2009 年 9 月 17 日 星期四 【晴】

今日番10 am，我遲左少少車細佬番學。8 : 40 am 先出門口，8:45 am drop 左佢番學之後，就行 404 落 downtown。塞車塞到呢‥‥‥不過我唔敢hup 眼訓，好努力咁小心渣車!

10 am 準時番到學校 ( 呼! 真係剛剛好準時咋! 無遲無早 )，果堂悶到想死，我又未買書，完全唔明佢講d 咩野。因為個 prof 係大陸黎既，d 英文好難聽‥‥‥

中間有 break，我就用呢個時間去 search 下唔同的 book store，格價。寫低曬 d ISBN，諗住上 amazon 再睇睇個價錢，然後先決定買唔買 and 去邊間買

原來之後果堂 cancel 左，我明明寫左落 calendar 但咁都可以唔記得! 唉! 我都唔知道自己有冇帶個腦番學‥‥‥有少少無辜咁等左 1 個鐘 ! 其實如果係咁的話，我可能今日直情唔番學囉‥‥‥又要俾 parking!

諗住 2 點過 d 渣番 404 上去會唔塞車啦~ 點知都係塞! 咁當然無日頭咁塞既‥‥‥

去 Korean supermarket 買左雞脾菇，金菇，翠玉瓜，seaweed salad，salmon

買完送就接細佬放學!

今晚都係由細佬煮雞，我就切雞脾菇，同埋切三文魚



d 雞脾菇唔係燶左，只不過唔知點解一加水，d 海鮮醬的顏色就突然加深‥‥‥

d 雞胸肉醃左 2 日，好入味!



食完飯之後大概 7 點幾，我有 d 唔舒服，再加上我坐係度都可以訓著，我知道我已經將身體推到接近極限。所以我就決定去訓，而且我無較鬧鐘，幾點醒就幾點醒啦!

訓緊教的時候有 2 個電話打黎，10: 30 pm 終於都起身!

今晚我食 orange 做生果，細佬就食西瓜。

2009 年 9 月 16 日 星期三 【晴】

今日終於可以唔使番早，不過一樣要早起身車細佬番學。

drop 完佢之後，番屋企再訓多陣。

3 pm 番學，呢堂比我想像中有趣，不過都好難啊! 有好多野都好抽象‥‥‥

6 pm 落堂，中間有半個鍾意break，俾我由一個 campus 行去另一個 campus

唔知點解，可以今日無咩陽光，我著短褲，所以就算上身有jacket 都凍到 PK

上完夜晚果堂之後，就渣車番屋企。9 pm 落堂，9 : 30 pm 已經可以飛到番上去。

今晚煎牛扒 ( 快手嘛 ^^ )，我都懶得整 d 咩野配菜，都咁夜啦‥‥‥好在細佬係等我番屋企之前，有食番尋晚剩低的薯茸，起碼唔會餓親佢。

食完野之後，細佬都有幫手洗碗! 真係好難得!

今晚都係食西瓜做生果‥‥‥

>>September 18, 2009 at 2:51:23 PM GMT+8

2009 年 9 月 15 日 星期二 【晴】

好累，個人真係累到散左。

今日只係星期二，但我覺得好似過左成個禮拜咁‥‥‥

今朝渣車番學，hup 眼訓，唔覺意鍚到前面架pick up truck 個尾。好彩我只係輕輕鬆開break 俾架車自己溜前，同埋撞的時候我都有 cover 住個 break，所以只係好小事咁 " kiss " 左一下‥‥‥我果下即刻驚到醒曬，好驚司機會落車x 交叉y 我，然後又要賠錢。好彩佢都知道，其實佢架車咩野事都無 (咁我係佢後面，所以我可以睇得好清楚，佢架車少少花少少凹都無。而我自己架車有冇花，我果刻就睇唔到‥‥‥之後我一直不停咁叫自己提起精神，唔好再 hup。但我真係好眼訓‥‥‥

泊好車之後第一件事就係check 下架車有冇事。好彩，真係少少花少少損壞都無。我太眼訓，一路cover 住個break 嫁啦，我錯誤 estimate 自己同前車的距離，and hup 埋左眼幾秒，一打開眼就見到 " 譁! 仆街啦! 咁近! " 我已經即時踩盡，不過就係我反應時間的零點幾秒入面，我始終都係輕輕 kiss 左前面架車。

