2009 年 11 月 28 日 星期六 【晴】

今日因為尋日學校突然有個旅行, 所以今日補假~ 都好, 安安靜靜整埋12月份既野~ 11月都幾full, 差唔多日日都係上課日子, 有點累~ 上星期成日話要訂茶點, 都唔記得, 好彩今日訂, 明天有咋~ 不過, 又要錢~

近排, 收穫甚豐, 買左都幾多衫褲, 走斯文路線, 大出血~ 仲想買~ 花園街, 平平地可以試下~ 仲有羽絨~ 其他就隨緣~ 狂跟cyrena行街, hahaha~~ 好彩星期六行一陣咋, 2個半小時都夠皮勒, 好累, 好重~ 估唔到mk街頭有d衫我都可以著到~

星期六仲去左觀塘買眼鏡, 又等左好耐~ 先等jonathan放dinner, 我又行左陣~ 再等驗眼, 傻仔既我見唔到太陽鏡又唔問, 不過都好, 咁o岩我都想配眼鏡, 而右眼深左50度~ bad~ 下次去拎個陣時再買囉, 下次就唔駛等掛~ 因為都唔駛驗啦~ 好彩拎左卡片, 有地圖, 我先識搵返條路, 我都行錯左先發覺唔對路~

星期日, 去敏卿姐既簽紙儀式late左, sorry~ 早知唔畫eye line, 隆重左d~ 去區就職又有好多時間換衫同埋食野~ 唉, 無得頒木章, 我要查究咩原因~ 算啦, 區會又無咩人識, 總之, 我唔會等佢地開會上去, 點都要旅團同我分享喜悅~ 我做咩突然變得咁介意同埋虛榮? `不要得~ 雖然只得一次~ keke~ raymond仲搞笑, 話俾佢個個我~ 佢個心態就係, 童軍好政治, 我都問佢, 咁佢又繼續? 無志氣~ 因我都有問佢個膊做咩唔換, 佢話未interview wor, 不過佢話唔重要, 野都一樣咁做wor~ 幾無奈同隨便, 但又繼續~ 話洗濕左個頭wor~ 尋日都為左木章一事激氣左一陣, 不過又無謂, 哈~

晚上睇2012, 好好睇~ 好touching, 好humanistic, 好震憾, 好驚險, 好緊張, 都有1-2個笑位, 雞皮疙瘩, 心寒, 感受很深很真切~ 急都唔急下~ 來不及與親人道出心底話, 去道別~ 救不了自己的朋友, goodbye my friend, 這一句多令人動容~ 那份無奈~ 那份良心~ 那份真摰~ 那份情操, 尤其意大利總理及美國總統, 留下來與市民同生共死, 更宣佈了這個事實, 因為他們有知情權~ 亦有人選擇留下來見證這個時刻及報導第一手資訊~ 留下來的也因為看化了, 接受了~ 有人仍繼續爭取生存機會~ 那些裂縫, 那些火山, 那些海嘯, 所有大廈塌下, 未來還有多少部電影能震撼過這一部?~ 一切一切繁榮, 建設, 人, 事, 物, 感情, 仇恨, 甜酸苦辣也掉到板塊下了~ 只有那dr adrian helmsley敢在總統面前認錯~ 這一部, 要死的人也會死掉~ 就算再計較的一個人, 上不了方舟, 也拋自己的仔上船~ 所有大人也以自己仔女為先, 先協助小朋友到達安全的地方而犧牲~ 臨危的一刻, 是先想到自己還是別人呢? 當下我再想什麼呢? 還有什麼事情一直想去做仍未做的呢? 自己又在當下做些什麼呢~ 真的要珍惜呀~

一切也很虛無縹緲~ adrian的爸爸也說不枉此生~ 多令人感動~ 死也要與tony一起~ 老拍擋~ 為什麼造船時那麼浪費, 明明可以多救一些人? 為了掩飾又殺了很多知情人士? 審批的準則又是什麼? 講真, 造船那麼大件事, 又掩飾得幾多? 苟且偷生而埋沒了良心, 又為了什麼?

oliver platt真係好似stephen fung呀, 哈哈~ 係咪失散多年~

我很累, 很想充電及休息~ 要與小朋友一起, 不是1年便可做到, 所以, 回來後, 一定要越久越好~ is it worth to stay? but it is financial problem~

