2009 年 7 月 1 日 星期三 【清涼】

星期二, 懶, 無去swim~ 今日終於去左, 弟弟先行, 我2030才出門~ 越游越起勁, 12個來回, 進步多了, 今次是$1.58@, 希望短時間內可以$1@, 什至更便宜~

遇上crystal~ 那麼巧? 我沖完涼坐下時, 見右手那女孩這樣熟~ 聊天聊天, 她學友社的活動真是多采多姿, 很大凝聚力, 就如我當年回教會一樣, 何時何地都想回去一趟的感覺~ 她說很久以前也在黃大仙泳池相遇過? 大家也是單拖去swim~ hahaha~ 她那麼忙, gathering由她負責, 時間難就嘛~

Swim完才到, 正~ 其實, 呢個7月都唔知仲有無機會有~ 下2個星期日日都full, 之後就出發去冰島了~ 8月游盡佢~ 運動之餘, 又可練氣~

>>August 13, 2009 at 8:13:23 AM GMT+8

2009 年 6 月 30 日 星期二 【清涼】

實習補考日~

由於天氣酷熱, 也沒有行山, 都是在北潭涌附近~

1st渡河, 由ck負責, 由於河道太闊, 要駁繩, 用了雙接繩結, 有點不穩, 有缺點, 其實也知道繩不夠長, 大家也沒有帶繩, 繩沒有tension, 可拉成v字, 最深位置如失足可沒頂~ 輝權也對ck有些建議, 就是領袖角色不夠, 都是由學員主導, 沒有足夠及清晰的指示, 詳情可看video~ 不知道是否可以因應環境而用另一個渡河方法呢? 不一定用2岸有樹吧?

再到另一個地方, 輝權在途中被蜂叮了一下, 有暈眩的情況, 幸好沒事, 只是有點痛~ 這次由rick負責, 有點緊張吧, 還是慢, 所以被判斷為不熟識~

body belay, rick用了自己的腰, 差一點又不行了, 幸好, 及時有醒覺~

Case, 我認為rick比較淡定, 不過, 他認為在ck後, 對ck不公平(事後有致電我傾訴), 因即時的檢討, 令rick掌握多一點資訊, 以及剛好rick對case情況的熟悉, 有點心不安~ ck沒有給我領袖的感覺, 有點亂, 平定不了大局, 最後由熱衰竭變成中暑, 再昏迷~ 原來, 熱衰竭會令人變得暴噪, 發脾氣呢~ 所以michelle一直在發脾氣~ 又沒有利用到我這個女學員協助~ 也是rick提點~ 處理時間太長, 取資料時間也太長, 有些事情可同步處理~ 輝權也有說rick可以幫忙, 因2個也是帶隊的~

Rick比較細心, 有留意每一個狀況及說話, 可以平定大局, 本身他的身高及聲線也有一定優勢~ 羊癎症, 到處亂跑, 也不要隨便用藥, 除非本人也認為當時情況後是適宜服藥, 因有些藥可能要定時服用, 而不是發生事後服用的~ 不太建議隨意服藥~

有一個task, 先share背囊的用品, 按次序排好, 也要述說當中的功用, 以及那些是為別人準備的~ 然後, 曚眼執背包, 好似要在1分鐘內~ 其實有點被fake及刻意錯誤引導, 排好次序, 不一定要按次序放好, 因為曚眼是模擬在黑夜中要緊急徹退時, 又容許帶離所有東西, 亂塞~ 秘訣是記得第一時間鬆背包帶, 令有更多位置塞東西~

Ck要求再來一次2岸有樹的渡河技巧~ 期間我們在享用西瓜, 在過相~ 又教了另一個拉緊繩既方法~ 不過, 有點來不及拍video, 有點miss了~

最後, 由於西貢沒有位置泊車, 出了鑽石山, 告知他們分數之餘, 再告訴kalson我們離開了~ 反正他也不知道會不會出來西貢呀~ 鑽石山的食物款式太多, 又不便宜, 選了很久才買~ 聊了一會, 事後又留下與tommy sir佢地傾多陣~

