2009 年 9 月 16 日 星期三 【酷熱】

倒塔咁早返去收$$~ 黃主任叫我0800, 我0740便回到去了~ 早一點, 可以定一下心神, 誰知, 學生更早~ 有些當值老師更早~

中午再追數~ 9月18日已打算自己在午息進行, 不認得, 便叫小同學幫忙囉, 不太想打擾班主任~ haha~ 我更讚了一位同學, 不知幾開心, 小朋友真是單純~

今天很忙, 因為晚上有導師訓練~ 又要處理好錢的事宜, 錢的名單, 已申請明天先入數再回校~ 不過, 也不是遲了很多, 1010已回到校了~ 所以, 需準備好名單給黃主任明早協助, 但, 最後他也遲了, 所以也只收了一張通告而已~ 算吧~ 我的工作~

9月18日便是努力地準備好名單給不同的人~ 真是…..多paper work~ 亦游說了黃主任, 我不用去家長會, 因為我去也沒有什麼作用呀~ 我要上課呢~!!

晚上的訓練, 也不錯, 氣氛不錯, 雖然事前有擔心人少, 氣氛不夠, 有打算退縮, 但我堅持, 因我不能預計大家的反應, 而我的心態也會影響大家的氣氛, 故此, 自己選擇了, 照原定計劃, 盡自己能力, 氣氛就靠自己的功力了~ 有一位導師較慢熱, 但有傾計(也算有適當的介入及了解), 幸好, 只是慢熱, 不錯, 大家也很nice呀~ 我知道, 分班, 總會有人唔開心, 但希望她們明白我做出的決定, 是肯定了她們某方面的能力及有信心~

今天的工作時間是0800-2100~ 是不想晚餐, 但黃主任, alice, 大家也在, 也給點面子及用時間跟大家建立關係吧~ 也謝謝十仔刻意給我pizza hut card, 我承認以前對他很差, 所以, 將心比心, 我日後一定要待他好~

9月18日回去, 原來忘了關空調, 黃主任亦提醒, 若老師沒有開, 之後也不能開, 若開了, 記得關~ 校長也對wing有興趣, 想約wing interview ca~ 不過, wing先想了解工作範圍, 她也覺得很有趣, 其實, 我希望她知道, 我沒有跟學校夾的~

近來, 我希望多花時間在學業上, 努力鑽研, 有感近來上課投入了, 認真了, 用腦了, 說話多了~ 亦有很多paper及project迫近了, 不得不安排時間了~ 只怪我沒有好好安排時間~

>>September 19, 2009 at 5:16:21 PM GMT+8

2009 年 9 月 15 日 星期二 【乍寒還暖】

昨天的巨爵真厲害, 由9月14日下午6點打到9月15日早上10點才除下~ 風勢很強勁, 很久沒有那麼厲害的typhoon了~

守瑤, ball生日快樂~

好緊張呀, 要入班房派通告呀~~ at 1205

點講好呢~!! 會唔會打擾到d老師呢?

最後, 係好相安無事咁派晒, 當然無咁順利啦, 就係有D人缺席~ 不過, 途中遇到宣佈, 便阻礙了一些時間~ 同埋有幾個老師含住啖飯聽我講野, sorry呀~ 不過, 要走幾個樓層, 當然有點累, 時間差不多, 大家吃完午飯, 更吵了, 高年級更甚~

>>September 19, 2009 at 5:14:07 PM GMT+8

2009 年 9 月 10 日 星期四 【乍寒還暖】

發生了幾件趣事, 不得不打一篇日記~

由於我想印愛心校園手冊, 便問一下會否收影印費及幾錢, 我都預左佢會收架啦, 我咪走去問書記, 書記叫我問黃主任wor, 但黃主任又叫我問書記, 正當書記在猶豫之際, 校長就問咩事, 校長話印俾學生既就要收~ 書記話$0.1/張, 可能書記見校長在考慮之際, 就話以前都係咁收, 之後書記remind一句, “紙要用自己”, 我聽完之後呆左, 只可以回應一聲, 哦~! 唔通叫我托1 ream紙或一箱咩, 我地用既量又唔多~ 無鬼聊聊~ 我唔理呀, 叫黃主任拎囉, 又係佢話可以拎, 莊以前都係咁~

佢呢間學校都幾搞笑, toilet paper每位老師派, 不會在廁格放, 所以每人響toilet都有一格放toilet paper既~ printer, copier既紙都係由自己位拎出去, 真係有d唔慣~ 想cost controll都唔駛咁呀嘛?

