2006 年 3 月 16 日 星期四 【晴】

貓貓的十九歲生日呀~~大個女呢~~






>>March 19, 2006 at 5:56:06 AM GMT+8

2006 年 3 月 15 日 星期三 【晴】

仲以為今日唔太多野做~~可以整個新既學校網頁添~~
都有幾多野做丫~~忙忙忙丫~

放工工約了必必行大中呢~~佢竟然放早喎~~哇哈哈~
一齊揀禮物比貓貓丫~~佢明天生日架呢~~好似係19歲喇~
聽日係佢第三次考車車車.....努力丫~~你一定得架~~當送比自己既生日禮物嘛~~
你得左我請你食大餐~~唔好咁緊張呀~~同埋唔好想太多.....專心專心~~

買完禮物七點幾去左中心送比佢~heeee~~佢比左盒金莎我呢~~
正正正~~~多謝晒呀~~

成個月都離開左我身邊既MP3終於整好喇~~~不過我沒有單係身~
所以聽日先囉得呢~~呵呵呵~~

>>March 16, 2006 at 3:11:29 PM GMT+8

2006 年 3 月 14 日 星期二 【乍雨乍晴】

Deric搵我同Crystal傾計~~都是傾工作既野呢~heee~
錄音..傾計都食飯飯時間嚕~~

唉....原本星期五要番夜校...剪接課程...點解又係同上次果課程一樣....
唔夠人開不到班架.....唔開心丫...點解咁少人報架...嗚嗚嗚........我原來計劃沒了.....沒了...
唔知又要等到幾時......先有班開呢.....

今個星期六早上去聽講座~~下午去黃竹坑接邦邦放學~佢教我點去佢學堂丫~
heeee~因為仲有一星期佢就Passing Out~~到時我要好早早出門口呢~~
七點半要去到佢個到丫....佢媽媽好似唔去呢....

今晚好夜訓添....heeee~~忙緊學校網頁丫~呢排貓貓唔得閒....
唯有自己搞掂喇.....要努力喇~~~又要比校長睇~~又要交培正份功課~~
四月頭一定要搞掂喇~~~

>>March 15, 2006 at 3:49:52 PM GMT+8

2006 年 3 月 13 日 星期一 【乍雨乍晴】

今日等老公仔消息丫....勁開心勁開心...兩點幾佢話我知佢入到水警喇~
佢個班收三個人渣~~佢係其中一個呢~~真係勁呀~
真係開心呢~~~哇哈哈!!我生日願望成真呢~~恭喜晒呀~

Crystal請病假沒有番呢~~唯獨我一人丫~都不是太多野做呢~heee~
圓圓整左醉雞翼比我地食~~好味道架呢~~
落校務處囉野個時見到阮芷休息緊.....原來佢發燒丫~病病的她沒聲氣呢...哈哈~~
佢好耐都沒來找我喇....= ="掛住玩....

五點幾放工走走呢~~係廣福下車~~搵靜茵呀~
比番d野佢呢~heeee~之後一齊過大中行左陣~~傾計計~~

君君番工做錯事....又唔開心喇....講真....呢d野冇人幫到你...幫到果個係自己~~~
讀書....工作...愛情....最終有得著既係自己丫..不是別人.....
就算做錯事人地唔鬧你....你自己都過意唔去~~
所以應該要記住今天的錯...明天以後不要再犯錯...
好好記住自己錯....不要有下次....這樣才有進步~~
我自已都要好好努力呀~~~

>>March 14, 2006 at 1:18:28 PM GMT+8

2006 年 3 月 12 日 星期日 【晴】

壹週刊舉行慈善拍賣簽名手機 ~~~
好多歌手都有呀.....Beyond...林一峰....at17....哈哈哈哈~~
識做喇...朋友仔你地快d bit比我喇~~~
我會非常之感激你地架~~~

http://hk.promo.yahoo.com/auctions/moto/index.html



>>March 13, 2006 at 1:40:15 PM GMT+8

2006 年 3 月 12 日 星期日 【雨】

今日番培正丫....係大埔已經塞車車車....仲要未入廣福就已經大塞車了~~
塞左十幾分鐘巴士上面已經有好多人落車.....逐漸落車既人好多好多....
成架車人有一半都落左車呢....佢地應該係搭火車喇....
結果塞了半個鐘有多丫.....真係....幾驚遲到呀~~
番到學校遲了十分鐘到喇...好在點名紙未收....幸好幸好~~