最後, 決定了4條山藝茂利, Jonathan, William, Michelle, 我去左油麻地neway唱k~ 真的沒有試過與他們有除行山活動以外的室內活動呢~ 感覺很有趣~ 原本大家都玩得好開心, 佢地都顛顛地, 點知當我地話要即刻過jonathan d相既時候, 佢竟然唔俾? 之後所有招數出盡, 又罵, 又割蓆, 又咒, 又求, 都不得要領, 我都懶得理佢, 我都唔明有咩唔俾人睇, 你都做得出, 又知我地拍video, 不知幾心甘情願, 既然你不願意, 我們不上網就是了, 又怕我燒錯左俾其他同學, 拜託~ 最怕個d會delete美好回憶的人, 不過我也知道有些人的相片是不公開的~ 或不會俾人的~

從今日既事, 繼上次gas事件後(唔記得有無打, 略略提下, 上次麻煩左jonathan帶罐gas俾我, 原本我話還新的, 他說不用, 要回這罐便可, 點知, 拆出來時漏氣, 要用另一爐頭才ok, 他竟說不要了? 什麼人來的, 算了, 無謂為這種人動肝火), 再一次令我失望的, 亦認清他人格的~ 由一件開心的事, 變成不開心的事~ 癥結在哪? 不想破壞在人家心目中的形象?

>>August 13, 2009 at 8:12:06 AM GMT+8

2009 年 6 月 29 日 星期一 【晴】

忙瘋了~ 也不記得忙什麼, 就是忙~

遞信日~ 記得我終於鼓起勇氣同nelson講, 我將會辭職, 因常常找機會, 卻沒有行動, 他的反應是“下….唔好咁樣啦” “你都唔好咁樣啦”~ 之後都有傾下點解, 記得當天原本打算傾下, 卻發現大家也有點忙, 算了, 選了nelson long week的日子, 而我又要回去處理沒完成又急的工作, 有問我同事如何, 工作如何, 義務領袖如何~ 說真的, 對同事是有意見啦, 不過, 工作不久, 也有點客氣, 我也不說太多了~ 工作性質也真的不是我想要的, 在背後支援也不是現階段我想要的, 雖然他們是可以教育一班年青人, 但是, 我還是想要自己來, 經過山藝訓練的衝擊, 我是想要實戰的經驗, 而不是呆頭呆腦, 什麼好像也不投入, 什麼也不知情又不主動爭取, 什麼見解都沒有, 就像發夢一樣, 不關自己事一樣~ 不喜歡這樣的感覺, 也不喜歡這樣的自己, 這樣的自己有什麼價值, 有什麼用處? 也幫不上忙~

有叮囑我外頭要小心點, 這裡的人還好, 不會耍心計~ 不過, 我也不明白, 一間NGO也要你爭我奪, 還有靠關係, 是想怎樣? 對年青人又帶來什麼好處? 是社會大趨向嗎?

>>August 13, 2009 at 8:10:48 AM GMT+8

2009 年 6 月 27 日 星期六 【雨】

由kayak day trip變為家庭日~ 因為天氣不好的關係, 期待而久的kayak day trip取消了, organizer kalson又一早宣揚可能搞唔成, 唉, 叫親佢都無好野~ 一係放飛機 (中大食飯及補考原提議食飯既係佢, 點知又話可能北上), 一係搞唔成, 又多數唔出席, 不值得信任~ 我已看通了, 也習慣了~ 看看日後可否再改變我的想法吧~

最後, 除了二姊姊未能成行外(事後媽媽竟跟她說, 你也去過, 哈), 大家一伙兒到了尖東東海試菜, 也算不錯, 急切的爸爸當然主張下訂金了, 連公公生日的也一起~ 經多次商討, 有少少優惠啦~

