2006 年 1 月 23 日 星期一 【晴】



>>January 24, 2006 at 1:29:46 PM GMT+8

2006 年 1 月 22 日 星期日 【晴】

今日番學學丫~~唔太願意起身~~仲係好累丫...未休息足夠丫......
等左好耐先有架271~~不過都沒上喎~太迫了~
但又好快有車車喎~heee~架車好空架~~實有位座喇~

第一堂教簡單影片既野~教左好基本既野呢~
教左兩個鐘到渣嘛都係....估唔到更快有第一份功課...
係考試計分架呢~~利用相片整一段兩分鐘既影片~二月頭就要交喇~
我想有時間應該整得好有心機既...題目係自由架~~hee~
我諗住整beyond既相相囉...好似05演唱會咁~

食飯飯成班都同埋ron sir一齊食ar~佢教埋今堂渣~~
下堂有新老師來教我地喇~~唔知教得好唔好呢~~
食完飯番黎好眼訓.....Zzzzz

下午就教網頁堂~~都是基本呢~~雖然識架喇~~
但係個軟件係用英文版MX黎教~So都會聽下書架~hee~

五點半放學趕住搭車車番大埔....等了極耐巴士...沒位...迫迫迫...
鳳君有花紅呢~~過肥年喇...heee~不過佢都覺得少錢...唔曉知足呢...= =""
Jodie都好似有丫~聽佢說都夠錢交學費既野~我真係覺得佢好叻架~
一個人理個家家...番工又要受氣...放工又要忙番學...功課...錢都唔夠駛丫....
佢係我心目中真係好叻架~~係怨氣多囉...哈哈...不過都明白既...
但係如果唔講出黎~屈住又唔係好事喎~所以我會做你既聆聽者~

過到大中都成7點喇~~想睇下華服衫衫....雖然百幾蚊平出面好多多ar~
但係都唔想買...hee~~都係聽日先算喇....聽日要囉水仙番家呀...heee~

係7仔第一次買更左成40蚊野~一本Milk書...MM朱古力...香口膠~
加埋20蚊...為的係一間狗屋~~應承左阮芷同學架嘛~
見佢咁乖....希望佢明白老師係關心佢喇~同埋真係要比心機丫~

>>January 23, 2006 at 3:43:43 PM GMT+8

2006 年 1 月 22 日 星期日 【晴】



>>January 23, 2006 at 3:43:34 PM GMT+8

2006 年 1 月 22 日 星期日 【晴】

「壓力」出現於「我」身上......

呢排都真係好忙..忙到有好多野都未能好好分配...
好多事都未處理....好亂...好煩..一下子有好多事向我身上來....

當然壓力唔係來自於工作身上...幾日既拍攝工作我都唔係要負責好多野...
又點會捱不過去呀.....連辛苦的感覺都沒有...只係很疲勞~~

呢排既家事都好大獲下.....搞到好煩..都唔知應該點做...
究竟事件既真相又係點....最後又係咪要咁呢....唉....
應該要點做......

另一件事又係家事.....都拖左好耐好耐.....
真係要盡快搞掂件事又要幾耐先搞掂...

唉........

仲有很多很多事情....

比以前缺乏了很多身邊的人既關心.......說真的....很靜很靜........
關心我既人在那裡?...真正明白我既人有幾多?記起我既人多嗎?留意我既人在嗎?

很久沒有電話響起了........

常說我懂得關心別人....但....我也很需要得到別人的「關心」...別人的愛....

>>January 23, 2006 at 3:43:16 PM GMT+8

2006 年 1 月 21 日 星期六 【乍雨乍晴】

今天都要繼續出外拍攝工作....同平時番工時間一樣呢~
不過今日係出九龍塘丫~約了Deric係個到等丫,一齊搭小巴過黃埔呢~
搭車車個時佢都累到訓著了...過到黃埔落麥記等Miss Au同芬研~
原來佢地係門口等我地~~去左茶記食早餐~呢餐多謝Miss呢~hee~
飽飽後就上左芬研屋企囉攝影器材~再去個學生家家~~

個學生家都好大下丫~設計好好呢~~
原來係學生爸爸係室內設計師~掛不得喇~hee~
我覺得最正係梳化果個位..kaaa~~
都拍得幾順利丫~~不過兩個婆婆都經常忘了對白...都明白既~
人老左記憶力係差...所以Miss就舉紙提佢地~~哈哈~~