不過, 同學仔話, 機構入學校做野都係用自己資源, 試過買影印機入去wor~ 不如, 樣樣都收$$啦, 借用微波爐, toilet, 課室等~

仲有一d令老師唔慣既, 純粹個人意見, 就係大家既衣著, cool~ 執下外表, 形象, 令家長都覺得大家都好靚, 師資優良, 又整潔, 咁都係既~ 不過, 連我都搞埋就好慘, 不過, 我都仲未需要著高跟個d, 好彩, 佢未話我呀~ 鞋就真係好難, 平底高跟都好辛苦~ 依家converse我都麻麻地, 物色鞋仔中~ 哎呀, 要同學生打成一片架嘛, 又要活動, 雖然我都要對家長, 但都唔係咁方便~ 好彩我無牛仔褲個d~ 有好多扯布褲, yeah~!!

好似背心咁, 有件衫要背心襯底, 有蕾花邊的, 原本得一件, 都唔知點著, 依家因為女仔衫唔多, 買多件小背心, 當2件咁著, 哈哈哈~ 我之前一口氣買左7件giordano小背心, 大家都好印象深刻, 自此以後, 我同一款買多件, 都俾人話架~ 你知啦, 我咁既身形, 好難買衫, 難得有好既, 就想買多幾件spare, 費事突然又想要時無~ 我又唔多行街既~ 不過, 女仔就係咁, 衫係唔嫌多, 依家屋企無咩位擺~ 同埋, 好快著完個cycle, 又覺得自己好似無咩衫咁, 哈哈~ 但家中衣櫃已滿~

不過都好既, 轉下形象囉~ 我都想女仔d, 我想走型女路線, 好似kelly咁, 雖然有人都覺得我有d似~ 咁我真係要fit d先得勒~ 剛剛響giordano買左條skinny fit褲, 好靚, 我鐘意既料, 都係個d系列KHAKIS, 又o岩我著wor, 又減左價, 好鐘意呀~ 成對腳都瘦晒, 呃得下人~ 跟住, 我又好想買多條啦梗係, 大家都知我既性格, 哈哈~

仲有件搞笑事件, 就係上小巴返學, 咁得返一個位, 我當然走埋去啦, 個個白臉女人好愕然咁, 我出左句聲 “唔該”, 佢先郁呀, 大佬~ 不過, 都唔怪佢既, 可能佢唔知佢後排無位(都已經尾二個排)啦~ 真係有趣~

由於我PPIE成績好低, 所以都send email問wing on sir點解, 有咩地方可以進步~ 當然, 高分既admin practice我都有問, 阿sir話我用左佢ppt既一句都要寫返reference wor~ 原來, 我無睇清楚個course outline, 有d野無寫, 我以為只係個program既reflection~ 唉~ 同埋唔夠elaboration & explanation~ 我地份proposal都係, 得c+, 所以都咁低~ 佢要既野, 俾唔到佢~ 佢好著重rationale呀原來~ 下次拉住d阿sir問佢地既要求先得~ iris好好. 就係好緊張d老師要咩, 問個清楚, good~ 佢既mind set好清楚, 我仲係混沌中, help~ 得閒請教下佢先~ 佢睇人好清楚, 有時我都睇唔到既, 我仲問, 係咩? 可能對個d人無咩興趣掛~ 同埋呢d都係經驗黎既~ 唔明就咩都打破沙盤問到篤~俾人話蠢都係咁話, 唔好懶醒~

