2006 年 2 月 8 日 星期三 【晴】

今日幫校長打六份通告都搞左成日...打好左~~又要改~~改完又唔岩~~又改...
彈左幾次回頭....副校寫個份野d字又好似打風咁....睇得勁辛苦..
咁睇唔清實打錯字架嘛...= ="

阮芷同學今日黎搵我三次呀~heee~三次都幾主動搵我~~
佢同我都幾friend~~我同佢傾下計~~今日都有幾個老師向我投訴佢唔乖乖~~
話佢上堂唔聽書~~囉d狗仔出黎玩~~
我同佢傾左好耐架喇~~又氹佢咁~~~佢應承我上堂唔再囉出黎玩...不過唔知係咪呢....
哈哈....其他老師就唔信佢架喇...我緊係要信佢喇....heee~希望佢真係做得到~
唔好令我同埋其他老師失望~~其實宜家天神既老師對佢好好架喇...比起出面既學校...
佢上到中學我真係唔知佢會變成點....佢宜家小三~~仲可以教多3年既.......

放工去左中心搵呀貓~~搵佢幫我fax電話單~~
我想PCCW部電話囉到機會率都唔係幾大...
有更多人爭....同埋好似真係要信用卡.....

係佢中心囉左本短期課程既野~~間學校係「香港藝術學院」~
有電影錄像及電影既課程讀~~都係千四蚊渣喎~
我個四千蚊可以cam番架嘛~~heee~我要讀到~~~

晚上同邦邦傾電話~~傾了二十分鐘~kaaaa~
今個星期行程有變呀~~~星期六佢夜放呀~沒可見~~
改星期日丫~有點唔開心添..改左...雖然唔係冇得見~~
但.....heeee....邦邦明架喇....不過唔開心一陣姐...kaaaa~~
星期日改左去油塘拜家駒~~~都有一年沒去了.....

>>February 9, 2006 at 2:47:36 PM GMT+8

2006 年 2 月 7 日 星期二 【晴】

今日遲左班小巴呀...幾驚番到學校會遲到呀....都沒有~heee~
Crystal買麥記~~幫我買埋呢~~唔該晒~
又有利士逗呀~heee~呢幾日都收到好多老師既利士~唔該晒~

老師開會內容有講到院芷~~佢地知我幫佢儲緊7仔既狗仔~
同埋會送間狗屋比佢~~d老師都叫我唔好更輕易送比佢~heee~
佢上閱讀堂黎找我呀~~我同佢傾計計~我應承佢話二月尾派成績表個日先送比佢~
但係如果覺得等好耐既~~就做另一樣野~~就係要有10個老師讚佢~~仲要老師幫佢簽名~
我同佢兩個人既承諾~~唔知佢下星期五前做唔做到呢~~
咁就要睇佢既情緒喇~~heeee~~從其他老師中知道佢好多野~~
um...我想都要同佢好好傾下~~小朋友好易氹架姐~~heee~~

呢排都有好多電台錄音呀~~咁岩既時間係Deric係出去上堂架~~
靠我地嚕~heee~錄像比賽個到要整個網頁呀~~努力中~

放工陪Crystal食野~~又是去香港仔魚蛋到食食~~
好趕呀~~佢要番學學~~食飽我都搭車番家~
好累累..好快做左朱仔了~~又差點兒訓過龍~kaaa~

>>February 8, 2006 at 2:26:45 PM GMT+8

2006 年 2 月 6 日 星期一 【晴】

今日收到好多老師既利士呀~哇哈哈~~又多左百幾蚊喇~
Lunch差不多兩點先食~都唔係太肚餓呀~kaaa~
好多送呀~~都係帶飯好~~食得晒呀嘛~呵呵~~

有畫展呀~黎左幾張畫~我地要幫手打簡介~
幅畫都有小小抽象架~藝術家既野真係唔同~
唔係就咁睇就明佢畫咩~~我地仲幫手去操場掛畫呀咁~

d老師講起阮芷~佢地知道我幫佢儲7-11既狗仔~會送比佢~
佢地都叫我唔好更快送住~~話等佢乖乖地先呀~
佢有個計劃要八個老師以上讚佢乖~~不過似乎呢排就難d喇~
佢又做左d行動令老師唔開心喇~~真係唔乖乖~~kaaa~

