2003 年 2 月 24 日 星期一 【晴】

放學冇番屋企，留o左o係班房做music錄音。搞o左一大輪先至可以正式開工，《同步過冬》錄o左幾次先收貨。《會過去的》唔係太夾，本來我第一次唱《活著多好》真係接近perfect，點知到o左一半個衰人鐘響o左！第二次錄已經冇咁好，之後我o地上蚊蚊屋企繼續錄，阿聰番屋企換o左件拜仁26號迪斯拿歐聯落場版波衫o黎串我！不過阿魚突然間發現我o地首《同步過冬》冇o左好多part，呢鋪真係唔知點死好！搞到成2200先番到屋企食飯，阿媽竟然冇黑口黑面！奇蹟！

P.S.我係咪唔應該講太多？

>>February 28, 2003 at 3:17:00 AM GMT+8

2003 年 2 月 23 日 星期日 【晴】

今日lunch蚊蚊突然走過o黎問我想唔想同佢食飯，講真我真係完全冇諗過可以同佢食飯o架！不過唔知係咪因為太多人一齊食呢？o的氣氛硬係好似好尷尬咁，我主動同佢講o野，佢o既反應都算幾冷淡，望都冇望到我，初時我都有o的唔知點算，以為佢真係連計都唔想同我傾。不過好彩之後放學，我俾疊notes佢o個陣，佢笑住同我講o左句：「唔該哂！」我當堂成個人鬆番哂！呢個不失為一個好開始，我會繼續努力o架喇！

Re Richard:唔緊要o既，有心就得啦！承你貴言！
Re Cafu: 我e-mail係 [email protected] 。呢層我知o丫！你o地都係我o既好朋友！而且唔係賣花讚花香，o係5B讀書真係好唔錯架！

P.S.原來《洗冤錄2》主題曲係Eason唱o架！

>>February 25, 2003 at 1:27:11 AM GMT+8

2003 年 2 月 22 日 星期六 【晴】

今日去o左可風聽遵理搞o既會考talk，講o左好多幾有用o既skill，都應該幫到我唔少。冇乜o野講，o係度介紹首歌俾大家，我個人覺得好sweat。

《身體健康》

作曲／填詞：藍奕邦
編曲：Terry Chan
監製：陳德健
主唱：張衛健

如若我　患了傷風
怕就怕你惹了我的咳嗽
連累你　發起高燒
跟我睡覺你也要分睡床

如若我　喉嚨腫痛
怎樣去唱你愛聽的歌韻
連累你　唇乾口淡
因要共我吃最淡的粥　最青的菜

＊我不要做弱質病人　變一個負累你不幸
誰想有病　厭惡呻吟　我不要千金百銀
也祈求這小小的福蔭＊

＃我只想　身體健康
我害怕你要照顧我　擔心得出一臉倦容
而我病床中反悔內疚　令你太心痛

我只想　身體健康
要活到過百歲不需拐杖都可跟你相擁
不忍你勞碌的照料我
受了這種切膚之痛＃

如若我　跌短雙腿
我就算去那裡你都跟我
扶著我　輪椅中坐
親我時你也要俯身彎腰

人漸老　耳朵失聰
怎樣去聽你說我多可愛
唯願我　牙齒堅固
可吃盡你炮製我愛的每款小菜

Repeat　＊＃

我會為你好好的保重
我怕病了等於失了寵
怕你嫌藥味太濃　藥煲太重　不知怎操縱

Repeat　＃

我只想　身體健康
看著你替我蓋被　窩心得心有點痛
得到你這般的愛護我
眼淚這刻難自控

Re Cafu:又唔係完全冇用o既，當參考下o羅。
Re子建：路係由人行出o黎o既，盡力做好自己，就算衰o左都問心無愧！
Re挺：係呀，我覺得世事o既大綱係天注定o既(謀事)，不過最後出o黎o既結果係點就要睇人(成事)。

>>February 23, 2003 at 1:42:36 PM GMT+8

2003 年 2 月 21 日 星期五 【晴】

我以前仲以為呢個世界冇人關心我、冇人著緊我，o的人只係不斷咁當我係笑話，當我係「快樂」o既泉源。但係呢段時間我發現原來我身邊有好多朋友，佢o地都好在乎我，分享我o既喜悅、分擔我o既悲傷。我自問唔係好識同人相處，不過竟然有咁多人支持我，我真係好感動呀！

2003年Eric好歌流行榜(第8週)：

1)身體健康(張衛健)
2)我的驕傲(容祖兒)
3)兄弟(何韻詩)
4)特別鳴謝(蕭正楠、關心妍)
5)活在當下(許志安)
6)半成年(Shine)new
7)501(梁漢文)new
8)唔該行開(陳冠希、趙頌茹)
9)你是最好的！你知道嗎？(林海峰)new
10)最佳位置(陳慧琳)new

Re聰：你o地咁睇得起我，我都會睇得起自己，我唔會衰俾你o地睇o既！
Re Cafu:你o個o的(自己寫同齋post)唔一定個個case都o岩用o羅，不過都好有參考價值。
Re Brian:呢o的o野冇得計o既，謀事在天，成事在人！
Re蚊：所以我點都會試下！o係呢個momment拍唔到拖都唔緊要，做朋友我已經好滿足。