依家算係空閒d, 趁有時間, 睇多d書, 唔好懶勒~

唔知副校長會否覺得我好奇怪, 又自言自語, 又成日偷聽佢地講野, 之後我又偷笑~ 哎呀, 我真係好悶呀, 無人同我玩, 又無人同我講野~

>>September 19, 2009 at 5:10:24 PM GMT+8

2009 年 9 月 9 日 星期三 【驟雨】

雖然係typhhon, 不過, 因為上車落車的地點也有蓋, 所以沒有傘也沒有關係, 雨不太大便可以了~

我渴望有一個可倚靠的肩膀, 同埋一個溫暖, 咩都唔駛我諗, 好安穩既懷抱, 讓我好好撒一下嬌, 好好休息一下, 依偎一下~ 太久沒讓人疼, 太久沒被人愛~

我新的工作已做了接近2星期, 因為工作範疇內未開課, 主要是準備一下, 收拾一下, 有點悶悶的~ haha~~ 我的名銜是活動統籌幹事, 由非牟利機構聘請, 駐校負責一個計劃, 主要是為小學生安排功課輔導及其他活動, 或協助機構帶領或安排活動等~ 對我來說, 不是我想要的工作, 因為在行政上, 安排上, 比較多, 但是在經濟低迷, 失業率高企的情況下, 又是我同學介紹, 薪金及待遇算是不錯, 上班時間又能遷就我上課的時間, 也算不錯吧, 就當是回到前線的熱身運動囉~

我想要的是planning program, 接觸佢地, 似乎我要多爭取先得, 多d落去巡, 同佢地建立關係~ 同導師建立關係, 你唔好話, 都幾難, 因一次失敗經驗~ 仲要應付家長~ 依家係co-ordinator多~ 點解我好似成日都做埋呢d工作, 自己又懶得去執行? 咁其實, 義務工作是比較適合我嗎? 工作還是文員, 不要用腦的比較好嗎? 又懶, 又唔用腦~ 係我未適應? 害怕? 得個講字? 3分鐘熱度? 怕煩? 仍是希望參與多於籌備? 希望享受多於薪火相傳? 希望吸收多於分享? 我是時候轉換角色了, 我不再是一位學生了~ 我要傳授了~ 我醒覺了嗎?

年假12天, 原因, 懶得proportion咁計~ 好似好多OT, 我都叫佢唔好俾咁多假我, 因為無得放, 不過仲有7-8月及有d唔駛功輔班又要返工既日子, 如星期六, 學校假期~ 有時候, 我會豪俾佢, 反正我都係想要經驗~ 我開心就得~ 唔好為少少野傷腦筋~ alice叫我最好一兩個月內放左佢, 我明佢咩意思, 費事累積一次過放仲甘, 又好似叫我放年假先, 不過我remind佢, 有一次我係要連續7天咁放既~ 好彩, 無probation, 年假可以即刻用~ $9,500~ 無醫療, 算啦, 我估有可能我係唯一一個聘請既人, 佢地未必再有咁多心力搞一個應該由full time既人搞既project了~ 又要bit funding~ 都幾煩, 講忙, 都唔夠佢地, 因為佢地又full time做野, 又要搞呢個project, 我只係working hour做架咋, 我仲好似大晒咁, 咩不帶工作回家, 有d日子又唔得呀~ 癡鬼線~ 都唔知邊個係老闆~ 6點準時放工, 準時到學校, 開心~

而且, 若日後我在青少年的機構工作, 很大機會需接觸這些計劃的~ 接觸多一點點, 看多一點點, 學多一點點~

這份工作只有一年合約, 而機構也不打算再接第二年了, 而我也是這機構第1位聘請的員工, 哈哈, 他們也學了不少~ 這也正好, 我明年10月便開始實習了, 我也打算辭掉工作, 全職實習, 為的是早點實行工作假期的計劃, 所以我也要好好努力儲錢了~~ hehehe~~ 因為半年的實習是沒有薪金的~ 可憐~

呢份工作, 對不起, 予我感覺可有可無, 我又好似睇死佢唔想我走, 唉~ 依家好多人都搵唔到工, 你咁輕易就搵到, 唉, 死好命~ 你咁唔得架~ 點解我咁累? 還沒休息夠? 有什麼在失落嗎?