及後, 我要弟弟陪我出旺角睇書, 看看有沒有cat介紹給我的~ 再晒相, 完成使命便走回去了~

>>August 13, 2009 at 8:03:25 AM GMT+8

2009 年 6 月 26 日 星期五 【雨】

今日係授旗禮~ 先將他們訂好refreshment放prog~ 大家也把東西放在prog, 再去換衣服~ 很早入來排放好, rehearsal一下, 唔記得邊個太緊張, 由franky提醒過後, 好多了~ 完成後, 有很多剩, 唯有keep住帶去冰島(點知真係太多, 我都只係帶左少少, d飲品搞到我件行李over-weight~) 之後, 狂拍照, yeah~ 再到領袖室聽下保險事宜, 及處理卡片事宜後散~ 我的保險當然找gordon囉~ melody也找自己的那個啦~

有一個壞消息, 就係期待已久既獨木舟旅程因天氣關係取消~ 太大風~ 而ricky又話希望7.1補考後再搞, 費事大家估邊個唔合格, 又講邊d會唔合格咁~ 唉~ 多餘~ 因我好想去玩~ 同埋sandy request下次唔好咁早, 咁又係~ 要5點幾wake up, 好慘~

有一個好消息, 呢個好消息已經蓋過個壞既好多~ 本想打俾tommy sir狙擊個d相, 點知佢地同輝權sir, 仲有henry同michelle出左去傾份卷, 而michelle只係出去俾$$$~~ oh~~ 之後阿sir話我答得幾好, 我授權左俾michelle睇, 有70/80~ 開心到暈~ 係咪真架? 唔係夾埋present嘛? 之後想叫michelle睇下份卷我漏d咩, 答成點, d分點, 阿sir已經收埋左~ 我真係好想知, 因為我答個時都好亂, d野好似無溫過咁, 睇完份卷同我study既有d唔係好link得埋, 尤其SQ, 無溫過, 除中暑個條~ case既處理步驟我都算知, 有steps, 不過要discribe我就有d懶, 都有考慮高山求救書寫唔寫晒落去, 因SQ有, 仲要作資料, 潦草咁~ 不過香港天氣的變化, 叫我注意既. 都係憑common sense, 真係呆左, 無溫香港天氣~ 八仙嶺評論個條, 我都係要諗返program planning既注意事項及意外成因, 不過有d points唔記得左, 又有d好似repeat咁講~ 答晒我腦海既野, 都好似差少少咁, 都唔sure自己可以拎幾多分~ 唔係好計到, 因有理無理, 寫晒落去, 你知我啦, 冗長, 怕repeat or 類似唔計分~ 好彩可以list point~

我都係一如既往, 睇多次, 唔好再死磨, 因為我知道腦袋已被掏空~ 又沒時間便close lu~ 咁亂, 又好似無咩條理, 字又細, 又核突, 好彩無因為咁睇唔到d points, 或者無心機睇~ 阿sir講左幾次, 如果因為咁令佢老花又深多幾度, 會唔合格架~

晚上, 最後決定執好雲南既相拎去晒, 掙扎左好耐~ 因為地方唔夠~ 遲d仲有好多旅行, 都晒唔到~ 我晒黎又為咩呢? 不過, 有時拎出黎睇下, 唔駛用電腦個時睇都幾好既~ 又要花錢~

安排好明天要完成的工作~ 快點完成~ 仲有日記, 我唔想響冰島返黎仲要打雲南既野, 我就黎咩都唔記得~ 懶~ 快d完成~ (事後按: 也是冰島回來後完成)

>>August 13, 2009 at 8:02:21 AM GMT+8

2009 年 6 月 25 日 星期四 【乍寒還暖】

早上完成左深資童軍遠足班大部分的事, 包括update timetable, 完成equipment list~ 昨天已打左學員名單~ 只欠接納通知書同埋一d俾學員既文件~ 下星期開班, 唔知有咩可以幫手準備既呢?