拍完呢班學生~~終於搞掂喇~就執野解散去左食飯~
呢餐又係佢地請...食得好飽..好熱熱~
食到點幾鐘又出發去第二班學生家家拍攝....
累丫.....尋晚仲更夜番...今日又要走三轉地方拍攝....
去到另一班學生家都唔係拍左好耐~~就出發去九龍城寨喇~

好大風又勁凍....OH....今日比起尋日冇咁亂呢~佢地早上彩排左更耐耐係唔同D既~
有個學生拍到病了...真係易病呢~~我就凍到係咁震...
拍到5點幾終於搞掂喇...哇哈哈哈~~學生可以走得喇~
不過我地老師就唔得喇~仲要取景呢~~我係付責囉機果個~
Deric教我唔用腳架囉機既技巧...拍攝既技巧咁...Yeah~~~
開心呢~~踏入我理想既第一步喇~呵呵~

拍到6點半走走呢~我唔駛囉野丫...hee~~都係老師對我好~~
行出去搭車車...等左好耐都沒車黎...都唔為以成條街係冇車......= ="
係有個人出聲先知....我咪一直咁行去搵車站...嗚嗚....拍左成日勁累..又凍..
又搵唔到車站...封左條街都冇人通知....白等...幾想喊丫..
平時搵唔到車車都有邦係度....實唔駛擔心既....今次就沒有...
不過佢溫緊書同我有傾住信息~~都好d...

最後行到去樂富....行左好遠路....行左成兩個巴士站...
累...上車好快訓著了....仲訓過龍添..好采一個站姐...Kakaa~

晚上同邦邦傾左兩次電話....臨訓前係大家都係被入面傾傾~
哈哈~~~傾左好似半個鐘...我都傾到想訓訓添...係因為累唔係悶...
不過傾到笑都好難傾到訓著既....傾乜都笑既...kaaaa~~~~

>>January 23, 2006 at 1:43:21 AM GMT+8

2006 年 1 月 20 日 星期五 【乍雨乍晴】

今日番八點丫~不過同平時一樣時間起身呢~Hee~
圓圓渣車載埋我番學嘛~唔該晒丫~六點九落到去等佢~
行到落去岩岩好佢架車車來左~時間Fit晒呢~kaaa~
唔駛半個鐘就番到天神喇...幾快快呢~~之後又係去買早餐丫~
係茶記買三文治熱呵力都係十蚊...同7仔比真係平好多...

開工影相相~今天有四個講座丫~我同Crystal分別影相相~hee~
有個係DJ講座來架~個DJ講野幾得下~D學生幾鐘意佢丫..Kaa~
高大聲靚...d妹妹緊係興奮喇....仲好積極答問題添....

今天上半日都係聽講座影相相~~heee~~
下午同埋d老師叫飯食食~~準備下午出發去外景拍攝~
本來係去黃埔學生家先架~因為個天色問題~~最後決定去九龍城寨呢~
我地有成十幾人~so就租左架小巴去喇~哈哈~

今次係第二次黎喇....上次係同邦邦行街來架....
原來有好多地方我同邦都未行過架..hee~~
呢班學生拍攝要換衫~化妝~~搵岩地方拍~
好亂呢~~有個學生係拍跌低架~未Road機拍佢練習個時就喊喇..
唔係因為跌到痛...係因為佢覺得拍一次就得架喇....拍野緊係唔會一Take過喇...
= ="跌都要跌幾次丫...做明星唔係更簡單架...應該要預左辛苦架喇...
班六仔真係想得太天真呢...

拍到5點幾都未完丫...邦邦已經係學堂放左喇...同佢傾傾電話...
本來叫佢來九龍城寨等我架...但係拍到6點幾話快拍完..So咪叫番邦係黃埔等..
因為我點都要番黃埔幫手囉器材既~~~
由於時間好難預...最後又要佢等左我成粒鐘....耐耐呢...

