2006 年 3 月 8 日 星期三 【晴】

今日全力都整緊個天神新網頁~~貓貓整左比我呀~~真係掂晒喇~
唔該唔該晒呀...heeee~~唔知幾時搞掂晒成個網頁呢~
都有好多版要整~~~

Lunch又係食得唔飽飽呀....= ="又食下午茶既呢~
不過今次有人請喎~kaaaaa~呢排真係食得多野.....
好似食極都唔飽咁既...唔會中招掛~哈哈~

晚上同邦傾電話...星期六佢出學堂之後番家家先~~六點先出來食晚飯~
本來我想一齊食消夜架...見耐點~~唔想睇完演唱趕住走....
不過佢話夜...同埋沒車車.....都估到佢咁說架....
我氹左幾多次...佢都係說不可以....情願早d出黎喎~~~
咁我覺得既然佢番得屋企....我緊係想佢留耐d喇....之後晚上去夜d...

不過都不淮呀.......咁即係星期六得個幾鐘行街食飯渣~~之後果幾個鐘就係睇演唱會....
咁既安排.....唯有接受喇....都冇得比我揀既....
好難先等到一星期既第六日有得見面架嘛~~~想見耐點....都唔係好貪心姐.....
不過算喇......等....都等左咁耐....佢都就黎畢業....
希望好似佢咁話....到時會多點時間陪到我喇~~但願如此~

>>March 9, 2006 at 2:52:14 PM GMT+8

2006 年 3 月 7 日 星期二 【晴】

春天真係來了~~呢排都好潮濕丫...唔多鐘意呢種天氣呢...
今日都唔算太忙忙~kaaaa~Miss Au番左黎處理佢既工作~~
佢好忙架....佢可以忙到搵唔到時間食野...= ="我就唔得喇...
個肚一定急call我既~~

Lunch食得唔夠飽飽~~下午叫左下午茶食喎~~kaaaa~好味道架呢~~
就黎要番夜校喇~~到時逢星期五都要叫下午茶食架喇~~

邦成日都好唔得閒丫...連夜晚都係忙忙忙....咪就係忙緊下星期佢地晚會既野囉~
佢同小邦都係做司儀丫~~~佢地負責搞節目架~~heee~
而其他同學仔就忙表演~~

係丫...佢說Passout個日晚要同呀sir and同學仔食飯丫~~
um.....唔緊要喇~~咁畢業後真係會好少機會有咁大班一齊~
到時個個都會派到唔同環頭架嘛~heee~~

>>March 8, 2006 at 2:37:23 PM GMT+8

2006 年 3 月 6 日 星期一 【晴】

今日係我二十一歲生日喎~~~但係比人感覺我仲係十七八歲..哈哈哈~~
真係好多謝晒Fanny and 國秋咁夜都比信息我~~佢地12點幾比信息我架~heee~
都收到好多朋友既信息既~~~幾好幾好~都有好多人記得~哈哈哈~真係多謝你地丫~~

番到學校見到張枱有野食喎~~係圓圓特登整比我食架~~
好開心丫~~有雞翼and鴨申丫~~kaaaa~仲有隻米妮~~
仲有仲有...點都估唔到...佢竟然買左隻beyond碟比我喎~~
係金色個隻精選丫~~~真係有點驚訝架~~不過D歌我全部都有了~Heee~多謝~~多謝~~~
lunch個時就食大餐~~好味道~~~又係好似珊珊生日個日咁~~
秘密地叫d熟既老師入黎食~~kaaaaaa~~


校長搵我同Crystal~~問我地兩個之後既方向~~問我地會唔會係學校做~
我答佢我下年都希望係天神做....又講下學左d咩丫咁...
Crystal始終都怕羞~~好少野講~~~咁又係既....問得咁突然~~
次次同親校長講野都好驚架.....下年....如果係繼續係天神做..
唔知有幾多人工呢....真係想有六千以上架....下年丫....唔知我個同事係咪Crystal呢...
我都希望係呀.....唔好捨我而去丫....嗚嗚....

放工工.....番大埔~~今晚貓貓~徐記約左我食飯飯~~
牛牛放假~~heee~~我搵埋佢出黎~~~Yup~~
當就行到中心個時~~同邦邦傾電話~~~係小巴站到傾傾....