Oscar打黎傾左陣~ 港島一片愁雲慘霧中? oscar要反? 好多野塞左俾佢~ 有佢無dawn? 迫到阿蘇走? 7月7日last day~ 下面班同事都想走~ john做完都唔知點講~ amanda喊, 唔肯簽? 因為唔係事實? 都係我累事? 我太多野都肯做? 今年rally prog想佢跟, 佢唔肯, 因佢只係做account, 當然佢知落左地域唔止做account咁簡單, 有其他野都有幫~ 唔肯都正常, 因為應係se跟~ donna要搵時間再傾? 我個時都好似無咁多野~ 點解咁~ 響新界東個邊已經成日卸膊? 有好多無理既要求, 沒有說出, 卻就人地無跟, 人地係你心裡既蟲?....好多野好多野.......估唔到oscar放假在家中打黎同我訴苦? 我幾驚佢響公司~

Facebook應該被vicky發現我玩緊, hahaha~~

晚上中大歷奇同學gathering及早退~ 今晚為左呢個gathering早退, 話俾阿sir知係公司AGM~ 同學仔今晚要傾presentation, sorry, lie on you guys~ 原打算爭取早走, 不過, 太趕了, 敬老基金既張生又會返黎簽名~ 算了~ 因為早退, 返到去都7點, 咁我都只係上左1小時堂咋~

今晚有10人出席, 係多過一班既一半, 不錯~ 我地班有19人~ 今晚有校長, 南, 惠+洛洛, ming, 皮蛋, 比比, bowen, lesley, eric同埋我~ 原本有kalson同埋珊, 因有事不能來~ 今次好消息有eric生個個女, 南響同一個月,即4月小登科~ 大家等埋我先起菜, thanks thanks!!! 有d佬好似傾生意咁, 一堆堆咁傾, 因太耐無見要update下~ 難免有點生疏~ 又同下洛洛玩, 佢見到ming不知幾開心~ 仲表演食橙橙~ cool~ 來個大合照, 差唔多11點先走, 哈哈哈~ 我地要留d倩影既, 南問我係咪狗仔隊~ 大家又傾下要告WA, 踩多腳, 我地張leave no trace呀~ 無左~ 有無俾$$呢? 好似話有d問題出唔到? 不過張cert又無咩用? 可能已expire左~ 要再上要先有這cert? 比比, 拜託你draft信勒~

>>July 7, 2009 at 5:30:05 AM GMT+8

2009 年 6 月 24 日 星期三 【晴】

急救班, 想死~ 百幾個名單要入, 麻煩jo幫我入一半, 又要draft個封信, 頭都大埋, 有好多注意的地方, 點present會好d呢? 要快d寄, 因為原本7月4日係第一班~ 點樣先可令自己快d呢? 太慢~

Roverway meeting~~ 響輕鬆的氣氛中渡過, 有感覺會整個camping響吵鬧中, kaka, 橙成日分開2 team, 因為佢係IST, 分享下黎聽聽得唔得呀~ 真係o丫~ d野都好似好smooth~ 不過, 未KO~ hahaha~~ joseph因要結婚所以黎唔到授旗禮~ kakakaka~

回城大借書, 遇上阿初~ 估唔到咁都俾我誤打誤撞搵到本棋盤遊戲的英文版~ 正~ 而且發覺城大溫書及聚集的地方越來越舒服, enjoyable~ MY school life~

港島地域agm~ 好似有點離譜, 好多野未完成? 有點不負責任咁~ 但都仲返去一陣~ 立功? 搏好感? 有無做野, RC會知架, 點解仲要咁? 明眼人都知架~ 不過, 我又未聽事實的全部~ 我都有點愕然~

又係2點多先訓~ 搞呢搞路~

稱皮蛋為client一事~ 因為佢成日問d email都會搵到既答案, 惠都成日refer返email content, 最後我話佢係client, 佢好似有d唔高興, 問返我點解~ 惠有幫我explain~ 事實上, 於我角度, client一字唔係負面的, 只係佢要我地既special care~ 而且我都唔o岩, 因為懶, 無copy返d detail, 等大家唔駛搵, 亦都知道, 原來唔好亂用client一詞去稱呼人, 有人會因此唔高興, 無仔細考慮別人的感受, 都係我唔o岩~ sorry~ 如果真係令皮蛋唔舒服, 抱歉~ 又上左一堂~

好忙, 好趕既schedule, carrie佢地10點就完, 又有得跟車, 所以唔記得call我, 我都無鞋lu~ 況且佢地無換制服, 唔記得都ok既~ 我有辦法, dun worry~ 著褲就ok易搞~ 係怕要著裙, 我得boots~ 不過有黑色高跟~