有左今次經驗之後，我諗無論我以後幾眼訓都好，我都可以提醒自己唔好訓。今次真係好彩，下次唔知道會唔會仲咁好彩。

如常地番學，中間有一個鐘頭break，再加上第一堂早放左，所以有2hr break。我用黎食 lunch + 追番 d readings‥‥‥不過我係1個鐘入面，只係睇左11 pages >.<"

上堂好鬼死悶，唉~ 又要form 組。今次我好叻，我終於可以鼓起勇氣主動同d 唔識既人，問佢地可唔可以同我一組。

放左學之後就番屋企。係停車場果度，有個男人無啦啦同我講野。哈哈~ 加拿大就係咁嫁啦，陌生人會無啦啦同你傾計，講下天氣 / 無聊野。以前我會覺得好怪，但現在都習慣了。我好少會initiate，但如果人地 initiate，我都唔介意傾幾句，唔會淨係應完頭一句就唔出聲。

on the way home 買左 6 支 beer (Hoegaarden ), 一隻 Belgian 的white beer，同埋囉信

車細佬去學琴，之後我就快快手買送‥‥‥

買左三文魚 ($5)，牛扒 ($12)，chocolate milk ($5.xx)，orange juice ($3.5)，chicken breast ($3.5)，frozen fish ($5)。

買完送就飛番屋企，煮落d 送，然後去接番細佬。

今晚我選擇左 reheat 之前left over 的 mushed potatoes & 西蘭花，加 cheese and bacon 焗。

用 terriaky sause 炒雞胸肉

同埋用牛油焗三文魚

飯後果 -- PEACH !

& lt;/p>

之後問下細佬有咩功課做，make sure 佢所有野都 handle 到。然後就同佢傾我的time table，問佢prefer 我揀orange 定係 pink 果個 slot。佢prefer 我番orange，咁我諗我都會揀 orange 果個。不過都要等我聽日上一上果堂，囉份couse outline，睇下係唔係我自己想讀 / 可以handle 到先。唔想俾任何科拉低我 GPA，我讀書唔係為左學野，只係為左囉一個靚既 GPA，希望可以 first hornor 畢業。

食完飯仲要倒垃圾，之後我先可以真真正正咁抖一抖氣。

仲有 d bills 未交錢，car insurance 果度又要催下佢做番個 correction 俾我。

全身都好痛，又唔夠訓，我決定今晚咩野都唔做。淨係飲酒‥‥‥因為我今日已經好努力做左好多野‥‥‥

2009 年 9 月 14 日 星期一 【晴】

只係開左學短短幾日，我個人仲殘過出去蒲幾晚!

買送，賣書，煮 dinner‥‥‥教細佬做accounting，prepare 定聽日的 dinner‥‥‥

stay up 到凌晨 4:30 am 為左度好個 timetable

要 factor in 好多因素

1) 接唔接到細佬番學放學

2) 我起唔起到身

3) parking 使唔使俾貴 ( 因為通常 6am - 6pm 一個價錢，6pm 後又另一個價錢，如果橫跨兩個時段就要俾曬兩個時段的錢 )

4) 配唔配合我的 course ( 好似執藥咁，係group A 要揀幾科，group B 又要揀幾科。唔可以淨係揀曬一個 Group 入面既野 )

5) 個 prof 好唔好

6) 難唔難囉 A，多唔多 group project，使唔使 take attendance，使唔使買 textbook

7) 係邊個campus 上堂

8) 有冇prerequsit

9) 最後，當然係要所有堂都夾，唔可以有 time conflict

好多堂都 full 曬，變相我有的選擇唔多!