呢份工作真係好寄人籬下, 這是事前所知的, 不過, 我想得似乎太簡單了~ 我遲一下再分享(又有空頭支票了)~~

亦很感恩, 可以在基督教學校工作, 孫elaine又搵我參加佢既wedding, 我真係好想再返教會, 感謝上帝不斷給予我機會, 我再懶, 一再給予我機會, 謝謝你~ 感受到你所作的工~

依家一定要0100前sleep~ 最好0000~ 無咩都唔想出街, 留在家~

>>September 10, 2009 at 4:15:27 PM GMT+8

2009 年 9 月 8 日 星期二 【清涼】

今天很多人生日~

church既詩恩~ 同學caroline~ 山藝ck(九堅)~ CQ-Joanne Kwok~

又要還飯債~ 同朋友聯誼~

>>September 10, 2009 at 4:23:56 PM GMT+8

2009 年 8 月 27 日 星期四 【清涼】

有一陣子沒有打日記了, 先匯報一下自己在忙什麼吧~

27-28號, 上了由city u Student Development Services搞既Peer Helping & Counselling Skills~ 獲益良多~ 也發現自己太著重結果, 可能會有人誤會, 係為目的不擇手段那樣, 其實不是~ 以下便是我的得著~ copy自ppp份記錄~

""縱使自己是一個社會工作系的學生，並於課堂中學習了有關知識，仍想鞏固及實踐自己所學的。另外，不斷的進修及增值仍是需要的。然而，不同的組合可以產生不同火花。

參與後，有感自己仍需努力，有發現自己沒有好好的把我所學的牢記、整理、重溫及消化，引致有些記憶不能提取、聯繫及好好地運用出來，以致走錯方向，即是沒學懂。

是次工作坊真的獲益良多，包括一些以遊戲、角色扮演、討論、案件分享的技巧訓練，如：觀察、聆聽、發問及意譯等，也提供了不少練習的機會，以致更能掌握當中的秘訣。當然，主動的回應效果更佳。互動、有趣及刺激的活動，也可使同學們精神為之一振。

再者，同學們的思考與提問，令我們更能消化及深入探討所學的。所以，一班同學的學習，你一言我一語，就如三個臭皮匠、勝過一個諸葛亮，可以激發大家的互動與思考。好的示範要牢記，不好的便要注意了，需提高警覺，自己也可能做錯。

在工作坊過後，反省到自己太著重結果，太注重對與錯及好與不好，令自己自信心不高，有很多卻步的時候，何不現在把握機會練習，面對自己的問題？在現實生活中是沒有時間讓你耗費。""

另外, 這星期有大部分時間都在處理新工作的事~ 話咁快, 工都唔駛搵, 就有份工作~ 係響慈雲山基慈小學做活動統籌幹事~ 主要係負責愛心校園的計劃, 統籌課後輔導及活動, 處理賬目等~ 當然, 我係由香港青少年輔導協會所聘請的, 或多或少也要協助一下~ 他們人很好, 認為我工作繁重, 故不敢讓我太辛苦~ 不過, 我也說, 只要上了軌道, 很多事也是手板眼見功夫~ 有感這份工作有一定挑戰, 建立關係及處理家庭, 但仍屬文職工作, 不是我主要想的~ 接觸小學生的機會也不多, 嗯.....!!! 所以, 我要爭取更多planning及帶領活動的機會, 相信同學仔都會俾既~ hehe~ 我要積極爭取, 得到我想要的~ 雖然未知工作量及情況, 但心裡卻有一團火, 已不是先前的渾渾噩噩, 沒有動力, 只想休息的慵懶感覺~

這正是我離開安舒區, 毅然辭職的原因~ 什麼也要試, 什麼也要學, 什麼也要接觸, 只為爭取前線經驗~ 一些我沒有的經驗~ 我還年輕, 所以要好好利用, yeah~

薪金是我所要求的, 年假也有12天, 未知放邊種假期, 不過已知不是勞工假, 應該是銀行假居多~ 不過, 我已提醒, 不要有太多假期, 沒有時間放, 根本就沒有時間, 一至五也要上班, 愛心校園也只有星期一至五呀, 放了要找人頂, 也不太想麻煩他們, 如無必要, 也少放, 而OT希望在1-2個月內放, 只有星期六這些時間了~ 這也算是一份優差~ 最好放年假先~ 頭大了~ 不過, 總有一次的, 因為我有12天大假, 其中7天是需要連續放取的~ keke~~ 點安排好呢? 因為得1年合作約, 一定不可以做滿一年先放, keke~

