2006 年 1 月 31 日 星期二 【晴】

「遊樂」原本想把這張專輯叫作"escape"讓人易有共鳴。
逃離一些人,一些事,一些感覺。
但這比較負面的字好像有點不合時宜~

旅行,好像不是所有人都喜歡出門,也怕有點造作。
事情一直發展下去,卻慢慢發覺世界上很多事也有一個像旅行的流程,

每日起床出發歸家休息,
以至一段感情的始終,都有期待和盼望,驚喜和失望,幸福和倒霉~
我們都想經歷一些東西~放低一些東西~
無論那個目的地是那裡~最重要的還是那過程。

旅行~不會白走一趟
生命~不是白過的。

by chet lam (travelogue 1)

>>February 1, 2006 at 5:07:11 AM GMT+8

2006 年 1 月 30 日 星期一 【晴】

今日係初三「赤口」呀~人地話呢一日唔可以去拜年架喎~
點解呢....因為會嗌交架~乜係架咩....哈哈....
但今日都有人黎拜年喎....冇事呀....其實點解咁會講架呢?哈哈不明不明?

成日都係在家家呀~睇now.com既Music Video呀~正正正~
最意想不到既係叱吒頒獎開場「人人天天天比高」既片段
同埋劉德華叱吒十大時「我得你」片段都有喇~正爆呀~
真係最足本播放喇~~yeah~~

成日都同邦chat ICQ呀~我睇番勁歌個時~聽左呀詩同明哥既歌仔~
愛上左「禁色」呢首歌呀~哇哈哈~就叫邦仔SEND比我喇~
thx so much~佢仲send左其他歌歌比我添~~

傻瓜仔下午落左去買dvd機同錄影機呀~壞了...壞了~
佢話自己好黑仔整壞左~.話真係犯太歲喇...哈哈...傻的~
每樣野都有時限架嘛....久了....就壞了...

晚上佢都要番學堂嚕~~假期咁就完了~~hee~
仲有八星期渣~~頂住呀~~

>>January 31, 2006 at 1:12:13 PM GMT+8

2006 年 1 月 29 日 星期日 【酷熱】

今日係星期幾我都唔知喇~hee~剩係知初二呀~邦邦聽日番學堂嚕~
一早就起身了~~因今日有好多人黎拜年喎~
銓仔佢地全家人喇~~二舅父都有黎呀~~今日都有成幾家人黎~收穫豐富呢~

一點幾我就出左去喇~~二點就到左鑽記~不過邦仔仲未搞掂呀~
so我就行行商場喇~仲去左打住機等佢黎添~kaaa~
佢差唔到黎到~我都沒打機出左去門口等佢嚕~

我地諗住睇「春田花花同學會」呢套戲...不過呢邊既戲院爆晒彭...
沒位了..剩番頭兩行既位...要台高個頭睇戲個隻...so就沒買到飛...
嗚嗚....唔制呀....我想睇戲呀....佢話出九龍城睇呀~yeah~yeah~~
我地係鑽石山商場座左陣囉~佢比左細細個既相相我睇呀~~
有好多張呀~~不過有好多都朦朦地~好可愛呀佢~kaaa~~
佢比我揀左張添~hee~多謝晒~~

我地行去九龍城呢~hee~穿過好多地方~我都係跟住佢行行架渣~
我都唔曉路~佢就真係叻叻喇....hee~係九龍城寨行左個圈~
再去商場買飛呀~~過時都未有得入場...間野好up得架...哈哈...我覺得~~
入到場去過廁所出黎....就開左場做緊添...真是快呀...= =
好搞笑呀~得個半鐘架渣喎....幾快睇完呀...
不過呢.....有點不明白呀?點解我係now.com睇到「春田花花同學會」既預告....
套戲係冇做既..= =?奇怪也?