>>November 30, 2009 at 6:23:43 AM GMT+8

2009 年 11 月 14 日 星期六 【暴雨】

孫慧玲的大喜日子~ 希幔小家庭~ 自從離開教會後, 已甚少與大家聯絡, 藉著孫慧玲的大喜日子, 大家聚首一堂, 送上祝福~ 十年人事幾番新, 結婚的, 生小孩的, 但大家性格及樣貌也跟多年前差不多, 哈! 亦都決定跟隨慕竹返教會, 剛好她1月不做導師了, 又有此機會了~ 開心~ 決定了~ yes~

今天又有數個朋友生日, 真是好日子~

84 vs camp, 終極步操訓練~ 入camp, 不太舒服, 所以小睡了片刻, bbq前先醫少少肚, 最後也吃不少, 也遇上冼sir接他上來~ 營不用自己開, 又有家長安排bathing, 很順利, 及後與大家檢討, 也沒什麼~ 那幾名義工原來是clare的中學同學, 哈~ 真有心, 用那麼多工餘時間~ eric有感不錯, 也是社工, 也很忙, cyrena也跟他聊得很投契, 有點意思, 她或許不知道, 希望她有多點機會與他溝通~ 第2天早餐也不用擔心, 大家也一同sing b-day song to漢璋, 佢好感動o丫, 傻瓜~ 雅賢爸媽確實有趣~ 繼續步操訓練, 領袖都一齊接受訓練, cool~ 開心, 早走, 忘了放低key, 帶走了, 唯有寄回去了~ 原來有幾個option, 一係約我, 一係寄, 一係我交返黎, cyrena說leo好快決定用寄的~ 我當下立刻寄回去了~

好想好想辭職~ 我還可以捱多久~ 呻的次數多了很多, 心感不妙~

>>November 30, 2009 at 9:00:25 AM GMT+8

2009 年 11 月 9 日 星期一 【陰】

Donna打黎約我去佢屋企, 同我傾左陣~

佢好想我開開心心咁做我想既野~ 佢話我諗太多, 沒有享受, 咁年輕, 好似好多重擔咁, 就係太成熟諗得太長遠, 呢個年紀唔應該係咁, 應該係隨心所欲做自己想做既事, 就因為佢俾唔到下一代咁, 所以唔生~ 佢話有一個人, 鐘意就工作, 想去旅行就旅行~ 我可能未有咁既support, 但我應該要好似佢咁, 及時行樂~ 係囉, 一邊廂都話自己年輕, 要出去闖, 走返前線吸取經驗, 有感自己有心無力, 但原來有d野我更想做....遊歷~ 另一邊廂又話自己年紀唔輕, 仲有好多野想做, 有好多plan, 再大d就無機會~ 社工對我黎講都係一個重擔~ 我好自私.....我為左咩讀社工呢? 係咪真係要做社工先可以幫到人呢?

懶偉大咁, 要經驗, 經驗係要年月累積的, 我又何必太急進? 依家應該未需為事業闖天下, 而我目前只想專心完成學業, 所以我應該朝呢個方向去~ 有d野應該要放低, 應該要取捨~ 我只係想要一份穩定的工, 唔駛我煩, 我煩學業, 煩事業外既野就得勒~ 帶program? 義工就得啦~ 想知呢行既資訊? 有同學, 有website, 有心就一定知, 唔好成日飯來張口~ 同埋, 就算入到呢行, 又係咪一定咁貼既呢?

要經驗, 係咪呢1年就得? 好似唔夠~ 遇上了, 學懂了, 仍未來得及消化~ 不要庸人自擾, 想太多, 要來的時候便來了~ 擔心那麼多幹嘛? 雖然都要be prepared~ 上堂學既野, 真係要用的時候才領略得了~ 哈哈哈~ 大家也會忘記吧~

好想好想去旅行, 不受時限地去闖, 合上眼享受那陽光, 靜靜地望著月亮......享受那寧靜, 無拘無束~ 呢個諗頭纏繞左我好耐~ 今日既剛剛又冒出來~ 可見得, 我是多麼渴望~ 想要那無拘無束, 是因為我覺得當前未能做到~

"太懂事會可能失去好多, 仲細放任下係好事, 唔好老來有憾"by donna~

"我同你都一樣>"如果唔係呢個學業, 真想一走了之"縱然過程係辛苦,甚至係一個重擔,但當你細心諗返起自己當初interview所講既野,相信你明白多d,,enjoy the process!!一齊加油啊 : ]" by suyi~

"you are you! how old are you! you still young, do what you like...enjoy life...life is short...do what you like and no regret...just do it...."by michelle~