現在還不知死活, 可能真的會忙死~ 暫時還未感到任何壓力, 哈哈~ 不過, 希望keep住團火~

8月26日晚有個迎新活動, 順利, 沒什麼, 大家也執生, great~

8月24日, 因teddy去電腦展, 所以我都去, 買左lenovo s10-2~ great~ $2999, 多一粒6 cell電~ keke~ 比poly promote便宜多了~ 不過, 個keyboard 保護墊因唔o岩size都用唔到, 想換~ 個電腦袋套都麻麻地~

8月22-23~ 去左深圳惠州棕櫚島渡假村, 估唔到見到佢~ 今次唔知做咩, 個人open左d, 玩得放左d, 尤其在fashion show個晚, haha~ 不過, 又唔去試玩射擊, 又唔做手工藝, 怕什麼呀我, 唉, 這樣不成的~ 好野, 今次睇返張麗珊, 原來上次佢都無去, 如無意外, 我都跟佢多~ 我要訓練佢影相要自然d~ 真是的~ 與morris, 即敏卿個家姐傾計, 佢倆真係2姊妹, 神情, 動作, 說話也似, 除了思想~ 佢真係識好多窿路, 等佢介紹多d好玩野, 帶朋友仔一齊去玩先~

其他~ 這星期有1-2天都有回city上網等, 原來要book架, 可能summer先ok~ 好多時間留在家upload & download相, 燒碟, 因為harddisk真係無咩位~ 日記? 等返工有時間就打下~ hoho~ 執下房, 新學期又會有好多notes lu~

寄俾cat的包裹退回來了, 可能因為臘腸吧~ 唉~ 媽媽用來整蘿蔔糕~ 老婆餅不能吃, 蛋卷自己吃~ 幸好有寄回來, 否則, 誠意, gift, 什麼也沒有了, 我應該會投訴~ 我花了很多時間及精神準備的~

>>August 29, 2009 at 6:00:39 AM GMT+8

2009 年 8 月 19 日 星期三 【酷熱】

8月17日, 因donna有免費disney票, 就入左disney, 唔好意思, 遲左半小時呢~ 沒有用剛開的柯士甸站, sorry~ donna的姨甥女真係好活躍, 好多野講~ 果然係好嘈吵(楚喬)~ 很晒, 利用日間時間睇劇避暑, 之後先玩, 終於玩左space mountain, 有速度, feel唔到離心, 又話得一下, 我已經被"chalk"到暈左, 佢地話快左所以咁, 不過, 依然唔會玩第2次, 放心~ 果然無越礦飛車咁激!! 史迪仔就玩左英文~ 坐左小飛象, 幾怕阿妹係咁以極速上上落落~ 玩左巴斯光年, 俾阿妹轉到我暈左, 不過我仍積極取分, 妹仲想叫我同佢交換槍? 真奸~ 玩左駕駛, 真係好難control, 係咁撞, 又唔敢太快~!!史迪仔反轉大街show就無咩野睇, 不過就可以齊齊dance, 齊齊玩, 玩轉條街~ 晚上煙花表演, 最後大家都係坐低左去睇, 因為旁邊既人都坐晒, 我地叫前面個d又唔坐, 我地先坐, 最後大家都坐低一齊睇咪幾好~

原來, 有人打尖, 只要同工作人員講, 就停佢地一round~ 佢地真係好過份, 肆無忌憚, 有無搞錯~ zip下zip下就zip上黎, 有d見有位, 就直走!! 癡線架~ 好彩donna有出聲~ 真係無教養~ 影衰晒, 以前都無d咁既野發生既, 真係好核突~

唔該晒爸爸提供咁豐盛的dinner~ 食唔晒~ 辛苦晒~

8月18日, 在家休息, 燒碟, 執下野~ 肩膊晒傷左, 快d補救, 仲要after sun gel~ 睇烈火雄心大結局, 出左去mk買老婆餅及dvd~ 韜打左俾我, 叫我interview, 可惜星期六日真係唔得, 唯有星期一morning~ 不過, 返工時間同埋人工都係問題~ 11-7? 唔駛返學, 死穴, 一定唔得~ 咪玩, 呢個point無咩得傾~ 不過, 見左先講啦, 可能唔想要我呢~ 返到去都1930, 傻架~ 我又唔係急住搵, 日後工作我都係以遷就我上課時間優先~ 人工佢地未傾, 低過9000, 我都唔會考慮~ 你地搵定多幾個人選好wor~ 之前既另一個target已經搵到工~ 唔知做咩, 未有個時急住搵工既心態, 又未係好悶咁, 可能真係有太多野勒~

8月19日, 比比生日快樂, 估唔到佢同皮蛋生日咁近~

出去寄包裹, 點知郵費與買禮物用既錢差唔多, 真係貴~ 執下衣櫃, 補返d臭丸, 原來自己都唔少衫, 同埋擺位都要執下, 有d accessory唔知放邊好~ 又有d唔夠位~ 得閒就真係花幾天大掃除~ 不過, 未係好大件事/問題, 都應該hea住先!!

