2008 年 7 月 31 日 星期四 【晴】

好野，8/8奧運多1日假放。點解老細會咁得意架，無啦啦話8/8全世界放假。有時我都覺得呢間公司雖然係唔好，但其實老細幾好人架喎，又隨和無架子。講真，公司咁細，都唔係佢話有double pay就double pay，bouns就bouns啦。希望呢d無期望既野會突然間出現啦。

我都開始接受到呢間公司，因為各有所求啫。我只係要返5日，人工夠我洗(當然最想可以儲多d錢啦)，又自由又無ot，呢d咁既要求我仲可以係邊搵到喎，當我仍然只係得幾個月經驗既接待員仔。

>>August 1, 2008 at 2:43:00 AM GMT+8

2008 年 7 月 30 日 星期三 【晴】

尋日又好勞氣，講極都唔明，吹漲。

今次係一位我叫佢做P同事既人。

有位同事要請大假去睇奧運(真係開心呀)，由8/8星期五放到17/8星期日。本身就可以好簡單既，因為咪中間有幾多日要返工咪計放左幾多日大假囉，好衰唔衰9/8星期六係長週，P同事話去睇奧運果位同事遲d會OT返半日，咁呢日就會取消唔扣佢1日大假。好喇，咁應該點放假呢？？我咪提議咁咪只係放6日大假半日補假啦。點知P同事就死都話唔係，係要計7日大假，遲下OT返就減返1日大假。大佬呀，點可能OT半日就可以扣返1日既大假喎。

就係咁，P同事就堅持係應該申請7日大假。

但我就解釋左好耐佢都唔明，我堅持既係無可能OT返半日就可以取消返1日大假囉，點講都係唔通。我提議係8/8星期五放1日大假，9/8星期六長週放半日補假，再加11/8-15/8放5日大假，咁如果真係遲下OT返半日既，果半日既假期咪唔駛扣錢係補假囉！嘩，我已經用呢個方法講解，但P同事都仍然話要申請7日大假，HELP.......邊有d咁蠢又咁掘既人架。

當然最後就係聽我所講，請6日大假+1日補假啦。

呢d人又想做好人，但又唔識做，又乜都唔明，真係同佢講多句都多餘。但佢又追住我黎問喎，真係激到好想死。

>>July 31, 2008 at 2:25:02 AM GMT+8

2008 年 7 月 24 日 星期四 【晴】

尋日去左行書展，嘩.....原來3個鐘係唔夠行架，下年如果再去，唔應該放工去，一係請假一係同人迫。

首先我6點就收工搭小巴出灣仔，之後係灣仔食埋味千拉麵就去行書展喇。我諗我地7點幾都開始行喇。首站去左兒童天地，唔經唔覺我地已經行左成粒鐘，再唔轉hall就無時間，所以未行晒成個兒童天地hall就要走喇。跟住我地去左hall 1，行左唔夠一半又睇下個幾點，死啦，乜咁快就9點4，呢個hall 1 都係行左一半咋喎，咁點行埋hall 2同大會堂呢？？都無計，我地就行快d好快咁行埋個hall 1上去行hall 2，其實果時已經9點9。不過好得意喎，已經9點9但係就全世界都唔係行離開會展既方向，係向hall 2進發。最後無行到大會堂，10點半到就走人lu。原來話收10點係無可能架，做生意既又想做多d，行既又想行耐d，哈哈！

收穫係2本書同1本兒童書。

>>July 25, 2008 at 4:10:40 AM GMT+8

2008 年 7 月 21 日 星期一 【晴】

今天又有少少激氣事，但現在已經下火了。

今日又要幫阿D同事寄野，要我去寄係無問題，個問題係你地成班男既有無諗過1個女仔點拎咁多本書出去呢？係.....的確我係可以拎到，呢d咪係識唔識體諒下人既問題囉。結果要我1個女仔拎住48本A4 size既catalog由公司行去post office，再貼返24封catalog，1封要用3個郵票先寄。呢d就係我唔鐘意幫佢地做野既原因，下次如果又係有咁多要寄，我一定會叫佢地自己食飯果時順便去寄埋，唔會咁笨。因為我食飯前就已經入好晒封埋口，其實佢地係可以自己拎出去寄架，今次真係蠢左。

>>July 22, 2008 at 9:56:52 AM GMT+8

2008 年 7 月 20 日 星期日 【晴】

係岩岩過左既星期六日，因為陽光普照所以就帶左小公主去公園玩喇！

星期六去左我都好想去見識下既荃灣公園，不過真係好熱好曬，玩左都無1粒鐘，我地就走喇。小公主就唔係第1次去荃灣公園，不過daddy同mommy就第1次同小公主去，影左d相咁囉。

星期日因為得我同小公主，所以我只係同左佢落屋企會所個公園玩咋。今日個公園1個小朋友都無，不過小公主都玩得好開心。仲用電話影左幾張相，小公主好攪笑架！如果想睇既咪去我facebook睇睇，我尋晚已經upload左上去。

