢期熱爆既型男講座，大家去睇睇啦
http://www.hkstop.com/redirect.php?tid=24753&goto=lastpost

>>January 23, 2009 at 1:38:43 AM GMT+8

2009 年 1 月 20 日 星期二 【晴】

尋晚好努力地執屋，真係執左好多野出黎，2袋玩具可以分比愷軒同心心，d放埋未掉既紙盒，仲有好多諗住留紀念原來最後都係要掉既。攪下攪下而家屋企空間感大左，所以好似大左咁。大家可以放心初三上黎喇！！不過今晚都仲要返去清潔下同執返整齊先，因為尋晚已經執到好夜lu，新年係咪都諗住執架喇，但如果唔係d朋友話要上黎可能唔會大執，嘻嘻！

>>January 21, 2009 at 2:19:18 AM GMT+8