2006 年 1 月 8 日 星期日 【乍雨乍晴】

今日要番培正呀~可以訓多半個鐘先起身~hehe~~
八點鐘都仲係大埔...仲以為會遲到添...落車車都尚有半個鐘喎~

上堂派派卷呀~Pro DeskTop合格呢~~Yeah~~
新學期學既野又唔同喇~~同埋調轉左堂呀~
早上上多媒體呀~~下午就上網頁堂囉~

整理左FTP既野呀~有時間執執左呢~~太多野又沒分類好亂呀~~宜家執齊晒喇~~
個ftp真係好呢~~已經冇再比人嚴重性破壞喇~hehee~~繼續Keep住就好喇~

部相機送左我屋企呀...= ="明明轉左送貨地址架嘛....有冇搞錯...
真是激氣也....番到家家即刻睇部機...好采冇比人掂姐...hehehe...好采..
自己有部相機喇...好開心呀~~哇哈哈~~要影多多相呀~~
部機內置26mb呀...要買多張SD卡卡先得呀~~~

放工工搭車番到來~~貓貓比左份聖誕禮物我呀~~
係豬兜仔架~仲要雙魚座添~~~哇哈哈哈~~真係多謝晒呀~~可愛呢~~~


>>January 9, 2006 at 2:48:21 PM GMT+8

2006 年 1 月 7 日 星期六 【乍雨乍晴】

今日訓到十二點幾先起身呀~訓左十幾個鐘呀~~
發左個夢呢~係曾經夢過架喇~~真係搞笑~~

Bonnie今天結婚呀..恭喜恭喜呀~~好凍喎今天都~~
仲要係文化中心外面添....更大風...實勁凍呀...
冬天結婚唔多著數...凍凍著更少衫...會冷親呢...

成日都上網網呀~又是睇網劇呢~「求婚事務所」 -「麻雀變鳳凰」睇到第五集喇~~
睇左其中一套渣...仲有好多呀....真係有排睇呀...

晚上11點鐘約會了邦邦傾電話~Hehehe~十一點的約會~
佢今天番入學堂沒可訓教仔呀~~番到去就要步操...做功課...開會..真忙忙..
so就更夜傾傾喇....用無線電話傾傾呀...訓住傾呀...傾左半個鐘呢~~

>>January 9, 2006 at 6:31:38 AM GMT+8

2006 年 1 月 6 日 星期五 【乍雨乍晴】

非常寒冷也...8度渣.....so cold...著左勁多衫呢~~
星期六要番工呀~~~長週呢~好耐都冇番星期六喇~哈哈~

冇乜野要做喎~~因為尋日都做晒嚕~~好得閒呀...
有時間就同Crystal去左睇水仙~~我地囉左Miss溫溫既水仙呀~
我地一人兩個呢~heheee~~分開左裝呀~~
天氣更凍...唔知會不會凍親架呢~kakakaa~

放十二點幾架今天~~不過我地成一點幾先走喎~~
因為掛住打機呀嘛~~哈哈~~唔捨得走呀~~
本來Crystal話一齊食飯飯架~~但係佢要搵佢媽媽呢~~
so我自己番左大埔食食呢~~食食下見到樂兒個表姐~~一齊食食~傾計仔~

三點幾番左教會呀~~李姑去左美國呀~~
微沙多左幾個新人...新既導師....新既傳道人...取替左李姑...
今日既活動係靈修呀....好悶呢....自己睇聖經既內容都唔識...都理解不到既..
好悶呀...個個都好靜靜地一個人睇聖經....

差不多五點鐘我就走喇~~要搭車車出中環呀~~約了邦邦嘛~~
好在趕到5點鐘車車姐...次次座親307都訓唔著既....hehee...
難得更長車程都訓唔著喎..

搭車車去到碼頭~~之後就係上次個商場~~上次個位置等大家~~
又是傾住電話搵大家喇~~今次一齊都見到呀~~hehee~~
佢仲話我著得更多衫....今日勁凍喎...佢話我係北極人~~哈哈~~
而佢就係夏威夷人呢....更少衫....同街上既人相比..佢著得最少衫的一個呀...kaka...