>>July 7, 2009 at 5:32:50 AM GMT+8

2009 年 6 月 23 日 星期二 【酷熱】

游泳, 今次$2.1@, 游左9個, sandy因抽筋, 7個~

有d野, 想引用:
""-> ASK
這是過去一直令我獲益良多的英文字，Ask = 問。但將這字拆開：
K = Knowlegde。我們做任何角色，不論係歷奇導師、山藝領袖、公司一個普通文員，一開始都是學習知識，在學校所教的，在書本上所學的，全部都係知識。沒有知識，那你什麼都很難建立。
S = Skill。縱然你滿腦都是知識，但沒有實際技巧去運用，那做什麼都是死的。技巧也要靠不斷的練習去操練番黎，正所謂「玉不啄，不成器」。
A = Attitude。最後，即使你已經有豐富的知識，有熟練的技巧，但卻無認真、發自真心的態度，那做什麼都往然。
而且，相反地即使你沒有知識，沒有技巧，但只要你有心，那你仍可以努力去幹，因為你會「問」(ASK)
山野路上，學懂卑謙，誠心學習，學懂收起自己的面子，衝破心裡的營疊，那一定可以得到比你想更多的寶物。""

""記得有一套漫畫 (Hunter x Hunter)，當主角小岡拿到獵人牌照的時候，他拒絕了這個資格。他保留了自己有沒有這個資格。接著，頒佈給小岡的前輩向他講左一段說話：
「若你覺得自己沒有這個專業資格，把它棄掉或藏起不用，這是你的自由，這不能賣掉，因別人是用唔到。但這個資格可以比性命更重要，亦可以說是毫無意義的爛東西。重要係成為獵人後有甚麼建樹。何時使用呢個資格是你的自由，就需要由你自由決定。」""

""我們已經有共同的目標。雖然目標離你相當之遠，難度相當之高，但你不能焦急、不能衝動，只要一步一步前進，最後一定會到達頂峰。

在山野路上，形同在人生的路上，前路是怎樣你永不能清楚看見，只要你清楚你的目標，一步一步前進，縱然有快有慢，但最後神一定給你開路。

-> 團體中重視的兩個要點：「安全」、「士氣」。
「安全」，相反就是需要避免、減少意外的發生。在萬丈布一段，撒退都需要付出很大的勇氣。有句俗語：「退一步海闊天空」，試問「退一步」跟「進一步」那一個較難?
「士氣」是無形的，不是一個物理元素，但卻給隊員有化學作用。不過在危難時，或者在疲累時，「士氣」的高低會左右隊員的體能、意願、狀態。團隊中除左有 path-finder、leader、First-Aider 之外，提高士氣的隊員亦有需要。在山上，我們需要同行者，我們要互相堅持，互相鼓舞。「士氣」是團體中一個很重要的要素。""

輝權一句""現實世界的真理就是: 態度決定你的高度.""

以下是回應輝權sir專業vs非專業的post, 而我在6月22日既日記也有paste~~有關社工的提問,我地RSW與PA.WW.PW有何分別? 大家做的一樣~ 阿sir好認真咁講, 我地多左份rational, 多左份knowledge & skill~ 也令我醒覺了, 不止於迷失!!~~ 輝權話亦多了一份理想及專業操守.另外, 有人亦分享了現實情況""負責同工只是將「歷奇活動」放在一起，活動之間沒有任何聯繫，更不要說「解說」。因為是對方負責，專業意見在營前已提了，沒被接受，只能在邊緣上，做得幾多得幾多。""

>>June 24, 2009 at 3:05:54 PM GMT+8

2009 年 6 月 22 日 星期一 【酷熱】

不要開空調, 哈哈哈~~

昨天已send email告知同事我決定辭職了~ 有不同回應~~
remy:努力加油呀！雖然唔捨得你，尤其是星期六少了你做伴呢...哈哈，不過十分支持你所作的決定.....希望你俾心機為自己的理想而努力振作！相信你定能創一番成績....add oil !!!!!順祝工作順利、開開心心.......得閒探下我哋啦!

