2009 年 6 月 20 日 星期六 【驟雨】

剛渡過了一個愉快的週末~ 半fun camp~~ 我地去荃錦坳幫手, 有Rick, Jonathan, CK, William, Henry同我~ 帶一班滿口髒話的歷奇/營務導師~~

先有d趣事跟大家分享, 摘自william的facebook文章~
1. 送左罐可樂比 Laughing 哥 .. 點知原來之前飲左牛奶 ...在個胃變成"黑牛" ... 第二朝搞肚大解 ..
2. 去到營地 .... 聽到一班粗口爛舌的"歷奇領袖" .... 超O咀 ...
3. 話說有人5點幾因為雷暴起左身 ... 嘈醒晒周圍d 人後 .... 之後可以瞓番
4. 話說就在 5點幾 ... 嘈醒晒d 人 ... 跟住大家互相睇對方個營 .... 好似「睇示範單位」
5. 第二朝在班學員裡面學左多個新詞彙了 .... 就係 "peas" (撇s) ..... 成班 lv 3 的同學仔都識 ... 唯一一個 ..... 有代溝 ... 有代溝
6. 相討 fun camp .... 強烈要求阿偉出席 .... 原因 .... 後話(因為有好野食, 餐餐九大"鬼", 加埋kk)
7. 成班 lv 3 同學仔 中間 ... 有兩位同學仔GA 對話針鋒相對 .... 比其他人懷疑佢地 ... 啍啍 ...
佢地最後仲要係「前後腳」咁搭 MTR 去佐敦 ... 大家諗下係邊個啦 ...
8. 仲有乜 ... 等其他同行的同學仔繼續分享 ...
9.一已上Lv 3同學於等Lv 2 學員期間,死都唔肯放低 backpack,點知等左好耐班Lv 2都未到,佢終於放低backpack,點知一放低班Lv 2就到~~ %$#@&*%$......
10.另Tommy sir 可能比我地更早察覺是次Lv 3一男一女有D野,所以20/6 當晚已安排佢地跟夜行
11.一蜜運中Lv 3 同學,平時比人感覺善良,但今日.........竟然會大罵Lv 2 學員(詳程請c k 及 jonathan 描述),最後給學員增予"""火爆'''一詞
12.亨利晨早發現有閃電及響雷,詢問Tommy 是否要撤退....最後版本被變成....因前一晚分別飲左牛奶及可樂,在胃內變成''黑牛''',晨早忍唔住去左''爆石''但有響雷及閃電劈在旁邊,所以要詢問Tommy 是否要撤退.. ha ha
13.緋聞男女男方,今次唔知點解有意無意用手機影女方既相......
HaHa ...
Joanthan .... 記住post "果" 一張相呀 ... set 左好耐先影到嫁 ...

堅哥 .... 「企最後要講下野呀 ..... 」 (好大聲咁講)
唔係企最前ga 我會聽唔到呀 .....(3級山藝實習試時, 為免釗哥搞搞震, 做領隊既好識做既, 之後d學員都好醒, 一齊叫, 佢地呢team好就好在, 大家都好隨和, 好聽話)

今日既我都唔係好記得發生咩事, 不過, 我, william同埋rick有自己行~ 好多時等佢地~ 真係好熱~ 唔好成日講我同jonathan啦, 佢既性格我係唔欣賞既, 搞到我無晒market佢地就死~ 不過, 一路上都有傾男女感情的事~ haha~~ 男方對女方有好感就成日借d意約女方出去, 又成日搵下女方咁wor~ 咁我即係無行啦, 哈哈~ jonathan又唔想俾人困身, 過左氣又唔想同個個一齊, 三心兩意, 唔欣賞~

晚上個餐, 有3個西瓜, tommy sir又加料, full到呢!!

完左又去tea, 食腸粉, 俾大家見識到我食腸粉既方式, 俾tommy sir篤穿左我係食醬, hoho~~ 佢地叫老闆下次唔好捲埋wor, 反正我都攤返開~

同佢地行山都真係幾開心, 又可以傾到計, 唔錯o丫, 呢班人~ 我d skill要加油~!!!

>>August 20, 2009 at 9:22:42 AM GMT+8

2009 年 6 月 17 日 星期三 【酷熱】

好熱呀~ 好想日日都去swim~

今日早上做自己野, 因2個老闆不在, 只有2個ca同埋一個officer~ 其實, 依家都無咩自己野做~

又做漏野, 有野衰左, 係唔死得人既~ 不過~ 我明天一定要同老闆講勒, 成日都好似搵唔到機會, 佢又好似好忙咁~~ 有時又俾下時間佢抖下氣~ 你知啦, 我有時都好被動, 唔係太積極爭取~ 但唔可以再拖~ 我封信都未準備好添~ 我同老闆講完就會announce, 因為應該傳緊~

celia成日話我, 如果多d笑容就好勒~ 或許, 我真係太無咩所謂, 因為好多野, 都係大家合作jei, 不過, 有時我真係忍唔到~ 睇唔過眼~

乜我真係有sensitive heart? 都係既~ 因為回應輝權既文章, "Mcdull Ling, Your sensitive heart is excellent." 我之前既回應係"近幾篇文章, 感覺得出你的感性與感慨~ 有些人,事,物,環繞著你吧!! 每人背後都有一系列的故事, 每一個也很觸動別人的心靈~ 正正是這些, 勾起大家內心的迴響~ 謝謝你的分享~""

其實, 都唔只係我, 我覺得好平凡, 其實大家都留意到, 佢又打咁多sentence, 都估到, 只係大家無寫出黎? 我打個時, 都有思考點打好d~ 可能就係咁o岩, 字眼適合佢, 正正中左佢既感受, 佢又受, 定係, 我真係有顆感動人的心? 我其實都真係幾sensitive, 如果唔係點會諗咁多野? 唔駛講我知, 我都估到咩事? 唔係點解成日神經兮兮? 又係wor~~

