2009 年 10 月 30 日 星期五 【晴】

好興奮! 今日應該有得囉車了! 不過尋晚 7 點幾先訓，今朝 10 點幾就起左身，個人暈下暈下咁。

原本有朋友話應該可以車到我去囉車，但尋日話我聽佢今日陪唔到我囉車。結果我就好徬徨，唔知點算。一係就 call taxi ($30 由我屋企去到囉車的地方 )，一係就等聽朝 Annie 先車我同媽咪去囉。

聽朝有可能淨係得 9 :30 am 先有得囉車 ( 吊! 車行果個人成 q 日都唔係車行入面，搞到我好難就佢時間 )，我唔想咁早起身，亦都唔想搞到 Annie 要好早起身，難得 Saturday 應該訓耐 d 嫁嘛‥‥‥

最後我叫左車行幫我出車的 Wilson 上黎接我如媽咪落去，去到用左20mins 左右簽文件，講解一下條款，之後就坐入架新車入面，佢每樣野都教我點樣用。又搞左差唔多半個鐘先走人!







Subaru Impreza 2.5i SP Finally 係我屋企的 driveway 出現!




哈哈! 我做車主啦! ( 唉!  一筆好大的 expense...)

新車到手! 我會好好愛錫佢，始終都係我經歷左咁多先可以得番黎的，我一定會好好珍惜

有左佢之後，我以後想去邊就去邊 ( 仲要加埋個 GPS ，如果唔係有架車對我黎講都無咩用 >.<" 因為我係路痴 )

唔需要再靠男人，唔需要睇人面色，我要做個獨立的女人! 我要做個有 bargaining power 的女人!

番到匡企，其實唔係特別開心。我原本以為囉到車之後會好開心啦 ~ 但原來唔係‥‥‥可能因為近來好多野煩，無咩心情。

夜晚花左好多時間，逐頁逐頁睇本 menu





>>October 31, 2009 at 3:29:34 PM GMT+8

2009 年 10 月 29 日 星期四 【晴】

我最需要別人係我身邊的時候，你在哪裡?

你現在好像給我兩個選擇

1) 離開你

2) 離開現在的生活

但我離開現在的生活並不一定等於可以擁有你，撞有你100% 的愛，所以我係唔會放棄現在的生活，我會放棄你。




今日就像經歷了一場大戰，一個人面對的大戰。手心冒汗，全身手腳冰冷，胃痛，頭痛，四肢乏力，唇乾舌燥‥‥‥

有很多東西唔滿意，但我都無出聲。我清楚明白到，如果一個人唔重視你，無論你點叫點吠都好，都唔會有人彩你。倒不如留番啖氣，令到已經好差的氣氛唔會再差落去。

但我係一個女人，一個不折不扣的女人，總有時候想講 D 完全唔 make sense 的說話，想嘩啦嘩啦咁喊曬出黎，想有個人攬住我俾我喊到夠為止‥‥‥

算了吧! 既然今日係無人支持我的情況底下我都挨過左，日後我只會變得更加堅強!








>>October 30, 2009 at 1:46:03 PM GMT+8

2009 年 10 月 28 日 星期三 【晴】

哈哈，又凌晨 4 am 了 ! 不過都幾開心，因為終於迫到自己專心咁完成左份 mook paper (Finance)，有 90%! 當然，自己係屋企做，又無 time limit，又可以出少少貓，自然高分 d。不過如果當我星期四考果日，無 90% 有 80%我都開心嫁啦!

I can't believe that I've got 87% on Environmental Economic! I didn't study much and I always sleep in class.... The highest score in class is 93% and the mean is 70%. I am doing better than I expected.

婆婆的身體狀況有變，媽咪原本的計劃又有變。唉! 好討厭咁多變數，但每天的生活，根本就存在左好多變數‥‥‥

唔知點解，我好睇唔起果 D 係加拿大生活左好耐，但連好基本的英語溝通能力都無既中國人。最黑人憎既就係佢地要求我同佢地講中文‥‥‥我唔係唔識講中文，而係我覺得如果你連 d 好淺白的英文都唔識的話，你呢個人有問題，我亦都唔想 deal with 呢 d 人。

2009 年 10 月 27 日 星期二 【晴】

Timetospa.com 做緊買 3 送 1  ( offer until 29 Oct )，我明明揀好曬，個 Total 係$250 美金 ( 未計 shipping ) 之後我就close 左個 window，放棄左。諗下諗下，花成 $2400 HKD 買謢膚品好似有d 過份。加上自己要供車，所以決定節儉 d !!

