2012 年 7 月 9 日 星期一 【晴】

多過一個我身邊較親近的人，曾經跟我說過，我是表面裝作很冷酷無情，故意在別人面前塑造一個很瀟灑的形象。但其實我內心是一個有感情的人，並非如自己口中所說的那樣很 cool，什麼都不在意的那個自己。




或者，別人都比我更清楚，我是一個怎樣的人。也許，我害怕失去，害怕自己睇錯人，所以我跟自己說，所有人和所有事對我來說都不重要的，是可有可無的。我這個做法只有弱者，只有失敗者，才會自欺欺人，不敢面對現實，也不願去付出，去嘗試找緊一些自己認為是重要的東西。



有一個係香港的男生，他說他會照顧我一生一世。而他在這 7 個月以來，表現也很好的。縱使我沒有付出什麼，沒有給他 bare minimum，但他也守在我身邊 (not literally) ，等待我回香港‥‥‥一直的等待著。或許我應該嘗試去相信他，應該給機會他待我好，去發掘他的優點，嘗試去喜歡他。但是當我一想到，回到香港就意味著我把我的將來都交給他的時候，內心又有種不安的感覺。我一向都習慣將自己交給不同的男生，從來不會完完全全地倚賴某一個。不喜歡將賭注押在一個人的身上，太冒險了 >.<" 但是我這樣的思想，怎能給自己找到一個可以付託終身的男人呢? 我這麼花心，好男人都跑掉了! 有錢有前途的，怎會選我?

>>July 9, 2012 at 2:02:06 PM GMT+8

2012 年 7 月 3 日 星期二 【晴】



Kinton 拉麵，超好味!!! 番香港之前，好想去食多次 ~





生日禮物 (1)



當然唔少得我最愛的刺身 (可惜當日去到的時候已經晏，所以無咩可以揀 >.<" )



媽咪買的生日蛋糕





生日禮物 (2) - 咁貴既酒真係唔係好捨得開黎飲。不過最後都有開到‥‥‥我寧願折現俾我 >.<" 不過唔緊要啦，都係人地一番心意。謝謝你!


>>September 14, 2012 at 8:54:45 AM GMT+8

2012 年 7 月 3 日 星期二 【晴】

24 歲生日快樂

2012 年 6 月 28 日 星期四 【晴】

今日遇到一個 crazy driver，無啦啦cut 出黎。 我 horn 佢佢又唔理我，照樣cut 出黎。如果唔係我 hard break，我個右邊車頭就會撞到佢左邊車身。其實我應該撞埋去，咁我就可以叫佢賠錢，但係有起緊急情況的時候，自然反應就係會咁‥‥‥而且我怕有機會俾對方屈番我轉頭，所以都係等我裝個鏡頭係車前面，咁樣對自己有保障 d。





通常係 Starbucks/ Second Cup 買 coffee 的時候，收錢果個都會問你，你叫咩野名，然後將你的名寫上個杯果度。

食飯訂位，都要留名

book 時間剪頭髮又要留名

試衫的時候又問你叫咩野名

其實我真係唔係太喜歡俾陌生人知道我叫咩野名，唔知點解我會覺得好唔安全的感覺。有時候我甚至會俾假名佢地，為的係令自己感覺上好 d。

我好唔鐘意人地叫我個名，到底係我潛意識討厭自己，定係我有太多個身份，每一個名就代表一個身份，所以我覺得好煩，唔想再理自己到底係咩野時間扮演緊邊個身份?

又或者純粹係我覺得自己個名好老土，所以當人地叫我個名的時候我覺得唔好意思?






電腦出現 Blue screen of death 的代數頻密了，係時間又要 format 下部機



pick-your-own strawberries，無化妝所以遮左個衰樣



今次的 strawberries 好好水份，不過唔算超甜。聽朝今年的農作物都失收，因為天氣反常。唉~ 這個地球就黎死嫁啦.......