好多時, 人地話我, 不論讚或貶, 我都會counter question返~ 因為想知道及證明係咪真係咁, 有咩situation呢? 因為我無自信心~ 因為我要受肯定~ 人地讚又唔接受, 因為覺得自己做得唔夠好, 唔係大家所講咁好, 還有進步空間, 或許我對自己要求太高~

皮蛋有新的學校生活, 睇下點分group, 希望遇到好既groupmates~ 令我想起, 每一次, 我都可以吸引到一d好好既同學仔, 或許我既外觀, 正如大家所說, 給予別人安全感~ 好似ive既sarah, 依家既caroline, iris~ 大大隻, 高大, 外型問題~ 個樣唔笑應該惡架wor, 點解呢? 接觸左之後, 就好nice, 好傻~ 再問下先~ 同大家gathering, 都會講返, 我地點識既呢? 點開始既呢? 呢個topic永遠傾唔完, 答完又問, 問完又想, 想完又答~ 因為我老人癡呆~

我真係好鐘意依家個髮型, 好型, 有性格, 好爽, 好nice, 男仔頭得黎都幾女仔, 戴埋con就好靚~ 好欣賞自己~ 買返多d con先~

>>June 18, 2009 at 4:44:50 PM GMT+8

2009 年 6 月 16 日 星期二 【酷熱】

一早收到好消息, 皮蛋終於做左我師弟, 恭喜晒~ 昨晚msn仲好擔心, 哈哈~~ 佢有咁早通知, 咪幾好~ 好過我係6月24日~ 我有咩實幫你wor~ hehe~~ 終於如願以償, 上年佢都有in, 不過唔得~ yes~

哇, 好熱呀~ 尋日請左病假去玩緣繩下降, 今日戴返個口罩先~ 其實尋日都無咩好玩, 落左一次, 好驚, 咁我仲想唔想技術證書同一級教練呢? 真係好驚~ 真係要重新考慮下~ 而上左一級教練, 又唔會繼續上, 會唔會有d浪費呢? 7樓呀~~ low anchor呀~ 好容易倒轉個人呀~

尋日都唔係咁想請, 有d野未做妥, 都心掛掛, 呢排都唔知做咩忙左, hahaha~~ 又黎多個停課, cool~ 所以都返左公司~ 自己走先~ sorry呀, 咁掃興~ 不過, 尋日既雨, 都令我無咩心情玩, 好彩之後無再落雨, 我明佢地一場去到, 好想玩, 不過, 天氣真係好難預料, 安全理由, 我依家都唔會搏~ 佢地就有野練, 我就無~ 韜有危機架, 有d野堅持要去做, 有時就係咁出事~ 不過, 又無話佢錯, 不過唔係我做事既手法jei~ 不過, 要cancel, 反而仲有大把野跟手尾, 唔係咁易話cancel就cancel~ 佢話悶親我? 第1次實係咁, 佢地都有撩我講野, 一班年輕人, 第2, 3次就會熟~ 我自己無咩講野jei~

一早搞埋個遠足班先, 下午公事公事公事~ 其實我都拖左好耐, 最後都係barry整左一part仔~

sandy因工作, 無swim~ 不過, 我都去左~~ cool~ 8個來回~ 爽~ 最爽係尾段, 無人就可暢泳~ 用左45min~ yeah~~ keep on swimming~ 練氣~ swim都好熱架~ 如果一星期可以去2日就好~ 度下先~ 依家仲係$2.x@1個來回, 蝕蝕地~ 不過要唔蝕, 就要多d時間~ 個人做返多d運動, 健康d, 活潑d, 俾人感覺會唔同d架, 以前就係咁~ 有左個起頭, 就ok~ 正~ keep fit keep fit~

依家對住d總監, 都露出個真性情~ hahaha~~ 頭先回家, 見到calvin佢地, 即調頭走, 費事~ 唔想俾佢地知我星期三唔駛返~

>>June 17, 2009 at 4:21:37 PM GMT+8

2009 年 6 月 13 日 星期六 【酷熱】

2日1夜番禺長隆水上之旅~ 繼2006年我們的泰國畢業旅行後, 3年後, 又一次旅行~ 今次一行有11人~ 大細ryan, sandy, 菁菁, cecilia, 欣, 東, angel, ida, cyrena & 我~ 每人都只係用左$833~ cool~

0835集合~ 雖然我一早醒, cyrena morning call都只係保障, 0815出門口, 去mcdonald買埋早餐, 都準時, 有打算遲到架~ cecilia一早好燥呀~ 哈哈哈~~ 我仲記得我地響facebook既收件匣, 幾多野討論呀~ 哈哈哈~ ida竟然0835仲係美孚? 之後仲要去拎港幣, 卻沒有人民幣, sandy話佢咁趕提港幣做咩, 興興地, 我就話算啦, 都拎緊, 菁菁禁住我~

快d跑上去呀, cecilia好緊張呀~ 死人菁菁仲拉住我~ 大家上車訓, 但我同cyrena係咁嘈, sandy同大ryan都一齊玩~ 經過葵芳個個站, 東東可以回家勒~ 之後, 我地都靜靜的~ 我無訓, 係度諗下野~ 前面個個人越訓越後, 完全被迫住, cyrena就俾人夾親腳, 終於出聲~ 我同cyrena偷拍佢地訓覺呀, hoho~

