2010 年 3 月 14 日 星期日 【晴】

今天是人生的縮影

一早不停打電話想訂小豬飛，雖然唔係我去睇，但唔知點解我好想幫到手，本人就是這樣。結果打到12點3要去lunch都未打通，跟住家姐自己打，一陣間咋佢就打比我話打通左訂左飛，我一聽到真係好開心係咁恭喜佢，因為太多太多人想訂飛。不過係呢件事之前，收到軒媽sms，唉......我親愛既軒軒又嘔呀，最後去左睇急症，查唔到咩事要留院，又照腦又抽血，擔心死我喇！

跟住仲有呀，朋友們唔係咁開心，1個為感情1個為親情，希望快d雨過天晴啦！而我自己今日出糧呀，係呢間公司真係期期(糧)新鮮期期驚喜呀，嘻嘻~~~

成日最開心既係做完facial收到某位朋友既sms，知道了件喜事，我真係好開心好開心呀！

人生就是這樣......又高又低又悲又喜，千奇唔好諗埋一邊，享受人生啦各位！！

>>March 16, 2010 at 1:00:15 AM GMT+8

2010 年 3 月 11 日 星期四 【晴】

為何會咁鐘意睇海派甜心呢？？
每一首歌都很喜歡，係劇集和歌起既化學作用嗎？

匿名的好友

也許我們當時年紀真的太小
從那懵懵懂懂 走進各自天空
該怎麼說讓彼此選擇 但思念還轉動

不能握的手 從此匿名的朋友
其實我的執著依然執著
卻決心和你不再聯絡
不能握的手 卻比親人更親厚
當所有如果都沒有如果
只有失去的擁有 最永久

雖然愛不單行係好好聽，但我喜歡.....
習慣就好

你的手機又收不到 我像瘋子在街上繞 努力跑
你的溫度 雨淋過幾條街都散不掉
你面無表情的嘴角 像在嘲笑我的胡鬧
回頭看 突然明暸
愛過了使用期效 你就想逃
我想維持禮貌 忘記驕傲
繼續做你唯一的城堡

>>March 12, 2010 at 9:14:38 AM GMT+8

2010 年 2 月 24 日 星期三 【晴】

近來好心癢........好想去旅行呀，好想再帶個女去玩呀！上次去bangkok佢都好似大人咁，出外旅遊心情勁high，而家佢大個左喇，唔知又會點呢？？

不過一切都要等.......等到我可以拎大假先。又或者少d放事假留返d鐘，再唔係就算扣勤工都照放事假。但都叫做好好喇，起碼唔洗放no pay先去到丫。所以有錢就唔可以亂洗唔可以狂買野，留返d錢到時唔洗呢道又話貴果道又話無野玩，嘻嘻！！

>>February 25, 2010 at 6:17:02 AM GMT+8

2010 年 2 月 9 日 星期二 【晴】

過埋今晚就完成我既生日週喇，yeahyeah！！好多謝大家既心意，係而家呢個科技發達既社會，或者係多左好多人同自己講生日快樂，不過我都係會計較架，計較下邊個有心有時間肯花時間打比我同個講句，生日快樂。嘻嘻.....結果成日只係收到2個打電話黎親口講既生日快樂，少量sms大量facebook祝賀。不過總好過連記都唔記得果d，多謝晒大家。

6/2 去左j-point，係cafe黎，包左半個場，大家玩得好開心。
8/2 去左小肥牛，真係好味呀。
9/2 去左i-square，之後係中間道公園食cake，好正呀！
10/2 會去北京酒樓食飯，片皮鴨，拔絲我黎喇。

>>February 10, 2010 at 1:03:59 AM GMT+8

2010 年 2 月 7 日 星期日 【晴】

今天是小女28生日，生日願望好行貨，身體健康，每日都開開心心！
我想念既人都想念我，但唔好得個想字囉！

岩岩睇完達浪同寶茱姐，真係好好睇架，好寫實。我相信好多人都會覺得好似講緊自己咁，真係要再睇多次先。

>>February 8, 2010 at 9:02:20 AM GMT+8

2010 年 1 月 27 日 星期三 【晴】

入到黎呢間公司，真係好似比人執返黎咁，好好彩好好運好開心。
首先開心既當然係收入啦，基本薪金唔多，8千都無，但係個個月原來又有飯錢，又有勤工，最估唔到係有個文娛費囉。之後過時過節又有津貼出，一出又出幾千蚊。年尾食飯，做冬1次，過年前2次(因為自己公司同under國際既公司各食1次)，又係公司派錢既飯局，真係好開心架！

其次就係工作量喇，大致上日日我都無咩做，安坐office得閒到可以上mytv睇返d節目，而又唔怕比人炒。不過有時都覺得d同事唔知點咁架，可能始終我未知大家既脾性啦，要再觀察下先。

點都好....我會努力每個月拎份人工架，嘻嘻！！

>>January 28, 2010 at 2:44:26 AM GMT+8

2010 年 1 月 14 日 星期四 【晴】

今日好努力咁去諗一件事，件事入面係有首歌既，我就係諗唔起係咩歌，而家緊係諗到啦，差d想sms問當事人添呀，heee。仲記得事發時我係點，就係感動地落淚。雖然到而家我都唔知當事人係出於咩動機，但係我最後知道既係..........................呢d回憶原來唔會走架！！

>>January 15, 2010 at 8:47:40 AM GMT+8

2010 年 1 月 2 日 星期六 【晴】

今日因為搵野，想搵返個twin star既散子包用，睇返以前d野，我先知原來當年我拒絕過你架！！真係OMG完全無印象連少少記憶都無添。

>>January 3, 2010 at 6:28:09 AM GMT+8

2009 年 12 月 29 日 星期二 【晴】

好快2009就會過去，呢1年都有好多事發生左。失業啦，搬屋啦，希希開始讀書啦，轉工啦........
但一切都係開心事黎，因為唔失業就唔會轉工，無轉工就唔會搵到而家呢份絕世好工啦！搬屋都算好事黎架，因為租平左，同埋d好運都係搬左入黎之後先開始黎料既！

係09年最後1日，我知可能我係有d任性，但係我真係唔想做一d會拎到自己失望繼而心情會好空虛(因我估又未必會心情低落既，係會覺得好無隱啫)既事，所以要照原定計劃去渡過我既09年最後1日。我份人就係咁架喇，太清楚自己想點，所以唔想去迫自己做一d唔情願既事情，當然我都好想同大家一齊食飯，但係我唔想食完飯果一刻要好無mood咁返屋企等訓覺囉！

係2010年希望好運繼續keep住，之前用多左既錢可以慢慢咁儲起返，大家都身體健康，可以無憂無慮咁生活，記住keep smile！！

~~HAPPY NEW YEAR~~

>>December 30, 2009 at 1:44:33 AM GMT+8

2009 年 12 月 16 日 星期三 【晴】

我已經無扮強壯，我已經有著長袖衫，我已經著左毛毛褸，但係我個鼻都係唔掂，攪到我個喉嚨有d乾，所以立即係公司拎左傷風感冒藥食，唉................

>>December 17, 2009 at 1:52:48 AM GMT+8