我同Crystal做晒d野就去左電台找呀Deric~
咁岩個時小息~拍九龍城寨果幾個學生走左入黎睇佢地拍完個段片~
Deric幾經辛苦終於剪完喇~~哈哈~拍左兩日既片~~得出黎得10幾分鐘渣喎~
我仲以為係好長架添~~heee~不過真係要交去比賽既~~係得8分鐘...仲要係用磁碟交..
囉命....段片有好多都cut左沒出街嚕~~~陳姑娘都有入黎睇~~哇哈哈~
真係一路睇一路笑~~太搞笑喇~

班學生睇完番課室上堂~~得番我地三人聽Deric教錄音影片既野~
heee~佢講得好快添~~我地仲傾左好耐計呀~~問得最多野果個緊係我喇~哈哈哈~~
佢原來有PCCW部3G電話~~林海峰果廣告賣左成個月有多~~
我都一直沒去睇咩來~~原來係有得試免費電話~~仲有成6000分鐘比你~
一蚊都唔駛你比~~送埋電話比你~~送埋分鐘比你~~正爆~~
仲有兩日呀~~渣渣林登記左~~哈哈~~唔知我有冇機會得到個電話喇~~
成6000分鐘....真係有排傾呀....正正正~~~

係電台都留左好耐~~哈哈~~仲過埋放工時間添~~
番到電腦室拿拿臨執野~~heee~
放工工搭車車~~今日約了君君同貓貓去大中食飯呀~
周君行左陣街先去食野呢~~去澳門街食食~
貓貓係我地食緊野個時先黎既~heee~~

食飽左就行街~~貓係麥記買薯條食~
個時邦仔就打來~同佢傾左陣呀~佢都驚我d朋友仔悶親~hee~
我地三個之後去左Rainbox食糖水~~好耐沒去了~~
竟然大左更多喎~~~~勁呀~~我想都唔會座門口更迫迫喇~~哈哈~
食彩虹~~第一次食~~好多水果~~哈哈~~呢排病呀...都係食番多d水果喇~heee~~

係Rainbox影左幾張相相~~
番家係小巴中~~我同貓都係咁影~~哈哈哈~~
架車係咁震都影到~~渣機果個係貓~~都冇乜點震到~~勁~~~




>>February 7, 2006 at 4:36:48 PM GMT+8

2006 年 2 月 5 日 星期日 【晴】

今日番學學呀~多媒體個ron sir走左~黎左個新既呀sir~
佢講野講到急口聆咁....超快...我都聽唔到佢講咩既...= ="
佢教影片製作...唔知點解用左第二個軟件教喎...佢又冇提起份功課既野~
都唔知佢知唔知我地有份影片功課架....我隔離個同學仔呀權訓到朱仔咁...
咪就係為左份影片功課囉~~佢做到尋晚三點~我都以為今日交架...但係呀sir提都冇提過喎...
不過唔緊要...實要交呢份功課既~heee~

十二點鐘放飯飯~~我地今次冇去到平時食開個間~因為冇學生餐呀~
就去第二度搵食~~行行搵搵...都搵左半粒鐘...哈哈~~
最尾每人都食左30蚊呀...我好叻叻食得晒呀...仲食唔飽添...kaaaa~
因為碟飯好細碟渣~~

係呀...條頸仲好痛痛呀...嗚~~前日訓教仔個時扭到條頸~~
今日都仲痛緊呀...可悲~~最可悲不過既事都仲係未收到上網bit個隻beyond 猶豫~
我諗都係......冇希望架喇.....唔制唔制....

呢排好多人既話題都係圍繞講情人節~今年既2月14日都同唔到佢一齊過呀~
個日係星期二黎架~~佢係學堂入面~~~~我都冇諗過送乜比佢呀...哈哈哈~~
盒新年朱古力佢又未拆...所以實唔送朱古力的~~~

放學的時候~
去左麥記買左個豬柳蛋漢堡包食~lunch個時食得唔飽呀嘛~~哈哈~
買完飽就往巴士站向方去喇~~比我見到官恩拿~同佢刷身而過~
佢都唔係好高呀...Kaaa~

>>February 6, 2006 at 2:22:15 PM GMT+8

2006 年 2 月 4 日 星期六 【晴】

今日係星期日呀~~話咁快呀邦尋日放假~~今日又要番學堂嚕~~
兩點鐘要番到去呀~~十二點幾佢就出門口喇~
傾左幾句渣....佢話累想訓教仔呀~~唯有晚上傾傾喇~~都知佢都累架喇...
聽日一連五日都要考試呀...要努力溫書書做實習呀~~
仲有~~七個星期渣~~正正呀~~

覺得宜家既佢同半年前既佢唔同左~~先前有小小事佢都會嬲既~~而家沒有嚕~~
仲有呀~~有d野真係佢唔岩~~佢會向我認錯喎...heeee~抵鍚呀!!