有得check in~ 換衫~ 等車, 等左好耐~ 入到去~ ida, cecilia同我都無咩點玩~ 不過, 好難同佢地拍照~ 我, ida, 東東去左夏威夷水城玩, 之後cecilia加入一齊跳~ cool~ 由於angel唔舒服, 我同ida陪佢返去先~ 無得一齊響個度跳, 同埋影全體照~ 唔等shuttle bus, 打的~ 等得黎, 佢地都出黎lu~ 期間, 好大雨, 仲有好大聲既雷, 仲見一條閃電劈落黎, 幾恐佈呀~ 我地一見到光, 即掩耳~ 好彩個時我地買左food, 響booth下食, 順道擋雨, 討厭既係d人抽煙~ 而咁o岩, 我出去搵返佢地時, 佢地又見到我, 就join得返~ 唔知佢地用咩黎定幾時stop d games~ 無咩雨, 又無咩雷, 又開返~ ida見咁高既滑水道, 走? 我同東東玩, 唔俾我著背心, 本來無咁激, 點知有人響個個位儲水, 一盆咁倒落黎, 仲係俾人沖一沖起, 增加刺激性~ 大家又等個一大盆水倒落黎, 有一班人狂等狂拍, 仲走去另一盆~ 東東永遠響遠處, 唔中呀~ 搞咩呀~

大家沖好, 睇馬戲, turbo腳霸位, 真係有一堆位係for長隆酒店既客架~ 東東買左pop corn~ 好好睇呀, 都識搞氣氛同埋好搞笑, 音樂都配得不錯~ 好睇過其他大陸個d, 唔係成日都係個d縮骨功, 拍到無memory, card又無帶出黎, 蝕~ 好多動物~

本想出去食dinner, 點知截極都無車, 開價又貴, 無跳錶呢樣野, 又話迫到我地咁多人, 最後決定回酒店, 我地竟然無坐shuttle bus, 行返去~ 最後發現有restuarant, 價錢都算公道, 我地又要$300 coupon~ 最後我地呢餐都只係食左$499~ 用左$300 coupon, 只係花左$199咋~ 好抵呀~ 抵過出去食, 車費都響度啦~ 大家都好full~ 呢度已經有15%服務費, 貴到o丫~ 仲不斷玩~~ 食個個怪怪的大良炒鮮奶~ 之後, 大家為左呢樣野嘈, 拍左video, haha~

返酒店, wait~

>>June 17, 2009 at 5:14:19 PM GMT+8

2009 年 6 月 10 日 星期三 【雷雨】

唔記得多謝阿jo星期一借左把好細既傘俾我, 謝謝~~ 返學先可以安心d, 又無俾雨淋~

早上6點多俾大雨嘈醒, 起床, 關窗, 收泳衣~ 媽媽跟ferry也起床了, 大家也忙著關窗~

日後, 逢星期三晚上2030, 都會跟sandy swimming~ 佢真係好幸福, 漲左好多~ 尋日swim左一轉, 佢5個, 我4個, 因為我抽筋, again, 又係小腿, 拉多d先~ 應該係出發時太用力, 同埋拉鬆d先~ 真係要做返多d運動~ 瘦瘦瘦~ 大家對肥既定義有點不一, 有d話我肥, 有d話我瘦左~ 我既港島同事話我瘦左, money話我有返個shape~

今日, 刻意出去捐血, 因拖左好耐, 你知我架啦, plan左就要去做, 否則不安, 心掛掛, 可能就因為有太多事未有行動去完成, 有太多大石壓住自己, 所以透不過氣來~ 其實有時只係過左幾日, 就覺得未做, 又閒時醒起, 做左先安心d~

點知, 估唔到因為我寫意的雲南之旅, 令我3月23日或以前都不能捐血~ 遺憾~ 因為, 可以捐血是幸福的~ 要身體健康才能捐, 要珍惜, 因為機會難得, 或許就因為這樣, 幫了不少人~ 所以, 我堅持~ 有時我都幾死心眼~ 不知為何~ 我仲好想快d可以成分捐血, 幫得更多人~ 好似我地CQ既小朋友就無得捐~ 唔知幾時去過英國既又唔得~ 佢既原因係, 因為個度係疫區, 做晒整個程序, 都只可以用血漿, 而血小板, 紅白血球一律都不能用, 真係好浪費同埋真係用得好小~ 我也拿不定主意, 無所謂, 佢再問, 我當然想, 難得花時間來到, 已心掛掛了多時~ 又急急地在家開完爸爸壽宴的會議再出來的~ 但係, 這樣也造成了別人的困擾, 花了很多人力物力, 只有一點點血用~ 對不起, 又是我的任性~ 不過, 我真係好想好想~ 你唔俾, 我仲想~ 抗衡, 哈哈~ 小朋友~ 亦因為想證明自己不是三分鐘熱度, 隨興而行~

如果唔係今次, 我都唔會上去紅會search下, 再上世衛個web, 知道每個國家都有分咩級別, 原來雲南係屬於最高風險, 第4級架~ 下次出外旅行前都睇下先, 雖然都擋唔住我去既意慾, 最起碼自己唔會走去捐血, 一陣害左人就唔係咁好啦~ 我自認係良好公民黎架~

所以, 快d清日記~

好想好想send sms俾佢~ 想佢快d加入group~ 不過, 佢加左又點呢? 山頂洞人, 又唔睇, 又唔回~ 唔知佢係咪有睇無回jei~ 不過, 之前佢都有問點入架wor, 又話搵唔到~ 只係為左要佢入group, 又send sms, 又想打俾佢, 好似誇左d~ 駛唔駛咁緊張呀? 我已經叫kalson搵佢~ facebook及email都提左~ 我又想窒佢~ 一係下星期先啦~ 唔好嚇親人地~ 不過, kalson信唔過, 因為佢地無咩溝通~

我自己又衰, 放d唔好咩, 有時又唔俾反應人地, 冷落左人地, 忽冷忽熱, 真係令人無所適從~ 有時想問又唔問, 佢唔去食飯, 遇上他, 做咩唔問呢? 又可以話下佢應承左又唔黎~ 依家又後悔~ 考慮人地有無女朋友做咩o丫, 咁樣唔好玩架嘛~ 做返自己, 係, 我係特別留意佢, 特別關心佢, 自己又唔想做到咁出面, 怕瘀~ 不過, 想返起一些點點滴滴, 又真係好似有d野咁~ 我唔希望佢以為我喜歡kalson呀~ 等我打下d點點滴滴先~ 之後, 有發現佢有reply人地打俾佢個d回應, 可能佢得閒, 有時間upload photo, 就reply埋, 仲要響星期六, 我唔響香港wor咁o岩, 咁又點?~ oh~~