4點多, 收到edward電話食tea~ 傾左陣~ 發覺我同佢都好堅持有d point, 唉, 算啦~ 我係奇怪d架勒~ 不過我都唔係好scouting人, 因為我唔多八, 亦都唔想八咁多, 聽完又唔記得~ 佢話我入世未深, 邊句真邊句假都未識得分, 因佢話我係慵員, 我介意架, 不過其實係反話~ 不過, 我有時又真係傻下傻下~ 又太好人~ 佢話mon醒, 識走位, 推返個波出去~ 咁又係呀, 我就做唔到~ 佢就真係貪心, 章都要2個, 救命, 我就真係唔係好童軍, 佢地中毒太深~ 又話我d景唔吸引, 無衝動想去wor, 仲要花咁既錢, 不過, 我都無咩心機影景, 無個d衝動, 又加上又有d pro機, 不用我出手~ 我去飽覽就ok~ 係relax係優閒囉~ 同埋我有責任在身嘛~ 我d相edward佢永遠都唔滿意, 應該係話我要既同佢要既真係好唔同, 所以我都唔係好同佢溝通到~ 依家都唔想解釋咁多~ 佢自己根本有一套, 好難會聽你講, 同埋有同感心~ 所以, 難怪, 同佢做野得, 傾計唔得~ 因為一定有不同觀點~ 佢唔會明我點解會咁~ 咁冰島我地都只係去左個d景jei, 有d景我覺得真係好靚wor, 咁就真係無咁多冰, "冰"島個冰令大家誤會晒, 又話無企鵝wor, 麻煩大家search下冰島係一個咩地方先啦~ 你想點~ 覺得melody d景靚, 咁佢係ist, 有d地方都唔同, 咁佢拍照技術好過我囉, 得未? 我鐘意既景, 又唔係佢一定鐘意既~ 佢自己又拍得好好咩~ 總之, 我去既, 我拍既, 我學既, 咩都唔好, 咁就o岩~ 因為一個三級山藝, 2個旅行, 佢都唔會認同, 只會覺得唔夠好~ 佢話俾2萬蚊, 寧願去其他地方wor~ 唉~ values真係好唔同~ 無得講~ 我就黎對住佢我就想死~ 一文不值~ 次次都好多argue~ 不過, 都多謝佢既tea~

約左sandy同cyrena行街~ 有點點收獲~ 有d貴左d~ 有時候, 自己一個人逛也不錯!! 不用等人陪, hehe~ 又可以亂逛~!! 未逛夠呀~ 食沙嗲王~ full到有少少肚痛~

cyrena上左黎, 佢同敏卿講既靚仔, 我都睇唔上, 明明係2個唔同既人, 奇怪, 既然話靚仔?~ 俾左chocolate佢, 傾多陣, 就走lu~ 我今日都有俾sandy chocolate~

8月20日, 我返左city, 打日記, 快d clear~ 帶左個班黎埋, 唔記得store個file, 傻仔, 唔打緊~ upload video~

原來, 雙子座盲點： 雙子通常能言善道，而且總是藉著言語來整理思緒， 換句話說，雙子是說話的同時才知道自己在想什麼， 並非經過深思熟慮， 偏偏雙子口才又好，於是聽的人都信以為真， 後來才發現雙子其實只是隨便說說 ， 對雙子的信賴感因此大打折扣。 所以雙子要常自我告誡， 多言無益，沉默是金。