雖然咁大年紀, 仲未有一番事業及經驗, 稍遜一點, 但呢樣又唔係我想要既野, 唔係我想要既人生~

難怪, 當有得升職時, 有咁多confuse, 咁多憂慮, 好似好唔開心, until now, i've found out the reason~ 鬼叫我, 悶又話悶, 忙又話忙咩~ 無事搵事做~

突然豁然開朗, 被donna打通經脈, 我搵返我自己, 我搵返那感動, 那團火, 那心頭熱~ 黎緊, plan下一步~

我還是需要別人的肯定及認同吧? 成日問"係咩?係咩? 我唔覺既? 何以見得?" 多麼沒有自信心喔~ 果然, 我真是保護自己, so defensive~

>>November 10, 2009 at 4:36:38 PM GMT+8

2009 年 11 月 6 日 星期五 【陰】

今日的上午考獨木舟中級試, 今次搭的士既有文傑, 青, cyrena同我~

無左平時既艇~ 又放唔入gear, 好野~ 唔駛咁重~ 筆試, 出門無睇天氣, 算, 都唔係我地溫個d, log book有得抄既, 什麼天氣影響划舟者安全, 旅程裝備~ 阿sir d鉛筆有無刨架? 同埋, 到走都唔知阿sir叫咩名~

突然叫我地排4個技術既先後次序及左右, o晒咀~ 1.搖櫓式干衡(右) 2.提手式壓水平衡(左) 3. 垂手式壓水急轉向(右) 4.搖櫓式橫划(左)~ 突然又話考拯救, 10米, 即走, 即做, 都未練習, 其實之前個4個動作都未練好, shit, 大家又迫到好埋, 點埋去jei? 大家都話佢趕住走~ 呢個艇種, 真係成個人離開左, 之前練習都未試過有咁既感覺, 坐唔返好, 真係要再浸落去先得, 又唔想, 又唔可以咁大力, 仲分唔到前後, omg, 裙易鬆, 都係夾硬黎, x型深水救艇法, 因有前後艙, 要patient幫手添, shit~ 第2次上得返, 但因未平衡, 響另一邊跌返落去~ 之後, 眼鏡都無埋, 明明俾左cyrena, 唔知幾時唔見左~ 唉~

就係咁, 完左, 沖涼, 又brief多我地一陣, 散~ cyrena今日搭巴士~ 無左阿基, 加上又眼訓....車~ 阿sir都未落過水~ keke~ 阿基send sms問cyrena考成點, hoho~

回家, 收拾, 休息, 1630出tst行左陣, 又試eye shadow, 再出太子, 買左少少零食, 2對boot$410, 1條絲巾$25/2條~

今日去左瓊華既笑笑慶祝菁菁生日~ 要除鞋, 鎖入櫃, 最後只得我搵唔到, 因為放左其他櫃度, 嚇死~ 派卡片時, 又有一張個鼻唔知做咩, 佢地話我流鼻血, 最後回收, 不過佢地已經笑到肚痛~ cyrena病又唔戒口, 俾我地係咁阻止~ 東東坐左響陰暗的角落~ 細angel誓死唔俾相機人地幫我地大合照~ d野好細碟, 不過最後都好飽, 仲有個好靚及好"流"既東海堂朱古力cake~ 燒焦糖芝麻蕉, 講完先有得食~ emily走左, 無得食, 因朗朗掛住mummy勒, 講野都係咁精警~ cecilia又同欣欣打交, 佢恰欣欣呀~ 成日都拍唔切movie~

好鐘意與他們一起的時刻~

>>November 15, 2009 at 4:57:57 PM GMT+8

2009 年 11 月 2 日 星期一 【颳風】

哇.....17度呀~ 好似凍左wor~ 加衣先~ 今日遲左咁多起身, 又遲左15min先出門, 我返工打卡都只係遲左2分鐘咋~ 發現我張卡俾人屈左少少, 打卡易左, 無因唔o岩位又彈返出黎, great~

今日henry tse, sam tse仲有惠個仔生日快樂~

我唔捨得班小朋友~ 但留響度我唔覺得有d咩學~ 但我想知我自己想要咩~ 糧今個月依家仲未有, 有d難頂, 唔習慣, 無錢用, 仲要還錢架.....

