2005 年 12 月 13 日 星期二 【乍雨乍晴】

有幾張都係一仔既相相~~
呵呵~係咪好可愛呢~








>>December 15, 2005 at 1:07:32 PM GMT+8

2005 年 12 月 12 日 星期一 【颳風】

今日係世貿會議既第一日丫~
交通方面都幾暢通...我搭車去到紅磡都係八點ar...
仲早左好多添~街上面真係冇乜車...真係少見....
咁見更早就食左買野食喇..呵呵~

番到去要影相相ar...雖然學生唔駛番學~
但係老師有活動ar~佢地要聽講座~又有遊戲玩~
影左一陣上番電腦房工作~~繼續整番個網頁呢~~

之後比Deric叫左我地兩個落去影印丫~印成績單呢~
一直印.....印到食野就出左操場食食~校長請架~
係自助餐形式呢~hehee~不過食得唔係更飽飽ar~
食晒d野我同Crystal落左出面個操場到玩~
因為有個好大個既吹氣既波波丫~我地兩個傻婆係度玩...
玩到幾開心丫...kakaa...仲踢到樹枝都跌左落黎喎..真係搞笑...又笑左一餐~

玩完就繼續我地既影印工作喇~印完晒又去影過相相~
繼續工作...我地係度聽903丫~留意新聞嘛~~
我地睇番老師既相相..又睇佢地表情配旁白...好似d記者咁...
影到d怪樣相就諗一餐白痴既對白....又係咁...又笑左一餐..真係笑左勁耐..


晚上同邦邦傾電話...佢又超時工作喇...遲放成個鐘..
真係已經超級累累喇~佢今天係金鐘間香格里拉酒店到做檢查工作~~
hehe~企左成日呢~~聽日同佢去睇戲ar~~
不過聽日我有排等佢喇....佢來到德福都可能九點呢~~
沒所謂喇~慢慢等~~不過我怕等到唔知去邊好~~

係丫...係now.com睇番今日既午間同六點鐘新聞~~
見到好多國家既示威者...佢地有d仲跳海添..好凍喎...
香港真係第一次有更大場面....10年難得一次...
今日先第一日...可能之後既仲好勁....真係要小心d ar~~

>>December 13, 2005 at 3:40:05 PM GMT+8

2005 年 12 月 11 日 星期日 【颳風】

今日又涼番嚕~真係凍凍丫~依幾日氣溫又會下跌喇....寒ar...
出門口特登遲出出丫~唔想番到培正等半個鐘~
搭車番到去差不多時間喇~~下次一於照番今日個時間出出先得~

今堂冇乜點教書~~同我地溫書做堂測丫~都唔係好難呢~
下堂就考試喇~好緊張丫.....唔知難唔難架呢...hehe~

食飯去左大排檔食丫~都好耐沒係大排檔食嚕~hehe~
食左牛牛飯~~呵呵~好味道架呢~
飽左番去上堂....勁眼訓...結果訓左...哈....
不過我都起到身做練習...飽左加上依個天氣真係好易訓著....

今天同邦邦傾信息~~不過佢又沒電話沒電電丫~~
晚上傾不到電話呢~~oh...no....

>>December 12, 2005 at 2:06:49 PM GMT+8

2005 年 12 月 10 日 星期六 【晴】

訓到十二點先醒醒丫...訓左好多個鐘喎~Kaaaa~
邦一早就起身番工喇~真是很早早的呀~

我就係家家休息放假喇~沒出街街喎~~
又係打下機~睇下B記既碟碟咁~
更就一天喇~呵呵~

>>December 11, 2005 at 11:29:08 AM GMT+8

2005 年 12 月 9 日 星期五 【炎熱】

今日十點幾訓醒左~~訓飽飽喇~~

下午番左教會丫~星期六放假既我本來係唔會番教會架..
唔想出嘛....但是沒所謂喇...一來阮桐主動打比我~
同埋吳彤上星期3生日丫~so今天會補番呢~~哇哇...勁耐耐沒見過佢喇....
真係兩三個月喇~~佢宜家都係要早早走~~要番學丫~

仲有丫....好開心既係見到李姑丫~佢去左宣教番左來喇~
見到傻傻的她真是搞笑~~


李姑同我地分享左前幾日係富亨一對情侶發生既意外....
佢讀晒成篇報章比我地~~講左單新聞既感受...
佢講得好岩架....做每一樣前真係要想清楚個後果....
應該要對自己做過既事負責任....個問題唔係話你去帶套丫..食藥避孕咁就得...
你唔去做就唔會有之後既事發生....依d係李姑講架....我覺得佢講得好岩架...