>>June 28, 2012 at 12:58:55 PM GMT+8

2012 年 6 月 26 日 星期二 【晴】

I keep telling myself, complain is useless....

特別係自己又唔夠膽去講出口

所以 Take action 係最實際

覺得對眼成日唔舒服，咁咪乖乖地唔戴 con 囉

覺得屋企人好煩，咁咪努力 d 搵錢搬出去住囉

覺得身體差，咁咪飲水食藥同早 d 訓囉

覺得份工辛苦，咁咪 send resume 去搵過第二份工囉

覺得邊個人令自己心煩，咁咪疏遠佢囉

但係如果你覺得以上既野都做唔到的話，咁就唔好再 complain

道理好簡單，但係我不停在一個 loop 入面‥‥‥不斷 complain 現在的生活，但又什麼也不做去改變現在的生活。

想一朝飛上枝頭變鳳凰都要勤力 d 保養自己，增值自己，令自己見識廣博之餘仲要有極高的偽裝技巧。言行舉止每步都要諗過度過‥‥‥

就算想一夜變成百萬富翁，至少都要去買六合彩啊‥‥‥無可能咩野都唔做就自動夢想成真，有人主動去幫自己改變現在 shitty 的生活。




我真是一個廢人，什麼都沒有心機去做，又沒有勇氣去了結自己。

>>June 26, 2012 at 10:28:33 AM GMT+8

2012 年 6 月 22 日 星期五 【晴】

今日事事都唔順心

1) 落大雨無帶遮，明明終於有一日可以準時少少放工，點知焗住番係公司等停雨。等左 25 分鐘都等唔到，唯有跑去囉車。2 mins walk 已經成身濕晒，點知超塞車‥‥‥今日比平時要 OT 的日子更加遲先番到屋企

2) 跌左個電話落硬地，又花多左 d。好彩無爆 mon，不過有少少神神地，個 touchscreen 某 d 位要按幾次先 sense 到

3) 唔記得左打去同電話公司 bargin deal，依家無左個 free incoming feature。加番要 $15 一個月

4) 俾公司既人話我著衫太斯文，唔襯自己

5) 媽咪今朝唔知醒，所以無整早餐 我食 & pack lunch。我要自己整，所以無時間化妝‥‥‥雖然唔應該老奉旨意晒媽咪幫手，但佢日日都整，咁自然就當左佢今日都會整。

>>June 22, 2012 at 12:15:00 PM GMT+8

2012 年 6 月 21 日 星期四 【晴】

我每天諗既野，想講既野，來來去去都係果幾樣。

還我自己都覺得自己好煩，一D 新意都無。淨係識得抱怨生活得唔開心，好似一個大唔透既細路仔咁。

每當自己想放棄的時候，我都會同自己講要撐落去，會諗 D 好細微細眼既事去讚自己做得好‥‥‥但係心情一直無好過，只是一日比一日更加勉強地撐下去‥‥‥

>>June 21, 2012 at 8:56:24 AM GMT+8

2012 年 6 月 19 日 星期二 【晴】

一生人入面，你有多少個名字，多少個角色?





有沒有一些東西，你做的時候覺得不快樂。當你終於可以不用做的時候，但你卻覺得更加不快樂。然後你再次重拾番那樣東西後，又好像沒有改善? 這時候你問自己，到底是什麼令自己不快樂?




工作，為了有金錢供玩樂。但工作，把所有玩樂的時間和精力都耗掉，那麼為什麼要工作?





在未想清楚之前，要堅持。

我不要為了一時的快樂，付出沉重的代價。




很想寫書，顯露人性的醜惡，內心的掙扎

但我連用自己的真名也不敢，不敢讓人知道我內心深處的想法‥‥‥

>>June 19, 2012 at 12:47:09 PM GMT+8

2012 年 6 月 16 日 星期六 【晴】

不知道從哪時開始，飲奶茶會覺得好「削胃」。無論是否空肚飲，也會有這種感覺 ~ 檸檬茶都係，所以我估可以係我唔受得紅茶‥‥‥反而空肚飲 Latte 就無事，而且覺得幾飽肚下添!