今日, 有人因誤會去左做東亞運動會, 亦有人搵到長工, 黃大仙居民委員會請左佢, 都好, 識多D唔同行情既人, 睇下做咩都好~ 又要搵2個人~ 我都估到佢請假係去見工, 不過, 呢d係我預左既野, 只係搵人個一刻有d煩, 好彩都有人介紹下~

因為我地都唔知第5個站應該邊度落, 所以昨天係俾個家長點左去第二度, 仲話人地個司機唔肯去亦都唔識去添, 錯怪左人地, 唔怪得好似咁奇怪, 點解會唔識去既呢? 校車公司亦都講左唔可以隨時加站, 佢就問點解平時放學ok, 但愛心校園後就無左個站? 成日問司機行邊, 做咩唔可以順個路, 仲話拉埋其他家長唔搭校車, 人真係可以為求目的, 用方法去達成自己個意願~ 唉...威脅~ 另一個家長就話要抽返起妹妹個註冊, 等中央派位, 又一個威脅, 因為佢家境困難, 拎cssa, 無錢俾愛心校園, 俾$等基慈教好佢地, 如果妹妹一齊讀, 更加負擔唔起, 唔食都要俾佢讀書, 仲講到喊~ 當然, 叫佢寫封信俾學校董事會開會, 又話為難佢, 咁咪叫社工幫忙囉, 自己又唔做d野, 就想有資助, 真係.....

第時我對呢d case, 我都唔知有無咁高EQ~ 真係炆~

睇返一篇日記, 唔知我post左未呢?
"返左一星期工及學~ 有感今年一定忙到飛起~ 每樣功課都好heavy~ 好累~ 好似放暑假後仍未適應, 係自己太hea, 定真係太懶? 我真係好想除左返工返學既日子, 我唔出街, 好想休息一下, 同埋反思自己學過既野, 有時真係消化唔晒, 我求知慾好強, 真係有好多唔明白既地方, 有時又唔識問wor~ 真係力不從心~ 無咩見解, 又唔投入, 都唔知想點~ 又唔用腦思考, 又無criticize thinking, 唉~ 無建樹~ sem b無左我d戰友都唔知點算~

定係好似菁菁咁講, 我太急進呢? 有d野唔係一時三刻就學得到~ 咁樣既我, 我真係好歉疚~ 覺得自己好無用, 又懶~ 唔得架~ 要俾d心機先得~ 進取一d啦好唔好? 唔係要餵埋你先識食呀嘛~ 好似莫sir咁講, 唔好指望佢俾野你呀, 無互動, 都擦唔起d咩火花, 就無更多新既見解~ 自己又學唔到野, 知識係自己追求及探索, 而唔係擺晒響度, 俾你好被動咁去吸收既,~ 雖然知道自己係一舊棉花, 但都係太被動勒~

我懶左好多~ 唔係好functionable? 定係, 真係做文職o岩我多d?

>>November 3, 2009 at 3:43:50 PM GMT+8

2009 年 10 月 31 日 星期六 【晴】

呢2日好開心, 難得1個weekend留在家與quiz of group及community paper搏鬥~ 悠閒兼開心~ 有點眷戀~ 不過, 總會忍不住偷懶一下及小睡片刻~ 未到最後一刻也捨不得動工~

>>November 3, 2009 at 2:34:16 PM GMT+8

2009 年 10 月 28 日 星期三 【微冷】

聽聞下星期18度? 好似好寒咁wor~

有位小朋友令我要思考多d, 應該點做, 對佢先係好呢?

今日搵返個飯盒, 去toilet時, 途經放飯盒既保溫箱, 見到我個飯盒? 2天了~ 應該係阿姐叮錯左或有人拎錯左, 唉, d飯都無郁過~ 原來我無掉~ 不過, 依家我既飯盒好唔同, 係玻璃既, 仲有用張紙, 大大隻字寫"自己叮便可以, 謝! ling~ 應該唔會睇錯勒掛~

原本明天沒有愛心校園, 家長也問為什麼, 原來學生明天如常上學, 所有課外活動正常, 連黃主任都問我明天為什麼沒有愛心校園? 是因為我跟佢highlighted既時間表而訂的, 如果多1天, 價錢便差很遠了~ 原來是出錯了~ 不過, 今天已提醒各導師再提醒學生明天不用愛心校園, 但仍怕有些學生未有家長接送, 故安排了karen回來, 看顧他們, 再為她爭取tutor fee~ 不過, 我已提醒, 不要太多人, 只照顧家長不能接送的, 如太多, 便致電家長吧, 哈哈哈~ 做得幾多得幾多, 茶點看情況再派~ 黃主任萬分感激, 亦說如有懷疑, 應早揚聲~ 我以為佢地PTA大會是大盛事, 故沒有愛心校園, 現知道了如何定愛心校園的日子~

rex真係好煩, 成日問我有幾多人, 幾多家長唔知明天沒有班, 問埋d連我都唔知既問題~ 又話要早一星期響不用愛心校園前1日寫"明天不用愛心校園", 今次係例外事件, 正常上課卻沒有愛心校園, 否則, 學校一定提醒寫手冊的~ 當然, 有咩我也一定寫, 一定提, 不過捉佢地寫手冊好煩, 我個次逐班check, 又要用高壓手段迫佢地寫, 唔係咁好~ 有懶既地方, 因為我真係好怕煩~ 對佢我係唔服, 佢亦都沒有令我信服的地方, 我都不認為我在他身上可學到什麼~ 經驗尚淺~ 不過, 我唔鐘意既人, 要數, 都真係有排數~