& lt;br>
依家暫時定左星五唔使番。我仲考慮緊，到底 keep 橙色格仔 ( Mon 11-1 and Tu 9-10 ) 定係 keep 桃紅色格仔 (Wed 3-6) 好

如果 keep 橙色的 pros就係不用付貴parking (因為 Wed parking 貴 )，cons 就係要番早堂 ( 車唔到細佬番學 )

如果 keep 桃紅色的 pros 就係將上面既野倒轉，即係我星期二朝早可以車到細佬番學，cons 就係要俾貴 parking ( 因為橫跨兩個時段 ) 同埋個 campus 都幾遠下，由果堂行去之後要上果堂果度，要 10 mins 多d‥‥‥

2009 年 9 月 13 日 星期日 【晴】

lunch 食左 kai B + rice ~ 不過唔記得影低相 >.<"

夜晚煮 dinner ，有黃色既翠玉瓜。我未食過黃色，之前次次都係食綠色的。其實大家食落去的味道差不多，Texture 都差不多，只不過係顏色上有少少分別。

& lt;br>
煮左公仔麵 + 煎蛋

& lt;br>
食完野仲要溫書，吸塵，洗碗‥‥‥


>>September 14, 2009 at 10:03:31 AM GMT+8

2009 年 9 月 12 日 星期六 【晴】

大名： Miss.S
電郵： [email protected]
說： 或者只是說者無心,聽者有意,
其實你真係好叻嫁啦,
要俾十個叻你
叻叻叻叻叻叻叻叻叻叻~
加油呀,支持你~~~ ^v^

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

我都知，係我太幼稚，為左 d 咁少既事而唔開心。
成熟 d 去諗，都應該係 " 言者無心聽者有意" 你講得岩!

謝謝你的支持!
__________________________________________________________________________________________________

尋晚 3 am 前就訓左，因為我實在太累了!

今日 8 點幾紮醒左，再訓番，訓到 11 點幾。

起身食左一舊 brownies 做早餐，之後就做左一連串既野，包括洗衫，收衫，晾衫，車細佬出去搵朋友，搵番 past paper 賣俾人，賣書，Credit transfer‥‥‥

我都唔明白點解大學 d 課程咁難明，又唔知點解 d student adviser 唔可以聰明d。佢俾左一份唔係 direct entry 既人要睇既文件俾我，睇左我半日都睇唔明。因為同網上果個有好大出入，我諗左好耐先知道，原來網上果個係岩，佢俾我果份都無錯，只不過 hard copy 果份唔係 for 我睇，而係 for 正常由入讀 year 1 的學生睇。

之後又花左好多時間去 figure out 有幾多個 credit transfer，同埋transfer 左 d credit 之後可以點用。

仲要 figure out 埋 d due dates ( 例如最遲 drop Fall semester 既 course w/o penalty 係幾時，幾時要交 winter semester 的學費，幾時要決定好 winter semester 讀咩野科 )

期間俾我發現左一個 shocking news ( 同學校無關，係我自己既私人事 )。我呆左半個鐘，真係好無心情做任何野!

7 pm 左右，焗左 2 舊 frozen fish fillet 黎食，不過無咩胃口。

打俾細佬問佢諗住幾點番，因為我要預時間車佢，同埋都擔心佢唔知去左邊。雖然佢已經 16 歲，但我始終都會 baby 佢，因為佢點都細過我嘛!

有朋友打黎問我近來點樣，我初頭都只係好簡單咁講下去 downtown 番學 d 無聊野。之後佢覺得我唔開心，咁我咪講埋其他既原因，點解我唔開心俾佢聽。點知佢聽完之後話我好細路仔! 我都知我細路仔! 我都知道果d 野我唔值得去唔開心，但係感覺就係感覺! 我話我覺得感覺係控制唔到，只可以控制自己的行為。但係佢就認為感覺係是乎你點件事，至於每個人睇野既角度係可以改變。我都費事同佢嘈，總之就係唔開心啦!

近日殘左好多，眼袋好大‥‥‥但我懶得敷 mask，又或者做任何急救的措施。我真係好累，好想好好咁訓番覺，好想可以有人幫我 massage。但唔係個個人都按得好，按得唔好既我寧願佢唔好按。

隻眼又發炎，耳仔又發炎，全身都成日發炎。好煩，都唔明白點解我的體質咁差! 有好多生活習慣比我差 100 倍既人，反而無呢 d 問題‥‥‥‥



>>September 13, 2009 at 1:03:25 PM GMT+8