2006 年 2 月 28 日 星期二 【乍雨乍晴】

好凍好凍丫...尋日買左件六百蚊既羽擁..= ="很貴..但凍凍沒法子喇..
今日著住件衫唔覺得好凍喎~同埋番到天神感覺很暖呀~kaaa~

又係好忙極的一天...真多工作在身呀~明天還有三班錄影...好采沒錄音呀~
聽日呀....老師們都好緊張....3B 阮芷同學會唔會闖大事....
因為聽日有重要人物黎呀...錄影+睇堂...都唔知會唔會發生特別事...
希望佢真的乖乖地喇~~
食Lunch個時我都已經特登找佢...佢呢排忙緊同同學玩...
我同佢傾左兩句架喇...希望佢有聽同明我既說話喇~

當上番電腦堂個時...行緊樓梯...喜童見到我喎~佢跑左上黎叫我幫佢囉左個食物袋~
咁我幫佢囉住喇...之後佢係佢個食物盒囉左包餅請我食呀..
哈哈....呢個妹真係可愛呀~~多謝晒呀~~
佢好得意...臨走前仲同我講....下次要請我食糖呀!!
哈哈哈....古惑喇~~~

今日又係忙到六點先放工呀~~係忙緊野個時邦邦比左信息我喎~
真開心喇~~突然精神晒架~heee~~thx ar~

>>March 1, 2006 at 3:09:59 PM GMT+8

2006 年 2 月 28 日 星期二 【晴】

February 28, 2006 @ 2:01 pm

Chet Jorunal

final stage of Camping



一峰手記出左喇~不過佢又on the road again嚕~




>>March 1, 2006 at 1:08:55 PM GMT+8

2006 年 2 月 28 日 星期二 【晴】

歲月的流逝留不了不少的痕跡，縱使失意、傷感和難過，

天空上總有一顆明亮閃爍的星帶領我去一個從來沒有去過的地方，

使我能夠從黑白寂靜走過色彩斑斑的空間裏，

心願發出光明，照遍大地。

世榮

>>March 1, 2006 at 12:37:41 PM GMT+8

2006 年 2 月 27 日 星期一 【雨】

好耐都冇帶雨傘出街喇~番工有點微雨....雨呀...好像好耐沒下大雨..
工作依然好忙好多~~又係沒上Msn同Jodie傾傾計~
真係sorry喇~~好耐都冇同你傾計添~heee~
我相信忙既時間都要維持一排~好多野都未做呀.....

阮芷小息黎找我~佢好耐都沒黎找我喇~原來佢忙緊教同學仔做每日一篇~
heeee~~星期四我要錄影三班...其中一班係3B班...佢個班呀..
好多Miss都已經向我落案同我講定先~kaaa~叫我同呀阮芷傾傾~~
叫佢個堂乖乖....因為錄影個堂係有校長睇堂....仲有其他學校既校長添..
所以佢既表現係好重要架....

呢排世榮都真係上多左好多電台既訪問~~d訪問多數都係講佢隻新碟~
<一切從音樂開始>呀榮就一首一首歌咁講~~成隻碟既歌都聽晒講晒~好長盡呀~

晚上練習Word呀~真係好喇~考試應該係用office 2003的~
而我家部腦又係2003版本~哇哈哈~~其實Word都幾易既~
考你熟唔熟~同埋唔可以手快快用ketborad呀~
努力呀~~得番三日練習呀~~~星期六、日玩玩已經沒時間~所以要係入camp前努力~

星期日學校步行籌款...我不用參加喎~不過老師就忙忙喇~~
Deric整既步行路線地圖~~~


>>February 28, 2006 at 3:36:49 PM GMT+8

2006 年 2 月 27 日 星期一 【晴】

呀a愛情小品篇
新增文章

http://hompy.netvigator.com/main/page/aaquitav2000

請你一定要珍惜男孩的眼淚

男孩，不輕易哭泣，只有在面對最愛的人時，才會變得脆弱...
男孩，不輕易哭泣，只有在太愛你的時候，才會放下自尊...

女孩，如果有個男孩為你哭，請拉住他的手，他真的可以陪你走完一生...
女孩，如果有個男孩為你哭，請不要放棄他，也許一個選擇會毀掉一個人...

>>February 28, 2006 at 3:36:24 PM GMT+8

2006 年 2 月 26 日 星期日 【暴雨】

今日番培正~又再次遇上巴士行錯路事件喇~~今次係271~
係我人生中經歷第二次喇~上次係放工時間搭75x...
今次番學搭271行左落沙田喎....行左好大段路...
之後仲有個乘客走落黎問...仲係咁鬧個司機...= ="
其實越鬧個司機佢就好大壓力...咁個司機都唔想架嘛....
事問渣車個d人...自己唔通真係冇試過行錯路咩...係...今次係巴士司機..
d人會覺得冇理由會行錯....我又唔係咁睇喇...總有好多原因既....
不過車頭都有d乘客好好...教個司機點行...heee~

請記得：犯錯的人，也有尊嚴。

落車都已經就夠鐘喇...我唯有加快腳步喇...好采沒遲到~
上堂...網頁堂同多媒體調左呀...網頁上先...= ="
今堂學既野都幾有用既...heee~~
派左ICDL既筆記呀..七份卷既內容好大疊呀~~
同呀權and強約定下星期一考Office Word先~~
星期六日既我要去Camp玩玩~沒時間溫~~依幾日要努力喇~~
唔知難唔難架既~~heee~~加油呀~~考試開始喇~~~