celia:雖然我很捨不得妳因為妳是可愛的女孩，但趁自己還是這麼年青和沒有家庭負擔的時候，不防到外邊闖一闖、看一看這個世界、接觸不同的事物和人、做自己喜歡的工作，一定會更加投入和愉快。因為來日方長有很多機會放在自己眼前只要自己肯努力便容易找到好的機會。我亦希望妳完成學業後能夠做一個真正幫人的好社工，( 因為我所認識的社工中暫時沒有一個令我感他們是崇高的人有點失望 )。有空回來探我們或多D上 facebbok便可以知道多D妳的近況啦.......祝妳前程錦繡及學業獲得美好的成績。

vicky:加油呀！我相信你一定能夠成功，能夠做自已喜歡的事，一定會開心的。要向自己的理想全力出發啊！(十萬個支持！！！)放心啦！我地適應力好強嫁！能夠一起工作都是我們的緣份！亦希望你將來工作順順利利、開開心心~~~~~

mon:工友ling, 不用對不起, 我都估到你會唔做, 因這部門係一味做, haha....我非常支持你出外闖, 總之去做你想做的, 起碼都叫做試過, 免得將來後悔.不要想太多, 最緊要開心!

phoebe:找到人生的目標和理想是好事，既然找到了，便要抓緊！做近距離面對服務使用者的工作會比較辛苦、respond要快，有時可能會吃力不討好...... 當然又有另一種滿足感，與服務使用者interaction的快樂，我仍然很懷念第一份工在划艇會教艇時，每天對著的不同的中學生，一群細路簇擁著，很是快樂，亦師亦友，感覺特別！！

人生不同時候有不同的需要，櫬年青還花得起，便做自己想做的，別讓自己後悔吧！！錢是賺不完的，有很多東西比錢更有價值呢！襯沒有負擔去闖闖吧，不要一輩子呆在文件I

祝你事事順利~呵呵~ 我都會努力搵工轉，當然我想好玩 + 有咁上下人工啦 ~ 薯.......唔好話俾人聽呀 ; )

點解可以留咁耐，因為呢度好玩、我又鍾意攪programmes la。可能我個post有多d主導性，大多involvement係programmes & events上；如果要我齋做adm，我一定死~悶鬼死，而且會好快就走。

加油~ I like "活在當下"，好多�洐籪桯L係唔知，而我就係�灟籪桯L唔咁心既人 = 硬頸 (換言之) =p。總之一句，加油la；唔係度度都有li度的同事咁單純咁好，係外面就要自己小心~~

多謝各同事既體諒及支持~ celia有話我固執及堅持~ haha~~ 都係架~ celia仲眼濕濕? 乖~ 那麼眼淺~ 我真係好想快d走, 真係唔想再做, 或許我需要休息, 既然決定了, 便想快點離開, 我要開闢我既另一片天~ 急躁的人, 哈哈哈~ 時間都真係過得好快, 6月尾了, 又到出糧既日子~ 只有短短大半年, 感情才剛建立, 便要離開了~ 唔知幾時last day~

細ryan farewell+預祝生日~ 開完環保會, 都同阿vic及海歐講左, 都有同佢地傾左陣計~ 趕去hot pot, 好齊人~~ cool~ 不過, 貴lor....$290@~ 大家不斷食食食....拍照.....又要唔正經, 我俾人話好努力咁擺post~ 之後遂個同細ryan拍照~ 星期四不能送機, 對不起了~ 加油呀~ 蔡生話我瘦得最多~ hehehe~~ 係咩?