弱點： 雙子天生具有雙重性格，情緒很容易在瞬間起伏震盪， 把自己弄得很累。 因此雙子該學會統合自己的內在， 並且懂得人生不如意， 十常八九。

優點： 用求知的精神擴大全世界。 求知是雙子永不停息的本能。

所以, 打日記同埋傾訴, 有助我了解自己, 整理好自己, 真係好work~!! 我把口快過我個腦~ 直腸直肚, 率真~ 但係我都成日諗野架wor, 唔熟我唔係好講野架wor~ 又有時我d資訊, 只係知皮毛, 再問我都唔識答, 所以只會"er....", keke!! 下次多d好奇心, 就會問多d, 就知多d~ 不過呀, 有d人, 覺得自己o岩, 你講完, 咪唔信囉~ 同埋講野要人信, 都係要有數據, 理據及事實既證明嘛~

city張chair咁好坐, 係因為posh既~ 唔知幾多錢~ city又有冷氣, 爽~ mon又大, 又有internet~ i'd like to stay in library, there is knowledge!

>>August 21, 2009 at 3:47:40 AM GMT+8

2009 年 8 月 15 日 星期六 【清涼】

天氣真係好, 家欣話落雨, 我地不知幾好太陽, 不過都見到有幾舊黑雲~

約1030, 買下snack & drink, 出發~ $10來回, 好抵, 不過班次無咁密~ 入到去都12點多~ 我就晒下先, 一邊晒, 一邊在流汗, 熱到o丫, 有d雲可能好d~ 最後都係落下水, 我地遠距離睇住d袋, 好彩無事~ angel竟然訓著左~ 大家傾下計, 拍下照, 食下野, 咁就一天~ 4點多排隊bath, 換衫, 已1630~ 未走住, 上去tuck shop先~ 幾好景, 又大風, 食個ice-cream先~ 5點多走人~

見到d kayak, 會唔會有佢份? 我剛知道佢有6 day kayak trip~ haha~ 不過, 佢地唔係一人一kayak, 而係雙人既~ 應該唔係掛~ 佢個留言勁搞笑, "咁點算好呢? 咁點算好呢?", sandy我佢平時係咪都係咁, 都似佢份人既, 都係低低能能咁啦, 笑爆咀, 成日做d意想不到既野, 期間有deadair, 佢地話佢唔慣對空氣講野~ 因為都唔知講咩好啦嘛~ 我都係咁~ 諗起我10月上中級kayak, 都感到好累~~ 我划幾下都覺得累, 何況一整天, 仲有出trip, 仲要有好恐怖的rolling? 好驚~ 不過我希望pass~

出沙田~ 因為輝權sir約我地幾個出去傾屬會的事~ 我無咩idea, 又唔creative, 諗唔到名, 原來又有咩約章呀, 委員呀, 會費呀, 我只係希望唔好搞得太複雜, 簡簡單單, 唔好搞d咩事~ 我真係好green, 好fresh, 唉!! 都廿幾歲人啦~ 我地都好簡單, 只係想推薦d合格會員註冊同埋提供有關訓練jei!! 唔好搞屎棍, 搞個人主義~ keke~ 黑左~ 又同eric sir撞色, 今日大家都係黃色, haha~ 同輝權sir處理埋證書費~ good~ 散band~ 我以為大家傾得差唔多, 就無買野食, 買左野飲咋~ 回家才dinner~ 好彩有food~ 不過, 無都唔緊要, 總有野食既~

當中又傾下henry個問題, 原來係受壓時的反應唔ok~ 當你有幾件事發生, 需要你處理的時候, 你唔應該腦袋一片空白, 因為現實情況不許可~ 咁就真係幫唔到~ 同埋佢太固執勒~ 唉!! 而ryan就交左俾eric sir感化~ 咀多但技術紮實~ keke~

我都要努力d~ 仲有好多野等住我!!

>>August 20, 2009 at 6:52:22 AM GMT+8

2009 年 8 月 14 日 星期五 【酷熱】

今日, 好晏先起身~ 所以遲左去藍田拎奶粉~ 好彩都有同華姐傾一陣~ 訓得太多, 呆呆地~ 心情有點不佳!!