睇完戲搭車車出尖咀呀~今晚睇煙花嘛~hee~
係車車我又扭計...對今晚睇完煙花八點幾走走不滿意~
我想耐d呀....想行夜d...想見耐d...但係無奈佢都沒反應....= ="都係堅持睇完就走...嗚...
我唯有放棄住先喇~哈哈~聽佢話好好珍惜一齊既時間仲好喇~

好塞車呀.....個時都係六點幾之嘛....架車塞到停留左好耐...
落車搵食.....都搵左好耐先搵到食渣~食煲仔飯呀~hee~
一齊食食喇~~食左十幾分鋰~拿拿臨趕住走~去睇煙花~
新年食飯真係貴好多....唔係加一....係加二呀...貴貴貴呀...

開頭既煙花好靚呀.....勁正呀~~我地又諗住踩單車係馬場個場煙花喇...
我地兩個都仲好記得~哈哈~~緊係喇...好深刻難忘架喎...
我地今日睇煙花既位置都不俗....不過係之後既煙花冇乜點睇到爆個時係點喇...
太大煙遮住晒呢....我地都照睇到完為止~hee~走個時就迫迫人喇~~多多多人呀~~

睇完煙花佢送我去紅磡車站搭車車...係行緊個時我駛出好多絕招...
又話好累要座低休息.....又話好多人好迫要行慢d...
仲之我就盡拖慢d喇...哈哈~~唔想佢更快走呀嘛..kaaa~
不過都比佢識串左.....但係最後佢比我感動了...呵呵...佢太愛我了...哈哈哈...
佢話陪我搭火車呀....不過陪我搭到九龍塘佢就走走喇....
都好開心呀~kaaa!!!!!!愛愛爆你呀~~

星期六見見見呢~~好快呀~heee~

>>January 31, 2006 at 5:38:26 AM GMT+8

2006 年 1 月 28 日 星期六 【晴】

大年初一祝各位新年快樂~身體健康~~
起身就SEND信息比各位朋友仔喇~唔同台都send左比10幾個人呀~Hee~
有d仲有覆番我添~hee~天神既圓圓同Deric都有send比我喎~多謝~

今日係家家呀~都幾悶悶下呢~
整左培正影片個份功課~~整左兩個Video出黎呀~
第一個係加左頒獎禮既~不過太矇了~so就整左第二個喇~
第二個仲正~加左91演唱會d片~同埋05演唱會和平手勢大合照個Part~
掂晒呀~yeah~

同邦ICQ傾計仔~Heee~佢做完朱仔仲陪我篤波添~Yeah~
佢都幾勁下架~~Win左二千幾次....傻的...勁呀...
我同佢玩就緊係大輸比佢喇...佢囉晒我d分喇...哈哈...
今晚佢出去食飯呀~~約左聽日去睇煙花呀~呵呵
本來係初三出街架~但係聽日有煙花睇呀~yeah~~
仲好....多d時間見面喎~~hee~不過佢唔係要去舅父拜年咩?
我都冇問佢添....kaaa~

係呀...今晚今花車巡遊~記得上年初一同邦去左灣仔睇花車架~
上午係去海洋公園~晚上係出灣仔睇花車~
今年既初一大家都係屋企過~heee~~

哈哈~仲有呀~上年既1月29日~~即係今日呀~~
係beyond香港演唱會呀~我地仲係睇400蚊飛架添~

>>January 29, 2006 at 11:31:08 AM GMT+8

2006 年 1 月 27 日 星期五 【暴雨】

今日仍然係邦邦屋企~尋晚成晚都係攬住訓訓~kaaa~
唔知幾時佢伸左隻手比我訓住左~hee~
我訓到成身汗呀.....真係第一次訓覺訓到出晒汗架...
佢張被真係勁勁暖呀~~Kaaaa~~