>>February 22, 2003 at 3:43:32 PM GMT+8

2003 年 2 月 20 日 星期四 【晴】

o尋晚失眠，完全訓唔到。朝頭早約o左子建去自修室，o個陣仲未控制到情緒，坐低o左之後仲o係度死頂，不過過o左冇幾耐，我終於都忍唔到…
真係好多謝子建、阿蝦、阿聰同Mina開解我、鼓勵我，佢o地叫我唔好灰心，唔好諗唔開心o既o野，我好快就平復番哂，依家我冇事喇！我會加油o架！

Re Cafu:咁我咪即係要o係0725落到長沙灣個月台？好似好難喎…
Re邪：冇錯！與其俾過去o既痛苦折磨，不如好好咁計劃未來。
Re蚊：總之大家都加油啦，你同我都得o既！
Re聰：你一直都o係我身邊支持我，雖然只係言語中o既支持，但係我都好感激你！

>>February 21, 2003 at 1:52:20 PM GMT+8

2003 年 2 月 19 日 星期三 【雨】

有o的機會你親手放棄o左，到你想珍惜o個陣…一切可能已經o黎得太遲…
今日我又遇到一個機會，我已經決定o左：「呢個機會我絕對絕對百分之一百唔再錯過！我今日一定會開到口！」去到地鐵站啦，落到月台等佢o黎。一班一班車咁開走o左，我都未見到佢，我一路係咁等，佢都冇o係我面前出現。最後我冇再繼續等，我一路番屋企、一路諗，越係諗、就越係想喊，當然我冇o係人o地面前喊。不過番到屋企，得我一個，我終於忍唔到，我喊o左出o黎。你o地冇聽錯，而我都唔怕講，我真係有喊到，仲喊得好犀利添！我get到一樣o野：有o的o野你做錯o左，好可能番唔到轉頭…
想回到過去　試著讓故事繼續　至少不再讓妳離我而去…
很想放聲　很想痛哭　在這世界裡我最孤獨…

>>February 20, 2003 at 2:00:41 PM GMT+8

2003 年 2 月 18 日 星期二 【晴】

我諗Miss Leung今日真係好嬲！原本今日Miss Leung諗住同我o地對98年CE Past Paper，不過竟然有差唔多半班人冇帶題目番o黎(包括我)！Miss Leung好心平氣和咁同我o地講如果要History考得好，做Past Paper係好重要o既，但係我get到佢好唔開心o架！Sorry呀Miss Leung！

另外恭喜Eason有兩個金像獎提名！最佳原創電影歌曲獎：
明年今日(賤精先生)
你會不會(幽靈人間2之鬼味人間)

Re Richard:我謹代表所有睇到呢句o既人，發出反戰o既訊息—我o地反對戰爭，武力唔可以解決問題，只有諒解先可以化解仇怨。

>>February 19, 2003 at 1:14:46 PM GMT+8

2003 年 2 月 17 日 星期一 【晴】

放學番屋企o係903度聽到單新聞，南韓大邱有架地鐵俾個癲佬淋易燃液體燒著o左，好似至少死o左120人。我老豆話：「佢係南韓人都仲好，係北韓人就大煲！」班死者好慘呀！監生俾人燒死！

Re大富豪：咪咁笑人啦，雖則佢又真係稍為瘀o左少少！
Re Rivaldo:唔好o係度爆粗好喎！我以前都試過帶住冇菲林o既相機出街啦！

>>February 18, 2003 at 2:11:40 PM GMT+8

2003 年 2 月 16 日 星期日 【晴】

今日左邊膊頭未好番得哂，做唔到李雲在，唯有做住洪明甫先啦。不過我真係相當懷疑洪明甫o既構造，我o係自己底線走到落人o地底線，走多兩轉就已經扯哂蝦，仲要俾肥鵬呃埋！佢34都o黎緊啦，o係世界盃仲可以打到八面玲瓏？要數最激氣o既都係就o黎打鐘o個陣，o個個「茅躉王」恃住自己有多兩舊肥膏，搶身位搶我唔贏就對正我左邊膊頭撞o左幾o野。我都忍得你耐喇，成日o係嘈生哂！睇死我唔得？我偏係唔要衰俾你睇！

Re Rivaldo:架VA63副engine出煙o者，最多一個月咪番得出o黎o羅，唔使好似幾年前城巴架870咁o掛？

>>February 17, 2003 at 1:58:03 PM GMT+8

2003 年 2 月 15 日 星期六 【晴】

今日上o左子建屋企再做過music錄音，不過最後都仲係錄唔哂，唔知要等幾時。我o地仲要唔識點插掣，要阿蝦上o黎幫手！我錄o左《大開眼戒》，不過我就唔係好滿意自己o既表現，都係《K歌之王》同《活著多好》o岩我多o的！李婷唱《天黑黑》唱到發哂火；蚊蚊、阿魚同小邪錄o左首笑到趴低o既歌！我o地搞到成1730至走人，之後落o左荃灣行街，同蚊蚊、阿聰仲有李婷o係吉野家食完飯至番屋企。
大家知唔知「秋後算帳」點解？頭先mammy仲話俾食埋飯至番屋企，一番到屋企就見到佢平時黑口黑面o既樣。之後同佢講禮拜二放o左學去自修室溫書，佢就開始猛烈o既轟炸，話我成日借o的「椅」出街！

>>February 16, 2003 at 3:27:50 PM GMT+8