大家不斷追問我gathering既日子, 都係快快手搞掂佢~

sat quiz, 又plan左交report, 但, 我依家都仲係想拖, 唔係好理咁, 又唔急, 都唔知想點, 哈哈哈~ 唔到最後1日都唔做, 好似我依家d學生咁~

>>October 29, 2009 at 3:12:07 PM GMT+8

2009 年 10 月 26 日 星期一 【微冷】

秋天了, 天色很快變暗, 也涼了很多~

連續幾日都好早起身, 今日仲早, 0600, 最後都係0620先起身~ 之前2日就因為獨木舟要0700起身~ 今日係因為要早d回校收費, 我預左0730~ 今日karen(part time)仲要請假, 即代表著我要留到7點~

尋日個日旅程好開心, 因為係咁玩水戰, 貪玩既阿青, cyrena &我~ 李sir又比較輕鬆, 任我地玩, 今日又唔太辛苦, 都ok, 太陽唔太猛, 又有d風, 雖然有d位無風有點熱, 不過都ok~ 西貢真係好靚, 今次仲可以去到滘西漁村食麵, 有淡水沖身, 有直落既toilet, 赤腳走路, 爽呀~ 阿cyrena仲係咁同人say hi, @.@~ 有遊人同我地開玩笑, 走左船…~ 阿基=阿sir又示範佢個鬆軟cake點解壓扁後彈返起, 仲可以當枕頭, #o#~ 阿李sir就叫我地食晒佢d野~ 阿基&青清晒~ 我地今日3點前已回到斬竹灣, 仲可以practice下, 不過都好hea, 有d人唔練, 我好擔心做patient, 要忍, 要閉氣個一刻~ 如果唔係等taxi, 都好早走左, 見到2位同學截唔到車, oh..我地太小圈子, 早知分2部啦, 唉~! 我同cyrena都唔想阿基次次都係佢出call車個$5, so我地都一起攤分, 因我地都有full time工作, 佢又係學生, 又做part time~ 我地今次又見返gf9044勒, yeah~ 我地相認一番~

今次阿sir有帶防水相機拍照, practice時又有video, 睇返又真係幾過癮~ 同埋, 我都唔知做咩咁快上返黎, 睇返, 真係好快, 忍忍忍~ 不過, 阿sir話係1個好標準(好靚)的capsize~

呢幾次, 都係我地幾個同阿sir一齊出入~ even連回家take mtr, 出去mk食飯個日咁o岩都一齊~~ 阿sir成日都訓….哈哈哈~ 佢個日出到mk落車都wing下wing下未回魂, 都有問佢知唔知依家響邊~ 第1次係問佢邊度落車, 之後行去途中遇上, 有架順風車~ 走個時係阿sir叫cyrena等埋~ 25號個個阿sir, 我認錯左, 以為係第2日個個~ 佢帶飯添呀~ 不過料就係個d粉呀, 罐頭, 好似去遠足營咁~

尋日都去試左阿sir推介既好味菠蘿包, $6/個~ 佢話俾我知係美心直行~ 我以為係面對美心~ 原來係右面係美心, 左面經茶餐廳直行個間~ 激死~ 佢應該講過茶餐廳, 不過, 我唔醒起, , 又懶醒又一意孤行~ 點知佢發現左好似見到我地, 只係跟住, 無叫我地, 作死, 等我地行左咁耐~

呢位阿sir唔錯, 都幾高大, 人又無咩所謂, 教學時認真, 但又玩得, 都幾搞笑, 樂觀, 正面(我地話石sir惡, cyrena覺得石sir針對佢, 佢只係話都係教緊佢野jei), 好似都幾善良, 大男孩1個, 膚色健康, 叫cyrena上啦~ 卡卡~ 不過人地有女朋友~ 我見到cyrena tend to貼近人地, keke~