佢仲問我地如果係當事人....會點算....
如果有左b仔果個係我....我一定唔會去選擇落左個b去架....
同埋....一定唔會選擇死....

我承認自己一有事既時候係會途避...但都唔會犧牲自己..
我覺得「問題」....總會有得「解決」架....

好多事情唔係解決唔到架...
選擇去捨棄自己既生命.....係一種途避既方法...
如果選擇落左個b仔...都係解決唔到依個問題...

可以換個角度睇...嘗試將問題講出來....可能一切會改變呢..
點解唔去嘗試呢.....

係係丫~~我地個組有人生日丫~
佢叫LOK丫~17歲仔生日~Hehehee~
生日快樂丫~~~


仲有丫~~~關堅三月結婚丫~~~恭喜恭喜~

>>December 10, 2005 at 2:21:48 PM GMT+8

2005 年 12 月 9 日 星期五 【晴】

一峰作ga呢首歌~
仲有份Feat添~ 不過未出碟ge~
係農夫ge HIP-Hop 歌~
勁正正....一定要聽仲要睇歌詞丫....
一峰唱歌個部份唔係林一峰唱架...係佢地有人扮聲架....
勁似....勁正...

http://210.0.142.166/CIT039/dating_chet.mp3

《約會林一峰》by 農夫

你愛一架飛機　我愛一個杯
你愛我個細佬　我愛你個妹
你應愛李英愛　李英愛愛李英宰
定係愛冇話應該唔應該

一峰：愛似是陽光空氣　愛似是陽光空氣

愛　愛有人話真愛係無價
愛　愛我話真愛無得講價
首先要有大把身家
再有奶媽管家
車唔只得一架最好有司機楂
事實係事實　愛情係現實
你無車無樓無番狗
做乜要拖我手
女人最忌無品　男人最忌無銀
所以幾百張心意卡比唔上白金既附屬卡
林子祥無呃你　係你自己呃自己

一峰：咸魚白菜也好好味

戶口得幾舊水
仲想養埋佢個女

一峰：Oh~ 叫佢食陽光空氣

愛　似是一間屋一張卡
一齊擔一把遮　陽光空氣一架車
愛　似是一個人一隻菌
一直等個一個人　一世一齊訓
愛　似是一間屋一張卡
一齊擔一把遮　陽光空氣一架車
愛

一峰：愛似是陽光空氣

你愛我　所以你俾左我
我愛你　所以我愛理不理
你愛我　因為我愛你
我愛你　因為佢唔愛我

準新娘　準備紅杏出牆
搶新娘　你點同人搶
人地送寶馬　你就送花
人地去飲紅酒　你就飲茶
所以我愛你　唔駛理夠唔夠match
我愛你　係睇你夠唔夠cash
我愛你　唔介意落雨擔下遮
最緊要行多兩步你會楂架車

你咪叫我愛你看你有冇誠意
你若然愛我咪叫我逼巴士
有心意　但係冇生意
你叫我點樣安心鍾意

愛　似是一間屋一張卡
一齊擔一把遮　陽光空氣一架車
愛　似是一個人一隻菌
一直等個一個人　一世一齊訓
愛　似是一間屋一張卡
一齊擔一把遮　陽光空氣一架車
愛

一峰：愛似是陽光空氣

你最愛傳教　我愛狗仔
你愛睇裙仔　我愛睇三仔
你愛佢有型格　我愛睇無格
愛要黎到既時候邊個都冇辦法

一峰：愛似是陽光空氣　愛似是陽光　空氣

>>December 10, 2005 at 5:36:27 AM GMT+8

2005 年 12 月 8 日 星期四 【微冷】

今日Terence請假喎~有PCCW既人來代佢既工作~~
不過個人都沒有野做既~只係睇堂囉~
叫佢set機丫...睇壞機呢...都唔知點睇d工作...
又話唔係佢工作範圍內喎....佢同Terence一樣既...
我都唔明既...點解唔係工作要做既野就唔做得a...唔駛更正經嘛...