我又做低能野‥‥‥我大概一個星期之前，Set 左放左手頭上所有 Nokia 的股份，之後我今日無啦啦又想set 定個價去 sell，點知個 system 話我沒有足夠的 quantity俾我 sell。我就覺得好奇怪啦，點解會 sell 唔到既? 明明寫住我 hold 左 xxx 股嫁啵‥‥‥我打去 hotline 問，一 check 就 check 到我其實幾日之前已經落左 order，係我自己唔記得左。唔怪得知啦 ~ 唉! 又一單低能野! 真係笑 x 死人!

不停咁打電話囉 Insurance quote 真係煩到嘔! 不停又不停咁重覆果 d 資料‥‥‥‥我有時真係想花多幾百蚊，唔使自己咁煩! 唉!

2009 年 10 月 26 日 星期一 【晴】

尋晚 1 am 就上床訓 ( 係我的 standard 黎講算係意想不到的早 )，但係一直都訓唔到，3 點幾的時候訓左陣，訓到 5 點幾又醒。之後再訓唔番，起身溫書。

食早餐，之後再溫過。溫到 12 點，take 左 20mins nap，不過只係最後果 5 分鐘先訓到‥‥‥

check 左 Marketing 的成績， 77% ，比我想像中好少少。我明知道佢會出 math + 書 / powerpoint 的內容，但我只係係幫學生補習的時候，順手自己溫左 math 果 part ，至於書內容我就擺到明放棄，睇都無睇過。

原來咁樣 hea 住黎讀書都幾過癮，以前成日都迫自己要囉 A 真係好辛苦。現在吊兒郎當咁，鐘意就夜蒲，鐘意就飲酒，鐘意就走堂，其實都幾好。只要求求其其囉到個 degree 就算啦 ~

2 點幾就番到去學校，仲有成 20mins 剩。我係 subway 的時候已經 go over 晒所有 notes，所以我決定唔再溫，等開考。

果 2 個 TA 派卷超慢，一個 lecture hall，搞到成 20mins 先派晒卷可以開考 >.<" 1 hr 做 60 題 MC，我做左 30mins 已經做晒，其他唔識果d只可以撞，就算我用剩下的時間不停咁去諗都無用。

考完試就開會 ~ 我原本都想 slack，但係我 d 組員講既野實在.....太唔 make sense 了，所以我忍唔住加把口。最後變左我好似係組長咁，lead 住個 discussion。

搭 subway 去 Finch， 媽咪又遲左黎接我。好彩我個書包入面有放對手套係度，如果唔係就凍死我。

渣車回家的時候，差 d 撞車。我係大路外線，轉緊內線，有架係 mall 想轉出黎的車，夾硬轉出黎內線。搞到我要 hard break，咁我當然 x 柒佢，我唔覺得我有錯。但媽咪又話我唔夠觀察力，佢話我應該睇到個 mall 入面果架車有意慾想轉出黎，我唔應該 cut 線。但我就覺得，我係大路，我想 cut 線有咩問題，只要唔影響到將會跟住我後面果架車就可以了!  我唔係睇唔到 mall 入面果架車，我係以為佢唔會咁夠膽死轉出黎。佢停死左，轉出黎的時候，要pick up 個 speed，根本就無可能咁樣轉出黎。我真係估佢唔到! 雖然差 d 炒車，但我個心好定，可能我知道應該唔會炒，同埋唔係自己 at fault，所以好平靜。

番到屋企，即刻飲碗熱湯。近來暴食症，成日都想食野。一唔開心有壓力就想食野，可以一日入面食過不停。我現在未食野都有 111lbs 了，要好好咁注意一下體重!

唉! 又完成了忙碌的一天。星期四還有最後一個 mid-term，以及一件好重要的事。我真係好好好好好擔心! 希望一切順利!