今日勁低能~ 可能唔夠訓, 暈下暈下, 打算掉左之前幾日既到會, 星期六唔記得掉, 趕住走~ 點知, 我lunch打算叮飯時, 唔見左個lunch box~ 一係俾人食左, 一係我掉左~ 我拎去掉時個面係無野既, 我估我係放左響底, 我都唔明, 我明明已放左入雪櫃, 我仲拎返出黎做乜? 我都好似聽到”呯”一聲, 我仲疑惑, 點解有聲? 由於發現既時候個垃圾桶已滿, 無理由搵架, 唉~ 最後都係出左去食野~ 食左好耐無食既乾炒牛河+凍朱古力~ 不過無咩時間休息, 因為我出去個時都好晏, 又諗緊食乜, 最後無去慈雲山中心, 因太遠, 去左慈正個邊~

>>October 29, 2009 at 12:09:15 PM GMT+8

2009 年 10 月 11 日 星期日 【乍寒還暖】

成為月記?

好耐無更新日記, 其實有好多野已經發生左, 不過, 思考得黎就無時間打, 而且, 功輔班剛剛開波, 有點應接不暇的感覺~ 依家感覺好左好多, 黃主任果然有經驗, 都知頭2星期比較混亂~

我都無好實際記低發生的時間, 依家的時間跑得很快, 抓不住, 時間觀念弱, 依家仲成日講左9月幾多號~ 跟住, 邊日發生左咩事, 做左d咩, 都要睇返手機既schedule先知~ 當要想起, 腦內是一片空白, 沒有任何影像~ 仲有既就係, 每發生每年都發生的事的時候, 又會慨嘆說: 又一年了!!!

10月6 & 11日幫左啟導班, 有時真係要早d prepare想點present, 可準備多點, 尤其當期時的新聞, 可以引用返~ 10月11日, 果真係一個多元化的活動, 岑成真係好俾心機去諗, 我個時呢, 真係唔creative, 哈哈, 遜~ 先係走base既活動, 有大腳八, 珠行萬里, 尋毫子 及 隔空飲水~ 當然, 叫佢地諗返整日既programme有咩好與不好及列明原因, 仲有既就係對呢d team building活動有咩感受與得著?

之後就整焗爐, 又訂左pizza俾佢地食, 佢地好full, 我地唔夠食~ course leader亦都好似無咩食到野, 又唔出聲~ 佢地話唔好俾太多instruction, 俾venture自己諗多d, 同埋依家似bbq, 唔似焗爐, 因為炭燒起左, 熱力仲有好多, 應燒到好盡先~ 炭的處理沒有說明~

前面既task就好影響下晝既環節, 影響佢地有幾多物資~ 因為佢地要整天然遮蓋物, 物資有竹, 膠紙, 報紙及麻繩~ 見到有防風防水繩, 各有創意, 又有好多用膠紙, 好似coretex咁~ 有d好似以前維京人咁, 得3支竹, 只可整3腳架, 空間少, 下方唔夠報紙就自己拎住用來擋~ 有d報紙飛揚, 睇風向, 比較集中擋其中一邊~ 真係笑料百出~ 之後course leader用水喉, cool~ 阿君有點顛, 真係好enjoy~

之後玩人妖打排球~ 先前的水彈太細, 唔爆, 仲好佻皮咁彈下彈下~ 之後就有個西瓜出現~ 真係好興奮, 我地d領袖好似睇波咁, 響旁邊打氣, 尖叫及拍手~ 有4個boys真係好搞野, 勝利後圍圈跳及轉~ 不過, 個2個女仔就唔投入, 唔想玩~ 後排個2個真係接得好好, 值得為佢地歡呼~ 不過, 有時接波會令個膠袋爛左~ 有d人接緊都漏走, 有無諗下用咩方法呢? 不過得分方法係好易deuce~

最後就有一個小小debriefing~ 就頒cert~ shit, 要操出去? 游返去, 真樣衰~ 希望班小朋友有得著啦~ 好開心可以有時同佢地一齊傾下計~ 佢地有d真係傻傻地, 有個似余文樂~

之後, 等埋先走, 仲玩左monkey bridge, 第1次咋, 勁驚, 震架, 仲影相, 快d啦, 唔可以停架, 越耐越驚, 我平衡感又差~ 之後佢地教我重心低d, 手伸直, 丁字腳~