晚上同牛牛傾計...佢呢排日日都Msn喎...都知佢點解架喇~哈哈~
佢send d 英文歌比我~~幾好聽呀~正正~~仲叫佢Send多幾首比我添~~heee~

仲有同貓傾MSN~~佢呢個假期都玩得幾開心呀~
番大陸玩~~又帶左個朋友仔黎香港玩~heee~
不過假期完喇~~打工仔都係時候番工喇~~哇哈哈~~~

君打電話黎~同佢都傾左幾耐下架~~
又係佢男朋友個問題....其實有問題就應該囉出黎傾下~之後解決~
但係問題仍然存在....大家都仲係會唔開心....

傾到十一點邦打黎~我就收左君君線喇~
佢打黎個時我都未關電話既~~拿拿臨關電腦~
上床訓住傾電話~~哈哈哈~~

>>February 6, 2006 at 3:56:27 AM GMT+8

2006 年 2 月 3 日 星期五 【晴】

今日有半日係屋企呀~整埋個兩分鐘影片~加埋文字搞掂晒了~
整左兩次....第一次當整完之後竟然Hund左機喎...= ="
唯有整多次...哈哈...都係加多次字姐~~好快整完~heee~
send左比d fans睇~~yeah~~~
原來Simone都有日記仔架喎~~都係呀Hei比佢日記我先知~kaaa~

星期六又是邦邦係學堂出來喇~~約左去沙田行街街~
我5點幾就出去了~~大家都差不多時間到~佢快過我幾分鐘囉~kaaa~
去左士魯比公園到~~仲影左相相添~~不過影影下冇電喎~
而呀邦話買部差電機比我~~方便我影相同mp3用~~最後係萬寧buy~
真係多謝晒邦邦呀~~佢幫我諗埋添~kaaaaa~

我另外仲買左兩粒電~~都成$15架~~用住係相機到先~~
買完再入番去公園影相~哇哈哈~~我地叫人幫我地影架~heee~
佢都要傻傻一次喇~~邊個話警察唔可以有傻既一面架~
同snoopy影相都唔係好傻姐...哈~~都幾可愛呀~~
影左幾張相相到喇~~佢話好肚餓就搵食喇~hee~


搵左好耐先岩心水~~食左百幾蚊~~佢都冇乜點食呀...
因為佢番家家都要食呢~~我就要食飽飽喇~heeee~

食完就唔行商場~行商場出面~~發覺原來我地大家都唔多鐘意行商場既~
但係先前又冇講過出黎喎..kaaa~宜家我地會多d行街街~~唔行商場~
其實次次行實商場都唔多入去d店睇野架...哈哈~~

我地行左城門河個到....哇~~風好涼爽~~正正~~
今晚唔係好凍呀....都幾涼幾爽~咁先至正架嘛~~~
夜晚都冇乜人行既~~好靜呀~~幾好丫~兩個人慢慢行~~傾下計~~唱下歌仔咁...
一路嘆風~一路唱歌呀我地...哇哈哈~~

行行行..一直行都係冇乜人...係間唔中一兩個人跑步經過...
行到小瀝源個到呀...都唔知邊到黎既...好黑條路...得幾枝燈...
我緊係勁驚...仲話唔好行...佢話唔驚喎....冇事...
咁咪照行囉...但係我依照好驚...攬到實一實...又叫佢講野唔好咁大聲..
哈哈...佢就係咁笑我細膽...有佢係度我都驚驚架..始終條路真係好暗...
同埋得我地兩個人....不過有佢係度有份安全感照住~~我驚都會照行囉...keee~