>>October 27, 2009 at 12:37:05 PM GMT+8

2009 年 10 月 25 日 星期日 【晴】

凌晨三點執房執到四點。常常被人話我間房好亂，而近來我又無心情溫書，又唔想去訓，所以就好積極咁執 Desk desk 的一角，放了一本 subaru 同埋 Cartier 的書仔 Annie 番左黎，佢係 HK 的時候，男朋友送左隻鑽介俾佢。姑勿論隻鑽介靚唔靚，有幾多卡，值幾多錢‥‥‥我真係好羨慕佢收到鑽介。其實我咁大個女，都未收過。曾經有男朋友送過一隻類似鑽介的物體，但我真係唔係好信果粒係鑽石 ( well ，我唔識分，但係隻介子的環，好輕飄飄，感覺上好兒嬉，所以我唔太信係真的。如果係真的，先係度講聲唔好意思‥‥‥ ) & lt;br> 我近來多數都係用自己錢買介子俾自己，因為無男人送介子俾我，我又唔想隻手空空咁‥‥‥希望等到一個愛我既男人，會送鑽介俾我啦! ( 其實細細隻都可以嫁啦，大果隻等求婚的時候先啦~ haha ) 掉左勁多紙‥‥‥ & lt;br> 望住 d Finance，無心機溫‥‥‥星期四 mid-term，唉! & lt;br> 不過 desk 既另一邊，姐係張床，係完全未執過

& lt;br>
有些時候，別人為自己付出了，但自己並不太重視別人的付出。因為對於我而言，那些所謂的 " 付出 " 只是一些很平凡，很理所當然的事，但如果我懂得換個角度去想，可能那些事情對別人已經是很重大的付出。

就好似我平時唔煮食唔做家務，一直都係十指不沾陽春水的大小姐，我肯下廚去麵個公仔麵俾我男人食，已經算係一個唔少的付出。但如果一個不瞭解我的人，卻不會認真地看待我煮的公仔麵，因為他會認為是很普通的一件事。

所以，我應該嘗試去諗，其實對於一個臭脾氣又自我中心的人，肯係激嬲我之後哄番我；一個好忙，無咩時間的人，肯花 2 小時陪我傾電話；其實已經算係唔錯嫁啦!

因果輪迴，曾幾何時，我也站在和你一樣的位置，對一個喜歡自己的人殘忍。所以我明白你在想什麼，也明白我將會有什麼下場。

到有一天，當我真的不能再自欺欺人的時候，我自然會離開


>>October 25, 2009 at 5:13:12 PM GMT+8

2009 年 10 月 24 日 星期六 【晴】

近來轉天氣，皮膚好乾，不停咁一塊塊剝落。就算幾懶都好，我都迫自己去敷一敷 MASK，希望可以急救到‥‥‥

之前 6x 幾個小時無訓到，再加上 alcohol，想皮膚好都幾難。我知道我係度摧殘緊自己的身體，但無辦法，我真係無力氣去振作起來。

& lt;br>
頭髮係不知不覺間已經長到腰了



& lt;br>
唔知我幾時先會捨得剪呢?



>>October 25, 2009 at 5:13:27 AM GMT+8

2009 年 10 月 23 日 星期五 【晴】

打去保險公司，諗住 get a quote，點知佢話一定要親身去佢公司。我都係第一次聽，唔可以 thru 電話 / internet obtain quote。anyways，咁我問佢，幾時可以 set up an appointment，之後佢話 12 月4 號!!!! 佢無病嗎? 唔通我等到 12 月先出車? 呢 d人真係唔想做生意咁既款 !

心情好差好差，大概係自從我同 Kenn 分左手之後，第一次情緒去到咁谷底。仲有 2 個mid-term 要面對，2 個大問題要解決，其他瑣碎少少的事我都已經唔敢諗，唔敢放上 to-do-list 上面，如果唔係我只會 overwhelm 自己

______________________________________________________________________________________________________

昨天的我，造就了今天的我

以往分手的主要原因，其中之一就是男朋友嫌我太煩。

因為我太多愁善感，十分之不理性，常常杞人憂天。然後整天的話題就不停圍繞著我的擔憂。久然久之，男朋友開始失去耐性，然後開始對我卻步。

從錯誤中學習，所以我就努力地去多聆聽，少說自己的事。但我是「強迫」自己去聆聽，而非「真心」去聆聽，別人是感受得到當中的分別。當我未解決自己心入面的煩惱的時候，我根本沒有法子在腦袋中騰出空間去裝載別人的說話。另一個問題是，當我很少說自己的事的時候，卻被男朋友投訴我很悶蛋，太沉默。

我真的很害怕給人一種煩厭的感覺，所以我盡量收藏自己的情感，擔憂；最多只會用文字表達出來 ( 因為文字是最不 forceful 的表達方式，別人喜歡看就看，不喜歡看就不用看，也可選擇自己喜歡的時間來看 )

因為我愈來愈封閉自己，我發覺身邊了解我的人寥寥可數。了解我而有會關心我的，更加是一個也沒有。

我確確實實認為自己是一個失敗者。



一件污，兩件衊，請隨便地糟蹋我吧

還是我該好好愛惜自己 ?