快d有人打救我, 等我把握一下我的幸福~

29/3, lecture, 記得第一天上堂見到佢, 係響體育館門口, 由於比比打俾我, 我又唔識佢, 就叫佢等我, 反正佢都未等到人, 見到佢響門口, 我地仲講笑話呢個係我地既同學, 肆無忌憚咁問佢係咪上3級, 佢無答, 因為佢講緊電話, 我猜佢係教緊kalson點黎~ 呢個就係first impression~ 見到佢入黎, 我都嚇左一跳, 大家都有互望~ 散個時, 佢同2個青年人傾野, 而我地班人好嘈咁分繩, 迫左人地出去, 我地又出去搞搞震, 真是的~ 我初時以為佢係教練, ayp個d~ 佢好佬~

9-10/4, 1st camp, 第一次同佢接觸, 佢同kalson都唔知點夾架, 一齊做野都唔夾下帶幾多米, 帶咁多, 都食唔晒, 又唔分工, 一個煮飯, 一個煮食物~ Kalson仲話自己, 成日教人溝通, 自己都無做, 咪係囉~ 由於家豪去打水, 我同ricky都煮完, 我就話幫佢睇住先~ haha~ "好呀"好好笑容地答~ 我話唔好開心得咁早, 因為我唔識佢個煮法, 只會看!! 又記得佢勁好奇, 問luxe speed up好唔好用~ 我將我已知既都講左佢知, 有人話會癡面, 但我地未用過~ 唔記得邊個就成日搞人地個營~

19/4, lecture, 由於要家訪, 無理由兩手空空, 咁o岩又去油麻地上堂, 就買左好好味既cookies, 點知tommy佢地見到, 又話想食, 諗諗下, 我呢個星期雖然full, 都仲有時間去買, 就俾佢地食~ 記得今日輝權sir唔舒服, 走先, 由ka wing主持~ 我記得佢有問我響邊度買, 我話食完俾個罐佢咪得囉, 我又真係響break時記得俾返個罐佢, 佢笑, 又諗諗下, 做咩咁傻仔, 抄低咪得囉, 之後佢無抄, 記低左(及後我發現佢應該係無記性既人, 應該唔記得左架勒, 哈哈), 咁就會知邊度有得買~ 搞到我好似好緊張咁, 因為所有動作都好快咁完成左, 佢應該唔知我做咩, 哈哈, 亦都唔明~ sorry, 令佢無所適從~ 我就係咁為人既人黎架勒~ 其實又唔係好刻意咁熱情~

26/4, lecture, 記得個日我由深圳趕回來, 剛做完camp quality既義工, 做present~ 我一入到去, 見佢滿臉笑容及好奇咁望住我, 因為我好趕, 我都無理咁多, 面無表情, 放低個背囊, 坐低左, 之後唔記得拎電話, 又返去拎, 又見到佢, 我都好奇咁望返佢, 又坐返位~

wait

>>August 20, 2009 at 10:12:09 AM GMT+8

2009 年 6 月 9 日 星期二 【溫暖】

星期三上午, 一開機, 收到一條短訊, 什麼, 已有結果? 我今早上facebook也沒有的啊~ 先跟Rick通電話, 再來皮蛋來電道賀, 告知我在group內可看到~ 再來就是收到各位msn的恭喜~ Ricky也有致電我呢~

"各位,

如果你檢查收件匣或者電郵, 沒有我的通知, 那麼恭喜, 你的實習試已經確認是Pass, 不需要重考, 是次需要重考的本有4人, 當中一位是69分,我加了他1分平時分, 主要原因: (1) 考核當晚在晚上十時後才到達集合地點, 沒有了10分煮食技能, 他卻是唯一一位事前通知我的; (2) 其他項目分數比較平均, (3) 由於他平時幫了大家不少, 哈哈, 他是誰,呼之欲出, 故此, 坦白說, 如果他相差多1分, 即68分, 他亦需要補考. 故此, 現需需要補考的只是3人.

此外, 有二位同學未有出席考核, 故亦被評為: 不合格(且不具備補考資格)

7月1日重考, 當中一項是危急應變, 需要以小組形式作為個案重演, 誠邀各位當日出席, 協助考核, 扮演組員, 及參加者. 請支持需要補考的同學.

我了解你們的失望, 但是, 我的角色, 又不得不作出此決定.

2009年6月10日早上9時23分發出.

輝權""

知道後, 真係好開心, 而阿rick好失落, 因為又考過晒d野~ 不過, 知道自己係"猛"車邊, 都唔係好光彩, 個個都知道個個係我, 係開心, 定應該唔開心呢~ 覺得自己都係唔配合格咁既~ 真係要加把勁, 人地家豪無煮飯都合格~ 我成日都係中間浮游的人, 哈哈, 差又唔係最差, 好又唔係好好~ ricky話覺得我有skill架, 都應付到, (係咩=.=), 但係人際關係方面, 唔係個個都做到~ 佢話個次個camp無黎, 個氣氛真係差d, 大家講野都好倔wor~ 估唔到女仔或我, 有一d化學作用, 當時人係唔知架~ 哈哈, 可能我真係帶俾人好多歡樂咁wor~~ 我都仲係好介懷, 有d人就話過左海就係神仙~ 唯有keep住努力~ 咁咪對得住自己同阿sir~

呢1分真係唔易, 有3個原因先有1分~ 睇黎有時既努力, 真係唔好睇小~ 希望大家唔好以為我擦鞋, 靠關係先有咁既結果, 相信阿sir都真係考慮左好耐, 究竟俾唔俾我合格, 又有咩原因令人信服呢?