我個病病比起前日同尋日好番好多多喇~只是仲有點感冒呢~
成身都輕鬆晒~沒有周身痛嚕~哇哈哈~

八點幾起身呀~佢早起身過我呀~繼續睇埋「梁祝傳奇」~
我就訓多陣~heee~訓左一陣都起埋身囉~~
睇碟碟~睇「AV」~呢隻一般好睇渣喎~Hee~
睇完呢套就繼續食尋晚剩低既野黎打邊爐~呵呵~~
我依然唔敢食個d田雞...雖然佢話好好味...= ="哈哈~

仲有睇埋「小企鵝大長征」添~呢套又好似有點悶添~
d企鵝好得意呀~不過佢地既生活都幾間辛架~

兩點幾就出門口嚕~~要走走喇~
佢就約左媽媽拜佢爸爸~~而我就要番家家嚕~heee~
搭車落黃大仙還左碟先~係車車到幫佢手包利士呀~哈哈~
佢媽媽包封封一百蚊~真係大手筆~kaaa~晚上佢要去麻麻屋企食飯飯呀~

番到家要幫手貼揮春呀~年年屋企新年都有好多野忙既~
貼揮春都要貼成個鐘~哈哈哈~~

>>January 28, 2006 at 2:18:24 PM GMT+8

2006 年 1 月 26 日 星期四 【暴雨】

尋晚呀....真係辛苦....病得好嚴重....打晒冷震震....訓極都訓唔到...
成身都超冰冷呀.....今日起身都仲未好..頭重重~身輕輕~~oh....no...

今日要番工嚕~七點幾出門口呢~番九點鐘呀~
以為學校會冇老師番黎~~圓圓佢地都有幾個番喎~
剪左頭髮既我又細個左喎...佢地當我學生咁....哈哈哈...

好靜呀電腦室~得我一個係度做野~~又悶悶喎~~
食飯飯個時沒人叫飯~得我一個叫渣~
咪叫圓圓幫我打電話叫飯囉...kaaa~我一直都係習慣人地幫我叫既...
係餐廳叫野食~酒樓飲茶~買衫....次次都有人幫我叫...所以一直都習慣左...
養成左呢個壞習慣....叫野食都唔夠擔...哈.....

miss咪話我囉....佢仲教埋我點叫野食添...一句句咁教我講...
其實我係識講既....但係唔夠擔講...仲話要大個女...連呢樣野都驚~
真係可悲也喇....哈哈哈~

放工五點鐘就走走喇~落去bank打簿~出糧了~
原來我上個月都用左五千蚊...好多呀.....估唔到.....= ="
緊係喇....相機都二千...演唱會飛都差不多成千...
咁就三千喇....仲有d乜費麥費又五百幾....心痛屎喇....
不過我唔夠錢用唔會問邦邦囉既...除非真係破大產喇....哈~~

打完薄上番去搭75x落王大仙~行到天神門口見到徐老師喎~
佢話載埋我呀~~hee~係車車我同佢個仔仔傾計同埋玩玩~
佢個仔同我就緊係玩到傻左喇~哈哈哈~~難得有人陪佢玩喎~
真係唔該晒miss呢程車呢~~好快就到左黃大仙中心喇~

約左邦邦呀今天~heee~不過佢都未更快黎到~我就行行街等佢喇~
行左好耐呀~~之後佢打電話黎同我傾傾~我都冇更悶~heee~
六點幾落左地鐵站等佢~heee~~好開心呢~佢又剪短短左頭髮呀~~好短呀~~
一齊去左租碟碟~hee~~租左三套呀~

租完碟碟就搭車番去佢家家喇~heee~~睇「梁祝」先呢~
佢媽媽好好呀~~準備左d食物比我地打邊爐呀~~yeah~~
不過佢同媽媽講有班朋友黎佢家...哈哈......
唔知幾時我先係主角呢..幾時會改口講係女朋友黎呢..kaaaa...幻想中~