在家燒碟, 快D燒, 因我想清下我部腦既MEMORY~ 已經多野到無咩容量~ OMG~ 燒到遲左~ cyrena約我1700太子, 我還在家~

行左陣聯合, 無咩牛仔裙o岩~ cyrena呃左我返荃灣, 話有星星耳環, 原本明明話花園街有間, 之後又話係有佢d野咋wor~ 都無咩行旺角~ 只係去左豐澤及百老匯, 買左b-day gift俾人, 我又睇左下netbook~ 去到荃灣又食飯~ 同麥兜影左陣相, 都好晏~ 仲要拎裙去換, 都無咩行街, 俾我嘈到佢再同我行左陣附近的飾品店, 也沒有~ 遇上polly, 但因我地又趕住去波地, 又分手了~ 真係趕呀, 今日d時間, 同埋都無行街囉~ 只係有感被人呃左~ 佢都回不了家, 因為實在沒有時間~ 她還要趕下場, 有朋友生日~

一到波地, 我即訴苦, 見到東東及sandy一定要講俾人呃啦~ 點解cyrena睇左咁多次波, 都認唔到佢地架? 不過, 佢記得晒d人既名勒, 終於~~ 又真係無咩行到街, 真是的~!!! 佢話要賣身俾我添呀~

我回到家也11點多了~ 充實的一天~ 卻沒有我想要的牛仔裙, 星星耳環, 長長的衫~ 不過對netbook, 我有心水了~ 又要問一問joec既專業意見~

>>August 20, 2009 at 6:10:45 AM GMT+8

2009 年 8 月 13 日 星期四 【晴】

今日cammie及皮蛋生日快樂~

今日終於走左去睇竊聽風雲, 唔錯!! 有吳彥祖, 古天樂, 劉青雲, 仲有方中信~ cool~ overheard, 因為一次歪念, 先用一個謊言掩飾, 之後再用千千萬萬個謊言遮掩, 劉青雲由不知是錯與對, 理性與感性的爭扎, 最後因為情義, 人心也是肉做的, 自己也說謊了~ 最後, 只有他們才知道事實的真相, 騙也要騙到底~!! 也正因為這筆錢, 破案了~ 卻失去了心愛的人, 2個好兄弟, 1個家庭~ 家家有本難唸的經, 劉青雲與好友的老婆, 起初是劉青雲的, 卻因為退讓給方中信, 故沒結果!! 古天樂有個幸福大家庭, 仔仔患有血癌, 沒事了, 到他患了肺癌, 正感慨有誰明白他, 未來得及宣佈, 整家人也死了, 有錢沒命花~ 吳彥祖娶豪門, 女家爸爸的壓力令他透不過氣來, 高層的只會把你當傭人般, 他的警司說得對, 來打golf的, 不是做傭人, 他這警司很讚, 一直被打壓, 一味唯唯諾諾, 沒有了自己, 想擺脫吧, 還要連自己喜歡的工作, 唯一可證明自己價值的工作辭掉? 未免管太多及專制~ 未婚妻說有什麼一定要表達, 否則會放肆的~

股票, 在不適當的時候放手, 也變成遺憾! 吸取了教訓, 仍不放手? 或許我太沒有冒險精神~ 貪字得個貧~

科技的發達, 有時候真的令人毛骨悚然~ 原來我們經常帶著偷聽器~ 偷聽到不少不為人知的秘密, 為達成目的, 唯有利用這些秘密囉!! 是奸, 是手段, 但如不傷人的, 又如何? 談情理嗎? 應分開來, 利用, 偷聽已是不對吧!!

有驚險~ 有人性~ 有反思~ 有演技~ 有笑位~ 有悲情的~ 我不禁在想, 自己如何選擇?

冷靜, 便可走過不少難關!!

之後張羅恆香蛋卷, 合桃酥, 榮華臘腸, 奇華強卷及餅~ 下星期再寄既時候再買老婆餅, 今日我都買左個盒!! 走遍油尖旺!!

今日又走左去watson's, 買tanned oil, 因為星期日要去沙灘, (比龍城平, 因有折), 因為我知道有得換迷你麥兜八達通及吊飾, 原來係換購, 用八達通買左$40野, 仲要加$148, 都係要八達通, 真麻煩!! 不過, 好值得, 真係好靚呀, 勁開心, 讚!!

晚上, 一班舊同事來我家hot pot, 有money, carrie & donna~ 好撐~ 媽媽仲叫埋一家人齊齊hot pot, 好多野都食唔晒~ 11點多散lu~~ 佢地都唔係好得閒睇我冰島既相~

>>August 20, 2009 at 5:54:10 AM GMT+8