心裡忐忑不安，內心不停地交戰著

明知道是錯的，明知道會受傷害的，但我偏偏像中了咒一樣，泥足深陷

當一個人不是真心愛對方的時候，無論對方做什麼，說什麼也沒有什麼效果

正正如此，我更加覺得很徬徨無助

當你大條道理來跟我理論的時候，可有想過我的感受?

當你看著我哭但連指頭也沒有動過一根的時候，你心裡在想著什麼?

當你狠狠地告訴我，”This is all you can get” 的時候，你有顧及我感受嗎?

當我拋下自尊苦苦哀求你的時候，你有動過一秒的惻隱之心嗎?

問這麼多也是徒然的! 心裡早有答案，一個 Bloody 的答案

有時候，我真的希望我乾脆做一個十分之不理性的女人，又或者是一個十分理性的女人，但我偏偏卻站在天坪的中間。中庸之道，未必一定是最好的‥‥‥是我的人物性格令到我自己陷入這個苦況，我不該怨任何人‥‥‥



我終於明白，為什麼這個世界上有這麼多人要借助不同的方式去逃避現實

因為身體很痛，但心比身更痛



連我自己也覺得很羞恥，長年累月在網上世界告訴別人，我是何等的渴望被愛

我真的很久沒有好好享受過男朋友給我按摩

很久很久沒有好好的安睡 ( 我不是指要靠飲酒飲到 Pass out 果種 "睡" )

很久很久沒有安全感



算了吧，既然得不到的，無論我怎樣耍手段，也是得不到的

縱使你沒有說出口，我絕對感受到你心裡面在想著 "Take it or go"

>>October 24, 2009 at 8:30:20 AM GMT+8

2009 年 10 月 22 日 星期四 【晴】

因為搵唔到擔保人，買車的計劃又要 Delay 了。其實我可以用錢解決問題，但這個方案真係唔化算! 一係就 finance 架車，俾 $5000 or above 的 downpayment，之後每個月仲要俾 $1115 供車。24 個月就供完。到底我有沒有能力呢‥‥‥如果我咁做的話，我儲左咁多年的錢好快就會唔見曬‥‥‥真係好希望搵到個擔保人，咁我就可以照原有計劃 lease架車，36 個月，每個月供 $400。手頭會鬆好多! 每個月要俾 $1115 的話，我真係連飯都唔使食!

好唔鍾意明明 d 野 plan 好曬，突然間又一次過 screw up 曬! 大失預算!!

2009 年 10 月 21 日 星期三 【晴】

拜金女孩的悲哀‥‥‥







我花很多時間在努力賺錢，因為錢不會背叛我。我的努力不會白費! 我這幾年來不停地補習，替別人做功課，接散 job，寫網頁，派傳單，做酒吧‥‥‥令自己忙得不可開交。到最後，我終於可以用自己辛辛苦苦賺來的錢去買車! 一輛簇新的跑車! $30,000 CAD ( ~ $210,000 HKD)  對很多人來說，也不是一個什麼大數字，但對於一個 21 歲的女孩子，也不算是一個小數目。

幾天後，我就應該可以取到新車了。那麼，下一個目標應該是什麼? 就好像那些以報仇為生存目的的人一樣，當殺掉了仇人之後，忽然覺得一陣空虛。雖然買車並不是我唯一的人生目標，但也算得上是一樣我辛苦了很多年，才靠自己能力得到的東西!

有了車之後，我要更加努力去賺錢養車，以及尋找我下一個目標。到底係養狗仔? 買樓? 出書? 定係嫁人? 頭果三樣，有錢就可以做得到，但最後果樣‥‥‥‥感情方面，我絕對承認自己係一個完完全全失敗的人! 青春一去不回頭，轉眼間，我已 21 歲。但身邊連一個可以讓我倚靠的男人也沒有。

算了吧 ! 勉強不來! 還是專心搵錢!

一日未搵到一個可以駕馭我，馴服我的男人，我會繼續做女強人。

& lt;br>
原來痛多幾次，就會慢慢習慣。

再一次證明了，「物競天擇，適者生存」的道理


>>October 21, 2009 at 8:17:18 AM GMT+8