我又同ricky講, 唔係個個山藝班都好似我地咁, 咁funny, 有咁多野, 好多時上完就算~ ricky話正常, 因為大家都為張cert, 而且仲有好多張cert要考, 個個班都咁, 邊應付得到? 咁又係wor~ 但我都係鐘意呢個班多d~ 真係好開心~ 好愛佢地~ 怕浸死左佢地添, 哈哈~~ 不過, 我都係3分鐘熱度, 久而久之, 我又未必咁活躍架勒, 都係趁依家, 做多d野先~ 咁先係我o丫嘛~ 有時, 佢地咁大個人, 我做到咁, 又有點兒那個, 做咩迫佢地jei, 佢地有選擇權架, 唔係個個都好似我咁架嘛~ anyway, 都係做左我想做既野先, 如果一陣子都無咩回應, 唯有放棄, 將d心神放響其他地方, 我都幾易放棄, 因為有時要我抓破面, 又唔想, 又唔想令人反感~ 不過, 有時我既熱忱, 我相信會對別人有微妙的變化~ 都幾矛盾, 睇情況啦~

其實呢班同學仔, 人真係好好, 有咩料都forward出黎俾大家, 真係好願意分享, 係好難得~ 無話大難臨頭各自飛~ 自己顧自己~ 真係"緣"份~

今日整個上午, 都在討論補考的事~ msn, facebook都係~ 又create左2個活動出黎等大家reply, 要打內容都要小小心機, 俾多d感性, 俾多d鼓勵~ 哎呀, 就係咁俾人知左我響office hour都玩facebook~ 所以都係無咩做野~ hahahaha~~ 好懶呀~ 太專注響個班度勒~ 真係不顧一切~ 會唔會俾得太多, 大家吃不消呀~ 我就係咁, 一有咩, 就放晒身落去~ 神經兮兮的~ 我太熱情勒, 好耐未試過有咁既感覺~ 率真的lingling又回來了~ 有時既我都好sensitive~ 都會收, 所以又考慮好多, 就唔出聲, 之後就打消左, 又頹返d~ 大情大性~ 好想玩得放d呀~ 傻顛喪一下~

>>June 11, 2009 at 5:12:14 PM GMT+8

2009 年 6 月 8 日 星期一 【溫暖】

下午, 發現一片黑雲, 離開公司即發現橫風橫雨~ 下午換了短褲回去, 因濕透了, 也換了鞋, 原打算人字拖, 卻有感未免太誇張了~ 放工, 卻見天氣一片藍, 再加上有一層雲, 真是要上一上氣象班, 認識一下天氣, 令自己多點觀察, 留意天氣變化!! 這種天氣很吸引我, 很美!! 想定定的駐足欣賞~ 令我陶醉~

一個人走在街上, 總會沉醉在思考中, 說出辭職的意向, 同事們的反應如何, 自己的路又如何繼續往前走呢? 自己又將會遇到什麼?

很多時, 我也會一面行一面笑, 因為想起很多快樂的事, 希望不要把途人給嚇壞~ 不知道, 笑容會否帶來一點點溫暖呢? 我相信會~~ 因為整個3級山藝有很多有趣事, 值得再三回味~~ 都真係幾好玩~

今天是dawn的生日, send了個email給她呢!!! 記得別人的小事, 對方是很高興的!!! 繼續不計較地付出~ 也是我以前一位教友的生日, 但因為沒有聯絡了, 只好作罷!!!

今日, 港島同事為我慶生, 她們也很雀躍地祝賀我生日快樂, 有點不解, 心中仍是感謝的~ 原來誤會了我今天生日呢~ 今天不是我, 是dawn~ 去了紅粉佳人Pink Salmon Cafe & Restaurant, 在油麻地~ 也不錯, 1人1set, 太多, 吃不下~ 味道不錯!!! 謝謝大家買給我的生日禮物, photo album, 是我會用的黏貼型, 可以放冰島的相呢~ 謝謝, 是因為這個才遲到呢!!! hahaha~ 最surprise~

我們聊天, 聊到11點多, 真盡興~~ 開心的時間過得特別快呢!! 當我提及辭職, 大家都讚好~ 因為大家都有著離不開的理由!! 我可以離開, 或許我可以一圓大家的夢想~ 可以做自己的事, 是幸福的~

>>June 11, 2009 at 11:41:43 AM GMT+8

2009 年 6 月 6 日 星期六 【酷熱】

今天, 是三級山藝訓練班既最後一日, 也是筆試~ 星期五晚(jun 5)已經同比比及皮蛋溫書~ 記得實習試前, 也在沙田操繩~ 今次入左大埔, 當天又因為要噪音測試, 8點才可放工~ 當天的前一天晚上, 即6月5日凌晨, 搜集及過濾資料至2時多~ 希望大家有多點資料溫習, 回到公司也只是準備溫習的資料~

而當天, 又因為聊天到凌晨一時, 回到家1時多, 上床已是3時了~ 沒有什麼進展, 卻得知了很多有關社福界的資訊~

星期六, 睡眠不足, 也是呆呆的, 照例也沒有做什麼, 專注自己事情及study~ 得知輝權出左email叫我fwd俾大家有關帶備物品, 由於跟先前要的3號圖有出入, 故立刻用電話通知, 希望可準備及時~ 這就是我會做的事, 哈哈~ 他, 可能因為工作忙或身體不適, 沒有回電及sms(有交代地告知不用借圖, 已解決), 算了~ 我也是通知, 不回也是正常的~ 他在開班時, 除追問我可否於一個camp中請假外, 第1堂告知他地點, 留言後, 也是沒有回覆的~~

星期日, 相約了皮蛋到城大溫書, 遇見matthew~ 比比因教會有事, 遲點來~ 我以為太早皮蛋會下午才來, 誰知, 準時, plan住1030~ 當時, 我還在家中~ 哈哈哈~~ 原想print輝權新post既一篇文章, 不知為何學校的print都連接不了, 故放棄, 幸好matthew有net book, 借來看及抄~ 皮蛋要我先解說一下文章, 才真正看內容~ 不過, 有些named錯了, 幸好有他糾正我~ 不整理raw data的人~

哇, 真係學校考試都無返黎city溫呀~ 咁神心都有既~ 真係難得~ 仲為左呢個班, 半真半假地麻煩class tutor幫我book房, thanks!!!