佢地又開議程, 不過唔出席個d就最多意見, 其他無咩表示~ hahaha~~ 而東東生日就定左日子, 細angel完全無問過東東意見, 自把自為~ 而7月11日就上emily家, 朗朗生日嘛~ 完成~ anyway, 我呢期真係好full, 無咩必要都唔想出去~

晚上, 韜問我想點~ 我話有興趣, 不過睇salary~ 我掙扎左陣, $9500, 未扣mpf~ 佢都有問我依家有幾多, 我問有咩關係, 佢話睇下我點解咁捨得走, 原因我已講左, 我都講左俾佢知我有幾多, 我話我個位係由point 6 開始計, 唔係有6年年資, 同埋之前都唔係呢個post, 點知佢又話缺account~ 佢都話唔想差咁多wor~ 如果佢肯俾多d就好lu~ 佢話佢自己4月升職, 有$9860~ 睇黎我既薪金唔可以俾佢高~ 不過, 我有account底可以同佢商討, 又多d野wor, 雖然帶活動唔係咁多經驗, account難唔到我wor~ 讀左個account都唔錯~

>>June 24, 2009 at 3:51:41 PM GMT+8

2009 年 6 月 21 日 星期日 【乍寒還暖】

颱風過後, 就是連續幾天的狂風大驟雨~

天呀.....做咩額頭爆咁多瘡?

天呀, 做咩咁多野做? 深資童軍遠足班~ 工作~ 學校presentation + quiz~ 旅行前準備~ 忙到嘔, 就黎唔知自己做咩~ 點解次次都係咁, 但我又有時間facebook同埋日記wor~~

今日知道筆試結果~ 合格, tommy話好似我係60分以上個批, 70分以上就係michelle同ricky~ 文化界人士~ 成份卷80分滿分~ 都唔錯wor~ presentation個個都有10分以上, 除ryan個組離題, 20分有18分既係kalson佢地個組啦~ 個個都問我邊個唔合格, 我無講, 我知有ck(tommy口中), ryan(facebook自己講), henry(由rick口中), matthew(自己打黎)~ 咁點解matthew坐底有18分都唔合格? ck仲得2x? henry又因咩問題得3x? 一定要問~ 輝權都好好咁分享失分原因, 不過無個別說明~

我俾劉比激死, 上堂ing打黎告知有成績, 我又無得check, 好彩我合格~ rick都有打黎~ 令我幾緊張~ 令iris都叫我快d去check~

之後, 手足無措咁同henry傾計~ 我都唔知講咩好~ 點解? 當經歷過多次挫敗, 現實環境壓迫後, 大家都會忘掉了當初考山藝或個樣野既信念? 也被名與利沖昏了頭腦? 為了山領, 教練既名銜, 忘記了最初? 為了面子, 不承認, 不面對自己的弱點? 自我, 認為自己得既, 到頭來都係衰? 衰咩呢? 既然有個願意分享的教練, 為什麼不積極爭取? 當初那股毅力, 跑到了哪裡? 每晚睡覺前不斷重覆練習的那股熱誠, 又哪兒去了? 因為tommy一句, 又要重新教, 而密密練習個半月, 最後被人讚, 由初時既開心, 轉為自己應得~ 開始有傲氣~ 要虛心學習~ 態度問題唔係一時三刻可以改~ 那份毅力也是我欣賞的~ 你又否認~ 事實如此, 否認什麼? 全都是自己說的, 推翻的也是自己~

一個個曾被教過既學生, 大部分也合格了~ 又令自己心沉了一沉~ 比較什麼? 計較多了~ 我唔明白那個處境, 因我沒有考那麼多次, 但我明白那份壓力, 那份折磨~ 再細想, 考與不考我也尊重, 不過, 我希望你明白, 考左如果合格, 你既痛苦將結束, 只係有6月22日至7月1日, 或由第1次補考開始計~ 但, 你唔考, 痛苦直到永遠~ 如果唔合格? 為什麼不是如果合格? 同期既二級山藝同學不考, 因為認為已經足夠, 夠玩就可以了~ 你想成為教練是因為想傳授安全意識, 唔係個個也有這為人/宏大的理念~ 我好欣賞~ 其實唔考, 都可以keep住幫tommy架~ 你那份行山的樂趣, 到了那裡? 變得複雜了~ 我唔想講咁多, 俾藉口佢唔考, 但都忍不了~ 又為什麼要把別人成為了自己的目標? 沒有人用槍指住你幫架~