我地見到面就緊係攬攬喇....凍左成日丫...寒呢..
之後就搵車車出將軍澳喇~今日去個到行街街喎~
係車車攬住訓...佢比左學堂既相我睇丫...有三張架~~
三張我都認得佢喎~~仲要係好快認得佢添~~

Kaa~去左商場行街搵食食~~

有好多間野食丫...我地行過一間見到我地上次想食果個Pizza餐丫~
真係岩喇....好平平喎~Kaaa~食飽左就係商場行街~
係冒險行左個圈~~~再去左睇野食~kaaa~~
星期三要著華服丫...so要搵呢d衫衫先得喇~等到個d衫都要成300幾蚊...
哇....貴丫...我又唔想買更貴貴喎~~著一次之嘛..哈哈~~

行完商場出左街行行喇....我又話我地既步法夾喇...好似步操咁...
勁齊丫~~玩二人三足必勝組合..哈哈~唔駛夾都咁齊...不過佢話一時時喎~
但係我就成日見到好夾喇...kaaa~~


行行下行左去挖頭路喎~~之後就攬左陣喇~hee~
再去左公園傾計呢~個公園沒人好靜靜架~~
我地傾私人事...哈哈...又比佢了解多左添...冇晒秘密架喇...
啜左陣走走~~搭地鐵去黃大仙呢~~
好快有巴士...要上上呢...哈哈...

今天好開心丫~Yeah~~~
星期五見見~~~

>>January 23, 2006 at 6:10:54 AM GMT+8

2006 年 1 月 19 日 星期四 【暴雨】

今日一番到學校就去電台放低重重的攝影器材....重重又累呢...
相機同錄影帶機都要差飽電去丫~因為聽日都仲要出發去拍攝行動~

成日都好忙忙忙丫~手頭上既野又多多喎~
不過呀馬sir好好呢~跟進我地既工作~同我地分配~hehe~
我整左成日果個人名表...好可悲..整左成日印晒出黎交比副校...
點知都衰左....係d位問題..嗚...又要整過喇...今次個問題係我到...整極都仲有問題既..
希望聽日可以順利咁整埋去喇~

Lunch個時去左禁六百蚊出來....不過好快就用晒喇...
入左八仔通~~同埋buy明哥演唱會飛...400蚊兩張呢~~
又係去左高山買飛喎~好出奇唔係果個人喇...今次呢個係女仔黎架~
做野快手好多...我買兩張飛都唔駛三分鐘就搞掂..
明哥呢張飛個位正正好多丫...200蚊既第三行~靚爆個位~~

今個月大破產.....演唱會飛都成800蚊....相機又用左2000蚊...
禮盒都百幾蚊..五星相輝本書書~~仲有買衫衫~剪頭髮~~搭車車~~嘩....駛晒d錢喇.....
窮窮呢....真係同貓相連也......

下午茶有野食丫~hehee~~係Miss請架~估唔到佢仲記得架喎~kakaa~
好好味...不過因為有趕急既工作做都好趕咁食.....

放工約了貓貓去mk行街街丫~Crystal陪我搭車車出去丫~heee~
佢之後再轉車車囉~kaka~唔該晒呀~真係深深感激你~kakaka~
等緊貓貓個時同鳳君傾電話....佢又係為左果個問題而煩惱...「工作」~
佢又要次交信唔做...但又唔比走.....真係搞錯...
都交左更多次信...點解係都唔比走姐...我想佢有排捱喇~
做得咁唔開心.....真係悲......希望佢可以快d離開呢份工喇~

同貓貓係新之城行街買衫丫~剩係係新之城行行渣~hehee~
買左褲褲呢~~宜家夠著喇~kaa~係呀....星期三華服日...都唔知著乜好...煩惱中!!!!!!!!
貓都買左幾件衫褲呢~hee~佢放成十一日假期丫...哇~好多丫....
我只得五日渣.....oh....no....下星期四同星期五Crystal都不在學校...而學校又開始放假...
老師不用番.....學生不用番....到時我真係一個人悶喇.....oh......
同貓買完衫衫都八點幾~之後我地兩個搵食呢~食麵麵丫~
飽飽~hehee~番到大埔都10點幾喇~放工好開心呢~hee~

聽日同邦邦來接我放工呀~Yeah~~~之後再一齊出去將軍澳行街街~

>>January 20, 2006 at 4:09:26 PM GMT+8

2006 年 1 月 18 日 星期三 【暴雨】

今日番八點呀~早半個鐘呢~~六點起身~六點半就要出門口喇~好早早丫~
個天都未光添...黑暗暗的~番到學校都差不多八點呢~
不過....冇分別既...早會都成八點半完...= ="平時的我番到來都是差不多時間既..