成日都係睇堂~做下野咁~~個網網頁....未搞掂...
點算....拖左好耐添....都未有時間整~

今日放工六點半先走走丫...呵呵...因為要等邦邦囉~
佢過來接我放工丫...先前仲諗緊去邊好....最後既決定係來找我...kakaa~
Crystal都陪我等左半個鐘丫...真是好喇...thx~~~

我同邦邦去左漁人碼頭...哇哈哈...都未行過添~~
不過個商場係沒多人行既...靜靜的呢~~
我地行行喇...同埋找野食丫~~~
因為我想打邊爐丫...so就找店店食喇~~
去左一間到食食喎...食左一半先知如來我地食既係素來架~~
唔掛得沒味味喇...同埋d牛牛....都唔似牛既....怪怪的~~
呢餐都唔係好抵丫...不過都差不多架喇...kakakaa~~~

同邦邦食野座左好耐....又影相相喎....
我講左一句野...令到佢笑到喊....真係笑到有眼淚....哇哈哈哈...
真係勁搞笑...佢笑左好耐...hahaha~
真是好喇....我也很開心見到佢笑得更開心仔~~啜啜a~

今日真係特別之暖暖丫...因為有佢係度嘛~~
特別溫暖..真是好開心丫~~攬左好耐耐...好實實呢~

佢仲同我一齊搭巴士丫~~佢係鑽石山下車車呢~~
Yeah~~~好多謝佢陪我ar~今天真係勁開心丫~
啜啜啜左耐耐添~~

聽日邦邦唔駛番工....係家家休息一天...係一天丫~~
佢都好耐沒有整天在家喇~~~有排訓教仔喇~~

>>December 10, 2005 at 1:00:47 PM GMT+8

2005 年 12 月 7 日 星期三 【晴】

12月3日微沙BBQ既相相~


佢係阮桐丫~我個組既組長丫~我地個組名叫Give Me Fire~


教會既朋友仔~

>>December 8, 2005 at 2:59:05 PM GMT+8

2005 年 12 月 7 日 星期三 【乍雨乍晴】

今日係依個星期中最準時出門口既...Haaa~
不過架小巴好少人渣~反而巴士真係迫爆晒人....
搭更多次都係第一次更迫架渣...

番到學校又係要睇堂喇.....星期四得我同Terence丫~
我地輪流睇堂同埋影相相..so都唔多係自己工作個電腦室...

下午跟住三班一年級影相相丫...佢地今天會遊學校丫...
要佢地用感官感受下自然環境...要用「眼」觀察四周...用「手」感覺下..
「耳」聆聽四周既聲音...用「鼻」文下氣味丫~
佢地都玩得幾開心~~我同佢地影相個時好多都走埋黎影相..哈哈~~
都唔專心學野既...kakaa~走晒黎影相..kakaa~

最鐘意影相都係一、二年班丫~高年班個d幾驚影丫..
= ="一見到相機就哇哇哇咁話又影相...哈哈..
佢地好多都認得我...見到我都叫我架~~~不過唔係叫Miss喎~~叫我姐姐囉~哈哈~~

影左兩日專題....已經影左兩百幾張相有多....哈哈..
都未有時間show相出來添~~
等我遲下post番佢地既相相上來先~hehee~~

放工搭巴士喎...上到巴士聽到V...V...V聲...
初頭以為係自己耳仔問題喇....點知...唔係喎...因為我見到有人都搵紙巾塞住耳仔...
更真係巴士問題喇...勁煩....唔係嘈既問題....係v到我頭好痛....
點訓都訓唔著....聽歌開大聲都冇用....嘩....真係勁想快d到站丫...

晚上邦邦打來....佢頭痛丫...唔舒服..我地傾左一陣渣~~
佢要早早休息喇.....又辛苦一星期喇~~聽晚可以出來呢~
呵呵~~約了去尖咀喎...Yeah!!!
佢仲未知星期六之後個幾日既番工時間丫....唔知番夜同早間呢....

>>December 8, 2005 at 1:42:51 PM GMT+8

2005 年 12 月 6 日 星期二 【乍雨乍晴】

今日番到學校到放工....都係好忙丫...由今日開始全校學生都做專題丫~
佢地係用上堂既半日時間做架...所以我地IT部既要分工去影相...錄影...睇堂....
我番到去就要睇堂喇....之後又去影相丫咁...真係忙碌極了..

有好多網頁都未有時間整埋去丫....睇堂個時都做唔到網頁既野...
一來又沒軟件喇...同埋D野係自己部機到...真係...OH...no...喇....

另一樣野係忙整聖誕許願卡丫...整好左幾個樣款喇....都係上網搵圖架渣..
哈哈....我諗依個星期整得晒掛...kakakaa~

晚上同邦邦傾電話...有好消息公佈丫...哇哈哈...
星期五佢就可以放假出來喇....不過星期六...日...就沒假喇...要去會展到睇場丫...
連續幾日都係咁丫...直至世貿會議完左丫...
不過放工可以番家家喎...唔駛番入學堂~~呵呵~~
唔知我地有幾多日可以見見呢....yeah!!!

>>December 7, 2005 at 12:57:05 PM GMT+8