今日既行程係去上環丫~座叮叮車去堅里地城呢~
今次架叮叮車有位座呀~呵呵~~邦邦呢個星期考左拯溺牌既銅牌丫~
可以做救生員呢~哇哈哈~佢講左考既內容我知~都幾多野考呢~
係學堂呢半年訓練幾好呀...又考到做警察...又學到好多野喎~~掂掂呀~~
不過最緊要係努力呢~~仲有...仲有十個星期渣....好快丫..好興奮呢~~

我地搭叮叮車係總站下車...同上次一樣個司機走上黎話我地知已經到總站~kakaa~~
落車車後就行行喇...去搵食呀...肚餓仔呢~~
又是我最喜愛既打邊爐呢~~叫左兩份呀~唔同湯抵...有埋飲品架呢~
食得好飽飽呀~~正正正呢餐~~仲食唔晒小小添~~食到好熱熱喎~呵呵
百二蚊埋單呢~呢排出街食都係打邊爐~hehe~我最鐘意架喇~

食飽都八點幾喇~去行商場~之後就往邦邦間學校...<香港大學>出發~
佢介紹間學校既地方我知...hehee...行行行...都幾大下呀...不過唔夠中大大呢..
又話不淮在學校擁吻..哈哈...我地就係學校擁吻著...哇哈哈哈..
行完學校就走喇...講以前佢放學到既地方...真係有好多回憶呢~

都夜夜喇...搭車車去九龍城...我係車車攬住佢一陣就訓著了..
因為好舒服呀....訓到我唔想起身呀...正正呀~好似又大隻左喎~kakaka~
之後我就搭車車番家家喇~

>>January 8, 2006 at 11:08:35 AM GMT+8

2006 年 1 月 5 日 星期四 【乍雨乍晴】

今日氣溫又跌左十度以下喇....woo...woo.....
凍凍呀....連續幾日都係寒冷..著左好多衫~hehe~
搭車車番工呢程沒有訓訓呀~因為座係車頭前面個排櫈到...勁凍呀...
訓唔到....比冷氣吹住.....

工作都唔係好多呀~~做下做下又好快做完喇喎~呵呵~
仲幫Jenny偷偷打埋佢既文件添~哈哈~
做左佢個聖誕老人~~kekee~因為見佢用手寫板寫呀嘛..咁我又得閒..
咪襯佢聽電話...我咪幫佢打左D字囉~~之後就去左影講座相喇~~

今日影講座相...又係性教育呀~~不過對象係四仔學生~
佢地既反應比起五仔同六仔就大分別喇..因佢地咩都唔識嘛...又係岩岩教呢科..

Crystal唔記得左帶份禮物呀....oh....Bonnie聽日唔番呀~~星期二先番呢~~~
結婚要準備呢~~不過佢有好多工作都未做完...真係忙呀~~
份禮物唯有星期二先送比佢喇~hehee~

圓圓睇左Crystal男朋友瑋瑋張相呀....佢地話唔似喎...
但係我第一次見到我覺得似囉...哈哈哈~~

上網睇其他小學既學校網頁喇~~~我睇中「英華小學」呀~係男校來架~
我睇到個網頁張聖誕相~~影得勁好~~之後再禁入個相簿睇~
真係勁野來架~~d相相影得好普呀~~掂呀~~部相機亦都好勁呀....
個校網仲有段片我睇左N更多次~~段片係由一仔拍架~~佢地勁得意架~~
http://202.82.16.204/ywChannel/200511/yingwa_all.wmv

邦邦罰扣鐘呀...好采唔駛星期日一朝早番去姐...hehee..
我地聽日見見呀~~不過我明天要番工呢~
放工番教會再出去中環呢~~

>>January 8, 2006 at 11:11:20 AM GMT+8

2006 年 1 月 4 日 星期三 【晴】

今日Crystal要番學呢~又是得番我一個人喇~kakaa~
早上忙忙丫~~好多野做呀~~不過又好好快咁比我做完呢~

尋日見到Miss yip有d helloketty夾夾仔~~好得意喎~
我同Crystal咪問佢係邊買囉~佢話係Miss Chan Chan送~
我地見得意又想要呀嘛....點知...佢買左比我地喎.....仲話最後一套添~~THX呀