>>July 21, 2008 at 1:38:27 AM GMT+8

2008 年 7 月 15 日 星期二 【晴】

尋日有一個新開始，係我讀完ive之後第1次再踏入課堂，今次我係去讀一個叫做『行政人員證書課程』，讀既最主要目的其實唔係想增值，係想手上多返張野，增值係次要當然都想啦！以後就會逢星期二都要去上堂啦，一路至到9月，10月開始就可以鬆一口氣。miss仲話佢教左咁耐，未試過俾fail，所以呢個證書同學費都走唔到雞架喇，哈哈！

>>July 16, 2008 at 1:14:43 AM GMT+8

2008 年 7 月 13 日 星期日 【晴】

今日行緊返工果時諗通左少少野，雖然呢間公司有太多太多既唔好野，但為左佢係荃灣，返5日又準時收工同埋自由到暈，我都要向現實低頭既。努力每一日返黎hea下hea下咁又1day，呢d工真係好難搵架，所以只要得閒可以呻下，其他既我就只諗好既。因為嘗試過搵工，想近近地係荃灣返工真係好少5日又無ot既工架。

>>July 14, 2008 at 1:46:43 AM GMT+8

2008 年 7 月 10 日 星期四 【晴】

尋日又俾人攪到無明起火，其實係小事，只係我唔鐘意d人咁樣做野。話說尋日阿D同事叫我幫佢寄野，咁無郵票要去郵局買先有得寄架(因為寄一封都成8.2)。隔左陣竟然出黎吹我去寄野喎，我咪答『我要等埋3.30有人黎interview先出去』(那時只是兩點幾)，阿D同事就好似好緊張咁叫我用courier，我心諗駛唔駛呀，郵局5點先收我唔係3點半之後先出去都寄唔切呀。所以我打去郵局問係咪今日郵局未收前入到郵筒都係聽日派，人地答我係所以我決定用返hk post。

跟住到我返到公司，竟然又多一份8.2既文件係我枱頭，我咪又問阿D同事係咪要今日寄，佢答係。我又好想鬧佢囉，要今日寄你唔一早拎埋俾我，我出得去再返到公司郵局都收啦仲點樣今日寄喎。如果真係趕住要今日寄既，點解又唔自己搵第2個出去寄左先呢，乜都要等我做架，我而家係成公司既阿4咩，就算我係阿4都只係老細既阿4囉！我唔係唔想幫阿D同事做野，只係我唔明白點解成日都要好似得我一個可以做咁，一係你唔好講到d野好似好趕咁啦。

全公司既人我都仲要幫佢地做野，只係如果想係我既工作上得到bouns，sorry impossible。

估唔到我第1份轉返出黎做receptionist就遇到班麻煩既男人。人地或者只要對住1-2個叫做自己上司既麻煩人，但我成公司admin dept就得我1個，點解我都仲要比咁多人點架？？乜做細公司原來要面對既煩人仲多過1間大公司架？好在我仍然對我老細既印象幾好，老細反而無果班煩男人咁無聊同老馮。

>>July 11, 2008 at 3:41:07 AM GMT+8

2008 年 7 月 7 日 星期一 【晴】

早幾個星期前上babykingdom有媽咪post話有29.9既huggies NB+S 尿片買，我咪問下就生既朋友有無諗住用邊隻牌子啦，點知佢地話我同阿柴都話huggies好所以都諗住用。而家我已經幫佢地買左15包細碼尿片喇，我自己就覺得好滿足，因為可以買到平野，哈哈哈。

>>July 8, 2008 at 7:36:32 AM GMT+8

2008 年 7 月 6 日 星期日 【晴】

尋日星期日，又記低去左邊做左d乜先。
愉景新城尋日有bb爬行賽，我見無乜野做咪帶小公主去睇bb囉，佢真係好鐘意bb。我地企左係起步點，點知到小公主見到bb唔起步開始爬佢就指住bb『丫丫』咁叫，到bb夠鐘走晒喇，小公主又話『無』(仲做埋動作)。其實唔係睇左好耐，我諗大概半個鐘啦，小公主就開始有睡意喇，之前問佢走未佢都答我未，到佢真係好眼訓再問佢走未，佢都點頭，跟住未返到屋企小公主已經訓著左lu。
夜晚出左去食飯，同阿鼻慶祝生日。今日好齊人呀，係志華要返工之外連阿高都有出黎。數一次有邊個啦，唔係實唔記得：我，阿業，希希，阿柴，妍妍，肥溫，阿芬，司徒，carol，阿鼻，kathy，周佩玲，林峰，janice，net姐，阿高。今晚仲講到如果第時出黎食飯，要開2枱喇，因為就快又多2個小成員加入，仲有志華x2都未黎呢，希望我地可以好好咁一路都keep住越黎越多人同見面啦！

>>July 7, 2008 at 1:36:11 AM GMT+8