我地好勁呀.....由沙田新城市個邊一直行行...行到大老山隧道個到~
真係好似佢咁話~行路上廣州都得呀...哇哈哈~
唱歌仔行行下都唔覺行左更遠架~~
不過我地搵唔到條路上隧道個巴士站到呢....本來係諗住上隧道搭車架.
但找不到呢~~~最後我都係搭火車走~~係第一城果個站上車~
第一次搭馬鐵呢程路線...哈~~幾驚唔搭錯向方...
不過睇牌都幾易既~~HEEE~~

今日好開心呢~~YEAH~YEAH~~~~~~

>>February 4, 2006 at 5:44:33 PM GMT+8

2006 年 2 月 2 日 星期四 【晴】

今日真係開心喇~學生去bbq呀~我都有份帶隊~
番工唔駛係學校工作~kaaa~真是好喇~~
我同圓圓~Miss Chan Chan一架車呀~係車傾左大家係新年既節目~kaaa~
Miss Chan Chan原來都去左好多地方旅行架喎~真係佩服呀~
我都想沖出香港~~環遊世界~~haaa~唔知幾時先有呢個機會呢~

紅磡出大尾督都係半個鐘~真係幾快快下呀~係入面既爐燒呀~heee~
好在都冇人燒~~但個時都勁早下...九點幾十點...緊係冇乜人喇...哈哈~
大部份學生都係燒野食~~而我就出動喇~~就係幫手透爐...
其實我係唔識架....但好彩都幫到手~透左幾個爐~哈哈~
我同陳姑娘搞掂晒班學校既爐~~佢地有好多都係第一次自己燒野食~
好多野都唔識~~好多烏龍野~kaaa~炭冇整息去就,咁放係膠袋到....搞到著火....
d燒烤網唔識用...囉蜜糖加猛火...唔夠報紙~~炭燒唔到...哈哈哈~~

成個場都係我地天神學生~哈哈~~燒到十一點幾到就已經有好多人入黎燒~
佢地都應該估唔到成個場都係學生燒烤~~哇哈哈~~

我地老師都有燒野食呀~~d野食係圓圓~Miss Lo負責架~
真係掂晒呀~~~好豐富~~飽飽呢~~不過我地都未夾番錢比老師添~
應該星期一會計數架喇...更多野食我想都用左好多錢呢~~~

係呀....d學生買左擦地炮黎玩.....搞到好嘈....成日爆爆聲...
真係嚇一嚇....都唔知嚇左幾多次....真係忘了叫他們唔淮買呀...

十二點幾開始叫學生執野~~一點幾出發去直昇機場~~
本身話行家樂徑~~但最後都改了~~其實都應該估到既...
帶住百幾個學生點行到呀.....可否佢地係女仔...實嘈...實好多怨言~~哈~
行直昇機機個到都幾正正呀~~本身我同Crystal係睇住中間個批~
但行行d學生都分開晒~有d行得快....有d行到慢到睇唔到係邊喇...kaaaa
我同陳姑娘~Crystal咪座低休息影相相囉~~呵呵呵~~~
最後都行唔晒呀~~~都未行到終點就要番轉頭喇~~因為都差不多時間落去搭車走~~

兩點幾班學生同老師都上晒車~~走走了~~
而我同Crystal可以唔駛跟車番學校呀~哇哈哈~
不過呢.....校長好似唔知架喎....唔知d老師有冇同校長講聲...
不過都唔擔心既....我地d假都未放晒呀..哈哈~

我同Crsytal去左租單車呀~~我竟然見到馮記所有老師...估不到...= ="真係驚訝呀.....
佢地上午老師開會個d...下午比校長叫晒佢地入黎大尾督活動~~
有d踩單車~~釣魚~~行山~~周圍行行~~哈哈~~
我同Crystal踩單車上直昇機場個時見到波子陳~~捉住佢影相~哇哈哈~
有有打電話比Kw呀~佢個時渣緊車入黎~~所以傾左陣囉~heee~

回想起我離開馮記係岩架...哈哈...兩間學校既老師都相差好大...
我係天神開心好多~~活動又多~~老師又岩傾又岩玩~~又識到個好好好岩keep既同事~
哈哈~~~好過係馮記個時就曬好悶多~~成日叫人做野都唔理我地感受既...