成日....我都等緊佢比信息我架....但係佢忘記了我生日丫...
第二年.....又忘記......點解.....唉~~
我同佢傾電話個時....佢都仲係唔知咩事....係佢臨收線個時...
我同佢講....你記唔記得左....今日係老婆仔生日呀....
佢又係咁....扮記得.....唉....都估到喇....真係好唔開心....眼淚水都跌下來了.....
我仲快過佢收線添....嬲左佢...kaaaa~
佢臨收線同我講左句...就算唔開心...都唔好將唔開心帶比朋友...
所以同佢傾完電話後~~去中心找呀貓~徐記個時我冇乜事~kaaa~



去左明皇食壽司丫~~~今餐係牛牛請架呢~~~多謝晒~~
我睇中左對鞋~~~牛牛仲買比我添~heeeee~~thx thx~~
食左400百幾蚊丫~~我都唔係食得好多架渣~~kaaaa~
因為食緊個時miss Au打黎傾公事~~~沒計仔喇~~

食飽左去公園食蛋糕喎~~是徐紀送的~~thx~~
生日的蛋糕~~仲以為沒有架添~~~好開心丫~~多謝多謝~~
食到九點幾就番中心喇~~等到呀貓放工~~我同貓就送牛牛去到馬會個邊~heee~
個傻仔話怕寂寞喎~~~今日真係好多謝你地丫~~~


番家家個時同邦傾番電話....我嬲佢只會嬲一陣...唔開心一陣就沒事....
哈哈哈....對佢已經好好架喇....比著其他人...實嬲幾日架姐...
我好大諒架~~~雖然佢冇氹番我~~~但佢自己都知錯~~咁算喇....
我唯有唔嬲佢喇...不過生日對我黎講都重要架~~
所以呢......點都要記住去呀...邦應承過下年會記得....希望佢做到喇...
我唔想第三年又失望.....我期望既只係佢記得姐....咁簡單....點解你做唔到呀...
反而要怪我嬲你......

>>March 13, 2006 at 12:33:30 PM GMT+8

2006 年 3 月 5 日 星期日 【晴】

斷背山(Brokeback Mountain)

1963年荒僻的懷俄明州，兩個年輕的牧場牛仔艾尼斯以及傑克因工作而認識，
當時他倆受僱於一個牧場場主，一個夏天的相處竟燃起了意想不到的愛火。
夏天結束時，牧羊的工作亦告結束，斷背山的情緣理應劃上句號，
但分離並沒有阻隔二人的感情。然而，當時社會不但歧視同性戀更會暴力相待，
為了保守秘密，兩人只好各自結婚生子。兩人各自努力維繫家庭的和諧，埋藏心底秘密。

直至4年後，傑克與艾尼斯於懷俄明州重遇，一段埋藏的愛火重燃。
為了逃避世俗眼光，兩人相約每年一度在斷背山碰頭，二人的關係才得以維繫了二十年。
傑克在一次意外中死亡，二人的關係被迫劃上句號。
艾尼斯得知傑克的死訊後，特地到傑克家去探望，他到傑克的房間憑弔，
在衣櫃的一角，艾尼斯發現了一件染血的襯衫。
襯衫背後的故事成了傑克一生最大的秘密，更讓人悵然若失的是，
在這件襯衫底下，還有艾尼斯的襯衫，
小說如此寫道﹕「這一對襯衫就像兩層皮膚，一層在另一層之中。」
艾尼斯最後只能從遺物中得悉傑克對他的愛有多深厚。

4 mintues 斷背山精華片段
http://www.youtube.com/watch?v=RSWCfus3K6s

今日食飯個時子健同我地分享呢套戲~~
部戲囉好多獎....同埋係幾正~~~

>>March 6, 2006 at 3:02:35 PM GMT+8

2006 年 3 月 5 日 星期日 【暴雨】

今日番培正丫~~玩左兩日仲係好累累添....想訓耐點丫....哈哈...開始好懶喇....
又係學番vrml同網頁...kaaa~沒甚麼特別丫~~
係呀....本來今日考ICDL既word先架...不過呀權沒番~
所以留待下星期考....考埋Powerpoint丫~~努力努力~~~

派左成績表丫~~上學期三科都有B丫~~哇哈哈~~
唔知下學期既成績會唔會叻D呢~~不過最緊要Keep住~唔好差左就得架喇~~



>>March 6, 2006 at 2:31:42 PM GMT+8

2006 年 3 月 4 日 星期六 【晴】

今日繼續訓訓訓...訓到九點幾起身~~真係舒服~~
之後洗頭執野交鎖匙~去食早餐~~
食後去大排檔食粥丫~~叫左好多野食喎~~勁勁的飽丫~

食飽後就租左一個鐘單車玩玩~~踩完就搭船出中環喇~~
係船到同佢玩左陣就訓左了~~佢話我快過佢訓著喎~kaaaa~
訓係佢隔離真係勁舒服所以咪快變左朱仔囉~哈哈~