比比最後也借不了西貢圖, 唯有買, 辛苦他了~ 於教會事奉完, 立刻趕過來了~ 他很緊張, 安慰他一下, 要我本notes? 雖然在溫習中, 但因為也七七八八了, 所以撕下我要的那一頁, 整本給他, 說真的, 他也專注不了, 也沒有什麼幫助, 不過, 希望他安心~ 反正, 對我也沒有什麼害處~

同學們也一早到了, 要求我早到, 因電腦要password先開到, 想開d info俾大家睇下先~ 點知, 輝權打俾ryan, 問響邊~ 最後我都搞唔掂, 俾左比比~ 走出去接佢~ 點知我要去library影印試卷? oh~~ 睇完d questions, 真係呆左~ 二級山藝幾多次outing+幾多小時theory+最少行幾多公里~ 郊野守則5項~ 郊遊圖與HM20C既分別5項~ 一個3級山藝領袖可帶多少名學員~ 中暑的成因, 徵狀及處理方法~ 香港的天氣的氣候與變化, 作為一個山領安排訓練計劃時應注意什麼? 八仙嶺事件, 你認為有什麼導致意外的原因, 如果係你, 你會點做防止呢個意外呢? (10分) 又另一個真實case, 響赤徑附近個個瀑布, 天氣報告已告知有雨, 山洪暴發, 有一名女學員面色蒼白, 皮膚濕冷, 體溫正常, 當時被困~ 如你係當時那位山領, 你會如果何處理? (25分, 唔記得係咪仲有一個question, 定八仙嶺2nd個question係呢題既) SQ多係5分~ 成份卷80分+presentation20分, 合格係70分~

因八達通唔夠錢, 打俾比比求救, 皮蛋聽, 佢黎救我, 點知緣慳一面, 我上左課室, 其實都夠, 唔預kk及初~ 所以交左份卷俾佢~ 講左d questions, 大家都呆呆地~ 對不起, 可能造成困擾~ 點解, 同我地溫個d唔同~ 個範圍都唔同既? 定係, 作為一個山嶺, 我自己識既唔夠多, 似乎, 又再要努力, 睇多d, 知多d, 記多d先得~ 裝備不足~

一面考, 輝權一面講下, 一級教練exam唔可以塗污卷, 即fail~ 又傾下講下~ 好似頗輕鬆, 大家又問問題, 佢又俾好多tips, 我地應該點答~ 唔係好夠時間既情況下完成~ 好似唔係好完美, 答得亂, 字又潦, oh~~ 點個一點, 研究左好耐, 好彩tommy sir走過黎畫~ 當我好仔細地舉高幅圖睇個時, 唔記得背後有一級山藝sunny寫既西維氏三步曲~ hehehe~

大家拍照, 大家玩, 傾計~ 佢地真係好嘈, 叫極都唔埋位~ 當大家好正經咁拍照時, 我提議大家唔好望鏡頭, finally, 都仲係有d人望, 有人合上眼, 都係我指令唔清晰~~ 其實我仲想影多左, 2 group分左右望, 我見大家散, 唔好意思講~ 哎呀~~ 蝕, 後悔, 下次大膽d~

唔係個個去食飯~ kalson太累, 無去~ 皮蛋臨時有事~ 陶考試~ carl好似話家中有事~ 佢竟然無同我講~ 之後先知, 佢發燒呀, 38.5度呀~ 個日見佢唇白, 都無關心下佢~ 唔知點解, 我覺得佢響我地個班, 好似無咩人理佢, 當一大班人時, 佢講野, 大家都好似無聽到咁, 佢好靜呀, 有時見佢自己行埋一邊既, 好自己一個咁, 唔知係咪我留意佢太多, 先有咁既感覺呢?~ 知道, 又無動作, 真是的~

當我, 比比, 皮蛋(因搭lift再落返去, 遇上便一起了), 一起找付款地方, 因我係學生, 有優惠~ 見到陶及carl走, 我竟然無問carl做咩走? 怕咩?我之前都有問陶啦~ 雖然見佢無跟大隊都知佢走, 都可以問下, 順便話佢放飛機~ 我地都係上輝權車, 講開我地個trip, 提起carl, 皮蛋先話佢家中有事走先~ 我又miss左chance~ 佢有問我地做咩行呢邊~ 唉~ 可能咁樣佢又同我地一齊食呢? 好似predict左佢堆砌藉口咁~ haha~

輝權架車好寬敞, 好大~ 幾舒適wor~ 好野, 坐輝權車~ hohoho~~

我好開心kalson響group度講"各位, 尋晚我冇去食飯, 一定錯一d開心的事啦.因為我真係好累呀, 冇心情去食飯.我正安排一次kayak day trip , 大家到時一齊再玩, 唔識玩??只要你肯玩就即教.不過人數有限.....我會盡量安排.""