下午飯飯完整埋D野都冇野可做喇...對住電腦好想訓教呢..so就找圓圓問問有咩比我做..哈哈~~
我係咁架喇....上網又冇野做...又想訓教...不如搵野做喇..kakakakka~

幫Miss溫溫整水仙既野呀~~班老師訂左d水仙係學校種~~新年前囉番家家呀佢地~~
Miss仲話送兩個比我添~hehehe~~多謝多謝~

放工工五點幾都走喇~~Crystal打比我講揀Bonnie份結婚禮物既野~~
佢上次睇中個本相簿原來要成三百幾喎...貴貴貴呀~~
so揀過第二樣~~最後揀左相架~百幾蚊~~都抵喇~~有結婚公仔~hehee~
聽日要叫Bonnie拆左去先得~我都想睇下嘛~hehehe~

晚上燒番d相相碟~~有一批相想囉去曬曬添~~hehee~
今年都同好多朋友仔影左好多呀~~正正呀~~

係呀~都有一排唔見呀Shan上Msn喇~
佢應該放產假中~~記得佢預產期係一月中~
應該都生左女女喇~~我要送件bb仔衫比佢女女呀~hehehe~
到時要同邦邦揀揀呢~

收到卡奇仔封信呀~好開心呢~佢應該是收到張聖誕卡覆番我既呢~
雖然又係差不多既意思~但係我好開心收到佢覆我呢~
真係唔多明點解好似封封內容都差不多呀...= ="?奇怪也~
佢畫左聖誕樹比我呢~hehee~~唔知佢聖誕節點過呢~

晚上同邦邦傾左十幾分鐘電話呢~呵呵~
佢仲未知道會罰咩呀...好擔心佢星期日要好早起身番去添...
唔抵架嘛...要更早番去....希望係細罰喇....

>>January 6, 2006 at 1:26:00 AM GMT+8

2006 年 1 月 3 日 星期二 【微冷】

今朝起身有點不太願意呀....很累呀~~習慣左訓到十點幾嘛...
要更早起身真不習慣呢~~哈哈~~係車車訓教真是不想起身落車呀...Zzzzz
番到學校都仲係好累的樣子丫~~

努力工作呢~~都唔係好多野做呢~~
去校務處囉左好多物資~哈哈~~一次過囉唔駛走幾次~

放工工又是六點鐘先走呀~同Bonnie傾左陣計呀~~今個星期日結婚呀佢~
快呢快呢~~我同Crystal打算送禮物比佢~~不過仲未買呢~
要快喇~要係星期日前送呀~hehee~原來佢拍左九年拖丫~真係長久呀~~

放工了同Crystal去魚蛋記食野呢~
飽飽呀~hehehehe~~搭車番到大埔都成八點鐘喇~
大埔區又開多間7-11喎.....真係好多間呀...我記得唔知邊個講....
行唔夠幾步總會有一間7-11係你左近...咁近都要開咁多間既....

搭緊小巴回家個時見到黃翠等車喎~佢都係咁既樣喇~~哈哈~
見到佢真係岩...咁岩今日我終於有時間走去買左個公民袋...要寄隻碟比牛牛..
都拖左佢好耐喇...真係要說聲不好意思呀~~呢幾日佢應該收到呢~


好想睇King Kong呀.....我想又是同邦邦租碟睇呢...
要睇呀...要睇呀....好想睇呀~~~

>>January 4, 2006 at 2:15:20 PM GMT+8

2006 年 1 月 2 日 星期一 【颳風】

今日係大陸九點幾起身~食野~十點就上車車番香港喇~~
番到香港都一點幾呢~~搭左好耐車車呀~
番到來大埔就食飯回家家喇~

上網睇叱吒樂壇頒獎禮呀~~真係正正呀!!!網上行冇cut到架~
由頭播到尾呢~不過開頭既片就冇....仲有華仔個part都係沒有...
冇片段睇呀~~始終差左小小~~
睇叱吒睇到成十點半呀....睇左幾粒鐘..哇哈哈~~

六點幾邦邦打來比我呀~~我平安番左黎香港呀~
講左尋日既野比佢聽~~heee~~


>>January 4, 2006 at 2:08:40 PM GMT+8

2006 年 1 月 1 日 星期日 【微冷】

下午...一個電話...要趕番大陸...因為有個親友過左生呀....
本來係我細佬同呀媽番去架....但係細佬本証過左期喎...
要我番去呀...= ="最唔鐘意就係番大陸...唔係有事我都唔會番...唉....