好多野食呀~~正正~食飽左就睇梁祝~
其實套舞台劇都幾好得既...不過我係有點不明白呢~
so睇睇下都訓左係佢懷抱到喇...累累呢~~
有成三隻碟更多多呀....不過我睇到第三隻碟先開始眼訓囉...kaa~
佢都睇到最尾就訓著了~~我地都未執枱就入左房訓訓嚕~~~

訓覺覺~~總喜歡擁抱著的感覺~溫暖+安全感+舒服=愛

>>January 28, 2006 at 2:36:18 PM GMT+8

2006 年 1 月 25 日 星期三 【微冷】

今日放假呀~哇哈哈~其實係補假先岩~~
補番星期日出外拍攝果一日~~所以就可以訓耐d休息下喇~kaa~

一朝早收到「二樓後座」同「beyond得精采」隻碟碟~
Yeah~~勁開心呀~終於擁有我一直想要既「二樓後座」碟碟喇~哈哈~
睇番我係yahoo bit既野最貴都係送比貓貓條頸鍊~嘻~
有d beyond碟百幾蚊我都唔捨得買呀...精明消費者~Kaaa~

成日都係家家執屋呀~~睇番b記演唱會碟碟咁...
我要開始整培正份影片功課喇...兩分鐘十張圖....題目係beyond的轉變~~
宜家先整左初稿渣~kaaa~

晚上同邦傾電話~~我都有問多佢一次係咪聽晚係咪番家睇碟~
佢都有反問番我既~~不過都係答番咁睇碟喇...
其實佢都應該聽得出我唔想架...哈哈....因為我真係唔想~~
我想行街街呀~~想行花市~想睇人山人海攝影展~

但係我又沒說佢知~~既然佢都唔想同人迫...我應該禁住自己~~
唔比自己有去街既念頭..哈哈..算喇...都約左放工係黃大仙等嚕~~~
應該咁諗....睇碟都可能係一個好節目黎既~~kaaaaaaaaa~

>>January 26, 2006 at 1:48:48 PM GMT+8

2006 年 1 月 24 日 星期二 【晴】

今日係天神學校既文化日呀~我係要早番架~本來係圓圓載我番學校架~
之不過我遲起身呀....差不多成七點先起身...= ="
起身即刻打比圓圓同佢講我岩岩起身...唔駛等我嚕~~Sorry添~
拿拿臨搞掂出門口~搭車車先買早餐呢~~番到去都唔係遲好多呢...hee

我地工作係影相相~~文化日上午同下午都會有灘位遊戲~~
有家長義工幫手架~~上午個段時間有一年級呀~
我地係咁同佢影相相~~係咁影佢地單人~同埋同佢地合照添~
哈哈~~收獲豐富架呢~~佢地真係好可愛架~~
其實影黎影去都一定有Angle既~佢太受歡迎喇~
個個老師同爭住同佢影相相既~~

十二點個時係表演時間~全校學生都番晒來嚕~好多學生呢~kaaa~
一個鐘既表演時間~正正就係最曬既時候~好熱熱呀~
我負責錄影...set左係全場中間果個位....勁曬....
d音響器材仲熱到有問題添...d聲好唔掂....時有聲時冇聲...

學生表演跳舞~彈鼓爭~朗誦呀咁~最特別都係兩母女唱粵曲...
唱「帝女花」~聽得最多都係電視到聽...今次真係第一次現場聽...
真係好勁呀把聲...個媽媽把聲做男方真係勁掂~個小朋友都唔弱~
小小年紀都唱得咁好...都真係好高音架....

一點幾就完完喇~~收器材幫手執野都成兩先幾先有時間食飯...
肚餓仔喇~~好累呀~~累累呀~五點鐘放工工~~落左電台找Deric交低d野就走走...
要出mk整相機呢...落到巴士站發覺沒有銀包...先醒起下午買完飯飯個銀包放左係張枱到...
我唯有行番上去囉喇...Crystal就落黎門口囉比我添~真係唔該晒喇~

再搭車車旺角喇...太累係車車訓著左...好采都識醒落車~
落車個時得番十分鐘間店就到關門口時間喇~都近~
過條馬路就係~哈哈~部機要維修呀...初五先囉得番呀..可悲也...