上堂學Flash丫~~要好好努力喇~~仲有學Ulead GIF Animator 5喎~~
對於我黎講就易喇...哈哈~~有用過嘛~~都係貓貓教識我呢~heee~~
本來今日考ICDL架....但係呀強冇番...呀權未溫熟....要下堂先考....
唔制丫....要快D考考喇......唔係追唔到其他人架喇~~~

呢樣係邦邦送既生日禮物~~哈哈哈!!


>>March 13, 2006 at 12:30:14 PM GMT+8

2006 年 3 月 11 日 星期六 【晴】

Music Now 偶 像 聚 會
林 一 峰 CAMPING 音 樂 會

今 個 月 Music Now 請 來 剛 擔 任 完 關 淑 怡 個 唱 嘉 賓 的 創 作 歌 手 林 一 峰 ，
更 有 新 加 坡 創 作 歌 手 蔡 健 雅 做 其 特 別 嘉 賓 ， 實 行 擦 出 新 火 花 !

日 期 : 2006年3月30日
時 間 : 晚 上 8:00
地 點 : 香 港 浸 會 大 學 - 大 學 會 堂
特 別 嘉 賓 ： 新 加 坡 創 作 歌 手 蔡 健 雅

要 換 取 門 券 2 張 ， 請 立 即 ：
1. 即 日 起 至 3 月 30 日 用 手 機 上 Music Now 音 樂 熱 放 ，
下 載 林 一 峰 的 歌 曲 及 其 他 音 樂 內 容 ， 儲 滿 1,000 獎 賞 積 分 * ； 或
2. 攜 號 轉 台 並 選 用 $80 或 以 上 月 費 計 劃

* 適 用 於 3G 客 戶 ， 每 消 費 1 元 即 可 賺 取 8 個 積 分




為左睇一峰個show....又唔想麻煩其他人....我同邦決定轉台一個月~~

>>March 13, 2006 at 1:25:56 AM GMT+8

2006 年 3 月 11 日 星期六 【暴雨】

起身勁累累呀.....隻手有點痛~~都係尋日玩到傻左喇~~尋日又踢波~~
又玩引體上升~~又跑步~~真係玩到累累~
真係要做番多點運動喇~~考警察體能真係要操得好...
我呢d....體弱多病...跑兩跑又累....體能已經唔合格呢~~哈哈!!!!!!

下午同貓貓出去~~去大埔區食野呢~~勁多多人呀....
等左勁耐先有得食....三點幾就出旺角喇~~

係新之城購物架呢~~買左短衫同短褲加兩條裙~~哇哈哈~~
為左邦邦嘛~~佢畢業個日著比佢睇架~~幾為佢丫~~
繼校服後第二次著裙呢~~~哇哈哈~~

同貓都買左好多野呀~kaaaa~佢星期二見三水學校呢~~
祝佢成功呢~~仲有考車車呀~~加油呀~~
為理想而努力~~不要輕易放棄呀~~

>>March 12, 2006 at 1:06:40 PM GMT+8

2006 年 3 月 10 日 星期五 【晴】

今日要番工喎~~影活動相~~同埋d問卷終於計晒人數喇....呼~~
圓圓聽日生日~~所以老師們佢地叫左d野食番來~~
正正正丫~~哇哈哈~~好鐘意食薯蓉喎~~~真係好好味架~~

食野個時我、陳姑娘同Deric傾計~~講緊Terence 五月入院做心臟手術~~
佢會入成個月呀....到時仲係學校最忙既時間~~因為d學生做Project要用電腦~
到時可能就要靠我同Crystal搞掂嚕~~

放工一點鐘先走....遲左少少~~約了徐紀係沙田行街街~~
要佢等我半個鐘添~~真係對不起~~~不過佢都唔嬲我~~好彩好彩~~kaaa~
好多野都想買架....不過睇下就算喇~~去睇bb衫~~不過都搵唔到我同邦想買個款既~~
遲下再搵過呀~~哈哈哈~~係沙田行到五點走走~~~
徐紀番家家~~而我就約了邦出太子呀~~