落船搭地鐵去南昌站丫~~當chick八仔通有幾錢個時...竟然在袋不見有銀包....
個一刻真係以為唔見左...幾想喊...邦邦好冷靜幫我搵...
好采.....原來放左係擺衫衫果個袋到...真奇怪...我都忘了幾時放的...
真係唔該晒邦邦...kaaaa~~我真係大頭蝦喇...好采冇喊出黎姐..= ="

邦邦五點鐘前要到太子呀~~佢地今日要去太子聽講座丫..
晚上先番學堂~~heee~~

所以我地行西九龍中心行街街囉~~睇bb衫丫~~
哎呀...我想買一套個d套裝衫丫...好似尋日見到個隻企餓bb咁...哈哈~~不過唔見有喎~~~
本來想食壽司架....但係呢...由於早上大家食粥粥都仲係勁飽~~
所以等到三點幾先食下午茶...不過仲係飽緊...哈哈~~~

食飽左四點幾就搭地鐵走喇~~~今次我好叻叻...係我叫佢走先架~~
因為佢約左d同學去聽講座個到....不過都已經遲左小小架喇~
佢仲諗住送左我上車先走...但係遲到就大件事架嘛...
我緊係唔駛佢送我喇~~heeee~~

雖然唔捨得~~但係唔緊要喇~~佢都已經陪左我兩日~
真係好開心架~~~要學懂知足嘛~~~

>>March 10, 2006 at 3:05:34 PM GMT+8

2006 年 3 月 4 日 星期六 【晴】

星期六、日同邦邦去左長洲同平洲之旅~~~
幾開心架~~~下次去既離島係大嶼山or南丫島~~
玩埋呢兩個島~~香港既離島比我地去晒架喇~~~


「平洲」係好細既島..冇野好玩架~~

晚上入左「長洲」~~

係碼頭座個時見到個兩歲既小朋友~~佢見到我影佢..即刻話...「影相呀」我影完仲話..「唔該晒」..哈哈哈~真可愛~

呢兩張都係同邦邦自拍架~~heee~~~有時間倒數既相機真方便

>>March 5, 2006 at 11:15:08 AM GMT+8

2006 年 3 月 3 日 星期五 【暴雨】

今日同邦邦去離島玩丫~~本來係去南丫島既~~咁佢話d朋友未去過平洲~
咪轉地點~~去平洲玩先囉~~heee~因為遲下係咪都會去既~~
咁搭船去到平洲....感覺好靜....我地搵房租....睇左兩間...都好唔掂.
300蚊喎..仲要一點安全感都沒有....平d比我都唔要呀...= =
呢個平洲完全唔係比旅遊人士黎租房既好地方~~~
環境真係好靜....都唔多餐廳~單車都唔係好見有得租~係咪星期六黎架....
所以我地商量過....轉移地點去長洲~~但係成六點先有船~~
所以係平洲行行.....其實真係好細地方...好快行完...冇乜特別既~~

我地百佳買野~~佢推車我座車~哈哈哈~~
周圍行行....影下相呀咁~~kaaa~
對呢個地方真係好失望添~~下次唔會再黎平洲玩架喇...

晚上座船過到長洲第一時間就租房喇~~
平喇.....220渣喎~仲係套房~有埋相睇~kaaa~
比左錢囉左鎖匙~去找房房~~我地......搵左好耐好耐......先搵到...
仲要係人地幫我地搵架添....好累累丫....肚餓餓~~~

上房食野~~睇電視~heee~間房都幾好架~~有兩張床喎~~
咁緊係.....唔會一人訓一張床喇....哈哈哈~~
睇消防果個同埋10點幾果套先訓覺仔~~heee~~
佢話晚上訓醒出街食霄野~~我訓到十一點半已經醒左了~~
不過十二點先拍佢起身....不過都知佢累既....比佢訓多陣...訓到一點先出去~
當開門個時....呀鄰居剛剛回來....哈哈~~人地個女朋友幾驚丫...以為咩人...哈哈哈~~~

我地落街買左好多好多野食丫.....糖水...魚肉...珍珠綠茶...燒賣魚蛋...
因為落雨...所以囉番房食~~~邦個時仲係訓醒咁...傻下傻下的...哈哈~~
好多野食.....勁勁的飽丫....正~~

今晚好好訓丫...heee~~

>>March 5, 2006 at 2:00:55 PM GMT+8

2006 年 3 月 2 日 星期四 【晴】

好耐好耐冇見呀珊上線喇~~都有好幾個月喇~~~終於係番工時間見到佢上Msn丫~
佢放完假喇~~bb女12月21日出左世~~早左出世添~heee~
真係登佢高興架~~

不過......佢突然同我講....佢老公係bb未出世個時突然過左生....
好突然的....我真係一點都唔太相信...點解.....點解...
佢話番我知係因為心肌緊室....突然間就走左喇....一句話都沒說...就......

