2011 年 2 月 14 日 星期一 【晴】

祝大家情人節快樂!

係這個特別的日子，我邊度都唔想去，咩野都唔想做，有個體諒我的男朋友就夠。

知道我近來壓力好大，好多野要煩，好好咁俾我休息下，咁我已經好開心。

>>February 14, 2011 at 3:03:43 AM GMT+8

2011 年 2 月 12 日 星期六 【晴】

已經決定左情人節當日做宅女，潛左水咁就唔需要煩

對上一次收花係 5 月5 號，但講真，我真係唔喜歡收花，因為太唔實用了‥‥‥或者我唔識得欣賞呱

還有一個大 project 等住我 15 號朝早 8 am 交，所以果晚都要早 d 訓

近日累到坐 subway 可以訓得好 lum‥‥‥

>>February 12, 2011 at 11:15:30 AM GMT+8

2011 年 2 月 10 日 星期四 【晴】

情人節好快就到，有種好似迫住我快 D 表態的感覺

>>February 10, 2011 at 3:12:24 AM GMT+8

2011 年 2 月 9 日 星期三 【晴】

有些人遇到不幸，會希望提醒其他人，以免他們也會遭遇到不幸

而我遇到不幸，則希望所有人也有同樣的遭遇

看見別人經歷和我一樣的痛苦，我覺得我的痛苦好像減少了

這麼黑心的人，真是世上少有

>>February 9, 2011 at 4:05:55 AM GMT+8

2011 年 2 月 4 日 星期五 【晴】

很多少事令我很煩惱......

媽咪走左之後，又好似上次咁，我要負責所有家務，接送細佬，鏟雪，自己的學業‥‥‥

咁岩今年細佬入大學，又特別多野要家長跟進。佢好多野都唔識，所以會問我點樣做 ( 咁我有經驗嘛‥‥‥) 。點樣搵人寫 Reference letter，填 form，寫 essay，呢 d 全部我都要跟進。

交 bills，唔可以過期。

洗碗，戴左手套就 feel 唔到 d 碗乾唔乾淨，唔戴，對手 rough 晒不特止，仲開始乾同埋起 rashes

鏟雪，條腰好痛，但都要鏟。因為出唔到車去接細佬，唔可以等到細佬番黎先叫佢鏟。

去 downtown 番學，一放學就雞咁腳趕番 uptown。如果有時間就盡量 on the way 買送先。要諗下細佬鐘意食咩，而係我又識煮的，又咁岩果日新鮮，最好就係減價添! 買得多又食唔晒，買得少又要成日去買。2個人真係好難煮到 d 咩野送。

湯水唔可以無，日日就要提自己煲番熱 d 湯，如果唔係就會變壞。我又唔想將佢雪入雪櫃，因為要轉 container 又要洗多樣野。

明明自己唔使早起身，但因為要車細佬，變左我日日都要早起身。星期一至五不特止，星期六要車佢番中文班，星期日就英文班。仲要佢要去 church，去學琴，去剪頭髮。遲 d 仲要幫佢搵教車師傅‥‥‥

仲有好多野要記住，例如係 d 唔用的 toilet 久唔久要沖下水，個熱水壺 d 水要久唔久倒晒佢，如果唔係就會有 d 白色的沈澱物，如果 d aunt 送食物黎，而我唔係度，我要打去同佢地講 thank you。

我之前好病，依家好得七七八八，不過都仲係有 d 咳。隻右眼都仲未好番，醫生話係角膜損左，我有時記得就搽藥膏，但有時又唔記得。唉! 都唔知幾時先會好得番晒!

學校果度 d project 好煩，要 work with real clients。以前走慣堂，依家被迫一定要番學 (因為 take attendance) ，覺得好難受。

尋日打俾一個就黎結婚的朋友。佢同我差唔多年紀，但有一個拍左好多年拖的男朋友 (依家係未婚夫)。佢都好關心我 (亦都擔心我) 搵唔搵到幸福。唉 ! 好多野我想講但一言難盡。

我好累，只係想搵個膊頭挨下，搵人攬下我，搵人係我喊的時候靜靜地陪著我。我唔想要一個唔了解我的人，我唔想要一個俾壓力我既人，但可能係我偽裝自己偽裝得過了火，別人喜歡的我，不是真正的我。當我想做番自己的時候，跟本唔可能，因為對方唔會接受。

話左自己一個人唔會飲醉，但點知都係醉到第二朝有 hang over。

既然我想佢關心我既人唔識得點樣關心我，我唯有自己哄自己。一支酒，一套愛情片，喊完，訓覺。起身，繼續戴起面具做人。

>>February 4, 2011 at 1:54:44 PM GMT+8

2011 年 2 月 3 日 星期四 【晴】

& lt;br>
朋友知道我喜歡食海膽, 帶子同蝦刺身，所以送左 D 好靚的 Sushi and maki 俾我 :) 仲有 sake 添! 正到爆!