我既回應"Yo.....!! Kalson, 見到你留言加埋內容, 超開心!! 我地呢個3級山藝領袖班就更開心~ great~ 真係好愛大家~~ hoho!!! (@~@)"" 因為我地之前發生左d事, 令大家都不太愉快, 我都有d唔開心, 不斷幫佢解釋, 佢有佢既原因, 見佢咁講, open左, 有explain, 大家就知唔係因為個件事而唔join我地, 咁樣, 我好單純咁認為個污點淺色左~ 希望, 大家都係咁覺得啦~ tommy sir都唔好再咁唔開心啦~

我真係真係好開心, 即打俾比比, cyrena, sandy分享, 因為真係好開心~ 佢地幾個一直都被認為唔合群, 好獨立, 無join我地個d活動~ 其實, 都係咁o岩就唔到佢地時間jei~ 有時, 就真係咁巧合, 而令大家諗左其他野~大家可能覺得我同佢地熟, 所以幫佢地, 其實, 事情又真係唔係大家所想~ 我只係提供客觀事實俾大家知道~ 同埋, 我同比比都好擔心究竟kalson係咪真係搞trip俾我地玩架? 會唔會搵藉口推我地架? 又要返去睇下一個教練帶幾多個~ 我係咁追殺佢~ 比比叫我搵carl~ 咁我地一早問kalson先嘛~ 又打左俾佢~ 雖然carl好似會比較有心機幫我地organise~ soft d~ 感覺~ 最後, 都係kalson幫我地搞o丫~ 正~ 爆開心~ 令我又傻左咁埋首呢個班既re-union~ 哎呀~ 好似付出太多, 會嚇親大家, 哈哈, 太熱情~

回應輝權既文章
""在一個個訓練中, 每一次的完結, 總會令人不捨, 但完結才是開始!! 訓練班雖然內容一樣, 人與事卻不同, 得著的有莫大的變化!! 每一次也會百感交雜, 整合後, 又令你有一點點微妙的變化!!

在這個訓練課程中, 衝擊有很多, 有技術的朋友質疑我的能力是無可置疑的~ 初時我很抗拒, 當中有很多原因, 幸好, 我接受了, 亦沒有因此打沉我, 反而激勵了我~

前陣子, 不斷否認自己, 一時三刻我也整理不了我的情緒, 不斷向人傾訴, 始知道自己太急進了~ 但是, 有很多事情勾起我的疑惑, 令我有點失去方向, 失去了自己, 現在的我, 也是需要時間靜下來想一想自己需要什麼, 感覺很累, 卻找不到源頭, 我要知道為什麼~ 或許太多訊息在我腦中, 令我透不過氣來!! 記得老師跟我說, 是不是每一件事我們都需要清楚知道自己在做什麼呢?

正正因為這些, 令我的朋友覺得我這個訓練班很特別~ 我得著的何其多~ 謙虛的學習, 真是必須的~ 這個經歷很特別!!

謝謝你的讚許及肯定, 令我找回一點自信心~

我也是衷心的喜歡大家, 真是時.地.人要一同合適的出現, 才有這樣的效果~ 若不是有幫忙統籌, 我也未必活躍及投入其中~ 其實我很靜的!! 哈哈哈~ 我才不要放過大家呢!!

當然, 我也要知道輝權對我們的評價, 哈哈~""

>>June 16, 2009 at 4:14:03 PM GMT+8

2009 年 6 月 1 日 星期一 【雨】

謝謝ive既同學仔為我慶生~

而我又想講一下我響3級山藝既心路歷程, wait~

>>June 17, 2009 at 1:58:20 AM GMT+8

2009 年 5 月 29 日 星期五 【酷熱】

前一篇話左俾大家知我2日camp做左咩, 依家就講返我既感受~

因為開會, 個會係咪可以避免呢日, 其實都可以, 因為我無提出, 個主席又唔係咁得閒, 我就佢先, 點知各委員揀左5月29日, 無辦法, 太趕, 有大露營6月底便要出發了~ 就係咁, 扣左分, 仲無左dinner個餐, 聽聞營養均衡有滿分添~ 我個個係蕃茄肉碎, 好great架~ michelle就有菜及雞肉有滿分呢~

原本以為kk會同我一齊遲入, 點知佢同阿初都quit左~ 好彩, rick因OT等埋我一齊, 正~ 佢見等埋我都唔差個少少時間, 就一齊入~ 好野~ 有伴~ 唔知做咩今次個會特別長, 2030先完, 我一直都望住個鐘~ sharply走~ 見rick去食野, 我又搵左個地方坐低, 點知太慢, 唯有打包~ 上到taxi先掃晒入肚~ 大家又傾下計~ 原來大家去左荃錦坳營地勒~ 我地10點前到左~ tommy sir以為我10點先到荃灣~ 我同rick partner, 玩牛療定向, 佢玩過, 記得晒, tommy既2級, 所以我好乖咁聽佢行就得~ 我地好快就完成, 11點多就回去了~ 用了1個小時~ 離集合時間還遠呢, 2340~ 他們有2小時, 我們共剩下1.5小時~ 要講返有咩特別, 真係無咩去留意, 哈哈~ 只係知好明顯係3號point走返上小徑~ 有個回應係, 要隨機應變~ 可能咁樣無咩出聲, 我又少d分~ 蘇佩玲呀, 留意一下山形地勢好唔好呀~

路上遇上他們也會打招呼, 不過阿sir叫我地唔好講野~ 傾下計都得掛, 咁悶~ ryan就好認真, 真係唔講架wor~ 一直在路上也盼能遇見他~ 回去, 大家都走晒~ 我以為仲有下場, 沒有了, 所以先去toilet~ 在營地也跟各人打招呼呢~ 很久沒見~

睡不著, 唔知幾時要起身, 2點幾先訓到, 又凍, 我又懶, 沒有拎保暖的~ 當然, 我有諗野~ 5點多, 15分鐘集合~ 12分鐘完成了~ 手上還有footprint, 佢地話我好似執垃圾個d個婆咁~ 知道輝權拍照, 我即手按頭髮, 有看起來整齊一點吧~ 唔知過左幾耐, 話我眼耳口鼻執返齊晒, 我話之前都有架, 佢唔順, 俾相我睇, 我都話幾好, 再放大, 我都係咁講, 佢話要搵d software逐格放大先得wor~ 真係o丫, 佢有時都幾好笑~