講返功輔班, 記得有一次3B個miss話我地無關電腦, 但個日星期二, 我地都無用, 同埋我地既導師唔用咪及電腦, 佢地亦都無login, 有d什至連掣都唔知響邊~ 之後佢就話因為往年有小朋友走出班房, 就開別班的電腦, 如果真係有咁既情況, 我會留意lor, 但點解係都要話我地? 我最憎被人屈, 又好似係我做得唔夠好咁~ 佢同旁邊個miss講, 好彩個日佢都有上去搵小朋友, 都見無用, 當然, 佢又堅持會有小朋友走來走去, 因為佢確定佢有關機~ 最後, karen話我知有見過2個technician入過去~ 我知miss都好盡責, 又比較緊張, 好直, 有禮貌, 好得意架佢~ 成日都話唔係投訴或呻~

我搵左阿to傾計, 由放學2130, 傾到11點幾~ 累爆, 佢見到我有好大壓力~ 我咩都講晒, 包括我唔鐘意功輔班, 無實質support (雖然大家都係獨立工作, 但身旁會有個同事或上司解答及無實的支持), 導師的工作安排 (好似做埋HR咁, 有時突如其來, 都幾頭痛), 低估左好多野~ 當初話我係一個CEO, 真係imagine唔到, 依家就知味道~ 煮到埋黎就食? 真係得? 我係緊張大師, 又固執, 又認真~

佢都成日問我有什麼可以幫助我~ 商靜能否減輕我工作? 能否成為我既支持? Admin上既野, 可否簡化一點? 無得話唔鐘意做, 叫得你, 就要做~ 有什麼, 可以透過機構跟學校反映~ 希望可以記錄一些事情, 再與學校商討, 但我個人認為, 好像又嚴重了點~ 關係會破壞~ 不過, 大家只是想把事情做得更好~ 我平時都會同黃主任講返d情況~ 有時都真係唔想煩佢, 雖然佢都預左, 因年年唔同人~ 少不免都唔想加重佢負擔~

唔想想走, 因為唔想再TRAIN UP或再搵人, 機構想留住我, 另外, 是因為我夠謹慎~ 也對, 再出外, 又能否保證找到一份喜歡的? 加上, 慚慚穩定, 也比較空閒了點, 上了軌道, 應能掌握, 只是自己根本的問題, 要慢慢改進~ 有沒有什麼好的方法幫助呢? Keke~ week 6, 即 9/10要交1份observation report, 剛好連續2天沒有功輔班, 可休息, 及用了星期五一整天趕起份report~ 正~ 不過, 知道自己做得不好, 沒有看很多reference, 不夠料~

以下是近來我跟友人透過電郵聊天時的內容, 就是我近來所想:
我是在一間小學裡負責一個project, 我是活動統籌幹事, 呢個project主要跟課後功課輔導及一些戶外活動等~ 雖然不是我想要的工作, 但也可累積經驗, 況且只有一年, 而我也打算全職實習, 所以也很配合我的計劃~ 如果不是我朋友介紹, 我想我現在都未找到工作吧~ 因為我都沒有在找工作, 哈哈哈~~ 懶~

一路走上來, 越感自己的不足和缺乏, 自己性子急, 總會很責備自己~ HAHAHA~~ 所以跟你說, 我經常在迷惘及無自信中~

我很貪心(是我的性格, 哈哈, 好奇心), 有很多想擁有, 想試, 無奈地, 這是有限制的~ 所以, 開始有了取捨~ 我也是要求高的人, 總想把事情做好, 但又不想假手於人, 但有時候, 總不能兼顧太多, 盡自己的能力, 也相信他人, 萬大事, 最後總會順利渡過~

離開一下, refresh一下自己, 重整一下自己, 是很好的, 記得找回自己~ 我也很喜歡這樣~ 是因為有時真的太忙, 有很多新的知識, 資訊 及衝擊未能消化, 令自己當機~!! 也因為這些時間, 令我找回原來的我, 重新得力, 再次踏上征途~

近來, 不知為何感覺到自己的軟弱, 也令我想了很多~ 好想還沒有時間把一埋資訊整理, 吸收及消化好便立刻有另一堆要進入我的腦袋中, 很想停下來, 但世界上那會有這裡美好的事, 亦有多少人可以停下來, 整理一下?