& lt;br>
海紅斑, 滷水鴨腎, 菜心, 西蘭花牛肉, 仲有西洋菜湯

& lt;br>
焗 & 煎雞翼, 燒鴨, 蒜芯炒牛肉, 滷水鴨腎

媽咪番左香港，所以又係我玩煮飯仔的時候‥‥‥


>>February 3, 2011 at 3:44:17 PM GMT+8

2011 年 2 月 2 日 星期三 【晴】

每當有人對我好的時候，我都會親手將幸福推走

有太多的事未想清楚，但現實唔容許我猶豫不決

時間唔會等人，幸福亦都唔會等人

>>February 2, 2011 at 11:22:36 PM GMT+8

2011 年 1 月 29 日 星期六 【晴】

& lt;br>
我之前一直都唔捨得買的鏡子，Brother 送左俾我 :)



& lt;br>
幫 iPod 換左新裝，鏡面的 protector


>>January 29, 2011 at 12:01:29 PM GMT+8

2011 年 1 月 23 日 星期日 【晴】

真係好黑仔，黑仔到我唔識得點形容。

跌一跌條車匙，咁就壞左! 明明有條後備的係媽咪度，但係我又唔知佢收埋左條匙係邊



問車行要整番幾多錢，佢地話大概 $49 + TAX~! 搶錢啊! 同埋佢地話一定要帶齊所有 Keys 去，因為佢要一次過 program 晒咁多條 keys。

媽咪走左之後，所有野都好似唔順利咁樣。之後考慮緊 3 月去美國搵朋友，但係我根本行唔開。真係好頭痛‥‥‥

我都知發脾氣無用，我都知道怪自己無用，應該諗下點樣解決問題而唔係俾情緒 take over 左自己的理智。我不停嘗試鼓勵自己，但係我腦入面諗到既，淨係「好想發脾氣」。除此之外，我跟本咩野都諗唔到。

>>January 25, 2011 at 4:25:27 AM GMT+8

2011 年 1 月 20 日 星期四 【晴】

好多野煩好多野唔開心，但我無講出黎/表達出黎。因為我搵唔到一個令我覺得可以放心同佢講既人，而且我亦都覺得無人 "應該" 俾我囉黎發洩。

以前，我身邊有個人可以俾我發下脾氣，佢會哄番我，好少會 talk back。唔知係人大左定係仲未搵到一個岩的對象，所以已經有1,2 年無再發脾氣。唔代表我收左脾氣，我一樣為左 d 小事而嬲，一樣喜歡重覆又重覆咁諗起 d 唔開心的回憶。

尋晚訓得好差，4 點幾都未訓到。今朝去 renew passport，要搵路，點知我掛住望左望右，唔覺意就隊左埋去前面架車果度。我已經唔係開得快，應該 40-50 左右，唉! 咁又唔見幾百。我做野做得幾辛苦都好，搵埋搵埋都唔夠俾呢 d 無謂錢。我已經有聽人講，唔好跟車太貼。今次唔係 speed，唔係跟得貼，而係自己對眼唔知生左去邊‥‥‥

以前飲酒/ 大喊一場，就可以訓到覺。依家這些方法都開始不管用了‥‥‥



到底問題的根源係邊? 到底點解我成日都咁嬲，咁多野唔開心? 係唔係我太無聊，太多空閒時間諗野? 又或者係我眼光太短淺，如果我識得睇長遠 d，可能我就會知道現在困擾我的問題根本就唔係問題。定係我將太多唔關自己的事都攬上身? 定係我的決定令到自己有太多唔可以同人分享的事，所以間接困死左自己?

>>January 20, 2011 at 11:12:11 PM GMT+8