飯飯既時候~有成個半鐘呀~哇哈哈~去左平時果間食飯~
一點前埋單平好多添~~實夠時間食喇~heee~
食飽仲行永安添~~哈哈~

今日落雨呀....凍凍凍呀.....
未來幾日既天氣係咁既...大致凍凍...吹凍既強風...有微雨~~
所以要保重身體~~著多多衫~~~記緊帶雨傘~~唔好懶呀~~
呢句同時都係同自己講既...哈哈哈~~

>>February 28, 2006 at 3:27:02 PM GMT+8

2006 年 2 月 26 日 星期日 【晴】

黃耀明在樂壇多年，不但為歌迷帶來不少靚歌，而且經常提攜新人，
at17及Pixel Toys等都是他的門生，對樂壇貢獻良多。在新一輩歌手中，
他特別點名稱讚薛凱琪、側田、at17及方大同！

喜好我行我素的黃耀明，原來一直為推動本地樂壇而努力。
雖然現今歌星和唱片注重包裝，但黃耀明認為這也是無可厚非，
而歌手始終需要創作力，他說：「好多歌手唔敢行呢一步，唔敢冒險！」



>>February 27, 2006 at 2:44:00 PM GMT+8

2006 年 2 月 25 日 星期六 【微冷】

今日好開心呀~同邦邦去新娘譚行行~~
佢搭車過黎大埔呀~heee~之後再一齊搭車入大尾督呢~~
行行行....行左一個鐘就上到新娘譚燒烤場~~heee~好多人燒野食呀~
我地仲要搵路行去睇瀑布個到....有兩條路揀...新娘譚...照鏡譚..
我地行新娘譚條路....好熱熱呀...上到去都找不到瀑布既...同埋印象中..我未行過呢條路...
之後休息左陣...再行番落去...往照鏡譚...呢條就岩喇...係我同雪人黎過架~heee~~

我地都搵到瀑布~~哇哇哇...正正呀..不過去到個時係冇人喎~
得我地兩個...真係發喇..可以攬攬~Heeeee~~
隔左陣有班年輕人黎左~~我比左我平時寫開個本記事薄佢睇~heee
佢唔覺得我寫既野無聊~~反而覺得幾特別~~yup~~
我地座左陣都走走喇~~之後行番出去搭車番火車站~~

番到火車站都六點幾了~~哇哈哈~~
係新達食飯呀~~好味道~~佢仲買左電同仔比我添~thx~
我地食飽飽去左火車站對面個公園傾陣計~
計劃下星期六日既活動~~去camp呀~~yeah~yeah~~
今日真係好開心呀~~~兩個人行山山幾浪漫呀~涼風吹過~爽快呀~~~

五年前同愛人黎...五年後都係同愛人黎...但係一切都變了...
變的是人物..時間....五年前我仲係一個中二學生...哈哈哈...個時同雪人拍拖黎架...
今時今日既都係愛人...但呢個係邦仔...而宜家既我宜家大個女喇~~

今日邦仔問左我一個問題...個時係咪好愛雪人...個時...緊係喇...哈哈~~~
不過我答佢宜家既就緊係愛你喇~~邊有時間想雪人呀...= ="我係一心一意的~~kaaaa~~
宜家比起以前...我想我宜家愛既邦仔..係比愛當時既雪人多好多.....

>>February 26, 2006 at 2:33:11 PM GMT+8

2006 年 2 月 24 日 星期五 【晴】

今日係天神家長會呀...仲有學生幫紅十字會賣旗活動...
仲有好多既講座...所以我地既工作係影相相相....
不過我地唔夠相機呀....我就用埋自己部機影活動相...不過我真係傻...竟然唔記得帶電...
盒差電係屋企差電.....唯有問校務處囉電心喇...
不過用一陣就好快沒電....真係快...都係差電既電芯好...哈哈~~

操場有個書展~~有好多野賣呀~~勁抵喎~heee~
我同Crystal都買左幾樣野呀~

星期六番半日...哈哈~~去左香港仔魚蛋麵食野呀...
食飽我就搭車番大埔嚕~~~今天沒事做~~就番教會喇~heee~
今日講回教呀...好悶...可能我尋晚訓左幾個鐘喇...先覺得悶...哈哈...
我一路聽一路訓著釣魚.....真係勁眼訓呀....
3月11號關堅結婚呀.....恭喜恭喜~~~

聽日同邦邦去街街呀~~heee~~
我地兩個今日都各自好早番家家呀~真係少可呢~
佢今晚可以早點睇完一星期既電視節目~~早點休息喇~~
今日最後一科既普通話都考完喇~~全部合格呀~yeah~yeah~~~~~
仲有一個月就畢業喇~~~~

>>February 25, 2006 at 12:36:56 PM GMT+8

2006 年 2 月 24 日 星期五 【晴】

楊千嬅X陳奕迅《來不及聽你說愛我》

903廣播劇

聲音演出：
陳奕迅／楊千嬅／森美／小儀／mini／ 阿nath

原著小說：Wasabi
改編：陳詠燊
監製、製作：光仔
製作助理：陳強


不愛說話的郵差阿風，被調往新區工作，偶遇同樣沉默寡言的女子阿玲。
在從沒對話的情況下，阿風愛上了玲，還深信「只要有真愛，定能聽到對方的說話」，
可是........玲，還是不發一言.....

已經聽埋大結局 <第十集>喇.....好感動呀~~





>>February 25, 2006 at 12:15:56 PM GMT+8