十二點幾出門口喇~同邦邦都傾左陣電話~~
佢今天番入學堂呢~~~要考試要溫書呢~~so傾左一陣渣...

搭車車番到大陸都成四點幾....三粒幾鐘真係長時間呀...
係車車...有個人嘔...佢仲要座我後面..真係幾驚呀...仲有就係好大陣味.......=口=
番到去食飯...我....沒有食食喎....因為有「烏應」呀....so我點都食唔落...

晚上同表第係天台傾計~~好大風...好涼涼呀~~
仲有好多星星呀~~又令我想起上次去西貢Camp喇~哈哈~~

>>January 3, 2006 at 3:05:07 PM GMT+8

2005 年 12 月 31 日 星期六 【晴】

訓呀.....一直訓呀.....訓到下午三點鐘先起身喎~~
早上七點訓到三點鐘...kakakaa~休息夠晒喇~

五點幾先食野呀~哈哈~之後上now.com睇網劇呀~
宜家now.com好多片都係免費喎~呵呵~有排睇喇~~~

晚上八點鐘有叱吒頒獎禮呀...正正正!!!
一早沖埋涼~~食飯仔~~聽住903呀~~
Yeah~~

好開心at17得到我最喜愛組合呀~~勁開心呀~~
雖然一峰沒有獎~~但是我都為他高興~~
入到男歌手五強真係好掂架喇~~証明真係有好多朋友支持佢~
認識林一峰呢個人~~



>>January 3, 2006 at 3:23:41 PM GMT+8

2005 年 12 月 30 日 星期五 【晴】

05年呀a大事件回顧 - 最深刻既事件

1.邦邦入學堂
呢件緊係大事件喇~~記得入左學堂第一個星期出黎果一日....我地兩個...hehehehe..
入左學堂既佢~我地傾計都少左~~見面亦都少左呀......
不過都係半年姐~~支持佢呀~~仲有三個月就畢業喇~~~Yeah~~

2.姐夫出意外
呢件事真係令我覺得非常之震驚...亦唔會忘記...記得個一刻我好驚...好驚...
佢地每一年既節日一家四口都會黎我家家架..以後...只得三人...或者...會好少黎...
希望我家姐佢平伏心情...

3.轉左新工 - 天神學校
轉左新環境工作~開心好多呀~又識左jodie~同個同事Crystal又夾得埋~
因為我地兩個又係傻傻下~~哈哈~
學校既老師對我地好好呀~~真係好鐘意依份工~

4.Beyond解散
05年去左最後一個演唱會...佢地係最後一個簽名會....最後....最後....唔會再合作喇佢地...
真係好唔開心....大家都分開發展喇~

5.番左教會
入左微沙呢個大家庭...識左好多朋友~~
仲去左Camp~~打War-game~~BBQ~~好多活動呀~~幾開心呀~都係至在玩玩~
不過都唔係成日番教會既我...hehehe...一來都未習慣喇...
始終覺得教會呢個地方係...UM..唔知點說添...
番到教會入面...D人先會走埋黎關心你..但平時唔駛番呢..
佢地既面孔就唔係好似係教會咁對你....比我感覺係兩個面孔...完全不一樣..
不知為何....會有這樣感覺....

6.病得好辛苦
真係咳得好勁.....好耐未試過發燒..發冷....係咁嚴重...一直都病病病....沒有好轉...
仲令到好多人擔心添.......病菌在我身~06快d走....
我要好番呀...........

7.助養左個小朋友
一直都想助養個小朋友架~~讀緊書個時我同自己講過有份固定既工一定會助養既~
我係今年終於做到喇~~~~尼泊爾既六歲仔仔~~叫卡奇呀~
同邦邦一齊助養~一人一半錢錢呢~hehehe~~

8.邦邦搬家了
由順天搬左去富山~~~

9.海洋公園全年入場
呢一年去左海洋都唔記得左幾多次喇~~乜都玩晒~~好難忘~~
係得跳樓機唔敢玩.....可惜我太驚....連有佢陪我我都唔肯玩...hehee

>>January 8, 2006 at 11:17:02 AM GMT+8