今天早半個鐘好像沒分別...完左早會阮芷上左黎準備考試~
就是為了阮芷這個學生...早早起身呢...Kakaka~
我要負責監考丫~佢考完仲剩成好多時間~就同佢傾傾計~哈哈~

佢係全校最出名唔聽教既學生....都唔係姐...我都仲未見過佢既惡劣既一面~
佢對住我好好乖架~kakaka~仲有對住圓圓都係好乖架喎~kakaa~
不過對住陳姑娘丫~其他老師個陣時佢就唔聽話架喇..
佢既行為都係想人地注意~

我要監考佢兩科丫~~佢有儲7-11既狗狗架喎~
我仲應承佢會送間狗屋比佢架~hehee~
唔知有冇得買添~~~不過應承左小朋友既野一定要做到呀~

之後十一點就要即刻落去電台幫專題比賽個班學生練稿喇~
一個人對住五個學生兩個婆婆~佢地又練極都唔好喎~
不過練左幾個鐘~教左佢地好多野~佢地都進步了呢~
之後成班就一齊去特別室食飯飯喇~~多謝Miss呢~hee~~
食飽左班妹妹要練埋最後一次~~都好好多了~~
差不多成兩點鐘先出發~搭巴士出深水步呢~~

我地既目的地到左喇~就係深水步大排檔~
要進行拍攝丫...我地借左間大排檔黎拍攝~
真係搵岩地方~個老闆仲好好人幫我地班妹拍丫~
原來班學生第一次去大排檔食野架~估唔到喎~
佢地仲讚d食物好好味~仲叫仲兩次添~kakakaa~~

最後拍到十一點幾丫....累累累呢.....
搭巴士搭家家~~
完左今日既拍攝工作~~後日~大後日都要拍攝....
手頭上都仲好多野做丫....極忙丫..
又要錄影...又要搞文化日既野..真是忙極了~~

>>January 19, 2006 at 2:42:19 PM GMT+8

2006 年 1 月 17 日 星期二 【晴】

Hot News!

「港樂VS黃耀明Live電幻音樂會」
門票1月19日公開發售！

香港管弦樂團2006年將為全城樂迷帶來一個別開生面的音樂盛會,
「港樂VS黃耀明Live電幻音樂會」將於3月10日至12日於紅磡香港體育館舉行。
明哥在記者會上表示，他一直很期望能與港樂合作，今次一嚐心願讓他興奮莫名。
這次音樂會將以電子音樂和管弦樂結合，由於是新嘗試為了有充份的排練時間，
明哥和「港樂」早於１月初已進行排練工作，務求帶給大家一個精彩的演出。
門票將於1月19日於各城市電腦售票網公開發售！

係CityLine睇到架~~明哥呀~即諗起邦仔~
又要買飛飛呢~聽日開始有飛buy~
今日buy Eason~聽日buy明哥~唔知幾時先到黃貫中先生呢..kaka..
今個月買演唱會飛~相機~破產了~oh...no....
d相相都係遲遲下先曬喇.....

>>January 18, 2006 at 2:28:29 PM GMT+8

2006 年 1 月 17 日 星期二 【暴雨】

番到學校又是上網看新聞先~平時唔會睇娛樂既我~
唔知點解我chick左去睇喎~咁岩知道eason今日話演唱會再加多兩場~
二月十七、十八日~係星期五and六黎架~
勁開心呢~仲係今日第一日有飛賣~正正~~

Lunch個時去左高山劇場買飛...點知星期六既100蚊沒有了...只得單叮位喎~
激氣...我身上只得200蚊...唯有行番落去禁錢喇~極之遠丫....
禁完又行番上去高山買飛...買左2月18號星期六既二百蚊兩張~kaka~
終於都買到喇~好開心呀~不過我就行到成身汗....
頸巾同外套都徐左...因為真的很熱熱...呼~~~

成日都好忙忙呀~~要監考喇~要整文化日既野喇~仲有賣旗籌款~
好亂丫~突然又好多野做~~成日既感覺都好煩....可能忙得仔~d野又亂喇~

唉~~好唔開心呀~~部相機囉....唔知咩事影影下相壞左喎~
今日真係做咩都唔順利架~~嗚嗚嗚~
本身同Crystal影影架嘛~都好好地架~
影到最後一張就停左喎~個鏡頭入唔番去~
我仲以為冇電添~~但番到家家放新電都係沒反應喎~
但又好奇怪又過到相相喎~~可能聽日部機會好番喇...
如果再唔得要囉去旺角整...不過最衰星期六日都唔開丫..= ="

第二套出左喇~哇哈哈~又係Miss Yip送架~
上次係helloketty~今次係大口仔~kakaa~


>>January 18, 2006 at 1:59:08 PM GMT+8