我同Crystal踩單車踩到盡頭休息左好耐~哈哈~~
我地租左30蚊架喎~緊係要踩到夠喇~~所以就即繼續玩玩~~
踩完成個大尾督就往大埔方向出去喇~涼風好爽快呀~正正~
踩到去工業村都走喇~~差不多番去還車車~~

係巴士番大埔個時我地累都訓著了~heee~
今天真開心呀~~~

係呀~天神有幾個老師都有派利士比我地兩個呀~
哇哈哈~~~thxthx~~今日收獲加加埋埋都有100蚊~
最估唔到既係Jenny...佢仲生左兩個女添....七歲架喇...哈哈...
keep得好好呀....完全睇唔出生左兩個添..kaaa~



>>February 4, 2006 at 5:45:51 AM GMT+8

2006 年 2 月 2 日 星期四 【晴】

今日天神有幾個課外活動組都有份bbq呀~哈哈~~
地點係大尾督丫~我緊係有份去喇~~
仲影左好多相相添~~heee~





>>February 3, 2006 at 3:00:44 PM GMT+8

2006 年 2 月 1 日 星期三 【晴】

今日要番工嚕~~搭巴士個時真係差小小就訓過龍....= ="
我醒左個時已經係我要落車個站呢...險險呀~

Crystal都番工呢~好yeah~~佢帶左隻碟番來播歌歌呀~
真好好~聽住歌工作~不過d野好快就做晒喇~
應該係話今個假期d老師都因為文化日忙忙~冇乜交低野我地做~

Lunch個時叫外賣食~問埋Miss葉佢地~heee~
今餐都幾貴貴....唔帶飯真係唔著數...= ="不過一兩餐姐...哈哈...
飯飯個時我地同埋Miss教員室A房食呀~Heeee~~傾傾計食~~
Miss Chan Chan做埋今年都唔做喇~~可惜呢~

下午做晒d野就篤波同聽歌~哈哈哈~~
電腦室坊忽好似成為k房咁~kaaa~我、Crystal、陳姑娘係度聽住歌唱歌~kaaa~~

放工工時間一個人出左mk囉相機呢~hee~
終於整番好喇~~yeah~~yeah~~應該冇事喇掛....

先前bit個隻碟...仲未收到呀....嗚嗚嗚...
仲要係四人時期架添...唔制呀...唔會寄失左掛....唯有等多幾日喇...

自從飯飯後...不停地間唔中打「斯奕」....直至夜晚都仲係咁...

係係呀...邦邦今日要填表填注守邊個區喇~~有水警~~同埋其他地區揀呀~~
老公仔就緊係揀左水警喇~~heee~佢仲問左我意見添~~我就緊係唔反對喇~~
既然佢都決定左~~而第二位揀地區係係九龍東~第三係新界西~~
希望佢派到第一意願既水警喇~~唔知幾時知道呢~~~

>>February 2, 2006 at 2:08:25 PM GMT+8

2006 年 1 月 31 日 星期二 【晴】

今日好早早起身呀~每一年都會去天后到求簽拜神~
由細到大每一年都會去架~以前細細個就一定跟去既~
宜家人大了...變了....好多地方都已經唔願去....

今日得我同老豆兩個人去渣...= ="
搭小巴落街個時~比左封利士個司機呀~哈哈哈~
去到天后妙都好快姐~係粉嶺個邊ar~~
十一點幾番到來大埔~去左林記到飲茶~kaaa~好味道~
排骨飯~~牛牛~~燒賣~~哈哈哈~~仲想黎多個耐米雞架~但係太飽了~~kaaa~

整個下午都在家家上網打機~~聽日要番工嚕~~
不過都係番聽日姐~kaaaa~後日就同學生老師BBQ~
哇哈哈~~呢個新年假真係爽呀~好似放左好多日呀~~正正~~

晚上同邦電話~heeee~佢話我地遲下去多次Camp呀~
好yeah~~開心呢~三月頭去呀~今次一定要影影相相喇~
兩日一夜既Camp~~heeee~正呀~期待呀~~
佢話畢業後都唔會有時間再去架喇~~所以咪去多次囉~~
到時佢就真係忙忙忙呢~~唔知到時佢係咪考到水警呢~~

同邦個朋友仔ng子健傾Msn...哈哈...佢send左張相我睇呀...其實先前都睇過既..
不嬲msn都有show相既...但係唔睇大張d...都睇唔清佢個樣..kaaa...
不過佢講野仲係串串地...= ="但有陣時又會講下笑....都唔知佢想點....哈..

>>February 1, 2006 at 3:25:33 PM GMT+8