終於都番左 4 個星期工了! 我愈來愈覺得自己唔想講野，怕講多錯多。雖然暫時都好似沒有禍從口出，但都係小心為妙。做多過講，我相信這會比較討人喜歡。

我其實是一個很討厭學新事物的人，我喜歡學懂一樣東西，然後自己鑽研，master 左果樣野。我不太喜歡人地教我，我喜歡自己嘗試用自己的方法去解決問題。但我不喜歡要應付太多的問題。我是做同一樣野 over & over 唔會覺得太悶頂唔順既人黎。

我應徵現在份工的時候，我見係文職，clerical position ，又講到明話做 repetitive task，諗住好岩自己做。點知不斷有新野學，明明剛剛先好似上手少少，以為上軌道，點知又有新野學。我真係無咁好耐力，學完一樣又一樣，我覺得好累‥‥‥好多人怕悶，反而喜歡新事物，但我唔係，我寧願佢要求我將 d 我已經識既野做快 d，都唔好叫我學新野。

我有同上司反映，佢話會請多個人專門做我依家新學緊既野 ( 可想然知，我現在做野 workload 有幾多)‥‥‥但係請個人，起碼都要一頭半個月，之後仲要 train‥‥‥上司叫我挨住先，唉! 我真係唔知道自己挨唔挨到!





我都係喜歡番一份可以著短裙既工，可以工作時間好 flexible 的工。可以 work from home，可以半夜三更做又得，幾時做都得既工，最好每個 task 既 due date 有一個星期左右，咁由我自己安排到底 2-3 日密集式咁做晒佢，定係攤長黎做。




或者，番工就好似搵男朋友咁，要試過先知。通常第一個都未必會係岩自己既，每試一份工/ 一個男人，就會更加了解自己喜歡什麼，不喜歡什麼。但係，兩樣另一個共通點就係，試工/試男人係有限期的。總不能無了期左試試，右試試‥‥‥如果唔定落黎，搵份長工黎做，到時你可以連一份長工都搵唔到，得散工做。而到時散工的工資可能唔夠 support 自己的生活，最後令到自己的人生十分之 miserable......




今日決定開始食「毒藥」，為左靚，我可以 give up 幾年的命。講真，生存為左咩? 為左自己開心，享受生活。如果我的軀殼令自己接受唔到，令自己心情好差，咁我寧願短幾年命，但起碼活得開心 (or 從另一個角度去講，係活得無咁辛苦)


右眼愈來愈朦了，我知道要去搵醫生 check 下，但係加拿大睇眼科政府係唔包的，而我依家又未有保險 >.<" 所以都掙扎緊睇唔睇醫生好








生日就黎到，有什麼願望? 自己變靚 d，有好多錢 (可以搬出黎住，可以換車，可以做自己喜歡的事唔使打工)，有多 d 私人時間 (可以養狗)。

生日之前想做咩野? 想洗車，clean car interior, 想剪頭髮





以前，我還會給自己放假‥‥‥現在的我，一年 365 日都在工作。

>>June 16, 2012 at 11:48:28 AM GMT+8

2012 年 6 月 15 日 星期五 【晴】

第一隻用的香水，係 Body shop white musk ( 一般喜歡，不過都有用晒成支 )



第二隻用的香水，Gucci - Envy Me (人地送既，我唔太習慣咁 strong 的味，所以無用晒)





第三隻用的香水，Ralph by Ralph Lauren ( 曾經係我的最愛，有 2 支，不過未用晒)



第四隻用的香水，Baby TOUS (無意中行街的時候發現這隻香水，一聞就喜歡了。亦是我現在常用的)



第五隻香水，Burberry Touch (買的時候幾喜歡，用耐左又覺得都係一般)






暫時最喜歡的，都係 Baby Tous。就快用完，好唔好買多支呢? 定係用晒舊果 d 先呢?


>>June 15, 2012 at 1:55:34 PM GMT+8