放不下, 卻不爭取~ 想認同別人, 考來幹什麼? 卻持續耿耿於懷? 喊了那麼多次? 又痛苦~ 上班又唔知用什麼態度? 令自己陷入困擾, 自己的實力未能顯露及發揮~ 放鬆心情, 也是學問, 我也做不到~ 我也是緊張大師~

你的實力是比我們多, 你也認為你的已有一定水準, 但我們都合格, 心感不是味兒~ 覺得不忿~ 問題在哪? 你又知道嗎? 說了, 你接受嗎? 你又認為原因是什麼? 如輸在文筆? 那你要好好知道考試技巧, 因為不止是山藝, 緣繩下降, 事業及學業, 一生人中總有不少接觸文字的機會, 好好面對吧~ 如果真係心態問題, keep住再去補考, 也是失敗~

anyway, 作為朋友的, 支持你~ 也想你擴闊心胸~ 看多一點~ 看遠一點~

感慨為什麼人總是忘記最初~ 那單純的信念? 這可是我們的原動力~ 複雜了, 便迷途了~

如果我真是社工, 有感失敗及無能為力~ 做了自己呢~~ 又比較, 又插佢, 又講左無用, 又有左自己~ 不過我有欣賞~ 找出他的長處~ 有同理心~

再更新多點~~ 既然也已經比我們付出了更多精神, 時間, 與努力, 感到不忿, 那麼還有那一點點, 為什麼放棄? 不如付出那多一點點? 為什麼要執著過去, 在原地不忿, 卻不再多行前一步, 給自己多一次機會? 就算你唔考, 呢d努力也不白費, 是你的, 是你努力得出來的成果, 為什麼自己還在折磨自己~ 沒有人否定你, 只有你否定自己, 沒有向前走的勇氣, 沒有面對的勇氣~ 我不會認同你是因為別人陷害你, 個個都陰你, 你自己有能力, 但都仲要考咁多次, 因為咁企響你個邊, 不會盲目附和你~ 你咁肯定自己? 又再否定自己? 當你在埋怨個天不公時, 你又做了什麼? 我也不能回答你為什麼你有能力卻補考多次~ 我也不想每時都提醒你考第6次, 唔知呢6次點計? 我唔想提你的軟弱~ 我唔想再次踩你~ 那麼大的一個人.....唯有靠自己~

既然都考了那麼多次, 還不差那一次~ 自信心及痛苦已跌谷地及極至的程度, 已經再沒有任何損失, 也不差承受多一點點~ 有咩好驚, 最多咪唔合格? 害怕什麼? 反正也面對了那麼多次的失敗, 也不差這一次~ 你自己也是這樣說的~ 不過, 說也容易, 做卻難~

大家都紛紛留言, 希望他繼續考, 大家都肯定他, 大家都希望他不要放棄自己~

輝權sir又post左篇文章及回應, 幾好~
"知自己不足, 是求上進的第一步, 其實, 從來沒有人學成所有就出山, 而是邊做邊學, 務求多做少失誤, 不斷從經驗中累積."

"專業 Vs 非專業
當屋邨師奶及亞伯一窩蜂擁去買股票時，股市大跌的時刻快到，原因？股神巴菲特的分析是：專業股票經紀與街坊股民的分別是”對跌市的忍耐力及樂觀性”，後者常常做成羊群效應的恐慌性拋售．

我不是講股市，而是說歷奇訓練，不要沒有限制沒有訓練就讓人入場，專業與未受訓練者的分別就是在於他們本身遇上危難時的反應，無論是山藝，高結構，低結構，緣繩下降都是，對一個教練的要求，不可不嚴謹．

當一群未受訓練的人一窩蜂擁去做一件風險性高的事的時候，意味著，（１）風險的機率比平時高；（２）意外事件的發生機會亦相對高；（３）即或不然，險些兒出事的機率一定首先標高．

凡事小心謹慎是我的性格，喜愛冒險亦是我的性格，但兩者並無衝突，我覺得重要的是：冒險之後我們尚可生存，彼此分享述說一段歷險的歷程．""

>>June 24, 2009 at 1:36:47 AM GMT+8