同邦邦去警察部遊樂會~~~入面好似體育館咁既~~不過就有好多好多野玩喇~~
同佢遊覽下個遊樂會~~有得玩Jam架~~我玩左個蛙挺機渣~~
跑步機個d好似要book掛...唔知呀....哈哈~~好想玩玩添~~heee~
有得打機添架~~都幾抵玩呀~~打完機就睇人地打堡零球~~邦識玩架~~要叫佢教下我先得喇~

之後去左個好大既運動場到~~係勁大大的~~同佢跑步....佢說係學堂要跑六個大大圈架..
哇.........真係勁....我跑步一個圈都冇.....已經冇力....哈哈..
仲要佢咩住我添....kaaa~~之後同兩個細佬仔踢波~~
踢入龍門~~kaaa~~我都接到波架.....仲有玩馬騮搶球添~~
玩到七點就走走嚕~~~好熱呀.....玩得好開心呀~~~感覺好似玩左成日咁~正!


同邦食糖水之後就去紅館睇明哥演唱會~~~
港樂VS黃耀明Live電幻音樂會~~有一大班管絃樂團~~
呢個演唱會同我睇開個d好大分別~~感覺有點悶呢...因為氣氛唔係太強烈喇~~
不過呢個演唱會係用一個欣賞既態度來看架嘛~~heee~~
我有訓著左幾秒架...好快又醒番....雖然有點悶...
但係我同自己講.....呢個係演唱會黎架嘛...比左錢入場唔可以訓著架~~
點都一定要由頭睇到尾既~~要專重明哥呢~~~同時都要專重番邦邦~~

好早就完場了~~邦同我搭火車呢~~佢係九龍塘下車~~
我有點想佢送埋我番大埔架....不過佢就沒車算喇~~哈哈~

搭到沙田站~~見到教會既李姑~~她今天飲關堅個餐嘛~~
微沙有好多人都去左觀禮丫~heee~~真開心~~
恭喜關堅呀~~

邦邦比左生日禮物給我~~多謝多謝~~
係件學堂買的運動衫衫~~今次岩晒碼喇~
仲有四隻警察公仔....幾得意架~

>>March 12, 2006 at 5:02:01 AM GMT+8

2006 年 3 月 9 日 星期四 【晴】

今日去電台搵Deric講番尋日個學生補錄音比佢知~~
同佢傾計~~~都傾左好耐下丫~~講番我地既去向~傾番校長同我地講果個問題~
期望下年人工會比今年高喇~~多野做都沒問題既~~

小息經過教員室...尋日又係見到喜童企係教員室喎~~
我同佢講野....點都唔應我....= ="仲以為佢搞咩添~~
問佢d同學仔...佢地剩係識笑....真係搞笑...
之後個老師話番我聽~~話佢上堂掛住傾計~所以罰佢企唔淮出聲~

今日我又見到佢喎....企左係度....尾實對眼仔....又以為佢咩事喇...
原來又比人罰....哈哈....佢今次貪玩...同果同學仔廁所拋紙巾丫...當排球咁打...kaaa~
所以咪罰企靜思囉.....佢真係叻架...比人罰...我係咁同佢講野..佢真係唔答你..
佢都唔算係一個唔乖既小朋友姐~heeee~~

圓圓仲同佢傾計....叫佢係包紙巾既角度諗下~~如果你係包紙巾會點..
佢好叻答到你架.....佢知道會痛...會驚....小朋友都係一時貪玩姐~始終都係天真可愛呢~

放工搭車番家家...本來係諗住去廣福搵羅港佢地~~
因佢地係廣福踢波呀....我要還番本書比羅港...但係我訓過龍...sorry....
不過我依兩日會約番佢出來比佢架喇....唔想爭住咁耐~~

夜晚上now.com睇森美小儀套15/16~~幾搞笑呀~~

係呀....要買多條512 ram喇~~部機好似唔係好得添~~kaaa~
咁我又唔駛得登出深水步~~哈哈~~有Deric幫我嘛~~

>>March 10, 2006 at 3:05:00 PM GMT+8