一切既事真係來得很突然.....一切就在果一分鐘....沒了...傷心...傷痛...一齊來...
要治療番呢個心情真係要好一段時間....身邊最愛走了...永遠也不會回來....
可知道心情係極難受....bb還未出世....還未爭開她的小眼睛看看這世界....爸爸已經不在....不在了..

聽完呢個消息後.....我個心情由喜樂變成極低落...慨嘆點解人生點解會咁...
珊....你真係要好好努力活下去~努力湊bb女丫~~放心機係b女到........
一個人係好辛苦...但無論點樣都要捱下去...我知道你做得到的~

一瞬間 有些東西已經改變 他竟走了 如此匆匆一別　誰都不知怎招架
那天終於相信　神話必須熄滅 而師長囉唆的教誨　重覆於心中重擊
初次明瞭　為何要珍惜身邊所愛
容易受傷大概再聽不到幾多次感慨 幾多次心急心虛心痛心愛　通通都走過
那一切　仍能憑著回憶活下來 我們　仍能憑著奇蹟活下來
好好　活下來 你要記住 懂得 好好養大bb女~

講番今日既事先喇~~大班蛋糕店打左幾次黎找我....
話我知我原本訂的蛋糕只可整一磅....= ="
同Crystal商量過後~就訂兩個蛋糕~~一個一磅~~
一個是陳姑娘~~另一個是給圓圓~~珊珊今日生日嘛~~而圓圓就提早興祝喇~kaaa~
十二點就送來蛋糕.....真係早...明明說一點架嘛...不過算喇~~
我同Crystal、陳姑娘、圓圓係電腦室好秘密咁進行左呢個活動...哇哈哈~
真係成功~~係果一個鐘唱生日歌~~影相~~切蛋糕既時候~~沒有老師入黎電腦室喎~
真係好喇~~~佢地兩個都好驚喜~~~睇到佢地開心~感動就好喇~heee~
我就是要她們開心嘛~~~不是要甚麼回報....圓圓就係咁大開金口讚我地...= ="
oh.....多謝多謝...不過我唔太鐘意聽....講得太多了....哈哈...

大班既蛋糕好好味~~哇哈哈~~兩個蛋糕係唔夠分架...
唯有叫最要好的老師們來~~秘密進行食蛋糕會議~哈哈哈~~
剛剛好分晒~~不過...本來有個蛋糕係留比校長架...但是意外跌在地上...oh....天呀...為何這樣架..
生日快樂呀陳姑娘~~kaaa~仲有圓圓~~提早興祝~heee~







>>March 3, 2006 at 3:37:14 PM GMT+8

2006 年 3 月 1 日 星期三 【晴】

今日有三堂錄影丫~阮芷個堂中文課好乖好乖丫~係咁舉手答問題喎~
呢個女真係抵鍚喇~~如果平時上堂都係咁咪好囉~Kaaaa~
我有係度...又有袁校長~仲有校外觀課既人~唔會咁易亂黎既...^^~
可能佢都知道如果唔乖..就,冇人鐘意...到時又比呀爸打架喇...

連續錄影三堂都差不多飯飯時間~~用左十分鐘時間食飯~~
好快又趕住做野喇....非常忙極也~~幫班二仔影相~
佢地數學堂有活動~~就係落操場量度~kaaaa~



放工又係忙到六點先走...本來想早d走架...但係都係忙到六點...= =
落左紅磡廣場個邊睇蛋糕~~陳姑娘明天生日呀~本來Crystal買禮物既~~
但係揀不到丫~kaaa~唯有就是送蛋糕喇~~行左去黃埔既大班買丫~~
兩磅都要成200蚊丫~加錢送埋貨~~直接送黎天神~
費事聽日Lunch時間行去囉喇....又更遠...更多野做..
聽日有蛋糕食~~哇哈哈~~聽日唔知做唔做到秘密進行件事呢~哈哈~


晚上同邦邦傾電話~~佢話星期日5點鐘要過到太子~~
比預期提早兩個鐘走走....有點失望~~
對唔住...我還未做好自己...還未做到...
下次我要你聽到既係...令你覺得我識諗的說話....我要做到...

或許失望，有時候，也 一種幸福。
因為有所期待，才會失望。

>>March 2, 2006 at 3:07:00 PM GMT+8