要停下來, 是因為想要把握自己想要的資訊及感覺, 好好經驗及感受~ 人越大, 記性越差, 可能太多事情了, 故希望把記憶好好儲存~

我終於aware到的抗壓技巧不太好, 又常常給予自己壓力, 總令我頭痛及不安, 當然沒有太嚴重, 只是會讓我當時一刻既情緒變得很壞, 足以令我把事情沒有處理得更好~

不想長大, 是因為只想繼續扮演學生的角色, 不想做教授的~

近來也有一個任性的想法, 就是辭掉工作, 找一份我喜歡的, 但有多少機會稱心如意? 有跟老闆聊, 感覺也好了點~

暫時係咁多先啦~

>>October 13, 2009 at 3:15:16 PM GMT+8

2009 年 9 月 18 日 星期五 【酷熱】

副校長~ 俾佢見到我想回應下大家既話題, 之後又唔敢加把咀就自言自語, 加埋我d表情, 唔知佢會唔會當我傻左呢~ 哈哈~ 其實佢有時都係咁, 跟住就望下我, 不過有時都唔知俾咩回應佢~ 大家都係想搵人傾下計, 搵人呻下~

校長罵我事件~ 出9月份繳費通告, 咁d格式我無睇, 因我見佢地copy返上年, 應該無咩問題, 所以我只睇內容, 點知咁就慘勒~ 佢話呢d咁minor既野, 唔駛要校長睇呀嘛? 又話要分3張通告, 我問點解, 有咩唔清楚的地方, 佢話佢睇唔明, 會好亂, 叫我響家長角度睇~ 咩料呀, 駛唔駛咁串呀~我都知係我錯~ 黃主任仲話知道知道, 係既係既, 會執返好架勒~~ 我就直情唔想望佢, 都唔想同佢講野~ 之後黃主任tum我, 佢話佢對其他同事都係咁講野, 係咁直, 唔好介意, 又話其實係話緊佢無睇清楚, 含沙射影, 呢d係辦公室政治wor~ 我唔信佢~ 我喊左, 熱淚盈眶, 當黃主任同我講野, 我無擰過頭過去, 我只係唔唔唔, 我估佢知咩事~ 之後, 第2日主動同我傾計~ 係人都知咩事啦~ 達叔請食麥記, 食唔晒, 又拎黎俾我食…..唉~!

沒回校工作~ 因為想出深水埗及教協買野開學用~ 下午才去~

男老師打架事件~ 佢地響office打架呀, 仲好開心咁呀, 呢d就係男老師相處的方式, 一鎚打落手臂, 仲圍攻? Cool~ 原來唔止小學生, 大人都會做呢d野勒, 咁係咪對小學生加多左認識呢? 黃主任仲好興奮咁問我係咪無見過呢? 當天係大家都要留校開家長會, 仲欺負阿東, 因佢一套suit咁, 大家話佢做壞市, 又打呔又除, 皆因他們的一句說話~

碎紙機事件~ 碎碎下停左, 我又呆左, 找原因, 好怕弄壞左, 楊主任好主動咁幫忙, 點解停左係因為滿晒, 佢問我可以點幫佢, 叫我自己諗, 但之後我都碎完, 咁如果我倒左, 佢地會否話我多事呢, 畢竟都唔係我既工作範疇, 搞到佢地好似無盡到自己責任咁?? 同左楊主任講, 佢話ok就算啦~ 我又好意思, 好似好計較咁, 咁楊主任都咁幫我, 我無理由托手爭~ 2難中, 幸好處理了~

希望可以打成一片~ 唔好咁悶~ 黃主任不要笠我高帽, 有關名單是你叫我做的~ 就算老師話好清晰都唔關我事~ 我照order辦事~

姨公生日飯~ 咁又一年勒~ 開始時都係例牌每個家庭拍一張~ 嚇死我, 以為10月2日有愛心校園, 還好不用, 學校假期, yeah, 可請假, 當時令我苦惱爆, 因爸爸說5點到, 準備拍照~ 2家姐又好唔滿意, 因為我又話唔得, 上次我話唔肯再俾多d已話我, 其實係怕俾到2萬jei ~ 無預咁多, 我都知1萬無可能~ 遲d再打咩事~

近來, 又多了一位penpal, 就是阿sai, 哈哈, 希望他能成為博士生吧~ 又跟他說, 一路走上來, 越感自己的不足和缺乏, 自己性子急, 總會很責備自己~ HAHAHA~~ 所以我經常在迷惘及無自信中~ 也發現了自己, 太著重結果, 不是為目的而不擇手段那種, 是我太看重成與敗, 得與失, 好與不好, 令自己經常否定自己~

我的優點, sensitive及經常reflection~ 知道自己很多時只自顧自說自己的事情, 對方呢, 有顧及他們嗎? 我很自私~ 說話未夠圓滑, 太倔, 具挑戰性, 有時別人不明白自己, 應多以他人角度想及用詞適當, 學多點比喻, 實例及詞彙~ carl說我的防衛意識很強, 我也意識到了, 因為經想否定別人及證明自己沒有錯, 在保護自己~

>>October 15, 2009 at 4:01:55 PM GMT+8