1小時自由時間~ 煮早餐, 太累了~ 因為悶, 因為累, 到處跑, 我個火都有人睇住, 2nd 堆個班人無人理我, 之後阿偉講左句"乜你咁得閒既~~",哼, 你贏左~ 返去睇下自己d野, 再黎~ 3rd group終於有人應, 比較熱情, michelle好快就食得, 米粉, 下次我都煮呢個好似快d~ kalson用jetboil~ 好多都係通粉~ 之後再走去阿sir個邊, 係麵~ eric就問我係咪無帶, 好似周圍癡人d野食咁, 我話唔係~ 就係此時, matthew大叫水滾, 我跑返去, 一班同學仔慌我唔死咁....."哦"....陷我於不義~

快快手食埋個通粉, 飲埋杯朱古力, 就執返下d野, 其實都ok, 下次係咁塞, 可能仲快d~ 我仲響度摺~ 太整潔了~ 休息下~ 就係呢個時候同輝權爭辯執好個樣未~

準備考核~ 用大繩考繩結, 我仲發緊夢, 未開繩~ 手震, 不過都ok~ 見到同學仔諗唔到, 幾想幫~ 係mountaineering coil衰左, 就係扭少左半下, 同埋個平結應該貼實束繩, 收繩既圈4-8個~ 大家都無咩印象, kalson話佢地就係講得唔明顯, 講左又無講多幾次或用一d令你專注既方法, 所以miss左就miss左~ 下次記得要問有無咩特別注意既地方, 同埋要打醒24分精神(來個double)~ 我性格...真係, 成日都唔專注~

之後, 有補習班, 我地試左一次繩床, 之後我都無咩練到, 係見人打既時候, 好似有好多唔同方法, 就湊個頭埋去研究~

口試+渡河技巧~ 問左我件褸有咩特別之處~ 真係唔知點介紹, 佢再追問一d問題~ xcr, 我只係答耐磨, 原來阿偉話高15-25%透氣度, 不過由於唔捨得, 唔會去試, 只係話過林個d無咁易磨破~ 問下點解揀紅色~ 我又講下腰個條帶(阿偉提左我都係用來防雪既), 防水拉鍊, 外層的衣服及功用~ 之後問, 你1-3月帶12名小四至小六的小學生行山, 有什麼注意地方~ 腦一片空白, 我唔係未plan過, 不過一堆混亂, shit~ 唔滿意自己~ 話咁快, 問完, 我仲問 "下?問完勒?" 釗哥回答, 雖然我靚仔, 都唔駛留咁耐~

去左tommy sir報到, 點知又未得, 輝權又叫我過去先, 點知tommy話要報警~ 8字扶手環, 2個anchor, 要分上下流, 打左5個, 見夠時間就話ok, 點知我另一邊無anchor, 白癡, 咁咪無實際用途囉? body belay~ 打稱人有d慢~ fall既時間後面條繩tension, 真係無咁痛, 左手記得放, 右手搭climber條繩, 紮馬, 記得要與climber成一直線, 安慰佢, 我得佢先好行, 跌要叫fall或大叫啦, 俾signal我~ 叫左2次fall就ok, tommy sir俾個叻我~ 我收繩時, 輝權sir話我應該唔只扣咁少分, 應該扣多d, 我話唔係呀, 點解呀, 無野扣呀~ 唔好啦~ 哈哈哈~

埋去考完個堆~ 見家豪好努力咁練渡河技巧~ 皮蛋話佢自己揣摩中, 應該ok~ 之後大家傾下計, 玩下~ 之後去toilet, 見kaho同埋kalson都落左去, 我等多陣先, 不過好急, 我怕佢地霸晒個廁所~ 最後忍唔到, 就落去, 見到佢倆傾計~ PASS BY~ 見到kaho望一望我~ 去完就行, 聽到關門聲? 八卦地望一望, 佢問我考試點? 我以為問剛剛個個, 見佢個樣就知答錯~ 之後原來係psy~ 因為無expect佢突然問, 無prepare添, 不過, 好開心架, 佢記得~ 點解我唔好surprise咁話, 咦, 你記得? 之後我帶過左~

問佢四川個trip~ 好叻叻呀~ 登頂, 雖然嘔左, 不過好叻呀~ 成功左~ cool~ proud of you la~ 唔係個個得, 唔好要求咁高啦~ 如果佢有d咁experience既trip, 預埋我啦~ 唔知自己頂唔頂得順~ 佢個d真係好似唔係個個都得咁~ 好tough, 我個d就ok~ 我都想好似佢咁呀~ 獨自單車之旅, 又唔多o岩我~ 都辛苦~ 不過又想experience一下~ 之後大家都講下行山~ 佢話12月去玉山wor, 叫台灣outward bound個邊~ 我話想去神山, 好似幾靚咁~ 玉山都令我失望架~ 佢欲言又止, 係咪都想話去呢, 不過無理由佢出聲話叫埋佢架嘛~ 我見佢好興奮之後冷靜左~ 佢話佢唔會只係響高進發咁膚淺, 我知佢應該係enjoy大自然~ 唔知我有無咁既機會同佢一齊分享呢?

之後, 傾傾傾~~ 大家lunch~ 同michelle傾, 佢好贊成我出返黎做, 好~ kaho就同ricky同比比傾信仰? 唔知點解, 總係見到佢既眼神? 所以我先望過去, 定我太敏感, 所以佢見我望, 佢先望? 今次prepare左好多lunch, hoho~~ full~

有task, 大家都好奇點解有繩床一項? 明明話唔考? 不過釘哥話想俾我地感受一下~ 我地要響呢條路上, 個個都要訓過就ok~

我地揀左一條原本唔想落得咁辛苦, 點知呢條又窄, 又有一段狂上~ 最後, 輝權sir stop左我地~ 就係呢度, 我又有好大感受~

wait

>>June 29, 2009 at 6:06:47 PM GMT+8