囉完機就搭巴士去大中下車~去左禁錢錢先~~
我呢個月都用左好多...但係bank多左錢喎...
點解呢??真奇怪...唔通已經出左今個月糧.....但宜家先25渣喎...
如果係出糧既錢錢....咁姐係下個月唔駛用錢喇...都唔係得番好多錢渣...嗚~窮呢.....
剪左頭髮...有點不習慣~剪短左~哈哈哈~~

係呀~~初六咪會帶隊去大尾督bbq既~我地老師都有得bbq呀
哈哈~~要幫手買野食呢~heee~

晚上同邦邦傾電話~~佢今日要上急救堂呢~唔知學左咩呢~
都沒問佢添~~掛住講今日學校d小朋友既野佢知~哈哈~~
星期五個日見見唔行街喇...有點失望.....仲諗住一嘗夜街之後番佢家家既感覺添..
同埋我都未行過花市呀..想去行行架...仲有仲有....
最想去既都係去銅鑼灣京士頓街人山人海攝影展dmop展出~
有at17,PixelToy,陳浩峰同林一峰~~
我係milk到睇左兩張...好正架...真係好想去睇個影展....不過得一個星期渣...嗚....
但係佢話想係屋企煲碟喎~~佢又提過兩次...咁似乎佢仲想睇碟多d...
我唯有放棄吧喇.....= ="個晚要同佢睇碟碟嚕~
但係我實睇唔夠半隻碟就訓著定....哈哈......想去街街呀~~~~

>>January 25, 2006 at 4:03:03 PM GMT+8

2006 年 1 月 24 日 星期二 【晴】

學校文化日d小朋友全部都著晒中國服架~姐係叫「華服」~~heee~
同一仔至三仔既學生影左好多相相呀~好偏心添~掛住影低年級~
沒計仔喇~佢地太可愛喇~呵呵~~
仲有好多相相係相簿到呀~heee~~









>>January 25, 2006 at 2:39:52 PM GMT+8

2006 年 1 月 23 日 星期一 【晴】

今日朝早整天神個網頁~整番文化日個版~heee~
新年除左學生文集~都冇野做喇~唔係好多野做~呵呵~
我新年都有幾多假架....剩係番三日工渣~~
有一日仲係帶隊旅行架添~呵呵~~
因為我上星期出外拍攝~~所以咪補番假比我地~正正正~
可以慢慢休息~~做下功課咁喇~

Miss Chan Chan上網睇新聞話F4有演唱會~~佢地都好似好耐冇四個人唱歌喇喎~~
今次仲係黎紅館開添~我諗好快又興起F4買飛熱潮喇~
我就冇興趣喇~~F4個演唱會係3月尾丫~係邦Passing Out果個星期~
咁姐係Paul Wong開演唱會都應該影響唔到我地喇~~唔駛一定要星期六先睇到喇~
Yeah~~我諗Paul演唱會都就就快有消息喇...佢都係3月尾架嘛~~好熱切期待呀~~

食飽飯下午個段時間就係幫手聽日文化日既預備工作~
老師同家長義工都幾快手~好快成間學校都紅當當~哈哈~
真係好有新年氣氛呀~~我同Crystal諗住聽日唔著華服嚕~
又睇唔岩...又貴...同埋聽日我地既工作係影下相~負責IT既野~~
聽日有好多格格呀~哈哈~~~班低年班應該實好得意架姐~HEE~

放工囉埋水仙番家家~Miss話唔駛裝水囉番去都得~~
好采見到Miss姐...唔係我裝左水帶番去係車實倒潟架姐~哈哈~~

晚上圓圓打電話來呀~~聽日又係座架車車番工~
heee~~唔該晒呢~

>>January 24, 2006 at 2:42:52 PM GMT+8